ഏലി ലൂക്കാ മറ്റത്തിക്കുന്നേല്‍ (86) നിര്യാതയായി

കല്ലറ: കല്ലറ പഴയപള്ളി ഇടവക മറ്റത്തിക്കുന്നേല്‍ പരേതനായ ലൂക്കായുടെ ഭാര്യ ഏലി ലൂക്കാ (96) നിര്യാതയായി. കല്ലറ വാഴക്കാലായില്‍ കുടുംബാഗമാണ്.

മക്കള്‍: മേരി കുഴിപ്പറമ്പില്‍ കൈപ്പുഴ പാലത്തുരുത്ത് (പരേത), ചാക്കോ (കുട്ടപ്പന്‍ പരേതന്‍ ), ലീലാമ്മ കണ്ണാലയില്‍ കൈപ്പുഴ, ചിന്നമ്മ തമ്പലക്കാട്ട് കൈപ്പുഴ, എം എല്‍ ജോര്‍ജ്ജ് (റിട്ട. ഹെഡ്മാസ്റ്റര്‍ സെന്റ് തോമസ് ഹൈസ്കൂള്‍ കല്ലറ), സി. വിനീത ടഢങ ( കിടങ്ങൂര്‍ കൊച്ചുലൂര്‍ദ് ആശുപത്രി), ജോയിസ് (ഷിക്കാഗോ).

മരുമക്കള്‍: മത്തായി കുഴിപ്പറമ്പില്‍ കൈപ്പുഴ, അച്ചാമ്മ (തോട്ടിക്കാട്ട് അരീക്കര), കെ ജെ ജോസ് കണ്ണാലയില്‍ കൈപ്പുഴ, മത്തായി തമ്പലക്കാട്ട് കൈപ്പുഴ, ജെസ്സി (ഇല്ലിക്കുന്നുംപുറത്ത് മ്രാല തൊടുപുഴ), ജെയിസി (പണയപ്പറമ്പില്‍ കോതനല്ലൂര്‍ / ഷിക്കാഗോ).

കൊച്ചുമക്കള്‍:
ജെയിംസ് മാത്യൂ കുഴിപ്പറമ്പില്‍ (ഡല്‍ഹി)
ജോയിസ് മാത്യൂ കുഴിപ്പറമ്പില്‍ (വിന്നി പ്പെഗ് ക്യാനഡ)
ജോസ് മാത്യൂ കുഴിപ്പറമ്പില്‍ (വിന്നി പ്പെഗ് ക്യാനഡ)
ഫാ. സുനില്‍ (തോമസ്) കുഴിപ്പറമ്പില്‍ ആഗ്രാ അതിരൂപത
സുശീല്‍ ജോസ് കണ്ണാലയില്‍ ബാഗ്ലൂര്‍
അനില്‍ മറ്റത്തിക്കുന്നേല്‍ ഷിക്കാഗോ
റ്റോജി മറ്റത്തിക്കുന്നേല്‍ ക്യാന്‍ബ്ര ഓസ്‌ട്രേലിയ
ജോബി (തോമസ്) മാത്യൂ തമ്പലക്കാട്ട് സിയാറ്റില്‍ യു.എസ്.എ
സോഫിയ സഞ്ചു ( യു കെ)
ബിനു ബിന്‍സന്‍ ഡല്‍ഹി
സുനി ബിനു കുളക്കാട്ട് ഹാമില്‍ട്ടന്‍ , ക്യാനഡ
ജോര്ജ്ജുകുട്ടി ജേക്കബ് മറ്റത്തിക്കുന്നേല്‍ ക്യാന്‍ബ്ര ഓസ്‌ട്രേലിയ
സുഭാഷ് കെ ജോസ് കണ്ണാലയില്‍ നോര്‍ത്ത് കരോളിന യു.എസ്.എ,
അമല്‍ എം ജോര്‍ജ്ജ് മറ്റത്തിക്കുന്നേല്‍, (സിയാറ്റില്‍ യു.എസ്.എ)
അനിറ്റ് ഋഷി (പിറ്റസ്ബര്‍ഗ് യു.എസ്.എ)
അനിത ജോസി പഴയമ്പള്ളില്‍ , (ഷിക്കാഗോ യു.എസ്.എ)
അനില അജയ് നടുവീട്ടില്‍ (ഡെലവെയര്‍ യു.എസ്.എ)

കെ.സി തോമസ് ഇലപ്പനാല്‍ (ബേബി -79) നിര്യാതനായി

കോട്ടയം: കാലംചെയ്ത ഡോ. യൂഹാനോന്‍ മാര്‍ പീലക്‌സിനോസ് മെത്രാപ്പോലീത്തയുടെ (മുന്‍ മലബാര്‍ ഭദ്രാസനാധിപന്‍) ജ്യേഷ്ഠ സഹോദരന്‍ കോട്ടയം പാമ്പാടി ഇലപ്പനാല്‍ കെ.സി തോമസ് (ബേബി/അപ്പോയി- 79) വാര്‍ദ്ധക്യസഹജമായ അസുഖത്തെ തുടര്‍ന്ന് സ്വഭവനത്തില്‍ നിര്യാതനായി.

ഭാര്യ പരേതയായ മറിയാമ്മ തോമസ് വേളൂര്‍ ഇല്ലിക്കല്‍ ചെറുവള്ളിക്കുന്നേല്‍ കുടുംബാംഗമാണ്. സാബു തോമസ്, സോളി ബിജു, സജി തോമസ് ഇലപ്പനാല്‍ എന്നിവര്‍ മക്കളും, ബിജു വെള്ളക്കോട്ട് (എം.ആര്‍.എഫ് ഉദ്യോഗസ്ഥന്‍), അരീപ്പറമ്പ് പെരിയോര്‍മറ്റത്തില്‍ കുടുംബാംഗം ലിബി എന്നിവര്‍ മരുമക്കളുമാണ്.

പാമ്പാടി സിംഹാസന കത്തീഡ്രല്‍ സഹവികാരി റവ.ഫാ. ജേക്കബ് നൈനാന്‍ സഹോദരപുത്രനാണ് അമേരിക്കയിലുള്ള ജയിംസ് ജോര്‍ജ് (ന്യൂയോര്‍ക്ക്), വര്‍ഗീസ് നൈനാന്‍ (ഡാലസ്), സാജന്‍ ജോര്‍ജ്, സജി ജോര്‍ജ് (ന്യൂയോര്‍ക്ക്) എന്നിവര്‍ പരേതന്റെ ജ്യേഷ്ഠ സഹോദരപുത്രന്മാരാണ്.

തേലക്കാട്ടുശ്ശേരി കുടുംബാംഗങ്ങളായ ഇലപ്പനാല്‍ പരേതരായ കുരുവിള ചാക്കോ- അന്നമ്മ ചാക്കോ എന്നിവരാണ് മാതാപിതാക്കള്‍. കാലം ചെയ്ത പീലക്‌സിനോസ് തിരുമേനി, പരേതരായ പി.സി. ഏബ്രഹാം, പി.സി. നൈനാന്‍ എന്നിവരും, പി.സി. ജോര്‍ജ് (പാമ്പാടി), തങ്കമ്മ സ്കറിയ (ഫിലാഡല്‍ഫിയ) എന്നിവരും പരേതന്റെ സഹോദരങ്ങളാണ്.

ബിജു ചെറിയാന്‍ അറിയിച്ചതാണിത്.

ജോൺസി തോമസ് ഹൂസ്റ്റണിൽ (39) നിര്യാതനായി

ഹൂസ്റ്റൺ: വെണ്ണിക്കുളം കച്ചിറക്കൽ കുടുക്കപതാലിൽ മറിയാമ്മ തോമസിന്റെയും പരേതനായ കെ.സി.തോമസിന്റെയും മകൻ ജോൺസി തോമസ് (39 വയസ്സ്) ഹൂസ്റ്റണിൽ നിര്യാതനായി. ഹൂസ്റ്റണിലെ ബെൻ ടാബ് ഹോസ്പിറ്റൽ ഉദ്യോഗസ്ഥനായിരുന്നു. കോട്ടയം വാകത്താനം ചിറയിൽ വീട്ടിൽ സ്വപ്ന ജോൺസി (നേഴ്സ്, എം.ഡി.ആൻഡേഴ്സൺ ഹോസ്പിറ്റൽ) യാണ് പരേതന്റെ ഭാര്യ.

മക്കൾ: എമിൽ , എലിജ, എസ്രാ.

പൊതുദർശനം: ഏപ്രിൽ 22 നു ഞായറാഴ്ച വൈകുന്നേരം 6:00 മുതൽ 8:30 വരെ സെയിന്റ് ഗ്രിഗോറീയോസ് ഓർത്തഡോക്സ് ചർച്ചിൽ വച്ച് ( 13218, Player St, Houston, TX 77045)

സംസ്കാര ശുശ്രൂഷകൾ ഏപ്രിൽ 23 നു തിങ്കളാഴ്ച രാവിലെ 10 നു സെന്റ് ഗ്രിഗോറീയോസ് ഓർത്തഡോക്സ് ചർച്ചിൽ വച്ച് നടത്തപെടുന്നതും തുടർന്ന് സംസ്കാരം സൗത്ത് പാർക്ക് സെമിത്തേരിയിൽ വച്ച് (1310, N. Main Street, Pearland, Texas 77581) നടത്തപെടുന്നതുമാണ്.

കൂടുതൽ വിവരങ്ങൾക്ക് : ചാക്കോ നെല്ലിക്കൽ – 713 667 1459, ജോൺ കുരുവിള – 281 416 1706.

ജീമോൻ റാന്നി

ചാക്കോ കണിയാലില്‍ ചിക്കാഗോയില്‍ നിര്യാതനായി

ചിക്കാഗോ: റിട്ട. കെ.എസ്.ആര്‍.ടി.സി. സൂപ്രണ്ടും (കോട്ടയം), ക്‌നാനായ കത്തോലിക്കാ കോണ്‍ഗ്രസ് ജോയിന്റ് സെക്രട്ടറിയും, വര്‍ക്കിംഗ് കമ്മറ്റിയംഗവുമായിരുന്ന ചാക്കോ കണിയാലില്‍ (85) ഏപ്രില്‍ 17 ന് ചിക്കാഗോയില്‍ നിര്യാതനായി. ഓള്‍ കേരള കത്തോലിക്കാ കോണ്‍ഗ്രസ് കലാമണ്ഡലം സെക്രട്ടറി, കെ.എസ്.ആര്‍.ടി.സി. സ്റ്റാഫ് യൂണിയന്‍ സെക്രട്ടറി എന്നീ നിലകളിലും പ്രവര്‍ത്തിച്ചു.

ഭാര്യ പരേതയായ സി.ജെ. അന്നമ്മ കൈപ്പുഴ ചാമക്കാലാ കിഴക്കേതില്‍ കുടുംബാംഗം. മക്കള്‍: വിനി മാത്തുക്കുട്ടി പൂതക്കാട്ട് (ഡാളസ്), ക്‌നാനായ കത്തോലിക്കാ കോണ്‍ഗ്രസ് ഓഫ് നോര്‍ത്ത് അമേരിക്ക, ഇന്ത്യാ പ്രസ് ക്ലബ് ഓഫ് നോര്‍ത്ത് അമേരിക്ക, ചിക്കാഗോ ക്‌നാനായ കാത്തലിക് സൊസൈറ്റി, ചിക്കാഗോ മലയാളി അസോസിയേഷന്‍ എന്നിവയുടെ മുന്‍ പ്രസിഡന്റും , കേരളാ എക്‌സ്പ്രസ് പത്രത്തിന്റെ എക്‌സിക്യൂട്ടീവ് എഡിറ്ററുമായ ജോസ് കണിയാലി, ചിക്കാഗോ മലയാളി അസോസിയേഷന്‍ സെക്രട്ടറി ജിമ്മി കണിയാലി. മരുമക്കള്‍: മാത്തുക്കുട്ടി പൂതക്കാട്ട്, ലൂസി നരിച്ചിറയില്‍, ലിന്‍സി കല്ലാറ്റ്. ഏഴ് കൊച്ചുമക്കളുണ്ട്.

സഹോദരങ്ങള്‍: മേരി, കണിയാലില്‍ ഫിലിപ്പ്, തോമസ്, ജോണ്‍, പരേതനായ പോള്‍, ലൂക്കോസ്.

ഏപ്രില്‍ 19 ന് (വ്യാഴം) വൈകിട്ട് 7 മണിക്ക് മേവുഡ് സേക്രട്ട് ഹാര്‍ട്ട് ക്‌നാനായ കത്തോലിക്കാ ഫൊറോനാ പള്ളിയില്‍ മെമ്മോറിയല്‍ മാസ്. ഏപ്രില്‍ 21 ന് (ശനി) രാവിലെ 8 മണിമുതല്‍ 9 മണിവരെ മേവുഡ് സേക്രട്ട് ഹാര്‍ട്ട് ക്‌നാനായ പള്ളിയില്‍ പൊതുദര്‍ശനം. 9.30ന് ദിവ്യബലിക്ക് ശേഷം ഹില്‍സൈഡിലുള്ള ക്യൂന്‍ ഓഫ് ഹെവന്‍ സെമിത്തേരിയില്‍ സംസ്ക്കാരം.

ജോയിച്ചന്‍ പുതുക്കുളം

ഏബ്രഹാം കുരുവിള ഡാളസ്സില്‍ നിര്യാതനായി

ആബേലിന്‍,ഡാളസ് : തീക്കോയി പുതിനപ്രകുന്നേല്‍ പരേതനായ ജോസഫ് കുര്യാക്കോസ് (കുറുവച്ചന്‍) മകന്‍ എബ്രഹാം കുരുവിള (സണ്ണി, 57) നിര്യാതനായി. ഭാര്യ ജോളി എബ്രഹാം . ആലപ്പുഴ ചെമ്മാത്ത് കുടുംബാംഗമാണ്. മക്കള്‍: ആഷ്‌ലി, അമ്മു .

സഹോദരങ്ങള്‍: ജോ കുരുവിള (ഹോംലാന്‍ഡ് റിയാലിറ്റി ), ബീനാ ബിജോയ് , ഷൈനി തോമസ്, ആശാ പോളി ,ഡെല്ലാ സജി , ഡേവിഡ് കുരുവിള. (എല്ലാവരും സൗത്ത് ഫ്‌ളോറിഡ)

മൃതശരീരം സൗത്ത് ഫ്‌ളോറിഡയില്‍ എത്തിച്ച് സംസ്കാരം പിന്നീട് നടത്തും. കോറല്‍സ്പ്രിങ്‌സ് ആരോഗ്യമാതാ പള്ളിയില്‍ ശവസംസ്കാര ശുശ്രുഷകള്‍ക്ക് ശേഷം ,ഔര്‍ ലേഡി ക്വീന്‍ ഓഫ് ക്വീന്‍ കാത്തലിക് സെമിത്തേരിയില്‍ ആണ് സംസ്കാരം നടക്കുക.

ജോയിച്ചന്‍ പുതുക്കുളം

സിനി ചാക്കോ (27) അയർലണ്ടിൽ കാറപകടത്തിൽ നിര്യാതയായി

അയർലണ്ട്: അയർലണ്ടിലെ കോർക്ക് യൂണിവേഴ്സിറ്റി ഹോസ്പിറ്റൽ സ്റ്റാഫ് നേഴ്സ് ആയി ജോലി ചെയ്തിരുന്ന കോട്ടയം സ്വദേശിനി സിനി ചാക്കോ (27 വയസ്സ്) നിര്യാതയായി. ഇക്കഴിഞ്ഞ മാർച്ച് 14-ന് വൈകിട്ടു 9 മണിയോടുകൂടി ജോലി കഴിഞ്ഞു താമസ സ്ഥലത്തേക്കു നടന്നു പോകുന്ന വഴി, റോഡ് മുറിച്ചു കടക്കവേ, കോർക്ക് വിൽട്ടണിലുള്ള പെഡസ്ട്രിയൻ ക്രോസ്സിങ്ങിൽ വച്ചു കാറിടിച്ചായിരുന്നു അപകടം സംഭവിച്ചത്. തലക്കു പരിക്കേറ്റു ഒരു മാസത്തോളം ഗുരുതരാവസ്ഥയിൽ ആയിരുന്ന സിനി 12-ആം തീയതി വ്യാഴാഴ്ച ഉച്ചക്ക് 12.15 pm-ന് പ്രാർത്ഥനകളും പ്രതീക്ഷകളും വിഫലമാക്കി മരണത്തിനു കീഴടങ്ങി. അപകട വാർത്തയറിഞ്ഞയുടനെ തന്നെ UAE യിൽ ഉള്ള ഏക സഹോദരനും, തുടർന്ന് നാട്ടിലുള്ള മാതാപിതാക്കളും അയർലണ്ടിൽ എത്തിയിരുന്നു. പരേതയുടെ മരണ സമയത്തു മാതാപിതാക്കളും സഹോദരനും അയർലണ്ടിൽ ഉള്ള ബന്ധുക്കളും വൈദികരും സുഹൃത്തുക്കളും സമീപത്തുണ്ടായിരുന്നു. സിനി അവിവാഹിതയായിരുന്നു. കോട്ടയം കുറിച്ചി വട്ടൻചിറയിലായ പാറച്ചേരി ആണ് വീട്. കോട്ടയം കുറിച്ചി സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോൿസ് വലിയപള്ളി ഇടവകാംഗം ആണ്. വെല്ലൂർ ക്രിസ്ത്യൻ മെഡിക്കൽ കോളേജിൽ നിന്ന് നഴ്സിംഗ് വിദ്യാഭ്യാസം പൂർത്തിയാക്കിയ സിനി പിന്നീട് ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ഹോസ്പിറ്റലിൽ നേഴ്സ് ആയി ജോലി ചെയ്തിരുന്നു. 2017 ഒക്ടോബറിൽ അയർലണ്ടിൽ എത്തിയ സിനി കുറഞ്ഞനാൾ കൊണ്ട് സുഹൃത്തുക്കൾക്കും സഹപ്രവർത്തകർക്കും പ്രിയങ്കരിയായി മാറിയിരുന്നു.

സിനിയുടെ കുടുംബത്തെ സഹായിക്കുന്നതിനും അനുബന്ധ കാര്യങ്ങൾക്കുമായി സാമ്പത്തിക സഹായം നൽകുവാൻ ആഗ്രഹിക്കുന്നവർ താഴെ കൊടുക്കുന്ന ബാങ്ക് വിവരങ്ങൾ ഉപയോഗപ്പെടുത്തുക.

Account Name:Holy Trinity Indian Orthodox Church
Bank: AIB, Bishopstown, Cork, Ireland.
IBAN: IE18AIBK93432131813167
Sort Code: 934321
Account Number: 31813167
BIC: AIBKIE2D
Reference: Sini’s Family Support Fund

സിനിയുടെ മൃതദേഹം 14 ന് ശനിയാഴ്ച ഉച്ചക്ക് ഒരു മണി മുതൽ വൈകുന്നേരം 6 മണി വരെ കോർക്ക് യൂണിവേഴ്സിറ്റി ഹോസ്പിറ്റലിലെ മോർച്ചറിക്കു സമീപമുള്ള ചാപ്പലിൽ പൊതുദർശനത്തിനു വെക്കുന്നതാണ്. ഈ അവസരത്തിൽ ശവസംസ്കാര ശുശ്രൂഷയുടെ പ്രഥമഘട്ട പ്രാർഥനകൾ വൈദികർ നിർവഹിക്കുന്നതാണ്. തുടർന്ന് 15-ആം തീയതി ഞായറാഴ്ച ഉച്ചക്ക് 2 മണി മുതൽ 4 മണി വരെ മൃതദേഹം വീണ്ടും കോർക്ക് യൂണിവേഴ്‌സിറ്റി ഹോസ്പിറ്റലിലെ ചാപ്പലിൽ പൊതുദർശനത്തിനു വയ്ക്കുന്നതും പിന്നീട് വിലാപയാത്രയായി ഹോസ്പിറ്റലിൽ നിന്ന് വിൽട്ടൺ ടെസ്‌കോക്കു സമീപമുള്ള സെന്റ് ജോസഫ് പള്ളിയിലേക്കു കൊണ്ടുപോകുന്നതുമായിരിക്കും. സെന്റ് ജോസഫ് (SMA) പള്ളിയിൽ നടക്കുന്ന വി. കുർബാനയിൽ അയർലണ്ടിലെ വിവിധ പള്ളികളിലെ വൈദികർ പങ്കെടുക്കും. സിനിയുടെ മൃതദേഹം പിന്നീട് കേരളത്തിലേക്ക് കൊണ്ടുപോകുന്നതും ശവസംസ്‌കാരം ഇടവകപ്പള്ളിയായ കോട്ടയം കുറിച്ചി വലിയപള്ളിയിലെ കുടുംബ കല്ലറയിൽ നടത്തപ്പെടുന്നതുമാണ്.

രാജൻ. വി, കോർക്ക്.

അനന്തകൃഷ്‌ണൻ നായർ ഡാലസിൽ നിര്യാതനായി

സൗത്ത് ലേക്ക് (ഡാളസ് ): മാന്നാർ പരടയിൽ വീട്ടിൽ അനന്തകൃഷ്‌ണൻ നായർ (84) ഡാളസ് സൗത്ത് ലേക്കിൽ സ്വഗൃഹത്തിൽ വച്ച് നിര്യാതനായി.

ഭാര്യ: സരസ്വതി അമ്മ, പുതുവാക്കൽ, കാർത്തികപ്പള്ളി

മക്കൾ : സജി നായർ , വീണ പിള്ള

മരുമക്കൾ: ഡോ. ഓം പ്രകാശ് പിള്ള , ഡോ. അംബികാ നായർ

സഹോദരി: ദേവകി അമ്മ ,സഹോദരൻ: റ്റി എൻ നായർ

പാലക്കാപ്പിള്ളില്‍ കെ. മത്തായി (65) റോക്ക് ലാന്‍ഡില്‍ നിര്യാതനായി

ന്യു യോര്‍ക്ക്: റോക്ക് ലാന്‍ഡ് ന്യു സിറ്റി പാലക്കാപ്പിള്ളില്‍ കെ. മത്തായി (65) നിര്യാതനായി. എറണാകുളം വേങ്ങൂര്‍ സ്വദേശിയാണ്. ഭാര്യ സൂസന്‍ കിഴക്കമ്പലത്ത് മംഗലത്ത് കുടുംബാംഗം.

മക്കള്‍: സ്മിത, നിത, നിതിന്‍. മരുമക്കള്‍: റോബിന്‍, ലിജു.

സംസ്കാര ശുശ്രൂഷ തിങ്കള്‍ (ഏപ്രില്‍ 2) രാവിലെ 9നു ഓറഞ്ച്ബര്‍ഗിലുല്‍ള്ള (331 ബ്ലെയ്‌സ്‌ഡെല്‍ റോഡ്) സെന്റ് ജോണ്‍സ് ഓര്‍ത്തഡോക്‌സ് ചര്‍ച്ചില്‍.

തുടര്‍ന്ന് സംസ്കാരം ജര്‍മണ്ട്‌സ് പ്രിസ്ബിറ്റീരിയന്‍ സെമിത്തേരി, 39 ജര്‍മണ്ട്‌സ് റോഡ്, ന്യു സിറ്റി, ന്യു യോര്‍ക്ക്10956. വിവരങ്ങള്‍ക്ക്: 8452702523.

ഏലിയാമ്മ ജോസഫ് കണക്ടിക്കട്ടില്‍ നിര്യാതയായി

കണക്ടിക്കട്ട്: വെളിയനാട് പുതുവീട്ടില്‍ പരേതനായ ഏബ്രഹാം ജോസഫിന്റെ ഭാര്യ ഏലിയാമ്മ ജോസഫ് (81) കണക്ടിക്കട്ടില്‍ നിര്യാതയായി.

മക്കള്‍: മക്കള്‍: ബെറ്റി, ബീനോ, ബിജു, ബെന്നി, ബെക്കി, സുമോള്‍, ബിന്ദു, സ്റ്റീഫന്‍.

മരുമക്കള്‍: ഫാ. മര്‍ക്കോസ് ചാലുപറമ്പില്‍, രാജു, സജി, സിബി , ബിജോയ്, ഷൈല, അനില, നിത്യ.

പരേത ഇരവിപേരൂര്‍ കൈപ്പകശേരില്‍ കുടുംബാംഗമാണ്.

ജോയിച്ചന്‍ പുതുക്കുളം

ആലീസ് ജേക്കബ് (77) ഷിക്കാഗോയില്‍ നിര്യാതയായി

ജോയിച്ചന്‍ പുതുക്കുളം

ഷിക്കാഗോ: റാന്നി പട്ടരുമഠത്തില്‍ പരേതനായ പി.എ. ജേക്കബിന്റെ (എക്‌സിക്യൂട്ടീവ് എന്‍ജിനീയര്‍ കെ.എസ്.ഇ.ബി) ഭാര്യ ആലീസ് ജേക്കബ് (77) ഷിക്കാഗോയില്‍ നിര്യാതയായി. പരേത ചിങ്ങവനം കവലയ്ക്കല്‍ കുടുംബാംഗമാണ്.

മക്കള്‍: ലാജി, ജൂലു, ജൂബി, ലെജി, ജൂനു. മരുമക്കള്‍: മഞ്ജു പച്ചിക്കര, ജിബോയി മൂഴിക്കല്‍ വാലയില്‍, സാബു പെരുമാച്ചേരില്‍, ഷൈനി മേലാണ്ടശേരില്‍, ബിജു പുതിയാമഠത്തില്‍ (എല്ലാവരും ഷിക്കാഗോയില്‍).

വേയ്ക്ക് സര്‍വീസ് മാര്‍ച്ച് 16-നു വെള്ളിയാഴ്ച വൈകിട്ട് 4 മുതല്‍ 9 വരെ വാക്കീഗന്‍ സെന്റ് മേരീസ് ക്‌നാനായ യാക്കോബായ പള്ളില്‍ (1217 നോര്‍ത്ത് അവന്യൂ, വാക്കീഗന്‍, ഇല്ലിനോയ്‌സ്).

സംസ്കാര ശുശ്രൂഷ ശനിയാഴ്ച രാവിലെ 9.30-നു സെന്റ് മേരീസ് ക്‌നാനായ യാക്കോബായ പള്ളിയില്‍ ആര്‍ച്ച് ബിഷപ്പ് ആയൂബ് മോര്‍ സില്‍വാനോസ് തിരുമേനിയുടെ കാര്‍മികത്വത്തില്‍ നടത്തപ്പെടുന്നതാണ്.