നമ്പി നാരായണൻ നീതി നേടി ; ലാലുജോസഫിന് പാർട്ടി നീതി നൽകുമോ എന്ന ചോദ്യം ബാക്കിയാകുന്നു

തിരുവനന്തപുരം: ചാരക്കേസിൽ പ്രശസ്ത ശാസ്ത്രജ്ഞൻ നമ്പി നാരായണന് നീതി ലഭിച്ചപ്പോള്‍ ലാലു ജോസഫിന് നീതി ലഭിക്കുമോ എന്ന ആശങ്കയിലാണ് പലരും. ചാരക്കേസിൽ പ്രതിയായിരുന്ന മറിയം റഷീദയ്ക്ക് ജാമ്യം നിന്നതിന്റെ പേരിൽ പാർട്ടിയിൽ നിന്ന് പുറത്താക്കപ്പെട്ട അഡ്വ.ലാലുജോസഫിനെ സി പി എം തിരികെ എടുക്കുമോ എന്ന വിഷയം ചര്‍ച്ചയാകുകയാണ്.

സി.പി.എമ്മിന്റെ നേതാവും ,പാർട്ടി സംസ്ഥാന സെക്രട്ടേറിയറ്റ് അംഗവും രാജ്യസഭാംഗവുമായിരുന്ന പരേതനായ ഒ.ജെ.ജോസഫിന്റെ മകൻ ലാലു ജോസഫിനെ നിസാര കാരണങ്ങളുടെ പേരിലാണ് 1998 ൽ പാർട്ടി പുറത്താക്കിയത്.

എസ്.എഫ്.ഐ നേതാവ്, ഡി.വൈ.എഫ്.ഐ വഞ്ചിയൂർ ലോക്കൽ കമ്മിറ്റി സെക്രട്ടറി, ദേശാഭിമാനി ലേഖകൻ എന്നീ നിലകളിൽ പ്രവർത്തിച്ചിട്ടുള്ള ലാലു ദേശാഭിമാനിയിൽ നിന്ന് രാജിവച്ച് ഹിന്ദുസ്ഥാൻ ലാറ്റക്സിന്റെ ലാ ഓഫീസറും പബ്ളിക് റിലേഷൻസ് ഓഫീസറുമായി പ്രവർത്തിക്കുമ്പോഴാണ് ചാരക്കേസുമായി ബന്ധപ്പെട്ട് ലാലു പാര്‍ട്ടിയില്‍ നിന്ന്‍ പുറത്താക്കപ്പെടുന്നത്.

ചാരക്കേസിൽ വിചാരണ തടവുകാരിയായി വിയ്യൂർ ജയിലിൽ കഴി‌ഞ്ഞ മറിയം റഷീദയെ രാജ്യത്തെ രണ്ടു പ്രമുഖ വാരികകളുടെ ലേഖകർ ജയിൽ അധികൃതരുടെ അനുമതിയോടെ ഇന്റർവ്യു ചെയ്തിരുന്നു.ജയിലിൽ നേരിട്ട പീഡനങ്ങളെക്കുറിച്ച് അവർ അന്ന് വിശദീകരിച്ചിരുന്നു. അവർ നൽകിയ മൊഴി പ്രസിദ്ധീകരിച്ചുവന്നപ്പോൾ ആരോപണവിധേയരായ പൊലീസ് ഉദ്യോഗസ്ഥർ അപകീർത്തിക്കേസ് നൽകി.

ആ കേസിൽ പത്രപ്രവർത്തകർക്ക് വേണ്ടി ജാമ്യം നിന്നത് ലാലു ജോസഫും സാമൂഹ്യപ്രവർത്തകനായ മൈത്രേയനുമായിരുന്നു. ഈ കേസിന്റെ വിചാരണ നടക്കുമ്പോൾ ഐ.എസ്.ആർ.ഒ ചാരക്കേസ് സുപ്രീം കോടതി തള്ളുകയും മറിയം റഷീദയടക്കമുള്ളവരെ കുറ്റവിമുക്തരാക്കുകയും ചെയ്തു. അപകീർത്തി കേസ് വീണ്ടുമെടുത്തപ്പോൾ മറിയം റഷീദയ്ക്ക് ജാമ്യം നിൽക്കാൻ ആളുവേണ്ടി വന്നു.

ഇടതു സഹയാത്രികൻ കൂടിയായ അഡ്വ.ചെറുന്നിയൂർ ശശിധരൻ നായരായിരുന്നു പത്രപ്രവർത്തകരുടെ അഭിഭാഷകൻ. അദ്ദേഹം ലാലുവിനോട് ചോദിക്കുകയും ലാലുവും മൈത്രേയനും ജാമ്യം നിൽക്കുകയുമായിരുന്നു. യഥാർത്ഥത്തിൽ മനുഷ്യത്വപരമായ ഒരു സഹായം മാത്രമാണ് ഇരുവരും ചെയ്തത്. മറിയം റഷീദയ്ക്ക് ജാമ്യം ലഭിക്കുകയും ചെയ്തു.

എന്നാൽ പാർട്ടിയിൽ അതൊരു പ്രശ്‌നമായി മാറി. പാർട്ടി ഉയർത്തിക്കൊണ്ടു വന്ന ഒരു കേസിൽ പ്രതിയായവർക്കുവേണ്ടി ജാമ്യം നിന്നത് ഗുരുതരമായ അച്ചടക്കലംഘനമാണെന്നും നടപടി എടുക്കാതിരിക്കാൻ കാരണമുണ്ടെങ്കിൽ അറിയിക്കണമെന്നുമായിരുന്നു’ പാർട്ടി വിശദീകരണം ചോദിച്ചത്. ലാലു നൽകിയ വിശദീകരണം തൃപ്തികരമല്ലെന്നു കാണിച്ച് പ്രാഥമിക അംഗത്വത്തിൽ നിന്ന് പുറത്താക്കുകയായിരുന്നു.

നിലവിൽ നമ്പി നാരായണന് സുപ്രീം കോടതി നീതി നൽകിയിരിക്കുകയാണ്. അങ്ങനെയെങ്കിൽ ലാലുവിനെ പാർട്ടി തിരിച്ചെടുക്കുമോ എന്നാണ് പലരും ചോദിക്കുന്നത്. എന്നാൽ പാർട്ടി ഇപ്പോഴും മൗനം പാലിക്കുകയാണ്.

റവ.ഡോ. മഠത്തിപ്പറമ്പിലിന്റെ വേര്‍ഡ്‌സ് ഓഫ് ഫയര്‍ പ്രകാശനം ചെയ്തു

കൊച്ചി: റവ.ഡോ. ജോര്‍ജ് മഠത്തില്‍പറമ്പില്‍ രചിച്ച Words on Fire (സീറോ മലബാര്‍ സഭയുടെ ഞായറാഴ്ച സുവിശേഷ ഭാഗങ്ങളെ ആധാരമാക്കിയുള്ള പ്രസംഗങ്ങളുടെ സമാഹാരം) കര്‍ദ്ദിനാള്‍ മാര്‍ ജോര്‍ജ് ആലഞ്ചേരി മൗണ്ട് സെന്റ് തോമസില്‍ വച്ചു ഓഗസ്റ്റ് 22-നു ചാന്‍സലര്‍ റവ. ഡോ. ആന്റണി കൊള്ളന്നൂരിനു പുസ്തകത്തിന്റെ കോപ്പി നല്‍കി പ്രകാശനം ചെയ്തു.

അമ്പത്തിനാല് (54) അധ്യായങ്ങളായാണ് പുസ്തകം രൂപപ്പെടുത്തിയിരിക്കുന്നത്. ഓരോ അധ്യായത്തിനും ആ ഞായറാഴ്ചയിലെ സുവിശേഷഭാഗത്തിന്റെ പ്രധാന സന്ദേശം തലക്കെട്ടായി കൊടുത്തിരിക്കുന്നു.

ആധുനിക ക്രിസ്തീയ ആത്മീയതയുടെ വക്താക്കളായ തോമസ് മോര്‍ട്ടന്‍, ഹെന്‍റി നോവന്‍, മദര്‍ തെരേസ, പോപ്പ് ജോണ്‍ പോള്‍ രണ്ടാമന്‍, പോപ്പ് ബനഡിക്ട് പതിനാറാമന്‍, ആര്‍ച്ച് ബിഷപ്പ് ഷീന്‍ എന്നിവരുടെ ആശയങ്ങളും ഉദ്ധരണികളും ഈ പ്രസംഗങ്ങളെ ധന്യമാക്കിയിരിക്കുന്നു.

സെന്റ് ജോണ്‍ ബാപ്റ്റിസ്റ്റില്‍ തുടങ്ങി ക്രിസ്തു രാജത്വത്തിനുള്ളില്‍ വന്നവസാനിക്കുന്നതാണ് ഇതിലെ ഉള്ളടക്കം.

ഇതിന്റെ പ്രത്യേകത ചുരുങ്ങിയ വാക്കുകളില്‍ സുവിശേഷഭാഗം ഭംഗിയായി അവതരിപ്പിക്കുന്നു എന്നുള്ളതാണ്. ഇംഗ്ലീഷില്‍ വിരചിതമായ ഈ പ്രസംഗങ്ങള്‍ വിദേശങ്ങളിലുള്ള യുവതലമുറയ്ക്ക് ഉപയോഗപ്രദമാകും. St. Pauls Book Store, Cochi, MT St.

ജോയിച്ചന്‍ പുതുക്കുളം

നവ മാധ്യമങ്ങളിൽ തരംഗമായി ‘നൊമ്പരമെഴുതിയ മഴയേ’ ഗാനം

വെള്ളപ്പൊക്കത്തിൽ ദുരിതമനുഭവിക്കുന്നവർക്ക് പ്രചോദനവുമായി കെ എസ് ചിത്രയും ഹരിഹരനും ചേർന്നാലപിച്ച ഗാനത്തിന്റെ ദൃശ്യാവിഷ്കാരം ഏറ്റെടുത്ത് സോഷ്യൽ മീഡിയ. കേരളാ ആർട് ലവേഴ്സിന്റെ നേതൃത്വത്തിൽ ഒരു കൂട്ടം കലാകാരന്മാർ ചേർന്ന് പുറത്തിറക്കിയ വീഡിയോ ദിവസങ്ങൾക്കുള്ളിൽ വൈറലായി മാറിയിരിക്കുന്നു. മുഖ്യമന്ത്രി പിണറായി വിജയൻ തന്റെ ഫേയ്സ്ബുക്ക് പേജിലൂടെ വീഡിയോ പോസ്റ്റു ചെയ്യുകയും പിന്നണി പ്രവർത്തകരെ പ്രകീർത്തിക്കുകയും ചെയ്തിട്ടുണ്ട്.

പ്രളയത്തിലാണ്ട് പതറിപ്പോകാതെ ഉയിർത്തെഴുന്നേൽക്കുന്ന നാടിന്റെ പുനർരചനയ്ക്കായി പ്രിയപ്പെട്ട കലാകാരന്മാർ ഒത്തുചേർന്ന ഈ ഗാനം ഊർജ്ജം പകരട്ടേയെന്നും മുഖ്യമന്ത്രി ആശംസിക്കുന്നു. നവ കേരളം പടുത്തുയർത്താനായി നമുക്ക് ഒന്നായി അണിചേരാമെന്ന സന്ദേശത്തോടെയാണ് അദ്ദേഹം ഗാനം അവതരിപ്പിക്കുന്നത്.

നമ്മളെല്ലാം കൂടി ഇറങ്ങുകയല്ലേ എന്ന മുഖ്യമന്ത്രിയുടെ ചോദ്യത്തിന് കലാകാരന്മാരെന്ന നിലയിൽ ക്രിയാത്മകമായി എന്തു ചെയ്യാൻ കഴിയും എന്ന ചിന്തയിൽ നിന്നാണ് ഈ ഗാനം പിറവി കൊള്ളുന്നതെന്ന് അണിയറക്കാർ പറയുന്നു.

മുഖ്യമന്ത്രിയ്ക്ക് പിന്നാലെ വീഡിയോയ്ക്ക് ആശംസകളർപ്പിച്ചും ഐക്യദാർഢ്യം പ്രഖ്യാപിച്ചും ഓസ്കാർ ജേതാവ് റസൂൽ പൂക്കുട്ടി, സംവിധായകൻ വി കെ പ്രകാശ്, യുവ നടൻ ഗോവിന്ദ് പത്മ സൂര്യ തുടങ്ങിയവർ എത്തിയിരുന്നു. സംഗീത സിനിമാ മേഖലയിൽ പ്രവർത്തിക്കുന്ന ഒട്ടേറെ കലാകാരന്മാർ വീഡിയോയിൽ അണിനിരക്കുന്നുണ്ട്.

പത്രപ്രവർത്തകനായ ജോയി തമലത്തിന്റെ വരികൾക്ക് യുവ സംഗീത സംവിധായകൻ റോണി റാഫേലാമാണ് ഈണം നല്കിയത്. ആശയം അഭിരാം കൃഷ്ണൻ.സംവിധാനം സുബാഷ് അഞ്ചൽ.എഡിറ്റിംഗ് വിഷ്ണു കല്യാണി.നിർമ്മാണം ലാലു ജോസഫും നിർമ്മാണ നിർവഹണം പ്രവീൺ കുമാറുമാണ്.

എല്ലാ ഡിജിറ്റൽ പ്ളാറ്റ്ഫോമുകളിലും ഈ ഗാനം ലഭ്യമാണ്.

https://m.facebook.com/story.php?story_fbid=276362146334339&id=539381006153734

https://www.facebook.com/PinarayiVijayan/

സന്നദ്ധ സേവകർക്ക് നന്ദിയുമായി മലയാളത്തിന്റെ വാനമ്പാടി

സംസ്ഥാനത്ത് ഭുരിതാശ്വാസ ക്യാമ്പുകളിൽ എത്തിക്കുവാനുള്ള വിഭവ സമാഹരണം നടത്തിയ തിരുവനന്തപുരത്തെ കോട്ടൺഹിൽ ഹൈസ്കൂളിൽ സന്നദ്ധ സേവനം നടത്തിവന്ന നൂറു കണക്കിന് ചെറുപ്പക്കാർക്ക് നന്ദി പറഞ്ഞ് മലയാളത്തിന്റെ വാനമ്പാടി കെ എസ് ചിത്ര എത്തി. പിന്നണി ഗായകരായ അൻവർ സാദത്ത്, രാജലക്ഷ്മി എന്നിവരും കെ എസ് ചിത്രക്കൊപ്പം ക്യാമ്പിൽ എത്തി. വിതരണത്തിനായി കൊണ്ടുവന്നശുചീകരണ സാമഗ്രികൾ കൈമാറുകയും ചെയ്തു. അസിസ്റ്റൻറ് കലക്ടർ പ്രിയങ്ക ഐഎഎസിന്റെ അഭ്യർത്ഥന മാനിച്ച് കോട്ടൺഹിൽ സ്കൂളിൽ നിന്നു് ചെങ്ങന്നൂരിലെ ദുരിതാശ്വാസ ക്യാമ്പിലേക്ക് പുറപ്പെട്ട അവസാന ലോറിക്ക് അവർ പച്ചക്കൊടി കാട്ടി. മറ്റു ഗായകർ ഒപ്പം ചേർന്ന് സന്നദ്ധ സേവകർക്കായി ഗാനങ്ങളും ആലപിച്ചു. നേരത്തേ മുഖ്യമന്ത്രിയുടെ ദുരിതാശ്വാസ നിധിയിലേക്ക് കെ എസ് ചിത്ര രണ്ടു ലക്ഷം രൂപ സംഭാവന നല്കിയിരുന്നു. കേരളാ ആർട് ലവേഴ്സ് അസോസിയേഷൻ (കല), മറ്റ് സംഗീത സന്നദ്ധ സംഘടകളുമായി ചേർന്ന് നടത്തി വരുന്ന ‘സാന്ത്വന സംഗീതം ‘ പരിപാടിയുമായി തിരുവോണ നാളിൽ ആലപ്പുഴയിലെ ദുരിതാശ്വാസ ക്യാമ്പുകൾ സന്ദർശിക്കും എന്ന് കലയുടെ ഭാരവാഹികൾ അറിയിച്ചു. ധനമന്ത്രി ഡോ:ടി എം തോമസ് ഐസക്കിന്റെ ആവശ്യപ്രകാരം കലയുടെ നേതൃത്വത്തിൽ സംസ്ഥാനത്തിന്റെ വിവിധ ഭാഗങ്ങളിലുള്ള ഗായകരും സംഗീതജ്ഞരും ആലപ്പുഴ ജില്ലയിലെ ദുരിതാശ്വാസ ക്യാമ്പുകളിൽ ആഗസ്റ്റ് 21 മുതൽ പ്രതിഫലം വാങ്ങാതെ കലാപരിപാടികൾ അവതരിപ്പിച്ചു വരികയാണ്.

ലാലു ജോസഫ്

കേരളീയരുടെ പോരാട്ടവീര്യത്തിന് പ്രധാനമന്ത്രിയുടെ അഭിവാദ്യം

കൊച്ചി: കേരളജനതയുടെ പോരാട്ട വീര്യത്തെ പ്രധാനമന്ത്രി പ്രശംസിച്ചു, അഭിവാദ്യം അര്‍പ്പിച്ചു. ലോക രാജ്യങ്ങളുള്‍പ്പെടെ ഈ നിര്‍ണായക നിമിഷത്തില്‍ കേരളത്തിനൊപ്പം നില്‍ക്കുമ്പോള്‍ ആവശ്യമായ എല്ലാ സഹായവും നല്‍കുമെന്ന് പ്രധാനമന്ത്രി നരേന്ദ്ര മോദി അറിയിച്ചു.

പ്രധാനമന്ത്രി ട്വിറ്ററില്‍ കുറിച്ചു:

”വെള്ളപ്പൊക്ക ദുരിതത്തില്‍ ജീവന്‍ വെടിഞ്ഞവരുടെ ബന്ധുക്കള്‍ക്കൊപ്പമാണ് എന്റെ മനസ്. പരിക്കേറ്റവര്‍ക്ക് അതിവേഗം സുഖം പ്രാപിക്കട്ടെ എന്ന് ആശംസിക്കുന്നു.

കേന്ദ്രം കേരളത്തിന് സാധ്യമായ സഹായങ്ങളെല്ലാം നല്‍കുന്നു. ഇതില്‍ സാമ്പത്തിക സഹായമുണ്ട്, മരുന്ന്, ഭക്ഷണം തുടങ്ങിയവയുള്‍പ്പെടെയുണ്ട്. ദേശീയ പാത അതോറിറ്റിക്കും എന്‍ടിപിസിക്കും മറ്റും അടിസ്ഥാന സൗകര്യ വികസനമുള്‍പ്പെടെ ലഭ്യമാക്കാന്‍ നിര്‍ദ്ദേശം നല്‍കി.

എന്‍ഡിആര്‍എഫ്, ബിഎസ്എഫ്, സിഐഎസ്എഫ്, ആര്‍എഎഫ് വിഭാഗങ്ങള്‍ പ്രവര്‍ത്തന സജ്ജരായി സംസ്ഥാനത്തുണ്ട്. വ്യോമസേന, കരസേന, നാവിക സേന, കോസ്റ്റല്‍ ഗാര്‍ഡ് മേല്‍നോട്ടം വഹിക്കുന്നു.”

അടിയന്തരമായി സംസ്ഥാനത്തിനു വേണ്ടുന്ന ഏഴുകാര്യങ്ങള്‍ക്ക് തീരുമാനമെടുത്താണ് പ്രധാനമന്ത്രി നരേന്ദ്ര മോദി കേരളത്തില്‍നിന്ന് മടങ്ങിയത്.

1. സമയബന്ധിതമായി ഇന്‍ഷുറന്‍സ് നഷ്ടപരിഹാരങ്ങള്‍ നല്‍കാന്‍ ഇന്‍ഷുറന്‍സ് കമ്പനികളോട് പ്രത്യേക ക്യാമ്പുകളും മറ്റും നടത്തി അതിവേഗ നഷ്ടപരിഹാരം ലഭ്യമാക്കാന്‍ കമ്പനികളോട് നിര്‍ദ്ദേശിച്ചു.

2. കാര്‍ഷിക ഇന്‍ഷുറന്‍സ് പദ്ധതിയായ ഫസല്‍ ബീമാ യോജനയില്‍ അംഗങ്ങളായ കര്‍ഷകര്‍ക്ക് കാര്‍ഷിക സഹായം എത്രയും വേഗം നല്‍കാന്‍ അധികൃതര്‍ക്ക് നിര്‍ദ്ദേശംനല്‍കി.

3. ദേശീയ പാതകള്‍ അറ്റകുറ്റപ്പണി എത്രയും വേഗം ചെയ്യാന്‍ നാഷണല്‍ ഹൈവേ അതോറിറ്റിയോട് നിര്‍ദ്ദേശിച്ചു.

4. വൈദ്യുതി വിതരണ സംവിധാനങ്ങള്‍ പുനസ്ഥാപിക്കാന്‍ കേന്ദ്ര പൊതുമേഖലാ സ്ഥാപനങ്ങളായ എന്‍ടിപിസി, പിജിസിഐഎല്‍ തുടങ്ങിയവയോട് സംസ്ഥാന സര്‍ക്കാരിന് നല്‍കാവുന്ന പരമാവധി സഹായങ്ങള്‍ ചെയ്യാന്‍ നിര്‍ദ്ദേശിച്ചു.

5. ഗ്രാമങ്ങളിലെ തകര്‍ന്ന താല്‍ക്കാലിക വീടുകള്‍ പുനര്‍ നിര്‍മ്മിക്കാന്‍ പ്രധാനമന്ത്രിയുടെ പാര്‍പ്പിട പദ്ധതിയില്‍ മുന്‍ഗണന കൊടുക്കാന്‍ നിര്‍ദ്ദേശിച്ചു.

6. മഹാത്മാഗാന്ധി ഗ്രാമീണ തൊഴിലുറപ്പു പദ്ധതിയില്‍ പെടുത്തി കേരള പുനര്‍ നിര്‍മാണത്തിന് അഞ്ചരക്കോടി തൊഴില്‍ ദിനങ്ങള്‍ക്ക് സഹായം നല്‍കാന്‍ തീരുമാനിച്ചു.

7. ഹോര്‍ട്ടി കള്‍ചര്‍ സംയേജിത വികസന പദ്ധതിയില്‍ പെടുത്തി കര്‍ഷകര്‍ക്ക് നശിച്ചുപോയ വിളകളുടെ പുനഃകൃഷിക്ക് ധന സഹായം നല്‍കും.

വെള്ളപ്പൊക്ക ദുരിത്വാശ്വസ കൈത്താങ്ങുമായി ഫോമ കേരള ഗ്രാമങ്ങളില്‍

പെരിങ്ങര: ലോകത്തിലെ പ്രവാസി മലയാളി സംഘടനയിലെ പ്രമുഖ സംഘടനയായ ഫെഡറേഷന്‍ ഓഫ് മലയാളി അസോസിയേഷന്‍ ഓഫ് അമേരിക്കാസ് (ഫോമ) വെള്ളപ്പൊക്ക ദുരിതമനുഭവിക്കുന്ന അപ്പര്‍ കുട്ടനാട് നിവാസികള്‍ക്ക് കൈത്താങ്ങായി പെരിങ്ങര, നിരണം പഞ്ചായത്ത് കമ്മിറ്റിയോട് ചേര്‍ന്ന് നിന്നും കൊണ്ട് ഭക്ഷ്യധ്യാനകറ്റുകള്‍ വിതരണം ചെയ്തു. വിതരണ ഉദ്ഘാടനം പെരിങ്ങര ഗ്രാമപഞ്ചായത്ത് പ്രസിഡന്റ് ഏലിയാമ്മ തോമസിന്റെ അദ്ധ്യക്ഷതയില്‍ കൂടിയ യോഗത്തില്‍ പത്തനംതിട്ട സബ് കലക്ടര്‍ വീനിത് റ്റി .കെയും ഫോമ പ്രസിഡന്റ് ഫിലിപ്പ് ചാമത്തില്‍ ,ജോയിന്റ് സെക്രട്ടറി സാജു ജോസഫ് ജോയിന്റ് ട്രഷര്‍ ജെയിന്റ് മാത്യു കണ്ണച്ചാപ്പറമ്പില്‍ എന്നിവര്‍ ചേര്‍ന്ന നിര്‍വഹിച്ചു. തിരുവല്ല മുന്‍സിപ്പല്‍ ചെയര്‍മാന്‍ കെ. വി വര്‍ഗീസും പഞ്ചായത്തു മെമ്പര്‍ ആനി എബ്രഹാം അഡ്വ. ബിനു വി ഈപ്പന്‍, പാസ്റ്റര്‍ കെ. ജോണിക്കുട്ടി എന്നിവര്‍ ആശംസകള്‍ അര്‍പ്പിച്ചു സംസാരിച്ചു. നാല് സെന്ററുകളിലായി 600 ലധികം ഭക്ഷ്യധാന്യകിറ്റുകള്‍ വിതരണം ചെയ്തു. നിരണം പഞ്ചായത്തിലെ പ്രസിഡന്റ് ലത പ്രസാദിന്റെ നേതൃത്വത്തിലുള്ള പഞ്ചായത്ത് കമ്മിറ്റി അംഗങ്ങള്‍ നിരണം പഞ്ചായത്തിലെ ഭക്ഷ്യധാന്യകിറ്റുകളുടെ വിതരണത്തിനു നേതൃത്വം നല്‍കി.

പുതിയതായി പ്രവര്‍ത്തനം ആരംഭിച്ച പ്രസിഡന്റ് ഫിലിപ്പ് ചാമത്തിന്റെ നേതൃത്വത്തിലുള്ള ഫോമ കമ്മിറ്റിയുടെ കേരളത്തിലെ ചാരിറ്റിയുടെ തുടക്കാമായിരുന്ന മറ്റു വെള്ളപ്പൊക്ക മേഖലകള്‍ സമ്പര്‍ശിക്കുകയും അവര്‍ക്ക് അടയന്തമായി കിട്ടേമെഡിക്കല്‍ ഉള്‍പ്പെടെയുള്ള സഹായങ്ങള്‍ എത്തിക്കാമെന്ന് ഫോമ പ്രസിഡന്റ് ഫിലിപ്പ്, ചാമത്തില്‍ ഭാരവാഹികളായ സാജു ജോസഫ്, ജെയിന്‍ മാത്യു എന്നിവര്‍ അറിയിച്ചു. ദുരിത്വാശ്വസക്വാമ്പുകളില്‍ എത്തിപ്പെടാന്‍ സാധിക്കാതെ വളരെയധികം ആള്‍ക്കാര്‍ റോഡിന്റെ അരികിലും മറ്റു താല്‍ക്കാലിക ഷെഡുകള്‍ സ്ഥാപിച്ച് താമസിക്കുന്നവരുടെ ദുരിതം ഫോമ ടീം നേരില്‍ കു മനസ്സിലാക്കി അവരുമായി ആശയവിനിമയം നടത്തുകയും ചെയ്തു. ക്യാമ്പുകളില്‍ കഴിയുന്നവര്‍ക്കുമാത്രമായി ഗവണ്‍മെന്റ് സഹായം പരിമിതപ്പെടുമ്പോള്‍ ഇതുപോലെ ഷെഡുകളിലും തുരുത്ത്കളിലും ഒറ്റപ്പെട്ട് ദുരിതമനുഭവിക്കുന്നവര്‍ക്ക് ഫോമ ഭക്ഷ്യധാന്യ കിറ്റുകള്‍ വലിയൊരു അനുഗ്രഹമായി കേരളത്തിലുായ വെള്ളപ്പൊക്ക ദുരിതത്തില്‍ സഹായമത്തിക്കാന്‍ ഏക മനസ്സോടെ പ്രവര്‍ത്തിച്ച് അമേരിക്കയിലും കാനഡയിലുമുള്ള മലയാളി സമുഹത്തിന് ഫോമ പ്രസിഡന്റ് ഫിലിപ്പ് ചാമത്തില്‍ സെക്രട്ടറി ജോസ് എബ്രഹാം ട്രഷര്‍ ഷിനു ജോസ്ഫ് വൈസ് പ്രസിഡന്റ് ജോസ് മാത്യൂ ജോയിന്റ് സെക്രട്ടറ് സാജു ജോസഫ് ജോയിന്റ് ട്രഷര്‍ ജെയിന്‍മാത്യൂ. കണ്ണച്ചാപ്പറമ്പില്‍ നന്ദി രേഖപ്പടുത്തുകയും തുടര്‍ന്നുള്ള പ്രവര്‍ത്തനങ്ങള്‍ക്ക് എല്ലാ വിധ സഹായസഹകരണങ്ങള്‍ അഭ്യര്‍ത്ഥിക്കുകയും ചെയ്യുന്നു.

ജോയിച്ചന്‍ പുതുക്കുളം

ഫെഡലറിസം: കേന്ദ്രഫണ്ട് ധൂര്‍ത്തടിക്കാനുള്ള ലൈസന്‍സ് അല്ല-ഒ രാജഗോപാല്‍

തിരുവന്തനപുരം: കേന്ദ്ര സര്‍ക്കാര്‍ നല്‍കുന്ന പണം ധൂര്‍ത്തടിക്കാനുള്ള അവകാശമായി ഫെഡറലിസത്തെ കാണരുതെന്ന് ഒ രാജഗോപാല്‍ എംഎല്‍എ. അനുവദിച്ച പണം സംസ്ഥാനം എന്തു ചെയ്തു എന്ന് ചോദിക്കാനും അറിയാനുമുള്ള അവകാശം കേന്ദ്രത്തിനുണ്ട്. ഉദ്ദേശിച്ച കാര്യത്തിനായിട്ടാണ് പണം ചെലവഴിക്കുന്നത് എന്ന ഉറപ്പാക്കേണ്ട ചുമതലയും ഉണ്ട്. അത് ഉറപ്പുവരുത്താന്‍ ശ്രമിക്കുമ്പോള്‍ ഫെഡലറിസം അട്ടിമറിക്കുന്ന എന്നു വ്യാഖ്യാനിക്കുന്നത് അംഗീകരിക്കാനാവില്ല. പട്ടികജാതി പട്ടിക വര്‍ഗ്ഗ ഫണ്ട് ഉള്‍പ്പെടെ വകമാറ്റി ചെലവിടുന്ന സംസ്ഥാനമാണ് കേരളം.
ഭാവനാപൂര്‍ണമായ പദ്ധതികള്‍ ആസൂത്രണംചെയ്യാനും ആവിഷ്‌കരിക്കാനും സംസ്ഥാനങ്ങള്‍ക്കുള്ള അവകാശം ഉണ്ട്. അവയ്ക്കുവേണ്ട സാമ്പത്തികസഹായം ഉറപ്പുവരുത്താന്‍ കേന്ദ്രത്തിനു കഴിയണം. എന്നാല്‍ നല്‍കിയ പണം എങ്ങനെ ഉപയോഗിച്ചു എന്ന് തിരക്കിയാല്‍ ഫെഡറലിസം തകരുമെന്ന മുഖ്യമന്ത്രിയുടെ വാദം അദ്ദേഹത്തിന് ഫെഡറലിസം എന്തെന്ന് അറിയില്ല എന്നതിന്റെ തെളിവാണ്. രാജഗോപാല്‍ പ്രസ്താവനയില്‍ പറഞ്ഞു.

മന്ത്രിമാര്‍ ഉള്‍പ്പെട്ട കേന്ദ്ര സംഘം വന്ന പോയിട്ടും മുഖ്യമന്ത്രി മഴ ബാധിത പ്രദേശങ്ങളിലേക്ക് തിരിഞ്ഞു നോക്കാത്തത് അപലപനീയമാണെന്നും രാജഗോപാല്‍ കുറ്റപ്പെടുത്തി.

അന്ത്യോദയ എക്സ്പ്രസ്സിന് സ്വീകരണം നൽകി

കാസറഗോഡ് : ഗാന്ധിയൻ രീതിയിലുള്ള നിരാഹാര സമരവും, ചങ്ങല വലിച്ച് നിർത്തിയുള്ള സമരവും, റെയിൽവേ സ്റ്റേഷൻ മാർച്ചും, കുത്തിയിരിപ്പ് സമരവും കൊണ്ട് നേടിയെടുത്ത വിജയാഘോഷം അലയടിക്കുകയായിരുന്നു ഇന്ന് രാവിലെ കാസറഗോഡ് റെയിൽവെ സ്റ്റേഷനിൽ. സമരത്തിന്റെ മുന്നണി പോരാളികളായ എൻ.എ.നെല്ലിക്കുന്ന് എം.എൽ.എ., പ്രവാസി കോൺഗ്രസ്സ് ജില്ലാ പ്രസിഡണ്ട് പത്മരാജൻ ഐങ്ങോത്ത്, യൂത്ത് കോൺഗ്രസ്സ് പ്രസിഡണ്ട് സാജിദ് മൗവ്വൽ തുടങ്ങിയ നേതാക്കൾ ട്രെയിൻ ഡ്രൈവറെയും, സഹായിയെയും മാലയണിയിച്ചാണ് സ്വീകരിച്ചത്.

ട്രെയിനിനെ സ്വീകരിച്ച പ്രവാസി കോൺഗ്രസ്സ് പ്രവർത്തകർ പ്രകടനമായി നീങ്ങി പ്രസിഡണ്ട് പത്മരാജൻ ഐങ്ങോത്ത് നിരാഹ സമരമിരുന്ന സമരപന്തലിനരികിൽ സമര വിജയത്തിന്റെ ഓർമ്മയ്ക്കാക്കായി മാവിൻ തൈയും നട്ടു പിടിപ്പിച്ചു.

ഡി സി സി പ്രസിഡണ്ട് ഹക്കീം കുന്നിൽ, പ്രവാസി കോൺഗ്രസ്സ് ജില്ലാ പ്രസിഡണ്ട് പത്മരാജൻ ഐeങ്ങാത്ത്, ഡിസിസി സെക്രട്ടറി കരുൺ താപ്പ, നാം ഹനീഫ, കണ്ണൻ കരുവാക്കോട്, നിധീഷ് കാഞ്ഞങ്ങാട് സൗത്ത്, റസാഖ് മുട്ടുന്തല, ഇസ്മായിൽ ചിത്താരി തുടങ്ങിയവർ സംസാരിച്ചു.

കമ്മ്യൂണിസ്റ്റുകളെ വേരോടെ പിഴുതെറിയണം : അമിത്ഷാ

തിരുവനന്തപുരം : അക്രമരാഷ്ട്രീയത്തിന്റെ വക്താക്കളായ കമ്മ്യൂണിസ്റ്റുകളെ കേരള മണ്ണില്‍ നിന്നും വേരോടെ പിഴുതെറിയണമെന്ന് ബിജെപി ദേശീയ അധ്യക്ഷന്‍ അമിത്ഷാ. ബിജെപി പ്രവര്‍ത്തകര്‍ വീഴ്ത്തിയ ചോരയ്ക്ക് എങ്കിലേ സമാധാനമാകൂ. ത്രിപുരയിലും ബംഗാളിലും ഇത് സാധ്യമായി. കേരളത്തില്‍ അസാധ്യമല്ല. തെക്കന്‍ ജില്ലകളിലെ ആറ് പാര്‍ലമെന്റ് മണ്ഡലങ്ങളിലെ ബൂത്ത് ഭാരവാഹികളുടെ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ആശയത്തിന്റെയോ ആദര്‍ശത്തിന്റെയോ പേരിലുള്ള കൊലപാതകമല്ല കേരളത്തില്‍ നടക്കുന്നത്. സര്‍ക്കാര്‍ പിന്തുണയുള്ള ക്രൂരതയാണ്. ഇതിന് മുഖ്യമന്ത്രി മറുപടി പറയണം. ഇവിടുത്തെ കൊലപാതക രാഷ്ട്രീയത്തോടെ ബിജെപി പ്രതികരിച്ചത് ജനാധിപത്യ മാര്‍ഗ്ഗത്തിലാണ്. കേരളത്തില്‍ ജാഥ നടത്തിയതും ദല്‍ഹിയില്‍ പ്രകടനം നടത്തിയതുമൊക്കെ ജനാധിപത്യ രീതിയില്‍ തന്നെ.

അക്രമത്തിലല്ല, വികസനത്തിലാണ് ബിജെപി വിശ്വസിക്കുന്നത്. കേരള സര്‍ക്കാരിന് മോദി സര്‍ക്കാര്‍ എല്ലാവിധ സഹായവും ചെയ്യുന്നതും വികസനത്തിനുവേണ്ടിയാണ്. എന്നാല്‍ രാഷ്ട്രീയ കാരണങ്ങളാല്‍ വേണ്ടവിധത്തില്‍ പ്രയോജനപ്പെടുത്താന്‍ സംസ്ഥാനത്തിനാകുന്നില്ല. വര്‍ഷങ്ങള്‍ക്കുമുമ്പ് പ്രഖ്യാപിച്ച എയിംസും പാലക്കാട് ഐഐടിയും കഞ്ചിക്കോട് റെയില്‍വേ കോച്ച് ഫാക്ടറിയുമൊക്കെ യാഥാര്‍ത്ഥ്യമാകാത്തത് സംസ്ഥാനം ഭരിച്ചവരുടെ കഴിവുകേടാണ്. ദേശീയപാതയുടെ വികസനം ഇഴയുന്നതും രാഷ്ട്രീയ കാരണങ്ങള്‍ കൊണ്ടുതന്നെ.

പാവങ്ങളുടെ ഉന്നമനത്തിനായി പ്രവര്‍ത്തിക്കുന്ന സര്‍ക്കാരാണ് കേന്ദ്രത്തിലേത്. പന്ത്രണ്ട് ലക്ഷം കോടിയുടെ അഴിമതിയുമായിട്ടാണ് യുപിഎ സര്‍ക്കാര്‍ ഭരണം വിട്ടത്. ബിജെപി സര്‍ക്കാര്‍ അധികാരത്തില്‍ വന്ന് നാലുവര്‍ഷം പിന്നിട്ടിട്ട് എതിരാളികള്‍ക്കുപോലും ഒരു അഴിമതിയും ഉന്നയിക്കാനായിട്ടില്ല. പ്രധാനമന്ത്രി നരേന്ദ്രമോദിക്ക് ലോകരാഷ്ട്രങ്ങളില്‍ ലഭിക്കുന്ന സ്വീകരണം അദ്ദേഹത്തിനോ ബിജെപിക്കോ കിട്ടുന്നതല്ല. അത് ഭാരതത്തിലെ 130 കോടി ജനങ്ങള്‍ക്ക് കിട്ടുന്ന സ്വീകാര്യതയാണ്.

ബിജെപി പ്രവര്‍ത്തകരുടെ പാര്‍ട്ടിയാണ് നേതാക്കളുടെ വ്യക്തി പ്രഭാവത്തില്‍ പ്രവര്‍ത്തിക്കുന്ന പ്രസ്ഥാനമല്ല. പത്തുപേരുമായി തുടങ്ങി ഇപ്പോള്‍ പതിനൊന്നുകോടി അംഗങ്ങളുമായി ലോകത്തെ ഏറ്റവും വലിയ രാഷ്ട്രീയ പാര്‍ട്ടിയായി ബിജെപി മാറിയതിനുപിന്നിലെ ശക്തിയും പ്രവര്‍ത്തകരാണ്. കേരളത്തില്‍ മാറി മാറി ഭരിക്കുന്ന ഇടത് വലത് മുന്നണികളെ പരാജയപ്പെടുത്താന്‍ പ്രവര്‍ത്തകര്‍ക്ക് സാധിക്കുമെന്നും അമിത്ഷാ പറഞ്ഞു.
കേരളത്തിന് മോദിസര്‍ക്കാര്‍ നല്‍കിയ സാമ്പത്തിക സഹായങ്ങളുടെ പട്ടിക നിരത്തിയായിരുന്നു അമിത്ഷായുടെ പ്രസംഗം.

കമ്മ്യൂണിസ്റ്റുകളെ വേരോടെ പിഴുതെറിയണം : അമിത്ഷാ
തിരുവനന്തപുരം : അക്രമരാഷ്ട്രീയത്തിന്റെ വക്താക്കളായ കമ്മ്യൂണിസ്റ്റുകളെ കേരള മണ്ണില്‍ നിന്നും വേരോടെ പിഴുതെറിയണമെന്ന് ബിജെപി ദേശീയ അധ്യക്ഷന്‍ അമിത്ഷാ. ബിജെപി പ്രവര്‍ത്തകര്‍ വീഴ്ത്തിയ ചോരയ്ക്ക് എങ്കിലേ സമാധാനമാകൂ. ത്രിപുരയിലും ബംഗാളിലും ഇത് സാധ്യമായി. കേരളത്തില്‍ അസാധ്യമല്ല. തെക്കന്‍ ജില്ലകളിലെ ആറ് പാര്‍ലമെന്റ് മണ്ഡലങ്ങളിലെ ബൂത്ത് ഭാരവാഹികളുടെ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ആശയത്തിന്റെയോ ആദര്‍ശത്തിന്റെയോ പേരിലുള്ള കൊലപാതകമല്ല കേരളത്തില്‍ നടക്കുന്നത്. സര്‍ക്കാര്‍ പിന്തുണയുള്ള ക്രൂരതയാണ്. ഇതിന് മുഖ്യമന്ത്രി മറുപടി പറയണം. ഇവിടുത്തെ കൊലപാതക രാഷ്ട്രീയത്തോടെ ബിജെപി പ്രതികരിച്ചത് ജനാധിപത്യ മാര്‍ഗ്ഗത്തിലാണ്. കേരളത്തില്‍ ജാഥ നടത്തിയതും ദല്‍ഹിയില്‍ പ്രകടനം നടത്തിയതുമൊക്കെ ജനാധിപത്യ രീതിയില്‍ തന്നെ.
അക്രമത്തിലല്ല, വികസനത്തിലാണ് ബിജെപി വിശ്വസിക്കുന്നത്. കേരള സര്‍ക്കാരിന് മോദി സര്‍ക്കാര്‍ എല്ലാവിധ സഹായവും ചെയ്യുന്നതും വികസനത്തിനുവേണ്ടിയാണ്. എന്നാല്‍ രാഷ്ട്രീയ കാരണങ്ങളാല്‍ വേണ്ടവിധത്തില്‍ പ്രയോജനപ്പെടുത്താന്‍ സംസ്ഥാനത്തിനാകുന്നില്ല. വര്‍ഷങ്ങള്‍ക്കുമുമ്പ് പ്രഖ്യാപിച്ച എയിംസും പാലക്കാട് ഐഐടിയും കഞ്ചിക്കോട് റെയില്‍വേ കോച്ച് ഫാക്ടറിയുമൊക്കെ യാഥാര്‍ത്ഥ്യമാകാത്തത് സംസ്ഥാനം ഭരിച്ചവരുടെ കഴിവുകേടാണ്. ദേശീയപാതയുടെ വികസനം ഇഴയുന്നതും രാഷ്ട്രീയ കാരണങ്ങള്‍ കൊണ്ടുതന്നെ.

പാവങ്ങളുടെ ഉന്നമനത്തിനായി പ്രവര്‍ത്തിക്കുന്ന സര്‍ക്കാരാണ് കേന്ദ്രത്തിലേത്. പന്ത്രണ്ട് ലക്ഷം കോടിയുടെ അഴിമതിയുമായിട്ടാണ് യുപിഎ സര്‍ക്കാര്‍ ഭരണം വിട്ടത്. ബിജെപി സര്‍ക്കാര്‍ അധികാരത്തില്‍ വന്ന് നാലുവര്‍ഷം പിന്നിട്ടിട്ട് എതിരാളികള്‍ക്കുപോലും ഒരു അഴിമതിയും ഉന്നയിക്കാനായിട്ടില്ല. പ്രധാനമന്ത്രി നരേന്ദ്രമോദിക്ക് ലോകരാഷ്ട്രങ്ങളില്‍ ലഭിക്കുന്ന സ്വീകരണം അദ്ദേഹത്തിനോ ബിജെപിക്കോ കിട്ടുന്നതല്ല. അത് ഭാരതത്തിലെ 130 കോടി ജനങ്ങള്‍ക്ക് കിട്ടുന്ന സ്വീകാര്യതയാണ്.

ബിജെപി പ്രവര്‍ത്തകരുടെ പാര്‍ട്ടിയാണ് നേതാക്കളുടെ വ്യക്തി പ്രഭാവത്തില്‍ പ്രവര്‍ത്തിക്കുന്ന പ്രസ്ഥാനമല്ല. പത്തുപേരുമായി തുടങ്ങി ഇപ്പോള്‍ പതിനൊന്നുകോടി അംഗങ്ങളുമായി ലോകത്തെ ഏറ്റവും വലിയ രാഷ്ട്രീയ പാര്‍ട്ടിയായി ബിജെപി മാറിയതിനുപിന്നിലെ ശക്തിയും പ്രവര്‍ത്തകരാണ്. കേരളത്തില്‍ മാറി മാറി ഭരിക്കുന്ന ഇടത് വലത് മുന്നണികളെ പരാജയപ്പെടുത്താന്‍ പ്രവര്‍ത്തകര്‍ക്ക് സാധിക്കുമെന്നും അമിത്ഷാ പറഞ്ഞു.
കേരളത്തിന് മോദിസര്‍ക്കാര്‍ നല്‍കിയ സാമ്പത്തിക സഹായങ്ങളുടെ പട്ടിക നിരത്തിയായിരുന്നു അമിത്ഷായുടെ പ്രസംഗം.

കേന്ദ്ര സര്‍ക്കാര്‍ കേരളത്തിനു നല്‍കിയ സഹായത്തിന്റെ കണക്ക് ( അമിത് ഷാ പ്രസംഗത്തില്‍ വിവരിച്ച കണക്ക്)

മുദ്ര ബാങ്ക് വായ്പ

ആകെ വായ്പ ഉപഭോക്താക്കള്‍ : 45 ലക്ഷം
ആകെ വായ്പ ഇതുവരെ നല്കിയത് : 22,000 കോടി
പ്രധാനമന്ത്രി ജന്‍-ധന്‍ യോജന
ജന്‍-ധന്‍ പദ്ധതിയില്‍ ചേര്‍ന്നവര്‍ : 36 ലക്ഷം
സ്ത്രീകള്‍ : 20 ലക്ഷം
ആകെ നിക്ഷേപം : 967 കോടി
ഉജാല പദ്ധതി-എല്‍ഇഡി ബള്‍ബ്
ആകെവിതരണം ചെയ്തത് : 1.51 കോടി
ലാഭിച്ചത് : 787 കോടി പ്രതിവര്‍ഷം
പ്രധാനമന്ത്രി ഉജ്ജ്വല്‍ പദ്ധതി
ആകെ വിതരണം ചെയ്തത് : 78,000 കണക്ഷനുകള്‍
സൗഭാഗ്യപദ്ധതി
ആകെ ലക്ഷ്യം : 1.20 ലക്ഷം വീടുകള്‍
സ്വച്ഛ ഭാരത് അഭിയാന്‍
ആകെ നിര്‍മിച്ച ശൗചാലയം : 2.25 ലക്ഷം
പൊതു ഇട ശൗചാലയം ഗ്രാമങ്ങളില്‍ 2,027

സാഗര്‍മാല പരിപാടി
സംസ്ഥാനത്ത് മൂന്ന് പദ്ധതികള്‍

1.മൂന്ന് വര്‍ഷത്തെ ധന വിഹിതം : 1,07,878 കോടി

2.ഉജ്ജ്വല്‍ പദ്ധതി(സൗജന്യ ഗ്യാസ് കണക്ഷന്‍) : 4,200 കോടി
3.കേന്ദ്രപദ്ധതികള്‍ക്കുള്ള വിഹിതം : 30,171 കോടി

മുദ്രവായ്പ : 22,000 കോടി
കൊച്ചി സ്മാര്‍ട്ട് സിറ്റി : 196 കോടി
അമൃത മിഷന്‍ (9 നഗരങ്ങള്‍) : 1,161 കോടി
ബസുകള്‍ വാങ്ങുന്നതിന് : 75 കോടി
കൊച്ചി മെട്രോ റെയില്‍ പദ്ധതി : 1,257 കോടി
സ്വച്ഛ ഭാരത് മിഷന്‍-(19 നഗരം) : 44 കോടി
ആരോഗ്യ ഇന്‍ഷ്വറന്‍സ് കാര്‍ഡ് : 3 കോടി
പ്രധാനമന്ത്രി കൃഷി സംരക്ഷണ പദ്ധതി : 5 കോടി
മത്സ്യമേഖലയ്ക്ക് : 113 കോടി
പ്രധാനമന്ത്രി ആവാസ് യോജന : 390 കോടി
(83 പദ്ധതികള്‍, 26,571 വീടുകള്‍)
പ്രധാനമന്ത്രി ആവാസ് യോജന : 142 കോടി
(നഗരങ്ങളില്‍ 9,461 വീടുകള്‍)
കണ്ണൂരിലും തൃശൂരിലും മത്സ്യബന്ധന തുറമുഖങ്ങള്‍ : 65 കോടി
വിഴിഞ്ഞം തുറമുഖം : 2,500 കോടി
റെയില്‍വെ വികസനം : 2,220 കോടി
ആകെ : 30,171 കോടി

13-ാം ധനകാര്യകമ്മീഷന്‍ കേരളത്തിന് നല്‍കിയത് 45393 കോടിയാണ്. എങ്കില്‍ 14-ാം കമ്മീഷന്‍ അനുവദിച്ചത് 134,848 കോടി.

കേരളത്തിലെ പെണ്‍കുട്ടികളുടെ ഭാവി ജീവിതം സുരക്ഷിതമാക്കാന്‍ ഫോമ മുന്‍കൈ എടുക്കുന്നു

കോട്ടയം ജില്ലയിലെ രാമപുരം പഞ്ചായത്തില്‍ കേന്ദ്രസര്‍ക്കാരിന്റെ ‘സുകന്യ പദ്ധതി’ നടപ്പാക്കാന്‍ ഫോമയുടെ ധനസഹായം. പെണ്‍കുട്ടികളുടെ സന്തുഷ്ടമായ ഭാവിജീവിതം സുരക്ഷിതമാക്കുന്നതിന് അവരുടെ വിവാഹ ആവശ്യത്തിലേയ്ക്ക് വേണ്ടി ഇന്ത്യ ഗവണ്‍മെന്റ് നടപ്പിലാക്കിയ പദ്ധതിയാണ് ‘സുകന്യ പദ്ധതി’.

10 വയസ്സിന്റെ താഴെ പ്രായമുള്ള പെണ്‍കുട്ടികള്‍ക്ക് അംഗമാകാവുന്ന പദ്ധതിയില്‍ രാജ്യത്ത് ആകമാനം നിരവധി പേര്‍ ഇതിനോടകം ചേര്‍ന്ന് കഴിഞ്ഞു. സുകന്യ പദ്ധതിയില്‍ ചേരുന്നതിന് തുടക്കത്തില്‍ 1000 രൂപാ വീതം ഓരോ മെംമ്പേഴ്‌സും നല്‍കണം. പിന്നീട് 14 വര്‍ഷത്തേയ്ക്ക് എല്ലാ വര്‍ഷവും 1000 രൂപാ വീതം മിനിമം നിക്ഷേപിക്കണം. കേന്ദ്ര സര്‍ക്കാരും തുല്യമായ തുക നിക്ഷേപിക്കും.

21 വര്‍ഷം പൂര്‍ത്തിയാക്കുമ്പോഴോ കുട്ടിയുടെ വിവാഹസമയത്തോ പണം പലിശ സഹിതം ലഭിക്കും. നിക്ഷേപത്തിന് 8.6 ശതമാനം പലിശ ലഭിക്കും. അര്‍ഹരായ 50 പെണ്‍കുട്ടികള്‍ക്കുള്ള വിവാഹസായം എത്തിക്കുകയാണ് ലക്ഷ്യമെന്ന് ഫോമ പ്രസിഡന്റ് ബെന്നി വച്ചാച്ചിറ അറിയിക്കുകയുണ്ടായി.

രാമപുരം എസ്.എച്ച്.ജിഹൈസ്കൂളില്‍ ജോസഫ് വാഴയ്ക്കന്റെ (മുന്‍ എം.എല്‍.എ.) അദ്ധ്യക്ഷതയില്‍ കൂടിയ സമ്മേളനത്തില്‍, രാമപുരം പഞ്ചായത്തിലെ സാമ്പത്തികമായി പിന്നോക്കം നില്‍ക്കുന്ന മുഴുവന്‍ കുട്ടികളേയും ഈ പദ്ധതിയില്‍ ചേര്‍ക്കണമെന്നും, അതിനുവേണ്ടിയുള്ള സാമ്പത്തിക സഹായം 14 വര്‍ഷത്തേയ്ക്ക് ഇവരുടെ മുഴുവന്‍ തുകയും നല്‍കുമെന്നും ഫെഡറേഷന്‍ ഓഫ് മലയാളീ അസ്സോസിയേഷന്‍ ഓഫ് അമേരിക്ക(ഫോമ) വൈസ് പ്രസിഡന്റ് ലാലി കളപുരയ്ക്കല്‍ സമ്മേളനത്തില്‍ വച്ച് വാഗ്ദാനം ചെയ്തു. അതോടൊപ്പം എസ്.എസ്.എല്‍.സി. പരീക്ഷയില്‍ ഏറ്റവും കൂടുതല്‍ മാര്‍ക്ക് വാങ്ങിയ അനഘ മോഹനന്‍ തച്ചു പാറയിലിന്, പതിനായിരം രൂപയുടെ ക്യാഷ് അവാര്‍ഡും ഫോമാ വൈസ് പ്രസിഡന്റ് ലാലി കളപുരയ്ക്കല്‍ നല്‍കുകയുണ്ടായി.

ഫോമയുടെ മുന്‍കാല പ്രവര്‍ത്തനങ്ങളെ നേരിട്ട് കണ്ടറിഞ്ഞ ജോസഫ് വാഴയ്ക്കല്‍(മുന്‍ എം.എല്‍.എ.) ഫോമ ചെയ്തുകൊണ്ടിരിക്കുന്ന ചാരിറ്റി പ്രവര്‍ത്തനങ്ങളെ അതീവമായി പ്രശംസിച്ചു.

ഈ സമ്മേളനത്തില്‍ വെരി റവ.ഡോ.ജോര്‍ജ് ഞാറകുന്നേല്‍ (ഫോറോന വികാരി) ഫോമയുടെ വരുംകാല പ്രവര്‍ത്തനങ്ങള്‍ക്ക് എല്ലാവിധ ഭാവുകങ്ങളും നേര്‍ന്നു.

വരും, കാലങ്ങളിലെ ഭരണസമിതികള്‍ ഈ പ്രോജക്‌ററില്‍ താല്‍പര്യം കാട്ടിയില്ലെങ്കില്‍ താനും തന്റെ നേതൃത്വത്തിലുള്ള സേവന സംഘടന (Helping Hands of Kerala in Newyork) പദ്ധതി തുടങ്ങുമെന്നും ലാലി കളപ്പുരക്കല്‍ അറിയിക്കുകയുണ്ടായി.