എക്യുമെനിക്കല്‍ കൂട്ടായ്മ സന്ധ്യ അനുഗ്രഹസന്ധ്യയായി

ജോയിച്ചന്‍ പുതുക്കുളം

ഷിക്കാഗോ: എക്യുമെനിക്കല്‍ കൗണ്‍സില്‍ ഓഫ് കേരള ചര്‍ച്ചസ് ഇന്‍ ഷിക്കാഗോയുടെ ആഭിമുഖ്യത്തില്‍ നടത്തപ്പെട്ട പ്രഥമ ഫെലോഷിപ്പ് നൈറ്റ് അനുഗ്രഹസന്ധ്യയായി മാറി. മാര്‍ത്തോമ്മാ, സി.എസ്.ഐ., യാക്കോബായ, ഓര്‍ത്തഡോക്‌സ്, കാത്തോലിക്കാ സഭകള്‍ ഉള്‍പ്പെടുന്ന 15 ദൈവാലയങ്ങളിലെ വൈദീകരും, 2017-18 വര്‍ഷത്തെ കൗണ്‍സില്‍ അംഗങ്ങളും കുടുംബാംഗങ്ങളും, അഭ്യുദയകാംക്ഷികളും ഒത്തുചേര്‍ന്ന കൂട്ടായ്മ സന്ധ്യ എക്യുമെനിക്കല്‍ പ്രവര്‍ത്തനങ്ങളില്‍ വേറിട്ട കാഴ്ച സമ്മാനിച്ചു. ആത്മീയ ആഘോഷങ്ങള്‍ നിറഞ്ഞ നവ്യാനുഭൂതി പകര്‍ന്ന ഫെല്ലോഷിപ്പ് നൈറ്റ് വന്‍ വിജയവും കൗണ്‍സില്‍ പ്രവര്‍ത്തനങ്ങള്‍ക്ക് പുതിയ മാനവും സൃഷ്ടിച്ചു.

ജനുവരി 27 ശനിയാഴ്ച വൈകിട്ട് 5 മണിക്ക് ആരംഭിച്ച പരിപാടികളില്‍ പ്രാരംഭമായി ഏവര്‍ക്കും സൗഹൃദ ബന്ധങ്ങള്‍ ഊട്ടിയുറപ്പിക്കുന്നതിനുള്ള അവസരമായി മാറി. റവ.ഫാ. ബോബന്‍ വട്ടംപുറത്തിന്റെ പ്രാര്‍ത്ഥനയോടു കൂടി ആരംഭിച്ച പൊതു സമ്മേളനത്തില്‍ എക്യുമെനിക്കല്‍ കൗണ്‍സില്‍ സെക്രട്ടറി ഗ്ലഡ്‌സണ്‍ വര്‍ഗ്ഗീസ് ഏവരെയും സ്വാഗതം ചെയ്തു. കൗണ്‍സില്‍ പ്രസിഡന്റ് റവ. ഏബ്രഹാം സ്കറിയ ഭദ്രദീപം കൊളുത്തി പ്രോഗ്രാം ഔപചാരികമായി ഉത്ഘാടനം ചെയ്തു. കൗണ്‍സില്‍ അംഗങ്ങളും കുടുംബാംഗങ്ങളും അവതരിപ്പിച്ച വൈവിധ്യമാര്‍ന്ന പരിപാടികള്‍ ഏവര്‍ക്കും ആനന്ദത്തിന്റെ നിമിഷങ്ങള്‍ സമ്മാനിച്ചു. സംഗീതമേള, കവിതകള്‍, നൃത്തം, ചിരിയരങ്ങ് തുടങ്ങീ കലാമൂല്യങ്ങള്‍ നിറഞ്ഞ പരിപാടികള്‍ക്ക് ഫെലോഷിപ്പ് നൈറ്റ് വേദിയായി.

റവ. ഷിബു റജിനാള്‍ഡ്, ജോര്‍ജ്ജ് പണിക്കര്‍, റവ. ബൈജു മാര്‍ക്കോസ്, സൂസന്‍ ഇടമല, കാല്‍വിന്‍ ആന്റോ കവലയ്ക്കല്‍, നെവിന്‍ ഫിലിപ്പ്, മോന്‍സി ചാക്കോ, സുനീന ചാക്കോ, മത്തായി വി. തോമസ് (തമ്പി) എന്നിവര്‍ ശ്രുതിമധുരമായ ഗാനങ്ങള്‍ ആലപിച്ചു. റവ. ബൈജു മാര്‍ക്കോസ്, റവ. ഡോ. കെ. ശലോമോന്‍ എന്നിവര്‍ കവിതയും, ജാസ്മിന്‍ ജെയിംസ് പുത്തന്‍പുരയില്‍ നൃത്തവും അവതരിപ്പിച്ചു. റവ. ഫാ. മാത്യൂസ് ജോര്‍ജ്ജ്, ബഞ്ചമിന്‍ തോമസ് എന്നിവര്‍ അവതരിപ്പിച്ച ചിരിയരങ്ങ് ഏവരുടെയും ശ്രദ്ധ പിടിച്ചുപറ്റി.

ജോണ്‍സണ്‍ കണ്ണൂക്കാടന്‍, റ്റീന തോമസ് എന്നിവര്‍ അവതാരകരായി പൊതുസമ്മേളനവും കലാസന്ധ്യയും നിയന്ത്രിച്ചു. ഫെല്ലോഷിപ്പ് നൈറ്റ് ജനറല്‍ കണ്‍വീനര്‍ ആന്റോ കവലയ്ക്കല്‍ സമ്മേളനത്തില്‍ സംബന്ധിച്ച ഏവര്‍ക്കും നന്ദി രേഖപ്പെടുത്തി. റവ. ഡോ. കെ. ശലോമോന്‍ അച്ചന്‍ നേതൃത്വം നല്‍കിയ പ്രാര്‍ത്ഥനയ്ക്കും, റവ. ഏബ്രഹാം സ്കറിയ അച്ചന്റെ ആശിര്‍വ്വാദത്തോടും കൂടി ഫോല്ലോഷിപ്പ് നൈറ്റിന് മംഗള പരിസമാപ്തിയായി.

ഈ പ്രോഗ്രാമിന്റെ വിജയകരമായ നടത്തിപ്പിനായി റവ. ഡോ. മാത്യു പി. ഇടിക്കുള ചെയര്‍മാനായും, ആന്റോ കവലയ്ക്കല്‍ കണ്‍വീനറായും, റവ. ഷിബു റെജിനാള്‍ഡ്, റവ. ജോണ്‍ മത്തായി, ബഞ്ചമിന്‍ തോമസ്, മാത്യു മാപ്ലേറ്റ്, പ്രേംജിത്ത് വില്യംസ്, ജെയിംസ് പുത്തന്‍പുരയില്‍, രഞ്ജന്‍ ഏബ്രഹാം, പ്രവീണ്‍ തോമസ്, ജോര്‍ജ്ജ് പണിക്കര്‍, മാത്യു കരോട്ട്, ആഗ്നസ് മാത്യു, സുനീന ചാക്കോ, സിനില്‍ ഫിലിപ്പ്, ഏലിയാമ്മ പുന്നൂസ് എന്നിവര്‍ അടങ്ങുന്ന കമ്മറ്റി നേതൃത്വം നല്‍കി.

ബിഷപ്പ് മാര്‍ ജേക്കബ് അങ്ങാടിയത്ത്, ബിഷപ്പ് മാര്‍ ജോയി ആലപ്പാട്ട് എന്നിവര്‍ രക്ഷാധികാരികളായും, റവ. ഏബ്രഹാം സ്കറിയ (പ്രസിഡന്റ്), റവ. മാത്യൂസ് ജോര്‍ജ്ജ് (വൈ. പ്രസിഡന്റ്), ഗ്ലാഡ്‌സണ്‍ വര്‍ഗ്ഗീസ് (സെക്രട്ടറി), റ്റീന തോമസ് (ജോ. സെക്രട്ടറി), ജോണ്‍സണ്‍ കണ്ണൂക്കാടന്‍ (ട്രഷറാര്‍) എന്നിവര്‍ ഷിക്കാഗോ എക്യുമെനിക്കല്‍ കൗണ്‍സിലിനു നേതൃത്വം നല്‍കുന്നു.

സജി കരിമ്പന്നൂര്‍ മലയാളി അസോസിയേഷന്‍ ഓഫ് സെന്‍ട്രല്‍ ഫ്‌ളോറിഡ പ്രസിഡന്റ്, റ്റിറ്റോ ജോണ്‍ സെക്രട്ടറി

ജോയിച്ചന്‍ പുതുക്കുളം

ഫ്ളോറിഡ: താമ്പാ: അമേരിക്കന്‍ മലയാളികളുടെ മുത്തശ്ശി സംഘടനകളില്‍ ഒന്നായ മലയാളി അസോസിയേഷന്‍ ഓഫ് സെന്‍ട്രല്‍ ഫ്ളോറിഡാ (എം.എ.സി.എഫ്) അതിന്റെ 28-മത് വര്‍ഷത്തെ ഭാരവാഹികളെ പ്രഖ്യാപിച്ചു.

സജി കരിമ്പന്നൂര്‍ പ്രസിഡന്റായ കമ്മറ്റിയെ, അസോസിയേഷന്‍ ആസ്ഥാനമായ കേരളാ കള്‍ച്ചറല്‍ ഹാളില്‍ വച്ച് നടന്ന ആനുവല്‍ ജനറല്‍ ബോഡിയാണ് തെരഞ്ഞെടുത്തത്. കഴിഞ്ഞ 28 വര്‍ഷമായി ജനശബ്ദത്തിന്റെ അടയാളമായി മാറിക്കഴിഞ്ഞ എം.എ.സി.എഫിന്റെ പ്രവര്‍ത്തനങ്ങള്‍ പഠനാര്‍ഹമാണ്. അതിന് മതിയായ തെളിവാണ് ജനപക്ഷ ഇടപെടലുകളില്‍ അഗ്‌നി പകരുന്ന സംഘടനയുടെ നാളിതുവരെയുള്ള പ്രവര്‍ത്തനങ്ങള്‍.

നിരന്തര സഹവര്‍ത്തിത്വവും, ഭാരത സംസ്കാരത്തിന്റെ ആധാരശിലയായ സമസൂഷ്ട സ്നേഹവും, പാശ്ചാത്യസംസ്കാരത്തിന്റെ സദ്ഗുണങ്ങളും സമന്വയിപ്പിച്ച് മാറ്റത്തിന്റെ മറ്റൊരു വിജയഗാഥ രചിക്കുവാന്‍ സംഘടനയ്ക്ക് സാധിച്ചു. ലക്ഷ്യം പോലെ മാര്‍ഗ്ഗങ്ങളും സംശുദ്ധമായിരുന്നു. പോയ ഓരോ പ്രവര്‍ത്തന വര്‍ഷങ്ങളിലും ഓരോരോ കര്‍മ്മ പരിപാടികള്‍ മലയാളി അസോസിയേഷന്റെ അമരക്കാര്‍ ആസൂത്രണം ചെയ്തിരുന്നു.

ഒറ്റപ്പെട്ട ജീവിതങ്ങള്‍ക്ക് കൈത്താങ്ങാവുന്ന ആതുരസേവനഗ്രൂപ്പ്, മാതൃഭാഷയുടെ തനതായ സംസ്കാരത്തിന്റെ മാഹാത്മ്യം ഉയര്‍ത്തിപ്പിടിക്കുന്ന, കലോല്‍സവങ്ങള്‍, ഗ്രാന്റ് ഫിനാലേകള്‍, പരിസ്ഥിതിയെ സംരക്ഷിക്കാനുതകുന്ന സെമിനാറുകള്‍ മാതൃപിതൃവാല്‍സല്യത്തിന്റെ സനാതന ചൈതന്യം തിരിച്ചറിഞ്ഞ് ജീവിത സായാഹ്നത്തില്‍ എത്തിയവര്‍ക്കായി അസോസിയേഷന്റെ സ്വന്തം ആസ്ഥാനമായ കേരളാ കള്‍ച്ചറല്‍ സെന്റര്‍ (കെ.സി.സി.)യില്‍ മന്തിലി ഗാതറിങ്ങുകള്‍, കനല്‍ വഴികള്‍ താങ്ങി ഒടുങ്ങാത്ത സര്‍ഗ്ഗശേഷിയുടെ പ്രതീകമായ മലയാള സാഹിത്യ പ്രതിഭകള്‍ക്കും സാമുദായിക സാംസ്കാരിക നായകന്‍മാര്‍ക്കുമുള്ള അവാര്‍ഡ്ദാനങ്ങള്‍, നമ്മുടെ ജന്‍സില്‍ കൂടിയിരിക്കുന്ന ഗൃഹാതുരതകളുടെ നേര്‍കാഴ്ചകളായ ഓണം, ക്രിസ്തുമസ്, റംസാന്‍ തുടങ്ങിയവകളുടെ ആഘോഷരാവുകള്‍, മീഡിയാസെമിനാറുകള്‍, നാടകോല്‍സവങ്ങള്‍, ഭാഷാ മലയാളത്തിന്റെ കാല്‍പനികതയ്ക്ക് നിറസൗന്ദര്യവും, സൗരഭ്യവും പകര്‍ന്നുതരുന്ന സാഹിത്യ സമ്മേളനങ്ങള്‍, രചനാ മല്‍സരങ്ങള്‍, അംബ്രല്ലാ അസോസിയേഷനുകളായ ഫോമാ, ഫൊക്കാന, ലാന തുടങ്ങിയവകളുമായി സഹകരിച്ചു സൗഹൃദ സമ്മേളനങ്ങള്‍ ഒരു വര്‍ഷം നീണ്ടു നിന്ന എം.എ.സി.എഫ് സില്‍വര്‍ ജൂബിലി മഹോത്സവ് 2015′ അങ്ങനെ എണ്ണിയാലൊടുങ്ങാത്ത നിരവധി അഭിമാനമുഹൂര്‍ത്തങ്ങളുടെ വീരഗാഥയാണ് വിനയപൂര്‍വ്വം എം.എ.സി.എഫിന് പറയുവാനുള്ളത്.

ഈ സംഘനീതിയുടെ മൂല്യംതിരിച്ചറിഞ്ഞ്, കുലീനവും സുതാര്യവുമായ നേര്‍വഴിയിലൂടെ അഭ്രത്തിളക്കുകയാണ്. സമ്പല്‍സമൃദ്ധമായ മലയാണ്‍മയില്‍ നിന്നും ആര്‍ജവം ഉള്‍ക്കൊണ്ട്കൊണ്ട് നിരവധി കര്‍മ്മ പരിപാടികള്‍ ആണ് ഈ പ്രവര്‍ത്തനവര്‍ഷം സംഘാടകര്‍ ആസൂത്രണം ചെയ്തിരിക്കുന്നത്.

ഏതൊരു സമൂഹത്തിന്റെയും പ്രതീക്ഷകളും സ്വപ്നങ്ങളുമായ യുവജനങ്ങള്‍ക്ക് പ്രാധാന്യം കൊടുത്തുകൊണ്ട് കോളജ് പ്രിപ്പറേഷന്‍ സെമിനാര്‍, ഇന്തോ അമേരിക്കന്‍ ബന്ധങ്ങള്‍ ഊട്ടി ഉറപ്പിക്കുന്ന വിസാക്യാമ്പുകള്‍, സാര്‍ത്ഥകമായ ജീവിതത്തിലേക്ക് നമ്മെ കൈപിടിച്ചുയര്‍ത്തി, കനല്‍ വഴികള്‍ താണ്ടി നിസംഗരായി വിശ്രമിക്കുന്ന നമ്മുടെ ജനങ്ങള്‍ക്കും, മറ്റെല്ലാ ഗണത്തില്‍പ്പെട്ടവര്‍ക്കുമായി തികച്ചും സൗജന്യമായി മന്ത്‌ലി ഗാഥറിംഗ് കരാക്കേ നൈറ്റ്, മെഗാഷോ 2018, ഓണം, ക്രിസ്തുമസ്, റംസാന്‍ ആഘോഷങ്ങള്‍, അക്ഷരങ്ങള്‍ കൊണ്ട് മേല്‍ക്കൂര പണിയുന്ന നമ്മുടെ മലയാള സാഹിത്യകാരന്‍മാര്‍ക്കായി ലാനയുമായി സഹകരിച്ച് സാഹിതീ ശിബിരങ്ങള്‍, വായനയില്‍ അഭിരമിക്കുന്നവര്‍ക്കായി എം.എ.സി.എഫിന്റെ വിശാലമായ റഫറന്‍സ് ലൈബ്രറി, അതോടൊപ്പം ചേര്‍ത്തു പ്രവര്‍ത്തിക്കുന്ന കമ്പ്യൂട്ടര്‍ ക്ലാസ്സുകള്‍, കിഡ്സ് ക്ലബുകള്‍, ദൈവത്തിന്റെ സ്വന്തം കൈയ്യൊപ്പു പതിഞ്ഞ നഴ്‌സിംഗ് മേഖലയില്‍ പ്രവര്‍ത്തിക്കുന്ന ആതുരസേവകര്‍ക്കും ഭിഷഗ്വരന്‍മാര്‍ക്കുമായി ഹെല്‍ത്ത് സെമിനാര്‍, ഹെല്‍ത്ത് ക്ലബുകള്‍, മലയാള നാടകത്തെ അതിന്റെ നിറഭാവുകത്തോടെ നോക്കിക്കണ്ട് മലയാളി അസോസിയേഷന്‍ ഓഫ് സെന്‍ട്രല്‍ ഫ്ളോറിഡാ അംഗങ്ങളെ ഉള്‍പ്പെടുത്തിക്കൊണ്ട് “മെഗാ ഗ്രാമ 2018′, മൂവി ക്ലബുകള്‍, ഡാന്‍സ് സിനിമാറ്റിക്ക് ഡാന്‍സ് ക്ലാസുകള്‍, സ്ത്രീശാക്തീകരണത്തിന്റെ പ്രതീകമായി നിലകൊള്ളുന്ന എം.എ.സി.എഫിന്റെ വിമന്‍സ് ഫോറത്തിന്റെ നേതൃത്വത്തില്‍ മെഗാ ഫ്യൂഷന്‍, തിരുവാതിര, മാര്‍ഗ്ഗംകളി, തുടങ്ങിയവ ഈ വര്‍ഷത്തെ പരിപാടികളില്‍ ചിലതു മാത്രമാണ്.

ജീര്‍ണ്ണതയില്‍ അകപ്പെട്ട സമൂഹത്തെ വെറുതെ മോഹിപ്പിച്ചിട്ട് കാര്യമില്ല. പകരം കണ്ണുംകാതും തുറന്നുള്ള പ്രവര്‍ത്തക സമൂഹത്തെയാണ് നമുക്കാവശ്യം. നേരിന്റെ ഉപ്പ് ഉള്ളില്‍ കാത്ത് സൂക്ഷിക്കുന്ന, മുച്ചൂടും സേവനസന്നദ്ധരായ ഒരു കൂട്ടം മനുഷ്യസ്നേഹികളാണ് കഴിഞ്ഞ 28 വര്‍ഷങ്ങളായി എം.എ.സി.എഫിന്റെ വെബ്സൈറ്റ് സന്ദര്‍ശിക്കാവുന്നതാണ്.

ഓഫീസ് വിലാസം: 606 Lena Ave, Seffner Florida 33584.(Kerala Culturel Center, MACF).

2018 ലെ ഭാരവാഹികളുടെ പേരുവിവരങ്ങള്‍ ചുവടെ ചേര്‍ക്കുന്നു:
മലയാളി അസോസിയേഷന്‍ ഓഫ് സെന്‍ട്രല്‍ ഫ്‌ളോറിഡ (എം.എ.സി.എഫ്) 2018 കമ്മിറ്റി:

സജി കരിമ്പന്നൂര്‍ (പ്രസിഡന്റ്), സുനില്‍ വര്‍ഗീസ് (പ്രസിഡന്റ് ഇലക്ട്), ടിറ്റോ ജോണ്‍ (സെക്രട്ടറി), ജോയി കുര്യന്‍ (ട്രഷറര്‍), ജയേഷ് നായര്‍ (ജോയിന്റ് സെക്രട്ടറി), അമിതാ അശ്വത് (ജോയിന്റ് ട്രഷറര്‍).

ബോര്‍ഡ് ഓഫ് ഡയറക്‌ടേഴ്‌സ്: പ്രൊഫ. ബാബു തോമസ്, ബോബി കുരുവിള, ജോമോന്‍ ജോസഫ്, ഫാ. സിറില്‍ ഡേവി, ജേക്കബ് വര്‍ഗീസ്, ജെഫ് പുതുശേരില്‍, ജേക്കബ് തൈക്കൂട്ടത്തില്‍, പാര്‍വതി രവി, റിന്റു ബെന്നി.

ട്രസ്റ്റ് ബോര്‍ഡ്: ടി. ഉണ്ണികൃഷ്ണന്‍ (ചെയര്‍മാന്‍), സാല്‍മോന്‍ മാത്യു, ബാബു തോമസ്, ജയിംസ് ചെരുവില്‍, സാജന്‍ കോര, ലിജു ആന്റണി.

സബ് കമ്മിറ്റി ചെയര്‍മാന്‍മാര്‍: ജയിംസ് ഇല്ലിക്കല്‍, ടോമി മ്യാല്‍ക്കരപ്പുറത്ത്, ഫ്രാന്‍സീസ് വയലുങ്കല്‍, ഷീല ഷാജു, ലക്ഷ്മി രാജേശ്വരി, അനീന ലിജു, ഷിബു തണ്ടാശേരില്‍.

വിമന്‍സ് ഫോറം: സാലി മച്ചാനിക്കല്‍, മിനി ജോണ്‍, മേഴ്‌സി ഉതുപ്പാന്‍, കാതറിന്‍ ചക്കാലയ്ക്കല്‍, മേഴ്‌സി പുതുശേരില്‍, ഡോണാ ഉതുപ്പാന്‍, മിനി റെയ്‌നോള്‍ഡ്.

സബ് കമ്മിറ്റി ഹെഡ്‌സ്: ഷാജു ഔസേഫ്, എഡ്വേര്‍ഡ് വര്‍ഗീസ്, ആന്‍സി ജോസഫ്, ഡെന്‍ജു ജോര്‍ജ്, റിയാ ജോജി, ജോസ്‌ന ജിബില്‍, ഏബ്രഹാം ചാക്കോ, ജോര്‍ജ് കുര്യാക്കോസ്, രാജന്‍ ഇട്യാടത്ത്.

നവ ഇന്ത്യയ്ക്ക്അടിത്തറ പാകുന്നതിനും സഹായകരമായ ഒരു ബജറ്റ് :പ്രധാനമന്ത്രി

ഈ ബജറ്റിന് ധനകാര്യമന്ത്രി ശ്രീഅരുണ്‍ ജെയ്റ്റ്‌ലിയെ ഞാന്‍ അഭിനന്ദിക്കുന്നു. ഈ ബജറ്റ് നവ ഇന്ത്യയുടെഅടിത്തറകൂടുതല്‍ശക്തമാക്കും. അടിസ്ഥാന സൗകര്യം മുതല്‍ കാര്‍ഷിക മേഖല വരെയുള്ള വിഷയങ്ങളിലാണ് ഈ ബജറ്റ് ശ്രദ്ധചെലുത്തുന്നത്. ഒരുവശത്ത് ഈ ബജറ്റ് പാവപ്പെട്ടവരുടെയും ഇടത്തരക്കാരുടെയും ആരോഗ്യ ആശങ്കകള്‍ പരിഹരിക്കുന്നതിനുള്ള പദ്ധതികളെക്കുറിച്ച് പറയുമ്പോള്‍ മറുവശത്ത്‌രാജ്യത്തെ ചെറുകിടസംരംഭകരുടെ സമ്പത്ത് വര്‍ദ്ധിപ്പിക്കാനുള്ള പദ്ധതിയാണ് തയാറാക്കുന്നത്. ഭക്ഷ്യസംസ്‌ക്കരണം മുതല്‍ ഫൈബര്‍ ഒപ്റ്റിക്‌സ്‌ വരെ, റോഡു മുതല്‍ ഷിപ്പിംഗ്‌ വരെ, യുവജനങ്ങളുടെയും മുതിര്‍ന്ന പൗരന്മാരുടെയും ആശങ്കകളും ഗ്രാമീണ ഇന്ത്യ മുതല്‍ ആയുഷ്മാന്‍ ഇന്ത്യ വരെ, ഡിജിറ്റല്‍ ഇന്ത്യ മുതല്‍ സ്റ്റാര്‍ട്ട് അപ്പ് ഇന്ത്യ വരെ മറ്റു പല മേഖലകളിലും ഇത്‌ വ്യാപരിക്കുകയാണ്.

രാജ്യത്തെ 125 കോടി ജനങ്ങളുടെ അഭിലാഷങ്ങള്‍ക്ക് ഈ ബജറ്റ് ഊര്‍ജ്ജസ്വലത നല്‍കുമെന്നാണ് പ്രതീക്ഷിക്കുന്നത്. ഇത്‌ രാജ്യത്തിന്റെ വികസന പ്രക്രിയ വേഗത്തിലാക്കുമെന്ന് പ്രതീഷിക്കുന്നു. ഇത്കര്‍ഷകര്‍ക്കും സാധാരണക്കാര്‍ക്കും സൗഹൃദപരവും വ്യാപാരാന്തരീക്ഷ സൗഹൃദ ബജറ്റുമാണ്. വ്യാപാരവും ജീവിതവും ആയാസരഹിതമാക്കുകയാണ് ഈ ബജറ്റിന്റെ കേന്ദ്രബിന്ദു. ഇടത്തരക്കാര്‍ക്ക് കൂടുതല്‍ സമ്പാദ്യം, ഇരുപത്തിയൊന്നാം നൂറ്റാണ്ടിലെ ഇന്ത്യയ്ക്ക്‌ വേണ്ടി പുതുതലമുറ അടിസ്ഥാനസൗകര്യം, പിന്നെ മികച്ച ആരോഗ്യഉറപ്പും-ഇതെല്ലാം ജീവിതം ആയാസരഹിതമാക്കുന്നതിനുള്ള മൂര്‍ത്തമായ നടപടികളാണ്.

രാജ്യത്തിന്റെ പുരോഗതിക്കായി പഴങ്ങളുടെയും പച്ചക്കറികളുടെയും റെക്കാര്‍ഡ്ഉല്‍പ്പാദനത്തിലൂടെ നമ്മുടെ കര്‍ഷകര്‍ വലിയ തരത്തിലുള്ള സംഭാവനകളാണ് നല്‍കിയത്. കര്‍ഷകരുടെ അഭിവൃദ്ധിക്കും അവരുടെ വരുമാനം വര്‍ദ്ധിപ്പിക്കുന്നതിനും ഈ ബജറ്റില്‍ നിരവധി നടപടികളുണ്ട്. ഗ്രാമീണ വികസനത്തിനും കാര്‍ഷിക മേഖലയ്ക്കുമായി 14.5 ലക്ഷം കോടിയുടെ റെക്കാര്‍ഡ്തുകയാണ്‌ വകയിരുത്തിയിരിക്കുന്നത്. നമ്മുടെ 51 ലക്ഷം പുതിയ ഭവനങ്ങള്‍, മൂന്നുലക്ഷം കിലോമീറ്റര്‍ റോഡ്, ഏകദേശം രണ്ടുകോടി ശൗചാലയങ്ങള്‍, 1.75 കോടികുടുംബങ്ങള്‍ക്ക്‌ വൈദ്യുതി കണക്ഷന്‍ തുടങ്ങിയ പദ്ധതികള്‍ പീഡിതരും പിന്നോക്കക്കാരും ദളിതരുമായ ജനവിഭാഗങ്ങള്‍ക്ക് ഏറെ ഗുണം ചെയ്യും. ഈ മുന്‍കൈകള്‍ പുതിയ അവസരങ്ങള്‍ പ്രത്യേകിച്ച് ഗ്രാമീണമേഖലയില്‍ സൃഷ്ടിക്കും.

കര്‍ഷകരുടെ ഉല്‍പ്പന്നങ്ങള്‍ക്ക്‌ വേതനത്തിന്റെ ഒന്നരയിരട്ടിവിലയായി നല്‍കുന്നതിനുള്ള തീരുമാനത്തെ ഞാന്‍ അഭിനന്ദിക്കുകയാണ്. കര്‍ഷകര്‍ക്ക് ഈ തീരുമാനത്തിന്റെ അടിസ്ഥാനത്തിലുള്ള മുഴുവന്‍ ആനുകൂല്യവും ലഭിക്കുന്നത് ഉറപ്പാക്കുന്നതിന് സംസ്ഥാനങ്ങളുമായി ചര്‍ച്ച ചെയ്ത് ഒരു മികച്ച സംവിധാനം കൊണ്ടുവരും.’ ഓപ്പറേഷന്‍ ഗ്രീന്‍സ്’ പ്രത്യേകിച്ച് പഴങ്ങളും പച്ചക്കറികളും കൃഷി ചെയ്യുന്ന കര്‍ഷകര്‍ക്ക് ഈ ദിശയിലേക്കുള്ള കാര്യക്ഷമമായ ഒരു സംവിധാനമാണെന്ന്‌ തെളിയിക്കപ്പെടും. പാലുല്‍പ്പാദന മേഖലയിലെ കര്‍ഷകര്‍ക്ക് ന്യായവില ഉറപ്പാക്കുന്നതിന് അമുല്‍ എങ്ങനെ പ്രവര്‍ത്തിച്ചുവെന്ന് നമ്മള്‍ കണ്ടതാണ്. നമ്മുടെ രാജ്യത്ത്‌ വ്യവസായത്തിന്റെ വികസനത്തിന് വഴിവച്ച ക്ലസ്റ്റര്‍ അടിസ്ഥാന സമീപനവും നമുക്ക്അറിവുള്ളതാണ്. ഇതൊക്കെ മനസില്‍ വച്ചു കൊണ്ട്‌ വിവിധ ജില്ലകളില്‍ ഉല്‍പ്പാദിപ്പിക്കുന്ന കാര്‍ഷിക ഉല്‍പ്പന്നങ്ങള്‍ക്കായി കാര്‍ഷിക ക്ലസ്റ്റര്‍ സംവിധാനം രാജ്യത്തെ അങ്ങോളമിങ്ങോളമുള്ള ജില്ലകളില്‍ സ്വീകരിക്കും. കാര്‍ഷിക മേഖലയില്‍ പ്രത്യേക കാര്‍ഷിക ഉല്‍പ്പന്നങ്ങള്‍ ഉല്‍പ്പാദിപ്പിക്കുന്ന ജില്ലകളെ കണ്ടെത്തിയ ശേഷം സംഭരണം, സംസ്‌ക്കരണം വിപണനം എന്നിവയ്ക്ക്‌ വേണ്ടിയുള്ള പദ്ധതികളെ ഞാന്‍ അഭിനന്ദനിക്കുന്നു.

നമ്മുടെ രാജ്യത്ത്‌ സഹകരണ സ്ഥാപനങ്ങളെ ആദായ നികുതിയില്‍ നിന്നും ഒഴിവാക്കിയരിക്കുകയാണ്. എന്നാല്‍ സഹകരണ സംഘങ്ങളെപ്പോലെയുള്ള കാര്‍ഷിക ഉല്‍പ്പാദന സംഘടനകള്‍ക്ക് (ഫാര്‍മര്‍ പ്രൊഡ്യൂസര്‍ ഓര്‍ഗനൈസേഷന്‍സ്-എഫ്പി.ഒ) ഈ ആനുകൂല്യം ലഭിക്കുന്നില്ല. അതുകൊണ്ട് കര്‍ഷകരുടെ ക്ഷേമത്തിനായി രൂപീകരിക്കപ്പെട്ട എഫ്.പി.ഒകള്‍ക്ക് ആദായനികുതി ഇളവ് നല്‍കുന്നത്‌ സ്വാഗതാര്‍ഹമായ നടപടിയാണ്. ജൈവ, സുഗന്ധദ്രവ്യ, ഔഷധകൃഷിയില്‍ ഏര്‍പ്പെട്ടിരിക്കുന്ന വനിതാസ്വയം സഹായസംഘകളുമായി എഫ്.പി.ഒകളെ ബന്ധിപ്പിച്ചത്കര്‍ഷകരുടെ വരുമാനം വര്‍ദ്ധിപ്പിക്കും. അതുപോലെ ഗോബര്‍-ധന്‍ യോജന ഗ്രാമങ്ങളെ ശുചിത്വമുള്ളതായി സൂക്ഷിക്കുന്നതിന് സഹായിക്കും.

അതോടൊപ്പം കന്നുകാലി വളര്‍ത്തുന്നവരുടെ വരുമാനം വര്‍ദ്ധിപ്പിക്കുകയും ചെയ്യും. നമ്മുടെ രാജ്യത്ത് കര്‍ഷകര്‍ കാര്‍ഷിക വൃത്തിയോടൊപ്പം മറ്റ് പലജോലികളിലും ഏര്‍പ്പെടാറുണ്ട്. ചിലര്‍ മത്സ്യ കൃഷിയിലേര്‍പ്പെടും ചിലര്‍ മൃഗസംരക്ഷണത്തിലായിരിക്കും. മറ്റു ചിലര്‍ കോഴിവളര്‍ത്തല്‍, തേനീച്ച വളര്‍ത്തല്‍, തുടങ്ങിയവലിലേര്‍പ്പെടാറുണ്ട്. ഇത്തരത്തിലുള്ള അധികപ്രവര്‍ത്തനങ്ങള്‍ക്ക് ബാങ്കുകളില്‍ നിന്നും വായ്പ ലഭിക്കുന്നതിന് കര്‍ഷകര്‍ക്ക് ബുദ്ധിമുട്ട് നേരിടുന്നുമുണ്ട്. കിസാന്‍ ക്രെഡിറ്റ്കാര്‍ഡിലൂടെ മത്സ്യകൃഷിക്കും മൃഗപരിപാലനത്തിനും വായ്പ ലഭ്യമാക്കുന്നത്‌ വളരെ ഫലപ്രദമായ നടപടിയാണ്. ഇന്ത്യയിലെ 700 ജില്ലകളിലായി ഏകദേശം 7000 ബ്ലോക്കുകളുണ്ട്. ഈ ബ്ലോക്കുകളില്‍ നവീനാശയങ്ങള്‍, കണക്ടിവിറ്റി എന്നിവ വര്‍ദ്ധിപ്പിക്കുകയെന്ന ലക്ഷ്യത്തോടെ 22,000 ഗ്രാമീണവ്യാപാര കേന്ദ്രങ്ങളും ഇവയുടെ ആധുനികവല്‍ക്കരണവും നടത്തുന്നത്കര്‍ഷകരുടെ വരുമാനവും തൊഴിലവരസരങ്ങളും വര്‍ദ്ധിപ്പിക്കുകയും ചെയ്യുന്നതിനോടൊപ്പം ഇവ കാര്‍ഷികാടിസ്ഥാന ഗ്രാമീണകാര്‍ഷിക സമ്പദ്ഘടനയുടെ കേന്ദ്രങ്ങളുമാകും. പ്രധാനമന്ത്രി ഗ്രാമീണസഡക്ക്‌ യോജനയുടെ കീഴില്‍ ഇപ്പോള്‍ ഗ്രാമങ്ങളെ വിപണികളുമായി, ഉന്നത വിദ്യാഭ്യാസ കേന്ദ്രങ്ങളുമായും ആശുപത്രികളുമായും ബന്ധിപ്പിക്കുകയാണ്. ഇത് ഗ്രാമവാസികളുടെ ജീവിതം കുടുല്‍ സുഖകരമാക്കും.

ഉജ്ജ്വല്‍യോജനയിലൂടെ ജീവിതം ലളിമാക്കുന്നതിന്റെ വിപുലീകരണം നാം കണ്ടതാണ്. ഈ പദ്ധതികള്‍ പാവപ്പെട്ട സ്ത്രീകളെ പുകയില്‍ നിന്നും രക്ഷിക്കുക മാത്രമല്ല, അവരുടെ ശാക്തീകരണത്തിന്റെ ഏറ്റവും വലിയ സ്രോതസ്സുമായി. ഉജ്ജ്വലയുടെ ലക്ഷ്യം 5 കോടി കുടുംബങ്ങളില്‍ നിന്ന്എട്ടുകോടിയായി ഉയര്‍ത്തിയതില്‍ ഞാന്‍ സന്തോഷവാനാണ്. ഈ പദ്ധതിയിലൂടെ വലിയ അളവില്‍ ദളിത്, ഗോത്രവര്‍ഗ്ഗ, പിന്നാക്ക വിഭാഗകുടുംബങ്ങള്‍ക്കാണ് നേട്ടമുണ്ടായത്. പട്ടികജാതി-വര്‍ഗ്ഗ വിഭാഗത്തിന്റെക്ഷേമത്തിനായി ഈ ബജറ്റ്ഏകദേശം ഒരുലക്ഷം കോടി രൂപയാണ് നീക്കിവച്ചിരിക്കുന്നത്.

മെഡിക്കല്‍ ചികിത്സയും അതിന്റെ വലിയ ചെലവും എന്നും സമൂഹത്തിലെ പാവപ്പെട്ട ഇടത്തരം വിഭാഗങ്ങള്‍ക്ക്‌വലിയആശങ്കയുളവാക്കുന്നതാണ്. ബജറ്റില്‍ അവതരിപ്പിച്ചിരിക്കുന്ന ‘ആയുഷ്മാന്‍ ഭാരത്’ എന്ന പുതിയ പദ്ധതി ഈ ഗൗരവമായ പ്രശ്‌നത്തെ അഭിസംബോധന ചെയ്യും. രാജ്യത്തെ 10 കോടി പാവപ്പെട്ട ഇടത്തരം കുടുംബങ്ങള്‍ക്ക് ഈ പദ്ധതിയുടെ പ്രയോജനം ലഭ്യമാകും. അതായത് 40-45 കോടി ജനങ്ങള്‍ക്ക്ഇത് പരിരക്ഷനല്‍കും. ഈ പദ്ധതിയുടെ അടിസ്ഥാനത്തില്‍ തെരഞ്ഞെടുക്കപ്പെട്ട ആശുപത്രികളില്‍ ഈ കുടുംബങ്ങള്‍ക്ക് പ്രതിവര്‍ഷം 5 ലക്ഷം രൂപയുടെ സൗജന്യ ചികിത്സ ലഭിക്കും. ഇതുവരെയുള്ളയുള്ളതില്‍ ഗവണ്‍മെന്റ്‌ചെലവ്‌ വഹിക്കുന്ന ലോകത്തെ ഏറ്റവും വലിയ ആരോഗ്യ ഇന്‍ഷ്വറന്‍സ് പദ്ധതിയാണിത്. രാജ്യത്തെ പ്രധാനപ്പെട്ട എല്ലാ പഞ്ചായത്തുകളെയും ഉള്‍ക്കൊണ്ടു കൊണ്ട് 1.5 ലക്ഷം ആരോഗ്യക്ഷേമകേന്ദ്രങ്ങള്‍ ആരംഭിക്കുകയെന്നത് അഭിനന്ദനീയമായ കാര്യമാണ്. ഗ്രാമങ്ങളില്‍ ജീവിക്കുന്നവര്‍ക്ക് ആരോഗ്യ സുരക്ഷാസേവനം എളുപ്പത്തില്‍ ലഭ്യമാക്കുന്നതിന് സഹായിക്കും. രാജ്യത്ത്അങ്ങോളമിങ്ങോളമായി 24 പുതിയ മെഡിക്കല്‍ കോളജുകള്‍ ആരംഭിക്കാനുള്ള തീരുമാനം ചികിത്സയ്ക്ക് മാത്രമല്ല, യുവാക്കള്‍ക്ക്‌ മെഡിക്കല്‍ വിദ്യാഭ്യാസം നല്‍കുന്നതിനും സഹായകരമാകും. രാജ്യത്താകമാനം മൂന്ന്‌ലോക്‌സഭാ നിയോജകമണ്ഡലങ്ങളെ ഉള്‍ക്കൊണ്ടുകൊണ്ട് ഒരു മെഡിക്കല്‍ കോളജ് സ്ഥാപിക്കുന്നതിനുള്ള ശ്രമമാണ് നമ്മുടേത്.

മുതിര്‍ന്ന പൗരന്മാരെ മുന്നില്‍ കണ്ടുകൊണ്ട് നിരവധി പ്രധാനപ്പെട്ട തീരുമാനങ്ങളാണ് ഈ ബജറ്റില്‍ എടുത്തിരിക്കുന്നത്. ഇപ്പോള്‍ പ്രധാനമന്ത്രി വയോവന്ദ്യപദ്ധതിയുടെ അടിസ്ഥാനത്തില്‍ മുതിര്‍ന്ന പൗരന്മാര്‍ക്ക് 15 ലക്ഷം രൂപയ്ക്ക്‌ വരെ 8% പലിശ ലഭിക്കും. ബാങ്കിലേയും പോസ്റ്റ്ഓഫീസിലേയും നിക്ഷേപങ്ങളുടെ 50,000 രൂപ വരെയുള്ള യുവയുടെ പലിശയ്ക്ക് ആദായനികുതിചുമത്തുകയുമില്ല. 50,000 രൂപ വരെയുള്ള ആരോഗ്യസുരക്ഷ ഇന്‍ഷ്വറന്‍സ് പ്രീമിയത്തിനേയും നികുതിയില്‍ നിന്നും ഒഴിവാക്കിയിട്ടുണ്ട്. അതിന് പുറമെ ഗുരുതരമായ അസുഖങ്ങളുടെ ചികിത്സയ്ക്കായി ചെലവാക്കുന്ന ഒരുലക്ഷം രൂപ വരെയ്ക്കും നികുതിയിളവുണ്ട്.

നമ്മുടെ രാജ്യത്തെ സൂക്ഷ്മചെറുകിടഇടത്തരംസംരംഭങ്ങള്‍ അല്ലെങ്കില്‍എം.എസ്.എം.ഇകള്‍ക്ക്ദീര്‍ഘകാലം വന്‍കിട വ്യവസായങ്ങളെക്കാള്‍ഉയര്‍ന്ന നികുതി നല്‍കേണ്ടിവന്നിട്ടുണ്ട്. ശക്തമായ നടപടിയുടെ ഭാഗമായി ഈ ബജറ്റ്എം.എസ്.എം.ഇകളുടെ നികുതി നിരക്കില്‍ 5% കുറവുവരുത്തി. നിലവില്‍അവര്‍ക്ക് മുമ്പ് നല്‍കിയിരുന്ന 30% നികുതിക്ക് പകരം 25% നല്‍കിയാല്‍മതി. എം.എസ്.എം.ഇ പദ്ധതികള്‍ക്ക് ആവശ്യംവേണ്ടമൂലധനം ഉറപ്പാക്കുന്നതിനായി ബാങ്കുകളില്‍ നിന്നും എന്‍.ബി.എഫ്.സികളില്‍ നിന്നുംവായ്പ ലഭ്യമാക്കുന്നത്എളുപ്പമാക്കി. മെയ്ക്ക്ഇന്‍ ഇന്ത്യദൗത്യത്തിന് ഇത്ഊര്‍ജ്ജസ്വലത പകരും.

വന്‍കിടവ്യവസായസ്ഥാപനങ്ങളുടെനിഷ്‌ക്രിയആസ്ഥിമൂലംഎം.എസ്.എം.ഇകള്‍വലിയ സമ്മര്‍ദ്ദത്തിലാണ്. മറ്റുള്ളവരുടെതെറ്റിന് ചെറുകിടസംരംഭകര്‍ ബുദ്ധിമുട്ടാന്‍ പാടില്ല. അതുകൊണ്ട് നിഷ്‌കൃയആസ്തിയുടെയുംതിരിച്ചടവില്ലാത്ത വായ്പയുടെയും പ്രശ്‌നങ്ങള്‍ പരിഹരിക്കുന്നതിനുള്ളതിരുത്തല്‍ നടപടികള്‍ഗവണ്‍മെന്റ് ഉടന്‍ പ്രഖ്യാപിക്കും.

തൊഴിലവസരങ്ങള്‍ വര്‍ദ്ധിപ്പിക്കുന്നതിനും തൊഴിലാളികളുടെസാമൂഹികസുരക്ഷയ്ക്കുമായിവളരെദൂരവ്യാപക പ്രത്യാഘാതങ്ങളുണ്ടാക്കുന്ന നിരവധി നടപടികള്‍ഗവണ്‍മെന്റ്‌കൈക്കൊണ്ടു. ഇത് അനൗപചാരികമേഖലയില്‍ നിന്നും ഔപചാരികമേഖലയിലേക്കുള്ളമാറ്റത്തിന് പ്രേരണനല്‍കുകയും പുതിയതൊഴിലവസരങ്ങള്‍സൃഷ്ടിക്കുകയുംചെയ്യും. മൂന്നുവര്‍ഷത്തേക്ക് പുതുതായി പണിക്ക്‌ചേരുന്ന തൊഴിലാളികളുടെ ഇ.പി.എഫിന്റെ 12% ഗവണ്‍മെന്റ്‌സംഭാവനചെയ്യുംഅതിന് പുറമെ പുതിയ വനിതാജീവനക്കാരുടെ ഇ.പി.എഫ്‌വിഹിതം 12% ല്‍ നിന്നും 8% മായിമൂന്നുവര്‍ഷത്തേക്ക് കുറയ്ക്കുകയുംചെയ്തു. അതുകൊണ്ട്അവര്‍ക്ക്‌വീട്ടില്‍കൊണ്ടുപോകാവുന്ന ശമ്പളം വര്‍ദ്ധിക്കുകയും തൊഴിലവസരങ്ങള്‍കൂടുകയുംചെയ്തിട്ടുണ്ട്. അതേസമയംതൊഴിലുടമയുടെസംഭാവന 12% ആയിതന്നെ നിലനിര്‍ത്തിയിട്ടുമുണ്ട്. പണിയെടുക്കുന്ന വനിതകളെശാക്തീകരിക്കുന്നതിനുള്ളഒരു പ്രധാനപ്പെട്ട നടപടിയാണിത്.

നവ ഇന്ത്യ എന്ന സ്വപ്‌നം സാക്ഷാത്കരിക്കണമെങ്കില്‍ സാധാരക്കാരുടെജീവിതംസുഗമമാക്കുകയുംവികസനത്തിന് സ്ഥിരത നല്‍കുകയുംവേണം. അതിന് ഇന്ത്യയ്ക്ക്അടുത്ത തലമുറ പശ്ചാത്തലസകര്യംആവശ്യമുണ്ട്. ഡിജിറ്റല്‍ഇന്ത്യയുമായി ബന്ധപ്പെട്ട അടിസ്ഥാനസൗകര്യവികസനത്തിന് പ്രത്യേകഊന്നല്‍ നല്‍കിയിട്ടുണ്ട്. ഇതിനായി 6ലക്ഷം കോടിരൂപയാണ്‌വകയിരുത്തിയിരിക്കുന്നത്. ഇത്കഴിഞ്ഞ വര്‍ഷത്തേക്കാള്‍ഒരുലക്ഷംകോടിരൂപ കൂടുതലാണ്. ഈ പദ്ധതികള്‍രാജ്യത്ത് നാനാവിധത്തിലുള്ളതൊഴിലവസരങ്ങള്‍ വര്‍ദ്ധിപ്പിക്കും.

ശമ്പളക്കാര്‍ക്കും ഇടത്തരക്കാര്‍ക്കും നികുതിയിളവ് നല്‍കിയതിന് ഞാന്‍ ധനമന്ത്രിയെഅഭിനന്ദിക്കുകയാണ്.

ഓരോഇന്ത്യന്‍ പൗരന്റേയുംസങ്കല്‍പ്പത്തിനനുസരിച്ച് ഈ ബജറ്റ്എത്തിയിട്ടുണ്ട്. കര്‍ഷകര്‍ക്ക്അവരുടെവിളകള്‍ക്ക്‌ലാഭകരമായവില, പാവപ്പെട്ടവരുടെഉന്നമനം, അതിന് വേണ്ടക്ഷേമപദ്ധതികള്‍, നികുതി നല്‍കുന്ന പൗരന്റെസത്യസന്ധതയെ മാനിക്കല്‍, ശരിയായ നികുതിഘടനയിലൂടെസംരംഭകരുടെതാല്‍പര്യംഉള്‍ക്കൊള്ളല്‍, മുതിര്‍ന്ന പൗരന്മാര്‍ രാജ്യത്തിന് നല്‍കിയസംഭാവനകളെ മാനിക്കുകഎന്നിവയെല്ലാം ഈ ബജറ്റ്‌ചെയ്യുന്നുണ്ട്.

ജീവിതം സുഖകരമാക്കുന്നതിനും നവ ഇന്ത്യയ്ക്ക്അടിത്തറ പാകുന്നതിനും സഹായകരമായ ഒരു ബജറ്റ്അവതരിപ്പിച്ചതിന് ധനമന്ത്രിക്കും അദ്ദേഹത്തിന്റെ ടീമിനും എന്റെ ഹൃദയം നിറഞ്ഞ അഭിനന്ദനങ്ങള്‍.

ജോസ് സെബാസ്റ്റ്യന്‍ – ഫോമാ ജോ: ട്രഷറര്‍ സ്ഥാനാര്‍ഥി

ജോയിച്ചന്‍ പുതുക്കുളം

ഫെഡറേഷന്‍ ഓഫ് മലയാളി അസോസിയേഷന്‍ ഇന്‍ അമേരിക്കാസ് (ഫോമാ ) ന്റെ 2018 – 2020 കാലയളവിലേയ്ക്കുള്ള നാഷണല്‍ കമ്മറ്റിയുടെ ജോ. ട്രഷറര്‍ സ്ഥാനത്തേക്ക് ജോസ് സെബാസ്റ്റ്യന്‍ മത്സരിക്കുന്നു . നാട്ടിലും , ഗള്‍ഫിലും , അമേരിക്കയിലുടനീളവും അതിവിശാലമായ സൗഹൃദവലയമുള്ള ഇദ്ദേഹം കാലാകാലങ്ങളായി മലയാളിയുടെ സാമൂഹിക -സാംസ്ക്കാരിക രംഗങ്ങളിലെ വിസ്മരിക്കാനാവാത്ത സജീവസാന്നിധ്യമാണ് . ചെറുപ്പത്തില്‍ നാഷണല്‍ സര്‍വീസ് സ്കീമിലൂടെ സാമൂഹ്യസേവന രംഗത്ത് ചുവടുറപ്പിച്ച ജോസ് സെബാസ്‌ററ്യന്‍ പിന്നീട് ആ അനുഭവസമ്പത്ത് കൈമുതലാക്കി അറബിനാടുകളില്‍ പ്രവാസികളുടെ ഇടയിലും അവരുടെ പ്രശ്‌നപരിഹാരങ്ങള്‍ക്കായി അഹോരാത്രം പ്രവര്‍ത്തിച്ച അയാളാണ് .

ആ പ്രവര്‍ത്തനപാരമ്പര്യം അമേരിക്കയിലും തുടര്‍ന്ന ജോസ്, ഇന്ന് സീറോ മലബാര്‍ കാത്തലിക് കോണ്‍ഗ്രസ് (എസ്.എം.സി.സി) ദേശീയ ട്രഷററായും, സൗത്ത് ഫ്‌ളോറിഡ കേരളാ ബോട്ട് ക്ലബ് ട്രഷറര്‍ ആയും , കുറവിലങ്ങാട് സംഗമം ഓഫ് സൗത്ത് ഫ്‌ളോറിഡാ പ്രസിഡണ്ട് ആയും ഇപ്പോള്‍ പ്രവര്‍ത്തിച്ചു വരുന്നു . കേരളസമാജം ഉള്‍പ്പടെയുള്ള സംഘടനകളിലെ സജീവസാന്നിധ്യവും , കൂടാതെ ഒട്ടനവധി സംഘടനകളുടെ ഭാരവാഹിയായ പ്രവര്‍ത്തിച്ചിട്ടുള്ള ജോസ് സെബാസ്‌ററ്യന്‍ സാമൂഹ്യസേവന രംഗത്ത് തന്റെതായ കാഴ്ചപ്പാടും , പ്രവര്‍ത്തനരീതിയും കൈമുതലായിട്ടുള്ള ആളുമാണ് .

ഇപ്പോള്‍ സൗത്ത് ഫ്‌ളോറിഡാ പാല്‍മെറ്റോ ജനറല്‍ ഹോസ്പിറ്റലില്‍ റെസ്പിറേറ്ററി തെറാപ്പിസ്റ്റായി സേവനമനുഷ്ടിക്കുന്ന അദ്ദേഹം ഫ്‌ലോറിഡയിലെ അറിയപ്പെടുന്ന റിയല്‍ട്ടറും കൂടെയാണ് . എപ്പോഴും സുസ്മിതവദനനായി കാര്യങ്ങളെ നേരിടുന്ന ജോസ്, ഫോമാ ജോയിന്റ് ട്രഷറര്‍ സ്ഥാനത്തേക്ക് മത്സരിക്കുവാന്‍ ഏറ്റവും അനുയോജ്യനായ വ്യക്തി തന്നെയാണെന്ന് സുഹൃത്തുക്കള്‍ കരുതുന്നു .

ശിവന്‍ മുഹമ്മയും, ജോര്‍ജ് കാക്കനാടും ഇന്ത്യ പ്രസ് ക്ലബ് നേതൃനിരയിലേക്ക്

ജോയിച്ചന്‍ പുതുക്കുളം

ഇന്ത്യ പ്രസ് ക്ലബ് ഓഫ് നോര്‍ത്ത് അമേരിക്കയുടെ അഡൈ്വസറി ബോര്‍ഡ് ചെയര്‍മാനായി ശിവന്‍ മുഹമ്മയെയും, നിയുക്ത പ്രസിഡന്റായി ജോര്‍ജ് കാക്കനാടിനെയും തെരെഞ്ഞെടുത്തു.

കൈരളി ടി.വി യു.എസ്.എ ഡയറക്ടറായ ശിവന്‍ മുഹമ്മ 2008 മുതല്‍ 2009 വരെ ഇന്ത്യ പ്രസ് ക്ലബ് ചിക്കാഗോ ചാപ്റ്റര്‍ പ്രസിഡന്റ്, 2010-2011 ദേശീയ ജനറല്‍ സെക്രട്ടറി, 2016- 2017 കാലയളവില്‍ ദേശീയ പ്രസിഡന്റായും പ്രവര്‍ത്തിച്ചിട്ടുണ്ട്.

നിയുക്ത പ്രസിഡന്റായ ജോര്‍ജ് കാക്കനാട് , ആഴ്ചവട്ടം ന്യൂസ് വീക്കിലിയുടെ ചീഫ് എഡിറ്ററാണ്.ഇന്ത്യ പ്രസ് ക്ലബ് ഹ്യൂസ്റ്റന്‍ ചാപ്റ്റര്‍ പ്രസിഡന്റായും, 2016- 2017 കാലയളവില്‍ ദേശീയ ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്.

122-മത് സാഹിത്യ സല്ലാപത്തില്‍ ‘ജോസഫ് പുലിക്കുന്നേല്‍’ അനുസ്മരണം!

ജയിന്‍ മുണ്ടയ്ക്കല്‍

ഡാലസ്: ഫെബ്രുവരി മൂന്നാം തീയതി ശനിയാഴ്ച സംഘടിപ്പിക്കുന്ന നൂറ്റിയിരുപത്തിരണ്ടാമത് അമേരിക്കന്‍ മലയാളി സാഹിത്യ സല്ലാപം ‘ജോസഫ് പുലിക്കുന്നേല്‍ അനുസ്മരണം’ ആയിട്ടാകും നടത്തുക. മുഖം നോക്കാത്ത, സ്വതന്ത്രമായി ചിന്തിക്കുന്ന ഒരു മലയാള സാമൂഹിക സാമുദായിക പരിഷ്ക്കര്‍ത്താവായിരുന്നു കഴിഞ്ഞ മാസം അന്തരിച്ച ജോസഫ് പുലിക്കുന്നേല്‍. ‘ഓശാന’ മാസികയും ‘ഓശാന’ ബൈബിളും അദ്ദേഹത്തിന്‍റെ നേതൃത്വത്തിലാണ് പ്രസിദ്ധീകരിച്ചിരുന്നത്. ഒരു നല്ല സംഘാടകനും മനുഷ്യസ്നേഹിയും സാഹിത്യകാരനും കൂടിയായിരുന്നു പുലിക്കുന്നേല്‍. അമേരിക്കന്‍ മലയാളി സാഹിത്യ സല്ലാപത്തില്‍ പലതവണ അദ്ദേഹം പങ്കെടുത്തിട്ടുണ്ട്. അദ്ദേഹത്തിന്‍റെ അടുത്ത സുഹൃത്തുക്കളും സഹപ്രവര്‍ത്തകരും ഈ സല്ലാപത്തില്‍ പങ്കെടുക്കുന്നതാണ്. ഈ സല്ലാപത്തില്‍ പങ്കെടുക്കുവാനും, പുലിക്കുന്നേലിനെക്കുറിച്ചും പുലിക്കുന്നേല്‍ മാനവരാശിക്കും പ്രത്യേകിച്ച് കേരള കത്തോലിക്കാസഭയ്ക്കും ചെയ്ത സേവനങ്ങളെക്കുറിച്ചും കൂടുതല്‍ അറിയുവാനും, അമേരിക്കന്‍ മലയാളികളുമായി ബന്ധപ്പെട്ട മറ്റ് സാമൂഹിക സാഹിത്യ സാംസ്കാരിക ഭാഷാ വിഷയങ്ങള്‍ വിശദമായി ചര്‍ച്ച ചെയ്യുവാനും താത്പര്യമുള്ള എല്ലാ നല്ല ആളുകളെയും അമേരിക്കന്‍ മലയാളി സാഹിത്യ സല്ലാപത്തിലെയ്ക്ക് സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

2018 ജനുവരി ആറാം തീയതി ശനിയാഴ്ച സംഘടിപ്പിച്ച നൂറ്റിയിരുപത്തൊന്നാമത് അമേരിക്കന്‍ മലയാളി സാഹിത്യ സല്ലാപം ‘തെക്കേമുറിക്കൊപ്പം’ എന്ന പേരിലായിരുന്നു നടത്തിയത്. അമേരിക്കന്‍ മലയാളികള്‍ക്കിടയില്‍ അറിയപ്പെടുന്ന എഴുത്തുകാരനാണ് 60 വയസ്സ് പിന്നിട്ട തെക്കേമുറി. 25 വര്ഷം മുമ്പാണ് അദ്ദേഹത്തിന്‍റെ ആദ്യ പുസ്തകം പ്രസിദ്ധീകരിച്ചത്. അമേരിക്കന്‍ മലയാളി സാഹിത്യകാരന്മാരുടെ സംഘടനയായ ‘ലാന’യുടെ പ്രവര്‍ത്തകനാണ്‌ തെക്കേമുറി. അദ്ദേഹത്തിന്‍റെ സുഹൃത്തുക്കളും അഭ്യുദയകാംഷികളും ഈ സല്ലാപത്തില്‍ പങ്കെടുക്കുകയുണ്ടായി. തെക്കേമുറിയെക്കുറിച്ചും അദ്ദേഹത്തിന്‍റെ സാഹിത്യ സാമൂഹിക സംഘടനാ പ്രവര്‍ത്തനങ്ങളെക്കുറിച്ചും കൂടുതല്‍ മനസിലാക്കത്തക്കവിധം ചോദ്യോത്തരങ്ങളും ആശംസാ പ്രസംഗങ്ങളും വളരെ പ്രയോജനകരമായിരുന്നു.

ജോണ്‍ ആറ്റുമാലില്‍, ജോസഫ്‌ പൊന്നോലില്‍, അബ്ദുല്‍ പുന്നയൂര്ക്കളം, വര്‍ഗീസ്‌ എബ്രഹാം ഡെന്‍വര്‍, തോമസ്‌ ഫിലിപ്പ് റാന്നി, ചാക്കോ ജോസഫ്‌, ജോണ്‍ കാറ്റടി, ജോസഫ്‌ മാത്യു, സി. ആന്‍ഡ്റൂസ്, ഷീല, ജയിന്‍ മുണ്ടയ്ക്കല്‍ എന്നിവര്‍ ചര്‍ച്ചയില്‍ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളില്‍ നിന്നായി ധാരാളം ശ്രോതാക്കളും ഉണ്ടായിരുന്നു.

എല്ലാ മാസത്തിലെയും ആദ്യ ശനിയാഴ്ചയിലായിരിക്കും അമേരിക്കന്‍ മലയാളി സാഹിത്യ സല്ലാപം നടത്തുന്നത്. സല്ലാപത്തില്‍ പങ്കെടുക്കുവാന്‍ എല്ലാ ആദ്യശനിയാഴ്ചയും രാവിലെ പത്തു മുതല്‍ പന്ത്രണ്ട് വരെ (ഈസ്റേ്റണ്‍ സമയം) നിങ്ങളുടെ ടെലിഫോണില്‍ നിന്നും താഴെ കൊടുത്തിരിക്കുന്ന ടെലിഫോണ്‍ നമ്പരിലേയ്ക്ക് വിളിക്കാവുന്നതാണ് …..

1-857-232-0476 കോഡ് 365923

ടെലിഫോണ്‍ ചര്‍ച്ചയില്‍ പങ്കെടുക്കുന്ന എല്ലാവര്‍ക്കും ചോദ്യങ്ങള്‍ ചോദിക്കാന്‍ അവസരം ഉണ്ടായിരിക്കും. jain@mundackal.com , internationalmalayalam@gmail.com എന്ന ഇ-മെയില്‍ വിലാസങ്ങളില്‍ ചര്‍ച്ചയില്‍ അവതരിപ്പിക്കാന്‍ താത്പര്യമുള്ള വിഷയങ്ങളും ചോദ്യങ്ങളും മുന്‍കൂറായി അയച്ചു കൊടുക്കാവുന്നതാണ്. കൂടുതല്‍ വിവരങ്ങള്‍ക്ക് ബന്ധപ്പെടുക: 813-389-3395 / 469-620-3269

Join us on Facebook https://www.facebook.com/groups/142270399269590/

വേള്‍ഡ് മലയാളി കൗണ്‍സില്‍ ന്യൂയോര്‍ക്ക് പ്രോവിന്‍സിന്റെ റിപ്പബ്ലിക്ക്ദിനാഘോഷം

ജോയിച്ചന്‍ പുതുക്കുളം

ന്യൂയോര്‍ക്ക്: വേള്‍ഡ് മലയാളി കൗണ്‍സില്‍ ന്യൂയോര്‍ക്ക് പ്രോവിന്‍സിന്റെ നേത്രുത്വത്തില്‍ ഇന്ത്യയുടെ അറുപത്തൊമ്പതാമത് റിപ്പബ്ലിക്ക് ദിനാഘോഷം ജാനുവരി 25ന് ന്യൂയോര്‍ക്കിലെ ക്യൂന്‌സിലുള്ള ടെയിസ്റ്റ് ഓഫ് കൊച്ചിനില്‍ (Taste of Cochin) വച്ച് ആഘോഷിച്ചു.

ന്യൂയോര്‍ക്ക് പ്രോവിന്‍സിന്റെ 2018- 20 ലെ ഭാരവാഹികളുടെ തിരഞ്ഞെടുപ്പിന് ശേഷം ആദ്യത്തെ ആഘോഷ പരിപാടിയായിരുന്നു ഈ ചടങ്ങ്. കോശി ഉമ്മന്‍ തോമസിന്റെ (ഡബ്ല്യു.എം.സി പ്രസിഡന്റ്) അദ്ധ്യക്ഷതയില്‍ കൂടിയ ഈ യോഗത്തില്‍ നവനേതൃത്വത്തിന്റെ ഉത്തരവാദിത്വത്തെ പറ്റിയും, കൂടുതല്‍ പേരെ ഈ സംഘടനയില്‍ ചേര്‍ക്കുന്നതിനും, അമേരിക്കയില്‍ വളര്‍ന്നുവരുന്ന നമ്മുടെ പുതിയ തലമുറ ഉത്തമ പൗരന്മാരെ വാര്‍ത്തെടുക്കുക എന്ന ലക്ഷ്യത്തോടെ ന്യൂയോര്‍ക്കിലുള്ള മറ്റ് മലയാളി സംഘടനകളെകൂടി ഉള്‍പ്പെടുത്തി സെമിനാറുകളും വര്‍ക്ക്‌ഷോപ്പുകളും നടത്തുന്നതിന്റെ ആവശ്യകതയെപറ്റിയും സംസാരിച്ചു.

ഇന്ത്യ റിപ്പബ്ലിക്ക് ആയിട്ട് 69 വര്‍ഷം തികഞ്ഞുവെങ്കിലും വന്‍കിട പരേഡുകള്‍ അരങ്ങേറുന്ന നഗരങ്ങളില്‍ നിന്നും വളരെയേറെ വ്യത്യസ്ഥമാണ് ഭാരതീയ ഗ്രാമങ്ങളുടെ അവസ്ഥ. ഇന്ത്യയുടെ എല്ലാ ഗ്രാമങ്ങളിലും വികസനം കടന്നു ചെല്ലുമ്പോള്‍ മാത്രമേ ഇന്ത്യയുടെ റിപ്പബ്ലിക്ക് ദിനാഘോഷങ്ങള്‍ക്ക് സമ്പൂര്‍ണ്ണ വിജയം ലഭിക്കുകയുള്ളൂ. ആ ദിനം നമ്മുക്ക് സ്വപ്നം കാണാം. ഈ 69താമത് റിപ്പബ്ലിക്ക് ദിനാഘോഷങ്ങള്‍ക്ക് എന്റെ എല്ലാ വിധ ആശംസകളും നേരുന്നു.

ചെയര്‍മാന്‍ പോള്‍ ചുള്ളിയിലിന്റെ സ്വാഗത പ്രസംഗത്തില്‍ ലോകമലയാളി കൗണ്‍സില്‍ മറ്റ് മലയാളി സമൂഹത്തിന് ഗുണകരമായി നല്‍കേണ്ട സംഭാവനകളെ പറ്റി വിശദമായി സംസാരിച്ചു. ഓഗസ്റ്റ് 2426, 2018 ല്‍ ന്യൂജേഴ്‌സിയില്‍ വച്ച് നടത്താനിരിക്കുന്ന ലോകമലയാളി കൗണ്‍സിലിന്റെ പതിനൊന്നാമത് ബയന്യല്‍ വാര്‍ഷികത്തിന്റെ രജിസ്‌ട്രേഷന്‍ കിക്ക് ഓഫ് വരുന്ന ഏപ്രില്‍ 14ന് ടൈയിസന്‍ സെന്റെറില്‍ (ഫ്‌ളോറല്‍ പാര്‍ക്ക് ന്യൂയോര്‍ക്ക് ) Tyson Center Floral Park New York) നടത്തുവാനും തീരുമാനിച്ചു,

വിവിധ സാമുഹിക സാംസ്കാരിക സംഘടനകളുടെ നേതാക്കള്‍ പങ്കെടുത്ത ഈ ആഘോഷ ചടങ്ങില്‍ സാമൂഹിക തലത്തിലുള്ള ഉയര്‍ച്ചയിലും സമാധാനം കാത്തുസൂക്ഷിക്കുന്നതിലും ഉള്ള ഓരോ ഇന്ത്യന്‍ പൗരന്റെ മികവിനെകുറിച്ചും ന്യൂയോര്‍ക്ക് സിറ്റി കൗണ്‍സില്‍ മെംബര്‍ ഗ്രോടെന്‍ ചിക് ഉം, ഇന്ത്യയുടെ മികവുറ്റ വളര്‍ച്ച ആഗോളതലത്തില്‍ ശ്രദ്ധ നേടിയെന്നും, ഇന്ത്യ വലിയ ഒരു ശക്തിയായി വളര്‍ന്നു എന്നും ക്യൂന്‍സിലെയും ലോങ്ങ് അയലെണ്ട് ലെയും കമ്മ്യൂണിറ്റി നേതാക്കള്‍ പറഞ്ഞു. ഇവര്‍ ഡബ്ല്യു.എം.സിക്ക് പ്രത്യേക ആശംസകള്‍ അറിയിച്ചു.

സമുദ്രോല്‍പ്പന്ന മേഖലയിലെ പ്രതേകിച്ചു കയറ്റുമതി, ഇറക്കുമതി ഇവയുടെ പ്രാധാന്യത്തെകുറിച്ച് ഐ.എ.എസ് ഓഫീസര്‍ ജോണ്‍ കിഗ്‌സിലി സംസാരിച്ചു. കളത്തില്‍ വര്‍ഗീസ് വൈസ് ചെയര്‍മാന്‍ (നാസു കൗണ്ടി ഡമോക്രാറ്റിക് പാര്‍ട്ടി), വര്‍ഗീസ് ജോസഫ് (ഫോമ) ഇവര്‍ ഡബ്ല്യു.എം.സിക്ക് പ്രത്യേക ആശംസകള്‍ അറിയിച്ചു.

എക്‌സിക്യൂട്ടീവ് കൗണ്‍സില്‍ അഗംങ്ങളായ ശ്രീ .ചാക്കോ കോയിക്കലേത്ത് (അഡൈ്വസറി ബോര്‍ഡ്) മാതൃക പൗരന്മാരെ വാര്‍ത്തെടുക്കുന്നതില്‍ സംഘടനക്കുള്ള ഉത്തരവാദിത്വം പ്രത്യേകം എടുത്തു പറഞ്ഞു. മേരി ഫിലിപ്പ് (വൈസ് പ്രസിഡന്റ്) ആരോഗ്യ സെമിനാറുകള്‍ സംഘടിപ്പിക്കേണ്ട ആവശ്യത്തെപറ്റിയും, ലോകമലയാളി കൗണ്‍സില്‍ കാലത്തിന്റെ പ്രതീക്ഷയ്‌ക്കൊത്തുയരേണ്ട ബാധ്യതയെ പറ്റിയും പരാമര്‍ശിച്ചു. ഇവര്‍ ഡബ്ല്യു.എം.സിക്ക് പ്രത്യേക ആശംസകള്‍ അറിയിച്ചു. . സെക്രട്ടറി ജെയിന്‍ ജോര്‍ജ് എല്ലാവര്‍ക്കും നന്ദി പറഞ്ഞു

ലോകമലയാളി കൗണ്‍സില്‍ വാര്‍ഷികത്തിന്റെ രജിസ്‌ട്രേഷന്‍ കിക്ക് ഓഫ് നടത്തിപ്പിനായി പ്രത്യേകം കമ്മിറ്റി രൂപികരിച്ചു കഴിഞ്ഞു. ഇതിന്റെ പ്രോഗ്രാം കോഓര്‍ഡിനേറ്റര്‍ ആയി .ഷാജി എണ്ണശ്ശേരിലിനെ ചുമതലപ്പെടുത്തി. കൂടുതല്‍ വിവരങ്ങള്‍ക്ക് : 917 868 6960

ഫിലിപ്പ് മാരേട്ട് അറിയിച്ചതാണിത്.

അതിവേഗം വളരുന്ന സമ്പദ്‌വ്യവസ്ഥകളിലൊന്നായി ഇന്ത്യയെ മാറ്റുന്ന ബജറ്റ്

ന്യൂഡല്‍ഹി: കൃഷി, ഗ്രാമവികസനം, ആരോഗ്യം, വിദ്യാഭ്യാസം, തൊഴില്‍, ചെറുകിട-ഇടത്തരം സംരംഭങ്ങള്‍, അടിസ്ഥാനസൗകര്യം എന്നീ മേഖലകളെ ശാക്തീകരിക്കാന്‍ ലക്ഷ്യമിട്ടുള്ള ബജറ്റാണു കേന്ദ്ര ധനമന്ത്രി അരുണ്‍ ജെയ്റ്റ്‌ലി പാര്‍ലമെന്റില്‍ അവതരിപ്പിച്ചത്. തുടര്‍ച്ചയായുള്ള ഘടനാപരമായ പരിഷ്‌കാരങ്ങള്‍ ലോകത്തിലെ അതിവേഗം വളരുന്ന സമ്പദ്‌വ്യവസ്ഥകളിലൊന്നായി ഇന്ത്യയെ മാറ്റുമെന്ന് ഗവണ്‍മെന്റ് കരുതുന്നു. ഘടനാപരമായ പരിഷ്‌കാരങ്ങളോടു പൊരുത്തപ്പെടുന്നതില്‍ രാജ്യം മികവു കാട്ടിയെന്നു ബജറ്റ് പ്രസംഗത്തില്‍ ധനമന്ത്രി ചൂണ്ടിക്കാട്ടി. ഉല്‍പാദന, സേവന, കയറ്റുമതി രംഗങ്ങള്‍ വളര്‍ച്ചയുടെ പാതയിലായ സാഹചര്യത്തില്‍ രാജ്യം ക്രമേണ എട്ടു ശതമാനത്തിലേറെ വളര്‍ച്ച നേടുമെന്നാണു പ്രതീക്ഷ.

മിക്ക റാബി വിളകളുടേതുമെന്നപോലെ എല്ലാ അപ്രഖ്യാപിത ഖാരിഫ് വിളകളുടെയും കുറഞ്ഞ തറവില അവയുടെ ഉല്‍പാദനച്ചെലവിന്റെ ഒന്നര ഇരട്ടിയായിരിക്കും. 2018-19ലെ സുസ്ഥാപിത കാര്‍ഷിക വായ്പ 11 ലക്ഷം കോടിയിലേറെ രൂപയായി ഉയര്‍ത്തി. 2014-15ല്‍ ഇത് 8.5 ലക്ഷം കോടി രൂപയായിരുന്നു.

86% ചെറുകിട കര്‍ഷകരുടെ താല്‍പര്യങ്ങള്‍ സംരക്ഷിക്കുന്നതിനായി 22,000 തുറന്ന ഗ്രാമീണ വിപണികള്‍ സ്ഥാപിച്ച് അവ ഗ്രാമീണ കാര്‍ഷിക വിപണികളായി വികസിപ്പിക്കും

ഉരുളക്കിഴങ്ങ്, തക്കാളി, ഉള്ളി എന്നിവയുടെ വിലവ്യതിയാനം നിയന്ത്രിക്കുക വഴി കര്‍ഷകരെയും ഉപഭോക്താക്കളെയും സഹായിക്കുന്നതിനായി ‘ഓപ്പറേഷന്‍ ഗ്രീന്‍സ്’ പ്രഖ്യാപിച്ചു.

മല്‍സ്യബന്ധന, മൃഗപരിപാലന രംഗങ്ങള്‍ക്കായി പതിനായിരം കോടി രൂപയുടെ രണ്ടു പുതിയ ഫണ്ടുകള്‍ പ്രഖ്യാപിച്ചു. പുനഃസംഘടിപ്പിക്കപ്പെട്ട ദേശീയ ബാംബൂ മിഷന് 1290 കോടി രൂപ പ്രഖ്യാപിച്ചു.

കഴിഞ്ഞ വര്‍ഷം 42,500 കോടി രൂപയുടെ വായ്പയാണു വനിതാ സ്വാശ്രയ സംഘങ്ങള്‍ക്കു നല്‍കിയിരുന്നതെങ്കില്‍ 2019ല്‍ ഇത് 75,000 കോടി രൂപയായി ഉയര്‍ത്തും.

ദരിദ്രര്‍ക്കും മധ്യവര്‍ഗക്കാര്‍ക്കും സൗജന്യ പാചകവാതക കണക്ഷനുകളും വൈദ്യുതിയും ശൗചാലയങ്ങളും ലഭ്യമാക്കുന്നതിനുള്ള ഉജ്ജ്വല, സൗഭാഗ്യ, സ്വച്ഛ് മിഷന്‍ പദ്ധതികളുടെ പ്രവര്‍ത്തനം വ്യാപിപ്പിക്കും.

ആരോഗ്യം, വിദ്യാഭ്യാസം, സാമൂഹിക സുരക്ഷ എന്നിവയ്ക്കായുള്ള വിഹിതം 1.38 ലക്ഷം കോടി രൂപയായിരിക്കും. 2022 ആകുമ്പോഴേക്കും എല്ലാ ഗോത്രവര്‍ഗ ബ്ലോക്കുകളിലും താമസിച്ചു പഠിക്കാന്‍ സൗകര്യമുള്ളതും നവോദയ വിദ്യാലയങ്ങള്‍ക്കു സമാനവുമായ ഏകലവ്യ സ്‌കൂളുകള്‍ ആരംഭിക്കും. പിന്നാക്ക ജാതിക്കാര്‍ക്കായുള്ള ക്ഷേമഫണ്ട് വര്‍ധിപ്പിക്കും. ആരോഗ്യരംഗത്ത് ഉള്‍പ്പെടെയുള്ള മുന്‍നിര വിദ്യാഭ്യാസ സ്ഥാപനങ്ങളിലെ ഗവേഷണം, അടിസ്ഥാനസൗകര്യം എന്നീ രംഗങ്ങളില്‍ നിക്ഷേപം ലഭ്യമാക്കുന്നതിനായി ‘റീവൈറ്റലൈസിങ് ഇന്‍ഫ്രാസ്ട്രക്ചര്‍ ആന്‍ഡ് സിസ്റ്റംസ് ഇന്‍ എജ്യുക്കേഷന്‍ ബൈ 2022 (റൈസ്) എന്ന ബൃഹദ്പദ്ധതി പ്രഖ്യാപിച്ചു. നാലു വര്‍ഷത്തിനകം 1,00,000 കോടി രൂപയുടെ നിക്ഷേപമാണ് ലക്ഷ്യംവെക്കുന്നത്.

അധ്യയന നിലവാരം മെച്ചപ്പെടുത്തുന്നതിനായി 20 ലക്ഷം വിദ്യാര്‍ഥികള്‍ക്കിടയില്‍ സര്‍വേ നടത്തി. അധ്യാപകരുടെ പ്രകടനം മെച്ചപ്പെടുത്തുന്നതിനായി ഇന്റഗ്രേറ്റഡ് ബി.എഡ്. കോഴ്‌സുകള്‍ ആരംഭിക്കും. പ്രൈം മിനിസ്റ്റേഴ്‌സ് റിസര്‍ച്ച് ഫെല്ലോസ് (പി.എം.ആര്‍.എഫ്.) പദ്ധതിക്കും ഈ വര്‍ഷം തുടക്കമിടും. 1,000 ബി.ടെക് വിദ്യാര്‍ഥികള്‍ക്കു ഫെലോഷിപ്പ് നല്‍കും. ദാരിദ്ര്യരേഖയ്ക്കു താഴെയുള്ള കുടുംബങ്ങളിലെയും ഗ്രാമീണ കുടുംബങ്ങളിലെയും അംഗങ്ങളുടെ വിദ്യാഭ്യാസത്തിനും ആരോഗ്യത്തിനുമായി വ്യക്തിഗത ആദായ നികുതിയില്‍ നിന്നും കമ്പനി നികുതിയില്‍നിന്നും നാലു ശതമാനം ‘ഹെല്‍ത്ത് ആന്‍ഡ് എജുക്കേഷന്‍ സെസ്’ ഈടാക്കും. ഇതുവഴി 11,000 കോടി രൂപ സമാഹരിക്കാന്‍ സാധിക്കുമെന്നാണു പ്രതീക്ഷിക്കുന്നത്.

ചരക്കുസേവന നികുതി നടപ്പാക്കിയതിന് ശേഷം അവതരിപ്പിക്കപ്പെടുന്ന ആദ്യ ബജറ്റില്‍ പരോക്ഷനികുതികളില്‍ കസ്റ്റംസ് നികുതി സംബന്ധിച്ചാണു നിര്‍ദേശങ്ങള്‍ കൂടുതലും. മെയ്ക്ക് ഇന്‍ ഇന്ത്യ പദ്ധതികള്‍ പ്രോല്‍സാഹിപ്പിക്കല്‍, തൊഴിലവസരങ്ങള്‍ സൃഷ്ടിക്കല്‍ എന്നീ ലക്ഷ്യങ്ങള്‍ മുന്‍നിര്‍ത്തി കസ്റ്റംസ് തീരുവ പരിഷ്‌കരിച്ചിട്ടുണ്ട്. മൊബൈല്‍ ഫോണുകളുടെ കസ്റ്റംസ് തീരുവ 15 ശതമാനത്തില്‍നിന്ന് 20 ശതമാനമായി ഉയര്‍ത്താന്‍ നിര്‍ദേശിച്ചിട്ടുണ്ട്. കശുവണ്ടി സംസ്‌കരണം പ്രോത്സാഹിപ്പിക്കുന്നതിനായി കശുവണ്ടിക്കു മേലുള്ള കസ്റ്റംസ് തീരുവ നിലവിലുള്ള അഞ്ചു ശതമാനത്തില്‍നിന്ന് 2.5 ശതമാനമായി കുറച്ചു.

ചരക്കുസേവന നികുതി പ്രാബല്യത്തിലായ സാഹചര്യത്തില്‍ സെന്‍ട്രല്‍ ബോര്‍ഡ് ഓഫ് എക്‌സൈസ് ആന്‍ഡ് കസ്റ്റംസിന്റെ പേര് സെന്‍ട്രല്‍ ബോര്‍ഡ് ഓഫ് ഇന്‍ഡയറക്റ്റ് ടാക്‌സസ് ആന്‍ഡ് കസ്റ്റംസ് എന്നാക്കാനും ബജറ്റില്‍ നിര്‍ദേശമുണ്ട്.

രണ്ടാം ഘട്ട, മൂന്നാം ഘട്ട ചികില്‍സകള്‍ക്ക് ഒരു കുടുംബത്തിന് അഞ്ചു ലക്ഷം രൂപയെന്ന പരിധിയോടെ പത്തു കോടിയിലേറെ ദരിദ്ര കുടുംബങ്ങള്‍ക്കായി ആരോഗ്യ സംരക്ഷണ പദ്ധതി നടപ്പാക്കും. ഇത്തരത്തിലുള്ള ലോകത്തിലെ ഏറ്റവും ബൃഹത്തായ പദ്ധതിയായിരിക്കും ഇത്.

ധനക്കമ്മി 3.5 ശതമാനത്തില്‍ നിര്‍ത്താന്‍ സാധിച്ചു. 2018-19ല്‍ പ്രതീക്ഷിക്കുന്ന ധനക്കമ്മി 3.3 ശതമാനമാണ്. അടിസ്ഥാനസൗകര്യം ഒരുക്കുന്നതിനായി 5.97 ലക്ഷം കോടി അനുവദിച്ചു. പത്തു പ്രധാന വിനോദസഞ്ചാര കേന്ദ്രങ്ങള്‍ ഐക്കണിക് ടൂറിസ്റ്റ് കേന്ദ്രങ്ങളായി വികസിപ്പിക്കും.

കൃത്രിമ ബുദ്ധി സംബന്ധിച്ച ദേശീയതലപദ്ധതിക്കു നിതി ആയോഗ് മുന്‍കയ്യെടുക്കും.റൊബോട്ടിക്‌സ്, കൃത്രിമ ബുദ്ധി, ഇന്‍ര്‍നെറ്റ് തുടങ്ങിയ മേഖലകള്‍ക്കായി മികവിന്റെ കേന്ദ്രങ്ങള്‍ സ്ഥാപിക്കും.

2017-18ല്‍ ഓഹരി വിറ്റഴിക്കല്‍ വഴി ലക്ഷ്യമിട്ട 72,5000 കോടി രൂപ പിന്നിട്ട സാഹചര്യത്തില്‍ 2018-19ല്‍ ലക്ഷ്യം വെക്കുന്നത് 80,000 കോടി രൂപയാണ്. 2017-18ലെ വരുമാനം ഒരു ലക്ഷം കോടി കടക്കുമെന്നാണു പ്രതീക്ഷിക്കുന്നത്. പൊതുമേഖലാ ഇന്‍ഷുറന്‍സ് കമ്പനികളായ നാഷണല്‍ ഇന്‍ഷുറന്‍സ് കമ്പനി ലിമിറ്റഡ്, യുനൈറ്റഡ് ഇന്ത്യ അഷ്വറന്‍സ് കമ്പനി ലിമിറ്റഡ്, ഓറിയന്റല്‍ ഇന്ത്യ ഇന്‍ഷുറന്‍സ് കമ്പനി ലിമിറ്റഡ് എന്നിവ ലയിപ്പിച്ച് ഒറ്റ കമ്പനിയാക്കും.

സ്വര്‍ണം സ്വത്തിനമായി കാണുന്നതിനുള്ള സമഗ്ര സ്വര്‍ണ നയം തയ്യാറായിവരുന്നു. നിയന്ത്രണങ്ങളോടു കൂടിയ സ്വര്‍ണ എക്‌സ്‌ചേഞ്ചുകള്‍ ആരംഭിക്കും. സ്വര്‍ണനിക്ഷേപ പദ്ധതി തലവേദനകള്‍ ഇല്ലാത്തതാക്കി മാറ്റുകയും ചെയ്യും.

രാഷ്ട്രപതിയുടെ പ്രതിമാസ പ്രതിഫലം അഞ്ചു ലക്ഷം രൂപയും ഉപരാഷ്ട്രപതിയുടേത് നാലു ലക്ഷം രൂപയും ഗവര്‍ണറുടേത് 3.5 ലക്ഷം രൂപയുമാക്കാന്‍ തീരുമാനിച്ചു. പാര്‍ലമെന്റ് അംഗങ്ങളുടെ ശമ്പളം 2018 ഏപ്രില്‍ ഒന്നിനു പ്രാബല്യത്തില്‍ വരുംവിധം പുതുക്കും. ഇത് പണപ്പെരുപ്പത്തിനനുസരിച്ച് അഞ്ചു വര്‍ഷ ഇടവേളകളില്‍ സ്വയം പുതുക്കപ്പെടുന്ന സംവിധാനവും ഏര്‍പ്പെടുത്തും. രാഷ്ട്രപിതാവ് മഹാത്മാഗാന്ധിയുടെ 150-ാമതു ജന്‍മ വാര്‍ഷികം ആഘോഷിക്കുന്നതിനായി 150 കോടി രൂപ നീക്കിവെച്ചു.

നൂറു കോടിയിലേറെ വാര്‍ഷിക വിറ്റുവരവുള്ള കാര്‍ഷികോല്‍പന്ന കമ്പനികളുടെ ലാഭത്തിന് 2018-19 മുതല്‍ അഞ്ചു വര്‍ഷത്തേക്ക് നൂറു ശതമാനം ഇളവു നല്‍കും.

ആദായ നികുതി നിയമത്തിലെ 80-ജെ.ജെ.എ.എ. വകുപ്പു പ്രകാരം പുതിയ ജീവനക്കാര്‍ക്കു നല്‍കുന്ന ആനുകൂല്യത്തില്‍ 30 ശതമാനം കുറവു വരുത്തുന്നത് ചെരുപ്പ്, തുകല്‍ വ്യവസായത്തില്‍ 150 ദിവസത്തേക്കായി പരിമിതപ്പെടുത്തും. കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിനാണ് ഇത്.

സര്‍ക്കിള്‍ റേറ്റ് മൂല്യം പരിഗണിക്കപ്പെടുന്നതിന്റെ അഞ്ചു ശതമാനത്തിലേറെ അല്ലാത്തപക്ഷം സ്ഥാവരവസ്തുക്കള്‍ സംബന്ധിച്ച ഇടപാടില്‍ ഇളവുണ്ടായിരിക്കില്ല.

50 കോടിയില്‍ താഴെ മാത്രം വിറ്റുവരവുള്ള കമ്പനികള്‍ക്ക് കോര്‍പ്പറേറ്റ് നികുതി ഇനത്തില്‍ നല്‍കിവരുന്ന 25 ശതമാനമെന്ന നിരക്കിളവ് 2016-17 സാമ്പത്തിക വര്‍ഷത്തില്‍ 250 കോടി രൂപ വരെ വിറ്റുവരവുള്ള കമ്പനികള്‍ക്കു ലഭ്യമാക്കാനുള്ള നിര്‍ദേശം മുന്നോട്ടുവെച്ചു. ഇതു സുക്ഷ്മ, ചെറുകിട, ഇടത്തരം സംരംഭങ്ങള്‍ക്കു ഗുണകരമാകും.

പലവക ചികില്‍സാച്ചെലവുകള്‍ നല്‍കുകയും ഗതാഗത അലവന്‍സ് കുറയ്ക്കുകയും ചെയ്യുന്ന നിലവിലുള്ള സംവിധാനത്തിനു പകരം 40,000 രൂപയുടെ അംഗീകൃത ഇളവ് എര്‍പ്പെടുത്തും. ഇത് ശമ്പളക്കാരായ ജീവനക്കാരും പെന്‍ഷന്‍കാരും ഉള്‍പ്പെടെ രണ്ടര കോടിയിലേറെ പേര്‍ക്കു ഗുണകരമാകും. മുതിര്‍ന്ന പൗരന്‍മാര്‍ക്കും ഇളവു പ്രഖ്യാപിച്ചിട്ടുണ്ട്.

ബാങ്കുകളിലും പോസ്റ്റ് ഓഫീസുകളിലുമുള്ള നിക്ഷേപങ്ങളുടെ നികുതിവരുമാനത്തിനുള്ള ഇളവ് 10,000 രൂപയില്‍നിന്ന് 50,000 രൂപയായി ഉയര്‍ത്തി. 194എ വ്യവസ്ഥ പ്രകാരം സ്രോതസ്സില്‍ ഈടാക്കുന്ന നികുതി ബാധകമല്ല. എല്ലാ ഫിക്‌സഡ് ഡെപ്പോസിറ്റുകള്‍ക്കും റിക്കറിങ് ഡെപ്പോസിറ്റുകള്‍ക്കും പലിശയ്ക്കും ഈ ആനുകൂല്യം ബാധകമാണ്.

ആദായ നികുതി നിയമത്തിലെ 80 ഡിഡിബി വകുപ്പ് പ്രകാരം ഗുരുതരമായ രോഗങ്ങള്‍കക്ക് അനുവദിച്ചിരുന്ന ചികില്‍സാച്ചെലവ് നേരത്തേ, മുതിര്‍ന്ന പൗരന്‍മാര്‍ക്കു 60,000 രൂപയും വളരെ മുതിര്‍ന്ന പൗരന്‍മാര്‍ക്ക് 80,000 രൂപയും ആയിരുന്നത് ഒരു ലക്ഷം രൂപയായി വര്‍ധിപ്പിച്ചു.

പ്രധാനമന്ത്രി വയവന്ദന യോജന 2020 മാര്‍ച്ച് വരെ നീട്ടാന്‍ തീരുമാനിച്ചു. ഒരു മുതിര്‍ന്ന പൗരന് 7.5 ലക്ഷം രൂപയെന്ന നിലവിലുള്ള പരിധി 15 ലക്ഷം രൂപയായി ഉയര്‍ത്താന്‍ നിര്‍ദേശിക്കും.

ചെറുകിട, ഇടത്തരം സംരംഭങ്ങള്‍ക്കു ബജറ്റില്‍ വലിയ പ്രാധാന്യം കല്‍പിച്ചിട്ടുണ്ട്. വായ്പാ പിന്‍ബലം, മുടക്കുമുതല്‍, വായ്പാ സബ്‌സിഡി, പുതിയ കണ്ടുപിടിത്തങ്ങള്‍ നടത്തല്‍ എന്നവയ്ക്കായി 3794 കോടി രൂപ മാറ്റിവെച്ചു. 2015 ഏപ്രിലില്‍ ആരംഭിച്ച മുദ്രാ യോജന പ്രകാരം 10.38 കോടി വായ്പകളായി 4.6 ലക്ഷം കോടി രൂപ അനുവദിച്ചു. 76 ശതമാനത്തിലേറെ വായ്പ നേടിയത് സ്ത്രീകളും 50 ശതമാനത്തിലേറെ വായ്പ നേടിയത് പട്ടികജാതിക്കാര്‍, പട്ടികവര്‍ഗക്കാര്‍, മറ്റു പിന്നോക്ക ജാതിക്കാര്‍ എന്നിവരുമാണ്. 2018-19ല്‍ മൂന്നു ലക്ഷം രൂപയുടെ മുദ്ര വായ്പകള്‍ നല്‍കാനാണു പദ്ധതി.

ഈ വര്‍ഷം മുറപ്രകാരമുള്ള 70 ലക്ഷം തൊഴിലുകള്‍ സൃഷ്ടിക്കപ്പെടുമെന്നാണു സ്വതന്ത്രപഠനത്തില്‍ വെളിവായിട്ടുള്ളതെന്നു ധനമന്ത്രി വ്യക്തമാക്കി. തൊഴിലവസരങ്ങള്‍ വര്‍ധിപ്പിക്കാനായി ഇ.പി.എഫിനു കീഴിലുള്ള പുതിയ ജീവനക്കാരുടെ കൂലിയുടെ 12 ശതമാനം അടുത്ത മൂന്നു വര്‍ഷത്തേക്കു ഗവണ്‍മെന്റ് വഹിക്കുമെന്ന് ശ്രീ. ജെയ്റ്റ്‌ലി വ്യക്തമാക്കി. എംപ്ലോയീസ് പ്രോവിഡന്റ് ഫണ്ട് ആന്‍ഡ് മിസല്ലേനിയസ് പ്രൊവിഷന്‍സ് ആക്റ്റ്, 1952ല്‍ മാറ്റങ്ങള്‍ വരുത്തുമെന്നും ബജറ്റ് പ്രസംഗത്തില്‍ വ്യക്തമാക്കി.

സമ്പദ്‌വ്യവസ്ഥയുടെ വളര്‍ച്ചയെ നിര്‍ണയിക്കുന്നത് അടിസ്ഥാനസൗകര്യ മേഖലയാണെന്നു ചൂണ്ടിക്കാട്ടിയ ധനമന്ത്രി, മൊത്ത ആഭ്യന്തര ഉല്‍പാദനത്തിന്റെ വളര്‍ച്ച ഉയര്‍ത്താനും റോഡ്, വിമാനത്താവളം, റെയില്‍വേ, തുറമുഖങ്ങള്‍, ഉള്‍നാടന്‍ ജലഗതാഗതം എന്നിവയുടെ ശൃംഖല തീര്‍ക്കാനും 50 ലക്ഷം കോടിയിലേറെ രൂപയുടെ നിക്ഷേപം ആവശ്യമാണെന്നു ചൂണ്ടിക്കാട്ടി. 2017-18ല്‍ അടിസ്ഥാന സൗകര്യമേഖലയ്ക്ക് 4.94 ലക്ഷം കോടി രൂപ അനുവദിച്ച സ്ഥാനത്ത് 2018-19ല്‍ 5.97 ലക്ഷം കോടി രൂപ അനുവദിക്കുമെന്നു പ്രഖ്യാപിച്ചു. ഭാരത് മാല പദ്ധതി പ്രകാരം ആദ്യഘട്ടത്തില്‍ 35,000 കിലോമീറ്റര്‍ റോഡ് നിര്‍മിക്കുന്നതിനായി 5,35,000 കോടി രൂപയുടെ പദ്ധതിക്ക് അംഗീകാരം നല്‍കി.

2018-19ല്‍ റെയില്‍വേയ്ക്കു പ്രതീക്ഷിക്കുന്ന ചെലവ് 1,48,528 കോടി രൂപയാണ്. 2017-18ല്‍ 4000 കിലോമീറ്റര്‍ വൈദ്യുതീകരിക്കപ്പെട്ട റയില്‍പ്പാത പൂര്‍ത്തിയാക്കാനാണു പദ്ധതി. കിഴക്ക്, പടിഞ്ഞാറ് ചരക്ക് ഇടനാഴികളുടെ നിര്‍മാണം അതിവേഗം പൂരോഗമിച്ചുവരികയാണ്.

എന്‍.എ.ബി.എച്ച്. നിര്‍മാണ്‍ പദ്ധതിയില്‍പ്പെടുത്തി വിമാനത്താവളങ്ങളുടെ പ്രവര്‍ത്തനശേഷി അഞ്ചു മടങ്ങിലേറെ വര്‍ധിപ്പിക്കാനുള്ള പദ്ധതി ബജറ്റില്‍ നിര്‍ദേശിക്കപ്പെട്ടിട്ടുണ്ട്. കഴിഞ്ഞ വര്‍ഷം പ്രഖ്യാപിച്ച ഉഡാന്‍ പദ്ധതി പ്രകാരം യാത്രാവിമാനങ്ങള്‍ എത്താത്ത 56 വിമാനത്താവളങ്ങളില്‍നിന്നും വിമാനങ്ങളും ഹെലികോപ്റ്ററുകള്‍ എത്താത്ത 31 ഹെലിപ്പാഡുകളില്‍നിന്നു ഹെലികോപ്റ്ററുകളും പറന്നുയരും.

കടപ്പത്ര വിപണിയില്‍നിന്നു പണം സമാഹരിക്കുന്നതിനായി നിക്ഷേപ യോഗ്യത റേറ്റിങ് ‘എ.എ.’യില്‍നിന്ന് ‘എ.’യിലേക്ക് മാറ്റാന്‍ നിയന്ത്രണ ഏജന്‍സികളോടു ധനമന്ത്രി അഭ്യര്‍ഥിച്ചു. രാജ്യത്തെ ഇന്റര്‍നാഷണല്‍ ഫിനാന്‍സ് സര്‍വീസ് കേന്ദ്രങ്ങളിലെ എല്ലാ സാമ്പത്തിക സേവനങ്ങളും നിയന്ത്രിക്കുന്നതിനായി ഏകീകൃത സംവിധാനം രൂപീകരിക്കുമെന്ന് അദ്ദേഹം അറിയിച്ചു.

സുരക്ഷാ വെല്ലുവിളികളെ നേരിടുന്നതില്‍ സൈന്യം അനുഭവിക്കേണ്ടിവരുന്ന ത്യാഗങ്ങളെ അനുസ്മരിച്ച ധനമന്ത്രി, രണ്ടു പ്രതിരോധ വ്യാവസായിക ഉല്‍പാദന ഇടനാഴികള്‍ ആരംഭിക്കുമെന്ന് അറിയിച്ചു. ആധാറിനു സമാനമായി ഓരോ സംരംഭത്തിനും സവിശേഷ നമ്പര്‍ നല്‍കുന്നതിനുള്ള പദ്ധതി ആരംഭിക്കുമെന്നും അദ്ദേഹം പ്രഖ്യാപിച്ചു.

2018 ജനുവരി 15 വരെയുള്ള കണക്കുപ്രകാരം 2017-18 സാമ്പത്തിക വര്‍ഷം പ്രത്യക്ഷ നികുതി 18.7 ശതമാനം വര്‍ധിച്ചു. 2017-17ല്‍ 12.6 ശതമാനമായിരുന്നു വര്‍ധന. നികുതി റിട്ടേണ്‍ സമര്‍പ്പിക്കുന്നവരുടെ എണ്ണവും ഗണ്യമായി ഉയര്‍ന്നതായി ധനമന്ത്രി വെളിപ്പെടുത്തി. 2014-15 സാമ്പത്തിക വര്‍ഷത്തിന്റെ തുടക്കത്തില്‍ 6.47 കോടി നികുതിദായകരാണ് ഉണ്ടായിരുന്നതെങ്കില്‍ 2016-17ന്റെ അന്ത്യനാളുകളാകുമ്പോഴേക്കും ആകെ നികുതിദായകരുടെ എണ്ണം 8.27 കോടി ആയി ഉയര്‍ന്നു.

എല്ലാവ്യക്തിഗത സംരംഭങ്ങള്‍ക്കും പ്രത്യേക തിരിച്ചറിയല്‍രേഖ

ന്യൂദല്‍ഹി:എല്ലാ ഇന്ത്യക്കാര്‍ക്കും വലുതും ചെറുതുമായ എല്ലാ സംരംഭങ്ങള്‍ക്കും ആധാര്‍തിരിച്ചറിയല്‍ വ്യക്തിത്വം നല്‍കിയെന്നും സവിശേഷ തിരിച്ചറിയല്‍രേഖ ആവശ്യമാണെന്നും പൊതുബഡ്ജറ്റ് അവതരിപ്പിച്ച് കേന്ദ്ര ധനമന്ത്രി അരുണ്‍ ജെയ്റ്റ്‌ലി പറഞ്ഞു. രാജ്യത്തെ മുഴുവന്‍ വ്യക്തിഗത സംരംഭങ്ങളെയും സവിശേഷ തിരിച്ചറിയല്‍രേഖയിലേക്കു കൊണ്ടുവരാന്‍ പദ്ധതി നടപ്പാക്കുമെന്നും ധനമന്ത്രി പ്രഖ്യാപിച്ചു.

ഫുഡ്‌കോര്‍പറേഷന്‍ ഓഫ് ഇന്ത്യയുടെ പ്രവര്‍ത്തന മൂലധന ആവശ്യങ്ങള്‍ നിറവേറ്റുന്നതിന് ദീര്‍ഘകാല വായ്പകള്‍ ലഭ്യമാക്കാന്‍ അതിന്റെമൂലധനം അനുഭവ വിഹിതമായിവര്‍ധിപ്പിച്ച് പുനസ്സംഘടിപ്പിക്കും. സംസ്ഥാന ഗവണ്‍മെന്റുകള്‍ നടത്തുന്ന മെട്രോ സംരംഭങ്ങളുടെ അനുഭവ വിഹിതത്തിലേക്കും കടത്തിലേക്കുമുള്ള കേന്ദ്ര ഗവണ്‍മെന്റ്‌സംഭാവനയുടെ വിഹിതം െവട്ടിക്കുറയ്ക്കുമെന്നും ധനമന്ത്രി പറഞ്ഞു.

രണ്ട് ഇന്‍ഷുറന്‍സ് കമ്പനികള്‍ ഉള്‍പ്പെടെ 14 കേന്ദ്ര പൊതുമേഖലാസ്ഥാപനങ്ങളെസ്‌റ്റോക്ക് എക്‌സ്‌ചേഞ്ച് വിനിമയ പട്ടികയില്‍ ഉള്‍പ്പെടുത്താന്‍ ഗവണ്‍മെന്റ് അനുമതി നല്‍കി. ഹിന്ദുസ്ഥാന്‍ പെട്രോളിയം കമ്പനിയെ ഒഎന്‍ജിസി ഏറ്റെടുക്കുന്നതിനുള്ള നടപടിക്രമങ്ങള്‍ വിജയകരമായി പൂര്‍ത്തീകരിച്ചുവെന്ന് ജെയ്റ്റ്‌ലി പറഞ്ഞു. നാഷണല്‍ ഇന്‍ഷുറന്‍സ് കമ്പനി ലിമിറ്റഡ്, യുണൈറ്റഡ്ഇന്ത്യാ അഷ്വറന്‍സ് കമ്പനി ലിമിറ്റഡ്, ഓറിയന്റല്‍ഇന്ത്യാ ഇന്‍ഷുറന്‍സ് കമ്പനി ലിമിറ്റഡ് എന്നീ മൂന്ന് പൊതുമേഖലാ ജനറല്‍ ഇന്‍ഷുറന്‍സ് കമ്പനികളെ ലയിപ്പിച്ച് ഒന്നാക്കി അവയെ വൈകാതെ സ്റ്റോക്ക്എക്‌സ്‌ചേഞ്ചില്‍ ലിസ്റ്റ്കയും ചെയ്യും.

സ്വര്‍ണം ഒരു ആസ്തിയായിവികസിപ്പിക്കുന്നതിന് സമഗ്ര സ്വര്‍ണ്ണ നയംകൊണ്ടുവരുമെന്നും ധനമന്ത്രി പ്രഖ്യാപിച്ചു. രാജ്യത്തെ സ്വര്‍ണ്ണ വിനിമയം നിയന്ത്രിക്കുന്നതിനു വേണ്ടി ഉപഭോക്തൃസൗഹൃദപരവുംവ്യാപാരോന്മുഖവുമായ ഒരുമേല്‍നോട്ട സംവിധാനം നടപ്പാക്കും. ജനങ്ങള്‍ക്ക് തര്‍ക്കരഹിതമായിസ്വര്‍ണ്ണ നിക്ഷേപ അക്കൗണ്ട് തുറക്കാന്‍ കഴിയുന്ന വിധം സ്വര്‍ണനിയന്ത്രണ പദ്ധതി പുനരേകീകരിക്കും.

നവഇന്ത്യയ്ക്കായി ആയുഷ്മാന്‍ ഭരത്

ആരോഗ്യമേഖലയില്‍ രണ്ട് സുപ്രധാന പദ്ധതികള്‍
ഒന്നരലക്ഷംആരോഗ്യകേന്ദ്രങ്ങള്‍ സ്ഥാപിക്കാന്‍ 1200 കോടിരൂപ വകയിരുത്തി
10കോടികുടുംബങ്ങള്‍ക്ക് 5 ലക്ഷംരൂപ വരെചികിത്സാസഹായം നല്‍കാന്‍ ദേശീയആരോഗ്യസംരക്ഷണ പദ്ധതി

ന്യൂദല്‍ഹി: പൊതു ബജറ്റില്‍ആരോഗ്യമേഖലയ്ക്കായി രണ്ട് സുപ്രധാന പദ്ധതികള്‍ പ്രഖ്യാപിച്ചു. രാജ്യത്ത് ഒന്നരലക്ഷം ആരോഗ്യ, ആരോഗ്യരക്ഷാകേന്ദ്രങ്ങള്‍ സ്ഥാപിക്കുന്നതിന് 1,200 കോടി ജറ്റില്‍ നീക്കിവച്ചിട്ടുണ്ട്. 2017 ലെ ദേശീയആരോഗ്യ നയത്തില്‍വിഭാവനം ചെയ്തിട്ടുള്ളതരത്തില്‍ രാജ്യത്തിന്റെ ആരോഗ്യസംവിധാനത്തിന്റെ അടിത്തറയെന്ന നിലയ്ക്കാണ് ഇത്തരം ഹെല്‍ത്ത്ആന്റ്‌വെല്‍നസ്സ്‌കേന്ദ്രങ്ങള്‍ സ്ഥാപിക്കുന്നത്. പകര്‍ച്ച വ്യാധികളല്ലാത്ത അസുഖങ്ങളുള്‍പ്പെടെസമഗ്ര ആരോഗ്യ പരിചരണം നല്‍കുന്നതിന് പുറമെമാതൃ-ശിശുആരോഗ്യ പരിചരണവും ഈ കേന്ദ്രങ്ങള്‍ നല്‍കും. അവശ്യമരുന്നുകളും പരിശോധനാ സേവനങ്ങളുംഇവിടങ്ങളില്‍സൗജന്യമായിലഭിക്കും.

ആയുഷ്മാന്‍ ഭാരത് പദ്ധതിക്ക് കീഴില്‍ രാജ്യത്തെ 10 കോടി പാവപ്പെട്ട കുടുംബങ്ങള്‍ക്ക് 5 ലക്ഷം വരെ ചികിത്സാസഹായം നല്‍കുമെന്ന് ജെയ്റ്റ്‌ലി പ്രഖ്യാപിച്ചു. 50 കോടി ജനങ്ങള്‍ക്ക്ഇതിന്റെ പ്രയോജനം ലഭിക്കും. മെഡിക്കല്‍ റിഇംമ്പേഴ്‌സ്‌മെന്റ് രംഗത്ത്‌ലോകത്തെ ഏറ്റവും വലിയആരോഗ്യ പരിരക്ഷാ പദ്ധതിയായിരിക്കും ഇതെന്ന് ധനമന്ത്രി പറഞ്ഞു. ഈ രണ്ട് പദ്ധതികളും ലക്ഷക്കണക്കിന് തൊഴിലവസരങ്ങള്‍സൃഷ്ടിക്കും.

നിലവിലുള്ള ജില്ലാആശുപത്രികളുടെ നിലവാരം മെച്ചപ്പെടുത്തിക്കൊണ്ട് 24 പുതിയഗണ്‍മെന്റ്‌മെഡിക്കല്‍കോളേജുകളും, ആശുപത്രികളുംസ്ഥാപിക്കും. ഇതുവഴിമൂന്ന് പാര്‍ലമെന്റ് നിയോജക മണ്ഡലങ്ങളില്‍ കുറഞ്ഞത്ഒരു മെഡിക്കല്‍കോളേജും, രാജ്യത്ത് ഓരോസംസ്ഥാനത്തും ഏറ്റവുംകുറഞ്ഞത് ഒരുമെഡിക്കല്‍കോളേജും ഉറപ്പുവരുത്തും.