സാം ആന്റോ പുത്തന്‍കളത്തിന് ലീഡര്‍ഷിപ്പ് അവാര്‍ഡ്

ജോയിച്ചന്‍ പുതുക്കുളം

ടെന്നസി: 2017-ലെ കമ്യൂണിറ്റി ലീഡര്‍ഷിപ്പിനുള്ള ബര്‍ഷെയര്‍ ഹാത്ത് വേ ടെന്നസി റീജിയണ്‍ പുരസ്കാരത്തിന് സാം ആന്റോ പുത്തന്‍കളം അര്‍ഹനായി. വിവിധ മേഖലകളിലുള്ള സംഭാവനകള്‍ പരിഗണിച്ചാണ് അവാര്‍ഡിന് തെരഞ്ഞെടുത്തത്.

നാഷ് വില്ലി ടെന്നസിയിലെ സാമൂഹ്യ മേഖലകളില്‍ നിറസാന്നിധ്യമാണ് സാം ആന്റോ. ഹൈ സ്കില്‍ഡ് ഇമിഗ്രേഷന്‍ മേഖലയിലെ ഗ്രീന്‍കാര്‍ഡ് ബാക്ക് ലോഗ് പരിഹരിക്കുന്നതിനുവേണ്ടി 2007 മുതല്‍ സജീവമായി പരിശ്രമം നടത്തുന്നു.

കേരള അസോസിയേഷന്‍ നാഷ്‌വില്‍, ഗ്രേറ്റര്‍ നാഷ് വില്ലി റിയേല്‍റ്റര്‍ അസോസിയേഷന്‍, ഇമിഗ്രേഷന്‍ വോയ്‌സ് ടെന്നസി തുടങ്ങിയ സംഘടനകളുടെ നേതൃനിരയില്‍ പ്രവര്‍ത്തിക്കുന്നതോടൊപ്പം, ഫോമ ഇമിഗ്രേഷന്‍ സെല്‍ ചെയര്‍മാനായും പ്രവര്‍ത്തിക്കുന്നു.