വന്ദന മാളിയേക്കല്‍ ഫോമാ വിമന്‍സ് റെപ്രെസെന്ററ്റീവ് സ്ഥാനാര്‍ത്ഥി

ഷിക്കാഗോ: ജൂണ്‍ 21 മുതല്‍ 24 വരെ ഷിക്കാഗോയില്‍ വെച്ച് നടക്കുന്ന ഫോമാ കണ്‍വെന്‍ഷനോടനുബന്ധിച്ചു നടക്കുന്ന തെരെഞ്ഞെടുപ്പില്‍ വന്ദന മാളിയേക്കല്‍ വിമന്‍സ് റെപ്രെസെന്ററ്റീവ് ആയി മത്സരിക്കുന്നു. ഫോമയെന്ന ജനകീയ സംഘടനയിലേക്ക് പുതുതലമുറയെ . പ്രത്യേകിച്ച് യുവജനങ്ങളെയും , സ്ത്രീകളെയും ആകര്‍ഷിക്കാന്‍ വേണ്ട പ്രവര്‍ത്തനമാണ് തന്റെ മുഖ്യലക്ഷ്യമെന്ന് വന്ദന പറയുന്നു. ഫോമാ വിമന്‍സ് ഫോറം മുന്‍കൈയെടുത്തു പുതുതലമുറക്ക് ഗുണകരമായ നേതൃത്വപാട വികസനത്തിന് കളമൊരുക്കാന്‍ പ്രോഗ്രാമുകള്‍ സംഘടിപ്പിക്കും.

ഇല്ലിനോയിസ് മലയാളി അസോസിയേഷന്‍ അംഗമായ വന്ദന സാമൂഹികസാംസ്കാരിക പ്രവര്‍ത്തനരംഗത്ത് പുതുതലമുറക്ക് ഒരു പ്രചോദനമാണ് . ജീവകാരുണ്യപ്രവര്‍ത്തന രംഗത്തും ഷിക്കാഗോയില്‍ നിറസാന്നിധ്യമാണ് വന്ദന മാളിയേക്കല്‍.

2016 ല്‍ ഷിക്കാഗോ മലയാളി അസോസിയേഷന്‍ സംഘടിപ്പിച്ച “വനിതാരത്‌നം2016 ” മെഗാഷോയുടെ സംഘാടകസമിതി ചെയര്‍പേഴ്‌സണ്‍ ആയി പ്രവര്‍ത്തിച്ചിട്ടുണ്ട്. 2018 ഷിക്കാഗോ ഫോമാ കുടുംബ കണ്‍വെന്‍ഷനില്‍ വെച്ച് നടക്കുന്ന “മിസ് ഫോമാ ക്വീന്‍2018 ” ബ്യുട്ടി പേജന്റ് മത്സരത്തിന്റെ സംഘാടകസമിതി ചെയര്‍പേഴ്‌സണ്‍ ആയി വന്ദനയാണ് ചുമതലയേറ്റെടുത്തിരിക്കുന്നത് . ഏഷ്യാനെറ്റ് ചാനലിലും , ഫ്‌ളവേഴ്‌സ് ചാനലിലും അവതാരകയായും പ്രവര്‍ത്തിച്ചിട്ടുണ്ട്.

ജെയ്‌സണ്‍ മാളിയേക്കലാണ് തൃശ്ശൂര്‍ സ്വദേശിയായ വന്ദനയുടെ ഭര്‍ത്താവ്. അഥീനയും, ആദിത്യയും ആണ് . മക്കള്‍.

Share This Post