മനോഹാരിത ചാർത്തി നഴ്സസ് ദിനാഘോഷങ്ങൾ ഹൂസ്റ്റണിൽ സമാപിച്ചു

ഹൂസ്റ്റൺ : ഇന്ത്യൻ അമേരിക്കൻ നഴ്സസ് അസോസിയേഷൻ ഓഫ് ഗ്രേറ്റർ ഹൂസ്റ്റൻറെ (IANAGH) ഇരുപതിനാലാമതു വാർഷികവും, എ പി എൻ ഫോറത്തിൻെ ഒന്നാം വാർഷികവും കൂടി വിവിധതരം കലാപരിപാടികളോടെ ഗംഭീരമായി ആഘോഷിച്ചു .

ഷുഗർ ലാൻഡിലെ നിർമാൻസ് നിർമാണ റെസ്ടോറന്റ് അതിനു വേദിയൊരുക്കിക്കൊണ്ടു ഏവരെയും ഹൃദ്യമായ് സ്വീകരിച്ചു. അനു മോൾ തോമസും ,മോളി മാത്യുവും എം.സി മാരായി വിവിധ പരിപാടികൾക്ക് ചുക്കാൻ പിടിച്ചു.

ഇന്ത്യൻ അമേരിക്കൻ ദേശീയ ഗാനാലപനത്തിന് ശ്രേയാ വർഗീസും ശ്രുതി വർഗീസും നേതൃത്വം നൽകി. തുടർന്ന് നഴ്സസ് ദിന പ്രാർഥനയ്ക്ക് കവിത രാജനും , കത്തിച്ച വിളക്കുകൾ കയ്യിലേന്തിക്കൊണ്ട് നഴ്സസ് ദിന പ്രതിജ്ഞയ്ക്ക് ക്ലാരമ്മ മാത്യുവും നേതൃത്വം നൽകി.

വയർലെസ്സ് പേസ്‌മേക്കർ എന്ന അഡ്വാൻസ് ടെക്നോളജിയെക്കുറിച്ചു വിശദീകരിച്ചുകൊണ്ട് ഡോ. അഫ്‌ഷർ ഹമീദ് അറിവു പങ്കുവച്ചു. അതിനു ശേഷം ലമാർ യൂണിവേഴ്സിറ്റിയും യൂ ടി ആർലിംഗ്ടൺ നഴ്സിംഗ് സ്കൂളും ഉന്നത വിദ്യാഭാസത്തിനു വേണ്ടാ വിവിധതര കോഴ്‌സുകളെക്കുറിച്ചും അവരുടെ പ്രൊത്സാഹനത്തെ ക്കുറിച്ചും സംസാരിച്ചു. അസോസിയേഷൻ പ്രസിഡന്റ് അക്കാമ്മ കല്ലേൽ സ്വാഗതം ആശംസിച്ചു. ഡോ. ജെസ്സി ഫിലിപ്പ് നഴ്സസ് പ്രാക്ടീഷനർമാരുടെ ഉന്നമനത്തിനുവേണ്ടി രൂപീകരിച്ച എപിഎൻ ഫോറത്തിന്റെ പ്രവർത്തനങ്ങളെകുറിച്ചും വിശദീകരിച്ചു .മുഖ്യ പ്രഭാഷികയായി എം ഡി ആൻഡേഴ്സൺ ആശുപത്രിയിലെ മില്ലി ടോത് ആതുരസേവനരംഗത്ത് നഴ്സസ് വരുത്തിയ മാറ്റങ്ങളെക്കുറിച്ചും , സമൂഹത്തിൽ നല്ല പ്രചോദനം നൽകാൻ നഴ്സസ് എങ്ങനെ സഹായിക്കുന്നു എന്നതിനെക്കുറിച്ചും സംസാരിച്ചുകൊണ്ട് ഏവരേയും ഉത്സുകരാക്കി .

രേഷ്മ,മെറിൻ ,ലിയാ ,അനു എന്നിവരുടെ നൃത്തവും ,സൂസൻ, ശ്രേയ എന്നിവരുടെ ഗാനവും ആഘോഷങ്ങൾക്ക് മാറ്റു കൂട്ടി. അസോസിയേഷൻ സെക്രട്ടറി വിർജീനിയ അൽഫോൻസ് റിപ്പോർട്ട് വായിച്ചതിനുശഷം വിഭവ സമൃദ്ധമായ ഉച്ചയൂൺ ഏവരും ആസ്വദിച്ചുകൊണ്ട് പരിപാടികൾ തുടർന്നു .

ഡോ. ഓമന സൈമണും ഷീല മാത്യൂസും കൂടി അസ്സോസിയേഷന്റെ പുതിയ വെബ് സൈറ്റ് ഉത്‌ഘാടനം ചെയ്തു . കാലത്തിൻറെ ഏടുകളിൽ ചരിത്ത്ര സംഭവമായ ഇന്ത്യൻ നഴ്‌സിംഗ് കൗൺസിലും യൂണിവേഴ്സിറ്റി ഓഫ് ഹൂസ്റ്റണും തമ്മിലുള്ള മെമ്മോറാണ്ടം ഓഫ് അണ്ടർസ്റ്റാൻഡിങ്ങ് ഹൂസ്റ്റൺ യൂണിവേഴ്സ്റ്റി നഴ്സിംഗ് കോളേജ് ഡീൻ കാതറീൻ ടാർട് വിശദീകരിച്ചു. വോയിസ് ഓഫ് ഏഷ്യ എന്ന പത്രത്തിന്റെ ഫൗണ്ടർ ആയ മിസ്റ്റർ കോശി തോമസ് നഴ്സസ് ഹൂസ്റ്റണിൽ നടത്തിയ മാറ്റങ്ങളെ ക്കുറിച്ചും , മുൻകാല നഴ്സസിന്റെ സേവനങ്ങളെക്കുറിച്ചും ഏറെ പ്രശംസിച്ചു.. പുതുതായി ആരംഭിച്ച ഹെയ്ത്തി മിഷൻ പ്രോജെക്ടിനെക്കുറിച്ചു റോസ് ജീൻ വിശദീകരിക്കുകയും ,അതിനായി ഹെയ്തിയിലേയ്ക്കു പോയ എല്ലാവരെയും പ്രത്യേകം അഭിനന്ദിക്കുകയും ചെയ്തു. ഒക്ടോബറിൽ വരാനിരിക്കുന്ന നാഷണൽ കോണ്ഫറൻസിന്റെ കൺവീനർ മിസ്റ്റർ മഹേഷ് പിള്ള ഡാളസ് ചാപ്റ്ററിൽ നിന്നെത്തി ഏവരെയും അതിനായി ക്ഷണിച്ചു.

സ്പോൺസർ മാരായ ബോസ്റ്റൺ സൈന്റിഫിക് ,സോൾ മെഡിക്കൽസ് ,ലമാർ യൂണിവേഴ്സിറ്റി , യൂ ടി ആർലിംഗ്ടൺ നഴ്സിംഗ് സ്കൂൾ , യൂണിവേഴ്സിറ്റി ഹൂസ്റ്റൺ നഴ്സിംഗ് കോളേജ് ,എഡ്വിൻ എൻക്ലസ് സെൻറെർ , അലാമോ ട്രാവെൽസ് എന്നിവരുടെ സ്പോണ്സർഷിപ്പിനെ നന്ദിയോടെ സ്വീകരിച്ചു .

ആഘോഷത്തോടനുബന്ധിച്ച് അസോസിയേഷൻ വിദ്യാഭ്യാസ സഹായ പദ്ധതിയുടെ ഭാഗമായി സ്കോളർഷിപ്പുകൾ വിതരണം ചെയ്തു. ഇന്ത്യയിൽ നിന്നുള്ള 3 നഴ്സിംങ് വിദ്യാർഥികൾക്കും യുഎസിൽ നിന്നുള്ള 2 വിദ്യാർഥികൾക്കും സ്കോളർഷിപ്പുകൾ മേരി തോമസ് സമ്മാനിച്ചു. ഡോ. ഷൈനി വർഗീസ് സ്പെഷ്യൽ അവാർഡുകൾ ഡോ. നിതാ മാത്യുവിനും , നഴ്സിംഗ് എസ്‌സലൻസ് അവാർഡ് ക്ലിനിക്കൽ വിഭാഗത്തിൽ വിർജീനിയ അൽഫോൻസിനും , നോൺ ക്ലിനിക്കൽ വിഭാഗം എഡ്യൂക്കേറ്റർ കവിത രാജനും സമ്മാനിച്ച് അനുമോദിച്ചു. റിട്ടയർ ആയ നഴ്സ്മാരെയും ആദരിക്കുകയും , പുതുതായി ഗ്രാജുവേറ്റ് ചെയ്ത രേജിസ്റെർഡ് നേഴ്സ്, ബി എസ് എൻ ,എം എസ് എൻ ,ഡോക്ടറേറ്റ് ഇൻ നഴ്‌സിംഗ് ലഭിച്ചവരെ പ്രത്യേകം അനുമോദിക്കുകയും ചയ്തു. ഡോ. ജെസ്സി ഫിലിപ്പും ടീം അംഗങ്ങളും ചേർന്ന് , രചിച്ചു അവതരിപ്പിച്ച ചെറു നാടകം വളരെ ഹൃദയ സ്പര്ശിയായി. തുടർന്ന് ജനറൽ ബോഡി മീറ്റിംഗിലും ഏവരും സംബന്ധിച്ചു .സിസി മോൾ ജോസഫ് നന്ദി നന്ദി പ്രകാശിപ്പിച്ചു. വിഭവ സമൃദ്ധമായ ഭക്ഷണത്തിനു ശേഷം നഴ്സസ് ഡേ ആഘോഷങ്ങൾ സമാപിച്ചു.

മെമ്പർഷിപ് കമ്മിറ്റി ചെയർ മോളി മാത്യു അറിയിച്ചതാണിതു .

ജീമോൻ റാന്നി

കേരളാ ലിറ്റററി സൊസൈറ്റി ഡാലസിനു നവനേതൃത്വം

ഡാളസ്: ഡാലസിലെ സാഹിത്യകാരൻമാരുടെ സംഘടനയായ കേരളാ ലിറ്റററി സൊസൈറ്റിയുടെ വാർഷിക പൊതുയോഗം ഗാർലന്റിലെ കേരളാ അസോസിയേഷൻ ഹാളിൽ വച്ച് ഏപ്രിൽ 8 ന് നടന്നു. പ്രസിഡന്റ് എബ്രഹാം തെക്കേമുറിയുടെ അധ്യക്ഷതയിൽ കൂടിയ യോഗത്തിൽ സംഘടനയുടെ കഴിഞ്ഞ വർഷത്തെ വാർഷിക റിപ്പോർട്ടും വരവു ചിലവ് കണക്കുകളും അവതരിപ്പിച്ച് പാസാക്കി. തുടർന്ന് നടന്ന തിരെഞ്ഞടുപ്പിൽ താഴെ പറയുന്നവരെ 2018-19 ലെ ഭാരവാഹികളായി തിരഞ്ഞെടുത്തു.

പ്രസിഡന്റ്: ജോസ് ഓച്ചാലിൽ
സെക്രട്ടറി: സിജു വി. ജോർജ്
ട്രഷറാർ: ജോസൻ ജോർജ്
വൈസ് പ്രസിഡന്റ്: അജയകുമാർ
ജോയിന്റ് സെക്രട്ടറി: സി. വി. ജോർജ്

കഴിഞ്ഞ 25 വർഷത്തെ സംഘടനയുടെ പ്രവർത്തനങ്ങൾ ഈ യോഗത്തിൽ വച്ച് അംഗങ്ങൾ വിലയിരുത്തി. മുൻ വർഷങ്ങളിലെ പോലെ ഈ വർഷവും വിദ്യാരംഭം, കേരളപ്പിറവി ആഘോഷം, സാഹിത്യ സമ്മേളനങ്ങൾ തുടങ്ങിയ പരിപാടികൾ വിപുലമായി നടത്തുവാൻ പുതിയ പ്രവർത്തന സമിതി തീരുമാനിച്ചു.

മാർട്ടിൻ വിലങ്ങോലിൽ

നോര്‍ത്ത് ഈസ്റ്റ് അമേരിക്കന്‍ ഭദ്രാസന അസംബ്ലിയുടെ വാര്‍ഷികയോഗം മെയ് 19ന്: മാര്‍ നിക്കോളോവോസ്

ഡാല്‍ട്ടണ്‍ – (പെന്‍സില്‍വേനിയ): നോര്‍ത്ത് ഈസ്റ്റ് അമേരിക്കന്‍ ഭദ്രാസന അസംബ്ലിയുടെ വാര്‍ഷികയോഗം മെയ് 19ന് ഹോളി ട്രാന്‍സ്ഫിഗറേഷന്‍ റിട്രീറ്റ് സെന്‍ററില്‍ ചേരുമെന്ന് ഭദ്രാസന മെത്രാപ്പൊലീത്ത സഖറിയ മാര്‍ നിക്കോളോവോസ് കല്‍പനയില്‍ അറിയിച്ചു. 19 ശനിയാഴ്ച രാവിലെ 9ന് ആരംഭിക്കുന്നയോഗത്തില്‍ വികാരിമാരും എല്ലാ ഇടവകകളില്‍ നിന്നുമുള്ള തിരഞ്ഞെടുക്കപ്പെട്ട ഭദ്രാസന അസംബ്ലി പ്രതിനിധികളും സംബന്ധിക്കണമെന്ന് കല്‍പനയില്‍ പറയുന്നു. പങ്കെടുക്കുന്ന പ്രതിനിധികള്‍ അസംബ്ലി രജിസ്റ്ററില്‍ ഒപ്പുവച്ചും ബാഡ്ജുകള്‍ സ്വീകരിച്ചും രാവിലെ 8.45ന് മുമ്പ് സീറ്റുകളില്‍ ഹാജരായിരിക്കണമെന്ന മാര്‍ നിക്കോളോവോസ് അറിയിച്ചു.

അജണ്ട:
1. പ്രാരംഭ പ്രാര്‍ഥനയും വചനസന്ദേശവും
2 പ്രസിഡന്‍റിന്‍റെ മെസേജ്.
3. 2017 ജൂണ്‍ 3ന് സമ്മേളിച്ച മുന്‍ ഭദ്രാസന അസംബ്ലിയുടെ മിനിറ്റ്സ് അവതരണം.
4. 2017-18 വര്‍ഷത്തെ വാര്‍ഷിക റിപ്പോര്‍ട്ട്.
5. 2017-18 വര്‍ഷത്തെ സാമ്പത്തിക സ്റ്റേറ്റ്മെന്‍റ് അവതരണം.
6. 2018-19 വര്‍ഷത്തെ ബഡ്ജറ്റ് അവതരണം.
7. ഹോളി ട്രാന്‍സ്ഫിഗറേഷന്‍ റിട്രീറ്റ് സെന്‍റര്‍ ഫണ്ട് റെയ്സിംഗ് & ഓപ്പറേഷന്‍സ്
8. ഫാമിലി യൂത്ത് കോണ്‍ഫറന്‍സ് 2019.
9. മറ്റ് വിഷയങ്ങള്‍- അധ്യക്ഷന്‍റെ അനുമതിയോടെ.

2017-18 വര്‍ഷത്തെ സാമ്പത്തിക സ്റ്റേറ്റ്മെന്‍റും വാര്‍ഷിക റിപ്പോര്‍ട്ടും 2018-19 വര്‍ഷത്തേക്കുള്ള ബഡ്ജറ്റും പ്രത്യേകമായി ഇമെയില്‍ ചെയ്യുന്നതാണ്. അസംബ്ലിയില്‍ ചര്‍ച്ച ചെയ്യപ്പെടേണ്ടതായ ചോദ്യങ്ങള്‍, പ്രമേയം തുടങ്ങിയവ മെയ് 12 ന് മുമ്പ് ഭദ്രാസന ഓഫിസില്‍ ലഭിക്കേണ്ടതാണ്.

വിവരങ്ങള്‍ക്ക്: ഭദ്രാസന ചാന്‍സറി: 718 470 9844.
ഭദ്രാസന സെക്രട്ടറി: ഫാ. സുജിത് തോമസ്; 516 754 0743

NortheastAmericanDiocese@gmail.com

ജോര്‍ജ് തുമ്പയില്‍

ക്രിക്കറ്റ് മത്സരങ്ങളോടെ ഇന്റര്‍ പാരീഷ് സ്പോർട്സ് ഫെസ്റ്റിന് ഉജ്വല തുടക്കം

കൊപ്പേൽ (ടെക്‌സാസ് ) : ചിക്കാഗോ സിറോ മലബാര്‍ രൂപതയിലെ ടെക്‌സാസ് ഒക്ലഹോമ റീജണിലെ ഇടവകകൾ പങ്കെടുത്തു നടക്കുന്ന മൂന്നാമത് ഇന്റര്‍ പാരീഷ് സ്പോർട്സ് ഫെസ്റ്റിനു ട്വന്റി 20 ക്രിക്കറ്റ് ടൂർണമെന്റോടെ ഉജ്വല തുടക്കം. ആതിഥേയരായ കൊപ്പേൽ സെന്റ് അൽഫോൻസാ ദേവാലയത്തിൻറെ നേതൃത്വത്തിൽ മെയ് 4 , 5 , 6 തീയതികളിൽ 7 ടീമുകൾ പങ്കെടുത്തുള്ള ക്രിക്കറ്റ് ടൂർണമെൻറ് സമാപിച്ചപ്പോൾ സെന്റ് അൽഫോൻസാ ടീം വിജയികളും സെന്റ് മേരീസ് പെർലാന്റ് റണ്ണേഴ്‌സ് അപ്പും ആയി.

മത്സരങ്ങൾക്ക് ഇറീജണൽ കോ ഓർഡിനേർ ആൻഡ് ഡയറക്ടർ പോൾ സെബാസ്റ്റ്യൻ, ഐപിഎസ്‌എഫ് ഇടവക കോർഡിനേറ്ററുമാരായ സിബി സെബാസ്റ്റ്യൻ , കെന്റ് സി തോമസ് , സജേഷ് അഗസ്റ്റിൻ തുടങ്ങയവർ നേതൃത്വം നൽകി.

ആഗസ്ത് 10 , 11 , 12 തീയതികളിലായി ഫ്രിസ്‌കോയിലുള്ള ഫീൽഡ് ഹൌസ് ഇൻഡോർ സ്പോർട്സ് കോമ്പ്ലെക്സിൽ മറ്റു മത്സര ഇനങ്ങളായ സോക്കർ, ബാസ്കറ്റ് ബോൾ, വോളിബോൾ , ത്രോബോൾ , ബാറ്റ്മിന്റൺ , ടേബിൾ ടെന്നീസ് , കാർഡ്‌സ് , ചെസ്സ്, ക്യാരംസ്സ് , പഞ്ചഗുസ്തി, വടംവലി, നടത്തം എന്നിവ വിവിധ കാറ്റഗറികളിലായി നടക്കും. ആതിഥേയരായ കൊപ്പേല്‍ സെന്റ് അല്‍ഫോന്‍സാ ഇടവകയ്ക്ക് പുറമെ, ഗാര്‍ലാൻഡ് സെന്റ് തോമസ് ഫൊറോന, ഹൂസ്റ്റൺ സെന്റ് ജോസഫ് ഫൊറോന, പേർലാൻഡ് സെന്റ് മേരീസ് , ഒക്ലഹോമ ഹോളി ഫാമിലി, ഓസ്റ്റിൻ സെന്റ് അല്‍ഫോന്‍സാ , മക്അലന്‍ ഡിവൈന്‍ മേഴ്‌സി , സാന്‍അന്റോണിയോ സെന്റ് തോമസ് എന്നീ പാരീഷുകളും പങ്കെടുക്കുന്നു.

മാർട്ടിൻ വിലങ്ങോലിൽ

നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്‍റെ സമ്മര്‍ ഇന്‍സ്റ്റിറ്റ്യുട്ട് ജൂണ്‍ 3 മുതല്‍ 8 വരെ

ഫിലഡല്‍ഫിയ: നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്‍റെ നേതൃത്വത്തില്‍ ജൂണ്‍ 3 മുതല്‍ 8 വരെ പോക്കൊണോസ് മലനിരകളിലുള്ള ഹോളി-ട്രാന്‍സ്ഫിഗറേഷന്‍ റിട്രീറ്റ് സെന്‍ററില്‍ സമ്മര്‍ ഇന്‍സ്റ്റിറ്റ്യുട്ട് നടത്തുന്നു. സിറിയക് ലിറ്റര്‍ജി: ഹിസ്റ്ററി ആന്‍ഡ് തിയോളജി എന്നതാണ് ഇന്‍സ്റ്റിറ്റ്യുട്ടിന്‍റെ ഇത്തവണത്തെ തീം. പുരാതന ലിറ്റര്‍ജിക്കല്‍ പാരമ്പര്യത്തെകുറിച്ച് ചര്‍ച്ച ചെയ്യുവാനും പഠിക്കാനുമുള്ള അപൂര്‍വ അവസരമാണ് ഒരാഴ്ച നീളുന്ന ഈ പ്രോഗ്രാം. ബിരുദ, ബിരുദാനന്തര തലത്തില്‍ ദൈവശാസ്ത്രവും (തിയോളജി)വേദപഠനവും നടത്തുന്ന വിദ്യാര്‍ഥികള്‍, വൈദികര്‍, അത്മായര്‍, ലിറ്റര്‍ജിയെയും സിറിയക് പാരമ്പര്യത്തെയും കുറിച്ചറിയാനാഗ്രഹിക്കുന്ന ബിരുദതലത്തിന് താഴെ പഠിക്കുന്ന വിദ്യാര്‍ഥികള്‍ തുടങ്ങിയവരായിരിക്കും പ്രോഗ്രാമില്‍ പങ്കെടുക്കുക. ഗ്രാജുവേറ്റ് വിദ്യാര്‍ഥികള്‍ക്ക് സ്കോളര്‍ഷിപ്പ് ലഭ്യമാണ്. കോട്ടയം ഓര്‍ത്തഡോക്സ് തിയോളജിക്കല്‍ സെമിനാരി പ്രൊഫസര്‍ ഫാ. ഡോ. ബേബി വര്‍ഗീസാണ് പ്രധാനമായും ക്ലാസുകള്‍ നയിക്കുക. 1985ല്‍ പാരിസ് യൂണിവേഴ്സിറ്റി സൊര്‍ബോണില്‍ നിന്ന് ഡോക്ടറേറ്റെടുത്ത ഫാ. ബേബി വര്‍ഗീസ്, കോട്ടയം ഓര്‍ത്തഡോക്സ് തിയോളജിക്കല്‍ സെമിനാരി പ്രൊഫസറും സെന്‍റ് എഫ്രേം എക്യുമിനിക്കല്‍ റിസര്‍ച്ച് ഇന്‍സ്റ്റിറ്റ്യുട്ട് (SEERI) പ്രൊഫസറുമാണ്. ബര്‍ലിന്‍ വാഴ്സിറ്റിയുടെ അലക്സാണ്ടര്‍ വോണ്‍ ഹുംബോള്‍ഡ്റ്റ് ഫെലോഷിപ്പും യൂണിയന്‍ തിയോളജിക്കല്‍ സെമിനാരി ന്യൂയോര്‍ക്കില്‍ നിന്ന് ബര്‍ക് ഫെലോഷിപ്പും യേല്‍ വാഴ്സിറ്റിയുടെ ഐ എസ് എം ഫെലോഷിപ്പും നേടിയിട്ടുണ്ട്. യേല്‍ വാഴ്സിറ്റിയില്‍ വിസിറ്റിംഗ് പ്രൊഫസറുമാണ്. വിയന്നയിലെ പ്രോ ഓറിയന്‍റ് ഫൗണ്ടേഷന്‍ ഫോറം സിറോകിയത്തിന്‍റെ അംഗവുമാണ്. പടിഞ്ഞാറന്‍ സിറിയക് പാരമ്പര്യത്തിലെ നിരവധി പ്രാര്‍ഥനകള്‍ ഇംഗ്ലീഷിലേക്ക് വിവര്‍ത്തനം ചെയ്ത അച്ചന്‍ നിരവധി പുസ്തകങ്ങളും ലേഖനങ്ങളും രചിച്ചിട്ടുണ്ട്.

ബെയ്ലര്‍ വാഴ്സിറ്റി വിദ്യാര്‍ഥി കോഡി സ്ട്രെക്കറുടെ (പി എച്ച്ഡി) ചെറിയൊരു അവതരണവും പ്രോഗ്രാമില്‍ ഉണ്ടാകും. പ്രോഗ്രാമിലേക്ക് രജിസ്റ്റര്‍ ചെയ്യുന്നതിനായി https://transfigurationretreat.org/events/summerinstitute ല്‍ നിന്നുള്ള വെബ് രജിസ്ട്രേഷന്‍ ഫോം പൂരിപ്പിച്ചു നല്‍കുക. രജിസ്ട്രേഷന്‍ ഫീസായ $375 നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്‍റെ പേരില്‍ അടയ്ക്കേണ്ടതാണ്. താമസത്തിന്‍റെയും ഭക്ഷണത്തിന്‍റെയും ചാര്‍ജ് അടക്കമാണ് രജിസ്ട്രേഷന്‍ ഫീ. രജിസ്ട്രേഷന്‍ ഫീ 1000 Seminary Road Dalton PA 18414 ലേക്ക് അയക്കുക. ഗ്രാജുവേഷന്‍ വിദ്യാര്‍ഥികള്‍ക്ക് രജിസ്ട്രേഷന്‍ ഫീ കവര്‍ ചെയ്യുന്ന വിധത്തില്‍ സ്കോളര്‍ഷിപ്പ് ലഭ്യമാണ്. സ്കോളര്‍ഷിപ്പ് സംബന്ധിച്ച വിവരങ്ങള്‍ക്ക:് ഫാ. സുജിത് തോമസ് ഭദ്രാസന സെക്രട്ടറി(stthomas8@yahoo.com).

ജൂണ്‍ 3 ഞായറാഴ്ച വൈകുന്നേരം 4 മുതല്‍ 7 വരെയാണ് ചെക് ഇന്‍. ഭക്ഷണത്തെ തുടര്‍ന്ന് ഓറിയന്‍റേഷനും ഓപ്പണിംഗ് പ്രസന്‍റേഷനും. 8-ാം തീയതി നാലുമണിക്ക് പ്രോഗ്രാം സമാപിക്കും. തിങ്കളാഴ്ച സിറിയക് ക്രിസ്റ്റ്യാനിറ്റി, സിറിയക് ലിറ്റര്‍ജിയുടെ അനുഭവം തുടങ്ങിയ വിഷയങ്ങളെകുറിച്ച് ക്ലാസുകള്‍ നടക്കും. ചൊവ്വാഴ്ച ബാപ്റ്റിസ്മല്‍ ലിറ്റര്‍ജിയുടെ ഘടന, തിയോളജി, യൂക്കറിസ്റ്റ്, അനാഫൊറയുടെ പ്രാധാന്യം എന്നീ വിഷയങ്ങളെ കുറിച്ചാണ് ക്ലാസുകള്‍. ബുധനാഴ്ച ലിറ്റര്‍ജിക്കല്‍ വര്‍ഷത്തെകുറിച്ച് അവലോകനം. വ്യാഴാഴ്ച തിയോളജി ഓഫ് ദ സാക്രമെന്‍റ്സ്, വിവാഹം, ലിറ്റര്‍ജിക്കല്‍ തിയോളജി എന്നിവയെകുറിച്ച് ക്ലാസുകള്‍. എട്ടിന് സിറിയക് സ്പിരിച്വാലിറ്റിക്ക് ആമുഖം. മറ്റ് ലിറ്റര്‍ജിക്കല്‍ വിഷയങ്ങളും പഠനവിഷയമാകും.

ഫോര്‍ദാം, ബെയ്ലര്‍ ഗ്രാജുവേറ്റ് വിദ്യാര്‍ഥികളായ നാലുപേരടക്കം 22 പേര്‍ നിലവില്‍ രജിസ്റ്റര്‍ ചെയ്തുകഴിഞ്ഞു. മെയ് 25 ആണ് രജിസ്ട്രേഷന്‍ നടത്തുന്നതിനുള്ള അവസാന തീയതി.

ജോര്‍ജ് തുമ്പയില്‍

ഐ.എന്‍.ഓസി. ഫ്‌ളോറിഡ ചാപ്റ്റര്‍ അങ്കമാലി എം.എല്‍.എ. റോജി ജോണിന് സ്വീകരണം നല്‍കി

ഡേവി, ഫ്‌ളോറിഡ: അമേരിക്ക സന്ദര്‍ശിക്കുന്ന അങ്കമാലി എംഎല്‍എ റോജി ജോണിന് ഐഎന്‍ഓസി ഫ്‌ളോറിഡ ചാപ്റ്റര്‍ സ്വീകരണം നല്‍കി. ഡേവിയില്‍ ഫാല്‍കണ്‍ ലീപാര്‍ക്കില്‍ഉള്ള മഹാത്മാഗാ ന്ധിസ്ക്വയറില്‍ ഫ്‌ളോറിഡ ചാപ്റ്റര്‍ പ്രസിഡന്റ് അസീസിനടയിലിന്റെ അധ്യക്ഷതയില്‍ ചേര്‍ന്ന യോഗത്തില്‍ ഫോമാ, ഫൊക്കാന , കേരള സമാജം ഓഫ് സൗത്ത് ഫ്‌ളോറിഡ , നവകേരള , കൈരളി ആര്‍ട്‌സ് ക്ലബ് , കേരള അസോസിയേഷന്‍ ഓഫ് പാംബീച്ച് , മിയാമി മലയാളി ആസോസിയേഷന്‍ മുതലായ സംഘടനാപ്രതിനിധികള്‍ പങ്കടത്തു.

റോജി ജോണ്‍ എംഎല്‍എ തന്റെ മറുപടി പ്രസംഗത്തില്‍ ഇന്ത്യയുടെ സ്വാതത്ര്യലബ്ദി മുതല്‍ ഇന്നു വരെ ഉള്ള രാഷ്രിയ സാമ്പത്തിക സ്ഥിതിഗതികള്‍ വിശകലനം ചെയ്തൂ. ഫ്‌ളോറിഡയിലെ മലയാളികളുടെ സ്‌നേഹത്തയും ഐക്യത്തേയും അഭിനന്ദിച്ചു. അമേരിക്കന്‍ മലയാളികള്‍ അമേരിക്കയിലും ഇന്ത്യയിലും ചെയ്യുന്ന സല്‍പ്രവര്‍ത്തികളെ അദ്ദേഹം പ്രശംസിച്ചു.

ഐഎന്‍ഓസി നാഷണല്‍ വൈസ് പ്രസിഡന്റ് ഡോ. മാമ്മന്‍ സി ജേക്കബ് യോഗത്തില്‍ സ്വാഗതമേകി. ഫോമ നാഷണല്‍ കമ്മിറ്റി മെമ്പര്‍ ഷീല ജോസ് സ്ത്രീ സുരക്ഷക്ക് പ്രാധാന്യം നല്‍കണമെന്ന് അഭ്യര്‍ത്ഥിച്ചു. ഫൊക്കാന ട്രസ്ടീ ബോര്‍ഡ് ചെയര്‍മാന്‍ ജോര്‍ജി വര്‍ഗീസ്, സൗത്ത് ഏഷ്യ ഡെമോക്രാറ്റിക് കോക്കസിനെ പ്രതിനിതികരിച്ചു ഡോ. സാജന്‍ കുരിയന്‍ ഈയോഗത്തില്‍ ആശംസ അറിയിച്ചു.

ബിനു ചിലമ്പത്ത് കുട്ടികളുടെ സുരക്ഷക്ക് കൂടുതല്‍ പ്രാധാന്യം നല്‍കണമെന്ന് അഭ്യര്‍ത്ഥിച്ചു. ഐ.എന്‍.ഒ.സി സെക്രട്ടറി സജി സക്കറിയാസ് നന്ദി രേഖപ്പെടുത്തി.

റോജി ജോണ്‍ എം.എല്‍.എ, പ്രാര്‍ത്ഥനാപൂര്‍വം മഹാത്മാഗാന്ധി പ്രതിമയില്‍ പുഷ്പാര്‍ച്ചനനടത്തി.

ഇന്ത്യ പ്രസ് ക്ലബിന്റെ പ്രവര്‍ത്തനം ശ്ലാഘനീയം: റോജി എം ജോണ്‍ എംഎല്‍എ

സൗത്ത് ഫ്‌ളോറിഡ വടക്കെ അമേരിക്കയിലെ മലയാളി അച്ചടിദൃശ്യഓണ്‍ലൈന്‍ മാധ്യമപ്രവര്‍ത്തകരുടെ കൂട്ടായ്മയായ ഇന്ത്യ പ്രസ് ക്ലബ് ഓഫ് നോര്‍ത്ത് അമേരിക്കയുടെ പ്രവര്‍ത്തനങ്ങള്‍ ശ്ലാഘനീയമെന്ന് റോജി ജോണ്‍ എം.എല്‍.എ. ഇന്ത്യ പ്രസ് ക്ലബ് ദേശീയ കമ്മറ്റിയുടെ പ്രവര്‍ത്തനോത്ഘാടനം നിര്‍വഹിച്ചു സംസാരിക്കുകയായിരുന്നു റോജി ജോണ്‍ എം.എല്‍.എ . അമേരിക്കന്‍ മലയാളി സംഘടനകളെ ഒരു കുടകീഴില്‍ എത്തിച്ച റൗണ്ട് ടേബിള്‍ മീറ്റിംഗ് , കേരളത്തിലെ ജേര്‍ണലിസം വിദ്യാര്‍ത്ഥികളെ ലോകോത്തര നിലവാരത്തില്‍ എത്തിക്കാനുള്ള ‘ സ്‌റ്റെപ്പ് പദ്ധതി ‘ , മലയാളി മാധ്യമ പ്രവര്‍ത്തകരെ ആദരിക്കുന്ന മാധ്യമശ്രീ അവാര്‍ഡ് , മെഡിക്കല്‍ ജേര്‍ണലിസം ടീം എന്നിവ ഇന്ത്യ പ്രസ് ക്ലബ് ഓഫ് നോര്‍ത്ത് അമേരിക്കയുടെ മികച്ച പ്രവര്‍ത്തനങ്ങളുടെ ഉദാഹരണങ്ങളാണ്, റോജി പറഞ്ഞു. .

സൗത്ത് ഫ്‌ളോറിഡ മാര്‍ത്തോമാ ചര്‍ച്ച് ഹാളില്‍ നടന്ന വര്‍ണാഭമായ ചടങ്ങില്‍ വെച്ചാണ് ഉദ്ഘാടനചടങ്ങ് സംഘടിപ്പിച്ചത്.

നമ്മുടെ രാജ്യമായ ജനാധിപത്യവ്യവസ്ഥതിയില്‍ നാലാം തൂണെന്ന് വിശേഷിപ്പിക്കുന്ന മാധ്യമങ്ങളുടെ ഇന്നത്തെ അവസ്ഥ പരിതാപകരമാണെന്ന് റോജി ജോണ്‍ . അധികാരവര്‍ഗ്ഗം ഇന്ന് മാധ്യമസമൂഹത്തെ അടിച്ചമര്‍ത്തുകയാണ്. മാധ്യമപ്രവര്‍ത്തകരുടെ സ്വതന്ത്രമായി പ്രവര്‍ത്തിക്കാന്‍ അനുവദിക്കുന്നില്ല. ഒട്ടേറെ മാധ്യമ പ്രവര്‍ത്തകര്‍ കൊല്ലപ്പെട്ടു. സ്വതന്ത്രമാധ്യമപ്രവര്‍ത്തനം അസാധ്യമായാല്‍ നാട്ടില്‍ ജനാധിപത്യത്തിന് കളങ്കമേല്‍ക്കും, റോജി ജോണ്‍ കൂട്ടിച്ചേര്‍ത്തു.

ചടങ്ങില്‍ ദേശീയ പ്രസിഡണ്ട് മധു കൊട്ടാരക്കര അ ധ്യക്ഷത വഹിച്ചു. ജനറല്‍ സെക്രട്ടറി സുനില്‍ തൈമറ്റം, ട്രഷറര്‍ സണ്ണി പൗലോസ്, ജോയിന്റ് സെക്രട്ടറി അനില്‍ ആറന്മുള , പ്രസിഡണ്ട് എലെക്ട് ജോര്‍ജ് കാക്കനാട് , തുടങ്ങിയവര്‍ പ്രസംഗിച്ചു. അഡ്വൈസറി ബോര്‍ഡ് ചെയര്‍മാന്‍ മാത്യു വര്‍ഗീസ് , ചാപ്റ്റര്‍ സെക്രട്ടറി ജോര്‍ജി വര്‍ഗീസ് എന്നിവര്‍ എം.സി മാരായിരുന്നു.

തുടര്‍ന്ന് ഫ്‌ലോറിഡ ചാപ്റ്ററിന്റെ പ്രവര്‍ത്തനോദ്ഘാടനം ഹിന്ദു ദിനപത്രം അസ്സോസിയേറ്റ് എഡിറ്റര്‍ വര്‍ഗീസ് ജോര്‍ജ് നിര്‍വഹിച്ചു. ചാപ്റ്റര്‍ പ്രസിഡന്‍റ് ബിനു ചിലമ്പത്ത് , ഹൂസ്റ്റണ്‍ ചാപ്റ്റര്‍ പ്രസിഡണ്ട് ജോയ് തുമ്പമണ്‍ , ജിജു കുളങ്ങര,ചാപ്റ്റര്‍ ഭാരവാഹികളായ തങ്കച്ചന്‍ കിഴക്കേപമ്പില്‍, ഷാന്റി വര്‍ഗീസ് , നിബു വെള്ളുവന്താനം , ബിജുകുട്ടി , ഫൊക്കാന അസോ:ട്രഷറര്‍ ഏബ്രഹാം കളത്തില്‍, ഫോമാ കമ്മറ്റി മെമ്പര്‍ ഷീല ജോസ് ,ബിജു ആന്റണി ( കേരളാ സമാജം വൈസ് പ്രസിഡന്റ്) , ജോബി പൊന്നുംപുരയിടം (,നവകേരള പ്രസിഡന്റ്) രാജന്‍ പടവത്തില്‍ (കൈരളി), ജോസ് തോമസ് ( മിയാമി മലയാളി അസോസിയേഷന്‍ പ്രസിഡണ്ട് ), ബിജു തോണിക്കടവില്‍ (പാംബീച് മലയാളി അസോസിയേഷന്‍) , അസീസി നടയില്‍ (പ്രസിഡണ്ട് , ഐ.എന്‍.ഓ.സി), സാജന്‍ മാത്യു (ഡിയര്‍ഫീല്‍ഡ് ഡെമോക്രാറ്റിക് പ്രസിഡണ്ട്) തുടങ്ങിയര്‍ പ്രസംഗിച്ചു.

വര്‍ണാഭമായ ചടങ്ങിന് ചാപ്റ്റര്‍ വൈസ് പ്രസിഡണ്ട് ജോയ് കുറ്റിയാനി നന്ദി പ്രകാശിപ്പിച്ചു.

സുനില്‍ തൈമറ്റം അറിയിച്ചതാണിത്.

ജോയിച്ചന്‍ പുതുക്കുളം

ഹൂസ്റ്റൺ എക്യൂമെനിക്കൽ ക്രിക്കറ്റ് ടൂർണമെന്റ് സമാപിച്ചു- സെന്റ് ജോസഫ് ടീം ജേതാക്കൾ

ഹൂസ്റ്റൺ: ഇന്ത്യൻ ക്രിസ്ത്യൻ എക്യൂമെനിക്കൽ കമ്മ്യൂണിറ്റി ഓഫ് ഹൂസ്റ്റന്റെ (ICECH) ആഭിമുഖ്യത്തിൽ നടത്തപ്പെട്ട നാലാമത് ക്രിക്കറ്റ് ടൂർണമെന്റിന് ആവേശകരമായ സമാപനം.

ഹൂസ്റ്റണിലെ 8 ഇടവകകളിൽനിന്നുള്ള കരുത്തുറ്റ ടീമുകൾ മാറ്റുരച്ച ടൂർണമെന്റിന്റെ ഫൈനലിൽ സെന്റ് ജോസഫ് സീറോ മലബാർ കാതോലിക് ചർച്ച് ടീം 2 ഓവറുകൾ ബാക്കി നിൽക്കേ സെന്റ് തോമസ് ഓർത്തഡോൿസ് കത്തീഡ്രാൽ ടീമിനെ പരാജയപ്പെടുത്തി എബി മാത്യു സംഭാവന ചെയ്ത കുറ്റിയിൽ കെ.കെ.മാത്യു മെമ്മോറിയൽ എവർ റോളിങ്ങ് ട്രോഫി കരസ്ഥമാക്കി. അപ്ന ബസാർ പെയർലാൻഡ് സംഭാവന ചെയ്ത റണ്ണർ അപ്പ്‌ എവർറോളിങ് ട്രോഫി സ് തോമസ് ടീമിനും ലഭിച്ചു.

ആദ്യം ബാറ്റു ചെയ്ത സെന്റ് തോമസ് ടീം 15 ഓവറിൽ 107 റണ്ണുകൾ എടുത്തപ്പോൾ സെന്റ് ജോസഫ് ടീം 13 ഓ വറുകൾക്കുള്ളിൽ 108 റണ്ണുകൾ അടിച്ചുകൂട്ടിയാണ് വിജയകിരീടം സ്വന്തമാക്കിയത്. സെന്റ് ജോസഫ്സ് ടീമിലെ എഡ്വിൻ (66 റണ്ണുകൾ) രെവീൻ (23 റണ്ണുകൾ) എന്നിവർ ടോപ് സ്‌കോറുകൾ നേടിയപ്പോൾ സെന്റ് തോമസ് ടീമിലെ ബ്ലെസ്സൺ,സിബു എന്നിവർ യഥാക്രമം 22, 20 റണ്ണുകൾ നേടി ടോപ് സ്കോറരായി.

ഏപ്രിൽ 7, 14,21,28 തീയതികളിലായിരുന്നു മത്സരങ്ങൾ. 28 നു നടന്ന ആദ്യ പാദ സെമി ഫൈനലിൽ സെന്റ് ജോസഫ്‌സ് ടീം സെന്റ് ജെയിംസ് ക്നാനായ ചർച്ച ടീമിനെ 38 റണ്ണുകൾക്കു പരാജയപ്പെടുത്തിയിരുന്നു. സെന്റ് ജോസഫ്‌സ് 121 ഉം സെന്റ് ജെയിംസ് 83 ഉം റണ്ണുകൾ നേടി. രണ്ടാം പാദ സെമി ഫൈനലിൽ ഇമ്മാനുവേൽ മാർത്തോമാ ടീമിനെ 45 റണ്ണുകൾക്കു സെന്റ് തോമസ് ഓർത്തഡോൿസ് കത്തീഡ്രൽ ടീം പരാജയപ്പെടുത്തി. സെന്റ് തോമസ് 134 ഉം ഇമ്മാനുവേൽ 89 ഉം റണ്ണുകൾ നേടി.

പ്രിയൻ മാത്യു ( ബെസ്ററ് ബൗളർ – സെന്റ് തോമസ് ) എഡ്വിൻ വര്ഗീസ് ( ബെസ്ററ് ബാറ്റ്സ്മാൻ ആൻഡ് ടൂർണമെന്റ് മാൻ ഓഫ് ദി മാച്ച് – സെന്റ് ജോസഫ്‌സ് ), ബിബിൻ ബേബി (ബെസ്ററ് പ്രോമിസിംഗ് ബാറ്റ്സ്മാൻ – സെന്റ് ജെയിംസ് ) എബിൻ പുന്നൂസ് ( ബെസ്ററ് പ്രോമിസിംഗ് ബൗളർ – സെന്റ് ജെയിംസ് ) എന്നിവർ പ്രത്യക ട്രോഫികൾക്കു അർഹരായി.

ഏപ്രിൽ 7 നു ശനിയാഴ്ച നടന്ന സ്റ്റാഫുഡ് ക്രിക്കറ്റ് ഗ്രൗണ്ടിൽ നടന്ന പ്രാരംഭ മത്സരങ്ങൾ എക്യൂമെനിക്കൽ കമ്മ്യൂണിറ്റി ഓഫ് ഹൂസ്റ്റൺ പ്രസിഡന്റ് റവ. ഫിലിപ്പ് ഫിലിപ്പ് ഉൽഘാടനം ചെയ്തു. സെന്റ് സ്റ്റീഫൻസ് ഓർത്തഡോൿസ് , സെന്റ് മേരീസ് മലങ്കര ഓർത്തഡോൿസ്, ട്രിനിറ്റി മാർത്തോമാ, സെന്റ് പീറ്റേഴ്സ് ആൻഡ് സെന്റ് പോൾസ് എന്നീ ടീമുകളായിരുന്നു ടൂർണമെന്റിൽ മാറ്റുരച്ച മറ്റു ടീമുകൾ.

ഫാ. എബ്രഹാം സ്ക്റിയ ( സ്പോർട്സ് കൺവീനർ) എബി മാത്യു, അനിൽ വര്ഗീസ്, റെജി ജോൺ, തോമസ് വൈക്കത്തുശ്ശേരിൽ ( സ്പോർട്സ് കോർഡിനേറ്റർസ് ) എന്നിവരായിരുന്നു ടൂർണമെന്റിന്റെ വിജയകരമായ നടത്തിപ്പിന് നേതൃത്വം നൽകിയത്.

ടൂർണമെന്റിന് വേണ്ടി സ്റ്റാഫ്‌ഫോർഡ് ക്രിക്കറ്റ് ഗ്രൗണ്ട് വിട്ടു കിട്ടുന്നതിന് സഹായിച്ച സ്റ്റാഫ്‌ഫോർഡ് സിറ്റി കൗൺസിൽമാൻ കെൻ മാത്യുവിന് പ്രത്യേക നന്ദിയും ഭാരവാഹികൾ അറിയിച്ചു,

ജീമോൻ റാന്നി

ഔട്‍സ്റ്റാന്ഡിങ് അണ്ടർ ഗ്രാഡുവേറ്റ് മലയാളം സ്റ്റുഡൻറ് അവാർഡ്

ആസ്റ്റിൻ : ദി യൂണിവേഴ്സിറ്റി ഓഫ് ടെക്സാസ് അറ്റ് ആസ്റ്റിൻ, ഏഷ്യൻ സ്റ്റഡീസ് ഡിപ്പാർട്മെന്റിന്റെ കീഴിൽ ആണ് മലയാള വിഭാഗം . ഈ വർഷത്തെ ഔട്‍സ്റ്റാന്ഡിങ് അണ്ടർ ഗ്രാഡുവേറ്റ് മലയാളം സ്റ്റുഡൻറ് അവാർഡിന് ഒന്നാം വർഷ മലയാള വിഭാഗത്തിൽ നിന്ന് അഭിലാഷ് ഡേവിഡ്സന്നും , രണ്ടാം വർഷ മലയാള വിഭാഗത്തിൽ നിന്ന് നിതിൻ വര്ഗീസ് എന്നിവർ അവാർഡിന് അർഹരായി .യൂണിവേഴ്സിറ്റിയിലെ സൗത്ത് ഏഷ്യ ഇൻസ്റ്റിറ്റ്യൂട്ട് ഡിറക്ടറും പ്രൊഫസറുമായ ഡോ. ഡൊണാൾഡ് ഡേവിസ് ആണ് വിദ്യാർത്ഥികൾക്ക് അവാർഡ്നൽകിയത് . മലയാള ഭാഷയിൽ റീഡിങ് , ലിസണിങ് , സ്പീകിംഗ് എന്നീ മേഖലകളിൽ ഉള്ള പരിജ്ഞാനം ആയിരുന്നു അടിസ്ഥാനം . രണ്ടാം വർഷ മലയാള വിദ്യാർത്ഥിയായ നിതിൻ കംപ്യൂട്ടർ സയൻസ് മേജർ ആണ് . മലയാളം മൈനർ ആയി പഠിക്കുന്നു. കഴിഞ്ഞ എല്ലാ സെമസ്റ്റർകളിലും നിതിന് എ ഗ്രേഡ് ആയിരുന്നു .
മലയാളം ഒന്നാം വർഷം പഠിക്കുന്ന അഭിലാഷ് രണ്ടു മേജർ ചെയുന്നുണ്ട് . സൈക്കോളജിയും ,ബിസിനസ്സും. മലയാള ഭാഷയും സംസ്ക്കാരവും അറിയുവാനും പഠിക്കുവാനും എപ്പോഴും സമയം കണ്ടെത്തിയിരുന്നു. കഴിഞ്ഞ രണ്ടു സെമെസ്റെറകളിലും അഭിലാഷിനു മലയാളത്തിനു എ ഗ്രേഡ് ലഭിച്ചിരുന്നു. ദി യൂണിവേഴ്സിറ്റി ഓഫ് ടെക്സാസ് അറ്റ് ആസ്റ്റിൻ, മലയാള വിഭാഗം പ്രൊഫസർ ഡോ. ദർശന മനയ്‌തു ശശി അറിയിച്ചതാണ് .