ഇന്ത്യന്‍ കോണ്‍സുല്‍ ഓംപ്രകാശ് മീനയ്ക്ക് യാത്രയയപ്പ് നല്‍കി

ഷിക്കാഗോ: ഇന്ത്യന്‍ കോണ്‍സുല്‍ ഓംപ്രകാശ് മീന ഷിക്കാഗോ കോണ്‍സുലേറ്റില്‍ 3 വര്‍ഷത്തെ സേവനത്തിനുശേഷം മംഗോളിയയില്‍ ഇന്ത്യന്‍ ഹൈക്കമ്മീഷണറായി തിരികെപ്പോകുന്നു. വിവിധ സംഘടനാ നേതാക്കളും, രാഷ്ട്രീയ പ്രതിനിധികളും ചേര്‍ന്ന് അദ്ദേഹത്തിന് യാത്രയയപ്പ് നല്‍കി. ഒഹയര്‍ എയര്‍പോര്‍ട്ടിനടുത്തുള്ള മഹാരാജാസ് റെസ്റ്റോറന്റില്‍ കൂടിയ യാത്രയയപ്പ് സമ്മേളനത്തില്‍ കോണ്‍സുല്‍ ഡി.ബി ഭാട്ടി എല്ലാവര്‍ക്കും സ്വാഗതമരുളുകയും ഒ.പി മീന ഐ.എഫ്.എസിന്റെ നിസ്വാര്‍ത്ഥ സേവനത്തെ അഭിനന്ദിക്കുകയും ചെയ്തു.

ആശംസകള്‍ അറിയിച്ചുകൊണ്ട് എഫ്.ഐ.എ ചെയര്‍മാന്‍ സുനില്‍ ഷാ, ഗോപിയോ ഷിക്കാഗോ ചെയര്‍മാന്‍ ഗ്ലാഡ്‌സണ്‍ വര്‍ഗീസ്, ഇന്ത്യന്‍ കമ്യൂണിറ്റി ഔട്ട് റീച്ച് പ്രസിഡന്റ് കൃഷ്ണ ബസാല്‍, ഷാംബര്‍ഗ് ടൗണ്‍ഷിപ്പ് ട്രസ്റ്റി നിമോഷ് ജാനി, ഷിക്കാഗോ എഫ്.ഐ.എ പ്രസിഡന്റ് ഡോ. സന്‍ഹിത അഗ്നിഹോത്രി, സ്റ്റേറ്റ് ബാങ്ക് ഓഫ് ഇന്ത്യ സി.ഇ.ഒ അമിത് ജിന്‍ഗരന്‍. ഡോ. ബരത്ത് ബരായി, ടി.വി ഏഷ്യ പ്രൊഡ്യൂസര്‍ വന്ദന ജിന്‍ഹന്‍, എഫ്.ഐ.എ ട്രസ്റ്റി കീര്‍ത്തി കുമാര്‍, പഞ്ചാബ് അസോസിയേഷന്‍ പ്രസിഡന്റ് ഡോ. ഹര്‍ജിന്ദര്‍ സിംഗ് എന്നിവര്‍ സംസാരിച്ചു.

തന്റെ മറുപടി പ്രസംഗത്തില്‍ ഓംപ്രകാശ് മീന മൂന്നു വര്‍ഷത്തെ സേവനത്തില്‍ അമേരിക്കയിലുള്ള ഒമ്പത് സ്റ്റേറ്റുകളില്‍ താമസിക്കുന്ന ഇന്ത്യക്കാരുടെ വിവിധ പരിപാടികളില്‍ പങ്കെടുക്കാന്‍ സാധിച്ചു. പല സഹായങ്ങളും ഇന്ത്യക്കാര്‍ക്ക് നല്‍കാന്‍ സാധിച്ചു. തിരിച്ച് തന്റെ സുഹൃത്തുക്കളായ ഇന്ത്യക്കാര്‍ നല്‍കിയ സ്‌നേഹം ഒരിക്കലും മറക്കാന്‍ സാധിക്കില്ല എന്നും അദ്ദേഹം അറിയിച്ചു. ഡിന്നറിനുശേഷം പരിപാടികള്‍ക്കു തിരശീല വീണു.

ജോയിച്ചന്‍ പുതുക്കുളം

കേരളത്തിലെ പെണ്‍കുട്ടികളുടെ ഭാവി ജീവിതം സുരക്ഷിതമാക്കാന്‍ ഫോമ മുന്‍കൈ എടുക്കുന്നു

കോട്ടയം ജില്ലയിലെ രാമപുരം പഞ്ചായത്തില്‍ കേന്ദ്രസര്‍ക്കാരിന്റെ ‘സുകന്യ പദ്ധതി’ നടപ്പാക്കാന്‍ ഫോമയുടെ ധനസഹായം. പെണ്‍കുട്ടികളുടെ സന്തുഷ്ടമായ ഭാവിജീവിതം സുരക്ഷിതമാക്കുന്നതിന് അവരുടെ വിവാഹ ആവശ്യത്തിലേയ്ക്ക് വേണ്ടി ഇന്ത്യ ഗവണ്‍മെന്റ് നടപ്പിലാക്കിയ പദ്ധതിയാണ് ‘സുകന്യ പദ്ധതി’.

10 വയസ്സിന്റെ താഴെ പ്രായമുള്ള പെണ്‍കുട്ടികള്‍ക്ക് അംഗമാകാവുന്ന പദ്ധതിയില്‍ രാജ്യത്ത് ആകമാനം നിരവധി പേര്‍ ഇതിനോടകം ചേര്‍ന്ന് കഴിഞ്ഞു. സുകന്യ പദ്ധതിയില്‍ ചേരുന്നതിന് തുടക്കത്തില്‍ 1000 രൂപാ വീതം ഓരോ മെംമ്പേഴ്‌സും നല്‍കണം. പിന്നീട് 14 വര്‍ഷത്തേയ്ക്ക് എല്ലാ വര്‍ഷവും 1000 രൂപാ വീതം മിനിമം നിക്ഷേപിക്കണം. കേന്ദ്ര സര്‍ക്കാരും തുല്യമായ തുക നിക്ഷേപിക്കും.

21 വര്‍ഷം പൂര്‍ത്തിയാക്കുമ്പോഴോ കുട്ടിയുടെ വിവാഹസമയത്തോ പണം പലിശ സഹിതം ലഭിക്കും. നിക്ഷേപത്തിന് 8.6 ശതമാനം പലിശ ലഭിക്കും. അര്‍ഹരായ 50 പെണ്‍കുട്ടികള്‍ക്കുള്ള വിവാഹസായം എത്തിക്കുകയാണ് ലക്ഷ്യമെന്ന് ഫോമ പ്രസിഡന്റ് ബെന്നി വച്ചാച്ചിറ അറിയിക്കുകയുണ്ടായി.

രാമപുരം എസ്.എച്ച്.ജിഹൈസ്കൂളില്‍ ജോസഫ് വാഴയ്ക്കന്റെ (മുന്‍ എം.എല്‍.എ.) അദ്ധ്യക്ഷതയില്‍ കൂടിയ സമ്മേളനത്തില്‍, രാമപുരം പഞ്ചായത്തിലെ സാമ്പത്തികമായി പിന്നോക്കം നില്‍ക്കുന്ന മുഴുവന്‍ കുട്ടികളേയും ഈ പദ്ധതിയില്‍ ചേര്‍ക്കണമെന്നും, അതിനുവേണ്ടിയുള്ള സാമ്പത്തിക സഹായം 14 വര്‍ഷത്തേയ്ക്ക് ഇവരുടെ മുഴുവന്‍ തുകയും നല്‍കുമെന്നും ഫെഡറേഷന്‍ ഓഫ് മലയാളീ അസ്സോസിയേഷന്‍ ഓഫ് അമേരിക്ക(ഫോമ) വൈസ് പ്രസിഡന്റ് ലാലി കളപുരയ്ക്കല്‍ സമ്മേളനത്തില്‍ വച്ച് വാഗ്ദാനം ചെയ്തു. അതോടൊപ്പം എസ്.എസ്.എല്‍.സി. പരീക്ഷയില്‍ ഏറ്റവും കൂടുതല്‍ മാര്‍ക്ക് വാങ്ങിയ അനഘ മോഹനന്‍ തച്ചു പാറയിലിന്, പതിനായിരം രൂപയുടെ ക്യാഷ് അവാര്‍ഡും ഫോമാ വൈസ് പ്രസിഡന്റ് ലാലി കളപുരയ്ക്കല്‍ നല്‍കുകയുണ്ടായി.

ഫോമയുടെ മുന്‍കാല പ്രവര്‍ത്തനങ്ങളെ നേരിട്ട് കണ്ടറിഞ്ഞ ജോസഫ് വാഴയ്ക്കല്‍(മുന്‍ എം.എല്‍.എ.) ഫോമ ചെയ്തുകൊണ്ടിരിക്കുന്ന ചാരിറ്റി പ്രവര്‍ത്തനങ്ങളെ അതീവമായി പ്രശംസിച്ചു.

ഈ സമ്മേളനത്തില്‍ വെരി റവ.ഡോ.ജോര്‍ജ് ഞാറകുന്നേല്‍ (ഫോറോന വികാരി) ഫോമയുടെ വരുംകാല പ്രവര്‍ത്തനങ്ങള്‍ക്ക് എല്ലാവിധ ഭാവുകങ്ങളും നേര്‍ന്നു.

വരും, കാലങ്ങളിലെ ഭരണസമിതികള്‍ ഈ പ്രോജക്‌ററില്‍ താല്‍പര്യം കാട്ടിയില്ലെങ്കില്‍ താനും തന്റെ നേതൃത്വത്തിലുള്ള സേവന സംഘടന (Helping Hands of Kerala in Newyork) പദ്ധതി തുടങ്ങുമെന്നും ലാലി കളപ്പുരക്കല്‍ അറിയിക്കുകയുണ്ടായി.

ഷാജു സാം ഫൊക്കാനയുടെ മികച്ച നിധി സൂക്ഷിപ്പുകാരൻ


ഏതു സംഘടന ആയാലും സുതാര്യമായ കണക്കുകൾ സൂക്ഷിക്കുക എന്നത് പരമപ്രധാനമായ ഉത്തരവാദിത്തമാണ്. എന്നാൽ അമേരിക്കയിലെഒട്ടുമിക്ക മലയാളി സംഘടനയിലും, സുതാര്യതക്കുവേണ്ടി മാത്രം നിലകൊള്ളും എന്ന ലേപനത്തിൽ ചില സ്ഥാനാർഥികൾ വിജയിച്ചു കഴിയുമ്പോൾ, പിന്നെ കണക്കുകൾ എങ്ങനെയൊക്കെയോ എഴുതുക എന്നത് ഒരു പതിവാണെന്ന് ചില പിന്നാമ്പുറ കഥകൾ കേൾക്കാറുണ്ട്. അതുകൊണ്ടുഫൊക്കാന പോലുള്ള ഒരു വലിയ സംവിധാനത്തിന് സൂക്ഷ്മമായി കണക്കുകൾ സൂക്ഷിക്കുന്ന വിശ്വസ്തരായ നിധി സൂക്ഷിപ്പുകാരനെയാണ്അത്യാവശ്യം. ശ്രീ ഷാജു സാം, ഉത്തരവാദിത്തമായുള്ള കണക്കു പുസ്തകങ്ങളുടെ വിശാലമായ ലോകത്തു മുപ്പതിലേറെ വർഷത്തെ പരിചയസമ്പത്തുമായാണ് നിലയുറപ്പിച്ചിരിക്കുന്നത്.

കഴിഞ്ഞ മുപ്പത്തൊന്നു വർഷങ്ങളായി വാൾസ്ട്രീറ്റിലെ ഒരു പ്രമുഖ കമ്പനിയുടെ നിയമം,നികുതി, ഔദ്യോഗികമായ കണക്കു പരിശോധന തുടങ്ങിയചുമതലകൾ ഏറ്റെടുത്തു അസിസ്റ്റന്റ് കൺട്രോളർ ആയി സേവനം അനുഷ്ഠിക്കുകയാണ്. അദ്ദേഹത്തിന്റെ വിശ്വസ്ത സേവനത്തെ മാനിച്ചു കമ്പനിനിരവധി പുരസ്‌കാരങ്ങൾ നൽകി ആദരിക്കുകയും ചെയ്തു. അമേരിക്കയിലെ തന്നെ ഒന്നാം നിരയിലുള്ള ഒരു ചാരിറ്റി ഫൌണ്ടേഷൻ, ബോർഡ്മെമ്പറായി അദ്ദേഹത്തെ നിയമിച്ചത് തന്നെ, വര്ഷങ്ങളായി തെളിയിച്ച വ്യക്തിത്വവും അച്ചടക്കവും പക്വമായ പ്രവർത്തന ശൈലിയും കൊണ്ടാണ്.

എപ്പോഴും കൃത്യമായ അക്കങ്ങളാണ് തന്റെ ജീവിതചര്യകളെ സമ്പന്നമാക്കുന്നത് എന്ന് ഷാജു സാം ഉറച്ചു വിശ്വസിക്കുന്നു. ഇതുകൊണ്ടു തന്നെ ഫൊക്കാനയുടെ കണക്കുകൾ ഏറ്റവും സുരക്ഷിതമായ കൈകളിലാണ് എത്തിച്ചേരുന്നത് എന്നതിൽ തർക്കമില്ല.

സംഘടനാതലത്തിലും ശ്രദ്ധേയമായ കാൽവെയ്പുകൾ വെയ്ക്കാൻ അദ്ദേഹത്തിന് കഴിഞ്ഞു. ഏതാണ്ട് മൂന്നു പതിറ്റാണ്ടുകൾക്കു മുമ്പ്, കേരള സമാജംഓഫ് ഗ്രെയ്റ്റർ ന്യൂ യോർക്കിന്റെ ചരിത്രത്തിലെ ഏറ്റവും പ്രായം കുറഞ്ഞ സെക്രട്ടറി, പ്രസിഡന്റ് എന്ന നിലകളിൽ പ്രവർത്തിക്കാൻ കഴിഞ്ഞതും, അടുത്തകാലത്ത് വീണ്ടും ആ സംഘടനയെ നയിക്കാൻ ഒരിക്കൽ കൂടി തിരഞ്ഞെടുത്തതും ശ്രദ്ധിക്കപ്പെടേണ്ട കാര്യമാണ്.

പ്രവർത്തനത്തിലെ മികവും, എല്ലാവരെയും ഒന്നായി കാണാനുള്ള വിശാലതയും , ഒരുമയോടെ പ്രവർത്തിക്കാനുള്ള സഹവർത്തിത്വവും, വിനീതമായ ഇടപെടലുകളും, ത്യാഗ മനോഭാവങ്ങളുമായിരിക്കാം ഷാജുവിനെ മറ്റു പ്രവർത്തകരിൽ നിന്നും വ്യത്യസ്തനാക്കുന്നത്. സ്വയം ഉയരാൻ ശ്രമിക്കുകയല്ല, ഭിന്നതകൾ ഇല്ലാതെ എല്ലാവരെയും ഉയർത്തി സംഘടനയെ സുരക്ഷിതമായ ഒരു തലത്തിൽ എത്തിക്കുക എന്നതിൽ ഷാജു എപ്പോഴും ശ്രദ്ധാലുവാണ്. എന്നാൽ ആരെയും വെറുപ്പിക്കാതെ, കാര്യങ്ങൾ തുറന്നു പറയുന്നതിൽ യാതൊരു മടിയും കാണിക്കാത്തതാണ് തന്റെ സ്വഭാവത്തിലെ ഏറ്റവും തിളക്കമുള്ള ഇടം എന്ന് അദ്ദേഹത്തെ നേരിട്ട് പരിചയമുള്ളവർ എല്ലാം സമ്മതിക്കും.

അന്തർദേശീയ സംഘടനായ വൈസ്‌മെൻ ഇന്റർനാഷണൽ ക്ലബ്ബ്, നോർത്ത് അമേരിക്കയിലെ അതിന്റെ പ്രവർത്തനങ്ങൾ പുനർജനിപ്പിക്കാൻകൈപിടിച്ച് കൊടുത്തത് ശ്രീ . ഷാജു സാമിനെ ആയിരുന്നു. നോർത്ത് അറ്റ്ലാന്റിക് റീജിയണൽ ഡയറക്ടർ എന്ന നിലയിൽ ക്ലബ്ബിന്റെ ദേശീയസമിതിയിൽ അംഗീകാരം നേടിയുടുക്കാൻ കഴിഞ്ഞു എന്നത് ചെറിയ കാര്യമല്ല. ഇപ്പോൾ സംഘടനയുടെ യു . എൻ. കമ്മറ്റി അംഗമായിസ്തുത്യർഹമായി സേവനം അനുഷ്ഠിക്കുന്നു. സമുദായ തലങ്ങളിലും വിവിധ മേഖലകളിൽ പ്രവർത്തിച്ചു മികവുറ്റ സംഘാടകൻ എന്ന് പേരു നേടാൻകഴിഞ്ഞു. അമേരിക്കയിൽ കുടിയേറുന്നതിനു മുൻപ് തന്നെ കേരളത്തിലെ രാഷ്രീയ സാമുദായിക സംഘടനകളിൽ വിവിധ നിലകളിൽപ്രവർത്തിച്ചു, പൊതു പ്രവർത്തനം തന്റെ ജീവിത വിളി തന്നെയാണ് എന്ന് ചെറുപ്പത്തിലേ തിരിച്ചറിഞ്ഞിരുന്നു.

സംഘടനകളുടെ വെൺകുറ്റകുടയായ ഫൊക്കാനക്കു പുതിയ ദിശാബോധം നല്കാൻ ശ്രീ. ഷാജു സാമിന്‌ കഴിയും. സുതാര്യമായ ചുമതലഏല്പിക്കപ്പെടാവുന്ന വ്യക്തി, വിശ്വസിക്കാവുന്ന നിധി സൂക്ഷിപ്പുകാരൻ, സുഹൃത്തും വഴികാട്ടിയും, ഇപ്രാവശ്യത്തെ ഫൊക്കാന ട്രെഷറർ ശ്രീ. ഷാജുസാം ആകട്ടെ എന്ന് ആശംസിക്കുന്നു, ആഗ്രഹിക്കുന്നു.

വിശ്വസിക്കാം ഈ നിധിസൂക്ഷിപ്പുകാനെ,

എല്ലാ അളവിലും , ആത്മാർഥതയോടും കൂടെ.

-കോരസൺ

പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റ് ജോർജ് മാമ്മൻ കൊണ്ടൂർ അമേരിക്ക സന്ദർശിക്കുന്നു

പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും കോൺഗ്രസ് നേതാവുമായ ജോർജ് മാമ്മൻ കൊണ്ടൂർ അമേരിക്കൻ ഐക്യനാടുകൾ സന്ദർശിക്കാൻ ജൂലൈ ഒന്നിന് എത്തിച്ചേരും.

ജൂലൈ 5 മുതൽ ഫിലാഡൽഫിയയിൽ വച്ച് നടത്തപെടുന്ന ഫൊക്കാന ദേശിയ സമ്മേളനത്തിലും ഹൂസ്റ്റണിൽ വച്ച് നടത്തപെടുന്ന നോർത്ത് മാർത്തോമ്മ സഭയുടെ അമേരിക്ക ഭദ്രാസന ഫാമിലി കോൺഫറൻസിലും കൊണ്ടൂർ പങ്കെടുക്കും. കൂടാതെ പത്തോളം സംസ്ഥാനങ്ങളിൽ നടക്കുന്ന മലയാളീ സംഘടനാ പരിപാടികളിലും മറ്റു മലയാളീ കൂട്ടായ്‍മകളിലും സംബന്ധിക്കുന്നതാണ്. അനേകം വിദേശ രാജ്യങ്ങളിൽ സന്ദര്ശനം നടത്തിയിട്ടുള്ള അദ്ദേഹത്തിന്റെ രണ്ടാം അമേരിക്കൻ സന്ദർശനമാണിത്.

പത്തനംതിട്ട ജില്ലാ പഞ്ചായത്തിൽ കോഴഞ്ചേരി ഡിവിഷനെ പ്രതിനിധീകരിക്കുന്ന കൊണ്ടൂർ, കോഴഞ്ചേരി കോലത്തു കുടുംബാംഗമാണ്. വിദ്യാർത്ഥി രാഷ്ട്രീയത്തിലൂടെ കടന്നു വന്ന അദ്ദേഹം യൂത്ത് കോൺഗ്രസിന്റെയും കോൺഗ്രസിന്റെയും വിവിധ സ്ഥാനങ്ങൾ വഹിച്ചിട്ടുണ്ട്. തിരുവല്ല മാർത്തോമാ കോളേജിൽ യൂണിയൻ ചെയർമാൻ, യൂണിവേഴ്സിറ്റി യൂണിയൻ കൗൺസിലർ, മാഗസിൻ എഡിറ്റർ എന്നീ സ്ഥാനങ്ങൾ വഹിച്ചിട്ടുള്ള കൊണ്ടൂരിന്റെ കോളേജ് മാഗസിൻ കേരള സർവ്വകലാശാലയുടെ മികച്ച കോളേജ് മാഗസിനായും അദ്ദേഹത്തെ മികച്ച മാഗസിൻ എഡിറ്ററായും തിരഞ്ഞെടുത്തിരുന്നു.

നിരവധി ട്രേഡ് യൂണിയനുകൾക്കു നേതൃത്വം നൽകുന്ന കൊണ്ടൂർ കേരള സംസ്ഥാന കോ-ഓപ്പറേറ്റീവ് ഹൗസിങ് ഫെഡറേഷൻ വൈസ് ചെയർമാനായും പ്രവർത്തിച്ചു വരുന്നു.

സംസ്ഥാന സർക്കാരിന്റെ 2017 ലെ ഏറ്റവും മികച്ച ജില്ലാ പഞ്ചായത്തിനുള്ള അവാർഡും 25 ലക്ഷം രൂപ സമ്മാനവും പത്തനംതിട്ട ജില്ലാ പഞ്ചായത്തിനു കരസ്ഥമാക്കുവാൻ സാമ്പത്തിക കാര്യ സമിതി ചെയർമാൻ കൂടിയായ കൊണ്ടൂർ വഹിച്ച പങ്ക് പ്രശംസനീയമാണ്.

മാർത്തോമാ സഭ കൗൺസിലിലേക്കും തിരുവല്ല മാർത്തോമാ കോളേജ് ഗവേർണിംഗ് ബോർഡിലേക്കും മുൻപ് തെരഞ്ഞെടുക്കപ്പെട്ടിട്ടുള്ള ഇരവിപേരൂർ സ്വദേശിയായ ജോര്ജ് മാമ്മൻ കൊണ്ടൂർ അതിവിശാലമായ സുഹൃത് ബന്ധങ്ങളുടെ ഉടമ കൂടിയാണ്,

ജൂലൈ 25നു കേരളത്തിലേക്ക് മടങ്ങിപ്പോകും. സന്ദർശനത്തിന്റെ കൂടുതൽ വിവരങ്ങൾക്ക് ബന്ധപ്പെടുക;

ടി.എസ്.ചാക്കോ – 201-262-5979
ജീമോൻ റാന്നി – 407-718-4805.
സന്തോഷ് ഏബ്രഹാം – 215-605-6914
ഷാജി രാമപുരം – 972-261-4221

ജീമോൻ റാന്നി

ഐ.എന്‍.ഒ.സി കേരളാ ചാപ്റ്റര്‍ ശശി തരൂര്‍ എം.പിക്കും, ഡോ. സാം പിട്രോഡയ്ക്കും സ്വീകരണം നല്കുന്നു

ചിക്കാഗോ: ജൂണ്‍ 23-നു ശനിയാഴ്ച ഉച്ചയ്ക്ക് 12.30-നു ഹോപ്മാന്‍ എസ്റ്റേറ്റിലുള്ള ഇന്ത്യാ ഹൗസ് റെസ്റ്റോറന്റില്‍ വച്ചു (721 Golf Road) ഐ.എന്‍.ഒ.സി കേരളാ ചാപ്റ്ററിന്റേയും, മിഡ്‌വെസ്റ്റ് റീജിയന്റേയും ആഭിമുഖ്യത്തില്‍ ചേരുന്ന യോഗത്തില്‍ ഇന്ത്യന്‍ നാഷണല്‍ കോണ്‍ഗ്രസിന്റെ സമുന്നത നേതാക്കളായ ശശി തരൂര്‍ എം.പിക്കും, ഇന്ത്യന്‍ ഓവര്‍സീസ് കോണ്‍ഗ്രസ് (എ.ഐ.സി.സി) ചെയര്‍മാന്‍ ഡോ. സാം പിട്രോഡയ്ക്കും സ്വീകരണം നല്‍കുന്നു.

യോഗത്തില്‍ നാഷണല്‍ വൈസ് ചെയര്‍മാന്‍ ജോര്‍ജ് ഏബ്രഹാം, കേരളാ ചാപ്റ്റര്‍ ചെയര്‍മാന്‍ തോമസ് ടി. ഉമ്മന്‍, പ്രസിഡന്റ് ജയചന്ദ്രന്‍, സജി കരിമ്പന്നൂര്‍, സന്തോഷ് നായര്‍, തോമസ് മാത്യു, സതീശന്‍ നായര്‍, വര്‍ഗീസ് പാലമലയില്‍, അഗസ്റ്റിന്‍ കരിങ്കുറ്റിയില്‍, ഡോ. തമ്പി മാത്യു, ജോസി കുരിശിങ്കല്‍, ജോഷി വള്ളിക്കളം, ബാബു മാത്യു, ഈശോ കുര്യന്‍, ഷിബു വെണ്‍മണി, ജസി റിന്‍സി, നടരാജന്‍ കൃഷ്ണന്‍, സജി കുര്യന്‍, സജി തച്ചില്‍, പോള്‍ പറമ്പി, ലീല മാരേട്ട്, ടി.എസ് ചാക്കോ, ജോര്‍ജ് ഏബ്രഹാം (രാജു), മാത്യു ജോര്‍ജ്, ജേക്കബ് പടവത്തില്‍, യു.എ. നസീര്‍, ജെയ്‌സണ്‍ ജോസഫ്, ജോസ് തെക്കേടം, ജോസ് ചാരുംമൂട്, ജോസ് കാനാട്ട്, രാജു ഫിലിപ്പ്, കെ. ദീപക്, സാജു ജോസഫ്, പ്രവീണ്‍ തോമസ്, അജയന്‍ കുഴിമറ്റത്തില്‍, ഷൈന്‍ ജോര്‍ജ്, ഹെറാള്‍ഡ് ഫിഗുരേദോ, കുര്യാക്കോസ് ടി. ചാക്കോ, പ്രതീഷ് തോമസ്, ബിജു തോമസ്, തോമസ് ദേവസി, പോള്‍ കിടങ്ങന്‍, ഡോ. പോള്‍ ചെറിയാന്‍ തുടങ്ങി നിരവധി പേര്‍ പങ്കെടുക്കും.

എല്ലാ കോണ്‍ഗ്രസ്, യൂത്ത് കോണ്‍ഗ്രസ് അനുഭാവികളും, ഐ.എന്‍.ഒ.സി പ്രവര്‍ത്തകരും യോഗത്തില്‍ പങ്കെടുത്ത് വിജയിപ്പിക്കണമെന്ന് ഭാരവാഹികള്‍ അറിയിക്കുന്നു. ഐ.എന്‍.ഒ.സിക്കുവേണ്ടി കേരളാ ചാപ്റ്റര്‍ വൈസ് ചെയര്‍മാന്‍ തോമസ് മാത്യു പടന്നമാക്കല്‍ അറിയിച്ചതാണിത്.

ജോയിച്ചന്‍ പുതുക്കുളം

നിലയ്ക്കൽ ഭദ്രാസന യുവജന പ്രസ്ഥാനത്തിന്റെ ചരിത്രത്തിൽ ആദ്യമായി ഒരു പെൺപൂവ് ചരിത്രം കുറിക്കുന്നു

നിലയ്ക്കൽ ഭദ്രാസന യുവജന പ്രസ്ഥാനത്തിന്റെ ചരിത്രത്തിൽ ആദ്യമായി ഒരു പെൺപൂവ് ചരിത്രം കുറിക്കുന്നു……

ഭദ്രാസന ജനറൽ സെക്രട്ടററി ആയി അഭി.ഡോ, ജോഷ്വാ മാർ നിക്കോദിമോസ് മെത്രാപ്പോലീത്തായാൽ നിയമിക്കപ്പെട്ട പ്രിയപ്പെട്ട #മിന്റാ_മറിയം_വർഗീസിന് പ്രാർത്ഥനാപൂർവ്വമായ ആശംസകൾ

പഠന വഴിയിൽ കുട്ടികൾക്ക് സഹായ ഹസ്തവുമായി യുവജനപ്രസ്ഥാനം

കുത്താട്ടുകുളം: സാമ്പത്തിക പരാധീനതകളുള്ള കുട്ടികളുടെ ഒരു വർഷത്തെ പഠനച്ചെലവുകൾ ഏറ്റെടുത്ത് യുവജനങ്ങൾ. മലങ്കര ഓർത്തഡോക്സ് സഭ യുവജനപ്രസ്ഥാനം കണ്ടനാട് വെസ്റ്റ് ഭദ്രാസനത്തിന്റെ നേതൃത്വത്തിലാണ് പഠന സഹായഹസ്തം പദ്ധതി നടപ്പാക്കിയത്. കൂത്താട്ടുകുളം ഗവ യു .പി സ്കൂളിലെ കുട്ടികൾക്കുള്ള, പോഷകാഹാര കിറ്റിന്റെയും സഹായ ധന വിതരണത്തിന്റെയും ഉദ്ഘാടനം ഭദ്രാസന
വൈസ് പ്രസിഡൻറ് ഫാ. ജോമോൻ ചെറിയാൻ നിർവ്വഹിച്ചു. യുവജനപ്രസ്ഥാനം ഭദ്രാസന ജനറൽ സെക്രട്ടറി ഗിവീസ് മർക്കോസ് അധ്യക്ഷനായി.കോലഞ്ചേരി മേഖല സെക്രട്ടറി പേൾ കണ്ണേത്ത് ,അൻസൺ ഏലിയാസ് ,എൽദോസ് ബേബി ,വർഗീസ് രാജു ,ബേസിൽ ബിനോയി , എൽദോ ജോൺ തുടങ്ങിയവർ സംസാരിച്ചു.

ജയില്‍പുള്ളിയുടെ വെടിയേറ്റ് രണ്ട് പോലീസ് ഓഫീസര്‍മാര്‍ കൊല്ലപ്പെട്ടു

കന്‍സാസ് സിറ്റി: ജയിലില്‍ നിന്നും കോര്‍ട്ട് ഓഫീസിലേക്കു കൊണ്ടുപോയ ജയില്‍പുള്ളിയുടെ വെടിയേറ്റ് രണ്ട് ഡപ്യൂട്ടി ഷെരീഫുകള്‍ കൊല്ലപ്പെട്ടു.

കന്‍സാസ് സിറ്റി കോര്‍ട്ട് ഓഫീസിനു പുറകിലാണ് ജൂണ്‍ 15-നു വെള്ളിയാഴ്ചയാണ് സംഭവം നടന്നത്. പോലീസ് ഓഫീസറുമായി മല്‍പ്പിടുത്തം നടത്തിയ പ്രതി ഒരു പോലീസ് ഓഫീസറുടെ തോക്ക് തട്ടിയെടുത്താണ് ഇരുവരേയും വെടിവച്ചത്.

വെടിയേറ്റ രണ്ട് ഓഫീസര്‍മാരില്‍ പാട്രിക് റോറര്‍ (35) അധികം താമസിയാതെ മരിച്ചു. വെടിയേറ്റ തെരേസ കിങിനെ (44) ഉടന്‍തന്നെ ആശുപത്രിയില്‍ എത്തിച്ചെങ്കിലും ശനിയാഴ്ച രാവിലെ ഇവരും മരിച്ചു. ജൂണ്‍ 16-നു ശനിയാഴ്ച വയല്‍നോട്ട് കൗണ്ടി ഷെരീഫ് ഓഫീസ് നടത്തിയ പത്രസമ്മേളനത്തില്‍ അറിയിച്ചതാണിത്. വെടിവെച്ച ജയില്‍പുള്ളിയേയും വെടിയേറ്റ് പരിക്കുകളോടെ ആശുപത്രിയില്‍ പ്രവേശിപ്പിച്ചു.

ഏഴു വര്‍ഷം സര്‍വീസുള്ള റോറയ്ക്കു രണ്ടു കുട്ടികളും, തെരേസയ്ക്കു മൂന്നു കുട്ടികളുമുണ്ട്. വെടിവെച്ച പ്രതിയെക്കുറിച്ചോ, സംഭവത്തിന്റെ വിശദാംശങ്ങളെക്കുറിച്ചോ പോലീസ് വെളിപ്പെടുത്തിയിട്ടില്ല.

ഞായറാഴ്ച വൈകിട്ട് എട്ടിന് സിറ്റി ഹാളിനുമുന്നില്‍ കാന്‍ഡില്‍ വിജില്‍ ഉണ്ടായിരിക്കുമെന്നും പോലീസ് അധികൃതര്‍ അറിയിച്ചു.

പി.പി. ചെറിയാന്‍

അന്തരിച്ച നേതാക്കാളെ ആദരിക്കാന്‍ ഫോമാ കണ്‍വന്‍ഷനില്‍ വേദികള്‍

ചിക്കാഗോ: ഫോമാ കണ്‍ വന്‍ഷന്‍ വിളിപ്പാടകലെ എത്തിയപ്പോള്‍ പൈത്രുകം മറക്കാതെ സംഘടനാ നേത്രുത്വം. അമേരിക്കയില്‍ സംഘടനാ പ്രവര്‍ത്തനത്തിനു തുടക്കം കുറിക്കുകയും അവിഭക്ത ഫൊക്കാന സാരഥികളായി പ്രവര്‍ത്തിക്കുകയുംചെയ്ത അന്തരിച്ച മുന്‍ നേതാക്കളുടെ പേരിലാണു കണ്‍ വന്‍ഷനിലെ പല വേദികളും അറിയപ്പെടുക.

ഒരു ദശാബ്ദം മുന്‍പ് ഫൊക്കാനയില്‍ നിന്നാണു ഫോമാ രൂപം കൊണ്ടത്. അവിഭക്ത ഫൊക്കാനയുടെ നേതക്കള്‍ നമ്മുടെ മൊത്തം സമൂഹത്തെ പ്രതിന്ധീകരിച്ചവരാണ്. അവരെ ആദരിക്കേണ്ടത് കടമയായി ഫോമാ കരുതുന്നുഫോമാ പ്രസിഡന്റ് ബെന്നി വാച്ചാച്ചിറ ഹൂണ്ടിക്കാട്ടി.
ഫോക്കാനയുടെ പ്രഥമ പ്രസിഡന്റ് രാജന്‍ മാരേട്ട്, പ്രഥമ സെക്രട്ടറി ജോസ് ജോസഫ് എന്നിവരുടെ പേരില്‍ വേദികള്‍ ഉണ്ടാവും. ഫൊക്കാനയുടെ വിവിധ തലങ്ങളില്‍നേത്രുത്വം നല്കിയ നൈനാന്‍ ചാണ്ടിയുടെ പേരിലും ഒരു വേദി ഉണ്ടാവും.

അടുത്തയിടക്ക് അന്തരിച്ച നടി ശ്രീദേവി, നടന്‍ കലാഭവന്‍ മണി എന്നിവരുടെ പേരിലും വേദികള്‍ ഒരുങ്ങുന്നു.

കൊല്ലപ്പെട്ട പ്രവീണ്‍ വര്‍ഗീസിന്റെ പേരിലാണു മറ്റൊരു വേദി. പ്രവീണിനെ കൊലപ്പെടുത്തിയ കേസില്‍ പ്രതി ശിക്ഷിക്കപ്പെട്ട സാഹചര്യത്തില്‍ ആ കുരുന്നു ജീവന്റെ ഓര്‍മ്മ പുതുക്കാനും നീതിക്കു വേണ്ടി പോരാടിയ അമ്മ ലവ്‌ലി വര്‍ഗീസിന്റെ ഉറച്ചനിലപാടിനുമുള്ള പിന്തുണ അറിയിക്കുന്നതിനും കൂടി ആയിരിക്കും ഇത്.

പ്രവീണ്‍ കേസില്‍ ഫോമാ ജനറല്‍ സെക്രട്ടറി ആയിരുന്ന ഗ്ലാഡ്‌സന്‍ വര്‍ഗീസ്, ഫൊക്കാന പ്രസിഡന്റായിരുന്ന മറിയമ്മ പിള്ള എന്നിവരാണു ആദ്യം മുതല്‍ മലയാളി സമൂഹത്തിന്റെ പിന്തുണ പ്രതിനിധീകരിച്ച്ത്.

ചിക്കാഗോ ഡൗണ്‍ ടൗണില്‍ ഫോമാ നടത്തിയ റാലിയില്‍ ജനറല്‍ സെക്രട്ടറി ജിബി തോമസും താനും പങ്കെടുത്തതും ബെന്നി അനുസ്മരിച്ചു.

ടോറാന്റോ ഇന്റര്‍നാഷണല്‍ സൗത്ത് ഏഷ്യന്‍ ഫിലിം അവാര്‍ഡ് 2018: ജേതാക്കളെ പ്രഖ്യാപിച്ചു

കൊച്ചി : കാനഡ ആസ്ഥാനമായി പ്രവര്‍ത്തിക്കുന്ന പ്രശസ്ത എന്റര്‍ടെയ്ന്‍മെന്റ് ഗ്രൂപ്പായ ബ്ലൂ സഫയര്‍ ഏര്‍പ്പെടുത്തിയ ടോറാന്റോ ഇന്റര്‍നാഷണല്‍ സൗത്ത് ഏഷ്യന്‍ ഫിലിം അവാര്‍ഡുകള്‍ പ്രഖ്യാപിച്ചു. എറണാകുളം പ്രസ്സ് ക്‌ളബ്ബില്‍ നടന്ന ചടങ്ങില്‍ Tisfa ഫൗണ്ടറും ബ്ലൂ സഫയര്‍ എന്റര്‍ടെയ്ന്‍മെന്റ് സി.ഈ.ഒയുമായ അജീഷ് രാജേന്ദ്രനാണ് അവാര്‍ഡ് ജേതാക്കളെ പ്രഖ്യാപിച്ചത്. മലയാളം, തമിഴ് സിനിമാ വിഭാഗങ്ങളിലായി 25 കാറ്റഗറിയും, 5 സ്‌പെഷ്യല്‍ ജൂറി ഉള്‍പ്പടെ മുപ്പത് അവാര്ഡുകളാണ് പ്രഖ്യാപിച്ചത്.തൊണ്ടി മുതലും ദൃക്‌സാക്ഷിയും എന്ന ചിത്രത്തിലെ അഭിനയത്തിലൂടെ ഫഹദ് ഫാസില്‍ മികച്ച നടനായും, നിമിഷ സജയന്‍ മികച്ച നടിയായും തെരഞ്ഞെടുക്കപ്പെട്ടു. ഇതേ ചിത്രത്തിലൂടെ സജീവ് പാഴൂര്‍ മികച്ച തിരക്കഥാകൃത്തായും, ദിലീഷ് പോത്തന്‍ മികച്ച സംവിധായകനായും മാറി. മികച്ച ചിത്രവും തൊണ്ടി മുതലും ദൃക്‌സാക്ഷിയും തന്നെയാണ്. മൊത്തം അഞ്ച് അവാര്‍ഡുകളാണ് ഈ ചിത്രം നേടിയത്.

പുണ്ണ്യാളന്‍ െ്രെപവറ്റ് ലിമിറ്റഡ്, ആട് 2 എന്നീ ചിത്രങ്ങളിലെ ഗംഭീരപ്രകടനത്തിലൂടെ ജയസൂര്യ മികച്ച ജനപ്രിയ താരമായി മാറി. തമിഴ് കാറ്റഗറിയില്‍ മികച്ച നടനായി പ്രേക്ഷകാംഗീകാരം നേടിയത് വിജയ് സേതുപതിയാണ്. വിക്രംവേദ എന്ന ചിത്രത്തിലെ മികച്ച പ്രകടനമാണ് വിജയ് സേതുപതിയെ അവാര്‍ഡിന് അര്‍ഹനാക്കിയത്. അരുവി എന്ന ചിത്രത്തിലൂടെ അതിദി ബാലന്‍ മികച്ച നടിയായി തെരഞ്ഞെടുക്കപ്പെട്ടു.വിജയികള്‍ക്ക് ടോറോന്റോയില്‍ വെച്ചു നടക്കുന്ന ചടങ്ങില്‍ അവാര്‍ഡുകള്‍ സമ്മാനിക്കും.

മലയാളത്തിലും തമിഴിലുമായി കഴിഞ്ഞ വര്‍ഷം പ്രദര്‍ശനത്തിനെത്തിയ ചിത്രങ്ങളാണ് അവാര്‍ഡിനായി പരിഗണിച്ചത്. മലയാളത്തില്‍ 15 കാറ്റഗറിയിലും തമിഴില്‍ 9 കാറ്റഗറിയിലുമായാണ് ആദ്യവര്‍ഷം അവാര്‍ഡ് നല്‍കുന്നത്. സൗത്ത് ഏഷ്യന്‍ സിനിമയുടെ ചരിത്രത്തില്‍ ആദ്യമായാണ് ഒരു പ്രമുഖ വിദേശ എന്റര്‍ടൈന്‍മെന്റ് കമ്പനി ലോകമൊട്ടാകെയായി ഓണ്‍ലൈന്‍ വോട്ടിങ്ങിലൂടെയും നോമിനേഷന്‍ കാറ്റഗറിയുടെയും അടിസ്ഥാനത്തില്‍ വിജയികളെ കണ്ടെത്തുന്നത്. ഓണ്‍ലൈന്‍ വോട്ടിങ്ങിന്റെ എല്ലാ മാനദണ്ഡങ്ങളും പാലിച്ചാണ് അന്തിമ വിധിനിര്‍ണ്ണയം പൂര്‍ത്തിയാക്കിയത്.
ഈ വര്‍ഷം ഏപ്രില്‍ 1 മുതല്‍ മേയ് 15 വരെ നീണ്ടു നിന്ന ഓണ്‍ലൈന്‍ വോട്ടെടുപ്പില്‍ ലോകത്തിന്റെ പല ഭാഗത്ത് നിന്നും സിനിമാസ്വാധകര്‍ ഒരുപോലെയാണ് പങ്കെടുത്തത്. കൂടാതെ സമൂഹമാധ്യമങ്ങളില്‍ മികച്ച പ്രതികരണവും പിന്തുണയും ലഭിച്ചു.

ഓരോ കാറ്റഗറിയിലും മികച്ച രീതിയിലുള്ള വോട്ടിംഗ് ശതമാനമാണ് രേഖപ്പെടുത്തിയിരിക്കുന്നത്. ഓണ്‍ലൈന്‍ വോട്ടിംഗ് നടപടിക്രമങ്ങള്‍ പൂര്‍ത്തിയായ ശേഷം നടന്ന ജഡ്ജിംഗ് അസ്സസ്‌മെന്റും കഴിഞ്ഞശേഷമാണ് വിജയികളെ പ്രഖ്യാപിച്ചത്. ടോറോന്റോയുടെ ചരിത്രത്തില്‍ ആദ്യമായാണ് അന്താരാഷ്ട്രതലത്തില്‍ ഓണ്‍ലൈന്‍ വോട്ടിംഗിലൂടെ പൊതുജന പങ്കാളിത്വത്തോടെ മികച്ച സിനിമാപ്രവര്‍ത്തകരെ തെരഞ്ഞെടുത്തിരിക്കുന്നത്..

മറ്റ് അവാര്‍ഡുകള്‍..

മികച്ച പുതുമുഖ നടന്‍ : ആന്റണി വര്‍ഗ്ഗീസ് ( ചിത്രം : അങ്കമാലി ഡയറീസ്)
മികച്ച പുതുമുഖ നടി : ഐശ്വര്യ ലക്ഷ്മി ( ചിത്രം : മായാനദി )
മികച്ച ഛായാഗ്രഹകന്‍ : ലിറ്റില്‍ സ്വയംമ്പ് ( ചിത്രം : പറവ)
മികച്ച പുതുമുഖ സംവിധായകന്‍ : സൗബിന്‍ ഷാഹിര്‍ ( ചിത്രം : പറവ )
മികച്ച സംഗീത സംവിധായകന്‍ : സൂരജ് എസ് കുറുപ്പ് ( ചിത്രങ്ങള്‍ : സോളോ, സഖാവ്, അലമാര )
മികച്ച ഗായകന്‍ : അഭിജിത്ത് വിജയന്‍ ( ചിത്രം : ആകാശ മിഠായി)
മികച്ച ഗായിക : ശ്വേത മോഹന്‍ (ചിത്രം : മുന്തിരിവള്ളികള്‍ തളിര്‍ക്കുമ്പോള്‍ )
മികച്ച സഹനടന്‍ : കലാഭവന്‍ ഷാജോണ് (ചിത്രങ്ങള്‍ : ആകാശമിഠായി, മുന്തിരിവള്ളികള്‍ തളിര്‍ക്കുമ്പോള്‍, ഒരു മെക്‌സിക്കന്‍ അപാരത, രാമലീല)
മികച്ച സഹനടി : ലെന (ചിത്രങ്ങള്‍ : ആദം ജുവാന്‍, വിമാനം)

*മലയാളം സ്‌പെഷ്യല്‍ ജൂറി അവാര്‍ഡുകള്‍*

സലിം കുമാര്‍ (സംവിധാനം) : ചിത്രം : കറുത്ത ജൂതന്‍

ആസിഫ് അലി (അഭിനയം) : ചിത്രം: കാറ്റ്
കുനാല്‍ കപൂര്‍ (അഭിനയം) : ചിത്രം : വീരം
സുരഭി ലക്ഷ്മി (അഭിനയം) : ചിത്രം : മിന്നാ മിനുങ്ങ്

*മലയാളം നോമിനേഷന്‍ കാറ്റഗറി*
മികച്ച സംവിധായകന്‍ : ചന്ദ്രന്‍ നരീക്കോട് (ചിത്രം: പാതി)

*തമിഴ് സിനിമ വിഭാഗം കാറ്റഗറി*

മികച്ച ചിത്രം : കുരങ്ങു ബൊമ്മ
മികച്ച സംവിധായകന്‍ : അരുണ്‍ പ്രഭു ( ചിത്രം അരുവി)
മികച്ച സംഗീത സംവിധായകന്‍ : ഡി. ഇമ്മാന്‍ (ചിത്രങ്ങള്‍ : കറുപ്പന്‍, ബോഗന്‍, ശരവന്‍ ഇറുക്കെ ഭയമേന്‍)
മികച്ച ഗായകന്‍ : സിദ് ശ്രീറാം (ചിത്രം : എന്നെ നോക്കി പായും തോട്ട)
മികച്ച ഗായിക : ലുക്ഷ്മി ശിവനേശ്വര ലിംഗം ( ചിത്രം : ബോഗന്‍)
മികച്ച സഹനടന്‍ : ഭാരതി രാജ (ചിത്രം : കുരങ്ങു ബൊമ്മെ)
മികച്ച സഹനടി : നിത്യ മേനോന്‍ ( ചിത്രം : മെര്‍സല്‍)

*തമിഴ് സ്‌പെഷ്യല്‍ ജൂറി അവാര്‍ഡ്*

രമ്യാകൃഷ്ണന്‍ ( അഭിനയം) : ചിത്രം : ബാഹുബലി.

ജോയിച്ചന്‍ പുതുക്കുളം