ജോര്‍ജ് മാമ്മന്‍ കൊണ്ടൂരിന് ചിക്കാഗോ എയര്‍പോര്‍ട്ടില്‍ സ്വീകരണം

ചിക്കാഗോ: അമേരിക്കയുടെ വിവിധ സംസ്ഥാനങ്ങളില്‍ നടക്കുന്ന വിവിധ പരിപാടികളില്‍ പങ്കെടുക്കുവാനെത്തിയ കേരളാ സ്റ്റേറ്റ് ഹൗസ് ഫെഡ് ചെയര്‍മാനും, പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും , കോണ്‍ഗ്രസ് നേതാവുമായ ജോര്‍ജ് മാമ്മന്‍ കൊണ്ടൂരിന് ചിക്കാഗോ എയര്‍പോര്‍ട്ടില്‍ വന്‍ സ്വീകരണം.

തോമസ് ജോര്‍ജ് , തമ്പി മാമ്മൂട്ടില്‍ , തോമസ് മാത്യു , ജോണി പുല്ലു കാലായില്‍ , റോണ്‍ തോമസ് , ഷോണ്‍ തോമസ് എന്നിവര്‍ ചേര്‍ന്ന് സ്വീകരിച്ചു.

ജോയിച്ചന്‍ പുതുക്കുളം

ജാതി മത ചിന്തകളുടെ കൂരിരുട്ടില്‍ ഇത്തിരി വെട്ടവുമായി ആര്‍ട്ട് ലവേഴ്‌സ് ഓഫ് അമേരിക്ക (അല)

ന്യുയോര്‍ക്ക്: മനുഷ്യരെന്നതും ഇന്ത്യാക്കരെന്നതും മറന്നു മതത്തിന്റെയും ജാതിയുടെയും പേരില്‍ സംഘടിക്കുകയും മറ്റുള്ളവരെ ആക്രമിക്കുന്നതും അപഹസിക്കുന്നതും കോണ്ടാടപ്പെടുകയും ചെയ്യുന്ന ആസുരമായ ഈ കാലത്ത് സൗഹ്രുദത്തിന്റെ കുളിര്‍ കറ്റായി പിറന്നു വീണ ആര്‍ട്ട് ലവേഴ്‌സ് ഓഫ് അമേരിക്കയുടെ (അല ) പ്രവര്‍ത്തനം അമേരിക്കയില്‍ ഉടനീളം വ്യാപിച്ചുകൊണ്ടിരിക്കുന്നു.

ഒരു ആദര്‍ശ സംഘടനയെന്ന നിലയില്‍ കുറെ അമേരിക്കന്‍ മലയാളികള്‍ തുടക്കമിട്ട അല ലക്ഷ്യത്തില്‍ നിന്നു വ്യതിചലിക്കാതെ മാനവികതയുടെ വക്താക്കളായി പ്രവര്‍ത്തിക്കുന്നു.

ഭിന്നതയോ സ്വാര്‍ത്ഥമായ സംഘടിക്കലോ അല്ല, മറിച്ച് ഒരു തരത്തിലുമുള്ള അതിരുകളില്ലാത്ത ഒരു സംഘ ശക്തിയായി മാറുക എന്നതാണ് ആര്‍ട്ട് ലവേര്‍സ് ഓഫ് അമേരിക്കയുടെ ലക്ഷ്യം പ്രസിഡന്റ് ഡോ. ജേക്കബ് തോമസ് അഭിപ്രായപ്പെട്ടു.

സമൂഹത്തോടുള്ള പ്രതിബദ്ധത നിറവേറ്റി ദൗത്യനിര്‍വ്വഹണത്തില്‍ ആത്മാര്‍ത്ഥത പ്രകടിപ്പിച്ച് പ്രതാപത്തോടും ആത്മാഭിമാനത്തോടും കൂടി ജാതിമത ഭേദമന്യേ എല്ലാവരേയും ഒരു കുടക്കീഴില്‍ അണിനിരത്തി മുന്നോട്ടു കൊണ്ടുപോവുക എന്നതാണ് അലയുടെ ലക്ഷ്യം എന്ന് വൈസ് പ്രസിഡന്റ് ടെറന്‍സണ്‍ തോമസ് പറഞ്ഞു.

ശരിയായ പ്രപഞ്ച വീക്ഷണമുള്ള ഒരു ജനസമൂഹത്തിനു മാത്രമേ നന്മ നിറഞ്ഞ ഒരു പുതുലോകത്തെക്കുറിച്ച് നിറമുള്ള സ്വപ്നങ്ങള്‍ കാണാനും സമൂഹത്തിന്റെ പുനര്‍നിര്‍മ്മിതിയില്‍ തങ്ങളുടേതായ ഭാഗധേയം നിര്‍വ്വഹിക്കുവാനും കഴിയൂ എന്ന്‌കൊച്ചുമ്മന്‍ ജേക്കബ് അഭിപ്രായപ്പെട്ടു.

വെറുപ്പിന്റെ തത്വശാസ്ത്രം പറയുന്നവര്‍ ഭീതി വിതച്ച് അതില്‍ നിന്നു മുതലെടുക്കാന്‍ ശ്രമിക്കുന്നവരാണെന്നു അല വെസ്റ്റ്‌ചെസ്റ്റര്‍ ചാപ്റ്റര്‍ വൈസ് പ്രസിഡന്റ് ബാബു മാത്യു ചൂണ്ടിക്കാട്ടി. മാനവികത ഉയര്‍ത്തിക്കാട്ടുന്ന പ്രസ്ഥാനങ്ങള്‍ അവര്‍ക്ക് ശത്രുക്കളായി മാറുന്നു. അതിനാല്‍ ജാഗ്രത പുലര്‍ത്തുവാന്‍ ഓരോരുത്തര്‍ക്കും ബാധ്യതയുണ്ടെന്നു അദ്ധേഹം ചൂണ്ടിക്കാട്ടി.

കേരള രാഷ്ട്രിയത്തില്‍ ഒരു പുത്തന്‍ മാതൃക തീര്‍ത്ത ആരോഗ്യ മന്ത്രി കെ.കെ. ഷൈലജ ടീച്ചര്‍, നോര്‍ക്ക വൈസ് ചെയര്‍മാന്‍ വരദരാജന്‍, വനിതാ കമ്മീഷന്‍ മെംബെര്‍ ഷാഹിദ കമാല്‍, അഡ്വ. സനല്‍ കുമാര്‍ എന്നിവര്‍ക്ക് അല യോങ്കേഴ്‌സിലുള്ള മുംബൈ സ്‌പൈസ് ഇന്ത്യന്‍ റെസ്‌റ്റോറന്റില്‍ നല്കിയ സ്വികരണത്തില്‍ പങ്കെടൂക്കവെ ആണുഅവര്‍ തങ്ങളുടെ നിലപാടുകള്‍ വ്യക്തമാക്കിയത്.

നിപ്പ വൈറസ് ഭീതിക്കിടയിലും അടിപതറാതെ ശക്തമായ നിലപാടുകളില്‍ ഉറച്ചു നിന്ന് കേരള രാഷ്ട്രിയത്തില്‍ മാതൃക തീര്‍ത്ത മന്ത്രി കെ.കെ. ഷൈലജ ടീച്ചറെഎല്ലാവരും പ്രശംസിച്ചു. രോഗ സാധ്യതകളെ തൃണവല്‍ക്കരിച്ചു ഒരു പടനായികയുടെ ആര്‍ജ്ജവത്തോടെ വഴിവിളക്കായി നമുക്ക് മുന്നില്‍ നിന്ന ഈ ധീരവനിത, ഇന്ത്യക്ക് തന്നെ അഭിമാനമായി മാറിയെന്നു അല നേതാക്കള്‍ ചൂണ്ടിക്കാട്ടി.

ഫൊക്കാന, ഫോമാ, പ്രസ് ക്ലബ് തുടങ്ങി വിവിധ ദേശീയ സംഘടനകളുടെയും പ്രാദേശിക അസോസിയേഷനുകളുടെയും പ്രതിനിധികള്‍ പങ്കെടുത്തു. ഫൊക്കാനയുടെയും ഫോമയുടെയും പുതിയ ഭാരവാഹികളെയും പരിചയപ്പെടുത്തി. ഫൊക്കാന എക്‌സി. വൈസ് പ്രസിഡന്റ് ശ്രീകുമാര്‍ ഉണ്ണിത്താന്‍, വനിതാ ഫോറം ചെയര്‍ ലൈസി അലക്‌സ്, നാഷണല്‍ കമ്മിറ്റി അംഗം ജോയ് ഇട്ടന്‍, ഫോമാ ജനറല്‍ സെക്രട്ടറി ജോസ് ഏബ്രഹാം, ട്രഷറര്‍ ഷിനു ജോസഫ്,ആര്‍.വി.പി ഗോപിനാഥ കുറുപ്പ് തുടങ്ങിയവരെ യോഗം സ്വാഗതം ചെയ്തു. ഫോമാ മുന്‍ ജനറല്‍ സെക്രട്ടറി ജിബി തോമസ് ആശംസകള്‍ നേര്‍ന്നു.

പ്രെമറി ഹെല്ത്ത് സെന്ററുകള്‍ ഇനി മുതല്‍ വൈകിട്ടു വരെ പ്രവര്‍ത്തിക്കുന്ന ആശുപത്രികളാക്കുന്ന യത്‌നത്തില്‍ പങ്കാളികളാകാന്‍ മന്ത്രി അമേരിക്കന്‍ മലയാളികളോടഭ്യര്‍ഥിച്ചു. ഒരു കേന്ദ്രം ആശുപത്രിയാക്കാന്‍ രണ്ടര കോടി ചെലവു വരും. ഇതില്‍ ഒരു ഭാഗം ചെലവു വഹിക്കാനും പറ്റും . പലര്‍ ചേര്‍ന്ന് സഹായമെത്തിക്കാനുമാവും.അവരുടെ പേര്‍ കേന്ദ്രത്തില്‍ എഴുതി വയ്ക്കും.

ടെറന്‍സണ്‍ തോമസ്

ഫൊക്കാന മിഡ്‌വെസ്റ്റ് റീജിയന്‍ മുഖ്യമന്ത്രി പിണറായി വിജയന് സ്വീകരണം നല്‍കി

ചിക്കാഗോ: ഫൊക്കാന മിഡ്‌വെസ്റ്റ് റീജിയന്റെ ആഭിമുഖ്യത്തില്‍ ചിക്കാഗോ സെന്റ് മേരീസ് ക്‌നാനായ ദേവാലയ ഓഡിറ്റോറിയത്തില്‍ കേരളാ മുഖ്യമന്ത്രി പിണറായി വിജയന് ഉജ്വല സ്വീകരണം നല്‍കി. കേരളത്തിന്റെ വികസനത്തിന് പ്രവാസി മലയാളികളുടെ സഹകരണം ഉണ്ടാവണമെന്നു മുഖ്യമന്ത്രി ആവശ്യപ്പെട്ടു. ഫൊക്കാന മിഡ്‌വെസ്റ്റ് റീജിയന്‍ പ്രവര്‍ത്തനോദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.

ഈ ഗവണ്‍മെന്റ് വന്നതിനുശേഷമുള്ള കാലയളവില്‍ എല്ലാ മേഖലകളിലും പുരോഗതി കൊണ്ടുവരാന്‍ കഴിഞ്ഞിട്ടുണ്ട്. പക്ഷെ ഇനിയും നമ്മുടെ നാട് കൂടുതല്‍ വികസിക്കേണ്ടിയിരിക്കുന്നു. അതിനു പ്രവാസി മലയാളികള്‍ കൂടി സഹകരിക്കണമെന്ന് അദ്ദേഹം ആവശ്യപ്പെട്ടു. എല്ലാ മതങ്ങളും ഒന്നാണെന്നു ലോക ജനതയെ പഠിപ്പിച്ച സ്വാമി വിവേകാനന്ദന്‍ കാലുകുത്തിയ സ്ഥലത്ത് വരുവാനും അവിടെ മലയാളികള്‍ വളരെ സൗഹൃദത്തോടെ കഴിയുന്നത് കാണുന്നതിലും വളരെയേറെ സന്തോഷമുണ്ട്. നമ്മുടെ സംസ്ഥാനത്തും മതേതരത്വം നിലനിര്‍ത്തുവാന്‍ കര്‍ശന നടപടികളാണ് എടുത്തുകൊണ്ടിരിക്കുന്നത്.

തൊഴിലാളികളുടെ അവകാശങ്ങള്‍ക്കുവേണ്ടി മെയ്ദിനത്തില്‍ ജീവത്യാഗം ചെയ്തവരെ അടക്കം ചെയ്ത സ്ഥലം സന്ദര്‍ശിച്ച് ആദരാഞ്ജലികള്‍ അര്‍പ്പിച്ചതിനുശേഷമാണ് മുഖ്യമന്ത്രി സമ്മേളനത്തില്‍ പങ്കെടുക്കാനെത്തിയത്. സ്വാമി വിവേകാനന്ദന്‍ സന്ദര്‍ശിച്ച സ്ഥലവും സന്ദര്‍ശിക്കുകയുണ്ടായി.

ചെണ്ടമേളത്തിന്റേയും താലപ്പൊലിയുടേയും അകമ്പടിയോടുകൂടി സെന്റ് മേരീസ് ക്‌നാനായ ഹാളില്‍ തിങ്ങി നിറഞ്ഞ മലയാളികള്‍ അത്യുജ്വല സ്വീകരണമാണ് നല്‍കിയത്. സമ്മേളനത്തില്‍ ഫൊക്കാന മിഡ്‌വെസ്റ്റ് റീജിയന്‍ വൈസ് പ്രസിഡന്റ് ഫ്രാന്‍സീസ് കിഴക്കേക്കുറ്റ് അധ്യക്ഷത വഹിച്ചു.

ഫൊക്കാന മിഡ്‌വെസ്റ്റ് റീജിയന്റെ ചരിത്രത്തില്‍ ആദ്യമായിട്ടാണ് ഒരു കേരള മുഖ്യമന്ത്രി ഫൊക്കാനയുടെ സ്വീകരണം ഏറ്റുവാങ്ങുന്നതും പ്രവര്‍ത്തനോദ്ഘാടനം നിര്‍വഹിക്കുന്നതും. എന്നും രാഷ്ട്രീയത്തില്‍ ഉറച്ച നിലപാടുകളും, വ്യക്തമായ കാഴ്ചപ്പാടുകളും പുലര്‍ത്തുന്ന അനിഷേധ്യനായ നേതാവാണ് പിണറായി വിജയെന്നും ഫ്രാന്‍സീസ് കിഴക്കേക്കുറ്റ് തന്റെ അധ്യക്ഷ പ്രസംഗത്തില്‍ പറഞ്ഞു.

ഡോ. അനിരുദ്ധന്‍ ആമുഖ പ്രസംഗത്തിലൂടെ മുഖ്യമന്ത്രിയെ പരിചയപ്പെടുത്തി. വി.പി. സജീന്ദ്രന്‍ എം.എല്‍.എ തുടര്‍ന്നു പ്രസംഗിച്ചു.

റവ. ഫാ. ബിന്‍സ് ചേത്തലില്‍ പ്രസംഗിക്കുകയും തുടര്‍ന്ന് സെന്റ് മേരീസ് ക്‌നാനായ ദേവാലയത്തിന്റെ നാനൂറാമത് ബുള്ളറ്റിന്റെ കോപ്പി മുഖ്യമന്ത്രിക്ക് നല്‍കി പ്രകാശനം നിര്‍വഹിച്ചു. തുടര്‍ന്ന് സിറിയക് കൂവക്കാട്ടില്‍, ജോണ്‍ പാട്ടപതി, പീറ്റര്‍ കുളങ്ങര, പ്രവീണ്‍ തോമസ്, രഞ്ജന്‍ ഏബ്രഹാം, ബിജി എടാട്ട്, ശിവന്‍ മുഹമ്മ, അഗസ്റ്റിന്‍ കരിങ്കുറ്റിയില്‍ തുടങ്ങിയവര്‍ ആശംസകള്‍ അര്‍പ്പിച്ചു.

ജസ്സി റിന്‍സി സ്വാഗതവും, ടോമി അമ്പേനാട്ട് കൃതജ്ഞതയും രേഖപ്പെടുത്തി. സന്തോഷ് നായര്‍ എം.സിയായി സമ്മേളന പരിപാടികള്‍ നിയന്ത്രിച്ചു. പ്രവീണ്‍ തോമസ്, ഷിബു മുളയാനികുന്നേല്‍, റിന്‍സി കുര്യന്‍, സതീശന്‍ നായര്‍ ജയ്ബു കുളങ്ങര എന്നിവര്‍ പരിപാടികള്‍ക്ക് നേതൃത്വം നല്‍കി. സാജു കണ്ണമ്പള്ളി അറിയിച്ചതാണിത്.

ജോയിച്ചന്‍ പുതുക്കുളം

ഹൂസ്റ്റൺ സെന്റ് തോമസ് ഇവൻജലിക്കൽ ചർച്ച്‌ ഇടവകദിനവും ഗ്രൗണ്ട് ബ്രെയ്ക്കിങ് സെറിമണിയും നടത്തി

ഹൂസ്റ്റൺ: സെന്റ് തോമസ് ഇവൻജലിക്കൽ ചർച്ച്‌ ഓഫ് ഇന്ത്യ ഹൂസ്റ്റൺ ഇടവകയുടെ ഇടവകദിനാഘോഷം വൈവിധ്യമാർന്ന പരിപാടികളോടെ നടത്തപ്പെട്ടു. ജൂലൈ 14നു ശനിയാഴ്ച രാവിലെ 10 മുതൽ സെന്റ് തോമസ് ഇവൻജലിക്കൽ ചർച്ച്‌ ദേവാലയത്തിൽ നടന്ന ചടങ്ങുകൾക്ക് സഭയുടെ പ്രിസൈഡിങ് ബിഷപ്പ് മോസ്റ്റ്.റവ.ഡോ.സി.വി.മാത്യു അദ്ധ്യക്ഷത വഹിച്ചു.

വികാരി റവ. കെ.ബി.കുരുവിള വന്നു ചേർന്നവർക്കു സ്വാഗതം ആശംസിച്ചു. തുടർന്ന് സൺ‌ഡേസ്കൂൾ കുട്ടികൾ അവതരിപ്പിച്ച വിവിധ പരിപാടികൾ ചടങ്ങിന് മികവ് നൽകി. നോർത്ത് അമേരിക്കയിലെ ഇവൻജേലിക്കൽ സഭയുടെ ചരിത്രം ജോൺ.സി.ശാമുവേൽ അവതരിപ്പിച്ചു. ഹൂസ്റ്റൺ ഇടവകയുടെ ചരിത്രം ജോർജ് മാത്യുവും അവതരിപ്പിച്ചു.

സഭയുടെ നോർത്ത് അമേരിക്കയിൽ നിന്നുള്ള സഭ കൌൺസിൽ അംഗം എബ്രഹാം മാത്യു, അഭിലാഷ് ജോസഫ്, കെൽസി ശാമുവേൽ, മേഴ്‌സി ശാമുവേൽ ,അമ്പിളി ജോൺ എന്നിവർ ആശംസാ പ്രസംഗങ്ങൾ നടത്തി.

അഭിവന്ദ്യ ബിഷപ്പ് ഡോ.സി.വി.മാത്യു ഇടവകകദിന സന്ദേശം നൽകി. ഇടവക സെക്രട്ടറി റോണി ജോസഫ് നന്ദി പ്രകാശിപ്പിച്ചു.

ഞായറാഴ്ച നടന്ന കൺഫർമേഷൻ സർവീസിനും തിരുവത്താഴ ശുശ്രൂഷയ്കും അഭിവന്ദ്യ തിരുമേനി നേതൃത്വം നൽകി.

ആരാധനായെ തുടർന്ന് ഇടവക പുതുതായി പണികഴിപ്പിക്കുന്ന ആരാധനാലയത്തിന്റെ ഗ്രൗണ്ട് ബ്രെയ്ക്കിങ് സെറിമണിയ്ക്കും അഭിവന്ദ്യ തിരുമേനി നേതൃത്വം നൽകി.

റിപ്പോർട്ട്: ജീമോൻ റാന്നി.

നാദം കലാസമിതി ശിങ്കാരി മേളം അരങ്ങേറി

എഡ്മണ്‍റ്റോണ്‍ ആല്‍ബെര്‍ട്ട : കനേഡിയന്‍ മലയാളികളുടെ ആഘോഷങ്ങള്‍ക്കു മറ്റു കൂട്ടാന്‍ ഇനി മുതല്‍ നാദം കലാസമിതിയുടെ ശിങ്കാരി മേളവും. കാനഡ ഡ യോടും സെയിന്റ് തോമസ് ഡയോടും അനുബന്ധിച്ചു ജൂലൈ ഒന്നാം തീയതി ഞായറാഴ്ച നാദം കലാസമിതിയുടെ ശിങ്കാരി മേളം എഡ്മണ്‍റ്റോണ്‍ സെയിന്റ് അല്‍ഫോന്‍സാ സിറോ മലബാര്‍ ചുരച്ചില്‍ അരങ്ങേറി. 16 വാദ്യ കലാകാരന്മാരെ അണിനിരത്തിക്കൊണ്ടായിരുന്നു അരങ്ങേറ്റം . മൊത്തം 21 കലാകാരന്‍മാര്‍ ഉള്ള ശിങ്കാരി മേളം ടീം നോര്‍ത്ത് അമേരിക്കയിലെ തന്നെ ഏറ്റവും വലിയ ടീം ആണ് .

ശ്രി . മെജോ പി ജോസ് നേതൃത്വം വഹിക്കുന്ന ഈ ടീമിലെ മറ്റു അംഗങ്ങള്‍ ടോജോ തോമാസ് , വില്‍സണ്‍ ദേവസ്സി , ജിബു ജോസ് നെറ്റിക്കാടന്‍ , ജോയ്‌സ് സിറിയക് , ജോബി ജോര്‍ജ് , റോബിന്‍ വര്ഗീസ് , ജിസ്‌മോന്‍ മാത്യു , അലക്‌സ് പൈകട , ടോബി പോള്‍ , ബിജോ സെബാസ്റ്റ്യന്‍ , ബിബിന്‍ ഫ്രാന്‍സിസ് , വിനീഷ് ജോര്‍ജ് , ഹുബെര്‍ട് ലാസര്‍ , സ്റ്റീവ് തെക്കേക്കര ,സുബിന്‍ സ്റ്റാന്‍ലി , ബിജു അഗസ്റ്റിന്, ജിന്‍സ് ഡേവിസ് , ജൂണ്‍ട് അഗസ്റ്റിന് , ജോസെയ് പുതുശ്ശേരി , ജെറിന്‍ ജോണ്‍സന്‍ എന്നിവര്‍ ആണ് .
പൂരവും പള്ളിപെരുനാളും ചെണ്ടയും ബാന്‍ഡ് സീറ്റും ആനയും വെടിക്കെട്ടും എല്ലാം ഒരു നല്ല ഓര്‍മയായി മനസ്സില്‍ സൂക്ഷിക്കുന്ന കനേഡിയന്‍ മലയാളികള്‍ക്ക് ഒരു പട്ടം യുവാക്കളുടെ സമ്മാനമാണ് നാദം കലാസമിതി എന്നാണ് സമിതിക്കു നേതൃത്വം വഹിക്കുന്ന ശ്രി . മെജോ ധ്വനി യോട് പറഞ്ഞത് .

മെജോ പി ജോസിന്റെയും ടോജോ തോമസിന്റെയും മനസ്സില്‍ തോന്നിയ ആശയം 21 കലാകാരന്‍മാര്‍ ഉള്ള ഒരു വലിയ ടീം ആയി വളര്‍ന്നത് അതിശയത്തോടെ ആണ് എഡ്മണ്‍റ്റോണ്‍ മലയാളികള്‍ നോക്കി കാണുന്നത് . പ്രൊഫഷണല്‍ ആയി തന്നെ പ്രവര്‍ത്തനം ആരംഭിച്ച സമിതി നിലവില്‍ 5 ബുക്കിംഗ് നേടി കഴിഞ്ഞു . ജിന്‍സ് അറിയിച്ചതാണിത്.

ജോയിച്ചന്‍ പുതുക്കുളം

ക്‌നാനായ കണ്‍വെന്‍ഷന് വ്യാഴാഴ്ച കൊടികയറുന്നു

അറ്റ്‌ലാന്റാ ക്‌നാനായ സമുദായത്തിന്റെ ഒത്തൊരുമയുടെയും സ്‌നേഹത്തിന്‍ റെയും പ്രതീകമായ കണ്‍വെന്‍ഷന്‍ ഈ വരുന്ന വ്യാഴാഴ്ച വൈകുന്നേരം കൊടികയറുന്നു. ലോകത്തിലെ വലിയ കണ്‍വെന്‍ഷനുകളില്‍ ഒന്നായ ഴംര വച്ച് വ്യാഴാഴ്ച വൈകുന്നേരം അഞ്ചുമണിക്ക് നടക്കുന്ന പരിശുദ്ധ കുര്‍ബാനയോടുകൂടി ക്‌നാനായ മാമാങ്കത്തിന് തുടക്കം കുറിക്കുന്നു. ദൂരെ നിന്നും യാത്ര ചെയ്തു വരുന്നവരുടെ സൗകര്യാര്‍ത്ഥം വ്യാഴാഴ്ച രാവിലെ ഏഴു മണിമുതല്‍ വൈകിട്ട് പത്തുമണിവരെ രജിസ്‌ട്രേഷന്‍ നടത്തുന്നതിനുള്ള സൗകര്യങ്ങള്‍ ഒരുക്കിയിട്ടുണ്ട്. റൂമുകളുടെ ലഭ്യതയനുസരിച്ച് നേരത്തെ തന്നെ ഹോട്ടല്‍ ചെക്കിങ്ങും തുടങ്ങാവുന്നതാണ്.

പുതുമയാര്‍ന്ന പല പരിപാടിള്‍ കൊണ്ടു് നിറഞ്ഞ ഈ കണ്‍വെന്‍ഷന്‍ എല്ലാവര്‍ക്കും ഒരു പുതിയ അനുഭവമായിരിക്കും എന്ന് കെസി സിഎന്‍എ പ്രസിഡന്റ് ശ്രീ. ബേബി മണക്കുന്നേല്‍ പറഞ്ഞു. ന്യൂയോര്‍ക്കില്‍ നിന്നും വരുന്ന പ്രശസ്തിയാര്‍ജ്ജിച്ച ഗായകര്‍ ഉള്‍പ്പെടുന്ന ജഡ്ജസിനെ സഹായത്തോടെ നടത്തുന്നു ക്‌നാനായ ശറീഹ ഏറ്റവുംപുതുമയാര്‍ന്ന ഒരു പ്രോഗ്രാമാണ്. കൊച്ചു കുട്ടികളുടെ ഇടയില്‍ ഒരു ഹരമായി മാറി കൊണ്ട് അടുത്ത പുതിയ പ്രോഗ്രാം ലിറ്റില്‍ പ്രിന്‍സ് &പ്രിന്‍സസ്. പലതരം ക്യാഷ് അവാര്‍ഡുകളും ആയി പുതുമയാര്‍ന്ന അവതരണത്തിലൂടെ ശ്രദ്ധ പിടിച്ചു പറ്റുവാന്‍ പോകുന്ന ക്‌നാനായ മന്നന്‍ & മങ്ക. ഇതിന്റെ എല്ലാം പിന്നില്‍ പ്രവര്‍ത്തിച്ച ക്‌നാനായ വുമന്‍സ് ഫോറം പ്രസിഡണ്ട് ശ്രീമതി സ്മിത വിട്ടു പാറപ്പുറത്തിനും എക്‌സിക്യൂട്ടീവ് അംഗങ്ങളെയും പ്രത്യേകം എടുത്ത് പ്രശംസിക്കേണ്ട താണ്.
ഇതോടൊപ്പംതന്നെ സാധാരണ കണ്‍വെന്‍ഷനുകളില്‍ ഉള്ള പരിപാടികളായ കലാസാഹിത്യ മത്സരങ്ങളും, കായികമത്സരങ്ങളും, സെമിനാറുകള്‍, കെ സി വൈ എല്‍ എന്ന നടത്തുന്ന വിവിധ പരിപാടികള്‍ യുവജന വേദിയുടെ പ്രത്യേകത പ്രോഗ്രാമുകള്‍ എന്നിവയെല്ലാം ഉള്‍പ്പെടുത്തിയിട്ടുണ്ട്.

ബുധനാഴ്ച വൈകുന്നേരം ആറുമണി മുതല്‍ വെളുപ്പിനെ ഒരു മണിവരെയും അതുപോലെതന്നെ വ്യാഴാഴ്ച രാവിലെ ഏഴുമണിമുതല്‍ വൈകിട്ട് 10 മണി വരെയും എയര്‍പോര്‍ട്ടില്‍ നിന്നും കണ്‍വെന്‍ഷന്‍ സെന്റര്‍ ലേക്ക് വാഹന സൗകര്യങ്ങള്‍ ഉണ്ടായിരിക്കും.

ക്‌നാനായ സമുദായത്തിന്റെ ശക്തി തെളിയിക്കുന്ന ഒരു കണ്‍വെന്‍ഷന്‍ ആയിരിക്കും അറ്റ്‌ലാന്റാ കണ്‍വെന്‍ഷന്‍.

ജോയിച്ചന്‍ പുതുക്കുളം

ഫാമിലി കോണ്‍ഫറന്‍സ്: മൊബൈല്‍ ആപ്ലിക്കേഷന്‍ തയാറാവുന്നു

ന്യൂയോര്‍ക്ക്: ഫാമിലി യൂത്ത് കോണ്‍ഫറന്‍സുമായി ബന്ധപ്പെട്ട വിവരങ്ങള്‍ വിരല്‍തുമ്പിലെത്തുന്നു. കോണ്‍ഫറന്‍സ് സംബന്ധിച്ച വിവരങ്ങള്‍ ഉള്‍ക്കൊള്ളിച്ചുകൊണ്ടുള്ള മൊബൈല്‍ ആപ്ലിക്കേഷന്‍ അണിയറയില്‍ തയാറായതായി കോര്‍ഡിനേറ്റര്‍ നിതിന്‍ ഏബ്രഹാം അറിയിച്ചു.

കോണ്‍ഫറന്‍സിന്റെ വിജയത്തിനുവേണ്ടി പ്രവര്‍ത്തിക്കുന്ന വിവിധ കമ്മിറ്റികളെ പരസ്പരം ഏകോപിപ്പിച്ചുകൊണ്ട് മുന്നോട്ട് കൊണ്ടുപോകുന്നതിനാണ് ആപ്ലിക്കേഷന്‍ മുന്‍തൂക്കം നല്‍കുന്നത്. കോണ്‍ഫറന്‍സിനെ സംബന്ധിച്ച വിവരങ്ങള്‍ ആപ്ലിക്കേഷനില്‍ ലഭ്യമാകും. ഈ വിവരങ്ങള്‍ സോഷ്യല്‍മീഡിയയില്‍ പങ്കുവെയ്ക്കാനുള്ള സൗകര്യം ആപ്പിലുണ്ട്. കോണ്‍ഫറന്‍സുമായി ബന്ധപ്പെട്ട വാര്‍ത്തകള്‍, കോണ്‍ഫറന്‍സിന്റെ ധനശേഖരണാര്‍ത്ഥം നടത്തുന്ന റാഫിള്‍, പ്രസിദ്ധീകരിക്കുന്ന ബിസിനസ് സുവനീര്‍, കോണ്‍ഫറന്‍സ് ന്യൂസ് ലെറ്ററായ കോണ്‍ഫറന്‍സ് ക്രോണിക്കിള്‍, എക്‌സിക്യൂട്ടീവ് കമ്മിറ്റിയുമായി നേരിട്ട് ബന്ധപ്പെടാനുള്ള സൗകര്യങ്ങള്‍ എന്നിവയെല്ലാംതന്നെ ആപ്പില്‍ ഒരുക്കുന്നുണ്ട്. മലയാളം ബൈബിള്‍ ഡൗണ്‍ലോഡ് ചെയ്യാനുള്ള സൗകര്യവും ആത്മീയ ഗാനങ്ങള്‍ കേള്‍ക്കുവാനുള്ള ഒപ്ഷനും ഇതില്‍ ഒരുക്കിയിരിക്കുന്നു. ആപ്പിള്‍ സ്റ്റോറിലും, ആന്‍ഡ്രോയിഡ് പ്ലേ സ്റ്റോറിലും ആപ്പ് ലഭ്യമാകും. ആവശ്യക്കാര്‍ക്ക് ആപ്പിന്റെ ഡൗണ്‍ലോഡ് ലിങ്ക് ഇമെയിലൂടെ അയച്ചുതരാനുള്ള സൗകര്യവും കോണ്‍ഫറന്‍സ് കമ്മിറ്റി ഒരുക്കുന്നുണ്ട്.

ജെറിന്‍ തുരുത്തിപ്പള്ളില്‍ ജെയിംസിന്റെ സഹായത്തോടുകൂടിയാണ് മനോഹരമായ ആപ്ലിക്കേഷന്‍ തയാറാക്കാന്‍ കഴിഞ്ഞതെന്ന് ആപ് ക്രിയേറ്ററായ നിതിന്‍ ഏബ്രഹാം പറഞ്ഞു. അപ്പുമായി ബന്ധപ്പെട്ട കൂടുതല്‍ വിവരങ്ങള്‍ക്ക്: നിതിന്‍ ഏബ്രഹാം. ഫോണ്‍: 845 596 0122.

കോണ്‍ഫറന്‍സുമായി ബന്ധപ്പെട്ട വിവരങ്ങള്‍ക്ക്: റവ. ഡോ. വര്‍ഗീസ് എം. ഡാനിയേല്‍ (203 508 2690), ജോര്‍ജ് തുമ്പയില്‍ (973 943 6164), മാത്യു വര്‍ഗീസ് (631 891 8184).

രാജന്‍ വാഴപ്പള്ളില്‍

ആദ്രം പദ്ധതിക്ക് പ്രവാസികള്‍ പിന്തുണ നല്‍കും: ഡോ ലൂക്കോസ് മണിയാട്ട്

ഫിലാഡല്‍ഫിയ: കേരള മുഖ്യ മന്ത്രി പിണറായി വിജയന്‍ പ്രത്യേകം സഹകരണത്തോടെ കേരളത്തിലെ സര്‍ക്കാര്‍ ആശുപത്രികളിലെ സേവന നിലവാരം മെച്ചപ്പെടുത്തുന്നതിന് വിഭാവനം ചെയ്ത ആദ്രം പദ്ധതിക്ക് ആവശ്യമായ പിന്തുണ നല്‍കുമെന്ന് ലൈഫ് ചെയ്ഞ്ചിങ്ങ് ഫൗണ്ടേഷന്‍ സ്ഥാപകനും, കേരളത്തില മുന്നൂറില്‍ പരം പഞ്ചായത്തുകള്‍ സന്നദ്ധ സേവനം നടത്തിക്കൊണ്ടിരിക്കുന്ന സെര്‍വ് ഇന്ത്യ സംഘടനയുടെ ഡയറക്ടറുമായ ഡോ ലൂക്കോസ് മണിയാട്ട് ഉറപ്പ് നല്‍കി.

ഫിലാഡല്‍ഫിയായില്‍ ചേര്‍ന്ന ഫൊക്കാന സമ്മേളനത്തിലെ ഹെല്‍ത്ത് സെമിനാറില്‍ പ്രസംഗിക്കുകയായിരുന്ന ഡോ ലൂക്കോസ്.

ആരോഗ്യ പരിപാലന രംഗത്ത് വന്‍ മുന്നേറ്റം ഉണ്ടാക്കുന്നതാണ് ആദ്രം പദ്ധതി. പ്രവാസി മലയാളികളുടേയും സന്നദ്ധ സേവാ സംഘടനകളുടേയും സഹകരണം പ്രതീക്ഷിച്ച് തുടക്കമിട്ട പദ്ധതിക്ക് അമേരിക്കന്‍ പ്രവാസി മലയാളികളില്‍ നിന്നും നല്ല അനുകൂല പ്രതികരണമാണ് ലഭിച്ചതെന്ന് ആരോഗ്യ വകുപ്പ് മന്ത്രി ശൈലജയും പറഞ്ഞു. അടുത്ത മൂന്ന് വര്‍ഷത്തിനുള്ളില്‍ പിണറായി സര്‍ക്കാര്‍ കൊണ്ടുവന്ന ഈ പദ്ധതി സര്‍ക്കാര്‍ ആശുപത്രിയുടെ മുഖച്ഛായ തന്നെ മാറ്റുമെന്ന് ലൂക്കോസ് അഭിപ്രായപ്പെട്ടു. കഴിഞ്ഞ അഞ്ച് വര്‍ഷം ഭരിച്ച ഉമ്മന്‍ ചാണ്ടി സര്‍ക്കാരിന് തീരുമാനം നടപ്പാക്കണമെങ്കില്‍ വിവിധ ഘടകകക്ഷികളുടെ താല്‍പര്യം കൂടി പരിഗണിക്കേണ്ടിയിരുന്നതിനാല്‍ പല പദ്ധതികളും പൂര്‍ണ്ണമായി നടപ്പാക്കാന്‍ കഴിഞ്ഞിട്ടില്ലെന്നും ലൂക്കോസ് ചൂമ്ടിക്കാട്ടി. എന്നാല്‍ ഇടത് പക്ഷ സര്‍ക്കാര്‍ എടുക്കുന്ന തീരുമാനം മുഖ്യ മന്ത്രി നേരിട്ടിടപെട്ട ഘടകകക്ഷികളുടെ കാര്യമായ എതിര്‍പ്പുകളില്ലാതെ നടപ്പാക്കാന്‍ കഴിയുന്നുണ്ടെന്നുള്ളത് വളരെ ശ്രദ്ധേയമാണെന്നും അദ്ധേഹം പറഞ്ഞു. ഡോ അിരുദ്ധന്‍, ഡോ സോഫി വില്‍സന്‍, ബ്രിജിറ്റ് ഇമ്മാനുവേല്‍ തുടങ്ങിയവരും ആരോഗ്യ സംമിനാറില്‍ പങ്കെടുത്തു സംസാരിച്ചു.

പി പി ചെറിയാന്‍

ഫ്രിസ്‌ക്കൊ മാറാനാഥാ വാര്‍ഷിക കണ്‍വന്‍ഷന്‍ ആഗസ്റ്റ് 3-5 വരെ

ഫ്രിസ്‌ക്കൊ (ഡാളസ്): മാറാനാഥാ ഫുള്‍ ഗോസ്പല്‍ ചര്‍ച്ച് ഓഫ് ഫ്രിസ്‌ക്കൊയുടെ 2018 വാര്‍ഷിക കണ്‍വന്‍ഷന്‍ ആഗസ്റ്റ് 3 മുതല്‍ 5 വരെ നടത്തപ്പെടുന്നു.

വെള്ളി, ശനി ദിവസങ്ങളില്‍ വൈകിട്ട് 6.30 മുതല്‍ 9 വരേയുംം, ഞായറാഴ്ച രാവിലെ 9.30 മുതലും നടക്കുന്ന യോഗങ്ങളില്‍ കണ്‍വന്‍ഷന്‍ പ്രസംഗികനും, വേദ പണ്ഡിതനുമായ പാസ്റ്റര്‍ വി ഒ വര്‍ഗീസ് മുഖ്യ പ്രഭാഷണം നടത്തും. ഗാന ശുശ്രൂഷയോടെ യോഗങ്ങള്‍ കൃത്യ സമയത്ത് ആരംഭിക്കുമെന്നും, ഏവരേയും യോഗത്തിലേക്ക് ക്ഷണിക്കുന്നതായും സംഘാടകര്‍ അറിയിച്ചു.

ഫ്രിസ്‌ക്കൊ 499 കിങ്ങ് റോഡിലുള്ള ഹാളിലാണ് യോഗങ്ങള്‍ ക്രമീകരിച്ചിരിക്കുന്നത്.

കൂടുതല്‍ വിവരങ്ങള്‍ക്ക് പാസ്റ്റര്‍ സാലു ഡാനിയേല്‍ 504 756 8469.

പി പി ചെറിയാന്‍

കാന്‍സര്‍ രോഗമാണെന്ന് തെറ്റിദ്ധരിപ്പിച്ച് പണപിരിവ് നടത്തിയ യുവതിക്ക് തടവും പിഴയും

ന്യുയോര്‍ക്ക്: മാരകമായ കാന്‍സര്‍ രോഗമാണെന്ന് തെറ്റിദ്ധരിപ്പിച്ച് പണ പിരിവ് നടത്തിയ വെസ്റ്റ് ചെസ്റ്ററില്‍ നിന്നുള്ള നേപ്പാള്‍ യുവതി ഷിവോണി ഡിയോകരന് (38) രണ്ടു വര്‍ഷം ജയില്‍ ശിക്ഷയും 47741.20 ഡോളര്‍ പിഴയും ന്യൂയോര്‍ക്ക് ഡിസ്ട്രിക്റ്റ് ജഡ്ജി വിധിച്ചു.

കണ്‍പുരികവും തലയും പൂര്‍ണ്ണമായി ഷേവ് ചെയ്ത് കാന്‍സറാണെന്ന് ഓണ്‍ലൈനില്‍ പ്രസിദ്ധീകരിച്ച ചിത്രത്തിലൂടെ ജനങ്ങളെ തെറ്റിദ്ധരിപ്പിച്ചാണ് 2014 2016 കാലഘട്ടത്തില്‍ പണം തട്ടിയെടുത്തത്. ദാനധര്‍മ്മം നടത്തുന്നതിനു താല്‍പര്യമുള്ളവരെ ചൂക്ഷണം ചെയ്യുക വഴി, അര്‍ഹരായ രോഗികള്‍ക്കു പോലും സഹായം ലഭിക്കുന്നതിനുള്ള സാധ്യതകള്‍ ഇവര്‍ ഇല്ലാതാക്കി എന്ന് കോടതി അഭിപ്രായപ്പെട്ടു.

38 വയസ്സുള്ള ഇവരുടെ രണ്ടു കുട്ടികള്‍ പഠിക്കുന്ന സ്‌കൂളില്‍ പോലും പ്രത്യേക ഫണ്ട് പിരിവ് നടത്തിയിരുന്നതായും കോടതി കണ്ടെത്തി. പതിനെട്ടു മാസമാണ് തനിക്ക് ഡോക്ടര്‍മാര്‍ അനുവദിച്ചിരിക്കുന്നതെന്നും 2015 ല്‍ തന്റെ ഭര്‍ത്താവ് നേപ്പാളിലുണ്ടായ പ്രകൃതി ക്ഷോഭത്തില്‍ കൊല്ലപ്പെട്ടുവെന്നും ഇവര്‍ കളവ് പറഞ്ഞിരുന്നു.

കള്ളത്തരം പുറത്തായതോടെ കുറ്റം മുഴുവന്‍ ഇവരുടെ ആണ്‍ സുഹൃത്തിന് മേല്‍ ചുമത്താനാണ് ഇവര്‍ ശ്രമിച്ചത്. ഉറക്കത്തില്‍ തന്റെ മുടിയെല്ലാം വെട്ടിയെന്നും തട്ടിപ്പു നടത്താന്‍ പ്രേരിപ്പിച്ചുവെന്നും ഇവര്‍ പറഞ്ഞു. കോടതി വിധി വന്നതോടെ ചെയ്തത് തെറ്റായെന്ന് ഇവര്‍ സമ്മതിച്ചു. എല്ലാവരോടും മാപ്പ് അപേക്ഷിക്കുകയും ചെയ്തു.

പി പി ചെറിയാന്‍