ഗീവർഗീസ് സഹദായുടെ ഓർമ്മപ്പെരുന്നാളും റിട്രീറ്റും മെയ് അഞ്ച്, ആറ് തീയതികളിൽ

ഹൂസ്റ്റൻ: സെന്റ്മേരീസ് മലങ്കര ഓർത്തഡോക്സ് ദേവാലയത്തിന്റെ ആഭിമുഖ്യത്തിൽ മെയ് അഞ്ച്, ആറ് (ശനി, ഞായർ ) തീയതികളിൽ വിശുദ്ധ ഗീവർഗീസ് സഹദായുടെ ഓർമ്മപ്പെരുന്നാളും റിട്രീറ്റും നടത്തപ്പെടും.

ശനിയാഴ്ച വൈകിട്ട് ആറുമണിക്കു സന്ധ്യാ നമസ്കാരത്തോടെ പെരുനാൾ ചടങ്ങുകൾ ആരംഭിക്കും. ഞായറാഴ്ച മൂന്നിന്മേൽ കുർബാന, തുടർന്നു വെച്ചൂട്ട് നേർച്ചയോടെ പെരുനാളിനു സമാപനമാകും.

ശനിയാഴ്ച വൈകിട്ട് ആറുമണിക്കു സന്ധ്യാനമസ്കാരത്തെ തുടർന്നു നടക്കുന്ന റീട്രീറ്റിൽ ഹൂസ്റ്റൻ സെന്റ് പീറ്റേഴ്സ് ആൻഡ് സെന്റ് പോൾസ് പള്ളി വികാരി റവ. ഫാ. ഐസക് ബി. പ്രകാശ് സന്ദേശം നൽകും. തുടർന്ന് എട്ടുമണിക്ക് ആഘോഷമായ പെരുനാൾ പ്രദക്ഷിണവും നേർച്ച വിളന്പും.

ഞായറാഴ്ച രാവിലെ 8.30 ന് പ്രഭാത നമസ്കാരത്തോടെ ആരംഭിക്കുന്ന മൂന്നിന്മേൽ കുർബാനയ്ക്കു ഓസ്റ്റിൻ സെന്റ് ഗ്രിഗോറിയോസ് മലങ്കര ഓർത്തഡോക്സ് പള്ളി വികാരി റവ. ഫാ. സാം മാത്യു മുഖ്യ കാർമികത്വം വഹിക്കും. ഇടവക വികാരി റവ. ഫാ. പി.എം. ചെറിയാൻ, ദേവാലയ സ്ഥാപക വികാരിയും സീനിയർ വൈദികനുമായ റവ. ഫാ. ജോൺ ഗീവർഗീസ് എന്നിവർ സഹകാർമികരായിരിക്കും. തുടർന്നു വെച്ചൂട്ട് നേർച്ചയോടെ പെരുനാളിനു സമാപനമാകുമെന്നു വികാരി റവ. ഫാ. പി.എം. ചെറിയാൻ അറിയിച്ചു. പെരുനാളിന്റെ നടത്തിപ്പിനായി പള്ളി ട്രസ്റ്റി ഇ.കെ. വർഗീസിന്റെ നേതൃത്വത്തിൽ വിപുലമായ കമ്മിറ്റി പ്രവർത്തിക്കുന്നു. പെരുനാളിലേക്കു നേർച്ചകളും സംഭാവനകളും നൽകാൻ ആഗ്രഹിക്കുന്നവർക്കു ദേവാലയത്തിൽ സൌകര്യം ഉണ്ടായിരിക്കും.

കൂടുതൽ വിവരങ്ങൾക്ക് :
വികാരി റവ. ഫാ. പി.എം. ചെറിയാൻ (281-216-4347),
ദേവാലയ ട്രസ്റ്റി ഇ.കെ. വർഗീസ് (281-468-7081).

ജീമോൻ റാന്നി

ദൈവാനുഭവത്തിന്റെ നിമിഷങ്ങള്‍

ഷിക്കാഗോ: വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പയ്ക്കുശേഷം “ജീവിക്കുന്ന വിശുദ്ധന്‍’ എന്നു ലോകമെമ്പാടും വിശേഷിപ്പിക്കപ്പെടുന്ന ഫ്രാന്‍സീസ് പാപ്പയെ കഴിഞ്ഞ മാസം റോമില്‍ വച്ചു നേരില്‍ കണ്ട് ആശീര്‍വാദം സ്വീകരിക്കുവാന്‍ ഭാഗ്യം ലഭിച്ചതിന്റെ ചാരിതാര്‍ത്ഥ്യത്തിലാണ് ഷിക്കാഗോയില്‍ സ്ഥിരതാമസക്കാരനായ ഡോ. സാല്‍ബി പോള്‍ ചേന്നോത്തും കുടുംബവും.

പരിശുദ്ധ പിതാവുമായുള്ള ഹൃസ്വ സംഭാഷണത്തില്‍, സഭയില്‍ യുവാക്കള്‍ക്കും, കുടുംബജീവിതം നയിക്കുന്നവര്‍ക്കുമുള്ള പ്രാധാന്യത്തെക്കുറിച്ച് പ്രത്യേകം എടുത്തുപറഞ്ഞു. ഞങ്ങള്‍ക്കുവേണ്ടി പ്രാര്‍ത്ഥിക്കണമെന്ന് പിതാവിനോട് അപേക്ഷിച്ചപ്പോള്‍ നിങ്ങള്‍ എനിക്കുവേണ്ടിക്കൂടിയും പ്രാര്‍ത്ഥിക്കണമെന്ന മറപടി ഞങ്ങളേവരേയും അത്ഭുതപ്പെടുത്തി.

പരിശുദ്ധ പിതാവിന്റെ തേജസ്സുറ്റ മുഖവും കണ്ണുകളിലെ തീക്ഷണതയും മായാത്ത മുദ്രയായി എന്നും ഞങ്ങളില്‍ നിലകൊള്ളുമെന്നു ഡോ. സാല്‍ബി സാക്ഷ്യപ്പെടുത്തുന്നു. ജപ്പാനിലെ വത്തിക്കാന്‍ ന്യൂണ്‍ഷ്യോ ആര്‍ച്ച് ബിഷപ്പ് മാര്‍ ജോസഫ് ചേന്നോത്തിന്റെ ജ്യേഷ്ഠ സഹോദരപുത്രനാണ് ഡോ. സാല്‍ബി പോള്‍.

ജോയിച്ചന്‍ പുതുക്കുളം

ഫൊക്കാനാ വാഷിങ്ങ്ടണ്‍ ഡി സി ചാപ്റ്റര്‍ വനിതാ ഫോറത്തിന്റെ ഭാരവാഹികളെ തെരഞ്ഞെടുത്തു

ഫൊക്കാനാ വാഷിങ്ങ്ടണ്‍ ഡി സി ചാപ്റ്റര്‍ വനിതാ ഫോറത്തിന്റെ ഭാരവാഹികളെ തെരഞ്ഞെടുത്തു. ഭാരവാഹികളായി സരൂപ മോഹന്‍ (ചെയര്‍പെര്‍സണ്‍) പാര്‍വതിപ്രവീണ്‍ (സെക്രട്ടറി), മഞ്ജു ഭാസ്കര്‍ (ട്രഷറര്‍) , ശാന്ധന അരുണ്‍ മേനവന്‍ (വൈസ് പ്രസിഡന്റ് ) മജുഷ ഗിരീഷ് (ജോയിന്റ് സെക്രട്ടറി), മേരി ബെന്‍ (ജോയിന്റ് ട്രഷറര്‍)കലാ ഷാഹി (പി.ആര്‍ .ഒ ) തുടങ്ങിവരെ നിയമിച്ചതായി വിമന്‍സ് ഫോറം ദേശിയ ചെയര്‍പേഴ്ണ്ടസണ്‍ ലീലാ മാരേട്ട് അറിയിച്ചു.

അമേരിക്കയില്‍ മലയാളി ഒന്നിച്ചു നില്‍ക്കേണ്ടതിന്റെ ആവശ്യകതയെപ്പറ്റി വനിതകള്‍ തികച്ചും ബോധവതിയാണ്. ഐക്യമാണ് നമ്മുടെ ശക്തി. മലയാളി എന്ന നിലയിലുള്ള നമ്മുടെ നല്ലവശങ്ങള്‍ പുറത്തുകൊണ്ടുവരാന്‍ സംഘടന ശക്തമാകണം. ഒന്നിച്ചുനിന്നാല്‍ പല കാര്യങ്ങളും ചെയ്യാം. നമുക്ക് പരസ്പരം ഒന്നായി നില്‍ക്കാനായില്ലെങ്കില്‍ പിന്നെ എന്തിനാണ് ഒരു സംഘടന. തമ്മില്‍ തല്ലാനും ഗ്രൂപ്പ് പ്രവര്‍ത്തനം നടത്താനും നാം എന്തിനു സംഘടന പ്രവര്‍ത്തനം നടത്തണം? സംഘടനയെ ഒന്നിച്ചു കൊണ്ട്ണ്ടപോകുവാന്‍ കഴിവില്ലാത്തവര്‍ ആണ് ഗ്രൂപ്പ് പ്രവര്‍ത്തനം നടത്തി സംഘടനകളെ തകര്‍ക്കുന്നതെന്ന് വിമന്‍സ് ഫോറം ദേശിയ ചെയര്‍പേഴ്ണ്ടസണ്‍ ലീലാ മാരേട്ട് അഭിപ്രായപ്പെട്ടു . നമുക്ക് സ്‌നേഹം ഉള്ളവരും ഇല്ലാത്തവരും സംഘടനകളില്‍ കാണും, പക്ഷേ എല്ലാവരെയും ഒരുമിച്ചു കൊണ്ടു പോകുക എന്നതാണ് സംഘടന പ്രവര്‍ത്തനം.

അമേരിക്കന്‍ സമൂഹത്തില്‍ പലപ്പോഴും വനിതകള്‍ക്ക് അവരുടെ കഴിവിനനുസരിച്ചുള്ള ആദരവ് ലഭിച്ചിട്ടില്ല. അത് നേടിയെടുക്കുക എന്നത് ശ്രമകരമായ കാര്യവുമാണ്. യുവതികള്‍ക്ക് അമേരിക്കന്‍ സാംസ്ണ്ടകാരിക മുഖ്യധാരയിലേക്ക് വരുവാന്‍ അവസരം ഒരുക്കുക എന്നതാണ് ഫൊക്കാനയുടെ ലക്ഷ്യം . കഴിവുള്ള ആളുകളെ ഏതു കാലത്തായാലും അംഗീകരിക്കപ്പെടണം, അതിന് സ്ത്രിയെന്നോ, പുരുഷന്‍ എന്നോ വ്യതാസം പാടില്ല.

ഇനിയും യുവതികള്‍ അമേരിക്കന്‍ സാംസ്ണ്ടകാരിക രാഷ്ട്രീയ മേഖലയ്ക്ക് സംഭാവന നല്കുവാന്‍ വേണ്ടതെല്ലാം ചെയ്യുമെന്നു ലീലാ മാരേട്ട് അറിയിച്ചു. അംഗീകാരത്തിന്റെ വലിപ്പ ചെറുപ്പമല്ല മറിച്ചു അത് മലയാളി സമൂഹത്തിനു ലഭിക്കുമ്പോള്‍ ഉള്ള സന്തോഷമാണ് ഫോക്കാനയ്ക്ക് വലുത്. എന്തായാലും സംഘടന ഓരോ വര്‍ഷവും കൂടുതല്‍ വളരുന്നതില്‍ അവര്‍ സംതൃപ്തി പ്രകടിപ്പിച്ചു. പുതിയ നേതൃത്വം പുതിയ തലത്തിലേക്ക് സംഘടനയെ എത്തിക്കും എന്നകാര്യത്തില്‍ യാതൊരു സംശയവും ഇല്ല.

പുതിയതായി തെരഞ്ഞടുത്ത സരൂപ മോഹന്‍, പാര്‍വതിപ്രവീണ്‍ , മഞ്ജു ഭാസ്കര്‍ , സന്താന അരുണ്‍ മേനവന്‍ ,മജുഷ ഗിരീഷ് , മേരി ബെന്‍, കലാ ഷാഹി തുടങ്ങിവര്‍ക്ക് എല്ലാവിധ ആശംസകള്‍ നേരുന്നതായി ലീലാ മാരേട്ട് അറിയിച്ചു.

ചിക്കാഗോ എക്യൂമെനിക്കല്‍ കൗണ്‍സില്‍ കുടുംബ സംഗമം ജൂണ്‍ രണ്ടിന്

ചിക്കാഗോ: എക്യൂമെനിക്കല്‍ കൗണ്‍സിലിന്റെ ആഭിമുഖ്യത്തില്‍ 15 ദേവാലയങ്ങള്‍ ചേര്‍ന്നു നടത്തുന്ന കുടുംബ സംഗമം ജൂണ്‍ രണ്ടിന് ശനിയാഴ്ച വൈകുന്നേരം 5 മണിക്ക് ബെല്‍വുഡിലെ സീറോ മലബാര്‍ ഓഡിറ്റോറിയത്തില്‍ വച്ചു നടക്കും. 5 മണി മുതല്‍ ഡിന്നറും 6 മുതല്‍ 6.30 വരെ പൊതുസമ്മേളനവും 7 മുതല്‍ കലാപരിപാടികളും ആരംഭിക്കും.

എല്ലാ ദേവാലയങ്ങളിലേയും കലാപ്രതിഭകളുടെ തെരഞ്ഞെടുക്കപ്പെട്ട കലാപരിപാടികള്‍ അരങ്ങേറുവാന്‍ സീറോ മലബാര്‍ ദേവാലയത്തിന്റെ അരങ്ങ് ഒരുങ്ങിക്കഴിഞ്ഞതായി എക്യൂമെനിക്കല്‍ കൗണ്‍സില്‍ പ്രസിഡന്റ് റവ. ജോണ്‍ മത്തായി അറിയിച്ചു.

കുടുംബസംഗമം പരിപാടികള്‍ക്ക് ചിക്കാഗോയിലെ ജനങ്ങള്‍ വന്‍ പ്രോത്സാഹനമാണ് നല്‍കിക്കൊണ്ടിരിക്കുന്നതെന്ന് വൈസ് പ്രസിഡന്റ് റവ.ഫാ. ബിജുമോന്‍ ജേക്കബ് അറിയിച്ചു.. കേരളത്തില്‍ അര്‍ഹരായവര്‍ക്കുവേണ്ടി ഒരു ചെറിയ സഹായഹസ്തം നീട്ടാന്‍ തങ്ങള്‍ക്ക് കിട്ടുന്ന വലിയ ഒരു അവസരമായി അവര്‍ ഇതിനെ കാണുന്നു. കഴിഞ്ഞവര്‍ഷം ഭവനരഹിതരായ രണ്ടു കുടുംബങ്ങള്‍ക്ക് നല്ല രണ്ടു ഭവനങ്ങള്‍ നിര്‍മ്മിച്ചുനല്‍കാന്‍ ചിക്കാഗോ എക്യൂമെനിക്കല്‍ കൗണ്‍സിലിന്റെ ഈ പ്രവര്‍ത്തനത്തിലൂടെ സാധ്യമായി. ഇതിനകം പന്ത്രണില്‍ അധികം ഭവനങ്ങള്‍ നിര്‍മ്മിച്ചു. അമേരിക്കയില്‍ തന്നെ വിവിധ എക്യൂമെനിക്കല്‍ പ്രസ്ഥാനങ്ങള്‍ക്ക് മാതൃകയായിരിക്കുകയാണ് ചിക്കാഗോ എക്യൂമെനിക്കല്‍ കൗണ്‍സില്‍. ഈവര്‍ഷവും ഇതില്‍ നിന്നും ലഭിക്കുന്ന തുക മുഴുവനും ജീവകാരുണ്യ പ്രവര്‍ത്തനങ്ങള്‍ക്കും ഭവന നിര്‍മ്മാണങ്ങള്‍ക്കുമായി ചെലവഴിക്കുന്നതാണ്.

യുവജനങ്ങള്‍ക്കായി നടത്തുന്ന ബാസ്കറ്റ്‌ബോള്‍, വോളിബോള്‍ ടൂര്‍ണമെന്റുകള്‍, കുട്ടികളുടെ കലാഭിരുചികള്‍ വളര്‍ത്തുന്നതിനായി നടത്തുന്ന സണ്‍ഡേ സ്കൂള്‍ കലാമേള, സുവിശേഷയോഗം, ക്രിസ്തുമസ് പരിപാടികള്‍ എന്നിവ എക്യൂമെനിക്കല്‍ കൗണ്‍സിലിന്റെ പരിപാടികളില്‍ ഉള്‍പ്പെടുന്നു.

റവ.ഫാ. മാത്യൂസ് ജോര്‍ജ് ചെയര്‍മാനും, ബെഞ്ചമിന്‍ തോമസ് ജനറല്‍ കണ്‍വീനര്‍, സിനില്‍ ഫിലിപ്പ് പ്രോഗ്രാം കോര്‍ഡിനേറ്റര്‍, പ്രവീണ്‍ തോമസ്, ഏലിയാമ്മ പുന്നൂസ്, സൈമണ്‍ തോമസ്, അച്ചന്‍കുഞ്ഞ് മാത്യൂസ് തുടങ്ങി അനേകം കൗണ്‍സില്‍ മെമ്പര്‍മാര്‍ ഈ പരിപാടികളുടെ വിജയത്തിനായി പ്രവര്‍ത്തിക്കുന്നു.

ജൂണ്‍ രണ്ടിന് നടക്കുന്ന ഈ പരിപാടി വിജയപ്രദമാക്കുവാന്‍ ചിക്കാഗോയിലെ മലയാളി സമൂഹം സഹകരിച്ച് പ്രവര്‍ത്തിക്കണമെന്നു സെക്രട്ടറി അറ്റോര്‍ണി ടീന തോമസും, ട്രഷറര്‍ ആന്റോ കവലയ്ക്കലും അഭ്യര്‍ത്ഥിച്ചു. ജോര്‍ജ് പണിക്കര്‍ അറിയിച്ചതാണിത്.

ജോയിച്ചന്‍ പുതുക്കുളം

ജയിംസ് വര്‍ഗീസിന് നേപ്പാളിലെ ഇത്തിഹാരി സിറ്റി മേയര്‍ അവാര്‍ഡ് നല്‍കി ആദരിച്ചു

കാട്ട്മണ്ഡു: നേപ്പാളിലെ ഗ്രാമ പ്രദേശങ്ങളില്‍ സൗജന്യ മെഡിക്കല്‍ ക്യാംപ് നടത്തി ആയിരക്കണക്കിനു പേര്‍ക്ക് സൗജന്യ വൈദ്യസഹായം നല്‍കിയ ലയണ്‍സ് ക്ലബ്ബ് ഇന്റര്‍നാഷനല്‍ ഡിസ്ട്രിക്റ്റ് 4 സി 3 റീജിയണ്‍ ചെയര്‍ ജയിംസ് വര്‍ഗീസിന് നേപ്പാളിലെ ഇത്തിഹാരി സിറ്റി മേയര്‍ അവാര്‍ഡ് നല്‍കി ആദരിച്ചു.

നേപ്പാളിലെ സപ്താരി, ഇത്തിഹാരി ഗ്രാമങ്ങളില്‍ കൈലാഷ് മെഡിക്കല്‍ ഫൗണ്ടേഷന്റെയും ലയണ്‍സ് ക്ലബ്ബിന്റെയും ആഭിമുഖ്യത്തില്‍ നടത്തിയ ഒരാഴ്ച നീണ്ട സൗജന്യ മെഡിക്കല്‍ ക്യാംപില്‍ 2,500 ല്‍ പരം രോഗികള്‍ പങ്കെടുത്ത് വൈദ്യ സഹായം സ്വീകരിച്ചു.

അമേരിക്കയില്‍ നിന്നും 13 അംഗ മെഡിക്കല്‍ സംഘവും പത്തോളം പേരടങ്ങുന്ന നേപ്പാളിലെ കൊയിരാള മെഡിക്കല്‍ ഇന്‍സ്റ്റിറ്റിയൂട്ടിലെ ഡോക്ടര്‍മാരും നഴ്‌സുമാരും ഒറ്റക്കെട്ടായി രണ്ടു ക്യാംപുകളിലും പ്രവര്‍ത്തിച്ചു മെഡിക്കല്‍ ക്യാംപ് വിജയകരമാക്കി.

ജോയിച്ചന്‍ പുതുക്കുളം

നെപ്പോളിയന്‍ ക്രിസോസ്റ്റം നിര്യാതനായി

ഷിക്കാഗോ: കൊല്ലം പുല്ലിച്ചിറ പുത്തന്‍വിളവീട്ടില്‍ പരേതരായ ക്രിസോസ്റ്റം – സര്‍ഫീന ദമ്പതികളുടെ പുത്രന്‍ നെപ്പോളിയന്‍ ക്രിസോസ്റ്റം (72) ഏപ്രില്‍ 22-നു നിര്യാതനായി.

കൊച്ചി തോപ്പുംപടി കോന്നുള്ളി കുടുംബാംഗമായ ജൂലിയ ആണ് ഭാര്യ. മക്കള്‍: നെജു, നീല്‍.

ഏപ്രില്‍ 28-നു ശനിയാഴ്ച രാവിലെ 9.30 മുതല്‍ 10.30 വരെ വേയ്ക്ക് സര്‍വ്വീസും, അതിനുശേഷം അന്നേദിവസം രാവിലെ 10.30-നു ഫ്യൂണറല്‍ സര്‍വീസും നടത്തപ്പെടുന്നതാണ്.

സ്ഥലം: സെന്റ് ജോസഫ് കാത്തലിക് ചര്‍ച്ച്, 330 ഇ, ഫുള്ളര്‍ടോണ്‍ ഈവ്, ആഡിസണ്‍, ഇല്ലിനോയ്‌സ് 60101.

സംസ്കാരം: മൗണ്ട് കാര്‍മ്മല്‍ സെമിത്തേരി, 1400 എസ്, വോള്‍ഫ് റോഡ്, ഹില്‍സൈഡ്, ഇല്ലിനോയ്‌സ് 60162.

കൂടുതല്‍ വിവരങ്ങള്‍ക്ക്: ഹെറാള്‍ഡ് (630 400 1172), വിജയന്‍ (847 909 1252), ബിനു (630 217 6778).

ജോയിച്ചന്‍ പുതുക്കുളം

സ്പോർട്ടിങ് യുണൈറ്റഡ് സെലക്ഷൻ ട്രയൽസ്

പുതിയ സീസണിലേക്കുള്ള സ്പോർട്ടിങ് യുണൈറ്റഡിന്റെ സെലക് ഷൻ ട്രെയ്ൽസ് മേയ് 4നു വെള്ളിയാഴ്ച രാവിലെ 7 മണിക്ക് ഹൈ സാമിർ ടർഫ് സ്റ്റേഡിയത്തിൽ നടക്കുന്നതാണ്.

10 വയസ്സ് മുതൽ 16 വയസ്സ് വരെയുള്ള കുട്ടികൾക്ക് ട്രയൽസിൽ പങ്കെടുക്കാം.

താല്പര്യമുള്ള കളിക്കാർക്ക് 050 752 5129, 056 409 5061 എന്നീ നമ്പറുകളിൽ വിളിച്ചു രെജിസ്റ്റർ ചെയ്യാവുന്നതാണ്.

ഫെയര്‍ലെസ് ഹില്‍സ് പള്ളി പെരുന്നാളും കണ്‍വന്‍ഷനും ഏപ്രില്‍ 27,28,29 തീയതികളില്‍

ഫിലാഡല്‍ഫിയ: വിശുദ്ധ ഗീവര്‍ഗീസ് സഹദായുടെ നാമഥേയത്തിലുള്ള ഫെയര്‍ലെസ് ഹില്‍സ് സെന്റ് ജോര്‍ജ് ഓര്‍ത്തഡോക്‌സ് ഇടവകയുടെ പെരുന്നാളും കണ്‍വന്‍ഷനും ഏപ്രില്‍ 27,28,29 തീയതികളില്‍ അഭിവന്ദ്യ ഏബ്രഹാം മാര്‍ എപ്പിഫാനിയോസ് മെത്രാപ്പോലീത്തയുടെ പ്രധാന കാര്‍മികത്വത്തില്‍ നടത്തപ്പെടുന്നു. പരിശുദ്ധ ഗീവര്‍ഗീസ് സഹദായുടെ മധ്യസ്ഥതയില്‍ അനുഗ്രഹം പ്രാപിക്കാന്‍ ഏവരേയും സ്വാഗതം ചെയ്യുന്നതായി അറിയിച്ചു.

ഏപ്രില്‍ 22-നു ഞായറാഴ്ച രാവിലെ 9.30-നു വിശുദ്ധ കുര്‍ബാനയും തുടര്‍ന്ന് 11.30-നു പെരുന്നാള്‍ കൊടിയേറ്റും നടന്നു.

ഏപ്രില്‍ 27-നു വെള്ളിയാഴ്ച വൈകുന്നേരം 6 മണിക്ക് സന്ധ്യാപ്രാര്‍ത്ഥന, 7-ന് റവ.ഫാ. കെ.പി. തോമസിന്റെ വചന ശുശ്രൂഷ എന്നിവ നടക്കും

ഏപ്രില്‍ 28-നു ശനിയാഴ്ച വൈകുന്നേരം 6 മണിക്ക് സന്ധ്യാപ്രാര്‍ത്ഥന, 7 മണിക്ക് അഭിവന്ദ്യ ഏബ്രഹാം മാര്‍ എപ്പിഫാനിയോസ് മെത്രാപ്പോലീത്തയുടെ വചന ശുശ്രൂഷ എന്നിവയും നടക്കും.

ഏപ്രില്‍ 29-നു ഞായറാഴ്ച രാവിലെ 8.30 നു പ്രഭാത നമസ്കാരം, 9.30-നു വിശുദ്ധ കുര്‍ബാന, 11.30-ന് റാസ, 12.30-നു വാഴ്‌വ്, നേര്‍ച്ച വിളമ്പ് എന്നിവയോടെ പെരുന്നാള്‍ ചടങ്ങുകള്‍ സമാപിക്കും.

കൂടുതല്‍ വിവരങ്ങള്‍ക്ക്: റവ.ഫാ. അബു വര്‍ഗീസ് പീറ്റര്‍ (വികാരി & പ്രസിഡന്റ്) 914 806 4595, ജിബു മാത്യു (സെക്രട്ടറി) 267 270 0473, ജോസ് പാപ്പച്ചന്‍ (ട്രസ്റ്റി) 215 275 5575.

ജോയിച്ചന്‍ പുതുക്കുളം

അമേരിക്കന്‍ ടാലന്റ് സേര്‍ച്ചിന്റെ ഫൈനല്‍ വിജയികളെ പ്രഖ്യാപിച്ചു, മത്സരം ടാമ്പായില്‍ ഏപ്രില്‍ 28-ന്

ടാമ്പാ: പ്രശസ്ത ഗായകന്‍ ജി. വേണുഗോപാലും, ബീനാ മേനോനും വിധികര്‍ത്താക്കളാകുന്ന അമേരിക്കന്‍ ടാലന്റ് സ്റ്റാര്‍ ഏപ്രില്‍ 28-നു ടാമ്പായില്‍ നടക്കും. മത്സര വിജയികള്‍ക്ക് 3000-ത്തിലധികം ഡോളറിന്റെ സമ്മാനങ്ങളാണ് വിതരണം ചെയ്യുന്നത്.

ഓര്‍ലാന്റോയില്‍ ഏപ്രില്‍ 15-നു നടന്ന സെമി ഫൈനലില്‍ നിന്നും ഫൈനിലിലേക്ക് തെരഞ്ഞെടുക്കപ്പെട്ട ടീമുകള്‍ ഇവയാണ്:
1.കൗശിക് കൃഷ്ണമൂര്‍ത്തി
2. നന്ദനാ വിജയന്‍ നായര്‍
3. മൈക്കലാ ജോസഫ്
4. ഇപ്ഷിതാ റോയ്
5. ശ്രുതിലയ ചെണ്ടമേളം
6. നിത്യ കുന്താ
7. പ്രിയ സിംഗ്
8. ഫ്യൂഷന്‍ ലീഗ്- ഏക്താ സിംഗ്
9. ഗ്രേസ്ഫുള്‍ ഡാന്‍സേഴ്‌സ്
10. ഡാന്‍സിംഗ് ഡ്യൂവോ (കവിത ഡേവിസ്, ദിവ്യ സണ്ണി)
11. ഷെല്‍ബി ചെറിയാന്‍
12. സ്റ്റൈലിഷ് തമിസചി ഗ്രൂപ്പ്
13. നന്ദിതാ ബ്രിജേഷ് & ഗ്രൂപ്പ്
14. പഞ്ചമി അജയ് & ടീം.

വൈകുന്നേരം 6.30-ഓടെ മത്സരങ്ങള്‍ ആരംഭിക്കും. എട്ടുമണിയോടുകൂടി ഗാനമേള ആരംഭിക്കുന്നതും വിജയികളെ പ്രഖ്യാപിക്കുന്നതുമാണ്. പരിപാടിയുടെ ചിലവിലേക്കായി 10, 25, 50 ഡോളര്‍ നിരക്കുകളില്‍ ടിക്കറ്റുകള്‍ കൗണ്ടറില്‍ നിന്നും ലഭിക്കുന്നതാണ്. ഓരോ മത്സരത്തിനുശേഷം വിധികര്‍ത്താക്കള്‍ അവരുടെ അഭിപ്രായങ്ങള്‍ മത്സരാര്‍ത്ഥികളെ അറിയിക്കുന്നതാണ്.

കൂടുതല്‍ വിവരങ്ങള്‍ക്ക്: ടി. ഉണ്ണികൃഷ്ണന്‍ (813 334 0123), ടിറ്റോ ജോണ്‍ (813 408 3777), സുനില്‍ വര്‍ഗീസ് (727 793 4627), ജയിംസ് ഇല്ലിക്കല്‍ (813 230 8031), ലിജു ആന്റണി (813 451 7429).

ജോയിച്ചന്‍ പുതുക്കുളം

എസ്.ബി. അലുംമ്‌നിക്ക് പുതിയ നേതൃത്വവും, പ്രതിഭാ പുരസ്കാര വിതരണവും

ചിക്കാഗോ: ചങ്ങനാശേരി എസ്.ബി ആന്‍ഡ് അസംപ്ഷന്‍ പൂര്‍വ്വ വിദ്യാര്‍ത്ഥി സംഘടനയുടെ ചിക്കാഗോ ചാപ്റ്ററിന്റെ അടുത്ത രണ്ടു വര്‍ഷത്തേക്കുള്ള ഭാരവാഹികളെ തെരഞ്ഞെടുത്തു. ഒപ്പം 2017-ലെ ഹൈസ്കൂള്‍ പ്രതിഭാ പുരസ്കാര വിജയികളെ പ്രഖ്യാപിക്കുകയും സമ്മാനങ്ങള്‍ വിതരണം ചെയ്യുകയും ചെയ്തു. ഏപ്രില്‍ 21-ന് ഡസ്‌പ്ലെയിന്‍സിലുള്ള ഇമ്പീരിയല്‍ ട്രാവല്‍സ് ഹാളിലാണ് സമ്മേളനം നടന്നത്.

ആല്‍വീന ജോസഫും, എമിലി ഷിജോയും പ്രാര്‍ത്ഥനാഗാനം ആലപിച്ചുകൊണ്ട് സമ്മേളനം ആരംഭിച്ചു. ഷാജി കൈലാത്ത് സ്വാഗതവും, ഷിബു അഗസ്റ്റിന്‍ അധ്യക്ഷ പ്രസംഗവും, ഡോ. ജയിംസ് മാത്യു മുഖ്യ പ്രഭാഷണവും നടത്തി. റോസ് ഉറുമ്പാക്കല്‍ ഗാനം ആലപിച്ചു. ഗുഡ്‌വിന്‍ ഫ്രാന്‍സീസ് ഇന്ത്യന്‍ ദേശീയ ഗാനം ആലപിച്ചു. റെറ്റി കൊല്ലാപുരം വാര്‍ഷിക പ്രവര്‍ത്തന റിപ്പോര്‍ട്ടും, ജോണ്‍ നടയ്ക്കപ്പാടം സാമ്പത്തിക റിപ്പോര്‍ട്ടും അവതരിപ്പിച്ചു. സണ്ണി വള്ളിക്കളം നന്ദി പറഞ്ഞു. ജെന്നിഫര്‍ ജയിംസ് അവതാരകയായിരുന്നു. തെരഞ്ഞെടുപ്പിന് ചുക്കാന്‍ പിടിച്ചത് ജയിംസ് ഓലിക്കരയും, ജിജി മാടപ്പാട്ടും, ബിജി കൊല്ലാപുരവുമാണ്.

മുഖ്യാതിഥിയായിരുന്ന ഡോ. ജയിംസ് മാത്യു തന്റെ മുഖ്യ പ്രഭാഷണത്തില്‍ അറിവിനൊപ്പം ചെയ്യേണ്ടതും ചെയ്യരുതാത്തതും ഏതൊക്കെയെന്ന തിരിച്ചറിവുകൂടി നേടുമ്പോഴാണ് വിദ്യാഭ്യാസത്തിനു അര്‍ത്ഥമുണ്ടാകുന്നതെന്നും അതല്ലാതെ നേടുന്ന വിദ്യ അറിവിന്റെ തലത്തില്‍ മാത്രം ഒതുങ്ങുന്നു എന്നും പറഞ്ഞു.

അടുത്ത രണ്ടു വര്‍ഷത്തേക്കുള്ള സംഘടനയുടെ ഭാരവാഹികളായി താഴെപ്പറയുന്നവരെ യോഗം ഐക്യകണ്‌ഠ്യേന തെരഞ്ഞെടുത്തു.

എക്‌സിക്യൂട്ടീവ് സമിതി:
രക്ഷാധികാരി: റവ. ഡോ. ജോര്‍ജ് മഠത്തിപ്പറമ്പില്‍
പ്രസിഡന്റ്: ഷാജി കൈലാത്ത്, വൈസ് പ്രസിഡന്റുമാര്‍: ആന്റണി ഫ്രാന്‍സീസ് ആന്‍ഡ് ജോളി കുഞ്ചെറിയ. സെക്രട്ടറി: ഷീബാ ഫ്രാന്‍സീസ്, ട്രഷറര്‍: ജോണ്‍ നടയ്ക്കപ്പാടം, ജോ. സെക്രട്ടറി: റോയിച്ചന്‍ വിലയവീട്, ജോ. ട്രഷറര്‍: സെബാസ്റ്റ്യന്‍ വാഴേപ്പറമ്പില്‍.

സമിതി അംഗങ്ങള്‍:
ബിജി കൊല്ലാപുരം, ചെറിയാന്‍ മാടപ്പാട്ട്, ഷിബു അഗസ്റ്റിന്‍, ജോഷി വള്ളിക്കളം, ജയിംസ് ഓലിക്കര, സണ്ണി വള്ളിക്കളം, ബോബന്‍ കളത്തില്‍.

ഉപദേശകസമിതി:
ജോസഫ് നെല്ലുവേലില്‍, ലൈജോ ജോസഫ്, പ്രൊഫ. കെ.എസ്. ആന്റണി, കുഞ്ഞുമോന്‍ ഇല്ലിക്കല്‍, ജോസ് ചേന്നിക്കര.

സമ്മേളന മധ്യേ സംഘടനയുടെ ചിക്കാഗോ ചാപ്റ്റര്‍ പഠനത്തില്‍ മികവു പുലര്‍ത്തുന്ന അംഗങ്ങളുടെ മക്കളെ പ്രോത്സാഹിപ്പിക്കുന്നതിനും ആദരിക്കുന്നതിനും വേണ്ടി സ്ഥാപിച്ചിട്ടുള്ള 2017-ലെ ഹൈസ്കൂള്‍ വിദ്യാഭ്യാസ പ്രതിഭാ പുരസ്കാര വിജയികളെ പ്രഖ്യാപിക്കുകയും, സമ്മാനങ്ങള്‍ വിതരണം ചെയ്യുകയും ചെയ്തു.

ഇത്തരം ഉയരങ്ങള്‍ കീഴടക്കുന്നതിന് കുട്ടികള്‍ക്ക് പ്രേരകവും ത്വരകളുമായി നില്‍ക്കുന്നത് മാതാപിതാക്കള്‍ക്ക് മക്കളോടുള്ള വലിയ സമര്‍പ്പണവും മക്കള്‍ക്ക് മാതാപിതാക്കളോടുള്ള പ്രതിബദ്ധതയുമാണെന്ന് ആമുഖമായി പറഞ്ഞുകൊണ്ട് അസംപ്ഷന്‍ കോളജ് പൂര്‍വ്വ വിദ്യാര്‍ത്ഥികളായ ഷീബാ ഫ്രാന്‍സീസും, ജോളി കുഞ്ചെറിയയും പുരസ്കാര ജേതാക്കളെ സദസിന് പരിചയപ്പെടുത്തിക്കൊണ്ട് പ്രഖ്യാപനം നടത്തി.

മാത്യു വാച്ചാപറമ്പില്‍ സ്മാരക പുരസ്കാരത്തിന് ആന്‍ മേരി ഉറുമ്പാക്കല്‍ അര്‍ഹയായപ്പോള്‍, ടിം ജോസഫും, ഷോണ്‍ വെട്ടിക്കാട്ടും റവ.ഡോ. ജോര്‍ജ് മഠത്തിപ്പറമ്പില്‍ പൗരോഹിത്യ സുവര്‍ണ്ണ ജൂബിലി സ്മാരക പുരസ്കാരത്തിന് അര്‍ഹരായി. ഈ പുരസ്കാരം സ്‌പോണ്‍സര്‍ ചെയ്തിരിക്കുന്ന വാച്ചാപറമ്പില്‍ കുടുംബത്തിന് സംഘടനയുടെ പേരില്‍ ഭാരവാഹികള്‍ തദവസരത്തില്‍ നന്ദി പറഞ്ഞു.

ആന്‍ മേരി ഉറുമ്പാക്കലും ടിം ജോസഫും ഷോണ്‍ വെട്ടിക്കാട്ടും യഥാക്രമം ഡോ. ജയിംസ് മാത്യു, ഡോ. ഫിലിപ്പ് വെട്ടിക്കാട്ട്, ജോസഫ് നെല്ലുവേലി എന്നീ വിശിഷ്ടാതിഥികളില്‍ നിന്നും പുരസ്കാരങ്ങള്‍ ഏറ്റുവാങ്ങി.

ഷിബു അഗസ്റ്റിന്‍, ജോണ്‍ നടയ്ക്കാപ്പാടം, ജയിംസ് ഓലിക്കര, എബി തുരുത്തിയില്‍, ബിജി കൊല്ലാപുരം, ജിജി മാടപ്പാട്ട്, റെറ്റി കൊല്ലാപുരം, ആന്റണി ഫ്രാന്‍സീസ്, ജോഷി വള്ളിക്കളം, ആന്റണി പന്തംപ്ലാക്കല്‍, സണ്ണി വള്ളിക്കളം, ജോജോ വെങ്ങാന്തറ, ഷീബാ ഫ്രാന്‍സീസ്, ജോളി കുഞ്ചെറിയ, ബോബന്‍ കളത്തില്‍, ലൈജോ ഒളശ്ശ എന്നിവര്‍ ചടങ്ങുകള്‍ക്ക് നേതൃത്വം നല്‍കി. സമ്മേളനത്തിനു വേദിയൊരുക്കി തന്ന ഇമ്പീരിയല്‍ ട്രാവല്‍സ് മാനേജ്‌മെന്റിനു സംഘടനയുടെ പേരില്‍ ഭാരവാഹികള്‍ നന്ദി പറഞ്ഞു. വൈകിട്ട് 9.30-നു ഡിന്നറോടെ യോഗം പര്യവസാനിച്ചു. ആന്റണി ഫ്രാന്‍സീസ് വടക്കേവീട് അറിയിച്ചതാണിത്.

ജോയിച്ചന്‍ പുതുക്കുളം