അഡ്വ. സനല്‍കുമാറിന് ടാമ്പായില്‍ ജൂലൈ 31-ന് സ്വീകരണം നല്‍കുന്നു

റ്റാമ്പാ: ഫോമ, ഫൊക്കാന ദേശീയ സമ്മേളനങ്ങളില്‍ പങ്കെടുക്കുന്നതിനു അമേരിക്കയില്‍ എത്തിയ സി.പി.എം. നേതാവും, തിരുവല്ല അര്‍ബന്‍ സഹകരണ ബാങ്ക് പ്രസിഡന്റുമായ അഡ്വ. സനല്‍കുമാറിന് റ്റാമ്പായില്‍ ഹൃദ്യമായ സ്വീകരണം നല്‍കുന്നു.

അഡ്വ. സനല്‍കുമാര്‍ നിലവില്‍ സി.പി.എം പത്തനംതിട്ട ജില്ലാ സെക്രട്ടറിയേറ്റ് അംഗവും, കഴിഞ്ഞ 25 വര്‍ഷമായി സഹകരണ രംഗത്തെ കേരളത്തിലെ നിറസാന്നിധ്യവും, പത്തനംതിട്ട ജില്ലാ സഹകരണബാങ്ക് മുന്‍ പ്രസിഡന്റുമാണ്. പരുമല ദേവസ്വം ബോര്‍ഡ് കോളജ് യൂണിയന്‍ ചെയര്‍മാന്‍, മഹാത്മാഗാന്ധി സര്‍വ്വകലാശാല യൂണിയന്‍ സെക്രട്ടറി, സെനറ്റ് അംഗം തുടങ്ങിയ നിലകളില്‍ പ്രവര്‍ത്തിച്ച ഇദ്ദേഹം തിരുവല്ലയിലെ പ്രമുഖ അഭിഭാഷകനുമാണ്.

റ്റാമ്പായിലെ വിവിധ സംഘടനകള്‍ ചേര്‍ന്ന് സംഘടിപ്പിച്ചിട്ടുള്ള സമ്മേളനം വൈകുന്നേരം 6.45-ന് ആരംഭിക്കും. കേരളാ സെന്ററില്‍ (606 Lenna Ave, Seffner, FL 33584) നടക്കുന്ന യോഗത്തില്‍ റ്റാമ്പായിലെ വിവിധ സാമൂഹ്യ-സാംസ്കാരിക നേതാക്കള്‍ സംബന്ധിക്കുന്നതാണ്.

അഡ്വ. സനല്‍കുമാറിന്റെ ആദ്യ അമേരിക്കന്‍ സന്ദര്‍ശനമാണിത്. കൂടുതല്‍ വിവരങ്ങള്‍ക്ക്: ടി. ഉണ്ണികൃഷ്ണന്‍ (813 334 0123), സജി കരിമ്പന്നൂര്‍ (813 263 6302), ഉല്ലാസ് ഉലഹന്നാന്‍ (727 776 4443), ബിനു മാമ്പിള്ളി (941 580 2205), ടിറ്റോ ജോണ്‍ (813 408 3777), സുനില്‍ വര്‍ഗീസ് (727 793 4627), ടോമി മ്യാല്‍ക്കര (813 416 9183), ജോസ് ഉപ്പൂട്ടില്‍ (813 334 5135).

ജോയിച്ചന്‍ പുതുക്കുളം

ഫൊക്കാന ഷോര്‍ട്ട് ഫിലിം ഫെസ്റ്റിവലില്‍ തരംഗമായി “എറാ” (ERA)

ഫിലാഡല്‍ഫിയയിലെ വാലിഫോര്‍ജില്‍ ഫൊക്കാന കണ്‍വന്‍ഷനോട് അനുബന്ധിച്ച് നടന്ന ഫൊക്കാനാ ഷോര്‍ട്ട് ഫിലിം ഫെസ്റ്റിവലില്‍ 4 അവാര്‍ഡുകള്‍ നേടിക്കൊണ്ട് “എറാ” (ERA) തിളക്കമാര്‍ന്ന വിജയം നേടി. മികച്ച സിനിമ, മികച്ച നടി, മികച്ച സഹനടന്‍,നവാഗത സംവിധായകനുള്ള പ്രത്യേക ജൂറി പുരസ്കാരം എന്നിവയാണ് “എറാ” നേടിയത്. പുതു തലമുറയിലെ ഭാര്യ വേഷം തന്മയത്വത്തോടു കൂടി അവതരിപ്പിച്ച ഫിലാഡല്‍ഫിയയില്‍ നിന്നുള്ള അഷിത ശ്രീജിത്ത് ആണ് മികച്ച നടി. നായക കഥാപാത്രത്തിന്റെ കൂട്ടുകാരനെ അനായാസം സ്ക്രീനില്‍ ആവിഷ്കരിച്ച ഫിലാഡല്‍ഫിയയില്‍ നിന്നുമുള്ള സൂരജ് ദിനമണിയാണ് മികച്ച സഹനടന്‍. തന്റെ

കന്നിച്ചിത്രത്തിലൂടെ ഹ്രസ്വചിത്ര മേഖലയില്‍ പ്രാഗല്‍ഭ്യം തെളിയിച്ച ഫിലാഡല്‍ഫിയയിലെ സാഹിത്യകാരിയായ സോയ നായര്‍ക്ക് മികച്ച നവാഗത സംവിധായികയ്ക്കുള്ള ജൂറിയുടെ പ്രത്യേക പുരസ്കാരം ലഭിച്ചു. മികച്ച ചിത്രമായി തെരഞ്ഞെടുക്കപ്പെട്ട “എറാ”യുടെ കഥയും തിരക്കഥയും സംഭാഷണവും ചെയ്തിരിക്കുന്നത് സോയ നായരാണ് . കേസിയ വിഷ്വല്‍ യു എസ്സ് എ യുടെ ബാനറില്‍ സജു വര്‍ഗീസാണ് “എറാ” നിര്‍മ്മിച്ചത്. മാറുന്ന കാലഘട്ടങ്ങളില്‍ മാറ്റം സംഭവിച്ചു കൊണ്ടിരിക്കുന്ന റ്റെക്‌നോളജി മനുഷ്യന്റെ ഓര്‍മ്മശക്തിയെ കീഴ്‌പ്പെടുത്തുന്നതിനെ ആധാരമാക്കിയുള്ളതാണു ഈ ചിത്രം.

ഇന്റര്‍നാഷണല്‍ എഡ്യൂക്കേഷന്‍ ഫൗണ്ടേഷന്‍ 2018 വാര്‍ഷിക ഗ്രാഡ്വേഷന്‍ ചടങ്ങില്‍ വിദ്യാര്‍ത്ഥികളെ ആദരിച്ചു

ചിക്കാഗോ: ജൂണ്‍ ഒമ്പതാം തീയതി ഇന്റര്‍നാഷണല്‍ എഡ്യൂക്കേഷന്‍ ഫൗണ്ടേഷന്‍ ഗ്രാഡ്വേറ്റ് ചെയ്ത വിദ്യാര്‍ത്ഥികളെ ആദരിക്കുന്ന ചടങ്ങ് നടത്തി. ഈവര്‍ഷം വളരെ മികച്ച വിജയത്തോടെ ഹൈസ്കൂളില്‍ നിന്നും കോളജില്‍ നിന്നും ഗ്രാഡ്വേറ്റ് ചെയ്ത 17 കുട്ടികളെ ഐ.ഇ.എഫ് ആദരിച്ചു. ചടങ്ങില്‍ മുഖ്യാതിഥിയായി പെന്‍സില്‍വേനിയ അഞ്ചാം ഡിസ്ട്രിക്ട് സെനറ്റര്‍ ജോണ്‍ പി. സബാറ്റിന ജൂണിയര്‍ വിദ്യാര്‍ത്ഥികള്‍ക്ക് അവാര്‍ഡുകള്‍ നല്കി.

ഇതുകൂടാതെ വളരെ പ്രശംസനീയമായ സെനറ്ററുടെ ഗുഡ് സിറ്റിസണ്‍ അവാര്‍ഡ് അദ്ദേഹം അഖില ബെന്നി, എലിസബത്ത് പ്രസാദ്, സാമുവേല്‍ മാത്യു, സിമി ജോസഫ് എന്നീ വിദ്യാര്‍ത്ഥികള്‍ക്ക് നല്‍കി. അതൊടൊപ്പം സ്‌കോളര്‍ഷിപ്പുകള്‍, കമ്യൂണിറ്റി സര്‍വീസ് അവാര്‍ഡുകള്‍ എന്നിവ മികവ് കാട്ടിയ അഞ്ച് വിദ്യാര്‍ത്ഥികള്‍ക്ക് ഐ.ഇ.എഫ് അഡ്മിനിസ്‌ട്രേറ്റര്‍മാര്‍ നല്‍കി. 14 വിദ്യാര്‍ത്ഥികള്‍ ഹൈസ്കൂളില്‍ നിന്നും ഗ്രാഡ്വേറ്റ് ചെയ്തു. ഒരു വിദ്യാര്‍ത്ഥി ബിരുദ പഠനം പൂര്‍ത്തീകരിച്ചു. രണ്ട് വിദ്യാര്‍ത്ഥികള്‍ ബിരുദാനന്തര ബിരുദം പൂര്‍ത്തീകരിച്ചു.

നിലവിലുള്ള വിദ്യാര്‍ത്ഥി അംഗങ്ങളെ കൂടാതെ പൂര്‍വ്വ വിദ്യാര്‍ത്ഥികള്‍, രക്ഷകര്‍ത്താക്കള്‍ തുടങ്ങിയവര്‍ പങ്കെടുത്ത ഈ പരിപാടി ആവിഷ്കരിച്ചത് പ്രോഗ്രാം കോര്‍ഡിനേറ്റേഴ്‌സായ ആന്‍ ഇടിച്ചാണ്ടി,. ഗ്രേയ്‌സണ്‍ കളത്തില്‍, മോണിക്ക ജസ്റ്റീന്‍, സോണ മാത്യു, പുന്നൂസ് ചെറിയാന്‍ തുടങ്ങിയ സീനിയര്‍ വിദ്യാര്‍ത്ഥികളായിരുന്നു. സെനറ്റര്‍ സബാറ്റിനയുടെ സാന്നിധ്യവും, സഹകരണവും എല്ലാ ഐ.ഇ.എഫ് അംഗങ്ങള്‍ക്കും പ്രചോദനമായി പരിപാടി സമാപിച്ചു.

ജോയിച്ചന്‍ പുതുക്കുളം

ചിക്കാഗോ സോഷ്യല്‍ ക്ലബ്ബിന്റെ ഇന്റര്‍നാഷണല്‍ വടംവലി മത്സരം സെപ്റ്റംബര്‍ 3 ന്

ചിക്കാഗോ സോഷ്യല്‍ ക്ലബ്ബിന്റെ 6-ാമത് ഇന്റര്‍നാഷണല്‍ വടംവലി മത്സരം സെപ്റ്റംബര്‍ 3-ാം തീയതി തിങ്കളാഴ്ച മോര്‍ട്ടന്‍ ഗ്രോപ്, ക്‌നാനായ പള്ളി (7800 W. Lyons St., Morton Grove IL USA 60053) മൈതാനിയില്‍ വച്ച് നടത്തപ്പെടുന്നു.

കഴിഞ്ഞ 5 വര്‍ഷങ്ങളായി നോര്‍ത്ത് അമേരിക്കന്‍ മലയാളി ചരിത്രത്തില്‍ ഒരു പുത്തന്‍ ശൈലിക്ക് രൂപം കൊടുത്ത ചിക്കാഗോ സോഷ്യല്‍ ക്ലബ്ബ് ഇക്കുറിയും സോഷ്യല്‍ ക്ലബ്ബിന്റെ അന്താരാഷ്ട്ര വടംവലി മത്സരത്തിന് വിപുലമായ സന്നാഹമാണ് നടത്തിക്കൊണ്ടിരിക്കുന്നത് എന്ന് ചെയര്‍മന്‍ സിറിയക് കൂവക്കാട്ടില്‍ പറഞ്ഞു. അലക്‌സ് പടിഞ്ഞാറേല്‍ (പ്രസിഡന്റ്), സജി മുല്ലപ്പള്ളി (വൈസ് പ്രസിഡന്റ്) എന്നിവര്‍ നേതൃത്വം കൊടുക്കുന്ന ഈ സോഷ്യല്‍ ക്ലബ്ബിന് ജോസ് മണക്കാട്ട് (സെക്രട്ടറി), പ്രസാദ് വെള്ളിയാന്‍ (ജോയിന്റ് സെക്രട്ടറി), ബിജു കരികുളം (ട്രഷറര്‍) എന്നിവരും ഇവര്‍ക്കൊപ്പം തോളോടുതോള്‍ ചേരുന്നു.

കുവൈറ്റ്, ലണ്ടന്‍, കാനഡ, ഇവരെ കൂടാതെ അമേരിക്കയിലെ വിവിധ സ്റ്റേറ്റുകളിലെ വമ്പന്മാരും ചിക്കാഗോയിലെ കരുത്തന്മാരും മാറ്റുരയ്ക്കുമ്പോള്‍ ലോക മലയാളി വടംവലി ചരിത്രത്തില്‍ ചിക്കാഗോ വടംവലി മത്സരം ഒരു ഇതിഹാസമായി മാറും എന്നതില്‍ സംശയമില്ല. ഒന്നാം സമ്മാനം ജോയി നെടിയകാലായില്‍ സ്‌പോണ്‍സര്‍ ചെയ്യുന്ന 5001 ഡോളറും മാണി നെടിയകാലായില്‍ മെമ്മോറിയല്‍ എവര്‍റോളിംഗ് ട്രോഫിയും, രണ്ടാം സമ്മാനം ഫിലിപ്പ് മുണ്ടപ്ലാക്കല്‍ സ്‌പോണ്‍സര്‍ ചെയ്യുന്ന 3001 ഡോളറും ജോയി മുണ്ടപ്ലാക്കല്‍ എവര്‍റോളിംഗ് ട്രോഫിയും, മൂന്നാം സമ്മാനം സാബു പടിഞ്ഞറേല്‍ സ്‌പോണ്‍സര്‍ ചെയ്യുന്ന 2001 ഡോളറും എവര്‍റോളിംഗ് ട്രോഫിയും, നാലാം സമ്മാനം ചിക്കാഗോ മംഗല്യ ജൂവല്ലറി സ്‌പോണ്‍സര്‍ ചെയ്യുന്ന 1001 ഡോളറും എവര്‍റോളിംഗ് ട്രോഫിയും ഉണ്ടായിരിക്കും.

ഇതു കൂടാതെ ബെസ്റ്റ് കോച്ച്, ബെസ്റ്റ് ഫ്രണ്ട്, ബെസ്റ്റ് ബാക്ക്, ബെസ്റ്റ് സിക്‌സ്ത് എന്നിങ്ങനെ സമ്മാനങ്ങളുടെ പെരുമഴയാണ് എന്ന് സംഘാടകര്‍ പറഞ്ഞു.

ഈ മഹാവടംവലി മാമാങ്കത്തിലേക്ക് എല്ലാ മലയാളികളെയും ചിക്കാഗോയിലേക്ക് സ്വാഗതം ചെയ്യുന്നതായി സംഘാടകര്‍ പറഞ്ഞു. മാത്യു തട്ടാമറ്റം അറിയിച്ചതാണിത്.

ജോയിച്ചന്‍ പുതുക്കുളം

ഗോപിയോ സുവനീര്‍ കേന്ദ്രമന്ത്രി അല്‍ഫോന്‍സ് കണ്ണന്താനം പ്രകാശനം ചെയ്തു

ഷിക്കാഗോ: ഇന്ത്യക്കാരുടെ ആഗോള സംഘടനയായ ഗ്ലോബല്‍ ഓര്‍ഗനൈസേഷന്‍ ഫോര്‍ പീപ്പിള്‍ ഓഫ് ഇന്ത്യന്‍ ഒറിജിന്റെ (ഗോപിയോ) മുപ്പത്തൊമ്പതാമത് വാര്‍ഷിക സുവനീര്‍ ഗോപിയോ ഷിക്കാഗോ ചെയര്‍മാന്‍ ഗ്ലാഡ്‌സണ്‍ വര്‍ഗീസിന്റെ സാന്നിധ്യത്തില്‍ ഗോപിയോ ഗ്ലോബല്‍ പ്രസിഡന്റ് സണ്ണി കുളത്താക്കലിന് കോപ്പി നല്‍കിക്കൊണ്ട് കേന്ദ്ര ഐ.ടി- ടൂറിസം വകുപ്പ് മന്ത്രി അല്‍ഫോന്‍സ് കണ്ണന്താനം പ്രകാശനം ചെയ്തു.

ഗോപിയോ എന്ന അമ്പതില്‍പ്പരം രാജ്യങ്ങളിലായി ചാപ്റ്ററുകളുള്ള ഗ്ലോബല്‍ സംഘടനയെ നയിക്കുന്നത് ബഹ്‌റിനില്‍ നിന്നുള്ള വ്യവസായിയായ സണ്ണി കുളത്താക്കലാണ്. ബഹ്‌റിനില്‍ നടന്ന ഗ്ലോബല്‍ സമ്മേളനം ബഹ്‌റിന്‍ രാജകുമാരന്‍ ഷെയ്ഖ് ഖലീഫ ബിന്‍ ദു അജീ ഉദ്ഘാടനം ചെയ്തു. ഗോപിയോ ഗ്ലോബല്‍ ചെയര്‍മാന്‍ ഡോ. തോമസ് ഏബ്രഹാമിന്റെ അധ്യക്ഷതയില്‍ കൂടിയ യോഗത്തില്‍ ഇന്ത്യന്‍ നാഷണല്‍ കോണ്‍ഗ്രസ് പ്രസിഡന്റ് രാഹുല്‍ ഗാന്ധി മുഖ്യ പ്രഭാഷണം നടത്തി. അയ്യായിരത്തില്‍ അധികം പേര്‍ പങ്കെടുത്ത സമ്മേളനത്തില്‍ ഇന്ത്യയുടെ മുന്‍ പ്രധാനമന്ത്രി ഡോ. മന്‍മോഹന്‍ സിംഗിന്റെ ഉപദേഷ്ടാവായിരുന്ന ഡോ. സാം പിട്രോഡ, ശശി തരൂര്‍ എം.പി, ബഹ്‌റിന്‍ വൈദ്യുതി വകുപ്പ് മന്ത്രി ഡോ. അബ്ദുള്‍ ബിന്‍ അലി മിര്‍സാ, ബഹ്‌റിന്‍ ടൂറിസം സി.ഇ.ഒ ഷെയ്ഖ് ഖാലിദ് ബിന്‍ അല്‍ ഖലീഫാ എന്നിവര്‍ വിവിധ സമ്മേളനങ്ങളില്‍ പങ്കെടുത്ത് സംസാരിച്ചു.

കേന്ദ്രമന്ത്രി അല്‍ഫോന്‍സ് കണ്ണന്താനം, ഗോപിയോ ഇന്ത്യന്‍ ടൂറിസം വികസിപ്പിക്കുന്നതിനായി പ്രവര്‍ത്തിക്കണമെന്ന് ആവശ്യപ്പെടുകയുണ്ടായി.

ഗോപിയോ ഗ്ലോബല്‍ പ്രസിഡന്റ് സണ്ണി കുളത്താക്കല്‍ ഇന്ത്യയുടെ ടൂറിസം വികസനത്തിനായി വിവിധ രാജ്യങ്ങളില്‍ ഇന്ത്യന്‍ കോണ്‍സുലേറ്റിനോട് ചേര്‍ന്ന് റോഡ് ഷോകള്‍ സംഘടിപ്പിക്കുന്നതാണെന്ന് കേന്ദ്രമന്ത്രിയെ അറിയിച്ചു. ഷിക്കാഗോ ഇന്ത്യന്‍ കോണ്‍സുല്‍ ഡി.ബി ബാട്ടിയും സമ്മേളനത്തില്‍ സംബന്ധിച്ചു.

ജോയിച്ചന്‍ പുതുക്കുളം

ചിക്കാഗോ അന്താരാഷ്ട്ര വടംവലിമത്സരം: സിറിയക് കൂവക്കാട്ടില്‍ മൂന്നാം പ്രാവശ്യവും ചെയര്‍മാന്‍

2018 സെപ്റ്റംബര്‍ 3-ാം തീയതി നടക്കാന്‍ പോകുന്ന ചിക്കാഗോ സോഷ്യല്‍ ക്ലബ്ബിന്റെ 6-ാമത് അന്തര്‍ദേശീയ വടംവലി മത്സരത്തിന്റെ ചെയര്‍മാനായി ശ്രീ. സിറിയക് കൂവക്കാട്ടില്‍ മൂന്നാം പ്രാവശ്യവും ഐകകണ്‌ഠേന തെരഞ്ഞെടുത്തു.

നോര്‍ത്ത് അമേരിക്കയിലെ മലയാളി സമൂഹത്തില്‍ നിറസാന്നിദ്ധ്യമായ സിറിയക് കൂവക്കാട്ടില്‍ നല്ലൊരു സംഘാടകനും, കായികതാരവും, കായികപ്രേമിയും അതിനുപരി നല്ലൊരു ഈശ്വരവിശ്വാസിയുമാണ്.

നോര്‍ത്ത് അമേരിക്കയിലെ മലയാളി കായിക ചരിത്രത്തില്‍ ഒരു നാഴികക്കല്ലായി മാറിയ ഈ വടംവലി മത്സരത്തിന്റെ ചുക്കാന്‍ ശ്രീ. സിറിയക് കൂവക്കാടന്റെ കൈകളില്‍ സുരക്ഷിതമായിരിക്കും എന്നതില്‍ യാതൊരു സംശയവുമില്ലെന്ന് സോഷ്യല്‍ ക്ലബ്ബിന്റെ പ്രസിഡന്റ് അലക്‌സ് പടിഞ്ഞാറേല്‍, വൈസ് പ്രസിഡന്റ് സജി മുല്ലപ്പള്ളി എന്നിവര്‍ പറഞ്ഞു.

ഒന്നും രണ്ടും മൂന്നും സ്ഥാനം ലഭിക്കുന്ന ടീമിന് യഥാക്രമം 5001, 3001, 2001, 1001 ഡോളര്‍ ക്യാഷ് അവാര്‍ഡും എവര്‍റോളിംഗ് ട്രോഫിയും മറ്റ് ആകര്‍ഷകമായ സമ്മാനങ്ങളും ഉണ്ടായിരിക്കുന്നതാണ്.
മാത്യു തട്ടാമറ്റം അറിയിച്ചതാണിത്.

ജോയിച്ചന്‍ പുതുക്കുളം

മാതാപിതാക്കളുടെ അശ്രദ്ധ: രണ്ടു വയസുകാരന്‍ വെടിയേറ്റു മരിച്ചു

ഹൂസ്റ്റണ്‍: സ്വയസംരക്ഷണത്തിനായി വീടുകളില്‍ വാങ്ങിവെക്കുന്ന തോക്ക് സുരക്ഷിതമായി വെയ്ക്കുന്നതിന് പകരം അലക്ഷ്യമായി സോഫയില്‍ ഇട്ടതു രണ്ടുവയസുകാരന്റെ കൈയിലെടുത്ത് കളിക്കുകയും, അബന്ധത്തില്‍ വെടിപൊട്ടി കൊല്ലപ്പെടുകയും ചെയ്ത സംഭവം നോര്‍ത്ത് വെസ്റ്റ് ഹൂസ്റ്റണില്‍ നിന്നും റിപ്പോര്‍ട്ടു ചെയ്യപ്പെട്ടു.

ജൂലായ് 8 ഞായറാഴ്ച ഉച്ചതിരിഞ്ഞായിരുന്നു സംഭവം. മാതാപിതാക്കള്‍ വീട്ടിലുണ്ടായിരുന്നുവെങ്കിലും, കുട്ടി സോഫയില്‍ നിന്നും തോക്ക് എടുത്ത് കളിക്കുന്നതു ഇവരുടെ ശ്രദ്ധയില്‍പ്പെട്ടിരുന്നില്ല.

തോക്ക് തലക്കുനേരെ ചൂണ്ടി സ്വയം നിറയൊഴിക്കുകയായിരുന്നു. വെടിയേറ്റ് കുട്ടിയെ ടെക്‌സസ് ചില്‍ഡ്രന്‍സ് ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. അന്വേഷണം പുരോഗമിക്കുന്നതായും, കേസ്സെടുക്കുന്ന കാര്യം തീരുമാനിച്ചിട്ടില്ലെന്നും ഹൂസ്റ്റണ്‍ പോലീസ് ക്യാപ്റ്റന്‍ ഡേവിഡ് ഏജന്റലൊ പറഞ്ഞു.

മാതാപിതാക്കളോ, മുതിര്‍ന്ന കുടുംബാംഗങ്ങളോ അലക്ഷ്യമായി വലിച്ചെറിയുന്ന തോക്ക് കുട്ടികല്‍ എടുത്തു കളിക്കുമ്പോള്‍ വെടിപൊട്ടി നിരവധി കുരുന്നുകളുടെ ജീവനാണ് നഷ്ടപ്പെട്ടിട്ടുള്ളത്.

കുട്ടികള്‍ക്ക് ലഭിക്കാത്തവിധം തോക്കുകള്‍ സുരക്ഷിതമായിവെക്കുന്നതില്‍ ബന്ധപ്പെട്ടവര്‍ അതീവ ശ്രദ്ധ ചെലുത്തണമെന്ന് ക്യാപ്റ്റന്‍ നിര്‍ദ്ദേശിച്ചു.

പി.പി. ചെറിയാന്‍

ഷിക്കാഗോയില്‍ ഈ വര്‍ഷം വെടിയേറ്റവരുടെ എണ്ണം 1400 കവിഞ്ഞു

ഷിക്കാഗോ: ജൂലൈ ആദ്യവാരം ഷിക്കാഗോ സിറ്റിയില്‍ നടന്ന വെടിവയ്പില്‍ നാലു പേര്‍ കൊല്ലപ്പെടുകയും 23 പേര്‍ക്ക് പരുക്കേല്‍ക്കുകയും ചെയ്തതോടെ ഈ വര്‍ഷം വെടിയേറ്റവരുടെ എണ്ണം 1433 കവിഞ്ഞതായി ഷിക്കാഗോയില്‍ നിന്നുള്ള റിപ്പോര്‍ട്ടുകള്‍ ചൂണ്ടികാണിക്കുന്നു. 2018 ല്‍ മാത്രം 246 പേര്‍ കൊല്ലപ്പെട്ടതായും റിപ്പോര്‍ട്ടുകള്‍ ഉണ്ട്. കഴിഞ്ഞ വര്‍ഷം ഈ സമയത്ത് വെടിയേറ്റവരുടെ എണ്ണം 1945 ആയിരുന്നു. 2012 ല്‍ ഈ സംഖ്യ 1334.

ഗണ്‍വയലന്‍സിനെതിരെ ബോധവല്‍ക്കരണ പരിപാടികള്‍ വര്‍ധിച്ചു വരുന്നുണ്ടെങ്കിലും വെടിവയ്പുകളുടെ എണ്ണത്തില്‍ കുറവില്ലാത്തത് സാധാരണ ജനങ്ങളെ പരിഭ്രാന്തരാക്കിയിട്ടുണ്ട്. തോക്ക് വില്‍പനയില്‍ നിയന്ത്രണം ശരിയായ രീതിയില്‍ നടപ്പാക്കാന്‍ കഴിയാത്തത് ഗണ്‍വയലന്‍സ് വര്‍ധിക്കുന്നതിന് ഇടയാക്കുന്നു. അമേരിക്കയിലെ വെടിവെയ്പ് സംഭവങ്ങള്‍ വര്‍ധിച്ചു വരുന്ന സിറ്റികളില്‍ മുന്നിലാണ് ഷിക്കാഗോ. 2016, 2017 വര്‍ഷങ്ങളില്‍ വെടിവയ്പു സംഭവങ്ങളുടെ എണ്ണത്തില്‍ അല്‍പം കുറവ് വന്നിരുന്നുവെങ്കിലും വീണ്ടും വര്‍ധിച്ചത് അധികാരികളിലും ആശങ്കയുളവാക്കിയിട്ടുണ്ട്.

പി. പി. ചെറിയാന്‍

ജഡ്ജ് ബ്രട്ട കവനൊയെ സുപ്രീംകോടതി ജഡ്ജിയായി ട്രംമ്പു നോമിനേറ്റ് ചെയ്തു

വാഷിംഗ്ടണ്‍: അമേരിക്കന്‍ സുപ്രീംകോടതി ജഡ്ജിയായി ജഡ്ജ് ബ്രട്ട് കവനൊയെ (53) പ്രസിഡന്റ് ട്രംമ്പു നോമിനേറ്റു ചെയ്തു. ജസ്റ്റിസ് ആന്റണി കെന്നഡിയുടെ ഒഴിവിലേക്കാണ് പുതിയ നിയമനം.

വൈറ്റ ഹൗസ് ഈസ്റ്ററൂമില്‍ ജൂലായ് 9 തിങ്കളാഴ്ച വൈകിട്ട് 9 മണിക്കാണ് ട്രംമ്പിന്റെ പ്രഖ്യാപനം ഉണ്ടായത്.

അമേരിക്കയുടെ സുപ്രീം കോടതി ജഡ്ജിയായി കവനൊയെ നാമനിര്‍ദേശം ചെയ്യുന്നതില്‍ ഞാന്‍ അഭിമാനിക്കുന്നു ട്രംമ്പു പറഞ്ഞു.

ട്രംമ്പ് അധികാരം ഏറ്റെടുത്തു പതിനെട്ടു മാസം പൂര്‍ത്തിയാകുന്നതിനിടെ രണ്ടാമത്തെ സുപ്രീം കോടതി ജഡ്ജിയെയാണ് ട്രംമ്പ് നോമിനേറ്റ് ചെയ്യുന്നത്.

ഡിസ്ട്രിക്റ്റ് ഓഫ് കൊളംബിയ കോര്‍ട്ട് ഓഫ് അപ്പീല്‍സ് ആയിട്ടാണ് കവനൊ ഇപ്പോള്‍ പ്രവര്‍ത്തിക്കുന്നത്. 2006ല്‍ പ്രസിഡന്റ് ജോര്‍ജ് ഡബ്ലിയു ബുഷാണ് ഈ സ്ഥാനത്തേക്ക് കവനൊയെ നോമിനേറ്റ് ചെയ്തത്.

സെനറ്റിന്റെ അംഗീകാരം ലഭിച്ചാല്‍ കെന്നഡി ഒഴിയുന്ന സ്ഥാനത്ത് കവനൊ നിയമിതനാകും. ട്രംമ്പിന്റെ പ്രഖ്യാപനം വന്ന് നിമിഷങ്ങള്‍ക്കകം സെനറ്റര്‍ കമല ഹാരിസ് (കാലിഫോര്‍ണിയ), കോറി ബുക്കര്‍ (ന്യൂ ജേഴ്‌സി) എന്നിവര്‍ കവനൊക്കെതിരായി വോട്ടു ചെയ്യുമെന്ന് പ്രഖ്യാപിച്ചിട്ടുണ്ട്.

പി. പി. ചെറിയാന്‍

എന്‍ എസ് എസ് സംഗമം: മികച്ച രജിസ്ട്രഷന്‍

ഷിക്കാഗോ: ഷിക്കാഗോയില്‍ ആഗസ്റ്റ് 10, 11, 12 തീയതികളില്‍ നടക്കുന്ന എന്‍ എസ് എസ് ഓഫ് നോര്‍ത്ത് അമേരിക്കയുടെ ദേശീയ സംഗമത്തിന്റെ രജി്സ്ട്രേഷന്‍ മികച്ച രീതിയില്‍ മുന്നോട്ടു പോകുന്നതായി രജിസ്ട്രേഷന്‍ കമ്മറ്റി ചെയര്‍മാന്‍ അരവിന്ദ് പിള്ള, കോ ചെയര്‍മാന്‍ സുരേഷ് ബാലചന്ദ്രന്‍ എന്നിവര്‍ അറിയിച്ചു. അമേരിക്കയില്‍ എന്‍ എസ് എസ് കരയോഗ പ്രവര്‍ത്തനമുള്ള സ്ഥലങ്ങളില്‍ നിന്നുമാത്രമല്ല മറ്റു സ്ഥലങ്ങളില്‍ നിന്നും നിരവധി പേര്‍ രജിസ്ട്രര്‍ ചെയ്്തു കഴിഞ്ഞു.

സ്പോണ്‍സര്‍( നാല് തരം),ഫാമിലി, കപ്പിള്‍ എന്നിങ്ങനെ ആറ് തരം രജിസ്ര്ടേഷന്‍ പാക്കേജുകളാണ് ഉള്ളത്. കൂടുതല്‍ രജിസ്ട്രേഷന്‍ ഫാമിലി പാക്കേജിലാണ്. രണ്ട് മുതിര്‍ന്നവരും രണ്ട് കുട്ടികളും അടങ്ങുന്ന കുടുബത്തിന് രണ്ടു രാത്രി താമസം നല്‍കുന്നതാണ് 879 ഡോളറിന്റെ ഈ പാക്കേജ്.കണ്‍വന്‍ഷന്‍ ദിനങ്ങളില്‍ കേരളീയ ഭക്ഷണം, ബാക്വറ്റിലും സാംസ്‌ക്കാരിക പരിപാടിയിലും പങ്കെടുക്കാന്‍ ടിക്കറ്റും സീറ്റ് റിസര്‍വേഷനും, വേദിയില്‍ പരെടുത്ത് പരാമര്‍ശനം, ഒഹ്റെ വിമാനത്തിവളത്തില്‍ നിന്ന് കണ്‍വന്‍ഷന്‍ സ്ഥലത്തേക്ക് യാ്ത്രാ സൗകര്യം, സൗജന്യ പാര്‍ക്കിംഗ് എന്നിവ ഈ പാക്കേജിന്റെ പ്രത്യേകതയാണ്. 699 ഡോളറിന്റെ പാക്കേജില്‍ രജിസ്ട്രര്‍ ചെയ്യുന്ന ദമ്പതികള്‍ക്കും രണ്ടു രാത്രി താമസം , കേരളീയ ഭക്ഷണം , ബാക്വറ്റിനും സാംസ്‌ക്കാരിക പരിപാടിക്കും ടിക്കറ്റ് എന്നിവ ലഭ്യമാക്കും.

രണ്ട് പാക്കേജുകളിലും ഏതാനും പേര്‍ക്കു കൂടി രജിസ്ട്രര്‍ ചെയ്യാന്‍ അവസരമുണ്ടെന്ന് അരവിന്ദ് പിള്ളയും സുരേഷ് ബാലചന്ദ്രനും അറിയിച്ചു.

അമേരിക്കയിലെ മലയാളി നായര്‍ കുടുബങ്ങളെ ഏകോപിപ്പിക്കുന്നതിനായി 2010 ല്‍ ന്യൂയോര്‍ക്ക് കേന്ദ്രീകരിച്ച് തുടങ്ങിയ നായര്‍ സര്‍വീസ് സൊസൈറ്റി ഓഫ് നോര്‍ത്ത് അമേരിക്കയുടെ പ്രഥമ കണ്‍വന്‍ഷന്‍ 2012 ല്‍ ഡാളസിലാണ് നടന്നത്. തുടര്‍ന്ന് 2014 ല്‍ വാഷിംഗ്ടണിലും 2016ല്‍ ഹൂസ്റ്റണിലും ദേശീയ കണ്‍വന്‍ഷന്‍ നടന്നു. പ്രസിഡന്റ് എം.എന്‍.സി നായര്‍ , ജനറല്‍ സെക്രട്ടറി അജിത് നായര്‍, ചെയര്‍മാന്‍ ജയന്‍ മുളങ്ങാട്, കോ ചെയര്‍മാന്‍ സുനില്‍ നായര്‍ എന്നിവരുടെ നേതൃത്വ്ത്തിലാണ് മൂന്നു ദിവസത്തെ കണ്‍വന്‍ഷന്‍ നടക്കുക.