കായലില്‍ വീണ കുട്ടിയെ രക്ഷിച്ച അരുണ്‍ ക്ലീറ്റസ് പള്ളിയിലിന് ആദരം

ചാലക്കുടി: വിനോദയാത്രയ്ക്കിടെ ബോട്ടില്‍ നിന്നും കായലില്‍ വീണ ചാലക്കുടി കദളിക്കാട് സ്വദേശിയും, ഒന്നാംക്ലാസ് വിദ്യാര്‍ത്ഥിയുമായ ഷോണ്‍ ഷിജുവിനെ സാഹസികമായി രക്ഷപെടുത്തിയ കുറ്റിക്കാട് സ്വദേശി അരുണ്‍ ക്ലീറ്റസ് പള്ളിയിലിനു അമേരിക്കയിലെ രാഷ്ട്രീയ സാമൂഹിക സാംസ്കാരിക രംഗങ്ങളില്‍ വ്യക്തിമുദ്ര പതിപ്പിച്ച ആളും, പ്രവാസി മലയാളിയും, കിന്‍ഫ്ര ഡയറക്ടറുമായ പോള്‍ പറമ്പി സമാഹരിച്ച 25,000 രൂപയുടെ ക്യാഷ് അവാര്‍ഡും കീര്‍ത്തിപത്രവും നല്‍കി ആദരിച്ചു.

കായലില്‍ വൂണ ഷോണ്‍ ഷിജുവിനെ രക്ഷപെടുത്തിയപ്പോള്‍ സ്വന്തം മകനെ മറ്റൊരാളെ ഏല്‍പിച്ച് നീന്താന്‍ പോലും വശമില്ലാത്ത അരുണ്‍ ക്ലീറ്റസ് കായലിലേക്ക് എടുത്തുചാടി രക്ഷപെടുത്തുകയായിരുന്നു.

ചാലക്കുടി വ്യാപാരഭവനില്‍ ചേര്‍ന്ന അനുമോദന യോഗം വിജിലന്‍സ് ജഡ്ജി വി. ഗീത ഉദ്ഘാടനം നിര്‍വഹിച്ചു. എം.എല്‍.എ വി.ഡി ദേവസി അധ്യക്ഷതവഹിച്ചു. മുന്‍ എം.പി. കെ.പി ധനപാലന്‍ കീര്‍ത്തിപത്രം നല്‍കി സംസാരിച്ചു. സംഘാടക സമിതി ജനറല്‍ കണ്‍വീനര്‍ പോള്‍ പറമ്പി, ചാലക്കുടി നഗരസഭാ ചെയര്‍പേഴ്‌സണ്‍ ജയന്തി പ്രവീണ്‍കുമാര്‍, അഡ്വ. സജി റാഫേല്‍, ജേക്കബ് കരിപ്പായി, സ്മിത ജെയ്, ഫാ. അബ്രോസ്, വിജയ് തെക്കന്‍, ജോയ് മൂത്തേടന്‍, റോസി ലാസര്‍, ഫാ. വര്‍ഗീസ് പാത്താടന്‍ തുടങ്ങിയവര്‍ സംസാരിച്ചു.

അംഗീകാരമായി ലഭിച്ച 25000 രൂപ അരുണ്‍ ക്ലീറ്റസ് ചാലക്കുടിയിലെ ആല്‍ഫാ പാലിയേറ്റീവ് കെയറിനു സംഭാവന നല്‍കി. പോള്‍ പറമ്പി അറിയിച്ചതാണിത്.

ജോയിച്ചന്‍ പുതുക്കുളം

മലങ്കര സഭയിൽ ഒരു വീണ്ടുവിചാരത്തിനു സമയമായി

1934-ലെ ഭരണഘടനാപ്രകാരം മലങ്കര സഭയിലെ ഇടവകകൾ ഭരിക്കപ്പെടണമെന്നും, ജൂലൈ 3-ലെ വിധി മലങ്കരയിലെ എല്ലാ ഇടവകകള്‍ക്കും ബാധകമെന്നും, സർക്കാർ-ഭരണസംവിധാനങ്ങൾ വിധി നടപ്പിലാക്കുവാന്‍ അനുകൂല സാഹചര്യം ഒരുക്കണമെന്നും കഴിഞ്ഞ ദിവസം പിറവം പള്ളി കേസിൽ ബഹുമാനപ്പെട്ട സുപ്രീം കോടതി വിധിയുണ്ടായി. ഇവിടെ മലങ്കര സഭാ നേതൃത്വത്തിൽ നിന്നും ശ്രദ്ധാപൂർവമായ ചില നടപടികൾ ഇപ്പോഴാണ് ഉണ്ടാകേണ്ടത് .

സുപ്രീംകോടതി വിധി സ്വാഗതം ചെയ്തുകൊണ്ടുള്ള പ. കാതോലിക്കാ ബാവായുടെ പ്രസ്താവന നല്ലതു തന്നെ. അതോടൊപ്പം മറുഭാഗത്തുള്ളവർക്ക് ഈ വിധി അനുസരിക്കുവാനും സഭയില്‍ ശാശ്വതമായ സമാധാനം സ്ഥാപിക്കാനും ഉള്ള സാഹചര്യം ഉണ്ടാകണം. 1934 -ലെ ഭരണ ഘടന അനുസരിച്ചു മലങ്കര സഭയിൽ തുടരുവാൻ താല്പര്യമുള്ള വിശ്വാസികൾക്കും, വൈദികർക്കും, എപ്പിസ്‌കോപ്പമാർക്കും ആ പാതയിലേക്ക് വരുവാനുള്ള സാഹചര്യം ഒരുക്കേണ്ടതായിട്ടുണ്ട്.

ചില പ്രായോഗിക നിർദ്ദേശങ്ങൾ കുറിക്കുന്നു.

1 . ഇപ്പോൾ ആ വിഭാഗത്തു നിന്നും 1934 -ലെ ഭരണ ഘടന അനുസരിച്ചു മലങ്കര സഭയിൽ തുടരുവാൻ താല്പര്യമുള്ള വൈദീകരെ തല്ക്കാലം ആ ഇടവകയിലോ മറ്റേതെങ്കിലും ഇടവകകളിലോ അസിസ്റ്റൻഡ് വികാരിമാരായി ചുമതല നൽകണം.

2 . ഇപ്പോൾ ആ വിഭാഗത്തു നിന്നും 1934 -ലെ ഭരണ ഘടന അനുസരിച്ചു മലങ്കര സഭയിൽ തുടരുവാൻ താല്പര്യമുള്ള മെത്രാച്ചന്മാർക്കും തല്ക്കാലം അതാതു ഭദ്രാസനങ്ങളിലോ, മറ്റേതെങ്കിലും ഭദ്രാസനങ്ങളിലോ അസിസ്റ്റൻമാരായി ചുമതല നൽകണം. പിന്നീട് 1934 -ലെ ഭരണ ഘടന പ്രകാരം മലങ്കര അസോസിയേഷൻ തെരഞ്ഞെടുത്തു അംഗീകരിക്കുന്ന മുറക്ക് സ്വതന്ത്ര ചുമതലകൾ നൽകാവുന്നതാണ്

3 . ആവശ്യമെങ്കിൽ അതിനായി മലങ്കര അസോസിയേഷൻ കൂടി പൊതുധാരണയോടുകൂടി 1934 -ലെ ഭരണ ഘടന അനുസരിച്ചു മലങ്കര സഭയിൽ തുടരുവാൻ താല്പര്യമുള്ള മെത്രാച്ചന്മാരെ അംഗീകരിച്ചുകൊണ്ട് മലങ്കരസഭയിലെ കക്ഷിവഴക്കുകൾ എന്നന്നേക്കുമായി ഇല്ലാതാക്കുവാനുള്ള ഒരു പരിശ്രമം ദൈവത്തിൽ ആശ്രയിച്ചുകൊണ്ടു പ്രാർഥനാപൂർവം നടപ്പിലാക്കുവാൻ മലങ്കര സഭ നേതൃത്വം മുൻകൈ എടുക്കണം.

4 . ജൂലൈ 3 -ലെ സുപ്രീംകോടതി വിധിയെക്കുറിച്ച് ആര്‍ക്കെങ്കിലും എന്തെങ്കിലും അവ്യക്തത തോന്നിയിട്ടുണ്ടെങ്കില്‍ പിറവം പള്ളിയുടെ ബഹുമാനപ്പെട്ട സുപ്രീം കോടതി വിധിയോടെ അവയെല്ലാം മാറിക്കിട്ടി. ഇനി അധികകാലം അവർക്കും പിടിച്ചുനിൽക്കുവാൻ സാധിക്കില്ല. ബഹു. സുപ്രീംകോടതി വിധികളുടെ അന്തസത്ത ഉൾക്കൊണ്ടുകൊണ്ട് മലങ്കര സഭാ സമാധാനത്തിനായുള്ള ഒരു പുതിയ പാത വെട്ടിതുറക്കേണ്ടത് മലങ്കര സഭാ നേതൃത്വമാണ്.

5. കോടതി വിധി പ്രകാരം കീഴടക്കലിന്റെയോ, പിടിച്ചടക്കലിന്റെയോ, ഇറക്കിവിടലിന്റെയോ ഭാവം പ്രായോഗിക രീതിശാസ്ത്രമല്ല, ദൈവീകവുമല്ല.

6 . 1934 ഭരണഘടനയിലും സുപ്രിം കോടതി വിധിയിലും അടിസ്ഥാനമിട്ട് സഭയിൽ ശാശ്വത സമാധാനം ഉണ്ടാക്കുവാൻ സ്വത്വര നടപടി ഉണ്ടാകണം. അതിന് കാര്യശേഷിയുള്ളവരെ ഉൾപ്പെടുത്തി പ്രവർത്തനങ്ങൾ ത്വരിതപ്പെടുത്തണം.

7 . നാളെകളിൽ ബഹു.സുപ്രിം കോടതി മലങ്കര സഭാ നേതൃത്വത്തോടും, പരിശുദ്ധ കാതോലിക്കാ ബാവായോടും ചോദിക്കുവാൻ പോകുന്ന ചോദ്യം ഇതായിരിക്കും. “മലങ്കര സഭാസമാധാനത്തിനായി നിരവധി വിധികൾ ഞങ്ങൾ പുറപ്പെടുവിച്ചു. ഇരു വിഭാഗങ്ങളിലുമുള്ള വൈദീകരെയും മെത്രാച്ചന്മാരെയും 1934 ലെ ഭരണഘടന അനുസരിച്ചു ഏകോപിച്ചുകൊണ്ടുപോകുവാൻ നിങ്ങൾ എന്ത് മേൽനടപടികളാണ് സ്വീകരിച്ചത് ?”
സഭാ ഐക്യത്തെ പറ്റി പരിശുദ്ധ പാമ്പാടി തിരുമേനി: ” … സഭ വിട്ടുപോകാനല്ല ഏതു തരത്തിലും സഭയിൽ സമാധാനം പുനഃസ്ഥാപിക്കുന്നതിനാണ് നാം ശ്രമിക്കേണ്ടത്. അതിനുവേണ്ടിയാണ് നാം ഇത് പറയുന്നത്. ഇരുഭാഗത്തുനിന്നും അല്പസ്വല്പം വിട്ടുവീഴ്ചകൾ ചെയ്തു ഏതു തരത്തിലെങ്കിലും തമ്മിൽ യോചിക്കണമെന്നാണ് നമ്മുടെ അഭിപ്രായം. വഴക്കും വ്യവഹാരവും വർദ്ധിപ്പിക്കാനല്ല നിങ്ങൾ ശ്രമിക്കേണ്ടത്. ഈ നോമ്പ് കാലത്ത് സഭയുടെ സമാധാനത്തിനായി നിങ്ങളെല്ലാവരും ഹൃദയപൂർവ്വം പ്രാർത്ഥിക്കണമെന്നു നിങ്ങളുടെ സ്നേഹത്തോടു നാം നിർബന്ധിക്കുന്നു.

ഇനിയും മിണ്ടാതിരുന്നാൽ ഈ കല്ലുകൾ ആർപ്പുവിളിക്കും.

ഫാ.ജോൺസൺ പുഞ്ചക്കോണം

സുകുമാര്‍ അഴിക്കോട് തത്വമസി പുരസ്കാരം എം പി വീരേന്ദ്രകുമാര്‍, എം.എന്‍ കാരശ്ശേരി, രതീ ദേവി എന്നിവര്‍ക്ക്

കോഴിക്കോട് ;കേരളത്തിന്‍റെ സാഹിത്യ സാംസ്കാരിക സാമൂഹ്യ രംഗത്തെ ഉജ്ജ്വല വ്യക്തിത്വമായിരുന്ന ഡോ:സുകുമാര്‍ അഴീക്കോടിന്റെ ജന്മദിനാഘോഷണങ്ങളുടെ ഭാഗമായി നല്‍കുന്ന 2018 ലെ തത്വമസി പുരസ്കാരം എം പി വീരേന്ദ്രകുമാറിനും ,എം.എന്‍ കാരശ്ശേരിക്കും രതിദേവിക്കും ലഭിച്ചു.ഡബ്ബിങ് ആര്‍ട്ടിസ്റ്റ് ശ്രീജ രവി ,ജയചന്ദ്രന്‍ മൊകേരി,അനില്‍ കുര്യാത്തി എന്നിവര്‍ക്കും വിവിധ മേഖലകള്‍ക്ക് നല്‍കിയ സംഭാവനകള്‍ക്ക് അവാര്‍ഡ് നല്‍കി ആദരിക്കുമെന്നു തത്വമസി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു .മെയ് പതിമൂന്നിന് കോഴിക്കോട് മജെസ്റ്റിക് ഓഡിറ്റോറിയത്തില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ പുരസ്കാരങ്ങള്‍ സമ്മാനിക്കും.കെ.പി രാമനുണ്ണി ചെയര്‍മാനും ,ഉമാദേവി വി.ജി,ജോയ് എബ്രഹാം,മണികണ്ഠന്‍ പോല്‍പ്പറമ്പ്,ടി ജി വിജയകുമാര്‍ ,എന്നിവര്‍ അംഗങ്ങളുമായ സമിതിയാണ് അവാര്‍ഡ് ജേതാക്കളെ തെരഞ്ഞെടുത്തത് .

സാംസ്കാരിക രംഗങ്ങളിലെ മികച്ച നേതൃത്വം,ജനപക്ഷ പത്രപ്രവര്‍ത്തനം,സൗഹാര്‍ദ രാഷ്ട്രീയ നിലപാടുകള്‍ ,സോഷ്യലിസ്‌റ് ,എഴുത്തുകാരന്‍,പാര്‍ലമെന്റേറിയന്‍,എന്നീ നിലകളില്‍ തന്റേതായ വ്യക്തിമുദ്ര പതിപ്പിച്ച ജനതാദള്‍ നേതാവും ,രാജ്യസഭാംഗവും മാതൃഭൂമി മാജിജിങ് എഡിറ്ററുമായ എം.പി വീരേന്ദ്രകുമാര്‍ ,അദ്ധ്യാപകന്‍,പ്രഭാഷകന്‍,മതേതരത്വ പുരോഗമനവാദ നിലപാടുകള്‍ എന്നീ നിലകളില്‍ കേരളത്തിന്‍റെ ആദരവ് നേടിയ എം എന്‍ കാരശ്ശേരി ,പുരോഗമന നിലപാടുകളിലൂടെ ഇപ്പോഴും സാധാരണക്കാരന്റെ പക്ഷത്ത് നില്‍ക്കുകയും ,എഴുത്തിന്റെ രംഗത്തു നൂതനമായ രീതികള്‍ ആവിഷ്കരിക്കുകയും ചെയ്ത രതീദേവി ,ദക്ഷിണേന്ത്യന്‍ ഭാഷകളിലെ പ്രമുഖ ഡബ്ബിങ് ആര്‍ട്ടിസ്‌റ് ശ്രീജ രവി,മാലി ജയിലിലെ അനുഭവങ്ങള്‍ തക്കിജ്ജ എന്ന ആത്മകഥയുടെ ലോകത്തെ അറിയിച്ച അദ്ധ്യാപകന്‍ ജയചന്ദ്രന്‍ മൊകേരി,നവമാധ്യമങ്ങളിലൂടെ ശ്രദ്ദേയനായ കവി അനില്‍ കുര്യാത്തി എന്നിവര്‍ക്കാണ് 2018 ലെ അവാര്‍ഡ് ലഭിച്ചിരിക്കുന്നത്.

അമേരിക്കന്‍ മലയാളികളുടെ അഭിമാനമായ രതീദേവിയുടെ “മഗ്ദലിന യുടെ(എന്റെയും)പെണ്‍സുവിശേഷം” എന്ന നോവലിനാണ് സുകുമാര്‍ അഴിക്കോട് തത്വമസി സാഹിത്യപുരസ്കാരം ലഭിച്ചത് .ഈ നോവല്‍ ഭൂതകാലത്തില്‍ നിന്നും ഖനനം ചെയ്ത യാഥാര്‍ഥ്യങ്ങള്‍ ആഖ്യാനത്തിന്റെ മാന്ത്രികതയോടെ അനാവരണം ചെയ്യുന്ന നോവല്‍ ആത്മീയതയുടെയും ,പ്രണയത്തിന്റെയും ,ഏകാന്തതയുടെയും പെണ്‍ കരുത്തായി മാറിയ കൃതിയാണ് “മഗ്ദലിന യുടെ(എന്റെയും)പെണ്‍സുവിശേഷം”.ഈ നോവല്‍ എഴുതാന്‍ രതി ദേവി പത്തു വര്ഷമാണ് ചിലവഴിച്ചത് .ഒരേ സമയം ഇംഗ്ലീഷിലും ,മലയാളത്തിലും പ്രസിദ്ധീകരിച്ച നോവല്‍ സ്പാനിഷ് ,ഫ്രഞ്ച്,തമിഴ് ഭാഷകളില്‍ മൊഴിമാറ്റം നടത്തുന്നു .വേള്‍ഡ് മലയാളി കൗണ്‍സില്‍ അവാര്‍ഡ്,സി എം എസ കോളേജ് സ്റ്റഡിസെന്റര്‍ അവാര്‍ഡ്,ഇന്‍ഡ്യാ പ്രസ് ക്ലബ് അവാര്‍ഡ് തുടങ്ങി നിറ്വദ്ധി അവാര്‍ഡുകള്‍ ഈ പുസ്തകത്തിനു ലഭിച്ചിട്ടുണ്ട്.മലയാളത്തിലെ എക്കാലത്തെയും മികച്ച വാഗ്മികളില്‍ ഒരാളായ സുകുമാര്‍ അഴീക്കോട് മാഷിന്റെ പേരില്‍ ഏര്‍പ്പെടുത്തിയ സാഹിത്യ പുരസ്കാരം ലഭിച്ചതില്‍ അളവറ്റ സന്തോഷം ഉണ്ടെന്നു രതീദേവി അറിയിച്ചു.

ജന്മഭൂമി ടെലിവിഷന്‍ അവാര്‍ഡ്

പരസ്പരം മികച്ച സീരിയല്‍, ബിനു സംവിധായകന്‍.
സാജന്‍ സൂര്യ നടന്‍, ഗായത്രി അരുണ്‍ നടി

തിരുവന്തപുരം: ജന്മഭൂമിയുടെ പ്രഥമ ടെലിവിഷന്‍ അവാര്‍ഡുകള്‍ പ്രഖ്യാപിച്ചു. ഏഷ്യാനെറ്റ് സംപ്രേഷണം ചെയ്ത പരസ്പരം ആണ് മികച്ച സീരിയല്‍. മഴവില്‍ മനോരമയിലെ മഞ്ഞുരുകുംകാലത്തിന്റെ സംവിധായകന്‍-ബിനു വെള്ളത്തൂവലാണ് മികച്ച സംവിധായകന്‍.മികച്ച നടനായി സാജന്‍ സൂര്യ (ഭാര്യ,ഏഷ്യാനെറ്റ്)യും നടിയായി ഗായത്രി അരുണും(പരസ്പരം, ഏഷ്യാനെറ്റ്) തെരഞ്ഞെടുക്കപ്പെട്ടു. മറ്റ് അവാര്‍ഡുകള്‍ താഴെപറയുന്നവയാണ്.

രണ്ടാമത്തെ സീരിയല്‍- സ്വന്തം ജാനി (സൂര്യ),ജനപ്രിയ സീരിയല്‍-സത്യം ശിവം സുന്ദരം (അമൃത),ഹാസ്യപരിപാടി-ഉപ്പും മുളകും(ഫ്ളവേഴ്സ്), തിരക്കഥ- ജെ. പള്ളാശ്ശേരി (വാനമ്പാടി,ഏഷ്യാനെറ്റ്),ഛായാഗ്രാഹകന്‍-സുനീഷ് (സത്യം ശിവം സുന്ദരം, അമൃത),എഡിറ്റര്‍-രാജേഷ് (പരസ്പരം, ഏഷ്യാനെറ്റ് ),സ്വഭാവനടന്‍-രാഘവന്‍ (കസ്തൂരിമാന്‍,ഏഷ്യാനെറ്റ്),സ്വഭാവ നടി- കെ.ആര്‍. വിജയ (സത്യം ശിവം സുന്ദരം,അമൃത),ഹാസ്യനടന്‍-നസീര്‍ സംക്രാന്തി തട്ടീം മുട്ടീം,മഴവില്‍ മനോരമ),ഹാസ്യനടി- നിഷാ സാരംഗ്(ഉപ്പും മുളകും,ഫ്ളവേഴ്സ്),ജനപ്രിയ നടന്‍-വിവേക് ഗോപന്‍(പരസ്പരം,ഏഷ്യാനെറ്റ്),ജനപ്രിയ നടി-ഷാലുകുര്യന്‍ (ചന്ദനമഴ,ഏഷ്യാനെറ്റ്),ബാലതാരം-ഗൗരി (വാനമ്പാടി,ഏഷ്യാനെറ്റ്), കലാസംവിധായകന്‍-അനീഷ്(സത്യം ശിവം സുന്ദരം, അമൃത),ഡബ്ബിംഗ് -ഷോബി തിലകന്‍ (വാനമ്പാടി-ഏഷ്യാനെറ്റ്),ഡബ്ബിംഗ് -സൈറ (ചന്ദനമഴ,ഏഷ്യാനെറ്റ്), ജൂറി ചെയര്‍മാന്‍ കിരീടം ഉണ്ണി, അംഗങ്ങളായ സംവിധായകന്‍ സുരേഷ് ഉണ്ണിത്താന്‍, നടി ജലജ, പി ശ്രീകുമാര്‍, ജന്മഭൂമി ഡയറക്ടര്‍ ടി ജയചന്ദ്രന്‍, പ്രോഗ്രാം കോര്‍ഡിനേറ്റര്‍ വിജയകൃഷ്ണന്‍ എന്നിവര്‍ പത്രസമ്മേളനത്തില്‍ അവാര്‍ഡുകള്‍ പ്രഖ്യാപിച്ചു. ഏപ്രില്‍ 22 ന് കോട്ടയത്ത് നടക്കുന്ന താരനിശയില്‍ അവാര്‍ഡുകള്‍ സമ്മാനിക്കും.

ജി കെ പിള്ളയെ ആദരിക്കും

തിരുവനന്തപുരം: ആറര പതിറ്റാണ്ടായി അഭിനയരംഗത്ത് സജീവമായി നില്‍ക്കുന്ന ജി കെ പിള്ളയെ ജന്മഭൂമി ആദരിക്കും. ജന്മഭൂമിയുടെ പ്രഥമ ടെലിവിഷന്‍ അവാര്‍ഡു വിതരണത്തോടനുബന്ധിച്ച് ഏപ്രില്‍ 22 ന് കോട്ടയത്ത് നടക്കുന്ന താരനിശയില്‍ സമഗ്രസംഭാവനയ്ക്കുള്ള പുരസ്‌ക്കാരം നല്‍കും. 1954 ഡിസംബര്‍ 25ന് ‘സ്നേഹസീമ’യിലെ നായിക പത്മിനിയുടെ അപ്പന്‍ ‘പൂപ്പള്ളി തോമസ്’ എന്ന കഥാപാത്രത്തിന് ആദ്യമായി ചമയമിട്ട ജികെ പിള്ള 327 സിനിമകളില്‍ അഭിനയിച്ചു. 10 ടെലിവിഷന്‍ സീരിയലുകളിലും കഥാപാത്രമായി.

വാര്‍ത്താധിഷ്ഠിത പരിപാടികളുടെ അവതരണത്തിന്് പുതിയമാനം നല്‍കിയ ശ്രീകണ്ഠന്‍ നായര്‍ (ഫ്ളവേള്സ് ടി വി) സമകാലിക സംഭവങ്ങളെ മൂന്നു മിനിറ്റില്‍ ആക്ഷേപഹാസ്യത്തിലൂടെ അവതരിപ്പിക്കുന്ന മുന്‍ഷിയുടെ സംവിധായകന്‍, അനില്‍ ബാനര്‍ജി(ഏഷ്യാനെറ്റ്), മൂടിവെക്കുന്ന വാര്‍ത്തകളും സംഭവങ്ങളും യുക്തിഭദ്രമായി ജനങ്ങളിലെത്തിക്കുന്ന പൊളിച്ചെഴുത്ത് പരിപാടിയുടെ സംവിധായകന്‍ ടി ജി മോഹന്‍ദാസ് (ജനം ടി വി), മൂന്നു പതിറ്റാണ്ടിലേറെയായി വാര്‍ത്താ വായനരംഗത്ത് സജിവമായ ആര്‍ ബാലകൃഷ്ണന്‍(ജനം ടി വി) എന്നിവരേയും പ്രത്യേക പുരസ്‌ക്കാരം നല്‍കി ആദരിക്കും

ബൈബിള്‍ മെഗാ ഷോ എന്റെ രക്ഷകന്‍ തിരുവല്ലയില്‍ 20, 21, 22 തീയതികളില്‍

തിരുവല്ല : നഗരത്തെ വിസ്മയിപ്പിക്കാന്‍ സൂര്യ കൃഷ്ണമൂര്‍ത്തിയുടെ ബൈബിള്‍ മെഗാ ഷോ ‘എന്റെ രക്ഷകന്‍’ 20, 21, 22 തീയതികളില്‍ വൈകിട്ട് 6.30നു തിരുവല്ലയില്‍ അരങ്ങേറും. യേശു ക്രിസ്തുവിന്റെ ജീവിതത്തെ ആദ്യാവസാനം ദൃശ്യാവിഷ്കാരമാക്കുന്ന ഷോ പാലിയേക്കര സെന്റ് മേരീസ് സ്കൂള്‍ മൈതാനത്താണ് അവതരിപ്പിക്കുന്നത്. വിവിധ സഭകളുടെ കൂട്ടായ്മയായ ക്രിസ്ത്യന്‍ ഫോറമാണ് സംഘാടകര്‍.

ഇന്ത്യന്‍ സ്റ്റേജ് ചരിത്രത്തിലെ ഏറ്റവും വലിയ കലാരൂപമെന്ന വിശേഷണമാണ് ഈ ഷോയ്ക്കുള്ളത്. ആധുനിക കലാ, സാങ്കേതിക വിദ്യകള്‍ ഇതില്‍ സമന്വയിക്കുന്നു. പതിനായിരം അടി വിസ്തൃതിയുള്ള വേദി, 150ല്‍ ഏറെ കലാകാരന്മാര്‍, 50ല്‍ ഏറെ പക്ഷിമൃഗാദികള്‍, … അദ്ഭുതക്കാഴ്ചയ്ക്കു സവിശേഷതകള്‍ ഏറെയാണ്.

കവി വി.മധുസൂദനന്‍ നായരുടെ വരികള്‍ക്കു രമേശ് നാരായണനാണ് സംഗീതം നല്‍കിയിരിക്കുന്നത്. പട്ടണം റഷീദ് ചമയം ഒരുക്കുന്നു. പ്രപഞ്ചോല്‍പത്തി മുതല്‍ ക്രിസ്തുവിന്റെ ജീവിതകഥയിലൂടെ സഞ്ചരിക്കുന്നതാണ് നാടകം. 1,600 പേര്‍ക്ക് ഇരിപ്പിടമുള്ള, എയര്‍ കണ്ടിഷന്‍ ചെയ്ത ഓഡിറ്റോറിയത്തിലാണ് അവതരണം. നിമിഷങ്ങള്‍ക്കിടയില്‍ മാറിമറിയുന്ന ദൃശ്യങ്ങളില്‍ രണ്ടുനില കെട്ടിടത്തിന്റെയത്ര ഉയരമുള്ള സെറ്റുകളുണ്ട്.

ഡോ. ജോസഫ് മാര്‍ത്തോമ്മാ മെത്രാപ്പൊലീത്തയുടെ നേതൃത്വത്തില്‍ ഡോ. തോമസ് മാര്‍ കൂറിലോസ്, മറ്റു സഭാ മേലധ്യക്ഷര്‍ തുടങ്ങിയവര്‍ നയിക്കുന്ന വിവിധ കമ്മിറ്റികള്‍ സജീവമായി പ്രവര്‍ത്തിക്കുന്നതായി ജനറല്‍ കണ്‍വീനര്‍ ഫാ. ഡോ. സിബു ഇരിമ്പിനിക്കലും ജനറല്‍ സെക്രട്ടറി ചെറിയാന്‍ പോളച്ചിറയ്ക്കലും അറിയിച്ചു.പ്രവേശന ടിക്കറ്റുകള്‍ എല്ലാ ഇടവകയിലും ലഭിക്കും. പുറമെ, ഇ– ടിക്കറ്റിങ്ങിനും സൗകര്യമുണ്ട്. വെബ്‌സൈറ്റ്: eTicketcounter.com. ഫോണ്‍: 0469 2600626.

ജോയിച്ചന്‍ പുതുക്കുളം

നെഹ്റു കോളേജ് സംഭവം കൂട്ടുനിന്ന അധ്യാപകർക്കെതിരെയും നടപടിയെടുക്കണം – പ്രവാസി കോൺഗ്രസ്സ്

കാഞ്ഞങ്ങാട്: ഒരു കലാലയത്തെ മുഴുവൻ ഭീഷണിയുടെയും, അക്രമത്തിന്റെയും മുൾമുനയിൽ നിർത്തി, ലഹരിക്കടിമപെട്ടും, മറ്റും ക്ലാസുകളിൽ ഹാജരാവാതെ നടന്ന് പരീക്ഷയ്ക്ക് അറ്റൻഡൻസ് തികയാതെ വന്നപ്പോൾ ഹാജർ നൽകണമെന്ന് വ്യാജ രേഖ ചമച്ച വിദ്യാർത്ഥികളുടെ ഗുരുതരമായ തട്ടിപ്പിനും, യാത്രയയപ്പ് ദിനത്തിൽ പ്രധാന അധ്യാപികയ്ക്കെതിരെ നടന്ന മാപ്പർഹിക്കാത്ത നടപടിക്കും കൂട്ടുനിന്ന അധ്യാപകർക്കെതിരെ ക്രിമിനൽ കേസ്സെടുത്ത് നടപടി സ്വീകരിക്കണമെന്ന് പ്രവാസി കോൺഗ്രസ്സ് കാസറഗോഡ് ജില്ലാ കമ്മിറ്റി ആവശ്യപ്പെട്ടു.

സമാധാനപരമായി പതിറ്റാണ്ടുകളായി പതിനായിരക്കണക്കിന് വിദ്യാർത്ഥികൾക്ക് അറിവിന്റെ അക്ഷര വെളിച്ചം പകർന്ന് നൽകിയ ഒരു മാതൃകാ കലാലയത്തിൽ, കുറച്ച് വർഷങ്ങളായി രാഷ്ട്രീയ തിമിരം ബാധിച്ച ഒന്നോ, രണ്ടോ അധ്യാപകരുടെ താത്പര്യപ്രകാരം ചില വിദ്യാർത്ഥികളെ വഴിതെറ്റിച്ച് നടത്തുന്ന സാമൂഹ്യ വിരുദ്ധ പ്രവർത്തനങ്ങളെ പറ്റി നിരന്തരം പരാതി ലഭിച്ചിട്ടും നിയമപാലകർ കൈയ്യും കെട്ടി നോക്കി നിന്നതിന്റെ പ്രതിഫലനമാണ് പ്രധാന അധ്യാപികയുടെ യാത്രയയപ്പിനിടെ നടന്ന സാംസ്കാരിക കേരളത്തെ ഞെട്ടിച്ച സംഭവങ്ങളിലേക്ക് നയിച്ചതെന്നും, പ്രധാന അധ്യാപിക നൽകിയ പരാതികളിലൊന്നിലും നടപടി സ്വീകരിക്കാതെ രാഷ്ട്രീയ ഏമാന്മാരുടെ ഏറാൻ മൂളികളായി കാഞ്ഞങ്ങാട് പോലീസ് സ്റ്റേഷനിലെ ചില ഉദ്യോഗസ്ഥന്മാർ മാറിയതിനാലുമാണ് ഇത്തരം സംഭവങ്ങൾ ആവർത്തിച്ചതെന്നും, വീഴ്ച്ച വരുത്തിയ അധ്യാപകർക്കെതിരെയും, പോലീസ് ഉദ്യോഗസ്ഥർക്കെതിരെയും മാതൃകാപരമായ നടപടികൾ ഉണ്ടാവണമെന്നും യോഗം ആവശ്യപ്പെട്ടു.

നിരന്തരം വ്യക്തിപരമായ അധിക്ഷേപങ്ങളുണ്ടായിട്ടും, അക്രമങ്ങളുണ്ടായിട്ടും യാതൊരു സമ്മർദ്ധങ്ങൾക്കും കീഴ്പ്പെടാതെ, ഭയപ്പെടാതെ വിദ്യാർത്ഥികളെ തെറ്റു തിരുത്താൻ സ്വന്തം മക്കളോടെന്ന പോലെ നിലപാട് സ്വീകരിച്ച പ്രധാന അധ്യാപികയെ അഭിനന്ദിക്കുന്നുവെന്നും യോഗം പ്രമേയം പാസ്സാക്കി.

ജില്ലാ പ്രസിഡണ്ട് പത്മരാജൻ ഐങ്ങോത്ത്, സംസ്ഥാന സെക്രട്ടറിമാരായ നാം ഹനീഫ, ജമീല അഹമെദ്, സിജോ ചാമക്കാല, ജില്ലാ സെക്രട്ടറി കണ്ണൻ കരുവാക്കോട്, ഗംഗാധരൻ തൈക്കടപ്പുറം, ജോർജ്ജ് കരിമഠം, നിധീഷ് യാദവ്, സൂരജ് തട്ടാച്ചേരി, കാഞ്ഞങ്ങാട് മണ്ഡലം പ്രസിഡണ്ട് അച്ചുതൻ മുറിയനാവി, കൃഷ്ണലാൽ തോയമ്മൽ, നിയാസ് ഹോസ്ദുർഗ്ഗ് തുടങ്ങിയവർ സംസാരിച്ചു.

കലാതിലകം അല്ലെങ്കിലും മഹാലക്ഷ്മി അമേരിക്കയിലേക്ക്

കൊല്ലത്തു നടന്ന കേരള സര്‍വ്വകലാശാല യുവജനോത്സവത്തില്‍ സൃഷ്ടിക്കപ്പെട്ട വിവാദങ്ങളില്‍ കലാതിലകം നഷ്ടപ്പെട്ട യുവനടി മഹാലക്ഷ്മി അമേരിക്കയിലേക്ക്. ഏപ്രില്‍-മെയ് മാസങ്ങളില്‍ അമേരിക്കയില്‍ നടക്കുന്ന മധുരം 2018 സ്റ്റേജ് ഷോ പരിപാടിയിലാണ് മഹാലക്ഷ്മി പങ്കെടുക്കുക. ന്യൂയോര്‍ക്ക് കേന്ദ്രമാക്കി പ്രവര്‍ത്തിക്കുന്ന R & T ടെലികമ്മ്യൂണിക്കേഷന്‍സ് ആണ് മധുരം 2018 അമേരിക്കയിലാകെ സംഘടിപ്പിക്കുന്നത്. ഇന്ത്യയിലെ പ്രമുഖ ഇവന്‍റ് മാനേജ്മെന്‍റ് സംഘടന കേരള്‍ ടുഡേ ഡോട്ട്കോമാണ് ഇവന്‍റ് മാനേജ് ചെയ്യുന്നത്.

ബിജുമേനോന്‍ നയിക്കുന്ന പരിപാടിയുടെ സംവിധായകന്‍ ഷാഫിയാണ്. ശ്വേതാമേനോന്‍, മിയ, ഗായത്രി സുരേഷ് (ജമ്നാപ്യാരി) എന്നിവരാണ് മഹാലക്ഷ്മിയോടൊപ്പം പരിപാടിയിലെ മറ്റ് നായികമാര്‍. കലാഭവന്‍ ഷാജോണ്‍, രാഹുല്‍മാധവ്, നോബി, കൊട്ടിയം സുധി, രാജേഷ് പരവൂര്‍, പിന്നണിഗായകരായ നജീം അര്‍ഷാദ്, കാവ്യ അജിത്ത്, വിഷ്ണുരാജ്, സംഗീത സംവിധായകന്‍ റോണി റാഫേല്‍, എന്നിവരുള്‍പ്പെടുന്ന താരനിരയുമായാണ് ബിജുമേനോന്‍-ഷാഫി ടീം അമേരിക്കയിലെത്തുന്നത്. കേരളത്തില്‍ നിന്നു തന്നെ നാല് പ്രമുഖ നര്‍ത്തകരും ഇവരോടൊപ്പം അമേരിക്കയില്‍ എത്തുന്നുണ്ട്.

വിശദവിവരങ്ങള്‍ക്ക് ഷിബു – 5168592531 (ന്യൂയോര്‍ക്ക്)

പെസഹാ മുതല്‍ ഈസ്റ്റര്‍ വരെ ഇന്നു മുതല്‍ കൊല്ലത്ത്

2006-ല്‍ കൊല്ലം നഗരത്തില്‍ നടന്ന സ്വര്‍ഗ്ഗീയ വിരുന്നിന്റെ മഹായോഗത്തിനുശേഷം നീണ്ട 12 വര്‍ഷം കഴിഞ്ഞ് കൊല്ലം ആശ്രാമം മൈതാനത്ത് ഇന്നുമുതല്‍ വീണ്ടും പ്രാര്‍ത്ഥനാപൂര്‍വ്വമായ അഞ്ച് ദിവസങ്ങള്‍ക്ക് ലോകത്തിന്റെ വിവിധ ഭാഗങ്ങളില്‍ നിന്നുമുള്ള വിശ്വാസികള്‍ നിറഞ്ഞുകവിയുന്നു.

പെസഹാ മുതല്‍ ഈസ്റ്റര്‍ വരെ എന്ന ഈ മഹാ സുവിശേഷ സംഗമത്തില്‍ പങ്കെടുക്കാന്‍ ഈ വിശുദ്ധവാരത്തില്‍ കൊല്ലം ആശ്രാമം മൈതാനവും വിശ്വാസികളും ഒരുങ്ങിക്കഴിഞ്ഞു.

സര്‍ര്‍ഗ്ഗീയ വരുന്ന് സഭയുടെ സീനിയര്‍ ഫൗണ്ടിംഗ് പാസ്റ്റര്‍ ഡോ. മാത്യു കുരുവിള (തങ്കു ബ്രദര്‍), ഡോ. തോമസ് ഏബ്രഹാം (തോമസുകുട്ടി ബ്രദര്‍), സഭയുടെ പാസ്റ്റേഴ്‌സ്, വിവിധ രാജ്യങ്ങളിലുള്ള ഹെവന്‍ലി ഫീസ്റ്റ് പ്രെയര്‍ ടീംസ്, ലോകമെമ്പാടുമുള്ള വിശ്വാസികള്‍ എന്നിവര്‍ ഈ മഹാസംഗമത്തിന്റെ അനുഗ്രഹത്തിനായി പ്രാര്‍ത്ഥനയിലാണ്.

മാര്‍ച്ച് 28 ബുധന്‍ (ഇന്നു മുതല്‍), പെസഹാ വ്യാഴം, വലിയ വെള്ളി, ശനി, ഉയിര്‍പ്പ് ഞായര്‍ വരെ എല്ലാദിവസവും രാവിലെ 10-നും വൈകിട്ട് 6-നും അനുഗ്രഹീത ആരാധന, അത്ഭുത സാക്ഷ്യങ്ങള്‍, ദൈവ വചനം, ശാപവിമുക്തി ശുശ്രൂഷ, രോഗസൗഖ്യ പ്രാര്‍ഥന എന്നിവയുണ്ടായിരിക്കുന്നതാണ്.

കേരളത്തിലെ സ്വര്‍ഗ്ഗീയ വിരുന്നിന്റെ പാസ്റ്റേഴ്‌സ്, വിശ്വാസികള്‍, വിവിധ രാജ്യങ്ങളിലുള്ള സ്വര്‍ഗ്ഗീയ വിരുന്നിന്റെ വിശ്വാസികള്‍ ഈ മഹാസംഗമത്തില്‍ പങ്കെടുക്കുന്നതാണ്.

ജാതി മത സഭാ വ്യത്യാസമില്ലാതെ ഏവര്‍ക്കും കൊല്ലം ആശ്രാമം മൈതാനിയില്‍ ഇന്നുമുതല്‍ നടക്കുന്ന പ്രാര്‍ത്ഥനാസംഗമത്തിലേക്ക് സ്വാഗതം.

പ്രമുഖ ക്രൈസ്തവ ടെലിവിഷന്‍ ചാനലായ പവര്‍വിഷന്‍, ഹാര്‍വെസ്റ്റ് ടിവി, വിവിധ സെക്കുലര്‍ ടിവി ചാനലുകള്‍ എന്നിവയില്‍ എല്ലാദിവസവും തങ്കു ബ്രദറും, തോമസുകുട്ടി ബ്രദറും ദൈവ വചനം ശുശ്രൂഷിക്കുന്നു.

അമേരിക്കയിലെ സ്വര്‍ഗ്ഗീയ വിരുന്നിന്റെ ന്യൂയോര്‍ക്ക് മെയിന്‍ ചര്‍ച്ച് വളരെ ചുരുങ്ങിയ വര്‍ഷത്തിനുള്ളില്‍ അതിവേഗം വളര്‍ന്നുകഴിഞ്ഞു. ന്യൂയോര്‍ക്ക്, ചിക്കാഗോ, ഫിലാഡല്‍ഫിയ, ഡാലസ്, ഹൂസ്റ്റണ്‍, ലോസ്ആഞ്ചലസ് എന്നീ പ്രധാന നഗരങ്ങളില്‍ തങ്കുബ്രദറും, തോമസുകുട്ടി ബ്രദറും ശുശ്രൂഷിച്ചിട്ടുണ്ട്. കൂടുതല്‍ വിവരങ്ങള്‍ക്ക്: www.theheavenlyfeast.org

ജോയിച്ചന്‍ പുതുക്കുളം

‘ഓശാന ഓശാന ദാവീദിന്റെ പുത്രന്‌ ഓശാന’

Fr.Johnson Punchakonam

എന്റെ ആലയം പ്രാർത്ഥനാലയം നിങ്ങളോ അതിനെ കള്ളന്മാരുടെ ഗുഹയാക്കി മാറ്റി.
യേശു യരുശലേം ദൈവാലയത്തെ ശുദ്ധീകരിക്കുന്നതാണ്‌ ഓശാനയുടെ പരമ പ്രധാനമായ സന്ദേശം.
(മത്തായി 21:1214 , മർക്കോസ് 11:1517 , ലൂക്കോസ് 19:4546 ,യോഹന്നാൻ 2:1317)

വർഷങ്ങളായി ദൈവാലയത്തെ കച്ചവട സ്ഥാപനങ്ങളായി കണ്ട് അവയിൽ വില്പന നടത്തി അതിൽ നിന്നുള്ള ലാഭത്തിന്റെ പങ്ക് കൈപ്പറ്റിയിരുന്ന മഹാപുരോഹിതനും ശാസ്ത്രിമാർക്കും ഏറ്റ വലിയ ഒരു തിരിച്ചടിയായിരുന്നു യെശുവിന്റെ പ്രതികരണം. ചോദ്യചെയ്യപ്പെടാത്ത ശക്തികളായി വളരുകയും ചോദ്യം ചെയ്യുന്നവരെ ന്യായപ്രമാണത്തിന്റെ തെറ്റായ വിശകലനത്തിലൂടെ നിശ്ബദ്ദരാക്കുകയും കായികമായും നേരിടുകയും ചെയ്തിരുന്ന ദൈവാലയ പ്രമാണികൾക്ക് യേശു ഉചിതമായ മറുപിടി ന്യായപ്രമാണത്തിൽ നിന്ന് നൽകുകയും അവരെ കായികമായി തന്നെ നേരിടുകയും ചെയ്യുന്നു. ദൈവാലയത്തിൽ നിന്ന് മാറി നിൽക്കേണ്ടീ വന്നവരെല്ലാം / അധികാരികൾ മാറ്റി നിർത്തിയവരെല്ലാം യേശുവിന്റെ അടുക്കലേക്ക് ദൈവാലയത്തിലേക്ക് വരുന്നു. മതനേതാക്കൾക്കുള്ള ശക്തമായ മുന്നറിയിപ്പായ്യിരുന്നു യേശുവിന്റെ ശബ്‌ദ്ദം. നീതിക്കുവേണ്ടീ , ന്യായത്തിനു വേണ്ടീ സമൂഹത്തിൽ പാർശ്വവൽക്കരിക്കപെടേണ്ടിവന്നവർക്കു വേണ്ടീ യേശു ശബ്ദ്ദം ഇന്നും ഉയരുന്നു. മതനേതാക്കളും അധികാരികളും ഇന്നും ഇത് തിരിച്ചറിയുന്നില്ല. തങ്ങളെ ചോദ്യം ചെയ്യുന്ന യേശുവിനെ കൊല്ലാൻ തന്നെ അവർ തീരുമാനിക്കുകയും ചെയ്യുന്നു.
തെറ്റ് ചെയ്യുന്നവർക്ക് ദൈവാലയത്തിന്റെ പേരിൽ സംരക്ഷണം ഒരുക്കുകയല്ലേ ഇന്ന് ദൈവാലയത്തെ പ്രാർത്ഥനാലയം ആയി സംരക്ഷിക്കെണ്ടവർ ചെയ്യുന്നത്? തിന്മ ചെയ്യുന്നവരെ/ചെയ്തവരെ ദൈവാലയത്തിൽ സ്വികരിച്ചിരുത്തകയും അവർക്ക് ജയ് വിളിക്കുകയും ചെയ്യുമ്പോൾ അവരാൽ പീഡനവും നഷ്ടവും ഏറ്റുവാങ്ങേണ്ടി വന്നവരെ ദൈവാലയത്തിൽ നിന്ന് പുറത്താക്കുകയും ചെയ്യുന്നു. യേശു ചെയ്ത പ്രവൃത്തിയുടെ കടകവിരുദ്ധമായ ചെയ്തികൾ.

മതഭക്തി, പള്ളിഭക്തി, വ്യക്തിഭക്തി തുടങ്ങി ആധുനികഭക്തികൾ നിരവധി.
ശൗലേ ശൗലേ നീ എന്നെ ഉപദ്രവിക്കുന്നത് എന്തിന് ? സ്നേഹത്തോടു കൂടിയ യേശുക്രിസ്തുവിന്റെ ഈ കരച്ചിൽ ശൗലിനെ പൗലോസാക്കി മാറ്റിയെങ്കിലും കർത്താവിന്റെ കരച്ചിലിന്റെ ശബ്ദം കേൾക്കാൻ കഴിയാത്ത ആധുനിക ശൗലുമാർ ഇന്നും ദേവാലയം കള്ളകച്ചവടകേന്ദ്രങ്ങളാക്കി മാറ്റുന്നു.

“അവൻ നഗരത്തിന്നു സമീപിച്ചപ്പോൾ അതിനെ കണ്ടു അതിനെക്കുറിച്ചു കരഞ്ഞു. ഈ നാളിൽ നിന്റെ സമാധാനത്തിന്നുള്ളതു നീയും അറിഞ്ഞു എങ്കിൽ കൊള്ളായിരുന്നു, ഇപ്പോഴോ അതു നിന്റെ കണ്ണിന്നു മറഞ്ഞിരിക്കുന്നു.”

ഇടയന്മാർ സാധാരണക്കാർക്കും, പാവപ്പെട്ടവര്ക്കും സമീപിക്കാൻ സാധിക്കാത്ത സാഹചര്യം.
• ആർഭാടജീവിതം ശൈലിയാക്കുന്ന നേതൃത്വം
• സമൂഹത്തിലെ ഏറ്റവും താഴെ തട്ടിലുള്ളവരുടെ ആവശ്യങ്ങളോട് ഇടയന്മാരുടെ പ്രതികരണങ്ങൾ.
• വിശ്വാസികളോടുള്ള ധാര്ഷ്ട്യത്തോടെയുള്ള പെരുമാറ്റങ്ങൾ
• സ്വാഭാവിക നിഷേധിക്കപ്പെടുന്ന സാഹചര്യങ്ങൾ
• സ്ഥാപനവല്ക്കരിക്കപ്പെടുന്ന ആദ്ധ്യാത്മികത
• കമ്പോളവല്ക്കരിക്കപ്പെടുന്ന ആഘോഷങ്ങളും, ആചാരങ്ങളും, അനുഷ്ഠാനങ്ങളും.
• മത, ജാതി ഭേദ്യമെന്യേ ഒരു മാത്സര്യക്കളരിയാവുന്ന ആഘോഷങ്ങൾ
• ഉള്ളവനും ഇല്ലാത്തവനും തമ്മിലുള്ള അന്തരം
• കുടുംബ പ്രശ്‌നങ്ങളും കടക്കെടുതികളും മൂലമുൾള അപമാനഭയത്താൽ ദേവാലയം ഉപേക്ഷിക്കേണ്ടിവന്നവർ
• ആവശ്യത്തേക്കാളും, സൗകര്യങ്ങളെക്കാളും അധികമായി ആകര്ഷണത്തിനും ആഡംബരത്തിനും ആര്ഭാടത്തിനും മുന്തൂക്കം കൊടുക്കുന്ന ഇടവകകൾ
• സഭയുടെ സ്ഥാപനങ്ങളിൽ പലതും വ്യക്തികളുടെ പേരും പെരുമയും നിലനിര്ത്തുന്നതിനുള്ള ഉപാധികളായി മാറുന്നതും അവ തമ്മിൽ അനാരോഗ്യകരമായ മത്സരങ്ങളും നടക്കുന്നതും
• ദേവാലയ നിര്മ്മാണത്തിൽ പണക്കൊഴുപ്പിന്റെ സ്വാധീനം. *പ്രൗഢിക്കും ആകർഷകത്വത്തിനും പണക്കൊഴുപ്പിനും പ്രാധാന്യം നൽകികൊണ്ടുള്ള ദേവാലയ പുനർനിര്മ്മാണങ്ങൾ:കേവലം പിരിവുകൾ നൽകാൻ മാത്രമായി വിധിക്കപ്പെട്ട വിശ്വാസികൾ. പള്ളിയും പള്ളിമേടകളും പൊളിക്കുകയും പുതുക്കി പണിയുകയും, മതിലുകൾ, കുരിശടികൾ, സ്വർണ കൊടിമരങ്ങൾ, വെടിക്കെട്ടുകൾ, തിരുശേഷിപ്പ് കച്ചവടം. ദേവാലയം അലങ്കരിക്കാൻ ലക്ഷങ്ങൾ ചെലവിടുമ്പോൾ അത് ദേവാലയ ചൈതന്യത്തിന് ചാരുത പകരുന്നില്ല എന്നതു ഓര്ക്കണം. ഓരോ അനാവശ്യവും ആവശ്യമാക്കി മാറ്റുമ്പോൾ ജീവിതത്തിന്റെ പുറമ്പോക്കിൽ അനേകർ ജീവിക്കുന്നു എന്നതും നാം മറന്നു പോവുന്നു.
• സാമ്പത്തിക സമൃദ്ധി സഭയുടെയും ക്രിസ്തീയ കുടുംബത്തിന്റെയും ആത്യന്തിക ലക്ഷ്യമായ മാറി.
• ചില ആഘോഷങ്ങൾ കുടുംബങ്ങളുടെയും അവരുടെ ബന്ധുക്കളുടെയും സമ്പത്തും കുലമഹിമയും വിളംബരം ചെയ്യാനുള്ള വേദികളായി മാറുന്നു.
• മദ്യപാനത്തിന്റെയും അനാവശ്യമായ വൈദേശിക സംസ്‌കാരങ്ങളുടെയും രംഗവേദികളാക്കിയതുമൂലം മനംമടുത്തു മാറി നിൽക്കുന്നവർ
• ഇടവകകളിലെ അനാവശ്യമായ ‘ഫോര്മാലിറ്റി’കൾ മൂലം സഭ വിടേണ്ടിവന്നവർ
• വിദ്യാഭ്യാസകച്ചവടവും ആതുരസേവനവിതരണവും മൊത്തവ്യാപാരമായി വിലപേശുന്ന കമ്പോള സംസ്‌കാരം സാധാരണ വിശ്വാസികളെ പുത്തൻ സഭകളിലേക്കു ചേക്കേറുവാൻ നിർബന്ധിതരാകുന്നു. യെരുശലേം ദേവാലയത്തിൽ ചെങ്ങാലിവില്പനക്കാരെ ചാട്ടവാർ കൊണ്ടടിച്ചു പുറത്താക്കിയ കർത്താവ് വീണ്ടും വരുവാൻ താമസിക്കുന്നത് ഭാഗ്യമോ നിർഭാഗ്യമോ എന്നറിയില്ല.

‘അല്പനേരക്രിസ്ത്യാനി’കളുടെ എണ്ണം സഭകളിൽ കൂടിവരുന്നു. ദേവാലയത്തിനകത്തു വരുമ്പോൾ വിശ്വാസിയുടെ മുഖം മൂടിയണിയുകയും അതിനു പുറത്തു ഏതു മാർഗ്ഗത്തിലൂടെയും അത്യാഡംബരമായി ജീവിക്കുകയും ചെയ്യുക എന്നത് ഒരു ശൈലിയായി മാറുന്നു. തന്നിൽ അർപ്പിതമായ കര്ത്തവ്യങ്ങൾ അനുഷ്ഠിക്കുകയും അര്ത്ഥവത്തായി, മാതൃകയായി ജീവിക്കുകയും ചെയ്യുന്നവരുടെ എണ്ണം കുറയുന്നു. ജീവിതം കൊണ്ട് സംസാരിക്കുന്നവരുടെ എണ്ണം കുറയുകയും നാവു കൊണ്ടു സംസാരിക്കുന്ന നേതാക്കളുടെ എണ്ണം വർദ്ധിക്കുകയും ചെയ്തത് വിശ്വാസികളുടെ സഭകളോടുള്ള അകൽച്ചക്കു കാരണമാകുന്നുണ്ട്. വിശ്വസ്തതയും ആത്മാർഥതയും കുറഞ്ഞുവരുന്നതും, ആത്മീയത അഭിനയിക്കുന്നവരുടെ എണ്ണം കൂടുന്നതും വിശ്വാസികളെ സഭയിൽ നിന്നകറ്റുന്നു.

ലാളിത്യം ക്രൈസ്തവസഭകളിൽ കുറയുന്നു
‘ജീവിതത്തിലെ ലാളിത്യം’ ക്രൈസ്തവസഭകളിൽ കുറയുന്നു എന്നതാണ് ഉത്തരാധുനികതയുടെ പ്രത്യേകത. അത്യാവശ്യത്തിനു പോലും ലഭിക്കാതെ വരുമ്പോഴും ‘മതി’ എന്നു പറയാനുൾള ആർജവത്വമാണ് ആത്മീയശക്തിയുടെ ലാളിത്യം. നസ്രായനായ യേശുക്രിസ്തുവിന്റെയും ശിഷ്യരുടെയും മാതൃക അനുകരിച്ച് ലളിതജീവിത ശൈലിയിലേയ്ക്ക് മാതൃകയാകേണ്ടവർ മാറണം. മനോഭാവത്തിലും പ്രവര്ത്തനശൈലികളിലും, കൂടുതല് ലാളിത്യം പുലർത്തണം. സമൃദ്ധിയുടെ സംസ്‌ക്കാരത്തില് ജീവിക്കുന്ന ആധുനിക സമൂഹത്തിൽ, യേശുക്രിസ്തുവിന്റെ ജീവിതത്തിലെ ലാളിത്യമെന്ന നന്മ കാട്ടികൊടുക്കുവാൻ അസാമാന്യമായ ആത്മാർത്ഥതയും ധീരതയും നേതാക്കൾക്ക് അനിവാര്യമാണ്. എന്നാൽ ഇന്ന് വിപരീതദിശയിൽ ഉപഭോഗസംസ്‌കാരത്തിലും, വ്യക്തിപൂജയിലും സ്വാധീനിക്കപ്പെട്ടുമലിനമാക്കപ്പെടുന്നു ആധുനികക്രൈസ്തവനേതൃത്വം. ആന്തരികസ്വാതന്ത്ര്യമുള്ളിടത്തേ ആവശ്യങ്ങളില് നിന്നുൾള വിടുതൽ സാധ്യമാകൂ. കൊളുത്തിപ്പിടിക്കുവാനോ, ഒട്ടിപ്പിടിക്കുവാനോ സ്വയം അനുവദിക്കാതിരിക്കുന്ന ഉള്ളിന്റെ സ്വാതന്ത്ര്യമാണത്. ഈ നാളിലെങ്കിലും സമാധാനത്തിനുള്ളത് നീ അറിയണം. യെരുശലേം ദേവാലയം അറിഞ്ഞില്ല, മതപുരോഹിതന്മാർ അറിഞ്ഞില്ല. ശാസ്ത്രിമാരും പരീശന്മാരും അറിഞ്ഞില്ല. സദൂക്യർ അറിഞ്ഞില്ല, എരിവുകാർ അറിഞ്ഞില്ല.

വാസ്തവത്തിൽ പ്രാർത്ഥനാലയങ്ങളിൽനിന്നു പുറത്താക്കപ്പെടേണ്ടവർ, അവയെ കൊള്ളക്കാരുടെ ഗുഹകളാക്കുന്നവരാണ്.
ഇടയന്റെ ജീവിതവിശുദ്ധി പരമപ്രധാനമാണ്.

അധികാരി എന്ന ഭാവം വെടിഞ്ഞു പകഷപാതം കാണിക്കാതെ, ഗ്രൂപ്പ് പിടിക്കാതെ തന്റെ ചുമതലയിലുൾള ഇടവകയിലെ, സഭയിലെ വിശ്വാസികളെ എല്ലാവരെയും ഒരുപോലെ കാണുകയും നീതിയുടെയും, സത്യത്തിന്റെയും മാർഗത്തിൽ പുരോഹിതരും അല്മായരും തമ്മിലുൾള പരസ്പരബഹുമാനവും, വ്യക്തിബന്ധവും, സ്‌നേഹവും, കരുതലും വളർത്തുകയും ചെയ്താൽ ഒരളവുവരെ വിശ്വാസി സമൂഹത്തെ ചിതറി പോകാതെ പരിരക്ഷിക്കുവാൻ സാധിക്കും.

ആടുകളുടെ ചോര കുടിക്കുന്ന ഇടയന്മാർ സഭയെ നശിപ്പിക്കും. രണ്ടു കണ്ണുകൾ കൊണ്ട് മാത്രം നോക്കി കാണുന്ന ഇടയനെ അനേകം കണ്ണുകളിലൂടെയാണ് വിശ്വാസികൾ നോക്കികാണുന്നത് എന്ന യാഥാർഥ്യം ചിലപ്പോഴെങ്കിലും മറന്നു പോകുന്ന ഇടയന്മാർ. ഇടയന്റെ നോട്ടം, പെരുമാറ്റങ്ങൾ, സ്പർശനം, സംസാരങ്ങൾ, സുതാര്യത തുടങ്ങി നിരവധി കാര്യങ്ങളിൽ ഇടയന്മാർ ശ്രദ്ധിച്ചില്ലെങ്കിൽ ആടുകൾ ചിതറിപ്പോകും.
സമ്പത്തിന്റെയും, അധികാരത്തിന്റെയും, പ്രൗഡിയുടെയും, സുഖലോലുപതയുടെയും കയത്തിൽ മുങ്ങി കുളിക്കുന്ന ഗോവിന്ദച്ചാമിമാരായ ഇടയന്മാർ വിശ്വാസികളെ സഭകളിൽ നിന്നകറ്റും. തങ്ങൾക്ക് ദൈവദാനമായി കിട്ടിയ കൊച്ചു രാജ്യം ഭരിച്ച് സുഖിച്ച് ജീവിച്ച് മരിക്കുന്നു. കാപട്യത്തിന്റെ പര്യായമായ ഇവർ ദൈവവചനങ്ങളെ ഉദ്ധരിച്ചുകൊണ്ട് ദരിദ്രജീവിതത്തെപ്പറ്റിയും സഹനജീവിതത്തെപ്പറ്റിയും നീണ്ട പ്രസംഗങ്ങൾ നടത്തുന്നു. ചെമ്മരിയാടുകളെ നയിക്കുന്ന കപടവേഷ ധാരികളായ പുരോഹിത ഇടയതാരങ്ങൾ ബലിപീഠത്തിൽ ക്രിസ്തുവിന്റെ ബലിയെ വെറും പ്രഹസനങ്ങളാക്കി മാറ്റി സഭയെ ദിനംപ്രതി തകർത്തുകൊണ്ടിരിക്കുന്നു. സത്യവും നീതിയും ധർമവും എന്താണെന്നു നന്നായി മനസ്സിലാക്കിയിട്ടു ള്ള, ഏറെ അറിവും പഠിപ്പുമുൾള വൈദികന്മാര് ഗോവിന്ദച്ചാമിയെപ്പോലെ പെരുമാറുമ്പോള് എന്തുകൊണ്ട് വിശ്വാസികള് പള്ളിയില് നിന്നകലുന്നു എന്ന ചോദ്യം ചോദിക്കാതിരിക്കുന്നതാണ് നല്ലത്. പള്ളിയില് നിന്നും പള്ളീലച്ചന്മാരിൽ നിന്നും പരമാവധി അകന്നു നിൽക്കുന്നതാണ് നല്ലത് എന്നു ശരാശരി ക്രിസ്ത്യാനി വിചാരിക്കുന്നുണ്ടെങ്കില് അത് മേല്പ്പറഞ്ഞ ഗഡികളുടെ കുഴപ്പം കൊണ്ടു തന്നെയാണ്.

മുഖസ്തുതികളിൽ കോൾമയിർ കൊള്ളുന്ന മതമേലദ്ധ്യക്ഷന്മാർ. അത് സ്വയം പൂജയാണ്. അതിലുള്‌പ്പെട്ടിരിക്കുന്ന വ്യക്തിക്കും അയാളുമായി ബന്ധപ്പെട്ടവര്ക്കും, അയാൾ ഉള്‌പ്പെടുന്ന സമൂഹത്തിനും അതു ഗുണം ചെയ്യിൽല. യഥാര്ത്ഥ പ്രശ്‌നം അതൊരുതരം മാനസിക വിഭ്രാന്തിയാണ്. ഇത് പിടിപെട്ടിരിക്കുന്ന പലരും അധികാര സ്ഥാനങ്ങളിൽ ഇരിക്കുന്നവരുമാണ്. മിക്കപ്പോഴും അധികാരികൾ ആത്മാനുരാഗികളാണ്. സഭാമേലദ്ധ്യക്ഷന്മാർ പലപ്പോഴും ആത്മാനുരാഗികളായിരുന്നിട്ടുണ്ട് – കൊട്ടാര വിദൂഷകരുടെ മുഖസ്തുതികളില് കോള്മയിർ കൊള്ളുന്ന ആത്മാനുരാഗികള്. ‘ഈ കൊട്ടാര വിദൂഷകരാണ് സഭാനേതൃത്വത്തെ കുഷ്ഠരോഗികളാക്കുന്നത്. വിശ്വാസികളെ സഭകളിൽ നിന്നകറ്റുവാൻ ഈ കൊട്ടാര വിദൂഷകരുടെ മുഖസ്തുതിസംസ്‌കാരം കാരണമാകുന്നു.

ദേവാലയങ്ങളിലെ ഹാജർ നില കുറവാണെങ്കിലും ദൈവവിശ്വാസം ഉള്ളവർ കൂടുന്നു എന്നത്യാഥാർഥ്യമാണ്. വിശ്വാസം എന്തായിരുന്നാലും, ആഭരണങ്ങളും, വസ്ത്രങ്ങളും പ്രദർശിപ്പിക്കുവാന് കിട്ടുന്ന അവസരങ്ങള് അതിനുൾള ഏറ്റവും നല്ല വേദികള് ആയി മാറുന്നില്ലേ നമ്മുടെ ആരാധനാലയങ്ങൾ പോലും. ഒരു കണക്കിന് പറഞ്ഞാല്, അമേരിക്കയിലെ ദേവാലയങ്ങളും കലാസാംസ്‌കാരിക സംഘടനകളും തമ്മിൽ വലിയ വിത്യാസം അനുഭവപ്പെടുന്നിൽല. രണ്ടിടങ്ങളിലും കലാഅഭ്യസപ്രകടനങ്ങള്, സാംസ്‌കാരിക പഠനങ്ങള്, ഗ്രൂപ്പു രാഷ്ട്രീയം, അധികാരകസേര, പടലപിണക്കങ്ങൾ, കാലുവാരൽ, കുതികാല് വെട്ട്, തൊഴുത്തിൽ കുത്ത്, പണപ്പിരിവിവ്, പണം വെട്ടിപ്പ്, കുപ്പിയില് ഇറക്ക്, കുഴിയില് വീഴ്ത്തല്, മദ്യപാനം തുടങ്ങി മലയാളികളുടെ കൂട്ടായ്മയിലെ സ്ഥിരം കലാപരിപാടികൾ ദേവാലയങ്ങളിലും അരങ്ങേറുന്നു. ഇതുമൂലം മനംമടുത്തു സഭകൾ വിട്ടുപോകുന്നവരും, ദേവാലയഅനുഭവത്തിൽ നിന്ന് മാറി നിൽക്കുന്നവരും കുറവല്ല.