ജിമ്മി ജോർജ് വോളിബോൾ ലീഗിന്റെ മുപ്പതാം വാർഷികം: കെവിഎൻഎൽഎ ഒരുങ്ങുന്നു

ന്യൂ യോർക്ക് : ഇന്ത്യൻ വോളിബാളിന്റെ പിതാവ് അനശ്വര ഇതിഹാസ താരം ജിമ്മി ജോർജിന്റെ സ്മരണയിൽ നോർത്ത് അമേരിക്കൻ മലയാളികൾക്കായി വോളിബാൾ ലീഗ് ഒരുങ്ങുന്നു. ജിമ്മി ജോർജിന്റെ വിയോഗത്തിന്റെ മുപ്പതാണ്ടുകൾക്കു ശേഷവും തുടർച്ചയായി നടക്കുന്ന ലീഗിന്റെ സംഘാടകർ കേരളാ വോളിബാൾ ലീഗ് ഓഫ് നോർത്ത് അമേരിക്ക (KVNLA)യാണ്.

2018 മെയ് 26, 27 തീയതികളിൽ ന്യൂയോർക്കിലെ റോക്ക് ലാൻഡ് കമ്യൂണിറ്റി കോളേജിൽ അരങ്ങേറുന്ന മത്സരങ്ങളിൽ നോർത്ത് അമേരിക്കയിലെ വിവിധ സംസ്ഥാനങ്ങളിൽ നിന്നുള്ള പതിനഞ്ചിൽപരം ടീമുകൾ മാറ്റുരക്കും. നോർത്ത് അമേരിക്കയിലെ മലയാളി വോളിബാൾ താരങ്ങൾക്കും കളിക്കാർക്കും ആരാധകർക്കം ആവേശമുണർത്തുന്ന വോളിബാൾ ലീഗിന്റെ മുപ്പതാം വാർഷികം പ്രമാണിച്ച് ഇതിന്റെ പ്രചാരം വർദ്ധിപ്പിക്കാനുള്ള ഒട്ടേറെ പദ്ധതികൾ ആവിഷ്കരിച്ചിട്ടുണ്ടെന്ന് ലീഗിന്റെ നാഷണൽ ചെയർമാൻ സുനിൽ വർഗീസ്(സുനിൽ തലവടി) അറിയിച്ചു.

1987 മുതൽ നോർത്ത്തു അമേരിക്കയുടെ വിവിധ സ്ഥലങ്ങളിൽ ആരംഭിച്ച വോളിബാൾ ക്ലബ്ബുകൾ 1989 ൽ ജിമ്മി ജോർജിന്റെ വിയോഗത്തെത്തുടർന്ന് ദേശീയ തലത്തിൽ ഒരൊറ്റ ലീഗായി ഒന്നിക്കുകയായിരുന്നു.ആ വർഷം മുതൽ ജിമ്മി ജോർജിന്റെ പേരിലാരംഭിച്ച ടൂർണമെന്റ് ഒരു വർഷം പോലും മുടങ്ങാതെ ഇന്നത്തെ രീതിയിലേക്ക് വളരുകയായിരുന്നു. ഇന്ന് അമേരിക്കയിൽ മൊത്തം പതിനഞ്ചിൽ പരംക്ലബ്ബുകളും 400ലധികംഅംഗങ്ങളുമുണ്ട്.ഈ വളർച്ചക്ക് പിന്നിൽ ഒരുപാടു പേരുടെ -കൂട്ടായ്മയും ടീം വർക്കുമുണ്ടെന്ന് മുപ്പതു വർഷമായി സംഘാടകരിലൊരാളും ഡാലസിലെ സാമൂഹ്യ സാംസ്കാരിക പ്രവർത്തകനുമായ സുനിൽ തലവടി പറഞ്ഞു. കെവിഎൻഎൽഎയുടെ സ്‌ഥാപകരികരിലൊരാളും ജിമ്മി ജോർജ് വോളിബോൾ ടൂർണമെന്റിന് തുടക്കം കുറിക്കുകയും സംഘടനയുടെ നെടുംതൂണായി പ്രവർത്തിക്കുകയും ചെയ്ത കഴിഞ്ഞ വർഷം അന്തരിച്ച ശ്രീ. തോമസ് ഫിലിപ്പിന്റെ സേവനങ്ങളെ അദ്ദേഹം സ്മരിച്ചു.

കൂടാതെ അന്തരിച്ച ബ്ലസൻ ജോർജ്, ലൂക്കോസ് നടുപറമ്പിൽ, ദീർഘകാലം പ്രവർത്തിച്ച ജോർജ് കോശി (ക്രിസ്റ്റി) തുടങ്ങി ഇപ്പോഴും സജീവമായ ടോം കാലായിൽ, ഷരീഫ് അലിയാർ, മാത്യു ചെരുവിൽ എന്നിവരും കെവിഎൻഎൽഎയുടെ ഇതുവരെയുള്ള വളർച്ചയിൽ ഭാഗമായി.

www.kvlna.com വെബ്സൈറ്റിൽ ടൂർണമെന്റിന്റെ വിശദ വിവരങ്ങൾ ലഭ്യമാണ്.

കൂടുതൽ വിവരങ്ങൾക്ക്

ബിൻജു , ന്യൂ യോർക്ക് – 646-584-6859 ,
സജി, ഫിലാഡൽഫിയ – 215- 920-7219
സിബി, ചിക്കാഗോ – 847-338- 8265
ഫ്രാൻസിസ്, ന്യൂ ജേഴ്‌സി -201-560-7911
ജ്യോതിഷ് , റോക്ക് ലാൻഡ് 845-641-4521
തോമസ്, വാഷിങ്ടൺ 240-422-1092

ഡാളസ് സെന്റ് പോള്‍സ് മാര്‍ത്തോമ ചര്‍ച്ച് വികാരി റവ മാത്യു ജോസഫ് അച്ചന് ഊഷ്മള സ്വീകരണം

ഡാളസ്: സെന്റ് പോള്‍സ് മാര്‍ത്തോമ ചര്‍ച് വികാരിയായി ചുമതല ഏറ്റെടുക്കുവാന്‍ കുടുംബസമേതം മെയ് പത്തിനു അമേരിക്കയില്‍ എത്തിച്ചേര്‍ന്ന റവ മാത്യു ജോസഫ് അച്ചന്‍ ,ശുഭ കൊച്ചമ്മ ,മക്കള്‍ സ്‌നേഹ ,സൗമ്യ ,സം എന്നിവര്‍ക്കു ഡാളസ് ഫോട്ടവര്‍ത്തു വിമാനത്താവളത്തില്‍ ഊഷ്മള വരവേല്‍പ് നല്‍കി .

മൂന്ന് വര്‍ഷത്തേക്കാണ് നിയമനം .ട്രസ്റ്റി തമ്പി ജോര്‍ജ് അച്ഛനെയും കുടുംബത്തെയും പൂച്ചെണ്ട് നല്‍കി സ്വീകരിച്ചു .കോ ട്രസ്റ്റി രാജു ചാക്കോ ,അസംബ്ലി അംഗം സാക് തോമസ് ,ലെ ലീഡര്‍ ഫില്‍ മാത്യു ,ഫെസിലിറ്റി മാനേജര്‍ എന്‍ വി .എബ്രഹാം ,ഉമ്മന്‍ കോശി ,ആനിതോമസ് തുടങ്ങിയര്‍ അച്ഛനെ സ്വീകരിക്കാന്‍ വിമാനത്താവളത്തില്‍ എത്തിചെര്‍ന്നിരുന്നു ..വിമാനത്താവളത്തില്‍ നിന്നും നേരെ ദേവാലയത്തില്‍ എത്തി പ്രാര്‍ത്ഥന നടത്തിയതിനു ശേഷമാണ് പാഴ്‌സനേജില്‍ എത്തിച്ചേര്‍ന്നത് .

ദേവാലയ നിര്‍മാണ ധനസമാഹരണം: “ചിത്രശലഭങ്ങള്‍” ഞായറാഴ്ച അറ്റ്ലാന്റയില്‍

അറ്റ്ലാന്റ: മലയാളക്കരയുടെ വാനമ്പാടി ശ്രീമതി കെ എസ് ചിത്രയും ബഹുമുഘപ്രതിഭയും സംഗീത സംവിധായകനുമായ ശ്രീ.ശരത്തും ചേര്‍ന്നൊരുക്കുന്ന സംഗീത കലാവിരുന്ന് “ചിത്രശലഭങ്ങള്‍ ” മെയ് 13 നു അറ്റ്‌ലാന്‍റ്റയിലെ ലസിറ്റർ ഹൈസ്‌കൂളിന്‍റെ കോണ്‍സേര്‍ട്ട് ഹാളില്‍ വച്ചു നടത്തപ്പെടും. പ്രശസ്ത വയലിനിസ്റ്റും ഗായികയുമായ രൂപരേവതിയും, ഗായകന്‍ നിഷാദും ഒപ്പം ലൈവ്‌ ഓര്‍ക്കസ്ട്രയും ഈ പരിപാടിയുടെ മുഖ്യ ആകര്‍ഷണമായിരിക്കും.

സംഗീത പരിപാടികള്‍ക്ക് വേണ്ടി പ്രത്യേകമായി ഗ്രീക്കു സ്റ്റൈലില്‍ പണിതുയര്‍ത്തിയിട്ടുള്ള ഹാള്‍ ഈ സംഗീത വിരുന്നിനു മാറ്റു കൂട്ടും .ആയിരത്തോളം ആളുകള്‍ക്ക് ഒരുമിച്ചിരിന്ന് ആസ്വദിക്കാനുതകുന്ന ഈ വേദി നിറഞ്ഞു കവിയുന്നതിനുള്ള

തികഞ്ഞ പ്രോത്സാഹനം എല്ലാ കലാ പ്രേമികളും നല്‍കി വരുന്നു. ഈ കലാസന്ധ്യയുടെ ഒരുക്കങ്ങളെല്ലാം പൂര്‍ത്തിയായതായി സംഘാടകരായ അല്‍ഫോന്‍സ ഫൊറോന പള്ളിയുടെ വികാരി ഫാ.മാത്യു ഇളയടത്തുമടം അറിയിച്ചു.

സെന്റ് അല്‍ഫോന്‍സാ പള്ളിയുടെ നിര്‍മാണത്തിനു വേണ്ടിയുള്ള ധനസമാഹരണത്തിന് വേണ്ടി നടത്തപ്പെടുന്ന ഈ പരിപാടിയുടെ വിജയത്തിനു വേണ്ടി പരിശ്രമിക്കുകയും ടിക്കറ്റുകള്‍ എടുത്തു പ്രോത്സാഹിപ്പിക്കുകയും ചെയ്ത സഹൃദയരായ എല്ലാ കലാ സ്നേഹികളെയും ഹൃദയ പൂര്‍വ്വം സ്വാഗതം ചെയ്യുന്നു .ഏകദേശം 95% ടിക്കറ്റുകള്‍ ഇതിനോടകം വിറ്റ്‌ കഴിഞ്ഞതായും ശേഷിക്കുന്ന ഏതാനും സീറ്റുകള്‍ ഓണ്‍ലൈന്‍ വഴി തത്സമയം ലഭ്യമാകുന്നതാണ് എന്നും ഈ പരിപാടിയുടെസംഘാടകര്‍ അറിയിക്കുന്നു .

വിവരങ്ങൾക്ക് www.http://stalphonsacatholicchurch.org
എബ്രഹാം അഗസ്റ്റിൻ 770.624.7793,
ജോജി കെ ജോസ് : 317.457.3748
ഷാനി വാഴക്കാട്ട് : 770.880.9743

മാർട്ടിൻ വിലങ്ങോലിൽ

കോൺഗ്രസ്സ് സമ്മേളന വാർഷികം

കാഞ്ഞങ്ങാട് : പയ്യന്നൂർ കോൺഗ്രസ്സ് സമ്മേളനത്തിന്റെ തൊണ്ണൂറാം വാർഷികം മെയ് 25 ന് പയ്യന്നൂരിൽ വെച്ച് നടക്കും. സമ്മേളന നഗരിയിൽ ഉയർത്തുന്ന പതാക ജാഥ മെയ് 25 ന് രാവിലെ പത്ത് മണിക്ക് സ്വാതന്ത്ര്യ സമര സേനാനി എ.സി. കണ്ണൻ നായരുടെ സ്മൃതി മണ്ഡപത്തിൽ നിന്നും ആരംഭിക്കും. സംഘാടക സമിതി രൂപികരണ യോഗം കെ പി സി സി ജനറൽ സെക്രട്ടറി കെ.പി.കുഞ്ഞിക്കണ്ണൻ ഉദ്ഘാടനം ചെയ്തു. ഡി സി സി പ്രസിഡണ്ട് ഹക്കീം കുന്നിൽ അദ്ധ്യക്ഷനായ യോഗത്തിൽ കെ.വി.നാരായണൻ, പി.കെ.ഫൈസൽ, എം.അസിനാർ, കരുൺ താപ്പ, കരിമ്പിൽ കൃഷ്ണൻ, കെ.പി.പ്രകാശൻ, ഹരീഷ്.പി.നായർ, മാമുനി വിജയൻ, കെ.വി.ഗംഗാധരൻ, .എ.അഷറഫലി, മീനാക്ഷി ബാലകൃഷ്ണൻ, അഡ്വ.എം.സി. ജോസ്, സൈമൺ പള്ളത്തും കുഴി, പത്മരാജൻ ഐങ്ങോത്ത്, പി.രാമചന്ദ്രൻ, രമേശൻ കരുവാച്ചേരി, ഡി.വി.ബാലകൃഷ്ണൻ, ബാബു കദളിമറ്റം, കരിച്ചേരി നാരായണൻ മാസ്റ്റർ, യു.ശേഖരൻ നായർ, എം.കുഞ്ഞികൃഷ്ണൻ, എം.പി.എം.ഷാഫി, ബിനോയ് ആൻറണി, ഹനീഫ് ചേവാർ, എം.എം.തോമസ്സ്, കെ.കുഞ്ഞമ്പു, വി.കുഞ്ഞിക്കണ്ണൻ, തങ്കച്ചൻ തോമസ്, വൈഎംസി ചന്ദ്രശേഖരൻ തുടങ്ങിയവർ സംസാരിച്ചു.

കമ്യൂണിറ്റി കോളജ് വിദ്യാര്‍ത്ഥികള്‍ക്ക് സ്‌കോളര്‍ഷിപ്പ്: ബില്ലില്‍ മേരിലാന്റ് ഗവര്‍ണര്‍ ഒപ്പുവെച്ചു

മേരിലാന്‍ഡ്: കമ്മ്യൂണിറ്റി കോളജുകളില്‍ പഠിക്കുന്ന മിഡില്‍ ക്ലാസ്, താഴ്ന്ന വരുമാനക്കാര്‍ എന്നിവരുടെ മക്കള്‍ക്ക് സ്‌കോളര്‍ഷിപ്പ് നല്‍കുന്ന ബില്ലില്‍ മേരിലാന്‍ഡ് ഗവര്‍ണര്‍ ലാറി ഹോഗന്‍ ഒപ്പുവച്ചു. സ്‌കോളര്‍ഷിപ്പു ബില്ലുള്‍പ്പെടെ 200 ബില്ലുകളിലാണ് കഴിഞ്ഞ ദിവസം ഗവര്‍ണര്‍ ഒപ്പിട്ടത്. മേരിലാന്‍ഡ് ബജറ്റില്‍ 15 മില്യന്‍ ഡോളറാണ് കമ്മ്യൂണിറ്റി കോളജ് വിദ്യാര്‍ഥികളുടെ സ്‌കോളര്‍ഷിപ്പിനായി വകയിരുത്തിയിരിക്കുന്നത്.

1,25,000 ഡോളര്‍ വാര്‍ഷിക വരുമാനമുള്ള കുടുംബാംഗങ്ങളില്‍ നിന്നും കമ്മ്യൂണി കോളജില്‍ പഠിക്കുന്നവര്‍ക്ക് 5,000 ഡോളറും സിങ്കിള്‍ പേരന്റിന്റെ വരുമാനം 90,000 ഡോളറില്‍ കുറവാണെങ്കില്‍ അവരുടെ കുട്ടികള്‍ക്കും ഈ ആനുകൂല്യത്തിനര്‍ഹതയുണ്ട്. 2019 മുതലാണ് പദ്ധതി നടപ്പാക്കുകയെന്ന് ഗവര്‍ണറുടെ ഓഫിസ് അറിയിച്ചു.

പി.പി. ചെറിയാന്‍

മനോഹാരിത ചാർത്തി നഴ്സസ് ദിനാഘോഷങ്ങൾ ഹൂസ്റ്റണിൽ സമാപിച്ചു

ഹൂസ്റ്റൺ : ഇന്ത്യൻ അമേരിക്കൻ നഴ്സസ് അസോസിയേഷൻ ഓഫ് ഗ്രേറ്റർ ഹൂസ്റ്റൻറെ (IANAGH) ഇരുപതിനാലാമതു വാർഷികവും, എ പി എൻ ഫോറത്തിൻെ ഒന്നാം വാർഷികവും കൂടി വിവിധതരം കലാപരിപാടികളോടെ ഗംഭീരമായി ആഘോഷിച്ചു .

ഷുഗർ ലാൻഡിലെ നിർമാൻസ് നിർമാണ റെസ്ടോറന്റ് അതിനു വേദിയൊരുക്കിക്കൊണ്ടു ഏവരെയും ഹൃദ്യമായ് സ്വീകരിച്ചു. അനു മോൾ തോമസും ,മോളി മാത്യുവും എം.സി മാരായി വിവിധ പരിപാടികൾക്ക് ചുക്കാൻ പിടിച്ചു.

ഇന്ത്യൻ അമേരിക്കൻ ദേശീയ ഗാനാലപനത്തിന് ശ്രേയാ വർഗീസും ശ്രുതി വർഗീസും നേതൃത്വം നൽകി. തുടർന്ന് നഴ്സസ് ദിന പ്രാർഥനയ്ക്ക് കവിത രാജനും , കത്തിച്ച വിളക്കുകൾ കയ്യിലേന്തിക്കൊണ്ട് നഴ്സസ് ദിന പ്രതിജ്ഞയ്ക്ക് ക്ലാരമ്മ മാത്യുവും നേതൃത്വം നൽകി.

വയർലെസ്സ് പേസ്‌മേക്കർ എന്ന അഡ്വാൻസ് ടെക്നോളജിയെക്കുറിച്ചു വിശദീകരിച്ചുകൊണ്ട് ഡോ. അഫ്‌ഷർ ഹമീദ് അറിവു പങ്കുവച്ചു. അതിനു ശേഷം ലമാർ യൂണിവേഴ്സിറ്റിയും യൂ ടി ആർലിംഗ്ടൺ നഴ്സിംഗ് സ്കൂളും ഉന്നത വിദ്യാഭാസത്തിനു വേണ്ടാ വിവിധതര കോഴ്‌സുകളെക്കുറിച്ചും അവരുടെ പ്രൊത്സാഹനത്തെ ക്കുറിച്ചും സംസാരിച്ചു. അസോസിയേഷൻ പ്രസിഡന്റ് അക്കാമ്മ കല്ലേൽ സ്വാഗതം ആശംസിച്ചു. ഡോ. ജെസ്സി ഫിലിപ്പ് നഴ്സസ് പ്രാക്ടീഷനർമാരുടെ ഉന്നമനത്തിനുവേണ്ടി രൂപീകരിച്ച എപിഎൻ ഫോറത്തിന്റെ പ്രവർത്തനങ്ങളെകുറിച്ചും വിശദീകരിച്ചു .മുഖ്യ പ്രഭാഷികയായി എം ഡി ആൻഡേഴ്സൺ ആശുപത്രിയിലെ മില്ലി ടോത് ആതുരസേവനരംഗത്ത് നഴ്സസ് വരുത്തിയ മാറ്റങ്ങളെക്കുറിച്ചും , സമൂഹത്തിൽ നല്ല പ്രചോദനം നൽകാൻ നഴ്സസ് എങ്ങനെ സഹായിക്കുന്നു എന്നതിനെക്കുറിച്ചും സംസാരിച്ചുകൊണ്ട് ഏവരേയും ഉത്സുകരാക്കി .

രേഷ്മ,മെറിൻ ,ലിയാ ,അനു എന്നിവരുടെ നൃത്തവും ,സൂസൻ, ശ്രേയ എന്നിവരുടെ ഗാനവും ആഘോഷങ്ങൾക്ക് മാറ്റു കൂട്ടി. അസോസിയേഷൻ സെക്രട്ടറി വിർജീനിയ അൽഫോൻസ് റിപ്പോർട്ട് വായിച്ചതിനുശഷം വിഭവ സമൃദ്ധമായ ഉച്ചയൂൺ ഏവരും ആസ്വദിച്ചുകൊണ്ട് പരിപാടികൾ തുടർന്നു .

ഡോ. ഓമന സൈമണും ഷീല മാത്യൂസും കൂടി അസ്സോസിയേഷന്റെ പുതിയ വെബ് സൈറ്റ് ഉത്‌ഘാടനം ചെയ്തു . കാലത്തിൻറെ ഏടുകളിൽ ചരിത്ത്ര സംഭവമായ ഇന്ത്യൻ നഴ്‌സിംഗ് കൗൺസിലും യൂണിവേഴ്സിറ്റി ഓഫ് ഹൂസ്റ്റണും തമ്മിലുള്ള മെമ്മോറാണ്ടം ഓഫ് അണ്ടർസ്റ്റാൻഡിങ്ങ് ഹൂസ്റ്റൺ യൂണിവേഴ്സ്റ്റി നഴ്സിംഗ് കോളേജ് ഡീൻ കാതറീൻ ടാർട് വിശദീകരിച്ചു. വോയിസ് ഓഫ് ഏഷ്യ എന്ന പത്രത്തിന്റെ ഫൗണ്ടർ ആയ മിസ്റ്റർ കോശി തോമസ് നഴ്സസ് ഹൂസ്റ്റണിൽ നടത്തിയ മാറ്റങ്ങളെ ക്കുറിച്ചും , മുൻകാല നഴ്സസിന്റെ സേവനങ്ങളെക്കുറിച്ചും ഏറെ പ്രശംസിച്ചു.. പുതുതായി ആരംഭിച്ച ഹെയ്ത്തി മിഷൻ പ്രോജെക്ടിനെക്കുറിച്ചു റോസ് ജീൻ വിശദീകരിക്കുകയും ,അതിനായി ഹെയ്തിയിലേയ്ക്കു പോയ എല്ലാവരെയും പ്രത്യേകം അഭിനന്ദിക്കുകയും ചെയ്തു. ഒക്ടോബറിൽ വരാനിരിക്കുന്ന നാഷണൽ കോണ്ഫറൻസിന്റെ കൺവീനർ മിസ്റ്റർ മഹേഷ് പിള്ള ഡാളസ് ചാപ്റ്ററിൽ നിന്നെത്തി ഏവരെയും അതിനായി ക്ഷണിച്ചു.

സ്പോൺസർ മാരായ ബോസ്റ്റൺ സൈന്റിഫിക് ,സോൾ മെഡിക്കൽസ് ,ലമാർ യൂണിവേഴ്സിറ്റി , യൂ ടി ആർലിംഗ്ടൺ നഴ്സിംഗ് സ്കൂൾ , യൂണിവേഴ്സിറ്റി ഹൂസ്റ്റൺ നഴ്സിംഗ് കോളേജ് ,എഡ്വിൻ എൻക്ലസ് സെൻറെർ , അലാമോ ട്രാവെൽസ് എന്നിവരുടെ സ്പോണ്സർഷിപ്പിനെ നന്ദിയോടെ സ്വീകരിച്ചു .

ആഘോഷത്തോടനുബന്ധിച്ച് അസോസിയേഷൻ വിദ്യാഭ്യാസ സഹായ പദ്ധതിയുടെ ഭാഗമായി സ്കോളർഷിപ്പുകൾ വിതരണം ചെയ്തു. ഇന്ത്യയിൽ നിന്നുള്ള 3 നഴ്സിംങ് വിദ്യാർഥികൾക്കും യുഎസിൽ നിന്നുള്ള 2 വിദ്യാർഥികൾക്കും സ്കോളർഷിപ്പുകൾ മേരി തോമസ് സമ്മാനിച്ചു. ഡോ. ഷൈനി വർഗീസ് സ്പെഷ്യൽ അവാർഡുകൾ ഡോ. നിതാ മാത്യുവിനും , നഴ്സിംഗ് എസ്‌സലൻസ് അവാർഡ് ക്ലിനിക്കൽ വിഭാഗത്തിൽ വിർജീനിയ അൽഫോൻസിനും , നോൺ ക്ലിനിക്കൽ വിഭാഗം എഡ്യൂക്കേറ്റർ കവിത രാജനും സമ്മാനിച്ച് അനുമോദിച്ചു. റിട്ടയർ ആയ നഴ്സ്മാരെയും ആദരിക്കുകയും , പുതുതായി ഗ്രാജുവേറ്റ് ചെയ്ത രേജിസ്റെർഡ് നേഴ്സ്, ബി എസ് എൻ ,എം എസ് എൻ ,ഡോക്ടറേറ്റ് ഇൻ നഴ്‌സിംഗ് ലഭിച്ചവരെ പ്രത്യേകം അനുമോദിക്കുകയും ചയ്തു. ഡോ. ജെസ്സി ഫിലിപ്പും ടീം അംഗങ്ങളും ചേർന്ന് , രചിച്ചു അവതരിപ്പിച്ച ചെറു നാടകം വളരെ ഹൃദയ സ്പര്ശിയായി. തുടർന്ന് ജനറൽ ബോഡി മീറ്റിംഗിലും ഏവരും സംബന്ധിച്ചു .സിസി മോൾ ജോസഫ് നന്ദി നന്ദി പ്രകാശിപ്പിച്ചു. വിഭവ സമൃദ്ധമായ ഭക്ഷണത്തിനു ശേഷം നഴ്സസ് ഡേ ആഘോഷങ്ങൾ സമാപിച്ചു.

മെമ്പർഷിപ് കമ്മിറ്റി ചെയർ മോളി മാത്യു അറിയിച്ചതാണിതു .

ജീമോൻ റാന്നി

കേരളാ ലിറ്റററി സൊസൈറ്റി ഡാലസിനു നവനേതൃത്വം

ഡാളസ്: ഡാലസിലെ സാഹിത്യകാരൻമാരുടെ സംഘടനയായ കേരളാ ലിറ്റററി സൊസൈറ്റിയുടെ വാർഷിക പൊതുയോഗം ഗാർലന്റിലെ കേരളാ അസോസിയേഷൻ ഹാളിൽ വച്ച് ഏപ്രിൽ 8 ന് നടന്നു. പ്രസിഡന്റ് എബ്രഹാം തെക്കേമുറിയുടെ അധ്യക്ഷതയിൽ കൂടിയ യോഗത്തിൽ സംഘടനയുടെ കഴിഞ്ഞ വർഷത്തെ വാർഷിക റിപ്പോർട്ടും വരവു ചിലവ് കണക്കുകളും അവതരിപ്പിച്ച് പാസാക്കി. തുടർന്ന് നടന്ന തിരെഞ്ഞടുപ്പിൽ താഴെ പറയുന്നവരെ 2018-19 ലെ ഭാരവാഹികളായി തിരഞ്ഞെടുത്തു.

പ്രസിഡന്റ്: ജോസ് ഓച്ചാലിൽ
സെക്രട്ടറി: സിജു വി. ജോർജ്
ട്രഷറാർ: ജോസൻ ജോർജ്
വൈസ് പ്രസിഡന്റ്: അജയകുമാർ
ജോയിന്റ് സെക്രട്ടറി: സി. വി. ജോർജ്

കഴിഞ്ഞ 25 വർഷത്തെ സംഘടനയുടെ പ്രവർത്തനങ്ങൾ ഈ യോഗത്തിൽ വച്ച് അംഗങ്ങൾ വിലയിരുത്തി. മുൻ വർഷങ്ങളിലെ പോലെ ഈ വർഷവും വിദ്യാരംഭം, കേരളപ്പിറവി ആഘോഷം, സാഹിത്യ സമ്മേളനങ്ങൾ തുടങ്ങിയ പരിപാടികൾ വിപുലമായി നടത്തുവാൻ പുതിയ പ്രവർത്തന സമിതി തീരുമാനിച്ചു.

മാർട്ടിൻ വിലങ്ങോലിൽ

നോര്‍ത്ത് ഈസ്റ്റ് അമേരിക്കന്‍ ഭദ്രാസന അസംബ്ലിയുടെ വാര്‍ഷികയോഗം മെയ് 19ന്: മാര്‍ നിക്കോളോവോസ്

ഡാല്‍ട്ടണ്‍ – (പെന്‍സില്‍വേനിയ): നോര്‍ത്ത് ഈസ്റ്റ് അമേരിക്കന്‍ ഭദ്രാസന അസംബ്ലിയുടെ വാര്‍ഷികയോഗം മെയ് 19ന് ഹോളി ട്രാന്‍സ്ഫിഗറേഷന്‍ റിട്രീറ്റ് സെന്‍ററില്‍ ചേരുമെന്ന് ഭദ്രാസന മെത്രാപ്പൊലീത്ത സഖറിയ മാര്‍ നിക്കോളോവോസ് കല്‍പനയില്‍ അറിയിച്ചു. 19 ശനിയാഴ്ച രാവിലെ 9ന് ആരംഭിക്കുന്നയോഗത്തില്‍ വികാരിമാരും എല്ലാ ഇടവകകളില്‍ നിന്നുമുള്ള തിരഞ്ഞെടുക്കപ്പെട്ട ഭദ്രാസന അസംബ്ലി പ്രതിനിധികളും സംബന്ധിക്കണമെന്ന് കല്‍പനയില്‍ പറയുന്നു. പങ്കെടുക്കുന്ന പ്രതിനിധികള്‍ അസംബ്ലി രജിസ്റ്ററില്‍ ഒപ്പുവച്ചും ബാഡ്ജുകള്‍ സ്വീകരിച്ചും രാവിലെ 8.45ന് മുമ്പ് സീറ്റുകളില്‍ ഹാജരായിരിക്കണമെന്ന മാര്‍ നിക്കോളോവോസ് അറിയിച്ചു.

അജണ്ട:
1. പ്രാരംഭ പ്രാര്‍ഥനയും വചനസന്ദേശവും
2 പ്രസിഡന്‍റിന്‍റെ മെസേജ്.
3. 2017 ജൂണ്‍ 3ന് സമ്മേളിച്ച മുന്‍ ഭദ്രാസന അസംബ്ലിയുടെ മിനിറ്റ്സ് അവതരണം.
4. 2017-18 വര്‍ഷത്തെ വാര്‍ഷിക റിപ്പോര്‍ട്ട്.
5. 2017-18 വര്‍ഷത്തെ സാമ്പത്തിക സ്റ്റേറ്റ്മെന്‍റ് അവതരണം.
6. 2018-19 വര്‍ഷത്തെ ബഡ്ജറ്റ് അവതരണം.
7. ഹോളി ട്രാന്‍സ്ഫിഗറേഷന്‍ റിട്രീറ്റ് സെന്‍റര്‍ ഫണ്ട് റെയ്സിംഗ് & ഓപ്പറേഷന്‍സ്
8. ഫാമിലി യൂത്ത് കോണ്‍ഫറന്‍സ് 2019.
9. മറ്റ് വിഷയങ്ങള്‍- അധ്യക്ഷന്‍റെ അനുമതിയോടെ.

2017-18 വര്‍ഷത്തെ സാമ്പത്തിക സ്റ്റേറ്റ്മെന്‍റും വാര്‍ഷിക റിപ്പോര്‍ട്ടും 2018-19 വര്‍ഷത്തേക്കുള്ള ബഡ്ജറ്റും പ്രത്യേകമായി ഇമെയില്‍ ചെയ്യുന്നതാണ്. അസംബ്ലിയില്‍ ചര്‍ച്ച ചെയ്യപ്പെടേണ്ടതായ ചോദ്യങ്ങള്‍, പ്രമേയം തുടങ്ങിയവ മെയ് 12 ന് മുമ്പ് ഭദ്രാസന ഓഫിസില്‍ ലഭിക്കേണ്ടതാണ്.

വിവരങ്ങള്‍ക്ക്: ഭദ്രാസന ചാന്‍സറി: 718 470 9844.
ഭദ്രാസന സെക്രട്ടറി: ഫാ. സുജിത് തോമസ്; 516 754 0743

NortheastAmericanDiocese@gmail.com

ജോര്‍ജ് തുമ്പയില്‍

ക്രിക്കറ്റ് മത്സരങ്ങളോടെ ഇന്റര്‍ പാരീഷ് സ്പോർട്സ് ഫെസ്റ്റിന് ഉജ്വല തുടക്കം

കൊപ്പേൽ (ടെക്‌സാസ് ) : ചിക്കാഗോ സിറോ മലബാര്‍ രൂപതയിലെ ടെക്‌സാസ് ഒക്ലഹോമ റീജണിലെ ഇടവകകൾ പങ്കെടുത്തു നടക്കുന്ന മൂന്നാമത് ഇന്റര്‍ പാരീഷ് സ്പോർട്സ് ഫെസ്റ്റിനു ട്വന്റി 20 ക്രിക്കറ്റ് ടൂർണമെന്റോടെ ഉജ്വല തുടക്കം. ആതിഥേയരായ കൊപ്പേൽ സെന്റ് അൽഫോൻസാ ദേവാലയത്തിൻറെ നേതൃത്വത്തിൽ മെയ് 4 , 5 , 6 തീയതികളിൽ 7 ടീമുകൾ പങ്കെടുത്തുള്ള ക്രിക്കറ്റ് ടൂർണമെൻറ് സമാപിച്ചപ്പോൾ സെന്റ് അൽഫോൻസാ ടീം വിജയികളും സെന്റ് മേരീസ് പെർലാന്റ് റണ്ണേഴ്‌സ് അപ്പും ആയി.

മത്സരങ്ങൾക്ക് ഇറീജണൽ കോ ഓർഡിനേർ ആൻഡ് ഡയറക്ടർ പോൾ സെബാസ്റ്റ്യൻ, ഐപിഎസ്‌എഫ് ഇടവക കോർഡിനേറ്ററുമാരായ സിബി സെബാസ്റ്റ്യൻ , കെന്റ് സി തോമസ് , സജേഷ് അഗസ്റ്റിൻ തുടങ്ങയവർ നേതൃത്വം നൽകി.

ആഗസ്ത് 10 , 11 , 12 തീയതികളിലായി ഫ്രിസ്‌കോയിലുള്ള ഫീൽഡ് ഹൌസ് ഇൻഡോർ സ്പോർട്സ് കോമ്പ്ലെക്സിൽ മറ്റു മത്സര ഇനങ്ങളായ സോക്കർ, ബാസ്കറ്റ് ബോൾ, വോളിബോൾ , ത്രോബോൾ , ബാറ്റ്മിന്റൺ , ടേബിൾ ടെന്നീസ് , കാർഡ്‌സ് , ചെസ്സ്, ക്യാരംസ്സ് , പഞ്ചഗുസ്തി, വടംവലി, നടത്തം എന്നിവ വിവിധ കാറ്റഗറികളിലായി നടക്കും. ആതിഥേയരായ കൊപ്പേല്‍ സെന്റ് അല്‍ഫോന്‍സാ ഇടവകയ്ക്ക് പുറമെ, ഗാര്‍ലാൻഡ് സെന്റ് തോമസ് ഫൊറോന, ഹൂസ്റ്റൺ സെന്റ് ജോസഫ് ഫൊറോന, പേർലാൻഡ് സെന്റ് മേരീസ് , ഒക്ലഹോമ ഹോളി ഫാമിലി, ഓസ്റ്റിൻ സെന്റ് അല്‍ഫോന്‍സാ , മക്അലന്‍ ഡിവൈന്‍ മേഴ്‌സി , സാന്‍അന്റോണിയോ സെന്റ് തോമസ് എന്നീ പാരീഷുകളും പങ്കെടുക്കുന്നു.

മാർട്ടിൻ വിലങ്ങോലിൽ

നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്‍റെ സമ്മര്‍ ഇന്‍സ്റ്റിറ്റ്യുട്ട് ജൂണ്‍ 3 മുതല്‍ 8 വരെ

ഫിലഡല്‍ഫിയ: നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്‍റെ നേതൃത്വത്തില്‍ ജൂണ്‍ 3 മുതല്‍ 8 വരെ പോക്കൊണോസ് മലനിരകളിലുള്ള ഹോളി-ട്രാന്‍സ്ഫിഗറേഷന്‍ റിട്രീറ്റ് സെന്‍ററില്‍ സമ്മര്‍ ഇന്‍സ്റ്റിറ്റ്യുട്ട് നടത്തുന്നു. സിറിയക് ലിറ്റര്‍ജി: ഹിസ്റ്ററി ആന്‍ഡ് തിയോളജി എന്നതാണ് ഇന്‍സ്റ്റിറ്റ്യുട്ടിന്‍റെ ഇത്തവണത്തെ തീം. പുരാതന ലിറ്റര്‍ജിക്കല്‍ പാരമ്പര്യത്തെകുറിച്ച് ചര്‍ച്ച ചെയ്യുവാനും പഠിക്കാനുമുള്ള അപൂര്‍വ അവസരമാണ് ഒരാഴ്ച നീളുന്ന ഈ പ്രോഗ്രാം. ബിരുദ, ബിരുദാനന്തര തലത്തില്‍ ദൈവശാസ്ത്രവും (തിയോളജി)വേദപഠനവും നടത്തുന്ന വിദ്യാര്‍ഥികള്‍, വൈദികര്‍, അത്മായര്‍, ലിറ്റര്‍ജിയെയും സിറിയക് പാരമ്പര്യത്തെയും കുറിച്ചറിയാനാഗ്രഹിക്കുന്ന ബിരുദതലത്തിന് താഴെ പഠിക്കുന്ന വിദ്യാര്‍ഥികള്‍ തുടങ്ങിയവരായിരിക്കും പ്രോഗ്രാമില്‍ പങ്കെടുക്കുക. ഗ്രാജുവേറ്റ് വിദ്യാര്‍ഥികള്‍ക്ക് സ്കോളര്‍ഷിപ്പ് ലഭ്യമാണ്. കോട്ടയം ഓര്‍ത്തഡോക്സ് തിയോളജിക്കല്‍ സെമിനാരി പ്രൊഫസര്‍ ഫാ. ഡോ. ബേബി വര്‍ഗീസാണ് പ്രധാനമായും ക്ലാസുകള്‍ നയിക്കുക. 1985ല്‍ പാരിസ് യൂണിവേഴ്സിറ്റി സൊര്‍ബോണില്‍ നിന്ന് ഡോക്ടറേറ്റെടുത്ത ഫാ. ബേബി വര്‍ഗീസ്, കോട്ടയം ഓര്‍ത്തഡോക്സ് തിയോളജിക്കല്‍ സെമിനാരി പ്രൊഫസറും സെന്‍റ് എഫ്രേം എക്യുമിനിക്കല്‍ റിസര്‍ച്ച് ഇന്‍സ്റ്റിറ്റ്യുട്ട് (SEERI) പ്രൊഫസറുമാണ്. ബര്‍ലിന്‍ വാഴ്സിറ്റിയുടെ അലക്സാണ്ടര്‍ വോണ്‍ ഹുംബോള്‍ഡ്റ്റ് ഫെലോഷിപ്പും യൂണിയന്‍ തിയോളജിക്കല്‍ സെമിനാരി ന്യൂയോര്‍ക്കില്‍ നിന്ന് ബര്‍ക് ഫെലോഷിപ്പും യേല്‍ വാഴ്സിറ്റിയുടെ ഐ എസ് എം ഫെലോഷിപ്പും നേടിയിട്ടുണ്ട്. യേല്‍ വാഴ്സിറ്റിയില്‍ വിസിറ്റിംഗ് പ്രൊഫസറുമാണ്. വിയന്നയിലെ പ്രോ ഓറിയന്‍റ് ഫൗണ്ടേഷന്‍ ഫോറം സിറോകിയത്തിന്‍റെ അംഗവുമാണ്. പടിഞ്ഞാറന്‍ സിറിയക് പാരമ്പര്യത്തിലെ നിരവധി പ്രാര്‍ഥനകള്‍ ഇംഗ്ലീഷിലേക്ക് വിവര്‍ത്തനം ചെയ്ത അച്ചന്‍ നിരവധി പുസ്തകങ്ങളും ലേഖനങ്ങളും രചിച്ചിട്ടുണ്ട്.

ബെയ്ലര്‍ വാഴ്സിറ്റി വിദ്യാര്‍ഥി കോഡി സ്ട്രെക്കറുടെ (പി എച്ച്ഡി) ചെറിയൊരു അവതരണവും പ്രോഗ്രാമില്‍ ഉണ്ടാകും. പ്രോഗ്രാമിലേക്ക് രജിസ്റ്റര്‍ ചെയ്യുന്നതിനായി https://transfigurationretreat.org/events/summerinstitute ല്‍ നിന്നുള്ള വെബ് രജിസ്ട്രേഷന്‍ ഫോം പൂരിപ്പിച്ചു നല്‍കുക. രജിസ്ട്രേഷന്‍ ഫീസായ $375 നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്‍റെ പേരില്‍ അടയ്ക്കേണ്ടതാണ്. താമസത്തിന്‍റെയും ഭക്ഷണത്തിന്‍റെയും ചാര്‍ജ് അടക്കമാണ് രജിസ്ട്രേഷന്‍ ഫീ. രജിസ്ട്രേഷന്‍ ഫീ 1000 Seminary Road Dalton PA 18414 ലേക്ക് അയക്കുക. ഗ്രാജുവേഷന്‍ വിദ്യാര്‍ഥികള്‍ക്ക് രജിസ്ട്രേഷന്‍ ഫീ കവര്‍ ചെയ്യുന്ന വിധത്തില്‍ സ്കോളര്‍ഷിപ്പ് ലഭ്യമാണ്. സ്കോളര്‍ഷിപ്പ് സംബന്ധിച്ച വിവരങ്ങള്‍ക്ക:് ഫാ. സുജിത് തോമസ് ഭദ്രാസന സെക്രട്ടറി(stthomas8@yahoo.com).

ജൂണ്‍ 3 ഞായറാഴ്ച വൈകുന്നേരം 4 മുതല്‍ 7 വരെയാണ് ചെക് ഇന്‍. ഭക്ഷണത്തെ തുടര്‍ന്ന് ഓറിയന്‍റേഷനും ഓപ്പണിംഗ് പ്രസന്‍റേഷനും. 8-ാം തീയതി നാലുമണിക്ക് പ്രോഗ്രാം സമാപിക്കും. തിങ്കളാഴ്ച സിറിയക് ക്രിസ്റ്റ്യാനിറ്റി, സിറിയക് ലിറ്റര്‍ജിയുടെ അനുഭവം തുടങ്ങിയ വിഷയങ്ങളെകുറിച്ച് ക്ലാസുകള്‍ നടക്കും. ചൊവ്വാഴ്ച ബാപ്റ്റിസ്മല്‍ ലിറ്റര്‍ജിയുടെ ഘടന, തിയോളജി, യൂക്കറിസ്റ്റ്, അനാഫൊറയുടെ പ്രാധാന്യം എന്നീ വിഷയങ്ങളെ കുറിച്ചാണ് ക്ലാസുകള്‍. ബുധനാഴ്ച ലിറ്റര്‍ജിക്കല്‍ വര്‍ഷത്തെകുറിച്ച് അവലോകനം. വ്യാഴാഴ്ച തിയോളജി ഓഫ് ദ സാക്രമെന്‍റ്സ്, വിവാഹം, ലിറ്റര്‍ജിക്കല്‍ തിയോളജി എന്നിവയെകുറിച്ച് ക്ലാസുകള്‍. എട്ടിന് സിറിയക് സ്പിരിച്വാലിറ്റിക്ക് ആമുഖം. മറ്റ് ലിറ്റര്‍ജിക്കല്‍ വിഷയങ്ങളും പഠനവിഷയമാകും.

ഫോര്‍ദാം, ബെയ്ലര്‍ ഗ്രാജുവേറ്റ് വിദ്യാര്‍ഥികളായ നാലുപേരടക്കം 22 പേര്‍ നിലവില്‍ രജിസ്റ്റര്‍ ചെയ്തുകഴിഞ്ഞു. മെയ് 25 ആണ് രജിസ്ട്രേഷന്‍ നടത്തുന്നതിനുള്ള അവസാന തീയതി.

ജോര്‍ജ് തുമ്പയില്‍