ലോക ഫുട്‌ബോള്‍ വ്യാജ ജേഴ്‌സികള്‍ ടെക്‌സസില്‍ നിന്നും പിടികൂടി

എല്‍പാസൊ(ടെക്‌സസ്): ഫുട്‌ബോള്‍ ആവേശം ലോകം മുഴുവന്‍ കത്തിനില്‍ക്കുമ്പോള്‍, ബ്രസീലിന്റേയും, മെക്‌സിക്കോയുടെയും, ജര്‍മ്മനിയുടെയും വ്യാജ ജേഴ്‌സികള്‍ വില്‍പനയ്ക്കായി കൊണ്ടുവന്നത് ടെക്‌സസ്സിലെ എല്‍പാസൊയില്‍ നിന്നും യു.എസ്. കസ്റ്റംസ് ആന്റ് ബോര്‍ഡ് പ്രൊട്ടക്ഷന്‍ പിടികൂടി.

114000 ഡോളര്‍ വില മതിപ്പുള്ള വ്യാജ ജേഴ്‌സികളാണ് എല്‍പാസോയില്‍ നിന്നും അധികൃതര്‍ പിടികൂടിയത്. ഹോങ്ക്‌ഹോങ്ങില്‍ നിന്നും ഇവിടേയ്ക്ക് അയച്ചതായിരുന്നുവത്.ചില്ലറ വില്‍പനയ്ക്കായി കൊണ്ടുവന്ന ജേഴ്‌സികള്‍ നിലവാരം കുറഞ്ഞതും, ആരോഗ്യസുരക്ഷിതത്വത്തിന് ഭീഷിണിയുയുര്‍ത്തുന്നതുമായിരുന്നുവെന്നാണ് അധികൃതരുടെ ഭാഷ്യം.

അറസ്റ്റിനെ കുറിച്ചുള്ള കൂടുതല്‍ വിവരങ്ങള്‍ പോലീസ് പുറത്തുവിട്ടിട്ടില്ല.വ്യാജ ജേഴ്‌സികള്‍ ഉണ്ടാക്കി വില്‍ക്കുന്നത് കളവിന് സമാനമായ കുറ്റമാണെന്നും, ഇതിനെതിരെ കര്‍ശന നടപടികള്‍ സ്വീകരിക്കുമെന്നും ഏജന്‍സി വക്താവ് ഹെക്ടര്‍ മന്‍ഞ്ച പറഞ്ഞു.

ലോക ഫുട്‌ബോള്‍ മത്സരങ്ങള്‍ ആരംഭിച്ചതോടെ ഇതുവരെ അമേരിക്കന്‍ ഫുട്‌ബോളിന്റെ മാത്രം ആരാധകരായിരുന്നവര്‍, സോക്കറിനെയും പ്രണയിക്കാന്‍ തുടങ്ങിയത്. ചൂഷണം ചെയ്യുക എന്നതാണ് വ്യാജ ജഴ്‌സിയുടെ നിര്‍മ്മാണത്തിന് പ്രേരിപ്പിച്ചതെന്ന് പറയപ്പെടുന്നു.

പി.പി. ചെറിയാന്‍

ഇമിഗ്രേഷന്‍ നയങ്ങള്‍ക്കെതിരേ പ്രതിക്ഷേധിച്ച പ്രമീള ജയ്പാലിനെ അറസ്റ്റ് ചെയ്തു

വാഷിംഗ്ടണ്‍: അമേരിക്കന്‍ പ്രസിഡന്റ് ട്രമ്പ് അനധികൃത കുടിയേറ്റക്കാര്‍ക്കെതിരെ സ്വീകരിച്ചിരിക്കുന്നു സീറോ ടോളന്‍സ് പോളിസിക്കെതിരെ പ്രതിഷേധിച്ച വാഷിംഗ്ടണില്‍ നിന്നുള്ള ഇന്ത്യന്‍ അമേരിക്കന്‍ കോണ്‍ഗ്രസ് അംഗം പ്രമീള ജയ്പാലിനെ അറസ്റ്റു ചെയ്തു.

ജൂണ്‍ 28ന് സെനറ്റ് ഓഫീസ് ബില്‍ഡിംഗിന് മുമ്പില്‍ പ്രതിഷേധ പ്രകടനത്തിന്റെ സംഘാടകര്‍ ആവശ്യപ്പെട്ടതനുസരിച്ച് പ്രസംഗിച്ചതിനാണ് മറ്റു 575 സ്ത്രീകള്‍ ഉള്‍പ്പെടെ ഇവര്‍ അറസ്റ്റിലായത്.കുട്ടികള്‍ വേര്‍പ്പെട്ട മാതാപിതാക്കളോടൊപ്പം ചേര്‍ന്ന് അറസ്റ്റ് വരിക്കുന്നതില്‍ ഞാന്‍ അഭിമാനിക്കുന്നു എന്നാണ് പ്രമീള പ്രതികരിച്ചത്.

സെനറ്റ് ഓഫീസ് ഏട്രിയത്തില്‍ നിയമവിരുദ്ധമായി പ്രകടനം നടത്തിയതിന് 50 ഡോളറിന്റെ പിഴ അടയ്ക്കുന്നതിനുള്ള നോട്ടീസ് പ്രമീളക്ക് ലഭിച്ചിട്ടുണ്ട്.മൂന്നാം തവണയാണ് ഇതേ വിഷയത്തില്‍ പ്രതിഷേധിച്ചതിന് പ്രമീള അറസ്റ്റു വരിക്കുന്നത്. അമ്മയുടെ മുലപ്പാല്‍ കുടിക്കുന്ന ആറുമാസം പ്രായമുള്ള കുഞ്ഞിനെ അമ്മയില്‍ നിന്നും അകറ്റിയാല്‍ എന്തു സംഭവിക്കുമെന്ന് രണ്ടു വട്ടം ചിന്തിക്കാന്‍ റിപ്പബ്ലിക്കന്‍ഡമോക്രാറ്റിക്ക് പാര്‍ട്ടിക്കാരോട് പ്രമീള ആവശ്യപ്പെട്ടു.

ഡിപ്പാര്‍ട്ട്‌മെന്റ് ഓഫ് ഹോംലാന്റ് സെക്യൂരിറ്റി അമ്മമാരില്‍ നിന്നും നീക്കം ചെയ്ത 538 കുട്ടികളെ തിരികെ ഏല്‍പിച്ചുവെങ്കിലും 2000ത്തിലധികം കുട്ടികള്‍ ഇപ്പോഴും തടവിലാണെന്നും പ്രമീള പറഞ്ഞു.

പി.പി. ചെറിയാന്‍

പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റ് ജോര്‍ജ് മാമന്‍ കൊണ്ടൂരിന് വരവേല്‍പ്പ്

ന്യൂയോര്‍ക്ക്: ഹ്രസ്വ സന്ദര്‍ശനത്തിനായി അമേരിക്കയില്‍ എത്തിച്ചേര്‍ന്ന പത്തനംതിട്ട ജില്ലാ പഞ്ചായത്ത് വൈസ് പ്രസിഡന്റും കോണ്‍ഗ്രസ് നേതാവുമായ ജോര്‍ജ് മാമന്‍ കൊണ്ടൂരിനു ന്യൂയോര്‍ക്ക് ജോണ്‍ എഫ്. കെന്നഡി വിമാനത്താവളത്തില്‍ ഉജ്ജ്വല വരവേല്‍പ്പ്. ഫൊക്കാന ഇന്ത്യന്‍ ഓവര്‍സീസ് കോണ്‍ഗ്രസ്, മാര്‍ത്തോമ്മ സഭ, വിവിധ മലയാളി സംഘടനകള്‍ തുടങ്ങിയവയുടെ പ്രതിനിധികളും, ന്യൂയോര്‍ക്ക്, ന്യൂജഴ്‌സി, ഫിലഡല്‍ഫിയ എന്നീ സംസ്ഥാനങ്ങളില്‍ നിന്നുള്ള പത്തനംതിട്ട ജില്ലക്കാരായ ഒട്ടേറെ സുഹൃത്തുക്കളും അഭ്യുദയകാംഷികളും കൊണ്ടൂരിനെ സ്വീകരിക്കാന്‍ വിമാനത്താവളത്തില്‍ എത്തിയിരുന്നു.

ജൂണ്‍ 5 മുതല്‍ ഫിലഡല്‍ഫിയായില്‍ നടക്കുന്ന ഫൊക്കാന ദേശീയ സമ്മേളനത്തിലും ഡാലസില്‍ നടക്കുന്ന മാര്‍ത്തോമ്മാ സഭയുടെ വടക്കേ അമേരിക്കാ – യൂറോപ്പ് ഭദ്രാസന ഫാമിലി കോണ്‍ഫറന്‍സിലും അദ്ദേഹം പങ്കെടുക്കും. കൂടാതെ പത്തോളം സംസ്ഥാനങ്ങളിലെ വിവിധ മലയാളി സംഘടനകള്‍ മുന്‍കൂട്ടി ക്രമീകരിച്ചിട്ടുള്ള പരിപാടികളും മലയാളി കൂട്ടായ്മകളും മൂന്നാഴ്ച നീണ്ടു നില്‍ക്കുന്ന സന്ദര്‍ശന പരിപാടികളില്‍ ഉള്‍പ്പെടുത്തിയിട്ടുണ്ട്. വിശാലമായ സുഹൃത്ത് ബന്ധങ്ങള്‍ക്ക് ഉടമയായ കൊണ്ടൂര്‍ ഇതു രണ്ടാം തവണയാണ് അമേരിക്കന്‍ ഐക്യനാടുകള്‍ സന്ദര്‍ശിക്കുന്നത്.

വിദ്യാര്‍ഥി രാഷ്ട്രീയത്തിലൂടെ കടന്നുവന്ന് യൂത്ത് കോണ്‍ഗ്രസിന്റേയും കോണ്‍ഗ്രസിന്റേയും വിവിധ സ്ഥാനങ്ങള്‍ അലങ്കരിച്ചിട്ടുള്ള ഇദ്ദേഹം പത്തനംതിട്ട ജില്ലയിലെ ഇരവിപേരൂര്‍ സ്വദേശിയാണ്. വിവിധ ട്രേഡ് യൂണിയനുകള്‍ക്ക് നേതൃത്വം നല്‍കുന്ന ഈ കോണ്‍ഗ്രസ് നേതാവ് കേരള സംസ്ഥാന ഹൗസിങ് ഫെഡറേഷന്‍ വൈസ് ചെയര്‍മാന്‍ കൂടിയാണ്.

ജൂലൈ 25 ന് കേരളത്തിലേക്ക് മടങ്ങും. ഫൊക്കാന സീനിയര്‍ നേതാവായ ടി. എസ്. ചാക്കോ, ഓവര്‍സീസ് കോണ്‍ഗ്രസ് ഫിലഡല്‍ഫിയ സെക്രട്ടറിയും തിരുവല്ലാ മാര്‍ത്തോമ്മ കോളജ് യൂണിയന്‍ മുന്‍ ചെയര്‍മാനുമായിരുന്ന സന്തോഷ് ഏബ്രഹാം, വര്‍ഗീസ് കുര്യന്‍ തുടങ്ങിയവര്‍ സ്വീകരണത്തിനു നേതൃത്വം നല്‍കി.

പി.പി. ചെറിയാന്‍

ആരോഗ്യ മന്ത്രി കെ.കെ. ശൈലജ ടീച്ചര്‍ക്കും അതിഥികള്‍ക്കും എയര്‍പോര്‍ട്ടില്‍ സ്വീകരണം

ന്യുയോര്‍ക്ക്: ഫൊക്കാന കണ്‍വന്‍ഷനില്‍ പങ്കെടുക്കാന്‍ എത്തിയ ആരോഗ്യ മന്ത്രി കെ.കെ. ശൈലജ ടീച്ചര്‍, വനിത കമ്മീഷന്‍ അംഗം ഷാഹിദ കമാല്‍, നോര്‍ക്ക വൈസ് ചെയര്‍മാന്‍ കെ. വരദരാജന്‍, സംവിധായകന്‍ എം.എ. നിഷാദ് എന്നിവര്‍ക്ക് ജെ.എഫ്.കെ വിമാനത്താവളത്തില്‍ സ്വീകരണം നല്‍കി.

ഫൊക്കാന ഫൗണ്ടേഷന്‍ ചെയര്‍ പോള്‍ കറുകപ്പള്ളി, വൈസ് പ്രസിഡന്റ് ഡോ. ജോസ് കാനാട്ട്, മുന്‍ സെക്രട്ടറി ടെറന്‍സന്‍ തോമസ്, ലൈസി അലക്‌സ്, ഡോ. ജേക്കബ് തോമസ് തുടങ്ങിയവര്‍ നേതൃത്വം നല്‍കി.

കെ.സി.സി.എന്‍.എ കണ്‍വന്‍ഷന്‍ ഒരുക്കങ്ങള്‍ അവസാന ഘട്ടത്തിലേക്ക്

അറ്റ്‌ലാന്റാ: ക്‌നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയുടെ പതിമൂന്നാമത് നാഷണല്‍ കണ്‍വന്‍ഷന്റെ ഒരുക്കങ്ങള്‍ അവസാനഘട്ടത്തിലേക്ക് കടന്നു. ഈമാസം 19 മുതല്‍ 22 വരെ നടക്കുന്ന ക്‌നാനായ മാമാങ്കത്തിന്റെ അവസാനവട്ട മിനുക്കുപണികള്‍ നടത്തുന്നതിനായി അറ്റ്‌ലാന്റയില്‍ എത്തിയ കെ.സി.സി.എന്‍.എ പ്രസിഡന്റ് ബേബി മണക്കുന്നേല്‍ ഓരോ കമ്മിറ്റികളുടേയും പ്രവര്‍ത്തനങ്ങള്‍ വിലയിരുത്തുന്നതിനായി കണ്‍വന്‍ഷന്‍ ചെയര്‍മാന്‍ സൈമണ്‍ ഇല്ലിക്കാട്ടിലിന്റെ അധ്യക്ഷതയില്‍ യോഗം വിളിക്കുകയുണ്ടായി.

ഓരോ കമ്മിറ്റികളുടേയും പ്രവര്‍ത്തനങ്ങള്‍ അതാത് കമ്മിറ്റി ചെയര്‍പേഴ്‌സണ്‍സ് വിലയിരുത്തുകയും എല്ലാം ഭംഗിയായി നടത്തുന്നതിനുവേണ്ട ക്രമീകരണങ്ങള്‍ ചെയ്യുകയുമുണ്ടായി. അറ്റ്‌ലാന്റാ യൂണീറ്റ് പ്രസിഡന്റ് ജസ്റ്റിന്‍ പുത്തന്‍പുരയില്‍, സ്പിരിച്വല്‍ ഡയറക്ടര്‍ ഫാ. ബോബന്‍ വട്ടംമ്പുറത്ത്, റീജണല്‍ വൈസ് പ്രസിഡന്റ് ജോബി വാഴക്കാല, സെക്രട്ടറി മാത്യു പുല്ലാഴി തുടങ്ങിയവരും എല്ലാ കമ്മിറ്റി ചെയര്‍മാന്‍മാരും യോഗത്തില്‍ പങ്കെടുക്കുകയുണ്ടായി. അവിസ്മരണീയമായ ഒരു കണ്‍വന്‍ഷനായിരിക്കും അറ്റ്‌ലാന്റയിലേതെന്ന് കെ.സി.സി.എന്‍.എ പ്രസിഡന്റ് ബേബി മണക്കുന്നേലും, കെ.സി.എ.ജി പ്രസിഡന്റ് ജസ്റ്റിന്‍ പുത്തന്‍പുരയിലും സംയുക്തമായി പ്രഖ്യാപിക്കുകയും ചെയ്തു.

സാജു വട്ടക്കുന്നത്ത്

ടാമ്പായില്‍ അന്താരാഷ്ട്ര വടംവലി മത്സരം ഓഗസ്റ്റ് 18-ന്

ടാമ്പാ: മലയാളി അസോസിയേഷന്‍ ഓഫ് സെന്‍ട്രല്‍ ഫ്‌ളോറിഡയുടെ (എം.എ.സി.എഫ്) ഓണാഘോഷത്തോടനുബന്ധിച്ച് ഓഗസ്റ്റ് 18-ന് ശനിയാഴ്ച ടാമ്പായില്‍ അന്താരാഷ്ട്ര വടംവലി മത്സരം നടക്കും. ക്ലബ് ടസ്‌കേഴ്‌സുമായി സഹകരിച്ചാണ് വടംവലി മത്സരം നടത്തുന്നത്. അമേരിക്കയുടെ വിവിധ സംസ്ഥാനങ്ങളില്‍ നിന്നും 6 ടീമുകളും, മറ്റു രാജ്യങ്ങളില്‍നിന്നും 2 ടീമുകളുമാണ് മത്സരങ്ങളിലേക്ക് പ്രതീക്ഷിക്കുന്നത്.

ഓഗസ്റ്റ് 18-ന് രാവിലെ 9.30-ന് ആരംഭിക്കുന്ന മത്സരങ്ങള്‍ ഉച്ചയോടെ അവസാനിക്കും മത്സരത്തിനുശേഷം ഘോഷയാത്രയോടുകൂടി ഓണാഘോഷ പരിപാടികള്‍ ആരംഭിക്കും. 201 മലയാളി മങ്കമാരുടെ തിരുവാതിര ഓണാഘോഷ പരിപാടിയിലെ പ്രധാന ആകര്‍ഷണമായിരിക്കും. ഏകദേശം രണ്ടായിരത്തോളം ആള്‍ക്കാരെയാണ് പ്രതീക്ഷിക്കുന്നതെന്ന് പ്രസിഡന്റ് സജി കരിമ്പന്നൂരും, സെക്രട്ടറി ടിറ്റോ ജോണും അറിയിച്ചു. വടംവലി മത്സരങ്ങളുടെ ഗ്രാന്റ് സ്‌പോണ്‍സേഴ്‌സ് എബി & ജീവ പ്രാലേല്‍ ആണ്. രണ്ടാം സമ്മാനം ഓയില്‍ കമ്പനിയും, മൂന്നാം സമ്മാനം ക്യാരിയേജ് ഡ്രൈക്ലീനേഴ്‌സുമാണ് നല്‍കുന്നത്.

ട്രസ്റ്റി ബോര്‍ഡ് ചെയര്‍മാന്‍ ടി. ഉണ്ണികൃഷ്ണന്‍, സെക്രട്ടറി സാല്‍മോന്‍ മാത്യു, വടംവലി മത്സരം കോര്‍ഡിനേറ്റേഴ്‌സായ ജയിംസ് ഇല്ലിക്കല്‍, ടിജോ, ടോമി മ്യാല്‍ക്കര, ഫ്രാന്‍സീസ് വയലുങ്കല്‍, ആന്‍സണ്‍ ജോസഫ് തുടങ്ങിയരുടെ നേതൃത്വത്തില്‍ പരിപാടികള്‍ വിജയകരമാക്കാനുള്ള പ്രവര്‍ത്തനങ്ങള്‍ നടന്നുവരുന്നു. ഷീലാ ഷാജുവാണ് ഓണാഘോഷ കമ്മിറ്റി ചെയര്‍പേഴ്‌സണ്‍.

കൂടുതല്‍ വിവരങ്ങള്‍ക്ക്: സജി കരിമ്പന്നൂര്‍ (813 263 6032), ടിറ്റോ ജോണ്‍ (813 408 3777), സുനില്‍ വര്‍ഗീസ് (727 793 4627), ടി. ഉണ്ണികൃഷ്ണന്‍ (813 334 0123).

ജോയിച്ചന്‍ പുതുക്കുളം

രാജു എബ്രഹാം എംഎൽഎ യ്ക്കു ഹൂസ്റ്റൺ റാന്നി അസ്സോസിയേഷൻ ഉജ്വല സ്വീകരണം സ്വീകരണം നൽകി

ഹൂസ്റ്റൺ: അമേരിക്കൻ സന്ദർശത്തിനെത്തിച്ചേർന്ന റാന്നി എംഎൽഎയും അസ്സോസിയേഷൻ രക്ഷാധികാരിയുമായ രാജു എബ്രഹാമിന് ഹൂസ്റ്റൺ റാന്നി അസ്സോസിയേഷന്റെ (HRA) ആഭിമുഖ്യത്തിൽ ഉജ്വല സ്വീകരണം നൽകി.ജൂൺ 30 നു ശനിയാഴ്ച വൈകുന്നേരം 7:00 നു കേരള തനിമ റസ്റ്റോറന്റിൽ വച്ചായിരുന്നു സ്വീകരണ സമ്മേളനം.

മാധ്യമ സാമൂഹ്യ സാംസ്കാരിക പ്രവർത്തകനും അസോസിയേഷൻ പ്രസിഡണ്ടുമായ തോമസ് മാത്യു (ജീമോൻ റാന്നി)സമ്മേളനത്തിൽ അദ്ധ്യക്ഷത വഹിച്ചു. റാന്നി നിവാസികളുടെ മാത്രമല്ല അമേരിക്കൻ മലയാളികളുടെ മനസ്സിൽ സ്ഥിര പ്രതിഷ്ട നേടിയ എം ൽ എ യാണ് രാജു അബ്രഹാമെന്ന് ജീമോൻ പറഞ്ഞു.റാണി മണ്ടലത്തിന്റെ വികസനത്തിനുവേണ്ടി സദാസമയവും പ്രവർത്തനനിരതനാണ് അദ്ദേഹമെന്നും പ്രസിഡന്റ് കൂട്ടിച്ചേർത്തു തുടർന്ന് എംഎൽഎയെ പൊന്നാട അണിയിച്ചു സ്വീകരിച്ചു.

ജോയിന്റ് സെക്രട്ടറി ബിനു സക്കറിയാ കളരിക്കമുറിയിൽ സ്വാഗതം ആശംസിച്ചു.

1996 മുതൽ റാന്നിയെ നിയോജകമണ്ഡലത്തെ കേരള നിയമസഭയിൽ പ്രതിനിധീകരിക്കുന്ന എംഎൽഎ യുമായി ഒരു തുറന്ന സംവാദം സംഘടിപ്പിച്ചത് സമ്മേളനത്തെ വേറിട്ടതാക്കി. റാന്നി മണ്ഡലത്തിലെ ജനങ്ങളുടെ അടിസ്ഥാന ആവശ്യങ്ങൾ നിറവേറ്റുന്നതിനും റാന്നിയുടെ വികസനത്തിന് എംഎൽഎ എന്ന നിലയിൽ ചെയ്യുന്ന കാര്യങ്ങളും അദ്ദേഹം വ്യക്തമാക്കി. റാന്നിയിലെ റോഡുകൾ, ജലസേചന പദ്ധതികൾ, ആശുപത്രികൾ, പാലങ്ങൾ തുടങ്ങിയവയെപ്പറ്റി പങ്കെടുത്തവർ ചോദ്യങ്ങളായി ശ്രദ്ധയിൽ പെടുത്തിയപ്പോൾ ഉചിതമായ മുറുപടിനൽകുകയും നാളിതു വരെ പ്രഖ്യാപിക്കപ്പെട്ട പദ്ധതികളും കേരള സർക്കാരിന്റെ പരിഗണനയിൽ ഇരിക്കുന്ന പദ്ധതികളും മറ്റു വികസന പരിപാടികളെ കുറിച്ച് സവിസ്തരം പ്രദിപാദിക്കുകയും ചെയ്‌തു
ചെറുവള്ളി എസ്റ്റേറ്റിലെ നിർദിഷ്ട ശബരിമല വിമാനത്താവളവുമായി ഉണ്ടായിട്ടുള്ള തടസങ്ങൾ എത്രയും പെട്ടെന്ന് പരിഹരിക്കപ്പെടുമെന്നും വിമാനത്താവളം വന്നാൽ ഏറ്റവുമധികം പ്രയോജനം ലഭിക്കുന്നത് റാന്നി മണ്ഡലത്തിലായിരിക്കുമെന്നും എംഎൽഎ പറഞ്ഞു.

റവ.ഡോ. എബ്രഹാം ചാക്കോ, ഉപരക്ഷാധികാരികളായ ജോയി മണ്ണിൽ, ബാബു കൂടത്തിനാലിൽ, വൈസ് പ്രസിഡന്റ് ബിജു സക്കറിയ, സി.ജി.ഡാനിയേൽ, രജി കുര്യൻ, റോയ് തീയാടിക്കൽ, ബാബു മുല്ലശ്ശേരിൽ,ജോർജ് എബ്രഹാം, എബ്രഹാം ജോസഫ്,വിനോദ് ചെറിയാൻ, മെബിൻ പാണ്ടിയത്‌, പ്രമോദ് തേനാലിൽ,സുനോജ്, ടോം, ബാലു, രാജു.കെ.നൈനാൻ തുടങ്ങിയവർ ചർച്ചകളിൽ സജീവമായി പങ്കെടുത്തു.

പി.പി.ചെറിയാൻ

സോമര്‍സെറ്റ് സെന്റ് തോമസ് ദേവാലയത്തില്‍ വിശുദ്ധ തോമാശ്ലീഹായുടെ മദ്ധ്യസ്ഥ തിരുനാളിന് കൊടിയേറി

“സത്യം സത്യമായി ഞാന്‍ നിങ്ങളോട് പറയുന്നു, ഗോതമ്പു മണി നിലത്തു വീണു അഴുകുന്നില്ലെങ്കില്‍ അത് അതെ പടിയിരിക്കും അഴുകുന്നെങ്കിലോ അത് വളരെ ഫലം പുറപ്പെടുവിക്കും (ജോണ്‍ 12:24)”

ന്യൂജേഴ്‌സി: സോമര്‍സെറ്റ് സെന്‍റ് തോമസ് സീറോ മലബാര്‍ കാത്തലിക് ഫൊറോനാ ദേവാലത്തിലെ ഇടവക മധ്യസ്ഥനായ വിശുദ്ധ തോമാശ്ശീഹായുടെ മാധ്യസ്ഥ തിരുനാള്‍ ജൂലൈ 1 മുതല്‍ 8 വരെ ഭക്ത്യാദരപൂര്‍വ്വം കൊണ്ടാടുന്നതായി വികാരി ഫാ. ലിഗോറി ഫിലിപ്‌സ് കട്ടിയകാരന്‍ അറിയിച്ചു .

തിരുനാളിനു ആരംഭം കുറിച്ചുള്ള കൊടികയറ്റം ജൂലൈ ഒന്നിന് ഞായറാഴ്ച്ച രാവിലെ 10 .30ന് ആഘോഷമായ ദിവ്യബലിക്ക് ശേഷം നടത്തപ്പെട്ടു. ദിവ്യബലിക്ക് ഇടവക വികാരി ഫാ. ലിഗോറി മുഖ്യ കാര്‍മ്മികത്വം വഹിച്ചു. ഫാ.ഫിലിപ്പ് വടക്കേക്കര സഹകാര്‍മികകനായി.

ജൂലൈ രണ്ടിന് തിങ്കളാഴ്ച്ച രാവിലെ 7 .30 ന് വിശുദ്ധ ദിവ്യബലിയും, മാതാ പിതാക്കള്‍ക്കായുള്ള പ്രത്യേക പ്രാര്‍ത്ഥനയും ഉണ്ടായിരിക്കും.

ജൂലൈ മൂന്നിന് ചൊവ്വാഴ്ച വിശുദ്ധ തോമാശ്ശീഹായുടെ ദുക്‌റാന തിരുനാള്‍ (രക്തസാക്ഷിത്വ ദിനം) ഭക്ത്യാദരപൂര്‍വം ആചരിക്കും. രാവിലെ 7.30 ന് വിശുദ്ധ ദിവ്യബലിയും,ഉണ്ണിഈശോയുടെ നൊവേനയും, കുഞ്ഞുങ്ങള്‍ക്കായുള്ള പ്രത്യക പ്രാര്‍ത്ഥനകാളും നടത്തപ്പെടും.

ജൂലൈ നാലിന് ബുധനാഴ്ച സ്വാതന്ത്രദിനത്തിലെ പ്രാര്‍ത്ഥനാ ചടങ്ങുകള്‍ രാവിലെ 9.00 മണിക്ക് വിശുദ്ധ ദിവ്യബലിയോടെ ആരംഭിക്കും. ഇന്നേ ദിവസം എല്ലാ കുടുംബങ്ങള്‍ക്ക് വേണ്ടിയും പ്രത്യേക പ്രാര്‍ത്ഥനകള്‍ നടത്തപ്പെടും. തുടര്‍ന്ന് കടുംബാംഗങ്ങള്‍ പാരിഷ് ഹാളില്‍ ഒത്തു കൂടും. ബാര്‍ബിക്യൂവും ഉണ്ടായിരിക്കുന്നതാണ്.

ജൂലൈ അഞ്ചിന് വ്യാഴാഴ്ചയിലെ തിരുക്കര്‍മ്മങ്ങള്‍ വൈകീട്ട് 7.30 ന് വിശുദ്ധ ബലിയോടെ ആരംഭിക്കും. ഇന്നേ ദിവസം ഗ്രാന്‍ഡ് പേരന്‍സിനുള്ള പ്രത്യേക പ്രാര്‍ത്ഥനകള്‍ നടത്തുന്നതാണ്.

ജൂലൈ ആറിന് വെള്ളിയാഴ്ചയിലെ വിശുദ്ധ തിരുക്കര്‍മ്മങ്ങള്‍ വൈകീട്ടു 7:30 നടത്തപ്പെടും.ഇന്നേദിവസം യുവജന ദിനമായി ആചരിക്കും. യുവാക്കള്‍ക്കായുള്ള പ്രത്യേക പ്രാര്‍ത്ഥനകളും, തുടര്‍ന്ന് യൂദാശ്ലീഹായുടെ നൊവേനയും നടക്കും.

ജൂലൈ ഏഴിന് ശനിയാഴ്ച കുട്ടികളുടെ കണ്‍ഫര്‍മേഷന്‍ ദിനമായി ആചരിക്കും. പത്തു മണിക്ക് ആഘോഷമായ വിശുദ്ധ ദിവ്യ ബലിയും, അതോടനുബന്ധിച്ചു കുട്ടികള്‍ക്കുള്ള കണ്‍ഫര്‍മേഷനും നല്‍കുന്നതുമാണ്.

ജൂലൈ എട്ടിന് ഞായറാഴ്ച പ്രധാന തിരുനാള്‍ ദിനത്തില്‍ ഉച്ചക്ക് രണ്ടു മണിക്ക് രൂപ പ്രതിഷ്ഠയോടെ പ്രധാന തിരുനാള്‍ ചടങ്ങുകള്‍ ആരംഭിക്കും. വേസ്പരയും ആഘോഷപൂര്‍ണ്ണമായ പാട്ടുകുര്‍ബാനയും ബഹുമാനപ്പെട്ട ഫാ. സിബി സെബാസ്റ്റ്യന്‍റെ മുഖ്യ കാര്‍മ്മികത്വത്തില്‍ നടക്കും. തിരുനാള്‍ മധ്യേ വാഷിങ്ടണ്‍ ഡിവൈന്‍ മേഴ്‌സി ഹീലിംഗ് സെന്റര്‍ വൈസ്.ചാന്‍സലര്‍ റവ.ഫാ.തോമസ് സുനില്‍ എനേക്കാട്ട് വചന ശുസ്രൂഷ നല്‍കും.

മുഖ്യ തിരുകര്‍മ്മങ്ങള്‍ക്കുശേഷം വിശുദ്ധരുടെ രൂപം വഹിച്ചുകൊണ്ടുള്ള നഗരികാണിക്കല്‍ പ്രദക്ഷിണവും തിരുശേഷിപ്പ് വണക്കവും, അടിമ സമര്‍പ്പണവും, അടുത്ത വര്‍ഷത്തേക്കുള്ള പ്രസുദേന്തി വാഴ്ചയും നടക്കും.

ഈവര്‍ഷത്തെ തിരുനാള്‍ പത്ത് കുടുംബങ്ങള്‍ ഒന്നിച്ചാണ് ഏറ്റെടുത്ത് നടത്തുന്നത്. ജോര്‍ജ് സെബാസ്റ്റ്യന്‍ ആന്‍ഡ് ബിന്ദു തെക്കേടം, ജെയിംസ് ആന്‍ഡ് സരിത മാത്യു, ജോണ്‍ ആന്‍ഡ് ദീപ ഇലഞ്ഞിക്കല്‍, ജോജി ആന്‍ഡ് റോസ്‌ലിന്‍ മാത്യു, ജോസ് ജോര്‍ജ് ആന്‍ഡ് ജിജി വടക്കുംമൂല, ലെസ്ലി ആന്‍ഡ് സ്മിത മാളിയേക്കല്‍, റോബിന്‍ ആന്‍ഡ് ദീപ ജോര്‍ജ്, റോണി മാത്യു ആന്‍ഡ് മമത പള്ളിവാതുക്കല്‍,റോയ് ആന്‍ഡ് ജോളി താടിക്കാരന്‍,സതീഷ് ആന്‍ഡ് ഹെതര്‍ എന്നിവരാണ് പ്രസുദേന്ധിമാര്‍.

തിരുനാളിനോടനുബന്ധിച്ച് വിവിധ ഭക്തസംഘടനകള്‍ നടത്തുന്ന സ്റ്റാളുകള്‍ പ്രവര്‍ത്തിക്കുന്നതാണെന്ന് തിരുനാളിന്റെ മുഖ്യ സംഘടാകരായ റോബിന്‍ ജോര്‍ജ്, ജിജീഷ് തോട്ടത്തില്‍, ജോനഥന്‍ പെരുമ്പായില്‍ എന്നിവര്‍ അറിയിച്ചു. തിരുനാളിന്റെ വിജയത്തിനായി വിവിധ കമ്മിറ്റികള്‍ പ്രവര്‍ത്തിച്ചുവരുന്നു.

ജൂലൈ ഒമ്പതിന് തിങ്കാളാഴ്ച വൈകിട്ട് 7.30ന് വിശുദ്ധബലിയും, മരിച്ച ആത്മാക്കള്‍ക്കായുള്ള പ്രത്യേക പ്രാര്‍ത്ഥകളും തുടര്‍ന്ന് കൊടിയിറക്കവും നടക്കും.

തിരുനാള്‍ കര്‍മ്മങ്ങളില്‍ ഭക്തിപൂര്‍വ്വം പങ്കുകൊണ്ടും, വചനപ്രഘോഷണങ്ങള്‍ പ്രാര്‍ത്ഥനാപൂര്‍വ്വം ശ്രവിച്ചും അനുഗ്രഹങ്ങള്‍ പ്രാപിക്കാന്‍ എല്ലാവരേയും സ്‌നേഹപൂര്‍വ്വം ക്ഷണിക്കുന്നതായി വികാരി ഫാ. ലിഗോറി ഫിലിപ്‌സ് കട്ടിയകാരന്‍ അറിയിച്ചു.

കൂടുതല്‍ വിവരങ്ങള്‍ക്ക്: മിനിഷ് ജോസഫ് (കൈക്കാരന്‍) 2019789828, മേരിദാസന്‍ തോമസ് (കൈക്കാരന്‍) 201 9126451, ജസ്റ്റിന്‍ ജോസഫ് (കൈക്കാരന്‍) 7327626744, സാബിന്‍ മാത്യു (കൈക്കാരന്‍) 8483918461, റോബിന്‍ ജോര്‍ജ് (തിരുനാള്‍ കോര്‍ഡിനേറ്റര്‍)8483916535 , ജിജീഷ് തോട്ടത്തില്‍ തിരുനാള്‍ കോര്‍ഡിനേറ്റര്‍) 6065584351 , ജോനഥന്‍ പെരുമ്പായില്‍ (തിരുനാള്‍ കോര്‍ഡിനേറ്റര്‍) 7325402977.

സെബാസ്റ്റ്യന്‍ ആന്റണി അറിയിച്ചതാണിത്.

നരേന്ദ്രമോദി നയിക്കുന്ന എന്‍ഡിഎ സര്‍ക്കാരിന്റെ വിജകരമായ നാലാം വാര്‍ഷികം ന്യൂയോര്‍ക്കില്‍ ആഘോഷിച്ചു

ന്യൂയോര്‍ക്ക്: ബിജെപി ദേശീയവക്താവ് ശ്രീ അമന്‍ സിന്‍ഹ മുഖ്യാതിഥിയായി. ഓവര്‍സീസ് ഫ്രണ്ട്‌സ് ഓഫ് ബി ജെ പി ന്യൂ യോര്‍ക്ക് ചാപ്റ്റര്‍ കണ്‍വീനര്‍ ശ്രീ ശിവദാസന്‍ നായരുടെ അധ്യക്ഷതയില്‍ കൂടിയ യോഗത്തില്‍ ഓവര്‍സീസ് ഫ്രണ്ട്‌സ് ഓഫ് ബി ജെ പി ദേശീയ അധ്യക്ഷന്‍ ശ്രീ കൃഷ്ണറെഡ്ഢി സന്നിഹിതനായിരുന്നു.

മോദി സര്‍ക്കാരിന്റെ നാലുവര്‍ഷത്തെ ഭരണ നേട്ടങ്ങള്‍ ശ്രീ അമന്‍ സിന്‍ഹ വിശദീകരിച്ചു. ജന്‍ധന്‍ യോജന, സ്റ്റാര്‍ട്ട് അപ്പ് ഇന്ത്യ, സ്റ്റാന്‍ഡ് അപ്പ് ഇന്ത്യ, മെയ്ക് ഇന്‍ ഇന്ത്യ, ജി എസ് ടി, കര്‍ഷകര്‍ക്കും സ്ത്രീകള്‍ക്കും സഹായകമാകുന്ന നിരവധി പദ്ധതികള്‍, തുടങ്ങി വിവിധ മേഖലകളിലെ വിജയകരമായ പ്രവര്‍ത്തനങ്ങളെ കുറിച്ച് ഒരു മണിക്കൂറോളം അദ്ദേഹം സംസാരിച്ചു. ശ്രീ ശിവദാസന്‍ നായരുടെ നേതൃത്വത്തിലാണ് വാര്‍ഷിക പരിപാടികള്‍ ആസൂത്രണം ചെയ്തത്.

എന്‍ ബി എ മുന്‍പ്രസിഡന്റും ഒ ഫ് ബി ജെ പി ആക്റ്റീവ് മെമ്പറുമായ ശ്രീ രഘുവരന്‍ നായര്‍ നന്ദി രേഖപ്പെടുത്തി. ഓവര്‍സീസ് ഫ്രണ്ട്‌സ് ഓഫ് ബി ജെ പി സോഷ്യല്‍ മീഡിയ കോ കണ്‍വീനര്‍ ഡോ ജയശ്രീ നായര്‍, ദിഗംബര്‍ ഇസ്ലാംപുര്‍, ദേശീയ ജനറല്‍ സെക്രട്ടറി നീലിമ മദന്‍, നാഷണല്‍ കൗണ്‍സില്‍ മെമ്പര്‍ ഫണിഭൂഷണ്‍, എന്‍ ബി എ പ്രസിഡന്റ് ശ്രീ കോമളന്‍ പിള്ള, രാജഗോപാല്‍ കുന്നപ്പള്ളി എന്നിവരും പ്രസ്തുത യോഗത്തില്‍ പങ്കെടുത്തു. പരിപാടിക്ക് ശേഷം രാജ് ഭോഗില്‍ നിന്നും ഭക്ഷണവും ഒരുക്കിയിരുന്നു.

ശിവദാസന്‍ നായര്‍ അറിയിച്ചതാണിത്‌.

ജോയിച്ചന്‍ പുതുക്കുളം

കമ്മ്യൂണിസ്റ്റുകളെ വേരോടെ പിഴുതെറിയണം : അമിത്ഷാ

തിരുവനന്തപുരം : അക്രമരാഷ്ട്രീയത്തിന്റെ വക്താക്കളായ കമ്മ്യൂണിസ്റ്റുകളെ കേരള മണ്ണില്‍ നിന്നും വേരോടെ പിഴുതെറിയണമെന്ന് ബിജെപി ദേശീയ അധ്യക്ഷന്‍ അമിത്ഷാ. ബിജെപി പ്രവര്‍ത്തകര്‍ വീഴ്ത്തിയ ചോരയ്ക്ക് എങ്കിലേ സമാധാനമാകൂ. ത്രിപുരയിലും ബംഗാളിലും ഇത് സാധ്യമായി. കേരളത്തില്‍ അസാധ്യമല്ല. തെക്കന്‍ ജില്ലകളിലെ ആറ് പാര്‍ലമെന്റ് മണ്ഡലങ്ങളിലെ ബൂത്ത് ഭാരവാഹികളുടെ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ആശയത്തിന്റെയോ ആദര്‍ശത്തിന്റെയോ പേരിലുള്ള കൊലപാതകമല്ല കേരളത്തില്‍ നടക്കുന്നത്. സര്‍ക്കാര്‍ പിന്തുണയുള്ള ക്രൂരതയാണ്. ഇതിന് മുഖ്യമന്ത്രി മറുപടി പറയണം. ഇവിടുത്തെ കൊലപാതക രാഷ്ട്രീയത്തോടെ ബിജെപി പ്രതികരിച്ചത് ജനാധിപത്യ മാര്‍ഗ്ഗത്തിലാണ്. കേരളത്തില്‍ ജാഥ നടത്തിയതും ദല്‍ഹിയില്‍ പ്രകടനം നടത്തിയതുമൊക്കെ ജനാധിപത്യ രീതിയില്‍ തന്നെ.

അക്രമത്തിലല്ല, വികസനത്തിലാണ് ബിജെപി വിശ്വസിക്കുന്നത്. കേരള സര്‍ക്കാരിന് മോദി സര്‍ക്കാര്‍ എല്ലാവിധ സഹായവും ചെയ്യുന്നതും വികസനത്തിനുവേണ്ടിയാണ്. എന്നാല്‍ രാഷ്ട്രീയ കാരണങ്ങളാല്‍ വേണ്ടവിധത്തില്‍ പ്രയോജനപ്പെടുത്താന്‍ സംസ്ഥാനത്തിനാകുന്നില്ല. വര്‍ഷങ്ങള്‍ക്കുമുമ്പ് പ്രഖ്യാപിച്ച എയിംസും പാലക്കാട് ഐഐടിയും കഞ്ചിക്കോട് റെയില്‍വേ കോച്ച് ഫാക്ടറിയുമൊക്കെ യാഥാര്‍ത്ഥ്യമാകാത്തത് സംസ്ഥാനം ഭരിച്ചവരുടെ കഴിവുകേടാണ്. ദേശീയപാതയുടെ വികസനം ഇഴയുന്നതും രാഷ്ട്രീയ കാരണങ്ങള്‍ കൊണ്ടുതന്നെ.

പാവങ്ങളുടെ ഉന്നമനത്തിനായി പ്രവര്‍ത്തിക്കുന്ന സര്‍ക്കാരാണ് കേന്ദ്രത്തിലേത്. പന്ത്രണ്ട് ലക്ഷം കോടിയുടെ അഴിമതിയുമായിട്ടാണ് യുപിഎ സര്‍ക്കാര്‍ ഭരണം വിട്ടത്. ബിജെപി സര്‍ക്കാര്‍ അധികാരത്തില്‍ വന്ന് നാലുവര്‍ഷം പിന്നിട്ടിട്ട് എതിരാളികള്‍ക്കുപോലും ഒരു അഴിമതിയും ഉന്നയിക്കാനായിട്ടില്ല. പ്രധാനമന്ത്രി നരേന്ദ്രമോദിക്ക് ലോകരാഷ്ട്രങ്ങളില്‍ ലഭിക്കുന്ന സ്വീകരണം അദ്ദേഹത്തിനോ ബിജെപിക്കോ കിട്ടുന്നതല്ല. അത് ഭാരതത്തിലെ 130 കോടി ജനങ്ങള്‍ക്ക് കിട്ടുന്ന സ്വീകാര്യതയാണ്.

ബിജെപി പ്രവര്‍ത്തകരുടെ പാര്‍ട്ടിയാണ് നേതാക്കളുടെ വ്യക്തി പ്രഭാവത്തില്‍ പ്രവര്‍ത്തിക്കുന്ന പ്രസ്ഥാനമല്ല. പത്തുപേരുമായി തുടങ്ങി ഇപ്പോള്‍ പതിനൊന്നുകോടി അംഗങ്ങളുമായി ലോകത്തെ ഏറ്റവും വലിയ രാഷ്ട്രീയ പാര്‍ട്ടിയായി ബിജെപി മാറിയതിനുപിന്നിലെ ശക്തിയും പ്രവര്‍ത്തകരാണ്. കേരളത്തില്‍ മാറി മാറി ഭരിക്കുന്ന ഇടത് വലത് മുന്നണികളെ പരാജയപ്പെടുത്താന്‍ പ്രവര്‍ത്തകര്‍ക്ക് സാധിക്കുമെന്നും അമിത്ഷാ പറഞ്ഞു.
കേരളത്തിന് മോദിസര്‍ക്കാര്‍ നല്‍കിയ സാമ്പത്തിക സഹായങ്ങളുടെ പട്ടിക നിരത്തിയായിരുന്നു അമിത്ഷായുടെ പ്രസംഗം.

കമ്മ്യൂണിസ്റ്റുകളെ വേരോടെ പിഴുതെറിയണം : അമിത്ഷാ
തിരുവനന്തപുരം : അക്രമരാഷ്ട്രീയത്തിന്റെ വക്താക്കളായ കമ്മ്യൂണിസ്റ്റുകളെ കേരള മണ്ണില്‍ നിന്നും വേരോടെ പിഴുതെറിയണമെന്ന് ബിജെപി ദേശീയ അധ്യക്ഷന്‍ അമിത്ഷാ. ബിജെപി പ്രവര്‍ത്തകര്‍ വീഴ്ത്തിയ ചോരയ്ക്ക് എങ്കിലേ സമാധാനമാകൂ. ത്രിപുരയിലും ബംഗാളിലും ഇത് സാധ്യമായി. കേരളത്തില്‍ അസാധ്യമല്ല. തെക്കന്‍ ജില്ലകളിലെ ആറ് പാര്‍ലമെന്റ് മണ്ഡലങ്ങളിലെ ബൂത്ത് ഭാരവാഹികളുടെ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ആശയത്തിന്റെയോ ആദര്‍ശത്തിന്റെയോ പേരിലുള്ള കൊലപാതകമല്ല കേരളത്തില്‍ നടക്കുന്നത്. സര്‍ക്കാര്‍ പിന്തുണയുള്ള ക്രൂരതയാണ്. ഇതിന് മുഖ്യമന്ത്രി മറുപടി പറയണം. ഇവിടുത്തെ കൊലപാതക രാഷ്ട്രീയത്തോടെ ബിജെപി പ്രതികരിച്ചത് ജനാധിപത്യ മാര്‍ഗ്ഗത്തിലാണ്. കേരളത്തില്‍ ജാഥ നടത്തിയതും ദല്‍ഹിയില്‍ പ്രകടനം നടത്തിയതുമൊക്കെ ജനാധിപത്യ രീതിയില്‍ തന്നെ.
അക്രമത്തിലല്ല, വികസനത്തിലാണ് ബിജെപി വിശ്വസിക്കുന്നത്. കേരള സര്‍ക്കാരിന് മോദി സര്‍ക്കാര്‍ എല്ലാവിധ സഹായവും ചെയ്യുന്നതും വികസനത്തിനുവേണ്ടിയാണ്. എന്നാല്‍ രാഷ്ട്രീയ കാരണങ്ങളാല്‍ വേണ്ടവിധത്തില്‍ പ്രയോജനപ്പെടുത്താന്‍ സംസ്ഥാനത്തിനാകുന്നില്ല. വര്‍ഷങ്ങള്‍ക്കുമുമ്പ് പ്രഖ്യാപിച്ച എയിംസും പാലക്കാട് ഐഐടിയും കഞ്ചിക്കോട് റെയില്‍വേ കോച്ച് ഫാക്ടറിയുമൊക്കെ യാഥാര്‍ത്ഥ്യമാകാത്തത് സംസ്ഥാനം ഭരിച്ചവരുടെ കഴിവുകേടാണ്. ദേശീയപാതയുടെ വികസനം ഇഴയുന്നതും രാഷ്ട്രീയ കാരണങ്ങള്‍ കൊണ്ടുതന്നെ.

പാവങ്ങളുടെ ഉന്നമനത്തിനായി പ്രവര്‍ത്തിക്കുന്ന സര്‍ക്കാരാണ് കേന്ദ്രത്തിലേത്. പന്ത്രണ്ട് ലക്ഷം കോടിയുടെ അഴിമതിയുമായിട്ടാണ് യുപിഎ സര്‍ക്കാര്‍ ഭരണം വിട്ടത്. ബിജെപി സര്‍ക്കാര്‍ അധികാരത്തില്‍ വന്ന് നാലുവര്‍ഷം പിന്നിട്ടിട്ട് എതിരാളികള്‍ക്കുപോലും ഒരു അഴിമതിയും ഉന്നയിക്കാനായിട്ടില്ല. പ്രധാനമന്ത്രി നരേന്ദ്രമോദിക്ക് ലോകരാഷ്ട്രങ്ങളില്‍ ലഭിക്കുന്ന സ്വീകരണം അദ്ദേഹത്തിനോ ബിജെപിക്കോ കിട്ടുന്നതല്ല. അത് ഭാരതത്തിലെ 130 കോടി ജനങ്ങള്‍ക്ക് കിട്ടുന്ന സ്വീകാര്യതയാണ്.

ബിജെപി പ്രവര്‍ത്തകരുടെ പാര്‍ട്ടിയാണ് നേതാക്കളുടെ വ്യക്തി പ്രഭാവത്തില്‍ പ്രവര്‍ത്തിക്കുന്ന പ്രസ്ഥാനമല്ല. പത്തുപേരുമായി തുടങ്ങി ഇപ്പോള്‍ പതിനൊന്നുകോടി അംഗങ്ങളുമായി ലോകത്തെ ഏറ്റവും വലിയ രാഷ്ട്രീയ പാര്‍ട്ടിയായി ബിജെപി മാറിയതിനുപിന്നിലെ ശക്തിയും പ്രവര്‍ത്തകരാണ്. കേരളത്തില്‍ മാറി മാറി ഭരിക്കുന്ന ഇടത് വലത് മുന്നണികളെ പരാജയപ്പെടുത്താന്‍ പ്രവര്‍ത്തകര്‍ക്ക് സാധിക്കുമെന്നും അമിത്ഷാ പറഞ്ഞു.
കേരളത്തിന് മോദിസര്‍ക്കാര്‍ നല്‍കിയ സാമ്പത്തിക സഹായങ്ങളുടെ പട്ടിക നിരത്തിയായിരുന്നു അമിത്ഷായുടെ പ്രസംഗം.

കേന്ദ്ര സര്‍ക്കാര്‍ കേരളത്തിനു നല്‍കിയ സഹായത്തിന്റെ കണക്ക് ( അമിത് ഷാ പ്രസംഗത്തില്‍ വിവരിച്ച കണക്ക്)

മുദ്ര ബാങ്ക് വായ്പ

ആകെ വായ്പ ഉപഭോക്താക്കള്‍ : 45 ലക്ഷം
ആകെ വായ്പ ഇതുവരെ നല്കിയത് : 22,000 കോടി
പ്രധാനമന്ത്രി ജന്‍-ധന്‍ യോജന
ജന്‍-ധന്‍ പദ്ധതിയില്‍ ചേര്‍ന്നവര്‍ : 36 ലക്ഷം
സ്ത്രീകള്‍ : 20 ലക്ഷം
ആകെ നിക്ഷേപം : 967 കോടി
ഉജാല പദ്ധതി-എല്‍ഇഡി ബള്‍ബ്
ആകെവിതരണം ചെയ്തത് : 1.51 കോടി
ലാഭിച്ചത് : 787 കോടി പ്രതിവര്‍ഷം
പ്രധാനമന്ത്രി ഉജ്ജ്വല്‍ പദ്ധതി
ആകെ വിതരണം ചെയ്തത് : 78,000 കണക്ഷനുകള്‍
സൗഭാഗ്യപദ്ധതി
ആകെ ലക്ഷ്യം : 1.20 ലക്ഷം വീടുകള്‍
സ്വച്ഛ ഭാരത് അഭിയാന്‍
ആകെ നിര്‍മിച്ച ശൗചാലയം : 2.25 ലക്ഷം
പൊതു ഇട ശൗചാലയം ഗ്രാമങ്ങളില്‍ 2,027

സാഗര്‍മാല പരിപാടി
സംസ്ഥാനത്ത് മൂന്ന് പദ്ധതികള്‍

1.മൂന്ന് വര്‍ഷത്തെ ധന വിഹിതം : 1,07,878 കോടി

2.ഉജ്ജ്വല്‍ പദ്ധതി(സൗജന്യ ഗ്യാസ് കണക്ഷന്‍) : 4,200 കോടി
3.കേന്ദ്രപദ്ധതികള്‍ക്കുള്ള വിഹിതം : 30,171 കോടി

മുദ്രവായ്പ : 22,000 കോടി
കൊച്ചി സ്മാര്‍ട്ട് സിറ്റി : 196 കോടി
അമൃത മിഷന്‍ (9 നഗരങ്ങള്‍) : 1,161 കോടി
ബസുകള്‍ വാങ്ങുന്നതിന് : 75 കോടി
കൊച്ചി മെട്രോ റെയില്‍ പദ്ധതി : 1,257 കോടി
സ്വച്ഛ ഭാരത് മിഷന്‍-(19 നഗരം) : 44 കോടി
ആരോഗ്യ ഇന്‍ഷ്വറന്‍സ് കാര്‍ഡ് : 3 കോടി
പ്രധാനമന്ത്രി കൃഷി സംരക്ഷണ പദ്ധതി : 5 കോടി
മത്സ്യമേഖലയ്ക്ക് : 113 കോടി
പ്രധാനമന്ത്രി ആവാസ് യോജന : 390 കോടി
(83 പദ്ധതികള്‍, 26,571 വീടുകള്‍)
പ്രധാനമന്ത്രി ആവാസ് യോജന : 142 കോടി
(നഗരങ്ങളില്‍ 9,461 വീടുകള്‍)
കണ്ണൂരിലും തൃശൂരിലും മത്സ്യബന്ധന തുറമുഖങ്ങള്‍ : 65 കോടി
വിഴിഞ്ഞം തുറമുഖം : 2,500 കോടി
റെയില്‍വെ വികസനം : 2,220 കോടി
ആകെ : 30,171 കോടി

13-ാം ധനകാര്യകമ്മീഷന്‍ കേരളത്തിന് നല്‍കിയത് 45393 കോടിയാണ്. എങ്കില്‍ 14-ാം കമ്മീഷന്‍ അനുവദിച്ചത് 134,848 കോടി.