മിഷിഗണ്‍ മലയാളി ഫിസിക്കല്‍ തെറാപ്പി അസോസിയേഷന് പുതിയ നേതൃത്വം. ഈപ്പന്‍ ചെറിയാന്‍ പ്രസിഡന്റ്; ജയ്‌മോന്‍ ജേക്കബ് സെക്രട്ടറി

ഡിട്രോയിറ്റ്: മിഷിഗണിലെ മലയാളി ഫിസിക്കല്‍ തെറാപ്പിസ്റ്റുകളുടെ സംഘടനയായ മലയാളി ഫിസിക്കല്‍ തെറാപ്പിസ്റ്റ് ഓഫ് മിഷിഗന്റെ (MPTM) 2018- 20 വര്‍ഷത്തേക്കുള്ള പുതിയ നേത്രത്വത്തെ തിരഞ്ഞെടുത്തു. പ്രെസിഡന്റായി ഈപ്പന്‍ ചെറിയാനും സെക്രട്ടറിയായി ജയ്‌മോന്‍ ജേക്കബും സ്ഥാനമേറ്റു. തിരഞ്ഞെടുക്കപ്പെട്ട മറ്റ് ഭാരവാഹികള്‍ ; വൈസ് പ്രസിഡന്റ് ജെയിംസ് കുരീക്കാട്ടില്‍, ട്രഷറര്‍ രാജീവ് ജോസ്, ജോയിന്റ് സെക്രട്ടറി അജീഷ് ജോര്‍ജ്, ജോയിന്റ് ട്രഷറര്‍ ഹണി ചെമ്പിത്താനം എന്നിവരാണ്.

കഴിഞ്ഞ രണ്ടു വര്‍ഷത്തെ പ്രവര്‍ത്തനങ്ങളെ യോഗം വിലയിരുത്തുകയും സ്ഥാനമൊഴിയുന്ന പ്രസിഡന്റ് അഭിലാഷ് പോളിന്റെ നേത്രത്വത്തില്‍ നടന്ന മികവാര്‍ന്ന പ്രവര്‍ത്തനങ്ങളെ അനുമോദിക്കുകയും ചെയ്തു. കഴിഞ്ഞ വര്‍ഷം വിജയകരമായി നടപ്പിലാക്കിയ മെഡിക്കല്‍ ക്യാമ്പ് പോലുള്ള പ്രവര്‍ത്തനങ്ങള്‍ വരും വര്‍ഷങ്ങളിലും തുടരാന്‍ തീരുമാനിച്ചു. കൂടാതെ ഡിട്രോയിറ്റിലെ ഇന്ത്യന്‍ സമൂഹത്തിന് ഗുണകരമാകുന്ന ഫിസിക്കല്‍ തെറാപ്പിയുമായി ബന്ധപ്പെട്ട കൂടുതല്‍ പ്രവര്‍ത്തനങ്ങള്‍ വരും വര്‍ഷങ്ങളില്‍ നടപ്പിലാക്കുമെന്ന് പ്രസിഡന്റ് ഈപ്പന്‍ ചെറിയാന്‍ അറിയിച്ചു.

ജോയിച്ചന്‍ പുതുക്കുളം

സ്റ്റാറ്റന്‍ഐലന്റ് സെന്റ് ജോര്‍ജ് ഇടവകയില്‍ പെരുന്നാള്‍ മഹാമഹം

സ്റ്റാറ്റന്‍ഐലന്റ്: “അമേരിക്കയിലെ പുതുപ്പള്ളി’ എന്നു വിശേഷിപ്പിക്കുന്ന സെന്റ് ജോര്‍ജ് മലങ്കര ഓര്‍ത്തഡോക്‌സ് ഇടവകയുടെ പെരുന്നാള്‍ ആഘോഷം 2018 മെയ് മാസം 4,5, വെള്ളി, ശനി ദിവസങ്ങളില്‍, ഭദ്രാസനാധിപന്‍ അഭിവന്ദ്യ സഖറിയാസ് മാര്‍ നിക്കോളേോവാസ് മെത്രാപ്പോലീത്തായുടെ പ്രധാന കാര്‍മ്മികത്വത്തില്‍ ഭക്തിപൂര്‍വ്വം നടത്തപ്പെടുന്നു.

മെയ് 4 -നു വെള്ളിയാഴ്ച വൈകുന്നേരം 6.30 സന്ധ്യാ നമസ്ക്കാരം
7.30 സുവിശേഷ പ്രസംഗം.
മെയ് അഞ്ചിന് ശനിയാഴ്ച രാവിലെ 9 മണിക്ക് അഭിവന്ദ്യ സഖറിയാസ് മാര്‍ നിക്കോളാവോസ് മെത്രാപ്പോലീത്തായ്ക്ക് സ്വീകരണം.

9.45 വിശുദ്ധ മൂന്നിന്മേല്‍ കുര്‍ബ്ബാന അഭിവന്ദ്യ തിരുമേനിയുടെ പ്രധാന കാര്‍മ്മികത്വത്തില്‍.

11.30 അങ കൊടിതോരണങ്ങളുടെയും, അലങ്കരിച്ച രഥത്തിന്റെയും, വാദ്യമേളങ്ങളുടെയും അകമ്പടിയോടെ ഭക്തിനിര്‍ഭരമായ റാസ.
1215 നേര്‍ച്ചവിളമ്പ്.

എല്ലാ വിശ്വാസികളെയും കര്‍ത്തൃനാമത്തില്‍ സ്വാഗതം ചെയ്യുന്നു.
Very Rev.Fr.Paulose Adai Chorepiscopos(Vicar)- 718-648-8172
Dr.Skaria Oommen(Secretary)-908-875-3563
Mr.Jacob Mathew(Treasurer)-917-742-2102

സണ്ണി കോന്നിയൂര്‍ അറിയിച്ചതാണിത്.

ചെങ്ങന്നൂര്‍ വികസന അതോറിറ്റി രൂപീകരിക്കണമെന്ന് ചെങ്ങന്നൂര്‍ അസോസിയേഷന്‍ ഓഫ് ഡാളസ്

ഡാളസ്: ചെങ്ങന്നൂരിന്റെ സമഗ്ര വികസനത്തിനുവേണ്ടി ചെങ്ങന്നൂര്‍ വികസന അതോറിറ്റി രൂപീകരിക്കണമെന്ന് ചെങ്ങന്നൂര്‍ അസോസിയേഷന്‍ ഓഫ് ഡളസ് ചെങ്ങന്നൂരിലെ സ്ഥാനാര്‍ത്ഥികളോട് ആവശ്യപ്പെട്ടു.

1. ചെങ്ങന്നൂര്‍ ടൗണ്‍ വികസനം
2. ബൈപാസ് റോഡ് നിര്‍മിക്കുക
3. കെ.എസ്.ആര്‍.ടി.സി ബസ് സ്റ്റാന്‍ഡ് പുനര്‍നിര്‍മ്മിക്കുക
4. ആധുനിക ഷോപ്പിംഗ് മാള്‍ നിര്‍മിക്കുക
5. ചെങ്ങന്നൂര്‍ റെയില്‍വേ സ്റ്റേഷനില്‍ ആധുനിക സൗകര്യങ്ങള്‍ ഏര്‍പ്പെടുത്തുക
6. പെരുങ്കുളത്ത് സ്റ്റേഡിയം, ടൗണ്‍ഹാള്‍, കുട്ടികളുടെ പാര്‍ക്ക്, മൂവി തീയേറ്റര്‍ എന്നിവ നിര്‍മിക്കുക
7. ഗവ. ഹാച്ചറിയില്‍ ഗവ. വെറ്റിനറി കോളജ് ആരംഭിക്കുക
8. ഗവ. ഐ.ടി.ഐയോട് ചേര്‍ന്ന് പോളിടെക്‌നിക്ക് തുടങ്ങുക
9. ലോ. ഹോട്ടല്‍ മാനേജ്‌മെന്റ്, ബിസിനസ് മാനേജ്‌മെന്റ് തുടങ്ങിയ കോഴ്‌സിനുവേണ്ടി പുതിയ കോളജ് ആരംഭിക്കുക.
10. ചെറിയനാട് റെയില്‍വേ സ്റ്റേഷനോട് അനുബന്ധിച്ചുള്ള സ്ഥലത്ത് സൈനിക് സ്കൂള്‍, സൈനിക് ഹോസ്പിറ്റല്‍ തുടങ്ങിയവ ആരംഭിക്കുക.
തുടങ്ങിയ ആവശ്യങ്ങള്‍ നടപ്പിലാക്കണമെന്നു യോഗം ആവശ്യപ്പെട്ടു. യോഗത്തില്‍ പ്രസിഡന്റ് ചെറിയാന്‍ അലക്‌സാണ്ടര്‍ അധ്യക്ഷത വഹിച്ചു. ട്രഷറര്‍ പ്രിന്‍സ് ഏബ്രഹാം നന്ദി രേഖപ്പെടുത്തി.

ജോയിച്ചന്‍ പുതുക്കുളം

ടോറോന്റോ ഇന്റര്‍നാഷണല്‍ സൗത്ത് ഏഷ്യന്‍ ഫിലിം അവാര്‍ഡ് 2018 :പ്രേക്ഷകരുടെ വോട്ടിങ്ങിനു തുടക്കമായി

സംഗീതം കൊണ്ടും നൃത്ത മാധുര്യം കൊണ്ടും മാസ്മരിക വലയം തീര്‍ത്തു ഓരോ കലാകാരന്റെയും കഴിവുകളെ അംഗീകരിക്കുന്ന താര സംഗമ വേദി ടോറോന്റോ ഇന്റര്‍നാഷണല്‍ സൗത്ത് ഏഷ്യന്‍ ഫിലിം അവാര്‍ഡ് 2018 കാനഡയില്‍ വിരുന്നൊരുങ്ങുന്നു..കാനഡയുടെ മണ്ണില്‍ ലോകമെമ്പാടുമുള്ള സിനിമ ആസ്വാദകരെ ഉള്‍പ്പെടുത്തിയാണ് ഈ താര നിശയിലെ വിജയികളെ തെരഞ്ഞെടുക്കുന്നത് ഗാലപ് പോളിലൂടെയാണ്. അമേരിക്കന്‍ ഇന്ത്യന്‍ ഫിലിം അവാര്‍ഡുകളില്‍ നിന്നും വ്യത്യസ്തമായി സൗത്ത് ഇന്ത്യന്‍ ഭാഷകളിലെ സിനിമകള്‍ക്കും അണിയറ പ്രവര്‍ത്തകര്‍ക്കും പുരസ്കാരം നല്‍കുന്ന ഏറ്റവും വലിയ പുരസ്കാര രാവിന് കാനഡ സാക്ഷ്യം വഹിക്കുമ്പോള്‍ അതിനു ചുക്കാന്‍ പിടിക്കുന്നത് കാനഡയിലെ സാംസ്കാരിക പ്രവര്‍ത്തകനും കലാകാരനുമായ അജീഷ് രാജേന്ദ്രന്റെ നേതൃത്വത്തിലുള്ള പ്രമുഖ എന്റര്‍ടൈന്മെന്റ് ഗ്രുപ്പ് ആയ ആഹൗല ടമുുവശൃല ഋിലേൃമേശിാലി േആണ് .

സൗത്ത് ഏഷ്യന്‍ സിനിമ ലോകത്തിലെ ഏറ്റവും മികച്ചതിനെ കണ്ടെത്തി ആദരിക്കുന്ന ഈ അവാര്‍ഡ് നിശയെ ഏറ്റുവാങ്ങാന്‍ ഓരോ ജന ഹൃദയവും മിടിക്കുന്നുണ്ട്. 2018 ലെ ഏറ്റവും ആകാംക്ഷഭരിതമായ ഈ സ്‌റ്റേജ്‌ഷോക്ക് സാക്ഷ്യം വഹിക്കാന്‍ കാനഡ ഒരുങ്ങി കഴിഞ്ഞു. കഴിഞ്ഞ വര്‍ഷം റീലീസ് ആയ മലയാളം തമിഴ് സിനിമകളില്‍ നിന്നു മികച്ചതിനെ തിരഞ്ഞെടുത്തു ഓരോ കാറ്റഗറിയില്‍ അവാര്‍ഡ് തീരുമാനിക്കാന്‍ ഏറ്റവും പ്രഗത്ഭരായ ജൂറികള്‍ അടങ്ങുന്ന പാനലാണ് കൊണ്ടുവന്നിരിക്കുന്നത്. കൂടാതെ മറ്റുള്ള അവാര്‍ഡ് നെറ്റില്‍ നിന്നുമൊക്കെ തികച്ചും വ്യത്യസ്തമായി ആടഋ വോട്ടിംഗ് സിസ്റ്റം ഉപയോഗിക്കുന്നുണ്ട്. ഇഷ്ടപ്പെട്ട സിനിമക്കും നടീനടന്മാര്‍ക്കും വോട്ട് ചെയ്യാന്‍ ഓരോ പ്രേക്ഷകനും അവസരം കൊടുക്കുന്ന ഒരു പുതിയ സംവിധാനമാണ് ഇതിലൂടെ ഠകടഎഅ പരിചയപ്പെടുത്തുന്നത്.

മലയാളത്തിലെ മികച്ച സപ്പോര്‍ട്ടിങ് ആക്ടര്‍ക്കുള്ള അവാര്‍ഡ് ക്യാറ്റഗറിയില്‍ 12 നോമിനീസ് ആണ് ഫൈനല്‍ റൗണ്ട് ലിസ്റ്റില്‍ എത്തിയിരിക്കുന്നത്. പ്രേമം എന്ന സിനിമ യിലൂടെ മലയാളി മനസ്സില്‍ ഇടം നേടിയ വിനയ് ഫോര്‍ട്ടും മലയാള സിനിമയ്ക്കു വ്യത്യസ്തമായ കഥാപാത്രങ്ങള്‍ സമ്മാനിച്ച മുകേഷ്, സിദ്ധീഖ്, വിജയ രാഘവന്‍, ജോയ് മാത്യു, തുടങ്ങിയവരും നോമിനീസില്‍ ഉള്‍പ്പെടുന്നു. കോമഡി സീനുകളിലൂടെ ജനഹൃദയങ്ങളില്‍ കയറി പിന്നീട് ഒട്ടനേകം റോളുകള്‍ കൈകാര്യം ചെയ്ത സുരാജ് വെഞ്ഞാറമൂട്, ജേക്കബിന്റെ സ്വര്‍ഗ്ഗരാജ്യം, ഗോദ തുടങ്ങി സിനിമകളിലൂടെ മലയാളികള്‍ക്ക് ആവേശം പകര്‍ന്ന രഞ്ജി പണിക്കര്‍, കോമഡി റോളുകളും വില്ലന്‍ കഥാപാത്രങ്ങളും ഏറ്റെടുത്തു അരങ്ങു തകര്‍ത്ത കലാഭവന്‍ ഷാജോണ്‍, ജോജു ജോര്‍ജ്, വിജയ് ബാബു തുടങ്ങിയവരും നോമിനീസ് ആയി തിരഞ്ഞെടുക്കപ്പെട്ടിരിക്കുന്നു. മലയാള സിനിമയ്ക്കു ഒരു പിടി നല്ല കഥാപാത്രങ്ങള്‍ നല്‍കിയ മുരളി ഗോപിയും അനൂപ് മേനോനും ഫൈനല്‍ ലിസ്റ്റില്‍ ഉള്‍പ്പെടുന്നു.

http://tisfa.ca/awards-malayalam/vote-best-supporting-actor-malayalam/ എന്ന സൈറ്റില്‍ ഇഷ്ട്ടപ്പെട്ട സപ്പോര്‍ട്ടിങ് ആക്ടര്‍ക്ക് വോട്ട് ചെയ്യാം.

മലയാളത്തിലെ മികച്ച ഗായകനുള്ള അവാര്‍ഡ് കാറ്റഗറിക്കും വോടിംഗ് സംവിധാനം കൊണ്ടുവന്നിട്ടുണ്ട്. 6 നോമിനീസ് ആണ് തിരഞ്ഞെടുക്കപ്പെട്ടിട്ടുള്ളത്.മലയാളികള്‍ ഇടനെഞ്ചില്‍ കൊണ്ടുനടക്കുന്ന ഒരു പിടി നല്ല ഗാനങ്ങള്‍ നമുക്ക് സമ്മാനിച്ചവരാണ് ഈ 6 പേര്‍. സന്തോഷത്തിലും സങ്കടത്തിലും അങ്ങനെ നമ്മുടെ ഓരോ വികാര പൂര്‍ണ്ണമായ നിമിഷത്തിലും നാം കാതോര്‍ക്കുന്നത് ഇവരുടെ ശബ്ദങ്ങള്‍ക്കായിരിക്കും. അഭിജിത്ത് വിജയന്‍, മധു ബാലകൃഷ്ണന്‍, ഗണേഷ് സുന്ദരം, കാര്‍ത്തിക്, നജീം അര്‍ഷാദ്, വിജയ് യേശുദാസ് തുടങ്ങിയവരാണ് ഫൈനല്‍ റൗണ്ട് ലിസ്റ്റിലെ നോമിനീസ്. http://tisfa.ca/awards-malayalam/vote-best-male-singer/എന്ന സൈറ്റില്‍ വോട്ട് രേഖപ്പെടുത്താവുന്നതാണ്.

ജോയിച്ചന്‍ പുതുക്കുളം

ചിക്കാഗോ സിറോമലബാര്‍ സമൂഹത്തിന് അഭിമാന നിമിഷം; മെയ് 5 ന് ഡീക്കന്‍ കെവിന്‍ മുണ്ടക്കല്‍ ബലിവേദിയിലേക്ക്

ന്യൂ ജേഴ്‌സി: പതിനെട്ടാം പിറന്നാളിലെത്തിനില്‍ക്കുന്ന ചിക്കാഗോ സെന്‍റ് തോമസ് സീറോ മലബാര്‍ സമൂഹത്തിന്റെ പ്രാര്‍ത്ഥനാ നിര്‍ഭരമായ കാത്തിരിപ്പിനുത്തരമായി തദ്ദേശ വൈദിക വിദ്യാര്‍ത്ഥി ഡീക്കന്‍ കെവിന്‍ മുണ്ടക്കല്‍ പ്രഥമ വൈദീകനായി ബലിവേദിയിലേക്ക് പ്രവേശിക്കുമ്പോള്‍ അഭിമാന നിറവില്‍ ചിക്കാഗോ രൂപത.

മെയ് അഞ്ചാം തീയതി ശനിയാഴ്ച ഉച്ചകഴിഞ്ഞ് 2.30ന് ന്യൂജേഴ്‌സിയിലെ സെന്‍റ് തോമസ് സീറോ മലബാര്‍ കാത്തോലിക് ഫൊറോന ദേവാലയത്തില്‍ നടക്കുന്ന പ്രാര്‍ത്ഥനാ നിര്‍ഭരമായ ചടങ്ങില്‍ ചിക്കാഗോ രൂപതാധ്യക്ഷന്‍ മാര്‍ ജേക്കബ് അങ്ങാടിയത്തില്‍ നിന്നും കൈവെപ്പ് ശുശ്രൂഷ വഴി ഡീക്കന്‍ കെവിന്‍ മുണ്ടക്കല്‍ പൗരോഹിത്യശുശ്രൂഷയ്ക്കായി നിയോഗിക്കും. ചടങ്ങില്‍ സഹായ മെത്രാന്‍ ജോയ് ആലപ്പാട്ട് സന്നിഹീതനായിരിക്കും.

രൂപത വികാരി ജനറല്‍മാരായ റവ. ഡോ. അഗസ്റ്റിന്‍ പാലക്കാപറമ്പല്‍, ഫാ. തോമസ് മുളവനാല്‍,ചാന്‍സിലര്‍ ഫാ.ജോണിക്കുട്ടി പുലിശ്ശേരി, ഫാ. ജോസ് കണ്ടത്തിക്കുടി(വികാര്‍. ബ്രോങ്ക്‌സ് സെന്‍റ് തോമസ് സിറോ മലബാര്‍ ദേവാലയം), ഫാ. റോയ്‌സണ്‍ മെനോലിക്കല്‍ (അസി. വികാര്‍), ഫാ. പോള്‍ ചാലിശ്ശേരി (വൊക്കേഷന്‍ ഡയറക്ടര്‍), ഫാ.വിനോദ് മഠത്തിപ്പറമ്പില്‍(വൊക്കേഷന്‍ ഡയറക്ടര്‍), ഫാ. ഫ്രാന്‍സിസ് അസ്സിസി (ഓ.ഐ.സി), ഫാ. തോമസ് കടുകപ്പിള്ളില്‍ (മുന്‍ വികാര്‍), ഫാ.ക്രിസ്റ്റി പറമ്പുകാട്ടില്‍ ( പാറ്റേഴ്‌സണ്‍ സെന്‍റ് ജോര്‍ജ് സീറോ മലബാര്‍ കാത്തോലിക് ദേവാലയ വികാരി) എന്നിവരും രൂപതയുടെ മറ്റു ഇടവകകളില്‍ നിന്നുള്ള വൈദീകരും, സിസ്റ്റര്‍മാരും, ഇടവകാംഗങ്ങളും പങ്കെടുക്കും.

നൈറ്റ് ഓഫ് കൊളംബസ്സിന്‍റെ സാന്നിദ്ധ്യം ചടങ്ങുകള്‍ക്ക് കൂടുതല്‍ ശോഭയേകും

ബ്രോങ്ക്‌സ് സെന്‍റ് തോമസ് സീറോ മലബാര്‍ ഫൊറോനാ ദേവാലയ ഇടവകാംഗവും, ചമ്പക്കുളം മുണ്ടക്കല്‍ കുടുംബാംഗമായ മുണ്ടക്കല്‍ ടോം വത്സ ദമ്പതികളുടെ മൂന്ന് മക്കളില്‍ രണ്ടാമനാണ് കെവിന്‍. ജീസസ് യൂത്തില്‍ പ്രവര്‍ത്തിക്കുന്ന ബ്രായന്‍, മാര്‍ട്ടിന്‍ എന്നിവരാണ് സഹോദരങ്ങള്‍.

ന്യൂയോര്‍ക്കിലെ ഹത്തോണ്‍ ഹോളി റോസരി ദേവാലയത്തില്‍ വെച്ചായിരുന്നു കെവിന്‍റെ ആദ്യ കുര്‍ബാന സ്വീകരണം. ന്യൂയോര്‍ക്കിലെ വെസ്റ്റ് ലേക് സ്കൂളിലായിരുന്നു ഹൈസ്കൂള്‍ വിദ്യാഭ്യാസം.

2010ല്‍ വൈദീക പഠനത്തിനായി സെമിനാരിയില്‍ ചേര്‍ന്ന കെവിന്‍, യോങ്കേഴ്‌സ് സെന്‍റ് ജോസഫ് സെമിനാരി, ചിക്കാഗോ സെന്‍റ് ജോസഫ് എന്നീ സെമിനാരികളില്‍ നിന്നു മൈനര്‍ സെമിനാരി പഠനം പൂര്‍ത്തിയാക്കി.

പിന്നീട് 2014 ല്‍ റോമിലുള്ള ഇന്റര്‍നാഷണല്‍ പൊന്തിഫിക്കല്‍ കോളേജ് മരിയ മാറ്റര്‍ എക്ലെസിയേഷനില്‍ ചേര്‍ന്ന് പഠനം തുടരുമ്പോഴാണ് കെവിന് ഡീക്കന് പട്ടം സ്വീകരിക്കുന്നതിനുള്ള ദൈവനിയോഗം കൈവന്നത്. ഡീക്കന്‍ പട്ടത്തിനു ശേഷം, ആറു മാസം ആലുവയിലുള്ള മംഗലപ്പുഴ മേജര്‍ സെമിനാരിയില്‍ സീറോ മലബാര്‍ ആരാധനാ ക്രമവും, നിയമങ്ങളും ഇടവക ഭരണത്തിലുമുള്ള പരിശീലനവും പൂര്‍ത്തിയാക്കി.

എട്ട് വര്‍ഷത്തെ സെമിനാരി പഠനത്തിനു ശേഷം ഇന്ന് കര്‍ത്താവിന്‍റെ അഭിഷിക്തനായി അജപാലന ദൗത്യവുമായി പൌരോഹിത്യ ജീവിതത്തിലേക്ക് പ്രവേശിക്കുന്ന ഡീക്കന്‍ കെവിന്‍ ദൈവവിളിയുടെ മറ്റൊരു സാക്ഷ്യം കൂടിയായി മാറുകയാണ്. ന്യൂ യോര്‍ക്കില്‍ ജനിച്ചു വളര്‍ന്ന കെവിന്‍ ചെറുപ്രായം മുതല്‍ സഭയുടെ ആത്മീക കാര്യങ്ങളില്‍ താല്‍പര്യവും ഉത്സാഹവും വച്ചുപുലര്‍ത്തിയിരുന്നു.

ബ്രോണ്‍സ് ദേവാലയത്തില്‍ അള്‍ത്താര ബാലനായി തുടങ്ങി ഇന്ന് പൗരോഹിത്യ ശുസ്രൂഷക്കു തയ്യാറായി നില്‍ക്കുമ്പോള്‍ മാതൃ ദേവാലയത്തിലെ ഇടവകാംഗങ്ങളുടെയും, സുഹൃത്തുക്കളുടെയും, പ്രത്യകിച്ചും ആത്മീയ ഗുരുക്കന്മാരുടെയും പ്രാര്‍ത്ഥനകള്‍ നന്ദിയോടെ സ്മരിക്കുകയും, ദൈവത്തിന് നന്ദി പറയുകയാണ് കെവിന്‍.

അമേരിക്കയില്‍ നിന്നുള്ള പ്രഥമ വൈദീകന്റെ പൗരോഹിത്യ സ്വീകരണചടങ്ങുകള്‍ കൂടുതല്‍ ഭക്തിസാന്ദ്രമാക്കിത്തീര്‍ക്കുന്നതിനായി ചിക്കാഗോ രൂപതാ വൊക്കേഷന്‍ ഡയറക്ടര്‍ ഫാ. പോള്‍ ചാലിശ്ശേരിയുടെ നേതൃത്വത്തിലും മാതൃ ഇടവക വികാരി ഫാ. ജോസ് കണ്ടത്തിക്കുടി, സോമര്‍സെറ്റ് ഇടവക വികാരി ഫാ. ലിഗോറി ജോണ്‍സണ്‍ ഫിലിപ്‌സ് എന്നിവരുടെ അല്മിയ നിയന്ത്രണത്തിലും വിവിധ കമ്മിറ്റികള്‍ രൂപീകരിച്ചു പ്രവര്‍ത്തിച്ചുവരുന്നു.

മെയ് 5ന് വൈകീട്ട് 2.30 ന് ന്യൂജേഴ്‌സിയിലെ സോമര്‍സെറ്റ് സെന്‍റ് തോമസ് സീറോ മലബാര്‍ കാത്തോലിക് ഫൊറോന ദേവാലയത്തില്‍ നടക്കുന്ന പൗരോഹിത്യ സ്വീകരണ ചടങ്ങുകളില്‍പങ്കു ചേര്‍ന്ന് ദൈവത്തിനു നന്ദിയര്‍പ്പിക്കാനും, ചടങ്ങുകള്‍ വിജയപ്രദമാക്കിത്തീര്‍ക്കാനും എല്ലാ ഇടവകാംഗങ്ങളെയും, സുഹൃത്തുക്കളെയും, ഇടവക വികാരി ബഹു. ലിഗോറി ജോണ്‍സന്‍ ഫിലിപ്‌സ് സ്‌നേഹത്തോടെ ക്ഷണിക്കുന്നു.

കൂടുതല്‍ വിവരങ്ങള്‍ക്ക്: തോമസ് ചെറിയാന്‍ പടവില്‍ (908) 9061709, മിനേഷ് ജോസഫ് (ട്രസ്റ്റി) (201) 9789828, മേരീദാസന്‍ തോമസ് (ട്രസ്റ്റി) (201) 9126451, ജസ്റ്റിന്‍ ജോസഫ് (ട്രസ്റ്റി) (732) 7626744, സാബിന്‍ മാത്യു (ട്രസ്റ്റി) (848) 3918461.

പൗരോഹിത്യ സ്വീകരണ ചടങ്ങുകളില്‍ സംബന്ധിക്കാന്‍ സാധിക്കാത്തവര്‍ക്കായി ചടങ്ങുകളുടെ തല്‍സമയ സംപ്രേഷണം കാണുന്നതിനായുള്ള സൗകര്യം ശാലോം അമേരിക്കയിലൂടെ ക്രമീകരിച്ചിട്ടുണ്ട്.

Video stream available at the following link- https://shalommedia.org/Ordination/Deacon-kevin/

Address: 508 Elizabeth Ave, Somerset, NJ 08873

www.Stthomassyronj.org

സെബാസ്റ്റ്യന്‍ ആന്റണി അറിയിച്ചതാണിത്.

പ്ലെയിനോ സെന്റ് പോള്‍സിനു വീണ്ടും ഉന്നത വിജയം

ഡാളസ്: മലങ്കര ഓര്‍ത്തഡോക്‌സ് സഭയിലെ സൗത്ത് വെസ്റ്റ് അമേരിക്കന്‍ ഭദ്രാസനത്തില്‍ ഡാളസ് ഏരിയയിലുള്ള സണ്‍ഡേ സ്കൂള്‍ വിദ്യാര്‍ത്ഥികളുടെ കലാമത്സരത്തില്‍ പ്ലെയിനോ സെന്റ് പോള്‍സ് ഓര്‍ത്തഡോക്‌സ് പള്ളിയിലെ വിദ്യാര്‍ത്ഥികള്‍ ഇത്തവണയും ഉന്നത വിജയം നേടി. ഇക്കഴിഞ്ഞ ഏപ്രില്‍ 21-നു നടത്തിയ മത്സരത്തില്‍ പങ്കെടുത്ത എല്ലാ വിദ്യാര്‍ത്ഥികളും വിജയം നേടി അമ്പതിലധികം മെഡലുകള്‍ കരസ്ഥമാക്കി.

ഗ്രൂപ്പ് അടിസ്ഥാനത്തില്‍ നടത്തപ്പെട്ട മത്സരത്തില്‍ രണ്ടാം ഗ്രൂപ്പിന്റെ ചാമ്പ്യനായി ഇടവകയിലെ ഡിയാ റബേക്ക അരുണ്‍ തെരഞ്ഞെടുക്കപ്പെട്ട് ഓവറോള്‍ ട്രോഫി നേടി.

വിജയികളായ വിദ്യാര്‍ത്ഥികളേയും നേതൃത്വം നല്‍കിയ പ്രിന്‍സിപ്പല്‍ ലിന്‍സ് ഫിലിപ്പ്, അധ്യാപകര്‍, രക്ഷകര്‍ത്താക്കള്‍ എന്നിവരെ വികാരി റവ.ഫാ. ബിനു മാത്യൂസ്, അസിസ്റ്റന്റ് വികാരി ഫിലിപ്പ് ശങ്കരത്തില്‍ എന്നിവര്‍ ചേര്‍ന്ന് അനുമോദിച്ചു.

എല്ലാ ഞായറാഴ്ചയും രാവിലെ 8.30 മുതല്‍ 9.30 വരെ സണ്‍ഡേ സ്കൂള്‍ ക്രമമായും ചിട്ടയായും നടത്തിവരുന്നു. സണ്‍ഡേ സ്കൂള്‍ പാഠ്യപദ്ധതികള്‍ക്കു പുറമെ വേദപഠന ചോദ്യോത്തര വേദി, സഭാ ചരിത്രം, പഠന ക്ലാസുകള്‍, ആരാധന, സഭയുടെ വിശ്വാസം എന്നിവയും പഠിപ്പിച്ചുവരുന്നു. ഇവ കൂടാതെ ഒ.വി.ബി.എസ്, മലയാളം അക്ഷരമാല, റോബോട്ടിക് ശില്പശാല, കുട്ടികളുടെ കഴിവ് വികസിപ്പിക്കത്തക്കതായ വിവിധ ശില്പശാലകളും സണ്‍ഡേ സ്കൂളിന്റെ നേതൃത്വത്തില്‍ നടത്തിവരുന്നു.

കൂടുതല്‍ വിവരങ്ങള്‍ക്ക്: ലിന്‍സ് ഫിലിപ്പ് (916 806 9235).

ജോയിച്ചന്‍ പുതുക്കുളം

ജി.എസ്.സിക്ക് നവ നേതൃത്വം

ഹൂസ്റ്റണ്‍: ഗ്രിഗോറിയന്‍ സ്റ്റഡി സര്‍ക്കിളിന്റെ 2018- 19 വര്‍ഷത്തെ ഭാരവാഹികളായി പ്രസിഡന്റ് – ബ്ലസന്‍ ബാബു, വൈസ് പ്രസിഡന്റ് – ബൈജു കുഞ്ഞുമോന്‍, സെക്രട്ടറി- ആഷ്‌ലി സാബു, ട്രഷറര്‍ – സിറില്‍ രാജന്‍ എന്നിവരും ഭരണസമിതി അംഗങ്ങളായി ബോസ് കെ.പി, ബാബു ഗീവര്‍ഗീസ്, സാബു പുന്നൂസ് എന്നിവരും ചുമതലയേറ്റു.

കഴിഞ്ഞ പത്തുവര്‍ഷമായി ജി.എസ്.സി ഹൂസ്റ്റണ്‍ നടത്തിവരുന്ന മലയാളം ക്ലാസിന്റെ പത്താമത് വാര്‍ഷികം വിവിധ പരിപാടികളോടെ ഈവര്‍ഷം ജൂലൈ മാസത്തില്‍ നടത്തുവാന്‍ തീരുമാനിച്ചു. മാസത്തില്‍ ഒരിക്കല്‍ സ്കാര്‍ഡ് ടെയില്‍ ഹാരിസ് കൗണ്ടി പബ്ലിക് ലൈബ്രറിയില്‍ വച്ചു നടന്നുവരുന്ന മലയാളം സ്റ്റോറി ടൈം മെയ് 12-നു നടത്തുന്നതിനൊപ്പം തന്നെ ഈവര്‍ഷത്തെ സമ്മര്‍ മലയാളം ക്ലാസുകള്‍ ജൂണ്‍ മാസം 12-നു ആരംഭിക്കുന്നതാണ്. 6 മുതല്‍ 16 വയസ്സുവരെ പ്രായമുള്ള കുട്ടികള്‍ക്കുവേണ്ടിയാണ് ക്ലാസുകള്‍ ക്രമീകരിച്ചിരിക്കുന്നതെന്ന് പ്രസിഡന്റ് ബ്ലസന്‍ ബാബു അറിയിച്ചു. കൂടുതല്‍ വിവരങ്ങള്‍ക്ക്: ജി.എസ്.സി ഹൂസ്റ്റണ്‍ ഫെയ്‌സ്ബുക്ക് പേജ് സന്ദര്‍ശിക്കുക. ഫോണ്‍: 832 910 7296.

ജോയിച്ചന്‍ പുതുക്കുളം

റോക്ക്‌ലാന്റ് സെന്റ് ജോര്‍ജ് സിറിയന്‍ ഓര്‍ത്തഡോക്‌സ് ദേവാലയ പെരുന്നാളും വിശ്വാസഐക്യദാര്‍ഢ്യവും

ന്യൂയോര്‍ക്ക്: ന്യൂയോര്‍ക്കിലെ റോക്ക്‌ലാന്റ് കൗണ്ടിയിലും സമീപ പ്രദേശങ്ങളിലും അധിവസിക്കുന്ന മലങ്കര യാക്കോബായ സുറിയാനി സഭാമക്കളുടെ ആരാധനാകേന്ദ്രമായ റോക്ക്‌ലാന്റ് സെന്റ് ജോര്‍ജ് സിറിയന്‍ ഓര്‍ത്തഡോക്‌സ് ദേവാലയത്തില്‍ കാവല്‍പിതാവായ വിശുദ്ധ ഗീവര്‍ഗീസ് സഹദായുടെ പ്രധാന പെരുന്നാള്‍ ഏപ്രില്‍ 28,29 (ശനി, ഞായര്‍) തീയതികളില്‍ ഭക്തിനിര്‍ഭരമായി ആചരിച്ചു. അഭിവന്ദ്യ യാക്കൂബ് മോര്‍ അന്തോണിയോസ് മെത്രാപ്പോലീത്ത (ഹോണോവാര്‍ മിഷന്‍, കര്‍ണ്ണാടക) പെരുന്നാള്‍ ശുശ്രൂഷകള്‍ക്ക് മുഖ്യകാര്‍മികത്വം വഹിച്ചു.

ശനിയാഴ്ച ദേവാലയത്തില്‍ എത്തിച്ചേര്‍ന്ന അഭിവന്ദ്യ മെത്രാപ്പോലീത്ത തിരുമനസ്സിനെ കത്തിച്ച മെഴുകുതിരി നല്‍കി ഇടവക വികാരി വെരി റവ. ഗീവര്‍ഗീസ് തോമസ് ചട്ടത്തില്‍ കോര്‍എപ്പിസ്‌കോപ്പ ഉപാചരപൂര്‍വ്വം സ്വീകരിച്ച് ദേവാലയത്തിലേക്ക് ആനയിച്ചു. ലുത്തിനിയയ്ക്കുശേഷം നടന്ന സന്ധ്യാപ്രാര്‍ത്ഥനയിലും വചന ശുശ്രൂഷയിലും സഹവികാരി റവ.ഫാ. ഷെറില്‍ മത്തായി, മലങ്കര ആര്‍ച്ച് ഡയോസിസ് സെക്രട്ടറി റവ.ഡോ. റെജി ജേക്കബ് എം.ഡി, റവ.ഡോ. ജോയല്‍ ജേക്കബ് എം.എസ് എന്നീ വൈദീക ശ്രേഷ്ഠര്‍ ഉള്‍പ്പടെ നിരവധി വിശ്വാസ സമൂഹം പങ്കെടുത്തു. റാസയ്ക്കുശേഷം ദേവാലയത്തില്‍ നടന്ന സഭയ്ക്കായുള്ള പ്രത്യേക പ്രാര്‍ത്ഥനാശുശ്രൂഷയില്‍ വിശ്വാസികള്‍ കത്തിച്ച മെഴുകുതിരികളേന്തി പ്രതിസന്ധികളിലൂടെ കടന്നുപോകുന്ന പരിശുദ്ധ സഭയോടുള്ള അചഞ്ചലമായ വിശ്വാസവും ഐക്യദാര്‍ഢ്യവും ഏറ്റുപറഞ്ഞു. ആദിമ നൂറ്റാണ്ട് മുതല്‍ വിശ്വാസ സത്യങ്ങളും പാരമ്പര്യവും ഒട്ടനവധി പീഡനങ്ങളിലൂടെയും അടിച്ചമര്‍ത്തലുകളിലൂടെയും കടന്നുപോയപ്പോഴെല്ലാം അദൃശ്യമായ ദൈവകരങ്ങളാണ് പരുശുദ്ധ സഭയെ വഴിനടത്തിയതെന്നും ദൈവസന്നിധിയിലുള്ള മുട്ടിപ്പായ പ്രാര്‍ത്ഥനകള്‍ വെല്ലുവിളികളെ അതിജീവിക്കാന്‍ പ്രാപ്തിയുള്ളവയാക്കുമെന്നും മെത്രാപ്പോലീത്ത പ്രസ്താവിച്ചു.

പരിശുദ്ധ ഗീവര്‍ഗീസ് സഹദായുടെ കോട്ടയും കാവലും മുപ്പത്തൊന്നാമത് വാര്‍ഷികം ആചരിക്കുന്ന ഇടവകയുടെ അനുഗ്രഹത്തിനും വളര്‍ച്ചയ്ക്കും നിദാനമാവട്ടെ എന്നു മോര്‍ അന്തോണിയോസ് ആശംസിച്ചു. ഇടവകാംഗമായ വിജയന്‍ ദാനിയേലും കുടുംബവുമാണ് ഈവര്‍ഷത്തെ പെരുന്നാള്‍ ഏറ്റുകഴിച്ചത്.

ഞായറാഴ്ച അഭിവന്ദ്യ തിരുമനസ്സിന്റെ മുഖ്യകാര്‍മികത്വത്തില്‍ നടന്ന വിശുദ്ധ കുര്‍ബാന, നേര്‍ച്ചവിളമ്പ്, ആശീര്‍വാദം, സ്‌നേഹവിരുന്ന് എന്നിവയോടെ പെരുന്നാള്‍ ചടങ്ങുകള്‍ സമാപിച്ചു.

വികാരി വെരി റവ. ഗീവര്‍ഗീസ് തോമസ് ചട്ടത്തില്‍ കോര്‍എപ്പിസ്‌കോപ്പ, സഹവികാരി റവ.ഫാ. ഷെറില്‍ മത്തായി, സെക്രട്ടറി ജോര്‍ജ് ഐസക്ക്, ടോണി മാത്യു (ട്രഷറര്‍) എന്നിവരുടെ നേതൃത്വത്തില്‍ മാനേജിംഗ് കമ്മിറ്റി അംഗങ്ങളായ വര്‍ഗീസ് പരത്തുവയിലില്‍, സാമുവേല്‍ വാര്യത്ത്, രാജന്‍ ദാനിയേല്‍, സണ്ണി പൗലോസ്, ഡ്യൂക്ക് ദാനിയേല്‍, അനില്‍ പാടിയേടത്ത് എന്നിവര്‍ പെരുന്നാള്‍ ചടങ്ങുകളുടെ വിജയകരമായ നടത്തിപ്പിനായി പ്രയത്‌നിച്ചു. ബിജു ചെറിയാന്‍ (ന്യൂയോര്‍ക്ക്) അറിയിച്ചതാണിത്.

ജോയിച്ചന്‍ പുതുക്കുളം

ഫിലിപ്പ് ഏബ്രഹാം പള്ളത്തുശേരില്‍ നിര്യാതനായി

നോര്‍ത് കരോലിന: ഫിലിപ്പ് ഏബ്രഹാം പള്ളത്തുശേരില്‍ (84)നിര്യാതനായി. പി പി ഏബ്രഹാമിന്‍റെയും മറിയാമ്മ ഏബ്രഹാമിന്‍റെയും പുത്രനാണ്. ഭാര്യ രമണി ഫിലിപ്പ്. മകന്‍: റ്റീബു ഫിലിപ്പ്, മരുമകള്‍ റേച്ചല്‍ ഫിലിപ്പ്.

സഹോദരങ്ങള്‍: പരേതനായ പി. എ വര്‍ക്കി, പരേതനായ ചെറിയാന്‍ ഏബ്രഹാം, പി. എ ജോസഫ്, പരേതയായ ഏലിയാമ്മ ജോണ്‍, പി.എ ഉതുപ്പ്, ടി. എ ഏബ്രഹാം. നോര്‍ത് കരോലിന സ്റ്റേറ്റ് യൂണിവേഴ്സിറ്റിയില്‍ നിന്ന് ബയോ കെമിസ്ട്രിയില്‍ പി എച്ച് ഡി എടുത്ത ഫിലിപ്പ് ഏബ്രഹാം, റിസര്‍ച്ച് ട്രയാംഗിള്‍ ഇന്‍സ്റ്റിറ്റ്യുട്ടില്‍ 37 വര്‍ഷത്തെ സേവനത്തിന് ശേഷം സീനിയര്‍ റിസേര്‍ച്ച് സയന്‍റിസ്റ്റായാണ് വിരമിച്ചത്.

നോര്‍ത് കരോലിനയില്‍ താമസമാക്കിയ ആദ്യ മലയാളി കുടുംബങ്ങളിലൊന്നായിരുന്നു ഇദ്ദേഹത്തിന്‍റെ കുടുംബം. സ്വദേശമായ കുമരകത്തുനിന്നും അമേരിക്കയിലെത്തുംമുമ്പ് ആലുവ യൂണിയന്‍ ക്രിസ്ത്യന്‍ കോളജില്‍ ലക്ചററായി സേവനമനുഷ്ഠിച്ചു. യു സി കോളജ് വിദ്യാര്‍ഥികളും അമേരിക്കയിലെ സുഹൃത്തുക്കളും ഫിലിപ്പ് സര്‍ എന്ന് സ്നേഹത്തോടെ വിളിച്ചിരുന്ന ഇദ്ദേഹം നോര്‍ത് കരോലിനയിലെ ഇന്ത്യന്‍ സമൂഹത്തിനിടയിലും നോര്‍ത് കരോലിന റാലിയിലെ മാര്‍ ഗ്രിഗോറിയോസ് ഇന്ത്യന്‍ ഓര്‍ത്തഡോക്സ് ചര്‍ച്ചിലും ഏറെ ആദരിക്കപ്പെട്ടിരുന്ന വ്യക്തിത്വത്തിനുടമയായിരുന്നു ബ്രിട്ടനി പ്ലെയ്സ് ഓഫ് സിയര്‍സ്റ്റോണ്‍ റിട്ടയര്‍മെന്‍റ് കമ്മ്യൂണിറ്റിയുടെ സ്നേഹപൂര്‍ണമായ പരിചരണത്തിനും ശ്രദ്ധയ്ക്കും കുടുംബം നന്ദി അറിയിച്ചു.

ശവസംസ്കാര ശുശ്രൂഷകള്‍ സെന്‍റ് ഗ്രിഗോറിയോസ് ഓര്‍ത്തഡോക്സ് ചര്‍ച്ചില്‍ വച്ച് നടക്കും.
വ്യൂയിംഗ്: 225 Bashford Road, Raleigh, N C 27606 (മെയ് 4ന് വൈകുന്നേരം 6 മുതല്‍ 9 മണി വരെ)

വിവരങ്ങള്‍ക്ക്: എബി ജോസഫ്: (954) 397 0995

സൗന്ദര്യത്തിനു മലയാളത്തികവ്, ഹൂസ്റ്റണിന്റെ മനം കവര്ന്ന മിസ് മലയാളി മത്സരം

ഹൂസ്റ്റണ്‍:   ഹൂസ്റ്റണ്‍ നഗരത്തിലെ മലയാളീ കലാ സൗന്ദര്യാസ്വാദര്‍ക്കു ചരിത്രനിമിഷങ്ങള്‍ പകര്ന്നു നല്കി സൗന്ദര്യ പ്രഭ ചൊരിഞ്ഞ ‘മിസ് മലയാളീ യു എസ്‌ എ 2018 നു വര്ണോജ്വലമായ സമാപനം.

ഏപ്രില്‍ 28 നു വൈകുന്നേരം 5 മുതല്‍  സ്റ്റാഫോര്ഡ് സിവിക് സെന്ററില്‍ വച്ച് നടത്തപെട്ട ഈ സൗന്ദര്യ മത്സരം 5  മണിക്കൂറോളം നീണ്ടുനിന്നു. മത്സരത്തിനിടയില്‍  നടന്ന വര്ണപ്പകിട്ടാര്ന്ന നൃത്ത സംഗീത കലാ  പരിപാടികള്‍  കാണികളെ ആനന്ദ നിര്‍വൃതിയിലാക്കി. അത്യന്തം ആവേശത്തോടെ ഇഞ്ചോടിഞ്ചു നടന്ന മത്സരങ്ങള്‍ വിജയികളെ പ്രഖ്യാപിക്കുന്ന അവസാന സമയം  വരെ ഉദ്വേഗത്തിന്റെ നിമിഷങ്ങള്‍ സമ്മാനിച്ചു.

അമേരിക്കയിലെ പ്രഥമ മിസ് മലയാളീ ഇവന്റില്‍  3 വിഭാഗങ്ങളായി നടന്ന മത്സരത്തില്‍  ടീന്‍ മലയാളീ വിഭാഗത്തില്‍ (13-17 വയസ്സ്) കൊച്ചു സുന്ദരിയായ ജൂലിയറ്റ് ജോര്ജ് വിജയ കിരീടമണിഞ്ഞപ്പോള്‍  ജിയാ തോമസം ദേവിക മതിലകത്തും രണ്ടും മൂന്നും സ്ഥാനങ്ങള്‍ നേടി.

മിസ് മലയാളീ യുഎസ്‌എ യായി(18-35 വയസ്സ്) രശ്മി സുരേന്ദ്രന്‍ വിജയ കിരീടം ചൂടി. ലെക്സിയ ജേക്കബും ഡെലീന എബ്രഹാമും  രണ്ടും മൂന്നും സ്ഥാനങ്ങള്‍ക്കു അര്‍ഹരായി.

മിസ്സസ്സ് മലയാളീ വിഭാഗത്തില്‍ (21-65 വയസ്സ്) മിനി വെട്ടിക്കല്‍ വിജയ കിരീടമണിഞ്ഞപ്പോള്‍ ബീന തട്ടിലും പ്രീതി സജീവും  രണ്ടും മൂന്നും സ്ഥാനങ്ങള്‍ നേടി.

ഈ വിജയികള്ക്ക് മിസ് ഇന്ത്യ യുഎസ്‌എ,  ബോളിവുഡ് പേജന്റ് ഇന്റര്‍നാഷണല്‍ സൗന്ദര്യ മത്സരങ്ങളുടെ ഫൈനല്‍ റൗണ്ടിലേക്കും നേരിട്ട് പ്രവേശനം ലഭിച്ചുവെന്നത് അഭിമാനകരമാണ്.

ചരിത്ര വിജയം കുറിച്ച ഈ മിസ് മലയാളീ മത്സരത്തിന്റെ പ്രധാന സംഘാടകയും സ്ഥാപകയും ഹൂസ്റ്റണിലെ പ്രശസ്തമായ ലഷ്മി ഡാന്‍സ് അക്കാഡമിയുടെ ഡയറക്ടര്‍ ആയ ലക്ഷ്മി പീറ്ററായിരുന്നു. അമേസ്ടേക് ഐടി കൺസൾട്ടിങ് കമ്പനിയുടെ സിഈഓ കൂടിയായ ലക്ഷ്മി അമേരിക്കയിൽ നിരവധി പരിപാടികൾ നടത്തി വ്യക്തിമുദ്ര പതിപ്പിച്ച  വ്യക്തിയും പ്രശസ്തയായ ഭരതനാട്യം നർത്തകിയും പേരുകേട്ട ഗായികയും കൂടിയാണ്. അക്കാഡമിയുടെ  ഇവെന്റ്സ് ഡിവിഷനും നേതൃത്വം നൽകി. ഫ്ലവർസ് ടിവി യുഎസ്‌എ മീഡിയ പാർട്ണർ ആയി പ്രവർത്തിച്ചു.

സ്വാതി സുരേഷ് നായർന്റെ പ്രാർത്ഥന കീർത്തനത്തിനു ശേഷം ഹൂസ്റ്റണിലെ വിശിഷ്ട വ്യക്തികളും അതിഥികളും ചേർന്ന് നിലവിളക്കു കൊളുത്തി. മാധ്യമ പ്രവർത്തകൻ ജീമോൻ റാന്നി ആശംസകൾ നേർന്നു സംസാരിച്ചു.

ജഡ്ജസ് ,ഫാഷൻ,മീഡിയ,സിനിമ  തുടങ്ങി വിവിധ മേഖലകളെ പ്രധിനിധീകരിച്ചു. പത്തിൽ പരം ജഡ്ജസ് ഉണ്ടായിരുന്ന ജഡ്ജിങ് ടീമിൽ തെന്നിന്ത്യൻ സിനിമകളിൽ കൂടി മലയാളി മനസുകളിൽ ഇടം തേടിയ പ്രശസ്ത സിനിമ താരം മാനിയ നായിഡുവും  അവാർഡ് ജേതാവായ മലയാള സിനിമ നിർമാതാവ് ടോം ജി കോലത്തും സെലിബ്രിറ്റി ജഡ്‌ജുകളായിരുന്നു.  ഹിന്ന അക്തർ കുദ്രത്, ഡോ. അബ്ദുള്ള കുദ്രത്, ഡോ. ഷാമ റഷീദ്, രുചിക സിംഗ് ഡയസ് , ജൂലി മാത്യു,  ഡോ. സബ്രീന ജോർജ്‌ ,  എ. സി. ജോർജ് . ഡോ. മാത്യു വൈരമൺ, ഡോ. നിഷ സുന്ദരഗോപാൽ എന്നിവരായിരുന്നു മറ്റു ജഡ്ജിങ് പാനൽ അംഗങ്ങൾ.

അമേരിക്കയിലെ വിവിധ സംസ്ഥാനങ്ങളിൽനിന്നും 50 ൽ പരം വ്യക്തികൾ മത്സരരംഗത്തുണ്ടായിരുന്നു. അവരിൽ നിന്നും ഓഡിഷൻ നടത്തി  20 മല്സരാര്ഥികൾ ആണ് ഫൈനൽ റൗണ്ടിൽ മാറ്റുരച്ചതു. ഇൻട്രൊഡക്ഷൻ, ടാലെന്റ്റ്, കേരളാ വിത്ത് എ ട്വിസ്റ്റ് എന്നീ റൗണ്ടുകൾക്കു ശേഷം 11  പേർ കിരീടത്തിനായി പോരാടി. ജഡ്ജസ് ന്റെ ചോദ്യ റൗണ്ടിന് ശേഷം വിജയികളെ പ്രഖ്യാപിക്കുകയായിരുന്നു.  ഹിമി ഹരിദാസ്, സിൽവി വര്ഗീസ്, ഷീബ ജേക്കബ് എന്നിവർ ഇവന്റ് കോച്ചുകളായി പ്രവർത്തിച്ചു.  500 ൽ പരം ആളുകൾ ആസ്വദിച്ച മിസ് മലയാളീ മത്സരത്തിന് അനിൽ ജനാർദ്ദനൻ, ഷിജി മാത്തൻ, ഷിബി റോയ്, റെയ്ന റോക്ക് എന്നിവർ എംസി മാരായി പ്രവർത്തിച്ചു.