യു.എസ്.ഐ.ബി.സി. ബോര്‍ഡ് അംഗങ്ങള്‍ പ്രധാനമന്ത്രി നരേന്ദ്രമോദിയെ സന്ദര്‍ശിച്ചു

ന്യൂഡല്‍ഹി: യുണൈറ്റഡ് സ്റ്റേറ്റ്‌സ് ഇന്ത്യാ ബിസിനസ്സ് കൗണ്‍സില്‍ (യു.എസ്.ഐ.ബി.സി.) ബോര്‍ഡ് അംഗങ്ങള്‍ ന്യൂഡല്‍ഹിയില്‍ ഇന്ന് പ്രധാനമന്ത്രി നരേന്ദ്ര മോദിയെ സന്ദര്‍ശിച്ചു.

മുംബൈയില്‍ ഈ ആഴ്ച ആദ്യം നടന്ന ഇന്ത്യ ഐഡിയ ഫോറത്തിന്റെ ക്വാറത്തില്‍ ഉരിത്തിരിഞ്ഞ നിര്‍ദ്ദേശങ്ങള്‍ അവര്‍ പ്രധാനമന്ത്രിയെ ധരിപ്പിച്ചു. ഇന്ത്യയും, അമേരിക്കയും തമ്മിലുള്ള ഉഭയകക്ഷി വ്യാപാരം 500 ബില്ല്യണ്‍ ഡോളര്‍ എന്ന ലക്ഷ്യം കൈവരിക്കുന്നതിനുള്ള ഒരു മാര്‍ഗ്ഗരേഖ തയ്യാറാക്കുന്നതിനും, തങ്ങളുടെ കോര്‍പ്പറേറ്റ് സാമൂഹ്യ ബാധ്യത പ്രകാരമുള്ള സേവനങ്ങള്‍ ഇന്ത്യയില്‍ അര്‍ത്ഥവത്തായി വ്യാപിപ്പിക്കുന്നതിനുമുള്ള തങ്ങളുടെ ആഗ്രഹം ബിസിനസ്സ് പ്രമുഖര്‍ പ്രകടിപ്പിച്ചു.

കേന്ദ്ര ഗവണ്‍മെന്റ് കൈക്കൊണ്ട് വരുന്ന വിവിധ പരിഷ്‌ക്കാരങ്ങളെ കുറിച്ച് പ്രധാനമന്ത്രി കൗണ്‍സില്‍ അംഗങ്ങളോട് വിശദീകരിച്ചു. ഇന്ത്യയില്‍ അപാരമായ നിക്ഷേപ സാധ്യതകളാണെന്ന് ചൂണ്ടിക്കാട്ടിയ പ്രധാനമന്ത്രി രാജ്യത്തെ തങ്ങളുടെ നിക്ഷേപം വര്‍ദ്ധിപ്പിക്കാന്‍ അമേരിക്കന്‍ നിക്ഷേപകരെ ഉദ്‌ബോധിപ്പിച്ചു. ഇന്ത്യയും അമേരിക്കയും ഒരുപോലെ പങ്കിടുന്ന മൂല്യങ്ങള്‍ പരാമര്‍ശിക്കവെ, ഇരു രാജ്യങ്ങളിലെയും ജനങ്ങള്‍ തമ്മില്‍ കൂടുതല്‍ വിനിമയത്തിനും പ്രധാനമന്ത്രി ആഹ്വാനം ചെയ്തു

നൂറ്റി ഇരുപത്തിയഞ്ചുകോടി ഭാരതീയരും കേരളത്തോടൊപ്പം: നരേന്ദ്ര മോദി

ന്യൂദല്‍ഹി: കേരളത്തിലുണ്ടായ ഭീകരമായ വെള്ളപ്പൊക്കം ജനജീവിതത്തെ വളരെ ഗുരുതരമായ രീതിയില്‍ ബാധിച്ചതായി പ്രധാനമന്ത്രി നരേന്ദ്രമോദി.വിഷമഘട്ടത്തില്‍ രാജ്യം മുഴുവന്‍ കേരളത്തോടൊപ്പമാണുള്ളത്. സ്വന്തക്കാരെ നഷ്ടപ്പെട്ടവരോട് നമുക്ക് സഹാനുഭൂതിയുണ്ട്. നഷ്ടപ്പെട്ട ജീവിതങ്ങള്‍ക്ക് പരിഹാരമുണ്ടാക്കാനാവില്ലെങ്കിലും നൂറ്റി ഇരുപത്തിയഞ്ചുകോടി ഭാരതീയരും ഈ ദുഃഖത്തിന്റെ വേളയില്‍ നിങ്ങളുടെ തോളോടു തോള്‍ ചേര്‍ന്നു നില്‍ക്കുന്നുവെന്ന് ദുഃഖിതരായ കുടുംബങ്ങള്‍ക്ക് ഉറപ്പേകാന്‍ ആഗ്രഹിക്കുന്നു. മന്‍ കി ബാത്തില്‍ പ്രധാനമന്ത്രി പറഞ്ഞു. ഈ പ്രകൃതി ദുരന്തത്തില്‍ മുറിവേറ്റവര്‍ എത്രയും വേഗം ആരോഗ്യം വീണ്ടെടുക്കട്ടെ എന്നു പ്രാര്‍ഥിക്കുന്നു. ജനങ്ങളുടെ ഉത്സാഹവും അദമ്യമായ ധൈര്യവും മൂലം കേരളം ഉയിര്‍ത്തെഴുന്നേല്‍ക്കുമെന്ന് എനിക്കു തികഞ്ഞ വിശ്വാസമുണ്ട്. നരേന്ദ്ര മോദി പറഞ്ഞു.

അപകടങ്ങള്‍ അവശേഷിപ്പിച്ചു പോകുന്ന നാശനഷ്ടങ്ങള്‍ ദുര്‍ഭാഗ്യപൂര്‍ണ്ണമാണ്. എന്നാല്‍ ആപത്ത് നേരത്ത് മനുഷ്യത്വത്തിന്റെ എത്രയോ ദൃശ്യങ്ങള്‍ നമുക്കു കാണാനാകും. എവിടെയാണ് അപകടം ഉണ്ടായത് എങ്കിലും, അത് കേരളത്തിലാണെങ്കിലും ഹിന്ദുസ്ഥാനിലെ മറ്റേതെങ്കിലും സംസ്ഥാനത്താണെങ്കിലും ജില്ലയിലോ പ്രദേശത്തോ ആണെങ്കിലും ജനജീവിതം വീണ്ടും സാധാരണ നിലയിലേക്കത്തുന്നതിനായി കച്ച് മുതല്‍ കാമരൂപ് വരെയും കശ്മീര്‍ മുതല്‍ കന്യാകുമാരിവരെയും എല്ലാവരും തങ്ങളുടേതായ നിലയില്‍ എന്തെങ്കിലുമൊക്കെ ചെയ്യുന്നുണ്ട്. എല്ലാ പ്രായത്തിലുമുള്ളവരും എല്ലാ കര്‍മ്മമേഖലയിലുമുള്ളവരും തങ്ങളുടേതായ പങ്കു വഹിക്കുന്നുണ്ട്. കേരളത്തിലെ ജനങ്ങളുടെ കഷ്ടപ്പാട് ഏറ്റവും ലഘൂകരിക്കാനും, അവരുടെ ദുഃഖം പങ്കുവയ്ക്കാനും എല്ലാവരും തങ്ങളുടെ പങ്ക് ഉറപ്പാക്കുന്നുണ്ട്. സായുധസേനയിലെ ജവാ•ാര്‍ കേരളത്തില്‍ നടക്കുന്ന രക്ഷാപ്രവര്‍ത്തനങ്ങളില്‍ നേതൃത്വം വഹിക്കുന്നതായി നമുക്കറിയാം. അവര്‍ വെള്ളപ്പൊക്കത്തില്‍ പെട്ട ആളുകളെ രക്ഷിക്കുന്നതിന് പരമാവധി ശ്രമിച്ചു. വായുസേനയാണെങ്കിലും നാവികസേനയാണെങ്കിലും കരസേനയാണെങ്കിലും, ബി.എസ്.എഫ്, സി.ഐ.എസ്.എഫ്, ആര്‍.എ.എഫും ഒക്കെ രക്ഷാ പ്രവര്‍ത്തനങ്ങളില്‍ വളരെ വലിയ പങ്കാണു വഹിച്ചത്. എന്‍.ഡി.ആര്‍.എഫ് ജവാ•ാരുടെ കഠിന പരിശ്രമത്തെക്കുറിച്ചും എടുത്തു പറയാനാഗ്രഹിക്കുന്നു. ഈ ആപല്‍ഘട്ടത്തില്‍ അവര്‍ വളരെ മഹത്തായ കാര്യമാണു ചെയ്തത്.

എന്‍.ഡി.ആര്‍.എഫിന്റെ കഴിവും അവരുടെ സമര്‍പ്പണവും ത്വരിതഗതിയില്‍ തീരുമാനമെടുക്കേണ്ട സന്ദര്‍ഭങ്ങളെ നേരിടുന്നതിനുള്ള ശ്രമവും എല്ലാ ഭാരതീയരെയും സംബന്ധിച്ചിടത്തോളം അവരെ ആദരവിന്റെ മൂര്‍ത്തികളായി മാറിയിരിക്കുന്നു. ഇന്നലെ ഓണാഘോഷമായിരുന്നു. ഓണം രാജ്യത്തിന,് വിശേഷിച്ച് കേരളത്തിന് ഈ ആപത്തില്‍ നിന്ന് എത്രയും വേഗം കര കയറാനും കേരളത്തിന്റെ വികസനയാത്രയ്ക്ക് കൂടുതല്‍ ഗതിവേഗമേകാനും ശക്തിയേകട്ടെ എന്നു നമുക്കു പ്രാര്‍ഥിക്കാം. ഞാന്‍ ഒരിക്കല്‍ക്കൂടി എല്ലാ ദേശവാസികള്‍ക്കുംവേണ്ടി കേരളത്തിലെ ജനങ്ങള്‍ക്കും രാജ്യത്തെ ആപത്തുണ്ടായ മറ്റു പ്രദേശങ്ങളിലെ ജനങ്ങള്‍ക്കും ഈ വിപത്തിന്റെ വേളയില്‍ രാജ്യംമുഴുവന്‍ നിങ്ങളോടൊപ്പമുണ്ട് എന്ന് വിശ്വാസമേകാന്‍ ആഗ്രഹിക്കുന്നതായു പ്രധാന മന്ത്രി പറഞ്ഞു

ഇത് അഡ്വാന്‍സ് ; സഹായം ഇനിയും :ഗവര്‍ണറോട് പ്രധാനമന്ത്രി

കേരള ഗവര്‍ണര്‍ ജസ്റ്റിസ് പി സദാശിവം ആഗസ്റ്റ് 25 ന് ഡല്‍ഹിയിലെത്തി പ്രധാനമന്ത്രി ശ്രീ നരേന്ദ്രമോദിയുമായി പ്രളയം മൂലം കേരളത്തിലെ ജനങ്ങള്‍ നേരിട്ട യാതനയെയും സംസ്ഥാനത്തെ രക്ഷാ, പുനരധിവാസപ്രവര്‍ത്തനങ്ങളെയും പറ്റി ചര്‍ച്ച നടത്തി.

കേന്ദ്രസര്‍ക്കാര്‍ സംസ്ഥാനത്തിന് യാതൊരു മടിയും കൂടാതെ സമയോചിതമായി തന്നെയാണ് സഹായം നല്‍കിയിട്ടുള്ളതെന്നും ആഗസ്റ്റ് 17, 18 തീയതികളിലെ കേരള സന്ദര്‍ശനത്തിനുശേഷം രക്ഷാപ്രവര്‍ത്തനം താന്‍ കൃത്യമായി എന്നും നിരീക്ഷിക്കുന്നുണ്ടെന്നും പ്രധാനമന്ത്രി ഗവര്‍ണറെ അറിയിച്ചു. തന്റെ നിര്‍ദേശപ്രകാരം തന്നെയാണ് ക്യാബിനറ്റ് സെക്രട്ടറി അദ്ധ്യക്ഷനായ ദേശീയ ക്രൈസിസ് മാനേജ്മെന്റ് കമ്മിറ്റി നിത്യേന യോഗം ചേര്‍ന്ന് ആഗസ്റ്റ് 16 മുതല്‍ 21 വരെ രക്ഷാപ്രവര്‍ത്തനം ഏകോപിപ്പിക്കുകയും നിരീക്ഷിക്കുകയും ചെയ്തത്. ഉയര്‍ന്ന സൈനിക, സിവില്‍ ഉദ്യോഗസ്ഥരും ദേശീയ ദുരന്തനിവാരണസേനാ പ്രതിനിധികളും മറ്റുമടങ്ങിയ ഈ സമിതിയില്‍ കേരള ചീഫ് സെക്രട്ടറി വീഡിയോ കോണ്‍ഫറന്‍സിങ്ങ് വഴി പങ്കെടുത്തിരുന്നു .

ഈ യോഗങ്ങളുടെ പശ്ചാത്തലത്തിലാണ് 40 ഹെലിക്കോപ്റ്റര്‍ 31 വിമാനം, 182 രക്ഷാടീമുകള്‍, 18 സൈനിക മെഡിക്കല്‍ സംഘങ്ങള്‍, 58 ദേശീയ ദുരന്തനിവാരണസേനാ ടീമുകള്‍ , ഏഴു കമ്പനി കേന്ദ്ര സായുധസേന , നേവി , കോസ്റ്റ് ഗാര്‍ഡ് കപ്പലുകള്‍, രക്ഷാസന്നാഹങ്ങളുള്ള 500 ബോട്ടുകള്‍ എന്നിവയെ വിന്യസിച്ചുകൊണ്ട് കേന്ദ്രം ഒരു വിപുലമായ രക്ഷാപ്രവര്‍ത്തനം നടത്തിയതെന്ന് പ്രധാനമന്ത്രി പറഞ്ഞു.

നോട്ടിഫൈ ചെയ്യപ്പെട്ട ഏത് ദുരന്തത്തിലും രക്ഷാപ്രവര്‍ത്തനത്തിനായി ധനസഹായമനുവദിക്കുന്നത് ദേശീയ, സംസ്ഥാന പ്രതികരണനിധിയുടെ മാനദണ്ദം അനുസരിച്ചാണ്. സംസ്ഥാന ദുരന്തപ്രതികരണനിധിഎന്ന നിലയില്‍ ഓരോ സംസ്ഥാനത്തിനും അനുവദിച്ച ഫണ്ടിന്റെ 75% തുകയും ധനകാര്യ കമ്മീഷന്‍ അനുമതിപ്രകാരം കേന്ദ്രം നല്‍കിയിട്ടുള്ളതാണ്. പ്രത്യേക പരിഗണയര്‍ഹിക്കുന്ന വടക്കുകിഴക്കന്‍ സംസ്ഥാനങ്ങള്‍ക്ക് സംസ്ഥാന ദുരന്ത പ്രതികരണനിധിയിലേക്ക് 90% ആണ് കേന്ദ്രം നല്‍കുക.

സംസ്ഥാനത്ത് വെള്ളപ്പൊക്കമുണ്ടായപ്പോള്‍ ജൂലൈ 21 ന് സര്‍ക്കാര്‍ ഒരു ഇടക്കാല മെമ്മോറാണ്ടം കേന്ദ്രത്തിന് നല്‍കിയിരുന്നു. അതിന്റെ അടിസ്ഥാനത്തില്‍ ആഗസ്റ്റ് 12 ന് ഒരു കേന്ദ്ര ഇന്റര്‍ മിനിസ്റ്റീരിയല്‍ ടീം കേരളം സന്ദര്‍ശിച്ച് നഷ്ടത്തിന്റെ കണക്കെടുത്തിരുന്നു. കേന്ദ്ര ആഭ്യന്തരമന്ത്രി ശ്രീ രാജ്നാഥ് സിംഗ്, സഹമന്ത്രി ശ്രീ കിരണ്‍ റിജിജു എന്നിവരുടെ സന്ദര്‍ശനവും പ്രധാനമന്ത്രി എടുത്തുപറഞ്ഞു.

ഇപ്പോഴത്തെ പ്രളയം വരുത്തിയ നഷ്ടത്തെക്കുറിച്ചുള്ള ഒരു അഡീഷണല്‍ മെമോറാണ്ടം രക്ഷാപ്രവര്‍ത്തനം തീരുന്നമുറയ്ക്ക് സംസ്ഥാനം നല്‍കുമെന്നാണ് അറിയുന്നത്. എന്നാല്‍, ഇതിനുള്ള കാലതാമസം പരിഗണിച്ചാണ് 600 കോടി രൂപ സഹായമായി അനുവദിച്ചത്. ഇതാകട്ടെ, സംസ്ഥാന ദുരന്ത പ്രതികരണനിധിയിലേക്ക് കേരളത്തിന് നല്‍കിയിട്ടുള്ള 562.45 കോടി രൂപയ്ക്കു പുറമേയാണെന്ന് പ്രധാനമന്ത്രി ചൂണ്ടിക്കാട്ടി. ഈ സാമ്പത്തിക സഹായത്തിനുപുറമേ ആഹാരം, ജലം, മരുന്നുകള്‍, ധാന്യങ്ങള്‍ തുടങ്ങിയവയും കേരളത്തിന്റെ ആവശ്യമനുസരിച്ച് എത്തിക്കാന്‍ കഴിഞ്ഞു. കേരളത്തിലെ അടിയന്തരസാഹചര്യം പരിഗണിച്ച നടപടിക്രമങ്ങള്‍ ഒഴിവാക്കിയാണ് സഹായം എത്തിച്ചത്.

ഇപ്പോള്‍ അനുവദിച്ചിട്ടുള്ള 600 കോടി രൂപ കേരളത്തിനുള്ള സഹായത്തിന്റെ അഡ്വാന്‍സ് മാത്രമാണ്. ദേശീയ ദുരന്ത പ്രതികരണനിധിയുടെ മാനദണ്ഡമനുസരിച്ച് അധിക ധനസഹായം നല്‍കുമെന്ന് പ്രധാനമന്ത്രി ഗവര്‍ണര്‍ക്ക് ഉറപ്പുനല്‍കി.

പ്രധാനമന്ത്രിയെ കണ്ടശേഷം ഗവര്‍ണര്‍ കേന്ദ്ര ആഭ്യന്തരമന്ത്രി ശ്രീ രാജ് നാഥ് സിംഗിനെയും സന്ദര്‍ശിച്ച് സംസ്ഥാനത്തെ ക്രമസമാധാനത്തെയും അതിനെക്കാള്‍ പ്രധാനമയി രക്ഷാ , പുനരധിവാസ പ്രവര്‍ത്തനത്തെയും കുറിച്ച് ധരിപ്പിച്ചു. നഷ്ടങ്ങളുടെ കണക്കെടുപ്പ് പൂര്‍ത്തിയാകുന്ന മുറയ്ക്ക് അധിക ധനസഹായം ലഭ്യമാക്ക്കുമെന്ന് അദ്ദേഹവും ഉറപ്പുനല്‍കി.

കേരളത്തിന് ഗുജറാത്തില്‍ നിന്ന് കൈതാങ്ങ്

ഗാന്ധി നഗര്‍: കേരളത്തില്‍ പ്രളയ ദുരിതത്തില്‍ പെട്ടവര്‍ക്ക് സഹായ ഹസ്തവുമായി ഗുജറാത്തിലെ മലയാളി സംഘടനകളും. മുഖ്യമന്ത്രിയുടെ ദുരിതാശ്വാസ നിധിയേക്ക് സംഭാവന അയച്ചും സന്നദ്ധ സംഘടനകളിലൂടെ അവശ്യ സാധനങ്ങള്‍ എത്തിച്ചും ദുരീതാശ്വാസ പ്രവര്‍ത്തനങ്ങളില്‍ ഭാഗമാവുകയാണ് ഇവിടുത്തെ മലയാളി സംഘടനകള്‍.

മലയാളി വ്യവസായി ഹരി നായര്‍ നേതൃത്വം നല്‍കുന്ന കര്‍ണ്ണാവതി ഹരിദ്വാര്‍ മിത്ര മണ്ഡഡലം ട്രസ്റ്റ് 15 ലക്ഷം രൂപയുടെ സാധങ്ങളാണ് അയച്ചത്. അരി, പലവ്യജ്ഞനം, കുപ്പിവെള്ളം, ബിസ്‌ക്കറ്റ്, എന്നിവയക്ക് പുറമെ തുണി, ബഡ്ഷീറ്റ്,കുട, ഗ്യാസ് ലൈറ്റര്‍, ടോര്‍ച്ച്, മഴക്കോട്ട്, കൊതുകുവല, മെഴുകുതിരി, ടെന്റ് ഹൗസ് തുടങ്ങി 23 ഇന സാധനങ്ങളുമായി ലോറി ആലപ്പുഴയിലേക്കാണ് അയച്ചത്. സേവാഭാരതി മുഖേന സാധനങ്ങല്‍ വിതരണം ചെയ്യാനാണ് ഉദ്ദേശിക്കുന്നതെന്ന് ഹരി നായര്‍ പറഞ്ഞു

“ഇമ്പള്‍സ്’ ചിത്രപ്രദര്‍ശനം ശ്രദ്ധേയമാകുന്നു

ബാന്‍ഗളുരു :കര്‍ണ്ണാടക ചിത്രകലാ പരിഷത്തിലെ ഗാലറി 2 വില്‍ ആരംഭിച്ച ഇമ്പള്‍സ് ചിത്രപ്രദര്‍ശനം ശ്രദ്ധേയമാകുന്നു . ഈ പ്രദര്‍ശനത്തില്‍ രണ്ടു ചിത്രകാരന്മാരുടെ ചിത്രങ്ങളാണ് പ്രദര്‍ശിപ്പിക്കുന്നത്. യുവ ചിത്രകാരന്‍ ജഗദീഷിന്റെ ജലചായത്തില്‍ ചെയ്ത ഒന്‍പത് ചിത്രങ്ങളും, അക്രിലിക്കില്‍ ചെയ്ത അഞ്ച് ചിത്രങ്ങളും, കൂടാതെ അനു കളിക്കലിന്റെ അക്രിലിക്കില്‍ ചെയ്ത 35 ചെറിയ ചിത്രങ്ങളുമാണ് ഈ പ്രദര്ശനത്തിലുള്ളത്.

പ്രശസ്ത ചിത്രകാരന്‍ ശ്രീ. പി.വി ഭാസ്കരന്‍ ആചാരി ദീപം തെളിയിച്ച് പ്രദര്‍ശനം ഉദ്ഘാടനം ചെയ്തു. ആര്‍ടിസ്റ്റ് ശ്യാമള, ആര്‍ടിസ്റ്റ് സ്റ്റീഫന്‍ തുടങ്ങി ഒട്ടനവധി കലാപ്രേമികള്‍ സന്നിഹിതരായിരുന്നു. 19ന് പ്രദര്‍ശനം അവസാനിക്കും .

ജോയിച്ചന്‍ പുതുക്കുളം

അഭിമാന നിമിഷം

രാജ്യത്തെ രണ്ടാമത്തെ പരമോന്നത ബഹുമതിയായ പദ്മവിഭൂഷണ്‍ ഏറ്റുവാങ്ങാന്‍ രാഷ്ട്രപതി ഭവന്റെ സെന്റര്‍ ഹാളിലേക്കുള്ള പടവുകള്‍ പരമേശ്വര്‍ജി കയറിയത് എന്റെ കൂടി കൈപിടിച്ചാണ്. മറുകരം പിടിച്ചത് സന്തത സഹചാരി സുരേന്ദ്രന്‍ ചേട്ടനും. പദ്മവിഭൂഷണ്‍ കിട്ടിയവരില്‍ ആദ്യം ഹാളിലെത്തിയതും പരമേശ്വര്‍ജി . വേദിയുടെ ഇടത് വശത്തെ മുന്‍നിര കസേരയില്‍ ഒന്നാമനായി ഇരുന്നു ഇളയരാജയും ഉസ്ദാസ് ഗുലാം മുസ്തഫാ ഖാനും പരമേശ്വര്‍ജിക്കൊപ്പം മുന്‍നിരയില്‍. ഇളയരാജ, പരമേശ്വര്‍ജിയെ വണങ്ങിയ ശേഷമാണ് ഇരുന്നത്.

മന്ത്രിമാരില്‍ ആദ്യമെത്തിയത് വിജയ് ഗോയല്‍. ജെ..പി. നദ്ദ, രാജ്യവര്‍ദ്ധന്‍ സിംഗ് റാത്തോഡ്, അല്‍ഫോണ്‍സ് കണ്ണന്താനം, അനന്ത കുമാര്‍, വി.കെ. സിംഗ്, ഹര്‍ഷ വര്‍ദ്ധന്‍, പീയൂഷ് ഗോയല്‍, ധര്‍മ്മേന്ദ്ര പ്രധാന്‍ തുടങ്ങിയ മന്ത്രിമാര്‍ പിന്നാലെയെത്തി. ആഭ്യന്തര മന്ത്രി രാജ്‌നാഥ് സിങ്ങും സ്പീക്കര്‍ സുമിത്രാ മഹാജനും എല്‍.കെ. അദ്വാനിയും ഒന്നിച്ചാണെത്തിയത്. പ്രധാനമന്ത്രി നരേന്ദ്ര മോദിയും ഉപരാഷ്ട്രപതി വെങ്കയ്യ നായിഡുവും അവാര്‍ഡ് വിതരണത്തിന് തൊട്ടുമുന്‍പായെത്തി. രാജ്യസഭാ ഉപാധ്യക്ഷന്‍ പി.ജെ. കുര്യന്‍ വന്നയുടന്‍ മാര്‍ ക്രിസോസ്റ്റം വലിയ മെത്രാപ്പൊലീത്തയുടെയും പി.പരമേശ്വര്‍ജിയുടെയും അടുത്തെത്തി അഭിവാദ്യം ചെയ്തു. കണ്ണന്താനവും ഇരുവരുടേയും അനുഗ്രഹം തേടി.

അക്ഷരമാലാ ക്രമത്തില്‍ അവാര്‍ഡിനായി ക്ഷണിച്ചപ്പോള്‍ ആദ്യഅവസരം ഇളയരാജക്ക്. ഗുലാം മുസ്തഫാ ഖാന് ശേഷം മൂന്നാമനായി പി. പരമേശ്വര്‍ജി രാഷ്ട്രപതി രാംനാഥ് കോവിന്ദില്‍നിന്നും പദ്മവിഭൂഷണ്‍ ഏറ്റുവാങ്ങി. അഭിമാനം ഉയര്‍ന്ന നിമിഷം. തൊട്ടുപിന്നാലെ ക്രിസോസ്റ്റം തിരുമേനി പദ്മഭൂഷണ്‍ സ്വീകരിച്ചു.

പദ്മശ്രീ ഏറ്റുവാങ്ങിയവരില്‍ ലക്ഷ്മിക്കുട്ടിയമ്മക്ക് സദസ്സിന്റെ നിലക്കാത്ത കയ്യടി. ലക്ഷികുട്ടിയമ്മയുടെ പേര് വിളിച്ചപ്പോളും പുരസ്‌ക്കാരം വാങ്ങി അവര്‍ അഭിവാദ്യം ചെയ്തപ്പോളും സദസ്സാകെ കൈയടിച്ചു. ചടങ്ങിന്റെ താരമായതും വനമുത്തശ്ശി ആയിരുന്നു. മകന്‍ ലക്ഷ്മണന്‍ കാണിയോടൊപ്പമാണ് അവരെത്തിയത്.

പരമേശ്വര്‍ജി പുരസ്‌ക്കാരം സ്വീകരിക്കുന്നതിന് സാക്ഷ്യം വഹിക്കാന്‍ സുരേന്ദ്രട്ടനും എനിക്കും പുറമെ പ്രജ്്ഞാപ്രാവാഹ് ദേശീയ സംയോജകന്‍ നന്ദേട്ടന്‍ ( ജെ നന്ദകുമാര്‍,) ബി ജെ പി പാര്‍ലമെന്ററി പാര്‍ട്ടി ഓഫീസിലെ വേണുവേട്ടന്‍ ( വേണു ഗോപാല്‍), വേണുവേട്ടന്റെ ഭാര്യ, ദല്‍ഹി സര്‍ക്കാറിലെ ഉദ്യോഗസ്ഥന്‍ രാമന്‍ജി , പരമേശ്വര്‍ജിയുടെ ബന്ധു സുരേന്ദ്രന്‍ എന്നിവും ഉണ്ടായിരുന്നു.

അവാര്‍ഡ് ചടങ്ങിനുശേഷം ലഘു ഭക്ഷനത്തിനിടെ എല്ലാവരുടേയും അടുത്തെത്തി പ്രധാനമന്ത്രി മോദിജി പരിചയപ്പെട്ടു. സുരക്ഷാ പ്രശ്‌നമൊന്നുമില്ലാതെ അടുത്തിടപെഴകി മോദി അടുത്തത്തിയപ്പോള്‍ നമസ്‌തേ പറഞ്ഞ ശേഷം ഞാന്‍ കൈ നിട്ടി. ഷേയ്ക്ക് ഹാന്‍ഡ് ചെയ്തുകൊണ്ട് പരിചയപ്പെട്ടു.

ഹാളിനു പുറത്തിറങ്ങിയപ്പോള്‍ ഗ്രൂപ്പ് ഫോട്ടോ എടുക്കാമെന്ന് നന്ദേട്ടന്‍ അഭിപ്രായപ്പെട്ടപ്പോള്‍ എതിരൊന്നും പറയാതെ പരമേശവര്‍ജി പടവുകളില്‍ നിന്നു. മോബൈല്‍ ഫോണ്‍ ഉണ്ടായിരുന്നവരെല്ലാം ചിത്രം പകര്‍ത്തി P. Sreekumar

ആദ്യമെത്തിയത് പി.പരമേശ്വരന്‍; അവാര്‍ഡ് ആദ്യം വാങ്ങി ഇളയരാജ

ന്യൂദല്‍ഹി: പദ്മ പുരസ്കാരം ഏറ്റുവാങ്ങാന്‍ രാഷ്ട്രപതി ഭവനിലെ സെന്‍റര്‍ ഹാളില്‍ ആദ്യമെത്തിയത് പി.പരമേശ്വരന്‍. സന്തത സഹചാരി സുരേന്ദ്രന്‍റെ കൈപിടിച്ചെത്തിയ പരമേശ്വരന്‍ വേദിയുടെ ഇടത് വശത്തെ മുന്‍നിര കസേരയില്‍ ഒന്നാമനായി ഇരുന്നു. ഡോ.രാമചന്ദ്രന്‍ നാഗസ്വാമിയാണ് പരമേശ്വരന് ശേഷമെത്തിയത്. പദ്മവിഭൂഷണ്‍, പദ്മഭൂഷണ്‍ ജേതാക്കളില്‍ അസവാസം ഹാളിലെത്തിയത് ഇളയരാജ. ക്രിസോസ്റ്റം തിരുമേനി ചക്രക്കസേരയിലാണ് വന്നത്.

മന്ത്രിമാരില്‍ ആദ്യമെത്തിയത് വിജയ് ഗോയല്‍. ജെ..പി. നദ്ദ, രാജ്യവര്‍ദ്ധന്‍ സിംഗ് റാത്തോഡ്, അല്‍ഫോണ്‍സ് കണ്ണന്താനം, അനന്ത കുമാര്‍, വി.കെ. സിംഗ്, ഹര്‍ഷ വര്‍ദ്ധന്‍, പീയൂഷ് ഗോയല്‍, ധര്‍മ്മേന്ദ്ര പ്രധാന്‍ തുടങ്ങിയ മന്ത്രിമാര്‍ പിന്നാലെയെത്തി. ആഭ്യന്തര മന്ത്രി രാജ്നാഥ് സിങ്ങും എല്‍.കെ. അദ്വാനിയും ഒന്നിച്ചാണെത്തിയത്. പ്രധാനമന്ത്രി നരേന്ദ്ര മോദിയും ഉപരാഷ്ട്രപതി വെങ്കയ്യ നായിഡുവും അവാര്‍ഡ് വിതരണത്തിന് തൊട്ടുമുന്‍പായെത്തി. രാജ്യസഭാ ഉപാധ്യക്ഷന്‍ പി.ജെ. കുര്യന്‍ വന്നയുടന്‍ മാര്‍ ക്രിസോസ്റ്റം വലിയ മെത്രാപ്പൊലീത്തയുടെയും പി.പരമേശ്വരന്‍റെയും അടുത്തെത്തി അഭിവാദ്യം ചെയ്തു. സ്പീക്കര്‍ സുമിത്രാ മഹാജന്‍, ഡപ്യൂട്ടി സ്പീക്കര്‍ തമ്പി ദുരൈ തുടങ്ങിയവരും സംബന്ധിച്ചു.

അക്ഷരമാലാ ക്രമത്തില്‍ അവാര്‍ഡിനായി ക്ഷണിച്ചപ്പോള്‍ ആദ്യത്തെ അവസരം ഇയരാജക്കായിരുന്നു. ഗുലാം മുസ്തഫാ ഖാന് ശേഷം മൂന്നാമതായി പി. പരമേശ്വരന്‍ രാഷ്ട്രപതി രാംനാഥ് കോവിന്ദില്‍നിന്നും രാജ്യത്തെ രണ്ടാമത്തെ പരമോന്നത ബഹുമതിയായ പദ്മവിഭൂഷണ്‍ ഏറ്റുവാങ്ങി. തൊട്ടുപിന്നാലെ ക്രിസോസ്റ്റം തിരുമേനി പദ്മഭൂഷണ്‍ സ്വീകരിച്ചു. പദ്മശ്രീ ഏറ്റുവാങ്ങിയവരില്‍ കേരളത്തില്‍നിന്നുള്ള ലക്ഷ്മിക്കുട്ടിയമ്മക്ക് സദസ്സ് നിലക്കാത്ത കയ്യടിയാണ് നല്‍കിയത്. മകന്‍ ലക്ഷ്മണന്‍ കാണിയോടൊപ്പമാണ് അവരെത്തിയത്. ആദ്യ ഘട്ടത്തില്‍ 43 പേര്‍ക്കാണ് പദ്മ പുരസ്കാരങ്ങള്‍ വിതരണം ചെയ്തത്. മലയാളിയായ ഡോ. രാജഗോപാല്‍ ഉള്‍പ്പെടെയുള്ളവര്‍ക്ക് പിന്നീട് നല്‍കും.

തൃപുരയിലെ കമ്യൂണിസ്ററ് പാർട്ടിയുടെ പതനം കേരളത്തിലേയ്ക്കുള്ള ചൂണ്ടുവിരൽ

കമ്യൂണിസ്റ്റുകാർക്ക് വർഗ്ഗ ശതൃക്കളും,രാഷ്ട്രീയ ശതൃക്കളും ആണ് ഉള്ളത്?അവർ ഒക്കെ ആരാണ് ,..ഒന്ന് മുതലാളിയും,മറ്റുള്ളത് കോൺഗ്രസ്സും,ബിജെപിയും. അവരെ ഏതു വിധേനയും,തച്ചിട്ടോ,കൊന്നിട്ടോ സോഷ്യലിസ്റ്റ് രാജ്യം നടപ്പിൽ വരുത്താൻ ഉള്ള തീവ്ര ശ്രമത്തിലാണ്.സോവിയറ്റ് യൂണിയൻ എന്നത് കാണണം എങ്കിൽ പതിറ്റാണ്ടുകൾക്ക് മുൻപുള്ള ചിതലരിച്ച ഭൂപടത്തിൽ നോക്കണം.

വർഗ്ഗ ശത്രു,രാഷ്ട്രീയ ശത്രുക്കൾ എന്ന് പറയുന്നത് കമ്യൂണിസ്റ്റ് കാരെ പോലെ തന്നെ ഇരുകാലികൾ ആയ പാവം മനുഷ്യർ ആണ് കേട്ടോ..അല്ലാതെ അന്യഗ്രഹ ജീവികൾ ഒന്നും അല്ല.ഒരേ വർഗ്ഗത്തിൽ പെട്ട സഹജീവികളെ തല്ലിയും കൊന്നും,,മനുഷ്യജീവൻ എടുത്തും ,എന്ത് സോഷ്യലിസം ആണ് നടപ്പാക്കുന്നത്? ആശയങ്ങളെ ആശയത്തെ കൊണ്ട് നേരിടാത്ത,അപരിഷ്കൃത കാട്ടാള നിയമത്തിൽ ഇവർ ആരെയാണ് സംരക്ഷിക്കാൻ പോകുന്നത്? ഈ രാഷ്ട്രീയത്തെ എങ്ങിനെ മനുഷ്യത്വപരമായ കാണുവാനും വിശ്വസിക്കുവാനും കഴിയും? ഇത്രയേറെ വിദ്യാഭ്യാസം ഉണ്ടെന്നു കൊട്ടി ഘോഷിക്കുന്ന മലയാളികൾക്ക് ,ഈ കൊല്ലും,കൊലയും ഒന്നും കൊണ്ട് ഇവരുടെ അധികാരകൊതി പൂണ്ട കാട്ടാളത്തം മനസ്സിലാകുന്നില്ലേ?

സ്വന്തം മക്കളെ സാധാരണക്കാർ ആയി വളർത്താൻ കഴിയാത്ത ഈ നേതാക്കൾ ആണോ ഇനി കേരളത്തിലെ ജനങ്ങളെ പാലും തേനും ഒഴുക്കി സംരക്ഷിക്കാൻ പോകുന്നത്? കുറെ നാൾ മാറി മാറി ഭരിച്ചിട്ടും ജനം മനസ്സിലാക്കുന്നില്ല എങ്കിൽ താവളയ്ക്കു തുല്യമേ ജീവിതം എന്ന് സ്വയം തിരിച്ചറിയുക.

മുഖ്യമന്ത്രി എന്ന് പറയുന്ന നേതാവിന് ഒരു സന്തോഷം ഉള്ള ചിരി എങ്കിലും ഉണ്ടോ മുഖത്ത്? ദാ ..എ സി കാറും,വീടും,ആപ്പീസും ഉപേക്ഷിച്ചു ആദ്യമായി അട്ടപ്പാടിയിൽ പാവപ്പെട്ടവനെ കാണാൻ പോയപ്പോഴേ ഹോസ്പിറ്റലിൽ അഡ്മിറ്റ് ആയി..തൊഴിലാളി നേതാവാണ്.അട്ടപ്പാടിക്ക് വിമാനം കിട്ടിയില്ലേ..പാവം.
“സ്വന്തം ഗണത്തിൽ പെട്ട മനുഷ്യരെ എന്തിന്റെ പേരിൽ ആയാലും തല്ലിയും,അപകീർത്തിപ്പെടുത്തിയും,കൊന്നും എന്ത് സോഷ്യലിസം നടപ്പിലാക്കും എന്ന് പറഞ്ഞിട്ടും ഒരു കാര്യവും ഇല്ല .ആദ്യം മനുഷ്യത്വം മനസ്സിൽ ഉണ്ടാകണം എന്നിട്ടാകട്ടെ നാട് നന്നാക്കാൻ”

ഇന്ന് കേരളത്തിൽ അങ്ങോളം ഇങ്ങോളം ഉള്ള മണ്ഡപങ്ങളും,ഹായ് പ്രൊഫൈൽ പാർട്ടി ആപ്പീസുകളും റഷ്യയിലെ പിതാക്കന്മാരുടെ സ്മാരകങ്ങൾക്കുണ്ടായ അവസ്ഥയിലേയ്ക്ക് കൊണ്ട് ചെന്ന് എത്തിക്കുന്ന അവസ്ഥയിലേയ്ക്ക് ആർഭാടങ്ങളിലും ,സമ്പാദ്യങ്ങളിലും ആർത്തി മൂത്ത സാധാരണക്കാരന്റെ നേതാക്കൾ തന്നെ കൊണ്ട് ചെന്ന് എത്തിച്ചിരിക്കുന്നു.

ബംഗാളും അതിനുശേഷം തൃപുര ഭരിച്ച മാണിക്ക് (മാണിക്യരാജാവ്) നടത്തിയ അഴിമതികൾ പലതും ഇന്ന് കേരളം ഘടകത്തിലെ പല നേതാക്കളും ആവർത്തിക്കുന്നു.തൃപുരയിൽ കാൽ നൂറ്റാണ്ടു ഭരിച്ച കമ്യൂണിസ്റ്റു പാർട്ടിയ്ക്കുണ്ടായ പതനം കേരളത്തിലേയ്ക്കുള്ള ചൂണ്ടു വിരൽ മാത്രമാണ്.ഇനി പാർട്ടിയുടെ ഏതെല്ലാം ഘടകങ്ങൾ കൂടി കേരളത്തിലെ ന്യൂനപക്ഷ,സാമുദായിക,ചെറു രാഷ്ട്രീയ കൂട്ട് കെട്ടുകൾ ഉണ്ടാക്കിയാലും അത് നിങ്ങൾ ഉച്ചത്തിൽ വിളിച്ചു പറയുന്ന മറ്റു വർഗ്ഗീയ പാർട്ടികൾ നടത്തുന്ന കൂട്ട് കെട്ടുകളിലും തരാം താണ പണി മാത്രമായിരിയ്ക്കും.കേരളത്തിലെ കമ്യൂണിസ്റ്റ് പാർട്ടിയ്ക്ക്,ഇനി ഇലയും,ഏണിയും ,തോണിയും, സൈക്കിളും,കാറും,ആനയും ത്രാസും,പേനയും,മഷിക്കുപ്പിയും ഒക്കെ അരിവാളിൽ തൂക്കാൻ ഉള്ള ഏക അവസരം ആണ് കൈവന്നിരിക്കുന്നത്.അധികാരത്തിനു വേണ്ടി വേണമെങ്കിൽ ഇടതു കൈപ്പത്തിയോ,വലതു കൈപ്പത്തിയോ വെട്ടി എടുത്തു കൂടെ ചേർക്കാം.കാരണം കൂടുതൽ ആൾബലം ചാവിനു ആളെ കൂട്ടും.

അവസാനം വരെ പൊരുതണം നാം.കേരളം നമ്മുടെ അവസാന രാഷ്ട്രീയകളം ആണ് എന്നും,കാലഹരണപ്പെട്ട പ്രത്യയ ശാസ്ത്രത്തിന്റെ ചൂട്ടുപിടുത്തക്കാർ ആണ് കമ്യൂണിസ്റ് പാർട്ടികൾ എന്ന് ഇനി എങ്കിലും തിരിച്ചറിയേണ്ടിയിരിക്കുന്നു.

നവ ഇന്ത്യയ്ക്ക്അടിത്തറ പാകുന്നതിനും സഹായകരമായ ഒരു ബജറ്റ് :പ്രധാനമന്ത്രി

ഈ ബജറ്റിന് ധനകാര്യമന്ത്രി ശ്രീഅരുണ്‍ ജെയ്റ്റ്‌ലിയെ ഞാന്‍ അഭിനന്ദിക്കുന്നു. ഈ ബജറ്റ് നവ ഇന്ത്യയുടെഅടിത്തറകൂടുതല്‍ശക്തമാക്കും. അടിസ്ഥാന സൗകര്യം മുതല്‍ കാര്‍ഷിക മേഖല വരെയുള്ള വിഷയങ്ങളിലാണ് ഈ ബജറ്റ് ശ്രദ്ധചെലുത്തുന്നത്. ഒരുവശത്ത് ഈ ബജറ്റ് പാവപ്പെട്ടവരുടെയും ഇടത്തരക്കാരുടെയും ആരോഗ്യ ആശങ്കകള്‍ പരിഹരിക്കുന്നതിനുള്ള പദ്ധതികളെക്കുറിച്ച് പറയുമ്പോള്‍ മറുവശത്ത്‌രാജ്യത്തെ ചെറുകിടസംരംഭകരുടെ സമ്പത്ത് വര്‍ദ്ധിപ്പിക്കാനുള്ള പദ്ധതിയാണ് തയാറാക്കുന്നത്. ഭക്ഷ്യസംസ്‌ക്കരണം മുതല്‍ ഫൈബര്‍ ഒപ്റ്റിക്‌സ്‌ വരെ, റോഡു മുതല്‍ ഷിപ്പിംഗ്‌ വരെ, യുവജനങ്ങളുടെയും മുതിര്‍ന്ന പൗരന്മാരുടെയും ആശങ്കകളും ഗ്രാമീണ ഇന്ത്യ മുതല്‍ ആയുഷ്മാന്‍ ഇന്ത്യ വരെ, ഡിജിറ്റല്‍ ഇന്ത്യ മുതല്‍ സ്റ്റാര്‍ട്ട് അപ്പ് ഇന്ത്യ വരെ മറ്റു പല മേഖലകളിലും ഇത്‌ വ്യാപരിക്കുകയാണ്.

രാജ്യത്തെ 125 കോടി ജനങ്ങളുടെ അഭിലാഷങ്ങള്‍ക്ക് ഈ ബജറ്റ് ഊര്‍ജ്ജസ്വലത നല്‍കുമെന്നാണ് പ്രതീക്ഷിക്കുന്നത്. ഇത്‌ രാജ്യത്തിന്റെ വികസന പ്രക്രിയ വേഗത്തിലാക്കുമെന്ന് പ്രതീഷിക്കുന്നു. ഇത്കര്‍ഷകര്‍ക്കും സാധാരണക്കാര്‍ക്കും സൗഹൃദപരവും വ്യാപാരാന്തരീക്ഷ സൗഹൃദ ബജറ്റുമാണ്. വ്യാപാരവും ജീവിതവും ആയാസരഹിതമാക്കുകയാണ് ഈ ബജറ്റിന്റെ കേന്ദ്രബിന്ദു. ഇടത്തരക്കാര്‍ക്ക് കൂടുതല്‍ സമ്പാദ്യം, ഇരുപത്തിയൊന്നാം നൂറ്റാണ്ടിലെ ഇന്ത്യയ്ക്ക്‌ വേണ്ടി പുതുതലമുറ അടിസ്ഥാനസൗകര്യം, പിന്നെ മികച്ച ആരോഗ്യഉറപ്പും-ഇതെല്ലാം ജീവിതം ആയാസരഹിതമാക്കുന്നതിനുള്ള മൂര്‍ത്തമായ നടപടികളാണ്.

രാജ്യത്തിന്റെ പുരോഗതിക്കായി പഴങ്ങളുടെയും പച്ചക്കറികളുടെയും റെക്കാര്‍ഡ്ഉല്‍പ്പാദനത്തിലൂടെ നമ്മുടെ കര്‍ഷകര്‍ വലിയ തരത്തിലുള്ള സംഭാവനകളാണ് നല്‍കിയത്. കര്‍ഷകരുടെ അഭിവൃദ്ധിക്കും അവരുടെ വരുമാനം വര്‍ദ്ധിപ്പിക്കുന്നതിനും ഈ ബജറ്റില്‍ നിരവധി നടപടികളുണ്ട്. ഗ്രാമീണ വികസനത്തിനും കാര്‍ഷിക മേഖലയ്ക്കുമായി 14.5 ലക്ഷം കോടിയുടെ റെക്കാര്‍ഡ്തുകയാണ്‌ വകയിരുത്തിയിരിക്കുന്നത്. നമ്മുടെ 51 ലക്ഷം പുതിയ ഭവനങ്ങള്‍, മൂന്നുലക്ഷം കിലോമീറ്റര്‍ റോഡ്, ഏകദേശം രണ്ടുകോടി ശൗചാലയങ്ങള്‍, 1.75 കോടികുടുംബങ്ങള്‍ക്ക്‌ വൈദ്യുതി കണക്ഷന്‍ തുടങ്ങിയ പദ്ധതികള്‍ പീഡിതരും പിന്നോക്കക്കാരും ദളിതരുമായ ജനവിഭാഗങ്ങള്‍ക്ക് ഏറെ ഗുണം ചെയ്യും. ഈ മുന്‍കൈകള്‍ പുതിയ അവസരങ്ങള്‍ പ്രത്യേകിച്ച് ഗ്രാമീണമേഖലയില്‍ സൃഷ്ടിക്കും.

കര്‍ഷകരുടെ ഉല്‍പ്പന്നങ്ങള്‍ക്ക്‌ വേതനത്തിന്റെ ഒന്നരയിരട്ടിവിലയായി നല്‍കുന്നതിനുള്ള തീരുമാനത്തെ ഞാന്‍ അഭിനന്ദിക്കുകയാണ്. കര്‍ഷകര്‍ക്ക് ഈ തീരുമാനത്തിന്റെ അടിസ്ഥാനത്തിലുള്ള മുഴുവന്‍ ആനുകൂല്യവും ലഭിക്കുന്നത് ഉറപ്പാക്കുന്നതിന് സംസ്ഥാനങ്ങളുമായി ചര്‍ച്ച ചെയ്ത് ഒരു മികച്ച സംവിധാനം കൊണ്ടുവരും.’ ഓപ്പറേഷന്‍ ഗ്രീന്‍സ്’ പ്രത്യേകിച്ച് പഴങ്ങളും പച്ചക്കറികളും കൃഷി ചെയ്യുന്ന കര്‍ഷകര്‍ക്ക് ഈ ദിശയിലേക്കുള്ള കാര്യക്ഷമമായ ഒരു സംവിധാനമാണെന്ന്‌ തെളിയിക്കപ്പെടും. പാലുല്‍പ്പാദന മേഖലയിലെ കര്‍ഷകര്‍ക്ക് ന്യായവില ഉറപ്പാക്കുന്നതിന് അമുല്‍ എങ്ങനെ പ്രവര്‍ത്തിച്ചുവെന്ന് നമ്മള്‍ കണ്ടതാണ്. നമ്മുടെ രാജ്യത്ത്‌ വ്യവസായത്തിന്റെ വികസനത്തിന് വഴിവച്ച ക്ലസ്റ്റര്‍ അടിസ്ഥാന സമീപനവും നമുക്ക്അറിവുള്ളതാണ്. ഇതൊക്കെ മനസില്‍ വച്ചു കൊണ്ട്‌ വിവിധ ജില്ലകളില്‍ ഉല്‍പ്പാദിപ്പിക്കുന്ന കാര്‍ഷിക ഉല്‍പ്പന്നങ്ങള്‍ക്കായി കാര്‍ഷിക ക്ലസ്റ്റര്‍ സംവിധാനം രാജ്യത്തെ അങ്ങോളമിങ്ങോളമുള്ള ജില്ലകളില്‍ സ്വീകരിക്കും. കാര്‍ഷിക മേഖലയില്‍ പ്രത്യേക കാര്‍ഷിക ഉല്‍പ്പന്നങ്ങള്‍ ഉല്‍പ്പാദിപ്പിക്കുന്ന ജില്ലകളെ കണ്ടെത്തിയ ശേഷം സംഭരണം, സംസ്‌ക്കരണം വിപണനം എന്നിവയ്ക്ക്‌ വേണ്ടിയുള്ള പദ്ധതികളെ ഞാന്‍ അഭിനന്ദനിക്കുന്നു.

നമ്മുടെ രാജ്യത്ത്‌ സഹകരണ സ്ഥാപനങ്ങളെ ആദായ നികുതിയില്‍ നിന്നും ഒഴിവാക്കിയരിക്കുകയാണ്. എന്നാല്‍ സഹകരണ സംഘങ്ങളെപ്പോലെയുള്ള കാര്‍ഷിക ഉല്‍പ്പാദന സംഘടനകള്‍ക്ക് (ഫാര്‍മര്‍ പ്രൊഡ്യൂസര്‍ ഓര്‍ഗനൈസേഷന്‍സ്-എഫ്പി.ഒ) ഈ ആനുകൂല്യം ലഭിക്കുന്നില്ല. അതുകൊണ്ട് കര്‍ഷകരുടെ ക്ഷേമത്തിനായി രൂപീകരിക്കപ്പെട്ട എഫ്.പി.ഒകള്‍ക്ക് ആദായനികുതി ഇളവ് നല്‍കുന്നത്‌ സ്വാഗതാര്‍ഹമായ നടപടിയാണ്. ജൈവ, സുഗന്ധദ്രവ്യ, ഔഷധകൃഷിയില്‍ ഏര്‍പ്പെട്ടിരിക്കുന്ന വനിതാസ്വയം സഹായസംഘകളുമായി എഫ്.പി.ഒകളെ ബന്ധിപ്പിച്ചത്കര്‍ഷകരുടെ വരുമാനം വര്‍ദ്ധിപ്പിക്കും. അതുപോലെ ഗോബര്‍-ധന്‍ യോജന ഗ്രാമങ്ങളെ ശുചിത്വമുള്ളതായി സൂക്ഷിക്കുന്നതിന് സഹായിക്കും.

അതോടൊപ്പം കന്നുകാലി വളര്‍ത്തുന്നവരുടെ വരുമാനം വര്‍ദ്ധിപ്പിക്കുകയും ചെയ്യും. നമ്മുടെ രാജ്യത്ത് കര്‍ഷകര്‍ കാര്‍ഷിക വൃത്തിയോടൊപ്പം മറ്റ് പലജോലികളിലും ഏര്‍പ്പെടാറുണ്ട്. ചിലര്‍ മത്സ്യ കൃഷിയിലേര്‍പ്പെടും ചിലര്‍ മൃഗസംരക്ഷണത്തിലായിരിക്കും. മറ്റു ചിലര്‍ കോഴിവളര്‍ത്തല്‍, തേനീച്ച വളര്‍ത്തല്‍, തുടങ്ങിയവലിലേര്‍പ്പെടാറുണ്ട്. ഇത്തരത്തിലുള്ള അധികപ്രവര്‍ത്തനങ്ങള്‍ക്ക് ബാങ്കുകളില്‍ നിന്നും വായ്പ ലഭിക്കുന്നതിന് കര്‍ഷകര്‍ക്ക് ബുദ്ധിമുട്ട് നേരിടുന്നുമുണ്ട്. കിസാന്‍ ക്രെഡിറ്റ്കാര്‍ഡിലൂടെ മത്സ്യകൃഷിക്കും മൃഗപരിപാലനത്തിനും വായ്പ ലഭ്യമാക്കുന്നത്‌ വളരെ ഫലപ്രദമായ നടപടിയാണ്. ഇന്ത്യയിലെ 700 ജില്ലകളിലായി ഏകദേശം 7000 ബ്ലോക്കുകളുണ്ട്. ഈ ബ്ലോക്കുകളില്‍ നവീനാശയങ്ങള്‍, കണക്ടിവിറ്റി എന്നിവ വര്‍ദ്ധിപ്പിക്കുകയെന്ന ലക്ഷ്യത്തോടെ 22,000 ഗ്രാമീണവ്യാപാര കേന്ദ്രങ്ങളും ഇവയുടെ ആധുനികവല്‍ക്കരണവും നടത്തുന്നത്കര്‍ഷകരുടെ വരുമാനവും തൊഴിലവരസരങ്ങളും വര്‍ദ്ധിപ്പിക്കുകയും ചെയ്യുന്നതിനോടൊപ്പം ഇവ കാര്‍ഷികാടിസ്ഥാന ഗ്രാമീണകാര്‍ഷിക സമ്പദ്ഘടനയുടെ കേന്ദ്രങ്ങളുമാകും. പ്രധാനമന്ത്രി ഗ്രാമീണസഡക്ക്‌ യോജനയുടെ കീഴില്‍ ഇപ്പോള്‍ ഗ്രാമങ്ങളെ വിപണികളുമായി, ഉന്നത വിദ്യാഭ്യാസ കേന്ദ്രങ്ങളുമായും ആശുപത്രികളുമായും ബന്ധിപ്പിക്കുകയാണ്. ഇത് ഗ്രാമവാസികളുടെ ജീവിതം കുടുല്‍ സുഖകരമാക്കും.

ഉജ്ജ്വല്‍യോജനയിലൂടെ ജീവിതം ലളിമാക്കുന്നതിന്റെ വിപുലീകരണം നാം കണ്ടതാണ്. ഈ പദ്ധതികള്‍ പാവപ്പെട്ട സ്ത്രീകളെ പുകയില്‍ നിന്നും രക്ഷിക്കുക മാത്രമല്ല, അവരുടെ ശാക്തീകരണത്തിന്റെ ഏറ്റവും വലിയ സ്രോതസ്സുമായി. ഉജ്ജ്വലയുടെ ലക്ഷ്യം 5 കോടി കുടുംബങ്ങളില്‍ നിന്ന്എട്ടുകോടിയായി ഉയര്‍ത്തിയതില്‍ ഞാന്‍ സന്തോഷവാനാണ്. ഈ പദ്ധതിയിലൂടെ വലിയ അളവില്‍ ദളിത്, ഗോത്രവര്‍ഗ്ഗ, പിന്നാക്ക വിഭാഗകുടുംബങ്ങള്‍ക്കാണ് നേട്ടമുണ്ടായത്. പട്ടികജാതി-വര്‍ഗ്ഗ വിഭാഗത്തിന്റെക്ഷേമത്തിനായി ഈ ബജറ്റ്ഏകദേശം ഒരുലക്ഷം കോടി രൂപയാണ് നീക്കിവച്ചിരിക്കുന്നത്.

മെഡിക്കല്‍ ചികിത്സയും അതിന്റെ വലിയ ചെലവും എന്നും സമൂഹത്തിലെ പാവപ്പെട്ട ഇടത്തരം വിഭാഗങ്ങള്‍ക്ക്‌വലിയആശങ്കയുളവാക്കുന്നതാണ്. ബജറ്റില്‍ അവതരിപ്പിച്ചിരിക്കുന്ന ‘ആയുഷ്മാന്‍ ഭാരത്’ എന്ന പുതിയ പദ്ധതി ഈ ഗൗരവമായ പ്രശ്‌നത്തെ അഭിസംബോധന ചെയ്യും. രാജ്യത്തെ 10 കോടി പാവപ്പെട്ട ഇടത്തരം കുടുംബങ്ങള്‍ക്ക് ഈ പദ്ധതിയുടെ പ്രയോജനം ലഭ്യമാകും. അതായത് 40-45 കോടി ജനങ്ങള്‍ക്ക്ഇത് പരിരക്ഷനല്‍കും. ഈ പദ്ധതിയുടെ അടിസ്ഥാനത്തില്‍ തെരഞ്ഞെടുക്കപ്പെട്ട ആശുപത്രികളില്‍ ഈ കുടുംബങ്ങള്‍ക്ക് പ്രതിവര്‍ഷം 5 ലക്ഷം രൂപയുടെ സൗജന്യ ചികിത്സ ലഭിക്കും. ഇതുവരെയുള്ളയുള്ളതില്‍ ഗവണ്‍മെന്റ്‌ചെലവ്‌ വഹിക്കുന്ന ലോകത്തെ ഏറ്റവും വലിയ ആരോഗ്യ ഇന്‍ഷ്വറന്‍സ് പദ്ധതിയാണിത്. രാജ്യത്തെ പ്രധാനപ്പെട്ട എല്ലാ പഞ്ചായത്തുകളെയും ഉള്‍ക്കൊണ്ടു കൊണ്ട് 1.5 ലക്ഷം ആരോഗ്യക്ഷേമകേന്ദ്രങ്ങള്‍ ആരംഭിക്കുകയെന്നത് അഭിനന്ദനീയമായ കാര്യമാണ്. ഗ്രാമങ്ങളില്‍ ജീവിക്കുന്നവര്‍ക്ക് ആരോഗ്യ സുരക്ഷാസേവനം എളുപ്പത്തില്‍ ലഭ്യമാക്കുന്നതിന് സഹായിക്കും. രാജ്യത്ത്അങ്ങോളമിങ്ങോളമായി 24 പുതിയ മെഡിക്കല്‍ കോളജുകള്‍ ആരംഭിക്കാനുള്ള തീരുമാനം ചികിത്സയ്ക്ക് മാത്രമല്ല, യുവാക്കള്‍ക്ക്‌ മെഡിക്കല്‍ വിദ്യാഭ്യാസം നല്‍കുന്നതിനും സഹായകരമാകും. രാജ്യത്താകമാനം മൂന്ന്‌ലോക്‌സഭാ നിയോജകമണ്ഡലങ്ങളെ ഉള്‍ക്കൊണ്ടുകൊണ്ട് ഒരു മെഡിക്കല്‍ കോളജ് സ്ഥാപിക്കുന്നതിനുള്ള ശ്രമമാണ് നമ്മുടേത്.

മുതിര്‍ന്ന പൗരന്മാരെ മുന്നില്‍ കണ്ടുകൊണ്ട് നിരവധി പ്രധാനപ്പെട്ട തീരുമാനങ്ങളാണ് ഈ ബജറ്റില്‍ എടുത്തിരിക്കുന്നത്. ഇപ്പോള്‍ പ്രധാനമന്ത്രി വയോവന്ദ്യപദ്ധതിയുടെ അടിസ്ഥാനത്തില്‍ മുതിര്‍ന്ന പൗരന്മാര്‍ക്ക് 15 ലക്ഷം രൂപയ്ക്ക്‌ വരെ 8% പലിശ ലഭിക്കും. ബാങ്കിലേയും പോസ്റ്റ്ഓഫീസിലേയും നിക്ഷേപങ്ങളുടെ 50,000 രൂപ വരെയുള്ള യുവയുടെ പലിശയ്ക്ക് ആദായനികുതിചുമത്തുകയുമില്ല. 50,000 രൂപ വരെയുള്ള ആരോഗ്യസുരക്ഷ ഇന്‍ഷ്വറന്‍സ് പ്രീമിയത്തിനേയും നികുതിയില്‍ നിന്നും ഒഴിവാക്കിയിട്ടുണ്ട്. അതിന് പുറമെ ഗുരുതരമായ അസുഖങ്ങളുടെ ചികിത്സയ്ക്കായി ചെലവാക്കുന്ന ഒരുലക്ഷം രൂപ വരെയ്ക്കും നികുതിയിളവുണ്ട്.

നമ്മുടെ രാജ്യത്തെ സൂക്ഷ്മചെറുകിടഇടത്തരംസംരംഭങ്ങള്‍ അല്ലെങ്കില്‍എം.എസ്.എം.ഇകള്‍ക്ക്ദീര്‍ഘകാലം വന്‍കിട വ്യവസായങ്ങളെക്കാള്‍ഉയര്‍ന്ന നികുതി നല്‍കേണ്ടിവന്നിട്ടുണ്ട്. ശക്തമായ നടപടിയുടെ ഭാഗമായി ഈ ബജറ്റ്എം.എസ്.എം.ഇകളുടെ നികുതി നിരക്കില്‍ 5% കുറവുവരുത്തി. നിലവില്‍അവര്‍ക്ക് മുമ്പ് നല്‍കിയിരുന്ന 30% നികുതിക്ക് പകരം 25% നല്‍കിയാല്‍മതി. എം.എസ്.എം.ഇ പദ്ധതികള്‍ക്ക് ആവശ്യംവേണ്ടമൂലധനം ഉറപ്പാക്കുന്നതിനായി ബാങ്കുകളില്‍ നിന്നും എന്‍.ബി.എഫ്.സികളില്‍ നിന്നുംവായ്പ ലഭ്യമാക്കുന്നത്എളുപ്പമാക്കി. മെയ്ക്ക്ഇന്‍ ഇന്ത്യദൗത്യത്തിന് ഇത്ഊര്‍ജ്ജസ്വലത പകരും.

വന്‍കിടവ്യവസായസ്ഥാപനങ്ങളുടെനിഷ്‌ക്രിയആസ്ഥിമൂലംഎം.എസ്.എം.ഇകള്‍വലിയ സമ്മര്‍ദ്ദത്തിലാണ്. മറ്റുള്ളവരുടെതെറ്റിന് ചെറുകിടസംരംഭകര്‍ ബുദ്ധിമുട്ടാന്‍ പാടില്ല. അതുകൊണ്ട് നിഷ്‌കൃയആസ്തിയുടെയുംതിരിച്ചടവില്ലാത്ത വായ്പയുടെയും പ്രശ്‌നങ്ങള്‍ പരിഹരിക്കുന്നതിനുള്ളതിരുത്തല്‍ നടപടികള്‍ഗവണ്‍മെന്റ് ഉടന്‍ പ്രഖ്യാപിക്കും.

തൊഴിലവസരങ്ങള്‍ വര്‍ദ്ധിപ്പിക്കുന്നതിനും തൊഴിലാളികളുടെസാമൂഹികസുരക്ഷയ്ക്കുമായിവളരെദൂരവ്യാപക പ്രത്യാഘാതങ്ങളുണ്ടാക്കുന്ന നിരവധി നടപടികള്‍ഗവണ്‍മെന്റ്‌കൈക്കൊണ്ടു. ഇത് അനൗപചാരികമേഖലയില്‍ നിന്നും ഔപചാരികമേഖലയിലേക്കുള്ളമാറ്റത്തിന് പ്രേരണനല്‍കുകയും പുതിയതൊഴിലവസരങ്ങള്‍സൃഷ്ടിക്കുകയുംചെയ്യും. മൂന്നുവര്‍ഷത്തേക്ക് പുതുതായി പണിക്ക്‌ചേരുന്ന തൊഴിലാളികളുടെ ഇ.പി.എഫിന്റെ 12% ഗവണ്‍മെന്റ്‌സംഭാവനചെയ്യുംഅതിന് പുറമെ പുതിയ വനിതാജീവനക്കാരുടെ ഇ.പി.എഫ്‌വിഹിതം 12% ല്‍ നിന്നും 8% മായിമൂന്നുവര്‍ഷത്തേക്ക് കുറയ്ക്കുകയുംചെയ്തു. അതുകൊണ്ട്അവര്‍ക്ക്‌വീട്ടില്‍കൊണ്ടുപോകാവുന്ന ശമ്പളം വര്‍ദ്ധിക്കുകയും തൊഴിലവസരങ്ങള്‍കൂടുകയുംചെയ്തിട്ടുണ്ട്. അതേസമയംതൊഴിലുടമയുടെസംഭാവന 12% ആയിതന്നെ നിലനിര്‍ത്തിയിട്ടുമുണ്ട്. പണിയെടുക്കുന്ന വനിതകളെശാക്തീകരിക്കുന്നതിനുള്ളഒരു പ്രധാനപ്പെട്ട നടപടിയാണിത്.

നവ ഇന്ത്യ എന്ന സ്വപ്‌നം സാക്ഷാത്കരിക്കണമെങ്കില്‍ സാധാരക്കാരുടെജീവിതംസുഗമമാക്കുകയുംവികസനത്തിന് സ്ഥിരത നല്‍കുകയുംവേണം. അതിന് ഇന്ത്യയ്ക്ക്അടുത്ത തലമുറ പശ്ചാത്തലസകര്യംആവശ്യമുണ്ട്. ഡിജിറ്റല്‍ഇന്ത്യയുമായി ബന്ധപ്പെട്ട അടിസ്ഥാനസൗകര്യവികസനത്തിന് പ്രത്യേകഊന്നല്‍ നല്‍കിയിട്ടുണ്ട്. ഇതിനായി 6ലക്ഷം കോടിരൂപയാണ്‌വകയിരുത്തിയിരിക്കുന്നത്. ഇത്കഴിഞ്ഞ വര്‍ഷത്തേക്കാള്‍ഒരുലക്ഷംകോടിരൂപ കൂടുതലാണ്. ഈ പദ്ധതികള്‍രാജ്യത്ത് നാനാവിധത്തിലുള്ളതൊഴിലവസരങ്ങള്‍ വര്‍ദ്ധിപ്പിക്കും.

ശമ്പളക്കാര്‍ക്കും ഇടത്തരക്കാര്‍ക്കും നികുതിയിളവ് നല്‍കിയതിന് ഞാന്‍ ധനമന്ത്രിയെഅഭിനന്ദിക്കുകയാണ്.

ഓരോഇന്ത്യന്‍ പൗരന്റേയുംസങ്കല്‍പ്പത്തിനനുസരിച്ച് ഈ ബജറ്റ്എത്തിയിട്ടുണ്ട്. കര്‍ഷകര്‍ക്ക്അവരുടെവിളകള്‍ക്ക്‌ലാഭകരമായവില, പാവപ്പെട്ടവരുടെഉന്നമനം, അതിന് വേണ്ടക്ഷേമപദ്ധതികള്‍, നികുതി നല്‍കുന്ന പൗരന്റെസത്യസന്ധതയെ മാനിക്കല്‍, ശരിയായ നികുതിഘടനയിലൂടെസംരംഭകരുടെതാല്‍പര്യംഉള്‍ക്കൊള്ളല്‍, മുതിര്‍ന്ന പൗരന്മാര്‍ രാജ്യത്തിന് നല്‍കിയസംഭാവനകളെ മാനിക്കുകഎന്നിവയെല്ലാം ഈ ബജറ്റ്‌ചെയ്യുന്നുണ്ട്.

ജീവിതം സുഖകരമാക്കുന്നതിനും നവ ഇന്ത്യയ്ക്ക്അടിത്തറ പാകുന്നതിനും സഹായകരമായ ഒരു ബജറ്റ്അവതരിപ്പിച്ചതിന് ധനമന്ത്രിക്കും അദ്ദേഹത്തിന്റെ ടീമിനും എന്റെ ഹൃദയം നിറഞ്ഞ അഭിനന്ദനങ്ങള്‍.

എല്ലാവ്യക്തിഗത സംരംഭങ്ങള്‍ക്കും പ്രത്യേക തിരിച്ചറിയല്‍രേഖ

ന്യൂദല്‍ഹി:എല്ലാ ഇന്ത്യക്കാര്‍ക്കും വലുതും ചെറുതുമായ എല്ലാ സംരംഭങ്ങള്‍ക്കും ആധാര്‍തിരിച്ചറിയല്‍ വ്യക്തിത്വം നല്‍കിയെന്നും സവിശേഷ തിരിച്ചറിയല്‍രേഖ ആവശ്യമാണെന്നും പൊതുബഡ്ജറ്റ് അവതരിപ്പിച്ച് കേന്ദ്ര ധനമന്ത്രി അരുണ്‍ ജെയ്റ്റ്‌ലി പറഞ്ഞു. രാജ്യത്തെ മുഴുവന്‍ വ്യക്തിഗത സംരംഭങ്ങളെയും സവിശേഷ തിരിച്ചറിയല്‍രേഖയിലേക്കു കൊണ്ടുവരാന്‍ പദ്ധതി നടപ്പാക്കുമെന്നും ധനമന്ത്രി പ്രഖ്യാപിച്ചു.

ഫുഡ്‌കോര്‍പറേഷന്‍ ഓഫ് ഇന്ത്യയുടെ പ്രവര്‍ത്തന മൂലധന ആവശ്യങ്ങള്‍ നിറവേറ്റുന്നതിന് ദീര്‍ഘകാല വായ്പകള്‍ ലഭ്യമാക്കാന്‍ അതിന്റെമൂലധനം അനുഭവ വിഹിതമായിവര്‍ധിപ്പിച്ച് പുനസ്സംഘടിപ്പിക്കും. സംസ്ഥാന ഗവണ്‍മെന്റുകള്‍ നടത്തുന്ന മെട്രോ സംരംഭങ്ങളുടെ അനുഭവ വിഹിതത്തിലേക്കും കടത്തിലേക്കുമുള്ള കേന്ദ്ര ഗവണ്‍മെന്റ്‌സംഭാവനയുടെ വിഹിതം െവട്ടിക്കുറയ്ക്കുമെന്നും ധനമന്ത്രി പറഞ്ഞു.

രണ്ട് ഇന്‍ഷുറന്‍സ് കമ്പനികള്‍ ഉള്‍പ്പെടെ 14 കേന്ദ്ര പൊതുമേഖലാസ്ഥാപനങ്ങളെസ്‌റ്റോക്ക് എക്‌സ്‌ചേഞ്ച് വിനിമയ പട്ടികയില്‍ ഉള്‍പ്പെടുത്താന്‍ ഗവണ്‍മെന്റ് അനുമതി നല്‍കി. ഹിന്ദുസ്ഥാന്‍ പെട്രോളിയം കമ്പനിയെ ഒഎന്‍ജിസി ഏറ്റെടുക്കുന്നതിനുള്ള നടപടിക്രമങ്ങള്‍ വിജയകരമായി പൂര്‍ത്തീകരിച്ചുവെന്ന് ജെയ്റ്റ്‌ലി പറഞ്ഞു. നാഷണല്‍ ഇന്‍ഷുറന്‍സ് കമ്പനി ലിമിറ്റഡ്, യുണൈറ്റഡ്ഇന്ത്യാ അഷ്വറന്‍സ് കമ്പനി ലിമിറ്റഡ്, ഓറിയന്റല്‍ഇന്ത്യാ ഇന്‍ഷുറന്‍സ് കമ്പനി ലിമിറ്റഡ് എന്നീ മൂന്ന് പൊതുമേഖലാ ജനറല്‍ ഇന്‍ഷുറന്‍സ് കമ്പനികളെ ലയിപ്പിച്ച് ഒന്നാക്കി അവയെ വൈകാതെ സ്റ്റോക്ക്എക്‌സ്‌ചേഞ്ചില്‍ ലിസ്റ്റ്കയും ചെയ്യും.

സ്വര്‍ണം ഒരു ആസ്തിയായിവികസിപ്പിക്കുന്നതിന് സമഗ്ര സ്വര്‍ണ്ണ നയംകൊണ്ടുവരുമെന്നും ധനമന്ത്രി പ്രഖ്യാപിച്ചു. രാജ്യത്തെ സ്വര്‍ണ്ണ വിനിമയം നിയന്ത്രിക്കുന്നതിനു വേണ്ടി ഉപഭോക്തൃസൗഹൃദപരവുംവ്യാപാരോന്മുഖവുമായ ഒരുമേല്‍നോട്ട സംവിധാനം നടപ്പാക്കും. ജനങ്ങള്‍ക്ക് തര്‍ക്കരഹിതമായിസ്വര്‍ണ്ണ നിക്ഷേപ അക്കൗണ്ട് തുറക്കാന്‍ കഴിയുന്ന വിധം സ്വര്‍ണനിയന്ത്രണ പദ്ധതി പുനരേകീകരിക്കും.