ഡിസ്ട്രിക്ട് ഗവര്‍ണ്ണര്‍ മത്തായി ചാക്കോയെ ആദരിച്ചു

ന്യൂയോര്‍ക്ക് : ലയണ്‍സ് ക്ലബ് ഇന്റര്‍നാഷണല്‍ ഡിസ്ട്രിക്ട് 20 ആര്‍ 1 ഗവര്‍ണ്ണര്‍ മത്തായി ചാക്കോ യെ ആദരിച്ചു. ഗവര്‍ണ്ണര്‍ മത്തായി ചാക്കോ യുടെ ബഹുമാനാര്‍ത്ഥം ഞീരസഹലശഴവ കണ്‍ട്രി ക്ലബ്ബില്‍ വച്ചു നടന്ന ഡിസ്ട്രിക്ട് ടെസ്റ്റിമോണിയല്‍ ആന്‍ഡ് അവാര്‍ഡ് നൈറ്റ് ഇല്‍ ലയണ്‍സ് ക്ലബ് ഇന്റര്‍നാഷണല്‍ ഡിസ്ട്രിക്ട് 20 ആര്‍ 1 അദ്ദേഹത്തെ ആദരിച്ചു. പാസ്റ്റ് ഇന്റര്‍നാഷണല്‍ ഡയറക്ടര്‍ ഡഗ് അലക്‌സാണ്ടര്‍ കീ നോട്ട് സ്പീക്കര്‍ ആയിരുന്നു. തന്റെ പ്രസംഗത്തില്‍ ഗവര്‍ണ്ണര്‍ മത്തായി ചാക്കോയുടെ നേട്ടങ്ങളെ വളരെ അധികം പുകഴ്ത്തി സംസാരിച്ചു. കൗണ്‍സില്‍ ചെയര്‍ കെല്ലി ക്ലാര്‍ക് കഴിഞ്ഞ വര്‍ഷത്തെ അദ്ദേഹത്തിന്റെ പ്രവര്‍ത്തനങ്ങളെ മുക്തകണ്ഠം പ്രശംസിച്ചു. പാസ്‌ററ് കൌണ്‍സില്‍ ചെയര്‍ ഗാരി ബ്രൗണ്‍ അദ്ദേഹത്തിന്റെ നേട്ടങ്ങള്‍ക്കുള്ള അഭിനന്ദനങ്ങള്‍ അറിയിച്ചു.

യു എസ് കോണ്‍ഗസ് വുമണ്‍ ഹോണറബിള്‍ നിതാ എം. ലോവി ന്യൂയോര്‍ക്ക് സെനറ്റര്‍ വില്യം ലാര്‍ക്കിന്‍, എന്നിവര്‍ മികച്ച സേവനങ്ങള്‍ക്ക് ഉള്ള അവാര്‍ഡും അസംബ്ലിമാന്‍ ഹോണറബില്‍ കെന്‍ സെബ്രോക്‌സി ന്യൂയോര്‍ക്ക് സ്റ്റേറ്റ് അസംബ്ലിയുടെ സൈറ്റേഷനും നല്‍കി ആദരിച്ചു.

ഗവര്‍ണ്ണര്‍ മത്തായി ചാക്കോ തനിക്കു നല്‍കിയ സപ്പോര്‍ട്ടിന് തന്റെ ക്യാബിനറ്റ് അംഗങ്ങള്‍ക്ക് നന്ദി പറഞ്ഞു .ഡിസ്ട്രിക്ടില്‍ ഉള്ള 39 ക്ലബ്ബുകളില്‍ താന്‍ സന്ദര്‍ശനം നടത്തിയപ്പോള്‍ കിട്ടിയ സ്വീകരണങ്ങള്‍ക്കും നന്ദി അറിയിച്ചു. പലര്‍ക്കും വിശിഷ്ട സേവനങ്ങള്‍ക്കുള്ള അവാര്‍ഡുകളും നല്‍കി.

മുന്‍ ഇന്റര്‍നാഷണല്‍ ഡയറക്ടര്‍ ജാക്ക് വെബ്ബര്‍ തുടങ്ങി ന്യൂയോര്‍ക്ക് സ്റ്റേറ്റിന്റെ വിവിധ ഭാഗങ്ങളില്‍ നിന്ന് പല വി ഐ പി കളും ചടങ്ങില്‍ സംബന്ധിച്ചു. മീറ്റിംഗിന് മുന്‍പ് മുന്‍ ഡിസ്ട്രിക്ട് ഗവര്‍ണ്ണര്‍ ഡെന്നിസ് ഹാര്‍ഡി വി ഐ പി കളെ ഓരോരുത്തരെ ആയി ഹാളിലേക്കു സ്വാഗതം ചെയ്തു. ഭാര്യ ഉഷയോടൊപ്പം ഹാളിലേക്കു പ്രവേശിച്ച ഗവര്‍ണ്ണര്‍ മത്തായി ചാക്കോയെ എല്ലാവരും എഴുനേറ്റു നിന്ന് ആദരവോടെ സ്വീകരിച്ചു പാസ്‌ററ് ഡിസ്ട്രിക്ട് ഗവര്‍ണ്ണര്‍ മേയ്‌ബെല്ലി അദ്ദേഹത്തെ സദസ്സിനു പരിചയപ്പെടുത്തുകയും തന്റെ സേവനങ്ങളെ പ്രകീര്‍ത്തിക്കുകയും ചെയ്തു. മുന്‍ കൗണ്‍സില്‍ ചെയര്‍ ആഞ്ചലോ മാസ്റ്റര്‍ ഓഫ് സെറിമണി ആയി പരിപാടികള്‍ നിയന്ത്രിച്ചു.

ജോയിച്ചന്‍ പുതുക്കുളം

ടെക്‌സസ്സിലെ ഏഴാമത്തെ വധശിക്ഷ നടപ്പാക്കി

ഹണ്ട്‌സ് വില്ല: നാലുപേരെ ക്രൂരമായി കൊലപ്പെടുത്തുകയും, ഒമ്പതുപേരെ ലൈംഗീകമായി പഠിപ്പിക്കുകയും ചെയ്ത ഡാനിപോള്‍ ബൈബിളിന്റെ (66) വധശിക്ഷ ജൂണ്‍ 27 ബുധനാഴ്ച 6.30ന് ടെക്‌സസ്സില്‍ നടപ്പാക്കി. പശ്ചാത്താപമോ, അവസാന പ്രസ്താവനയോ നടത്താതെയാണ് ബൈബിള്‍ വധശിക്ഷ ഏറ്റുവാങ്ങിയത്.

1979 ല്‍ ഹൂസ്റ്റണില്‍ വെച്ച് നടത്തിയ കൊലപാതകത്തിനും, ലൈംഗീക പീഢനത്തിനുമാണ് ബൈബിളിനെ വധശിക്ഷയ്ക്ക് വിധിച്ചിരുന്നത്. 20 വയസ്സുള്ള ഐറാബ് ഡീട്ടനായിരുന്നു കൊല്ലപ്പെട്ടത്.

പ്രായവും രോഗവും തളര്‍ത്തിയ പ്രതിയെ മാരകമായ വിഷം കുത്തിവെച്ചു വധിക്കുന്നതിന് പകരം ഫയറിങ്ങ് സ്ക്വാഡിനേയോ, നൈട്രജന്‍ ഗ്യാസോ ഉപയോഗിച്ചോ വധിക്കണമെന്ന ആവശ്യം സുപ്രീം കോടതി തള്ളി നിമിഷങ്ങള്‍ക്കകം വധശിക്ഷ നടപ്പാക്കുകയായിരുന്നു. ടെക്‌സസ്സില്‍ വധശിക്ഷ നടപ്പാക്കുന്നതിനുള്ള ഏകമാര്‍ഗ്ഗം വിഷമിശ്രിതം മാത്രമാണ്.

ഇരുകൈകളിലൂടെയും മാരകവിഷം കുത്തുവെച്ചു നിമിഷങ്ങള്‍ക്കകം മരണം സ്ഥീരീകരിച്ചു.

അമേരിക്കയില്‍ ഏറ്റവും കൂടുതല്‍ വധശിക്ഷ നടപ്പാക്കുന്ന സംസ്ഥാനം ടെക്‌സസ്സില്‍ 2018 ലെ ഏഴാമത്തെ വധശിക്ഷയായിരുന്നു ഇന്ന് നടപ്പാക്കിയത്. അമേരിക്കയില്‍ ഇതുവരെ 11 പേര്‍ക്കാണ് വധശിക്ഷ ലഭിച്ചത്. ഫ്‌ളോറിഡാ, ലൂസിയാന, ടെക്‌സസ് തുടങ്ങിയ സംസ്ഥാനങ്ങളില്‍ കുട്ടികള്‍ മുതല്‍ മുതിര്‍ന്നവര്‍ വരെ ബൈബിളിന്റെ ക്രൂരതയ്ക്ക് വിധേയരായിരുന്നു.

25 വര്‍ഷം ജയിലില്‍ കിടക്കുന്നതിനുശേഷമാണ് വധശിക്ഷ നടപ്പാക്കിയത്.

ഹൂസ്റ്റണ്‍ കോട്ടയം ക്ലബ് പിക്ക്‌നിക്ക് അവിസ്മരണീയമായി

ഹൂസ്റ്റണ്‍: ഹൂസ്റ്റണിലും, സമീപ പ്രദേശങ്ങളിലും താമസിക്കുന്ന കോട്ടയം നിവാസികളുടെ കൂട്ടായ്മയായ കോട്ടയം ക്ലബ് 2018 വര്‍ഷത്തെ പിക്‌നിക്കില്‍ പങ്കെടുത്തവര്‍ക്ക് അവിസ്മരണീയ അനുഭവമായി.

ജൂണ്‍ 24 ഞായര്‍ വൈകീട്ട് മാനുവേല്‍ സിറ്റിയിലെ പ്രകൃതി രമണീയത നിറഞ്ഞ ബിബേല്‍ ഫാം ഹൗസില്‍ എസ്.കെ.ചെറിയാന്‍, തോമസ് കെ. വര്‍ഗീസ് എന്നിവരുടെ പ്രാര്‍ത്ഥനയോടെ ആരംഭിച്ചു. ക്ലബിന്റെ പ്രവര്‍ത്തനങ്ങള്‍ വിശദീകരിച്ച പ്രസിഡന്റ് ജോസ് ജോണ്‍ തെങ്ങുപ്ലാക്കല്‍ ഉല്‍ഘാടനത്തിനായി ഡോ.സി.വി.മാത്യുവിനെ ക്ഷണിക്കുകയും, ഏവരേയും സ്വാഗതം ചെയ്യുകയും ചെയ്തു.

എല്ലാവര്‍ക്കും ഒത്തുചേരുന്നതിന് ഒരു വേദിയൊരുക്കിയ ക്ലബിന്റെ ഭാരവാഹികളെ ഡോ.സി.വി.മാത്യു അഭിനന്ദിച്ചു.

നിരവധി കലാകായിക പരിപാടികള്‍, വിനോദ പരിപാടികള്‍ എന്നിവ പിക്ക്‌നിക്കിനെ വേറിട്ടൊരു അനുഭവമാക്കി രുചികരമായ നാടന്‍ ഭക്ഷണവും പിക്ക്‌നിക്കിന്റെ പ്രത്യേകതയായിരുന്നു.

ബാബു ചാക്കൊ, മധു ചേരിക്കല്‍, ചാക്കൊ ജോസഫ്, മാത്യു ചന്നാപാറ, തോമസ് ആന്റണി, കുര്യന്‍ ചന്നാപാറ, ഷിബു കെ.മാണി തുടങ്ങിയവര്‍ പിക്കിനിക്കിന്റെ വിജയകരമായ പ്രവര്‍ത്തനങ്ങള്‍ക്ക് നേതൃത്വം നല്‍കി. ക്ലബ് സെക്രട്ടറി സുകു ഫിലിപ്പ് കൃതജ്ഞത അറിയിച്ചു. ദീര്‍ഘനാളുകള്‍ക്കുശേഷം പരിചയം പുതുക്കുന്നതിനും, പൂര്‍വ്വകാല സ്മരണകള്‍ പങ്കിടുന്നതിനും, ആനുകാലിക വിഷയങ്ങളെ കുറിച്ചു ചര്‍ച്ച നടത്തുന്നതിനും കോട്ടയം ക്ലബിന്റെ പിക്ക്‌നിക്ക് വഴിയൊരുക്കിയതായി പങ്കെടുത്തവര്‍ അഭിപ്രായപ്പെട്ടു.

മെമ്പറല്ലാത്ത സംസ്ഥാന ജീവനക്കാര്‍ യൂണിയന് വിഹിതം നല്‍കേണ്ടതില്ല: സുപ്രീംകോടതി

വാഷിംഗ്ടണ്‍ ഡി.സി.: യൂണിയന്‍ പ്രവര്‍ത്തനങ്ങള്‍ക്കും, കൂട്ടായ വിലപേശലിനും വന്‍കിട തൊഴിലാളി യൂണിയനുകള്‍ മെമ്പറല്ലാത്ത സംസ്ഥാന ജീവനക്കാരില്‍ നിന്നും വിഹിതം നിര്‍ബന്ധപൂര്‍വ്വം വാങ്ങുന്നത്് ഭരണഘടനാ വിരുദ്ധമാണെന്ന് ജൂണ്‍ 27ന് സുപ്രീം കോടതി ഉത്തരവിട്ടു.

ഇല്ലിനോയ്‌സില്‍ നിന്നുള്ള സംസ്ഥാന ജീവനക്കാരായ മാക്ക് ജാനസ് പബ്ലിക്ക് സെക് ട്ടറിലെ ഏറ്റവും ശക്തമായ സംഘടനയായ എ. എഫ്്.എസ്.സി.എം.ജി(അഎടഇങഋ) ക്ക് പ്രതിവര്‍ഷം 550 ഡോളര്‍ നല്‍കേണ്ടതുണ്ടെന്നും, സംസ്ഥാനത്ത് നിലവിലുള്ള നിയമമനുസരിച്ച് ഓരോ ആഴ്ചയിലെ ശമ്പളത്തില്‍ നിന്നും ഒരു തുക ഇതിലേക്ക് ഈടാക്കുന്നതിനേയും, ചോദ്യം ചെയ്ത് സമര്‍പ്പിച്ച കേസ്സിലാണ് സുപ്രീം കോടതി റൂളിങ്ങ് ഉണ്ടായിരിക്കുന്നത്.

ഹെല്‍ത്ത് ആന്റ് ഫാമിലി സര്‍വീസ് ജീവനക്കാരനായ ജാനസ് നിര്‍ബന്ധപൂര്‍വ്വം യൂണിയന് പണം നല്‍കണമെന്ന് ആവശ്യം അംഗീകരിക്കുന്നില്ലെന്നും, യൂണിയന്‍ പ്രവര്‍ത്തനത്തില്‍ പങ്കാളിയാകാന്‍ താല്‍പര്യമില്ലെന്നും അറിയിച്ചു.

സുപ്രീംകോടതിവിധി 24 സംസ്ഥാന ഗവണ്‍മെന്റുകളിലെ ജീവനക്കാരെ ബാധിക്കുമെന്ന് യൂണിയന്‍ പ്രസിഡന്റ് ലീ സാന്റേഴ്‌സ് പറഞ്ഞു. 5 മില്യണ്‍ ജീവനക്കാരാണ് 24 സംസ്ഥാനങ്ങളില്‍ ഉള്ളതെന്നും അദ്ദേഹം പറഞ്ഞു.

പ്രസിഡന്റ് ട്രമ്പ് സുപ്രീംകോടതി വിധിയെ സ്വാഗതം ചെയ്തു. ഡമോക്രാറ്റുകള്‍ക്ക് ഈ വിധി കനത്ത തിരിച്ചടിയാണെന്നും ട്രമ്പ് പറഞ്ഞു. യൂണിയന്‍ തീരുമാനിക്കുന്ന സ്ഥാനാര്‍ത്ഥികള്‍ക്ക് സഹായം നല്‍കുന്നതിന്, യൂണിയന്‍ മെമ്പറല്ലാത്തവരില്‍ നിന്നും നിര്‍ബന്ധപൂര്‍വ്വം ഷെയര്‍ വാങ്ങുന്നത് ശരിയല്ലെന്നും, വ്യക്തികള്‍ക്ക് അവര്‍ക്കിഷ്ടമുള്ള സ്ഥാനാര്‍ത്ഥികള്‍ക്ക് സംഭാവന നല്‍കാന്‍ ഈ വിധി ഉപയുക്തമാണെന്നും ട്രമ്പ് പറഞ്ഞു.

പി.പി. ചെറിയാന്‍

തടങ്കലില്‍ കഴിയുന്ന ഇന്ത്യന്‍ അഭയാര്‍ത്ഥികളെ സന്ദര്‍ശിക്കുന്നതിന് ഫെഡറല്‍ കോടതിയുടെ അനുമതി

ഒറിഗണ്‍: അമേരിക്കയിലെ അനധികൃത കുടിയേറ്റക്കാര്‍ക്കെതിരെ ട്രംപ് ഭരണകൂടം പ്രഖ്യാപിച്ച സീറോ ടോളറന്‍സ് പോളിസിയുടെ ഭാഗമായി മാതാപിതാക്കളില്‍ നിന്നും അകറ്റി ഒറിഗണ്‍ ഫെഡറല്‍ കറക്ഷണല്‍ ഇന്‍സ്റ്റിറ്റിയൂട്ടില്‍ കഴിയുന്ന 52 ഇന്ത്യക്കാരുള്‍പ്പെടെയുള്ള തടവുകാരെ സന്ദര്‍ശിക്കുന്നതിനും അവര്‍ക്ക് നിയമ സംരക്ഷണം നല്‍കുന്നതിനും അനുമതി നല്‍കുന്ന ഉത്തരവ് ജൂണ്‍ 25ന് ഫെഡറല്‍ കോടതി പുറപ്പെടുവിപ്പിച്ചു.

അമേരിക്കന്‍ സിവില്‍ ലിബര്‍ട്ടീസ് യൂണിയനും ഇനൊവേഷന്‍ ലൊ ലാബ്‌സും സമര്‍പ്പിച്ച അപ്പീലിലാണ് കോടതിയുടെ വിധി.

52 ഇന്ത്യന്‍ തടവുകാരുടെ നിയമ സഹായത്തിനായി നിരവധി വോളണ്ടിയര്‍ സംഘടനകള്‍ സംഭാവന നല്‍കിയിട്ടുണ്ട്. പഞ്ചാബില്‍ നിന്നുള്ള സിക്കുകാരാണ് ഭൂരിഭാഗവും എന്നതുകൊണ്ടു തന്നെ സിക്ക് അമേരിക്കന്‍ ലീഗല്‍ ഡിഫന്‍സ് ആന്റ് എഡ്യുക്കേഷന്‍ ഫണ്ടും ഈ ആവശ്യത്തിനായി ഉപയോഗിക്കുമെന്ന് അധികൃതര്‍ അറിയിച്ചു.ഒറിഗണ്‍ തടവുകാരെ സന്ദര്‍ശിക്കുന്നതിനുള്ള അനുമതി നിഷേധിച്ചിരിക്കുകയായിരുന്നു.

ഇത് നിയമ വിരുദ്ധമാണെന്നാണ് എബിഎല്‍യു കോടതിയില്‍ വാദിച്ചത്. അമേരിക്കന്‍ മണ്ണിലേക്ക് അനധികൃതമായി പ്രവേശിക്കുവാന്‍ ആരേയും അനുവദിക്കുകയില്ലെന്നും, അങ്ങനെ ആരെങ്കിലും പ്രവേശിച്ചിട്ടുണ്ടെങ്കില്‍ അവരെ തിരിച്ചയക്കുമെന്നും ട്രംപ് വീണ്ടും അര്‍ഖ ശങ്കക്കിടമില്ലാത്തവണ്ണം വ്യക്തമാക്കുകയാണ്.

പി.പി. ചെറിയാന്‍

സൗത്ത് വെസ്റ്റ് ഭദ്രാസന അസംബ്ലി സമ്മേളനം നടന്നു

ഹൂസ്റ്റണ്‍: ദൈവവും മനുഷ്യനുമായുള്ള ബന്ധത്തിന്റെ കൂട്ടായ്മയായ സഭയുടെ ദര്‍ശനവും ദൗത്യവും സമൂഹത്തിനും വിശ്വാസികള്‍ക്കും കൂടാരമാക്കുകയാണ് അനിവാര്യമെന്ന് അഭിവന്ദ്യ സഖറിയാസ് മാര്‍ അപ്രേം പ്രബോധിപ്പിച്ചു ഭദ്രാസന ആസ്ഥാനമായ ഉര്‍ശ്ലേം അരമന ചാപ്പലില്‍വെച്ച് ജൂണ്‍ 21 മുതല്‍ 22 വരെ നടത്തിയ ഭദ്രാസന അസംബ്ലിയുടെ 9ാമത് വാര്‍ഷിക സമ്മേളനത്തില്‍ അദ്ധ്യക്ഷ പ്രസംഗം നടത്തുകയായിരുന്നു അദ്ദേഹം.

പരിശുദ്ധ കാതോലിക്കാ ബാവാ തിരുമേനിയുടെ നേതൃത്വവും, തന്റെ മുന്‍ഗാമികളുടെയും, മുന്‍കാല കൗണ്‍സിലിന്റെയും ദീര്‍ഘവീക്ഷണവും കഠിനാധ്വാനവുമാണ് ഈ ഭദ്രാസനത്തിന്റെ ആത്മീയവും ഭൗതികവുമായ പുരോഗതിയുടെ നിദാനമെന്ന് അഭിവന്ദ്യ മാര്‍ അപ്രേം അനുസ്മരിച്ചു.ജൂണ്‍ 21 ന് രാവിലെ 9 മണിക്ക് ആരംഭിച്ച വൈദികസംഘത്തിന്റെ വാര്‍ഷികസമ്മേളനത്തില്‍ സെക്രട്ടറി ഫാ.പി.സി.ജോര്‍ജ് സ്വാഗതം ആശംസിച്ചു.

സഭയിലേയ്ക്കും ഭദ്രാസനത്തിലെയും ദിവംഗതരായ മേല്‍പട്ടക്കാരെയും, പട്ടക്കാരെയും അനുസ്മരിച്ചു. തുടര്‍ന്ന് അഭിവന്ദ്യ മെത്രാപ്പോലീത്താ തന്റെ അദ്ധ്യക്ഷപ്രസംഗത്തില്‍ വിശുദ്ധനാടോ, വിശുദ്ധ സ്ഥലമോ നാം അന്വേഷിച്ചു നടക്കേണ്ടതില്ല കാരണം നാം നില്‍ക്കുന്ന ഇടം വിശുദ്ധമെന്ന് നമ്മുടെ ജീവിത വിശുദ്ധികൊണ്ട് തിരിച്ചറിഞ്ഞ് തീര്‍ത്ഥാടകരുടെ കൂട്ടായ്മയായ സഭയെ അതിന്റെ ലക്ഷ്യസ്ഥാനമായ നിത്യതയിലേക്ക് വിശ്വാസികളെ നയിക്കുന്ന ഇടമാണ് സഭ, ആ സഭയുടെ ഭാഗമായ ഈ ഭദ്രാസനത്തിലെ വിശ്വാസികളെ മാതൃകപരമായി നയിക്കാന്‍ നമ്മുക്ക് ഏവര്‍ക്കും കഴിയണമെന്ന് മാര്‍ അപ്രേം ഉല്‍ബോധിപ്പിച്ചു.

ആത്മീയ, ആരാധന നിര്‍വ്വഹണം, ഇടവക ഭരണ നിര്‍വ്വഹണത്തിലും മറ്റും ശ്രദ്ധിക്കേണ്ട കാര്യങ്ങളെക്കുറിച്ചു സമഗ്രമായ ചര്‍ച്ചകള്‍ നടന്നു. ഉച്ചനമസ്ക്കാരത്തോടെ ദൈവിക സമ്മേളനം സമാപിച്ചു.തുടര്‍ന്ന് ഉര്‍ശ്ലം അരമനയില്‍ നിന്നും സമ്മേളനവേദിയിലേക്ക് വൈദികരും, കൗണ്‍സില്‍ അംഗങ്ങളും, അസംബ്ലി അംഗങ്ങളും ചേര്‍ന്ന് അഭിവന്ദ്യ പിതാവിനെ സ്വീകരിച്ച് ആനയിച്ചു. 1934 ഭരണഘടനക്കും, കോടതിവിധികള്‍ക്കും വിധേയമായി സഭയില്‍ സമാധാനം സ്ഥാപിക്കാന്‍ പരിശുദ്ധ കാതോലിക്കാ ബാവാ നടത്തുന്ന എല്ലാ ഗ്രാമങ്ങള്‍ക്കും ഭദ്രാസനത്തിന്റെ പരിപൂര്‍ണ്ണ പിന്‍തുണ അറിയിക്കുന്ന പ്രമേയം അസംബ്ലി അംഗം ശ്രീ.എന്‍സണ്‍ ശാമുവേല്‍ അവതരിപ്പിച്ചത് ഐകകണ്‌ഠേന പാസ്സാക്കി.

മുന്‍ അസംബ്ലിയുടെ മിനിട്‌സ് സെക്രട്ടറി വായിച്ചു പാസ്സാക്കി. 20172018 കാലഘട്ടത്തിലെ വാര്‍ഷിക വരവ് ചെലവ് കണക്കുകള്‍ സെക്രട്ടറി ഫാ.ഫിലിപ്പ് എബ്രഹാം അവതരിപ്പിച്ചു. ഇന്റേണല്‍ ഓഡിറ്റര്‍ ശ്രീ. കോശി അലക്‌സാണ്ടര്‍ ഇ.ജ.അ. ഓഡിറ്റിങ്ങ് റിപ്പോര്‍ട്ട് അവതരിപ്പിച്ചു. ശ്രീ. എന്‍സണ്‍ ശാമുവേല്‍ ശ്രദ്ധയില്‍പ്പെടുത്തിയ മാര്‍ മാക്കാറിയോസ് മെത്രാപ്പോലീത്തയായുടെ പേരില്‍ ഒരു സ്കാലര്‍ഷിപ്പ് ഫഡ് ആരംഭിക്കണമെന്ന ആവശ്യം അസംബ്ലി ഏകകണ്ഠമായി അംഗീകരിക്കുകയും ആ ഫഡിലേക്ക് ഫാ. യോഹന്നാന്‍ പണിക്കര്‍, ശ്രീ.കോശി അലക്‌സാണ്ടര്‍ 5000 ഡോളര്‍ വീതം സംഭാവന നല്‍കി.

പൗരോഹിത്യ ശുശ്രൂഷയില്‍ 25 വര്‍ഷം പൂര്‍ത്തീകരിച്ച ദൈവികരെ അസംബ്ലി പ്രത്യേക പ്രശംസാപത്രം നല്‍കി ആദരിച്ചു. 2018 -2019 യിലേക്ക് $1,134648.41 ഡോളര്‍ ബഡ്ജറ്റ് സെക്രട്ടറി ഫാ. ഫിലിപ്പ് എബ്രാഹാം അസംബ്ലിയില്‍ അവതരിപ്പിച്ചു. ഭദ്രാസന സെന്ററിന്റെ പുതുക്കിയ മാസ്റ്റര്‍ പ്ലാന്റിന്റെ തുടര്‍ നടപടികള്‍ക്കായി 75000/ ഡോളര്‍ അസംബ്ലി അനുവദിച്ചു.

ജൂണ്‍ 22ന് ശനിയാഴ്ച രാവിലെ 8.30 ന് ആരംഭിച്ച അസംബ്ലിയുടെ രണ്ടാം സെക്ഷനില്‍ ഭദ്രാസന സെന്ററിന്റെ പുതുക്കിയ മാസ്റ്റര്‍ പ്ലാന്റിന്റെ രൂപരേഖ കൗണ്‍സില്‍ അംഗം ശ്രീ.മനോജ് തോമസ് അവതരിപ്പിച്ചു. ഈ വികസന പദ്ധതിയുടെ പ്രത്യേകത ഇതിലെ പ്രോജെറ്റുകള്‍ എല്ലാം ‘സെല്‍ഫ് ഫിനാന്‍സിങ്ങ്’ ആണ്. പ്രസ്തുത വികസന പദ്ധതികളുടെ നടത്തിപ്പ് 4 ഘട്ടങ്ങളായി വിഭാവനം ചെയ്യുന്നു.

ഇതില്‍ ഓര്‍ത്തഡോക്‌സ് വില്ലേജ്, കമ്മ്യൂണിറ്റി സെന്റര്‍, മെഡിക്കല്‍ ക്ലിനിക്ക്, ഓര്‍ത്തഡോക്‌സ് വാസ്തു ശില്പശൈലിയില്‍ ചാപ്പലില്‍, താമസസൗകര്യങ്ങളെല്ലാം ഉള്ള കോണ്‍ഫറന്‍സ് ഹാള്‍, ഓര്‍ത്തഡോക്‌സ് സെമിത്തേരി തുടങ്ങിയ പദ്ധതികളുണ്ട്. അടുത്ത 5 വര്‍ഷം കൊണ്ട് ഭദ്രാസനത്തെ സാമ്പത്തിക സ്വയം പര്യാപ്തയില്‍ എത്തിക്കുന്നതിനും ഭദ്രാസനത്തിന്റെ 100 ഏക്കര്‍ സ്ഥലം വളരെ ആദായകരമായി ഉപയോഗിക്കുന്നതിന് ആവശ്യമായ പദ്ധതികളുടെ രൂപരേഖകളെപ്പറ്റിയുള്ള ചര്‍ച്ചകളില്‍, കൗണ്‍സില്‍ അംഗങ്ങളായ ഫാഡിജു സഖറിയ, ഫാ.ബെന്നി കുരുവിള, ശ്രീ. റോയി തോമസ്, ശ്രീ. ഏബ്രഹാം വര്‍ക്കി തുടങ്ങിയവര്‍ നേതൃത്വം നല്‍കിയെന്ന് ഭദ്രാസന പി.ആര്‍.ഓ. എല്‍ദോ പീറ്റര്‍ ഔദ്യോഗികമായി അറിയിച്ചു.

ജീമോന്‍ റാന്നി

എന്‍ എസ് എസ് ദേശീയ സംഗമം മികച്ച കലാ പ്രകടന വേദിയാകും

ഷിക്കാഗോ: ഷിക്കാഗോയില്‍ നടക്കുന്ന എന്‍ എസ് എസ് ഓഫ് നോര്‍ത്ത് അമേരിക്കയുടെ ദേശീയ സംഗമം മികച്ച കലാ പ്രകടനത്തിനുള്ള വേദിയാകും. നൃത്തവും പാട്ടും തമാശയും എല്ലാം ചേരുന്ന കലാവിരുന്നാണ് ഒരുക്കുകയെന്ന് പ്രസിഡന്റ് എം.എന്‍.സി നായര്‍, ചെയര്‍മാന്‍ ജയന്‍ മുളങ്ങാട്, കള്‍ച്ചറല്‍ പ്രോഗ്രാം ചെയര്‍മാന്‍ ശിവന്‍ മുഹമ്മ എന്നിവര്‍ അറിയിച്ചു. ഡോ സുനന്ദ നായരുടെ നൃത്തം, ‘ബഡായിബംഗ്ലാവ്’ ഫെയിം സുനീഷ് വാരനാടിന്റെ കോമഡി സ്‌ക്കിറ്റ്്, ശബരിനാഥ് സംവിധാനം ചെയ്യുന്ന ‘ഭാരത കേസരി’ നാടകം, ജോസിയുടെ ഓടക്കുഴല്‍ കച്ചേരി, അമേരിക്കയിലെ മലയാളി പാട്ടുകാരുടെ ഗാനമേള, സമൂഹ തിരുവാതിര, ഷോര്‍ട്ട് ഫിലിം ഫെസ്റ്റ്, മിസ് മഹാലക്ഷ്മി സൗന്ദര്യ മത്സരം, കുട്ടികള്‍ക്കായി പ്രശ്നോത്തരി തുടങ്ങി വ്യത്യസ്ഥങ്ങളായ പരിപാടികളാണ് ആഗസ്റ്റ് 10, 11, 12 തീയതികളില്‍ നടക്കുന്ന എന്‍ എസ് എസ് സംഗമത്തില്‍ തയ്യാറാക്കിയിരിക്കുന്നത്. നടന്‍ സുരേഷ് ഗോപി, സംഗീതജ്ഞന്‍ ഉണ്ണികൃഷ്ന്‍ എന്നിവരുടെ സാന്നിധ്യം പരിപാടിക്ക് താരക്കൊഴുപ്പേകും അമേരിക്കയിലെ വിവിധ കരയോഗാംങ്ങള്‍ അവതരിപ്പിക്കുന്ന നൃത്ത സംഗീത പരിപാടികളും ഉണ്ടാകും.

അമേരിക്കയിലെ മലയാളി നായര്‍ കുടുബങ്ങളെ ഏകോപിപ്പിക്കുന്നതിനായി 2010 ല്‍ ന്യൂയോര്‍ക്ക് കേന്ദ്രീകരിച്ച് തുടങ്ങിയ നായര്‍ സര്‍വീസ് സൊസൈറ്റി ഓഫ് നോര്‍ത്ത് അമേരിക്കയുടെ പ്രഥമ കണ്‍വന്‍ഷന്‍ 2012 ല്‍ ഡാളസിലാണ് നടന്നത്. 2014 ല്‍ വാഷിംഗ്ടണിലും 2016ല്‍ ഹൂസ്റ്റണിലും ദേശീയ കണ്‍വന്‍ഷന്‍ നടന്നു. ഷിക്കാഗോ കണ്‍വന്‍ഷന്‍ ഹില്‍ട്ടണ്‍ ഓക് ബ്രൂക് റിസോര്‍ട്ടിലാണ് നടക്കുക

അനധികൃത കുടിയേറ്റക്കാരുടെ കുട്ടികള്‍ക്ക് ഇവാങ്കയുടെ 50000 ഡോളര്‍ സംഭാവന

പ്ലാനോ (ഡാളസ്): അനധികൃത കുടിയേറ്റക്കാരുടെ തടങ്കലില്‍ കഴിയുന്ന കുട്ടികള്‍ക്ക് നല്‍കുന്ന സഹായത്തിന്റെ ഭാഗമായി പ്രസിഡന്റ് ട്രംമ്പിന്റെ മകള്‍ ഇവാങ്ക ട്രംമ്പ് 50000 ഡോളര്‍ സംഭാവനയായി പ്ലാനോയിലെ പ്രിസ്റ്റന്‍ വിഡ് ബാപ്റ്റിസ്റ്റ് ചര്‍ച്ച് ലീഡ് പാസ്റ്റര്‍ ജാക്ക് ഗ്രഹാമിനെ ഏല്‍പ്പിച്ചു.

ട്രംമ്പിന്റെ സീറോ ടോ ഉറന്‍സ് പദ്ധതിയുടെ ഭാഗമായി 2000 ത്തിലധികം കുട്ടികളെയാണ് മാതാപിതാക്കളില്‍ നിന്നും അകറ്റി രാജ്യത്തിന്റെ വിവിധ ഡിറ്റന്‍ഷന്‍ സെന്ററുകളിലും, ഫെഡറല്‍ പ്രിസനിലുംമായി പാര്‍പ്പിച്ചിരിക്കുന്നത്.ടെക്സ്സ് ബോര്‍ഡറില്‍ തടങ്കലില്‍ കഴിയുന്ന കുട്ടികള്‍ക്ക് സഹായം നല്‍കുന്നതിന് ധീരമായി മുന്നോട്ട് വന്ന പ്ലാനോ ചര്‍ച്ചിന്റെ നടപടിയെ ട്രംമ്പിന്റെ ഉപദേശക കൂടിയായ ഇവാങ്ക ട്രംമ്പ് അഭിനന്ദിച്ചു.

ഇവാങ്കയുടെ സഹായ ധനം ലഭിച്ചതായി പാസ്റ്റര്‍ ഗ്രഹാമം സ്ഥിരീകരിച്ചു.മാതാപിതാക്കളില്‍ നിന്നും അകന്ന് കഴിയുന്ന കുട്ടികളോട് അനുകമ്പയുമ്‌ടെന്ന് ഇവാങ്കയും, പ്രഥമ വനിത മെലാനയും നേരത്തെ തന്നെ വ്യക്തമാക്കിയിരുന്നു.

പി.പി. ചെറിയാന്‍

സി.എസ്.ഐ വനിതാ കോണ്‍ഫറന്‍സ് ന്യൂജേഴ്‌സിയില്‍

ന്യൂജേഴ്‌സി: സി.എസ്.ഐ നോര്‍ത്ത് അമേരിക്കന്‍ ഇടവകകളിലെ സ്ത്രീജനസഖ്യാംഗങ്ങളുടെ ദേശീയ കോണ്‍ഫറന്‍സ് ജൂലൈ 6 മുതല്‍ 8 വരെ ഈസ്റ്റ് ഹാനോവറിലുള്ള ഫെയര്‍ബ്രിഡ്ജ് ഇന്‍ ആന്‍ഡ് കോണ്‍ഫറന്‍സ് സെന്ററില്‍ വച്ചു നടത്തുന്നു.

ഇദംപ്രഥമമായിട്ടാണ് സി.എസ്.ഐ സഭ വടക്കേ അമേരിക്കയില്‍ ഇത്തരമൊരു കോണ്‍ഫറന്‍സ് സംഘടിപ്പിക്കുന്നത്.

Pilgrim Journey Towards Forgiveness And Reconciliation എന്നതാണ് മുഖ്യ ചിന്താവിഷയം. ജൂലൈ ആറാംതീയതി വൈകുന്നേരത്തെ പ്രഥമ സമ്മേളനം സി.എസ്.ഐ സഭയുടെ പരമാധ്യക്ഷന്‍ മോസ്റ്റ് റവ. തോമസ് കെ. ഉമ്മന്‍ തിരുമേനി ഉദ്ഘാടനം ചെയ്യുന്നതാണ്.

സി.എസ്.ഐ സ്ത്രീജനസഖ്യം പ്രസിഡന്റ് ഡോ. സൂസന്‍ തോമസ്, പ്രമുഖ വനിതാ-മനുഷ്യാവകാശ പ്രവര്‍ത്തക സിസ്റ്റര്‍ ജോവാന്‍ ചുങ്കപ്പുര എന്നിവര്‍ സമ്മേളനത്തിലെ ചര്‍ച്ചകള്‍ക്ക് നേതൃത്വം നല്‍കും. സി.എസ്.ഐ സ്ത്രീജനസഖ്യത്തിന്റെ പ്രഥമ ദേശീയ സമ്മേളനത്തിന് ചുക്കാന്‍പിടിക്കുന്നത് റവ. സജീവ് സുഗു ജേക്കബ്, റവ. ജോബി ജോയി, സാലി മാത്യു, ബെറ്റി ഉമ്മന്‍, മോളി ഡേവിഡ്, മോളമ്മ മാത്യു എന്നിവരാണ്.

സി.എസ്.ഐ നോര്‍ത്ത് അമേരിക്കന്‍ കൗണ്‍സില്‍ ഭാരവാഹികളായ വൈസ് പ്രസിഡന്റ് വില്യം ഏബ്രഹാം, സെക്രട്ടറി മാത്യു ജോഷ്വാ, ട്രഷറര്‍ ചെറിയാന്‍ ഏബ്രഹാം എന്നിവര്‍ സമ്മേളനത്തിന് നേതൃത്വം നല്‍കുന്നു. കൂടുതല്‍ വിവരങ്ങള്‍ക്ക്: മാത്യു ജോഷ്വാ 516 761 2406, ബെറ്റി ഉമ്മന്‍ 914 523 3593.

ജോയിച്ചന്‍ പുതുക്കുളം

ഫോമ വെസ്റ്റേണ്‍ റീജിയന്‍ വിജയക്കുതിപ്പിലേക്ക്

ഫോമയുടെ അന്തര്‍ദേശീയ കണ്‍വന്‍ഷന്‍ ഷിക്കാഗോയില്‍ വച്ച് ജൂണ്‍ 21 മുതല്‍ 24 വരെ നടത്തപ്പെട്ടു. പ്രസ്തുത സമ്മേളനത്തില്‍ നടന്ന വാശിയേറിയ തെരഞ്ഞെടുപ്പില്‍ വിന്‍സെന്റ് ബോസ് വൈസ് പ്രസിഡന്റായും, സാജു ജോസഫ് ജോയിന്റ് സെക്രട്ടറിയായും, ഡോ. സിന്ധു പിള്ള വനിതാ പ്രതിനിധിയായും, ജോസഫ് ഔസോ റീജണല്‍ വൈസ് പ്രസിഡന്റായും, സിജില്‍ പാലയ്ക്കലോടിയും, ജോസ് വടകരയും നാഷണല്‍ കമ്മിറ്റി പ്രതിനിധികളായും തെരഞ്ഞെടുക്കപ്പെട്ടു.

വെസ്റ്റേണ്‍ റീജിയന്റെ കൂട്ടായ്മയും ഐക്യദാര്‍ഢ്യവും പ്രകടിപ്പിക്കുന്നതായിരുന്നു ഈ തെരഞ്ഞെടുപ്പ്. ഞങ്ങളുടെ വിജയത്തിനായി യത്‌നിച്ച എല്ലാവര്‍ക്കും നന്ദി പറയുവാന്‍ ഈ അവസരം വിനിയോഗിക്കുന്നു. അതോടൊപ്പം തുടര്‍ന്നുള്ള പ്രവര്‍ത്തനങ്ങളില്‍ നിങ്ങളുടെ പിന്തുണയും സഹകരണവും പ്രതീക്ഷിക്കുന്നതായും അറിയിച്ചു.

ജോയിച്ചന്‍ പുതുക്കുളം