സകല വിശുദ്ധരുടേയും തിരുന്നാള്‍

സകല വിശുദ്ധരുടേയും തിരുന്നാള്‍

ഷിക്കാഗോ: ഷിക്കാഗോ തിരുഹ്യദയ ക്‌നാനായ കത്തോലിക്കാ ഫൊറോനാപ്പള്ളിയില്‍ മതബോധന വിദ്യാര്‍ത്ഥികളും, മതാദ്ധ്യാപകരും, ഒക്ടോബര്‍ 27 ഞായറാശ്ച സകല വിശുദ്ധരുടേയും തിരുന്നാള്‍ ആചരിച്ചു. മുന്നൂറോളം വിദ്യാര്‍ത്ഥിനി വിദ്യാര്‍ത്ഥികളും, മതാദ്ധ്യാപകരും വിവിധ വിശുദ്ധരുടെ വേഷത്തില്‍ ദൈവാലയത്തിന്റെ അള്‍ത്താരക്കു മുന്‍പില്‍ ഭക്തിപുരസരം അണിനിരന്നപ്പോള്‍ സ്വര്‍ഗ്ഗത്തിന്റെ പ്രതീതി ഉളവാക്കി. 9:45 ന്, ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് കാര്‍മികനായുള്ള വിശുദ്ധ ബലിക്കുശേഷം, സകല വിശുദ്ധരുടേയും മധ്യസ്ഥപ്രാര്‍ത്ഥന ഗാനത്തോടൊപ്പം, എല്ലാ കുട്ടികളും വിശുദ്ധരുടെ വേഷവിതാനത്തില്‍ അള്‍ത്താരയിലേക്ക് വന്നത് വ്യത്യസ്ഥമായ തിരുന്നാള്‍ ആഘോഷമായിരുന്നു.

ഏറ്റവും മനോഹരമായ ഈ പരിപാടികള്‍ ആസൂത്രണം ചെയ്ത് നടപ്പിലാക്കിയത്, ഡി. ര്‍. ഇ. റ്റീന നെടുവാമ്പുഴയും, അസി. ഡി. ആര്‍. ഇ. മാരായ മെര്‍ളിന്‍ പുള്ളോര്‍കുന്നേല്‍, നബീസ ചെമ്മാച്ചേല്‍, സ്കൂള്‍ സെക്രട്ടറി ഷോണ്‍ പണയപറമ്പിലും മറ്റ് മതാദ്ധ്യാപകരുമാണ്. ബിനോയി കിഴക്കനടി (പി. ആര്‍. ഒ.) അറിയിച്ചതാണിത്.

Share This Post