Birthday celebration of Fr. John Thomas

കൗൺസിൽ ഓഫ് ഇന്ത്യൻ ഓർത്തഡോൿസ് ചർച്ച് കൊയർ പ്രസിഡന്റ് റവ.ഫാ .ജോൺ തോമസിന്റെ 70 -ആം ജന്മദിനം cherylyne St Gregorios ഓർത്തഡോൿസ് പള്ളിയിൽ വെച്ച് ആഘോഷിച്ചു . ന്യൂയോർക്കിലെ ബ്രൂക്‌ലിൻ , ക്യുഎൻസ് , ലോങ്ങ് ഐലൻഡ് ഏരിയയിലുള്ള 10 പള്ളികളിലെ അറുപതിലധികം അംഗങ്ങൾ അടങ്ങുന്നതാണ് കൗൺസിൽ കൊയർ.കൗൺസിൽ സെക്രട്രറി തോമസ് വര്ഗീസ് , ട്രസ്റ്റീ ഫിലിപ്പോസ് സാമുവേൽ , കൊയർമാസ്റ്റർ ജോസഫ് പാപ്പൻ, കോർഡിനേറ്റേഴ്‌സ് ആയിട്ടുള്ള മിനി കോശി , ഫെനു മോഹൻ എന്നിവർ തുടക്കം മുതൽ ഇന്നുവരെ ഈ പ്രസ്ഥാനത്തിന്റെ അഭിവ്യദ്ധിക്കുവേണ്ടി അക്ഷീണം പ്രവർത്തിക്കുന്ന ബഹുമാനപ്പെട്ട അച്ഛന് ജന്മദിനത്തിന്റെ എല്ലാ ആശംസകളും നേർന്നുകൊണ്ട് പ്രസംഗിച്ചു .

പല പ്രതിസന്ധികൾ ജീവിതത്തിൽ വന്നെങ്കിലും , തളരാതെ മുൻപോട്ടു പോകുവാൻ ദൈവത്തിന്റെ അദൃശ്യമായ കരം എപ്പോഴും കൂടെയുണ്ടെന്നും ദൈവകൃപ ഒന്നുകൊണ്ടു മാത്രമാണ് ഇത്രത്തോളം മുൻപോട്ടു പോകുവാൻകഴിയുന്നതെന്നും മറുപടി പ്രസംഗത്തിൽ അച്ചൻ സൂചിപ്പിച്ചു

എന്റെ ശുശ്രൂഷയിൽ കൈത്താങ്ങായി ഒപ്പം നിൽക്കുന്നതു എന്റെ സ്നേഹനിധിയായ ഭാര്യയാണെന്ന് ബഹുമാനപ്പെട്ട കൊച്ചമ്മയെ സാക്ഷിയാക്കി അദ്ദേഹം പറഞ്ഞു. കൊയറിന്റെ ആശംസാഗാനത്തിന് ശേഷം കേക്ക് മുറിച്ചു , പ്രാർത്ഥനക്കുശേഷം സ്നേഹവിരുന്നോടുകൂടി ചടങ്ങുകൾ അവസാനിച്ചു .

“കാലവർഷ കെടുതികളിൽ കേരളത്തോടൊപ്പം KCANA*

കാലവർഷ കെടുതികളിൽ കേരളത്തോടൊപ്പം നിന്ന്, കേരള കൾച്ചറൽ അസോസിയേഷൻ ഓഫ് നോർത്ത് അമേരിക്ക [KCANA] ഈ വർഷത്തെ
ഓണാഘോഷ പരിപാടികൾ റദ്ദു ചെയ്തതായി അറിയിക്കുന്നു. ഓണാഘോഷത്തിനായി കരുതിയ മുഴുവൻ തുകയും കേരള സംസ്ഥാനത്തിന്റെ പ്രളയ ദുരിതാശ്വാസ ഫണ്ടിലേക്ക് സമർപ്പിക്കുന്നതാണ്. ഒപ്പം നിങ്ങളുടെ കഴിവിന്റെ പരമാവധി ഈ ഒരു നല്ല കാര്യത്തിന് വേണ്ടി KCANA നടത്തുന്ന ധനസമാഹരണത്തിൽ സഹായിക്കുവാൻ മുമ്പോട്ട് വരണം എന്നും അഭ്യർത്ഥിക്കുന്നു.

വിനയ പുരസ്സരം
അജിത് കൊച്ചുകുടിയിൽ എബ്രഹാം
പ്രസിഡന്റ് , KCANA.

ചിക്കാഗോയില്‍ സ്വാതന്ത്ര്യദിനാഘോഷങ്ങള്‍ക്ക് പരിസമാപ്തി; കേരളാ അസോസിയേഷന്‍ പങ്കെടുത്തു

ചിക്കാഗോ: ഇന്ത്യാ കമ്യൂണിറ്റി ഔട്ട് റീച്ചിന്റെ ആഭിമുഖ്യത്തില്‍ സംഘടിപ്പിച്ച ഇന്ത്യന്‍ സ്വാതന്ത്ര്യദിന പരേഡില്‍ കേരളത്തെ പ്രതിനിധാനം ചെയ്ത് കേരളാ അസോസിയേഷന്‍ ഓഫ് ചിക്കാഗോ പങ്കെടുത്തു. നൈപ്പര്‍ വില്ലിലെ കനോച്ച് പാര്‍ക്കില്‍ ഇന്ത്യയിലെ എല്ലാ സംസ്ഥാനങ്ങളേയും പ്രതിനിധീകരിച്ച് വന്‍ ജനാവലിയാണ് പരേഡില്‍ പങ്കെടുത്തത്.

അതാത് സംസ്ഥാനങ്ങളുടെ തനതായ കലാപരിപാടികളും, ഫ്‌ളോട്ടുകളും വര്‍ണാഭമായ ഘോഷയാത്രയില്‍ കേരളത്തിന്റെ പഞ്ചവാദ്യവും, മലയാളത്തനിമയോടുകൂടിയ വേഷവിധാനവും കൂടിയായപ്പോള്‍ റോഡിന്റെ ഇരുവശങ്ങളിലും ത്രിവര്‍ണ്ണപതാകയേന്തിയ ആയിരക്കണക്കിന് ദേശസ്‌നേഹികള്‍ അണിനിരന്നപ്പോള്‍ നേപ്പര്‍വില്ലിലെ കനോച്ച് പാര്‍ക്ക് ഡല്‍ഹി ചെങ്കോട്ടയെ അനുസ്മരിപ്പിക്കുന്ന പ്രൗഢഗംഭീരമായ രാജവീഥിയായി മാറിക്കഴിഞ്ഞു.

കടുത്ത മഴയില്‍ കേരളക്കരയാകെ നാശം വിതച്ച ദുരന്തത്തിന് കേരളാ അസോസിയേഷന്‍ യൂത്ത് ഫോറം ഫ്‌ളഡ് റിലീഫിനുവേണ്ടി ഫണ്ട് റൈസിംഗ് സംഘടിപ്പിച്ചു.

വിസ്താ ഹെല്‍ത്ത് ക്ലിനിക്കിനുവേണ്ടി ഡോ. മറീനാ ഗ്ലാഡ്‌സണ്‍ ആണു കേരളാ അസോസിയേഷന്‍ ഓഫ് ചിക്കാഗോയുടെ സ്വാതന്ത്ര്യദിന പരിപാടിയുടെ സ്‌പോണ്‍സര്‍. രാജു വര്‍ഗീസ്, പ്രമോദ് സഖറിയ, പോള്‍ കിടങ്ങന്‍ എന്നിവരായിരുന്നു കോ- സ്‌പോണ്‍സര്‍മാര്‍.
പബ്ലിസിറ്റി ചെയര്‍മാന്‍ വിശാഖ് ചെറിയാന്‍ അറിയിച്ചതാണിത്.

ജോയിച്ചന്‍ പുതുക്കുളം

ഫോമാ കേരളത്തിനായി പത്തു ലക്ഷം രൂപയുടെ രണ്ടാം ഘട്ടധനസഹായം പ്രഖ്യാപിച്ചു

കനത്തമഴയും ഉരുള്‍പൊട്ടലും വെള്ളപ്പൊക്കവും മൂലം ജനജീവിതം താറുമാറാക്കിയ കേരളത്തിലെ ഇപ്പോഴത്തെ അവസ്ഥയില്‍ അമേരിക്കയിലെ ഏറ്റവും വലിയ മലയാളി സംഘടനയായ ഫോമാ 10 ലക്ഷത്തിന്റെ രണ്ടാംഘട്ട ധനസഹായം പ്രഖ്യാപിച്ചു. ഇന്ന് ചേര്‍ന്ന അടിയന്തര എക്‌സിക്യൂട്ടീവ് കമ്മിറ്റിയില്‍ ആണ് ഈ തീരുമാനം കൈക്കൊണ്ടത്. അമേരിക്കയിലെ നിരവധി ആളുകള്‍ കേരളത്തിന്റെ ഇപ്പോഴത്തെ അവസ്ഥയില്‍ തങ്ങളുടെ ബന്ധുമിത്രാദികളെയും അവശതയനുഭവിക്കുന്ന മറ്റുള്ളവരെയും എങ്ങനെ സഹായിക്കും എന്ന് ആശങ്കപ്പെടുന്ന സാഹചര്യത്തില്‍ ആണ് ഫോമായുടെ നേതൃത്വത്തില്‍ ഇങ്ങനെയൊരു രണ്ടാംഘട്ട ദുരിദാശ്വാസ നടപടികള്‍ക്ക് ധനസഹായം നല്‍കാന്‍ തീരുമാനിച്ചത്. 10 ലക്ഷം രൂപയുടെ ഈ പാക്കേജ് ഒരാഴ്ചക്കകം കേരളത്തില്‍ എത്തിക്കുമെന്ന് ഫോമാ പ്രസിഡണ്ട് ശ്രീ ഫിലിപ്പ് ചാമത്തില്‍ അറിയിച്ചു. ഫോമയുടെ ആദ്യഘട്ട സഹായം ആലപ്പുഴ പത്തനംതിട്ട ജില്ലകളില്‍ ആവശ്യസാധനങ്ങള്‍ അടങ്ങിയ ആയിരത്തില്‍പരം കിറ്റുകള്‍ വിതരണം ചെയ്തുകൊണ്ട് കഴിഞ്ഞമാസം നടത്തിയിരുന്നു.

കേരളത്തിലെ പ്രളയക്കെടുതിയില്‍ അപലപിക്കുവാനും ഇപ്പോഴത്തെ സ്ഥിതിഗതികള്‍ വിലയിരുത്തുവാനും ഫോമയുടെ നേതൃത്വത്തില്‍ വ്യാഴാഴ്ച വൈകിട്ട് ന്യൂയോര്‍ക് സമയം 8 30ന് ഒരു ദേശീയ കോണ്‍ഫറന്‍സ് കോള്‍ വിളിച്ചു കൂട്ടുന്നു. കേരളത്തിലെ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന ഉദ്യോഗസ്ഥന്മാരും ജനപ്രതിനിധികളും ഈ കോണ്‍ഫറന്‍സില്‍ ചേര്‍ന്നു കൊണ്ട് കാര്യങ്ങള്‍ വിശദീകരിക്കുന്നതായിരിക്കും. അമേരിക്കയിലെ എല്ലാ മലയാളികളും ഈ കോണ്‍ഫറന്‍സ് കോളില്‍ ചേര്‍ന്നുകൊണ്ട് കേരളത്തിലെ ജനങ്ങളോടുള്ള തങ്ങളുടെ ഐക്യദാര്‍ഢ്യം പ്രഖ്യാപിക്കണമെന്ന് ഫോമാ ഭാരവാഹികള്‍ അഭ്യര്‍ത്ഥിക്കുന്നു.

Conference Call Details
Dial in Number – 605 472 5611
Access Code – 209764
Date: 8/16/2018 – Thursday

ജോയിച്ചന്‍ പുതുക്കുളം

സണ്ണി സെബാസ്റ്റ്യൻ ഒക്ലഹോമയിൽ നിര്യാതനായി

ഒക്ലഹോമ സിറ്റി : കോട്ടയം കുര്യനാട്, ആലുങ്കൽ കളപ്പുരയിൽ സണ്ണി സെബാസ്റ്റ്യൻ (54) ഒക്ലഹോമയിൽ നിര്യാതനായി. ഭാര്യ : മോളി സണ്ണി കുറവിലങ്ങാട് മാപ്പിളപ്പറമ്പിൽ കുടൂംബാംഗം.

മക്കൾ: മിന്റു, റിനോഷ്, റിന്റു

മാർട്ടിൻ വിലങ്ങോലിൽ

ഇന്റർ പാരീഷ് സ്പോർട്സ് ഫെസ്റ്റ് സമാപിച്ചു. കോപ്പേൽ സെന്റ് അൽഫോൻസാ ചാമ്പ്യന്മാർ

ടെക്‌സാസ് : ഡാലസിൽ നടന്ന ഇന്റര്‍ പാരീഷ് സ്പോർട്സ് ഫെസ്റ്റ് (IPSF 2018) ,സ്‌പോൺസേർഡ് ബൈ ഡാലസ് മച്ചാൻസ് ബിസിനസ് ഗ്രൂപ്പ് കായികമേളക്ക് തിരശീല വീണപ്പോൾ 170 പോയിന്റ്‌ നേടിയ കൊപ്പേൽ സെന്റ്. അൽഫോൻസാ ഡിവിഷൻ എ യിൽ, മൂന്നാം തവണയും ഓവറോൾ ചാമ്പ്യരായി. ഹൂസ്റ്റൺ സെന്റ് ജോസഫ് ഫൊറോനാ 115 പോയിന്റ് നേടി രണ്ടാമതെത്തി. ആവേശകരമായ നിരവധി കായിക മുഹൂർത്തങ്ങൾ സമ്മാനിച്ചാണ് മൂന്നു ദിവസം നീണ്ട ഫെസ്റ്റ് സമാപിച്ചത്.

ഡിവിഷൻ ബി യിൽ, സാൻ അന്റോണിയോ സെന്റ് തോമസ് പാരീഷ് (37 .5 പോയിന്റ്) , ഓസ്റ്റിൻ സെന്റ് അൽഫോൻസാ (30 പോയിന്റ്) എന്നിവരാണ് ഒന്നും രണ്ടും സ്ഥാനങ്ങൾ നേടിയത്. യുവജനങ്ങളുടെ വൻപ്രാതിനിധ്യം ഇത്തവണത്തെ ഫെസ്റ്റിനെ ശ്രദ്ദേയമാക്കി.

കോപ്പേൽ സെന്റ് അൽഫോൻസാ ദേവാലയത്തിന്റെ ആഭിമുഖ്യത്തിൽ ഓഗസ്റ്റ് 10 ,11 ,12 തീയതികളിലായിരുന്നു ടെക്‌സാസ് – ഒക്ലഹോമ റീജണിലെ എട്ടു സീറോ മലബാർ ഇടവകകൾ സംഗമിച്ച വൻ കായികമേള നടന്നത്.

ആഗസ്റ്റ് 10 വെള്ളി വൈകുന്നേരം കൊപ്പേൽ സെന്റ് അൽഫോൻസാ ഹാളിൽ നടന്ന ചടങ്ങിൽ സീറോ മലബാർ രൂപതാ മെത്രാൻ മാർ ജേക്കബ് അങ്ങാടിയത്ത് തിരിതെളിച്ചു ഐപിഎസ്എഫ് 2018 ന്റെ ഉദ്ഘാടനം നിർവ്വഹിച്ചു.

ഫ്രിസ്കോയിലുള്ള ഫീൽഡ് ഹൌസ് യുഎസ്എ ഇൻഡോർ സ്പോർട്സ് കോംപ്ലക്സ് , കൊപ്പേൽ സെന്റ് അൽഫോൻസാ ഓഡിറ്റോറിയം എന്നിവടങ്ങളിലെ 14 വേദികളിലായി 500 ൽ പരം മത്സരങ്ങൾ മൂന്ന് ദിവസം കൊണ്ട് പൂർത്തീകരിച്ചപ്പോൾ രൂപതയിലെ തന്നെ വലിയ കായിക വേദിക്കാണ് സാക്ഷ്യം വഹിച്ചത്.

സോക്കർ മുതൽ ബാസ്കറ്റ് ബോൾ, വോളിബോൾ , ത്രോബോൾ , ബാറ്റ്മിന്റൺ , ടേബിൾ ടെന്നീസ് , കാർഡ്‌സ് , ചെസ്സ്, ക്യാരംസ്സ് , പഞ്ചഗുസ്തി, വടംവലി , ക്രിക്കറ്റ് വരെയുള്ള കായിക ഇനങ്ങളിൾ രണ്ടായിത്തില്പരം മത്സരാർഥികൾ സീനിയേർഴ്സ് , അഡൾറ്റ് , യൂത്ത്‌ , ഹൈസ്‌കൂൾ, മിഡിൽ സ്‌കൂൾ , ഇലമെന്ററി എന്നീ വിഭാഗങ്ങളിലായി മത്സരിച്ചു. മിക്ക മത്സരങ്ങളിലും ആവേശം വാനോളമുയർന്നു. ഗ്യാലറികളിൽ നീണ്ടുയർന്ന നിലക്കാത്ത കരഘോഷവും വാദ്യമേളവും വേദികളെ ഉത്സവാന്തരീക്ഷമാക്കി.

ഞായറാഴ്ച നടന്ന സമാപന സമ്മേളനത്തിൽ ചിക്കാഗോ സീറോ മലബാർ രൂപതാ സഹായ മെത്രാൻ മാർ ജോയ് ആലപ്പാട്ട് അധ്യക്ഷത വഹിച്ചു. ഫെസ്റ്റ് വൻ വിജയമാക്കിയ കൊപ്പേൽ സെന്റ് അല്ഫോൻസായെ പിതാവ് പ്രത്യകം അഭിനന്ദിച്ചു. റീജണിലെ യുവജനങ്ങളുടെ കൂട്ടായ പ്രവർത്തനത്തെ മാർ ജോയ് ആലപ്പാട്ട് പ്രത്യകം പ്രകീർത്തിച്ചു.

കൊപ്പേൽ സെന്റ് അൽഫോൻസാ വികാരി ഫാ ജോൺസ്റ്റി തച്ചാറ(ഫെസ്റ്റ് ചെയർമാൻ), ഫാ അലക്സ് വിരുതുകുളങ്ങര, ഫാ ജോഷി എളമ്പാശേരിൽ , ഫാ. വിൽസൺ ആന്റണി , ഫാ രാജീവ് വലിയവീട്ടിൽ, ഫാ. സിബി സെബാസ്റ്റ്യൻ എന്നിവർ ചേർന്ന് വിജയികൾക്കുള്ള ട്രോഫിദാനം നിർവഹിച്ചു.

ഫെസ്റ്റ് വൻ വിജയമാക്കിയ ഇവന്റ് ഡയറക്ടർ പോൾ സെബാസ്റ്റ്യൻ ശങ്കൂരിക്കൽ, ഇടവക സ്പോർട്സ് കോർഡിനേറ്ററുമാരായ സിബി സെബാസ്റ്റ്യൻ കെന്റ് ചേന്നാട് , വിവിധ സബ് കമ്മറ്റികളിലായി സേവനമനുഷ്ഠിച്ച നൂറോളം സബ് കമ്മറ്റി അംഗങ്ങൾ, എന്നിവരുടെ സേവനത്തെയും ഫാ ജോൺസ്റ്റി തച്ചാറ പ്രത്യകം പ്രശംസിച്ചു. പോൾ സെബാസ്റ്റ്യൻ ചടങ്ങിൽ നന്ദി പ്രകാശനം നടത്തി. വിവിധ ഇടവകളിൽ നിന്നെത്തി ഫെസ്റ്റ് മനോഹരമാക്കിയ കായികാർഥികൾക്കും കോഓർഡിനേറ്റർമാർക്കും ആദ്ദേഹം കൃതജ്ഞത രേഖപ്പെടുത്തി.

ട്രസ്റ്റിമാരായ ലിയോ ജോസഫ്, പോൾ ആലപ്പാട്ട്, ഫ്രാങ്കോ ഡേവിസ്, ഡെന്നി ജോസഫ് (പ്രോഗ്രാം മാനേജർ) സെക്രട്ടറി ജെജു ജോസഫ് , എന്നിവരും പരിപാടികൾക്ക് നേതൃത്വം നൽകി.

ഫെസ്റ്റിനോടനുബന്ധിച്ചു നടത്തിയ ഫണ്ട് റെയിസിംഗ് റാഫിളിന്റെ ഡ്രോയിങ്ങും ചടങ്ങിൽ നടന്നു. റോസ് ജൂവലേഴ്‌സ് സ്പോൺസർ ചെയ്ത ഒന്നാം സമ്മാനം ജിൽസൺ മാത്യു നേടി.

ഹൂസ്റ്റൺ സെന്റ് ജോസഫ് ഫൊറോനാ 2021 സ്പോർട്സ് ഫെസ്റ്റിനു ആഥിത്യമരുളും. കൊപ്പേൽ സെന്റ് അൽഫോൻസാ വികാരി ഫാ. ജോൺസ്റ്റി തച്ചാറ, കോ ഓർഡിനേറ്റർ പോൾ സെബാസ്റ്റ്യൻ , സിബി സെബാസ്റ്റ്യൻ , കെന്റ് ചേന്നാട് എന്നിവരിൽ നിന്നും ഹൂസ്റ്റൺ സെന്റ് ജോസഫ് ഫൊറോനാക്കു വേണ്ടി ഫാ രാജീവ് വലിയവീട്ടിൽ IPSF ദീപശിഖ ഏറ്റു വാങ്ങി.

ഡാലസ് മച്ചാൻസ് ബിസിനസ് ഗ്രൂപ്പ് പരിപാടിയുടെ മെഗാ സ്പോൺസറും, സിഗ്മാ ടൂർസ് ആൻഡ് ട്രാവൽസ് ഇവന്റ് സ്പോൺസറും, ജോയ് ആലുക്കാസ് ഗ്രാന്റ് സ്പോൺസറും ആയിരുന്നു.

ന്യുയോര്‍ക്ക് മലയാളി സ്‌പോര്‍ട്‌സ് ക്ലബ് ബാറ്റ്മിന്റണ്‍ ടൂര്‍ണമെന്റ് ഓഗസ്റ്റ് 25-ന്

ന്യൂയോര്‍ക്ക്: ന്യുയോര്‍ക്ക് മലയാളി സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ ന്യൂയോര്‍ക്ക് സ്‌മൈഷേഴ്‌സിന്റെ ഏഴാമത് ബാറ്റ്മിന്റന്‍ ടൂര്‍ണമെന്റ് ഓഗസ്റ്റ് 25-നു രാവിലെ 8 മുതല്‍ അരങ്ങേറും. ക്വീന്‍സ് ഹൈസ്കൂള്‍ ഓഫ് ടീച്ചിംഗിന്റെ കായികാഭ്യാസ കളരിയില്‍ അരങ്ങേറുന്ന ടൂര്‍ണമെന്റില്‍ രണ്ട് പങ്കാളികള്‍ വീതമുള്ള പുരുഷന്മാരുടേയും, പുരുഷന്മാരും സ്ത്രീകളും പങ്കെടുക്കുന്ന മത്സരങ്ങളുമുണ്ടായിരിക്കും. പങ്കെടുക്കുന്നവര്‍ മലയാളി വംശജരായിരിക്കണം. പേരുകള്‍ രജിസ്റ്റര്‍ ചെയ്യാന്‍ രഘു നൈനാന്‍ (516 526 9835), സോണി പോള്‍ (516 265 0146), ഇമെയില്‍ വഴി രജിസ്റ്റര്‍ ചെയ്യാന്‍ ജേക്കബ് ഏബ്രഹാം (jacobabrahamp@gmail.com).

ഈ മത്സരത്തിന്റെ മുഖ്യ സ്‌പോണ്‍സര്‍ ഈസ്റ്റ് കോസ്റ്റ് ക്യാപിറ്റല്‍ ഉടമ തോമസ് മാത്യു ആണ്. കൂടാതെ ഡഗ്ലസ് എല്ലിമാന്‍ റിയല്‍ എസ്റ്റേറ്റ് ഉടമ റോബി വര്‍ഗീസും മെയിന്‍ സ്‌പോണ്‍സറാകും. കൂടുതല്‍ വിവരങ്ങള്‍ക്ക്: റെജി ജോര്‍ജ് (718 962 1051), സാഖ് മത്തായി (917 208 1714), മാത്യു ചേരാവള്ളില്‍ (516 587 1405).

വെള്ളപ്പൊക്ക ബാധിധര്‍ക്ക് രണ്ടുലക്ഷം രൂപയുടെ സഹായവുമായി കേരളാ സമാജം ഓഫ് സൗത്ത് ഫ്‌ളോറിഡ

മയാമി : ചരിത്രത്തിലെ ഏറ്റവും വലിയ ദുരിതത്തിലൂടെ കടന്നു പോകുന്ന കേരളത്തിന് കൈതാങ്ങായി കേരളാ സമാജം ഓഫ് സൗത്ത് ഫ്‌ളോറിഡ. അത്യാവശ്യ സഹായമെന്നനിലയില്‍ രണ്ടുലക്ഷം ഉടന്‍ തന്നെ മുഖ്യമന്ത്രിയുടെ ദുരിതാശ്വാസ ഫണ്ടിന് നല്‍കും . സൗത്ത് ഫ്‌ളോറിഡയിലെ കലാ സാംസ്കാരിക മണ്ഡലങ്ങളില്‍ മാത്രമല്ല പിറന്ന നാട്ടില്‍ കഷ്ടത അനുഭവിക്കുന്ന പാവങ്ങള്‍ക്ക് കേരളസമാജം എന്നും കൂടെയുണ്ട്. ഈവരുന്ന ഓണാഘോഷങ്ങള്‍ക്ക് ചിലവുചുരുക്കി കൂടുതല്‍ പണം കണ്ടെത്തനാവുമെന്നും കരുതുന്നു
.
വരുന്ന ഓഗസ്റ്റ് 18 നു നടക്കുന്ന “ഓണം 2018 ” പങ്കെടുക്കാനെത്തുന്ന പ്രിയ സൗത്ത് ഫ്‌ലോറിഡയിലെ മലയാളികളില്‍ നിന്നുകൂടെ കിട്ടുന്ന സംഭാവനകളും ഈ രണ്ടുലക്ഷത്തിനു പുറമെ നല്‍കും. അതിനാല്‍ ഓഡിറ്റോറിയറ്റിനു മുന്നില്‍ വയ്ക്കുന്ന ചാരിറ്റി ബോക്‌സില്‍ നിങ്ങളാല്‍ കഴിയുന്ന സംഭാവനകള്‍ ദയവായി നല്‍കണമെന്ന് പ്രസിഡന്റ് സാം പാറതുണ്ടില്‍ സെക്രട്ടറി പത്മ കുമാര്‍ എന്നിവര്‍ അറിയിച്ചു.

ജോയിച്ചന്‍ പുതുക്കുളം

കാലഘട്ടത്തിന് മുന്നേ സഞ്ചരിച്ച യുഗങ്ങളുടെ നേതാവ് പ്രധാനമന്ത്രി ശ്രീ നരേന്ദ്ര മോദി

കലഹത്തിന്‍റെയും വിഘടനത്തിന്‍റെയും കാലത്ത് രാജ്യത്തിന്‍റെ നന്മ-തിന്മകളെക്കുറിച്ച് തീരുമാനിക്കാന്‍ കഴിയുന്നതൃം മുന്നോട്ടുനയിക്കുന്ന ജീവചൈതന്യവും വേണ്ട വീക്ഷണങ്ങള്‍ നല്‍കുന്നതും ലക്ഷ്യബോധവും ഐക്യബോധവും പ്രദാനം ചെയ്യുന്നതുമായി നേതാവ് ഒരു രാജ്യത്തിന്‍റെ അനുഗ്രഹമാണ്. അത്തരമൊരു സമയത്ത് നൂറ്റാണ്ടിന്‍റെ മാറിമറിച്ചിടിനിടയില്‍ ഇന്ത്യ അത്തരം ഒരു നേതാവിനെ അടല്‍ ബിഹാരി വാജ്പേയില്‍ കണ്ടെത്തി, ആത്മാവിലും ഹൃദയത്തിലും മനസിലും വരപ്രസാദം ലഭിച്ച നേതാവ്.

അദ്ദേഹത്തെ അറിയാവുന്ന നമുക്കെല്ലാം, ആദ്യമായി അദ്ദേഹം കണ്ടുമുട്ടുന്ന എല്ലാവരേയും പ്രചോദിപ്പിക്കുകയും സ്പര്‍ശിക്കുകയും ചെയ്യുന്ന അസാധാരണനായ ഒരു മനുഷ്യനായിരുന്നു. ആന്തരികമായി അദ്ദേഹം ആദ്രചിത്തനും, ആത്മാവില്‍ മഹാമനസ്ക്കനും അളവിലധികം ഊഷ്മളവാനും തെറ്റുകളോട് ദയകാട്ടുന്നവനുമായിരുന്നു. മറ്റുള്ളവരെ അതിയായി ബഹുമാനിച്ചിരുന്ന അദ്ദേഹത്തിന് അസാധാരണമായ നര്‍മ്മബോധവും ഉണ്ടായിരുന്നു. പലപ്പോഴും അദ്ദേഹം തന്നിലേക്ക് ശ്രദ്ധതിരിക്കുന്നതിനും അതുപയോഗിച്ചിരുന്നു.

സമാനതകളില്ലാത്ത പ്രാസംഗികനായ അദ്ദേഹത്തിന് നിരായുധമായ നര്‍മ്മത്തില്‍ നിന്ന് ഉന്നത കാഴ്ചപ്പാടിലേക്ക് വളരെ സുഗമമായി മാറാന്‍ കഴിയുമായിരുന്നു. ജനങ്ങളെ സ്വാഭാവികമായി തന്നെ ബന്ധിപ്പിക്കാനുള്ള അസാധാരണ കഴിവിലൂടെ അവരുടെ ആത്മവിശ്വാസത്തെ ഉന്നതാവശ്യങ്ങള്‍ക്കായി ഉത്തേജിപ്പിക്കാനും കഴിയുമായിരുന്നു. വളരെ മൂര്‍ച്ചയേറിയ കാഴ്ചപ്പാടിലൂടെ അദ്ദേഹത്തിന് എത്ര സങ്കീര്‍ണ്ണമായ പ്രശ്നങ്ങളെപ്പോലും ചുരുക്കികൊണ്ട് ഒറ്റവാചകത്തിലോ ഒരു ചോദ്യത്തിലോ ചര്‍ച്ചനടത്താനാകുമായിരുന്നു.

മദ്ധ്യപ്രദേശിലെ ഒരു ചെറു നഗരത്തില്‍ നിന്നും വന്ന അദ്ദേഹം എളിമമാര്‍ഗ്ഗവും ഉന്നത ആശയങ്ങളും പുലര്‍ത്തുന്ന ഒരുകുടുംബത്തിിലാണ് ജനിച്ചത്. അദ്ദേഹത്തിന്‍റെ യുവത്വത്തെ അക്കാദമിക മികവിലും സ്വാതന്ത്ര്യസമരപോരാട്ടങ്ങള്‍ ശക്തിപ്രാപിക്കുന്ന സമയത്ത് പൊതുസേവനത്തിനുള്ള ദാഹത്തിലുമാണ് വിശദീകരിക്കപ്പെടുന്നത്. ജനസംഘത്തില്‍ ഒരു സാധാരണ കാര്യകര്‍ത്താവായി ആരംഭിച്ച അദ്ദേഹം സ്വതന്ത്ര ഇന്ത്യയില്‍ രൂപീകരിക്കപ്പെട്ട യഥാര്‍ത്ഥ ദേശീയതല പാര്‍ട്ടിയായ ബി.ജെ.പി സംഘടിപ്പിച്ചു. അതിന്ശേഷം ശ്രീ ശ്യാമപ്രസാദ് മുഖര്‍ജിയുടെയും പണ്ഡിറ്റ് ദീന്‍ദയാല്‍ ഉപാദ്ധ്യയുടെയും മരണത്തിന് ശേഷം സംഘടനയുടെ ചുക്കാന്‍ അദ്ദേഹം ഏറ്റെടുത്തു.

നാലു പതിറ്റാണ്ടിലെ പാര്‍ലമെന്‍റിലെ നേതൃത്വത്തില്‍, അടിയന്തിരാവസ്ഥയ്ക്കെതിരെയുള്ള പോരാട്ടം (ഡല്‍ഹി രാംലീല മൈതാനത്തിലെ അവിസ്മരണിയമായ ആ റാലിയില്‍ അദ്ദേഹത്തിന്‍റെ പ്രസംഗം രാജ്യത്തിന്‍റെ ഗര്‍ജ്ജനമായി മാറിയത് ആര്‍ക്കാണ് മറക്കാന്‍ കഴിയുന്നത്), തന്‍റെ തന്‍റെ പാര്‍ട്ടിയെ വളരെ അഭിവേശത്തോടെ അതിന്‍റെ കൃത്യതയോടെ പ്രതിനിധാനം ചെയ്യുമ്പോഴും എപ്പോഴും രാജ്യത്തിന് വേണ്ടിയാണ് സംസാരിച്ചിരുന്നത്, ഇന്ത്യയില്‍ ജനാധിപത്യത്തിന്‍റെ ജീവചൈതന്യത്തെ നിര്‍വചിച്ചത് അദ്ദേഹമാണ്. തന്‍റെ രാഷ്ട്രീയവിശ്വാസങ്ങളില്‍ അടിയുറച്ചുനിന്നെങ്കിലും എപ്പോഴും മറ്റുള്ളവരുടെ വീക്ഷണങ്ങളെ ഉള്‍ക്കൊള്ളാനും ബഹുമാനിക്കാനും തയാറായിരുന്നു. പാര്‍ലമെന്‍റില്‍ ചര്‍ച്ചകള്‍ക്ക് നിലവാരം ക്രമപ്പെടുത്തിയത് അദ്ദേഹമായിരുന്നു. അദ്ദേഹത്തിന്‍റെ ലാളിത്യവും സമഗ്രതയും അദ്ദേഹത്തിന്‍റെ കുലീനതയും സഹാനുഭൂതിയും സ്ഥാനങ്ങളിലെ വ്യക്തിപരമായ ബന്ധങ്ങളിലെ താല്‍പര്യമില്ലായ്മയും അദ്ദേഹത്തെ രാജ്യത്തെ യുവാക്കളുടെ പ്രചോദനമായി.

രാഷ്ട്രീയ അസ്ഥിരതയും അനിശിചിതത്വം നിറഞ്ഞ ആഗോള പരിസ്ഥിതിയും അപ്പോഴും പ്രാരംഭഘട്ടത്തിലായിരുന്ന സാമ്പത്തിക പരിഷ്ക്കരണങ്ങളുടെ താളംതെറ്റിക്കലിന് ഭീഷണിയായിരുന്ന മദ്ധ്യ 1990 കളിലെ സങ്കീര്‍ണ്ണവും പുരോഗതി തടസപ്പെടുത്തുന്നതുമായ സ്ഥിതിയില്‍ നിന്നും അദ്ദേഹം സമ്പദ്ഘടനയെ രക്ഷപ്പെടുത്തി. കഴിഞ്ഞ രണ്ടു പതിറ്റാണ്ടായി നാം അനുഭവിക്കുന്ന സാമ്പത്തിക വിജയത്തിന്‍റെ വിത്തുകള്‍പാകിയത് അദ്ദേഹമായിരുന്നു. അദ്ദേഹത്തെ സംബന്ധിച്ച് വളര്‍ച്ചയെന്നത് ദുര്‍ബലവിഭാഗങ്ങളെ ശാക്തീകരിക്കുന്നതിനും പാര്‍ശ്വവല്‍ക്കരിക്കപ്പെട്ടവരെ മുഖ്യധാരയില്‍ കൊണ്ടുവരുന്നതിനുമുള്ളതായിരുന്നു. ആ വീക്ഷണമാണ് നമ്മുടെ ഗവണ്‍മെന്‍റിന്‍റെ നയങ്ങളേയും നയിച്ചുകൊണ്ടിരിക്കുന്നത്.

21-ാം നൂറ്റാണ്ടില്‍ ആഗോള നേതൃത്വത്തിന്‍റെ ചുമതല ഏറ്റെടുക്കാന്‍ ഇന്ത്യയെ തയാറാക്കുന്നതിനുള്ള അടിത്തറയിട്ടത് അടല്‍ജിയായിരുന്നു. ഭാവിയെമുന്നില്‍കണ്ടുള്ള അദ്ദേഹത്തിന്‍റെ ഗവണ്‍മെന്‍റിന്‍റെ സാമ്പത്തികനയങ്ങളും പരിഷ്ക്കാരങ്ങളും നിരവധി ഇന്ത്യാക്കാര്‍ക്ക് സമ്പല്‍സമൃദ്ധി ഉറപ്പാക്കി. അടുത്തതലമുറ അടിസ്ഥാനസൗകര്യങ്ങളിലാണ് അദ്ദേഹം വിശ്വസിച്ചിരുന്നത്. പ്രത്യേകിച്ചും റോഡുകള്‍ക്കും ടെലികോമിനും നമ്മുടെ രാജ്യത്തിന്‍റെ സാമ്പത്തിക-സാമൂഹിക ശാക്തീകരണത്തിന് നല്‍കാന്‍ കഴിയുന്ന സംഭാവനയില്‍.

ലോകത്തില്‍ ഗതിമാറ്റാന്‍ കഴിയാത്തതരത്തില്‍ ഇന്ത്യയുടെ സ്ഥാനം അടല്‍ജി മാറ്റിയെടുത്തു. ഇന്ത്യയെ ഒരു ആണവശക്തിയാക്കുന്നതിന് നമ്മുടെ രാജ്യത്തിന്‍റെ എതിര്‍പ്പ്, ഒറ്റപ്പെടുത്തുമെന്നുള്ള ലോകത്തിന്‍റെ ഭീഷണിയെല്ലാം അദ്ദേഹം മറികടന്നു. വളരെ ലളിതമായി അദ്ദേഹം എടുത്ത തീരുമാനമല്ല അത്. ഇന്ത്യയുടെ സുരക്ഷയ്ക്ക് നേരെ ഉയര്‍ന്നുവരുന്ന വെല്ലുവിളികളെ അഭിമുഖീകരിക്കുന്നതിന് ഇതിനുള്ള പരമപ്രധാനത അദ്ദേഹത്തിന് അറിയാമായിരുന്നു. ഇന്ത്യയുടെ സുരക്ഷ അതിനുശേഷം അത്ര മോശമായില്ല. ദേശത്തിന്‍റെ അഭിമാനത്തില്‍ തിരയിളക്കുമുണ്ടായപ്പോള്‍ അദ്ദേഹത്തിന്‍റെ ശബ്ദം സംയമനത്തിന്‍റേതും ഉത്തരവാദിത്വത്തിന്‍റേയുമായിരുന്നു. സമാധാനത്തിന്‍റെ മനുഷ്യന്‍റെ യുക്തികളെ ലോകം ശ്രദ്ധിച്ചു. തുല്യപ്രാധാന്യമുള്ളതാണ്, ലോകകാര്യങ്ങളെക്കുറിച്ചുള്ള അസാമാന്യമായ അറിവും ശക്തമായ നയതന്ത്ര കഴിവുകളും പുതിയ വസ്തുതകളില്‍ ആഗോള സ്വീകാര്യത ലഭ്യമാക്കുന്നതിന് ഉപയോഗിച്ചുവെന്നതും. തന്ത്രപരമായ കഴിവുകള്‍ സൃഷ്ടിക്കുന്നതിനും ശക്തമായ സാമ്പത്തിക വളര്‍ച്ച പ്രോത്സാഹിപ്പിക്കുന്നതിനും ബഹുദിശ നയന്ത്രം ഏറ്റെടുക്കുന്നതിനും പ്രവാസികളുടെ ഊര്‍ജ്ജം ഉപയോഗിക്കുന്നതും സംയോജിപ്പിക്കുന്നതിനുള്ള അദ്ദേഹത്തിന്‍റെ പൈതൃകമാണ് ഇന്ന് ലോകത്തിലങ്ങളോമിങ്ങോളം നമുക്ക് ലഭിക്കുന്ന ബഹുമാനത്തിന്‍റെ അടിസ്ഥാനം.

അഞ്ചു നൂറ്റാണ്ടുകളായി മോശമായിരുന്ന യു.എസുമായുള്ള ബന്ധം അഞ്ചുവര്‍ഷം കൊണ്ട് മികച്ച തന്ത്രപരമായ പങ്കാളിത്തമാക്കി അദ്ദേഹം മാറ്റി. സോവിയറ്റ് യൂണിയന് ശേഷമുള്ള റഷ്യയുമായി 2000ല്‍ തന്ത്രപരമായ പങ്കാളിത്തത്തിലൂടെ ഇന്ത്യയുടെ അഗാധമായ സൗഹൃദമാക്കി മാറ്റി. 2001 നവംബറില്‍ അദ്ദേഹത്തെ റഷ്യയില്‍ അനുഗമിക്കാനുള്ള ഭാഗ്യം എനിക്കുണ്ടായി. അപ്പോഴാണ് ഗുജറാത്തും ആസ്ട്രാഖാനുമായി ഒരു സഹോദര പ്രവിശ്യാകരാറില്‍ ഏര്‍പ്പെട്ടത്.

ചൈനയുമായി സമാധാനത്തിനുള്ള വളരെ ധീരമായ ഒരു പരിശ്രമമാണ് ബുദ്ധിമുട്ടേറിയ ഭൂതകാലത്തെ മറികടക്കുന്നതിനായി അതിര്‍ത്തിചര്‍ച്ചകള്‍ക്കായി പ്രത്യേക പ്രതിനിധികളെ ഏര്‍പ്പെടുത്തിക്കൊണ്ട് അദ്ദേഹം നടത്തിയത്.രണ്ടു പുരാതന സംസ്ക്കാരങ്ങള്‍- ഉയര്‍ന്നുവരുന്ന ശക്തികള്‍ക്ക് ലോകത്തിന്‍റെ ഭാവിയെ രൂപീകരിക്കാന്‍ കഴിയുമെന്ന അടല്‍ജിയുടെ വിശ്വാസമാണ് എന്‍റെ ചിന്തകളെ നയിക്കുന്നത്.

വളരെ വിനയാന്വീതനായ ഒരു വ്യക്തി, നമ്മുടെ അയല്‍ക്കാരായിരുന്നു അദ്ദേഹത്തിന് മുന്‍ഗണന. പലവിധത്തില്‍, അദ്ദേഹമാണ് നമ്മുടെ അയല്‍പക്ക ആദ്യ നയത്തിന്‍റെ പ്രചോദനവും വഴികാട്ടിയും. പ്രതിപക്ഷനേതാവ് എന്ന നിലയില്‍ ബംഗ്ലാദേശിന്‍റെ രൂപീകരണത്തിന് തടസമില്ലാത്ത പിന്തുണയാണ് അദ്ദേഹം നല്‍കിയത്. സമാധാനം തേടി അദ്ദേഹം ലാഹോറില്‍ പോയി. നിഷ്ഠയും ശുഭാപ്തിവിശ്വാസവുമായിരുന്നു അദ്ദേഹത്തിന്‍റെ സ്വഭാവം. അദ്ദേഹം സമാധാനത്തിന് വേണ്ടി ശ്രമിക്കുകയും ജമ്മുകാഷ്മീരിന്‍റെ മുറിവുണക്കാന്‍ ശ്രമിക്കുകയും ചെയ്തു. എന്നാല്‍ കാര്‍ഗില്‍ യുദ്ധം ജയിക്കണമെന്ന് അദ്ദേഹത്തിന് ദൃനിശ്ചയവുമുണ്ടായിരുന്നു. പാര്‍ലമെന്‍റ് ആക്രമിച്ചപ്പോള്‍ ഇന്ത്യയ്ക്ക് എതിരായുള്ള അതിര്‍ത്തികടന്നുള്ള തീവ്രവാദത്തിന്‍റെ ശരിയായ സ്രോതസ് അദ്ദേഹം ലോകത്തെ അറിയിച്ചു.

വ്യക്തിരപമായി അടല്‍ജി ഒരു ആദര്‍ശമാണ്. ഒരു ഗുരു, എന്നെ പ്രചോദിപ്പിച്ച മാതൃകാപുരുഷനുമാണ്. അദ്ദേഹമാണ് എന്നില്‍് ഗുജറാത്തിലും ഒപ്പം ദേശീയതലത്തിലും ചുമതലകള്‍ വിശ്വസിച്ച് ഏല്‍പ്പിച്ചത്. 2001 ഒക്ടോബറിലെ ഒരു സായാഹ്നത്തില്‍ അദ്ദേഹം എന്നെ വിളിച്ചു എന്നിട്ട് ഗുജറാത്തിലെ മുഖ്യമന്ത്രിയായി പോകാന്‍ നിര്‍ദ്ദേശിച്ചു. ഞാന്‍ എപ്പോഴും സംഘടനയിലേ പ്രവര്‍ത്തിച്ചിട്ടുള്ളുവെന്ന് പറഞ്ഞപ്പോള്‍, ജനങ്ങളുടെ പ്രതീക്ഷകള്‍ പൂര്‍ത്തീകരിക്കാന്‍ എനിക്കാകുമെന്ന് അമദ്ദഹത്തിന് ദൃഢവിശ്വാസമുണ്ടെന്ന് പറഞ്ഞു. എന്നില്‍ അദ്ദേഹത്തിനുണ്ടായിരുന്ന വിശ്വാസം അചഞ്ചലമായിരുന്നു.

ഇന്ന് നമ്മള്‍ സ്വയം ഉറപ്പള്ള്ള രാജ്യമാണ്, നമ്മുടെ യുവാക്കളുടെ ഊര്‍ജ്ജവും ജനങ്ങളുടെ പ്രതിജ്ഞയും കൊണ്ട് പുരോഗമിക്കുകയാണ്. മാറ്റത്തിന് വേണ്ടി അക്ഷമരും നേടിയെടുക്കുമെന്ന് ദൃഢവിശ്വാസമുള്ളവരുമാണ്. നല്ലതും ഉത്തരവാദിത്വമുള്ളതുമായ ഒരു ഗവണ്‍മെന്‍റിന് വേണ്ടി പരിശ്രമിക്കുകയാണ്. ആശ്ലേഷണം നിര്‍മ്മിക്കുകയും എല്ലാ ഇന്ത്യാക്കാര്‍ക്കും അവസരം ഒരുക്കുകയുമാണ്. ലോകവുമായി തുല്യരും സമാധാനശീലരുമായി നാം ബന്ധപ്പെടുന്നു. നമ്മള്‍ തത്വാധിഷ്ഠിതമായി സംസാരിക്കുന്നു മറ്റുള്ളവരുടെ അഭിലാഷങ്ങളെ പിന്തുണയ്ക്കുന്നു. അടല്‍ജി നമ്മെ കൊണ്ടുപോകാന്‍ ആഗ്രഹിച്ച പാതയിലാണ് നമ്മള്‍. ചരിത്രത്തിലുള്ള ആഴത്തിലുള്ള അറിവുമൂലം അദ്ദേഹം കാലത്തിന് അതീതനായിരുന്നു. നമ്മുടെ സംസ്കാരത്തിന്‍റെ ധര്‍മ്മചിന്തകളെ ഗ്രഹിക്കാനുള്ള കഴിവിലൂടെ അദ്ദേഹത്തിന് ഇന്ത്യയുടെ ആത്മാവിലേക്ക് കടന്നുനോക്കാനാകുമായിരുന്നു.

വെളിച്ചം നഷ്ടപ്പെടുമ്പോള്‍ പിന്തുടരുന്ന ദുഃഖത്തിന്‍റെ അളവിലല്ല, ഒരു ജീവിതത്തെ വിലയിരുത്തേണ്ടത്. ആ ജീവിതം ജനങ്ങളുടെ ജീവിതത്തില്‍ ആ കാലത്ത് ഉണ്ടാക്കിയ ഗുണങ്ങളുടെ അടിസ്ഥാനത്തില്‍ കൂടിയാണ് അളക്കേണ്ടത്. ആ കാരണം കൊണ്ടുതന്നെ അടല്‍ജി ഭാരതത്തിന്‍റെ ശരിയായ ഒരു രത്നമാണ്. അദ്ദേഹത്തിന്‍റെ ആത്മാവ് അദ്ദേഹത്തിന്‍റെ സ്വപ്നത്തിലുള്ള ഒരു നവ ഇന്ത്യ സൃഷ്ടിക്കുന്നതിന് ഞജ്ങളെ നയിക്കും.

വാഷിംഗ്ടണ്‍ ഇന്ത്യന്‍ എംബസി സ്വാതന്ത്ര്യദിനം ആഘോഷിച്ചു

വാഷിംഗ്ടണ്‍ ഡി സി: ഇന്ത്യയുടെ എഴുപത്തി രണ്ടാമത് സ്വാതതന്ത്ര്യ ദിനം വിവിധ പരിപാടികളോടെ ആഗസ്റ്റ് 15 ന് വാഷിംഗ്ടണ്‍ ഇന്ത്യന്‍ എംബസ്സിയില്‍ ആഘോഷിച്ചു.ഇന്ത്യന്‍ കമ്മ്യൂണിറ്റിയില്‍ നിന്നുള്ള നിരവധി പേര്‍ ചടങ്ങില്‍ പങ്കെടുത്തു.ഇന്ത്യന്‍ അംബാസിഡര്‍ നവതേജ് സര്‍ണ, ഇന്ത്യന്‍ പ്രസിഡന്റ് രാഷ്ട്രത്തോടായി നടത്തിയ സ്വാതന്ത്യ ദിന സന്ദേഷം വായിച്ചു.

ദേശീയ ഗാനാലാപനത്തോടെയാണ് ചടങ്ങുകള്‍ ആഗംഭിച്ചത്.’ഇന്ത്യ ഓഫ് മൈ ഡ്രീംസ്’ എന്ന വിഷയത്തെ അധികരിച്ച് നടത്തിയ പ്രസംഗ മത്സരത്തില്‍ വിജയികളായവര്‍ക്ക് ഇന്ത്യന്‍ അംബാസിഡര്‍ സര്‍ണ സമ്മാന ദാനം നിര്‍വ്വഹിച്ചു.

ദേശീയ ഗാനങ്ങള്‍ ആലപിച്ച കുട്ടികളേയും പ്രത്യേകമായി ആദരിച്ചു.ആഘോഷങ്ങളോടനുബന്ധിച്ച് വിവിധ കലാപരിപാടികളും ഉണ്ടയിരുന്നു.ഇന്ത്യന്‍ എംബസിയാണ് ആഘോഷ പരിപാടികള്‍ക്ക് നേതൃത്വം നല്‍കിയത്.

പി.പി. ചെറിയന്‍