ഫാമിലി കോണ്‍ഫറന്‍സ് : രജിസ്‌ട്രേഷന്‍ ഫീസ് അടക്കാനുള്ള അവസാന തീയതി ഏപ്രില്‍ 15

ന്യൂയോര്‍ക്ക്: മലങ്കര ഓര്‍ത്തഡോക്സ് സഭ നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി ആന്‍ഡ് യൂത്ത് കോണ്‍ഫറന്‍സ്‌ കൊടിയേറാന്‍ മൂന്നു മാസം അവശേഷിക്കെ രജിസ്‌ട്രേഷന്‍ നടപടി ക്രമങ്ങളുടെ ഭാഗമായ ഫീസ് അടയ്ക്കാനുള്ള അവസാന തീയതി ഏപ്രില്‍ 15 ഞായറാഴ്ച ആണെന്നു കോണ്‍ഫറന്‍സ് ഭാരവാഹികള്‍ അറിയിച്ചു.

ഒട്ടനവധിപ്പേര്‍ മുഴുവന്‍ തുകയും അടച്ച് രജിസ്‌ട്രേഷന്‍ നടപടികള്‍ പൂര്‍ത്തിയാക്കിയിട്ടുണ്ടെങ്കിലും ഇനിയും പലരും നിശ്ചിത തുക അടയ്ക്കാനുള്ളതു കൊണ്ടാണു മറ്റൊരു അറിയിപ്പ് കൂടി നല്കുന്നതെന്നും കോര്‍ഡിനേറ്റര്‍ ഫാ. വര്‍ഗീസ് എം. ഡാനിയേല്‍ പറഞ്ഞു. റജിസ്‌ട്രേഷന്‍ ചെയ്തിട്ടുണ്ടെങ്കിലും 15 നകമായി നിശ്ചിതതുക ട്രഷറര്‍ക്കു കിട്ടിയാല്‍ മാത്രമേ നടപടി ക്രമങ്ങള്‍ പൂര്‍ത്തിയാക്കുകയുള്ളു.

ഇടവക സന്ദര്‍ശന വിജയകരമായി തുടരുകയാണെന്നു ജനറല്‍ സെക്രട്ടറി ജോര്‍ജ് തുമ്പയില്‍ അറിയിച്ചു. റാഫിള്‍, സുവനീര്‍ തുടങ്ങിയവയിലൂടെയുളള ധനസമാഹരണ പരിപാടികള്‍ക്ക് മികച്ച പ്രതികരണമാണു ലഭിക്കുന്നതെന്ന് ട്രഷറര്‍ മാത്യു വര്‍ഗീസ് അറിയിച്ചു. വിവിധ കമ്മിറ്റികള്‍
തങ്ങളില്‍ അധിഷ്ഠിതമായിരിക്കുന്ന കര്‍മപരിപാടികളുമായി ഏറെ മുമ്പിലാണ്. കൂടുതല്‍ വിവരങ്ങള്‍ക്ക് വെബ്‌സൈറ്റ് www.fyconf.org.

രാജന്‍ വാഴപ്പള്ളില്‍

മോര്‍ട്ടണ്‍ ഗ്രോവ് സെന്റ് മേരീസ് ദൈവാലയത്തില്‍ ഡോ.മാരിയോ ജോസഫ് നയിക്കുന്ന ജാഗരണ പ്രാര്‍ത്ഥന

ചിക്കാഗോ: മോര്‍ട്ടണ്‍ ഗ്രോവ് സെന്റ് മേരീസ് ദൈവാലയത്തില്‍ ഏപ്രില്‍ 13 വെള്ളിയാഴ്ച വൈകിട്ട് ആറു മണിക്കത്തെ വി.കുര്‍ബാനയ്ക്കുശേഷം പ്രശസ്ത ബൈബിള്‍ പ്രഘോഷകന്‍ ഡോക്ടര്‍ മാരിയോ ജോസഫ് നയിക്കുന്ന ജാഗരണ പ്രാര്‍ത്ഥന (നൈറ്റ് വിജില്‍) ഉണ്ടായിരിക്കുന്നതാണ്. .(മുന്‍ മുസ്ലിം മതവിശ്വാസി യായിരുന്ന ഡോ.മാരിയോ ജോസഫ് “ഹോളി ഖുര്‍ആനിലുള്ള ” അഗാധമായ പാണ്ഡിത്യം അദ്ദേഹത്തെ ഒരു ക്രിസ്ത്യാനി ആക്കി മാറ്റി എന്ന് സാക്ഷ്യപ്പെടുത്തുന്നു).

ജോയിച്ചന്‍ പുതുക്കുളം

സുരേഷ് നായര്‍ ഫ്രണ്ട്‌സ് ഓഫ് റാന്നി പ്രസിഡന്റ്

ഫിലാഡല്‍ഫിയ: ഫിലാഡല്‍ഫിയ കേന്ദ്രീകരിച്ച് പ്രവര്‍ത്തിച്ചുവരുന്ന പ്രമുഖ കലാ-സാംസ്കാരിക സംഘടനയായ ഫ്രണ്ട്‌സ് ഓഫ് റാന്നിയുടെ പ്രസിഡന്റായി സുരേഷ് നായരെ വീണ്ടും തെരഞ്ഞെടുത്തു. സെക്രട്ടറിയായി സുനില്‍ ലാമണ്ണിലിനേയും, ട്രഷററായി സുനില്‍ തോമസിനേയും തെരഞ്ഞെടുത്തു. റജി ചെറുകത്തറയാണ് വൈസ് പ്രസിഡന്റ്. ജോണ്‍ മാത്യുവിനെ രക്ഷാധികാരിയായും, സാലി തോമസിനെ ജോയിന്റ് സെക്രട്ടറിയായും, തോമസ് മാത്യുവിനെ ജോയിന്റ് ട്രഷററായും തെരഞ്ഞെടുത്ത യോഗത്തില്‍ കലാ-കായിക കാര്യങ്ങളുടെ ചുമതല മനോജ് ലാമണ്ണില്‍, ജയിംസ് ചാക്കോ, ദീപാ ജയിംസ് എന്നിവര്‍ക്ക് നല്‍കുകയും ചെയ്തു. ഓണം, പിക്‌നിക്ക് എന്നിവയുടെ ചുമതലക്കാരായി ബിനോജ് മാത്യു, ബിബിന്‍ എന്നിവരെ തെരഞ്ഞെടുത്തു.

സംഘടനയുടെ കമ്മിറ്റിയിലേക്ക് ജോര്‍ജ് മാത്യു, ജയന്‍ പിള്ള, മനു ചെറുകത്തറ, ടിനു ചെറുകത്തറ, ജയശ്രീ നായര്‍, സുനി സുനില്‍, സുമോദ് നെല്ലാക്കാല എന്നിവരേയും തെരഞ്ഞെടുക്കുകയുണ്ടായി.

ഈവര്‍ഷത്തെ പ്രവര്‍ത്തനോദ്ഘാടനം അതിഥി റെസ്റ്റോറന്റില്‍ വച്ചു പ്രസിഡന്റ് സുരേഷ് നായര്‍ നിര്‍വഹിക്കുകയുണ്ടായി. പിക്‌നിക്ക്, ഓണം, ബാങ്ക്വറ്റ് എന്നിവ പൂര്‍വ്വാധികം ഗംഭീരമാക്കുവാന്‍ തീരുമാനിച്ചു. ഈവര്‍ഷം കൂടുതല്‍ ചാരിറ്റി പ്രവര്‍ത്തനങ്ങള്‍ നടത്തണമെന്ന് യോഗം തീരുമാനിച്ചു. സംഘടനയുമായി സഹകരിച്ച് പ്രവര്‍ത്തിക്കാന്‍ താത്പര്യമുള്ളവര്‍ ഭാരവാഹികളുമായി ബന്ധപ്പെടുക. സുരേഷ് നായര്‍ (267 515 8375).

ജോയിച്ചന്‍ പുതുക്കുളം

ലയണ്‍സ് ക്‌ളബ് റീജിയന്‍ ചെയര്‍ ജയിംസ് വര്‍ഗീസിന് നേപ്പാളില്‍ സ്വീകരണം

കാലിഫോര്‍ണിയ: ലയണ്‍സ് ക്‌ളബും കൈലാഷ് മെഡിക്കല്‍ ഫൗണ്ടേഷനും സംയുക്തമായി നടത്തുന്ന നേപ്പാള്‍ ചാരിറ്റി മെഡിക്കല്‍ മിഷനായി നേപ്പാളിലെത്തിയ ലയണ്‍സ് ക്‌ളബ് ഡിസ്ട്രിക് 4സി3 റീജിയന്‍ ചെയര്‍ ജയിംസ് വര്‍ഗീസിന് കഠ്മണ്ഡു ത്രിഭുവന്‍ വിമാനത്താവളത്തില്‍ സ്വീകരണം നല്‍കി.

നേപ്പാളിലെ പ്രമുഖ സാമൂഹ്യപ്രവര്‍ത്തകനും കഠ്മണ്ഡു ലയണ്‍സ് ക്‌ളബ് പ്രസിഡന്റുമായ ഷിവ അധികാരി, ചാരിറ്റി സംഘടനകളുടെ കോര്‍ഡിനേറ്ററും നേപ്പാള്‍ മെഡിക്കല്‍ മിഷനുകളുടെ പ്രധാനസംഘാടകനുമായ ഡികേന്ദ്ര മാസ്കിജി തുടങ്ങിയവരുടെ നേതൃത്വത്തിലായിരുന്നു സ്വീകരണം.

ഏപ്രില്‍ 11 മുതല്‍ 19 വരെ നേപ്പാളിലെ പിന്നാക്ക പ്രദേശങ്ങളില്‍ സൗജന്യമെഡിക്കല്‍ ക്യാംപില്‍ പങ്കെടുക്കാന്‍ അമേരിക്കയിലെ വിവിധഭാഗങ്ങളില്‍ നിന്നും 12ഓളം ഡോക്ടര്‍മാര്‍, ഡെന്റിസ്റ്റുകള്‍. നഴ്‌സുമാര്‍ തുടങ്ങിയവര്‍ ഏപ്രില്‍ 9ന് കാഠ്മണ്ഡുവില്‍ എത്തിച്ചേരും.

ജോയിച്ചന്‍ പുതുക്കുളം

ഇന്ത്യന്‍ നഴ്‌സസ് അസോസിയേഷന്‍ ഫാമിലി & ഫ്രണ്ട്‌സ് സി.പി.ആര്‍ പരിശീലനം തുടരുന്നു

ഷിക്കാഗോ: ഇന്ത്യന്‍ നഴ്‌സസ് അസോസിയേഷന്‍ ഓഫ് ഇല്ലിനോയി തങ്ങളുടെ സാമൂഹിക സേവനത്തിന്റെ ഭാഗമായി പൊതുജനങ്ങളുടെ അറിവിനായി “ഫാമിലി & ഫ്രണ്ട്‌സ് സി.പി.ആര്‍’ നടത്തിവരുന്നു. ഏവരും അറിഞ്ഞിരിക്കേണ്ടതും അത്യാവശ്യ സന്ദര്‍ഭങ്ങളില്‍ ജീവന്‍ രക്ഷിക്കാന്‍ ഉതകുന്നതുമാണ് സി.പി.ആര്‍ (Cardio Pulmonary Resuscitation). വ്യത്യസ്ത കാരണങ്ങള്‍കൊണ്ട് ബോധരഹിതനാകുന്ന ആളനെ എത്രയും പെട്ടെന്ന് വിദഗ്ധമായ സി.പി.ആര്‍ കൊണ്ട് സാധാരണ നിലയിലേക്ക് മടക്കിക്കൊണ്ട് വരുവാന്‍ കഴിയുമെന്ന് പഠനങ്ങള്‍ തെളിയിക്കുന്നു.

വിവിധ ഇടവകകളുടെ സഹകരണത്തോടെ ഐ.എന്‍.എ.ഐ ഈ സി.പി.ആര്‍ പരിശീലനം നടത്തിവരുന്നു. ആദ്യത്തേത് മാര്‍ച്ച് 11-ന് സെന്റ് മേരീസ് ക്‌നാനായ ചര്‍ച്ചില്‍ നടന്നു. സീറോ മലബാര്‍ കത്തീഡ്രലില്‍ ഏപ്രില്‍ 15-നു രാവിലെ 9.30-ന് വിമന്‍സ് ഫോറവുമായി ചേര്‍ന്ന് ഈ ട്രെയിനിംഗ് നടത്തുന്നതാണ്. ഏപ്രില്‍ 29-ന് മെയ് വുഡ് സേക്രട്ട് ഹാര്‍ട്ട് ക്‌നാനായ ചര്‍ച്ചില്‍ രാവിലെ 11 മണിക്കും, അതേദിവസം തന്നെ ഡസ്‌പ്ലെയിന്‍സിലുള്ള ഷിക്കാഗോ മാര്‍ത്തോമാ ചര്‍ച്ചില്‍ യുവജനസഖ്യത്തിന്റെ പങ്കാളിത്തത്തോടെ 11.30-നും ഇതേ പരിശീലനം നടത്തുന്നതാണ്. ഷിജി അലക്‌സ്, ലിസി പീറ്റേഴ്‌സ്, സുനീന ചാക്കോ, റോയ് തോമസ്, റെജീന സേവ്യര്‍, ഷീബാ ഷാബു എന്നിവര്‍ ഈ പരിപാടിക്ക് നേതൃത്വം നല്‍കുന്നു.

അമേരിക്കന്‍ ഹാര്‍ട്ട് അസോസിയേഷന്‍ സാധാരണക്കാര്‍ക്കായി പ്രചരിപ്പിക്കുന്നതാണ് ഈ ഫാമിലി & ഫ്രണ്ട്‌സ് സി.പി.ആര്‍. ആരോഗ്യരംഗത്ത് പ്രവര്‍ത്തിക്കുന്ന ഏവര്‍ക്കും സി.പി.ആര്‍ സര്‍ട്ടിഫിക്കേഷന്‍ ഉണ്ട്. എന്നാല്‍ ആരോഗ്യരംഗത്തല്ലാതെ പ്രവര്‍ത്തിക്കുന്നവരെക്കൂടി ജീവന്‍ അപായ സന്ദര്‍ഭങ്ങളില്‍ ഫലപ്രദമായി പരിചരിക്കാന്‍ പ്രാപ്തരാക്കുക എന്നതാണ് ഈ പരിശീലനത്തിന്റെ ലക്ഷ്യം. അപായനിലയില്‍ കാണപ്പെടുന്ന സമയം മുതല്‍ 911 അടിയന്തിര സഹായം ലഭിക്കുന്നതുവരെയുള്ള സമയം ജീവന്‍ നിലനിര്‍ത്തുന്നതില്‍ ഏറ്റവും നിര്‍ണ്ണായകമാണ്. ഈ സി.പി.ആര്‍ പരിശീലന അവസരം കഴിവതും ഏവരും പ്രയോജനപ്പെടുത്തണമെന്ന് അസോസിയേഷന്‍ പ്രസിഡന്റ് ബീന വള്ളിക്കളവും, പരിശീലനത്തിന്റെ പങ്കാളികളും, ഭാരവാഹികളും അഭ്യര്‍ത്ഥിക്കുന്നു.

കൂടുതല്‍ വിവരങ്ങള്‍ക്ക്: ഷിജി അലക്‌സ് (224 436 9371), ലിസി പീറ്റേഴ്‌സ് (847 902 6663), ഷീബാ ഷാബു (630 730 6221), സുനീന ചാക്കോ (847 401 1670).

ഷിജി അലക്‌സ് ഒരു വാര്‍ത്താകുറിപ്പിലൂടെ അറിയിച്ചതാണിത്.

ജോയിച്ചന്‍ പുതുക്കുളം

എസ്.ബി അലുംമ്‌നി അവാര്‍ഡ് നൈറ്റും നവ നേതൃത്വ തെരഞ്ഞെടുപ്പും ഏപ്രില്‍ 21-ന്

ഷിക്കാഗോ: ഷിക്കാഗോ ആസ്ഥാനമായി പ്രവര്‍ത്തിക്കുന്ന ചങ്ങനാശേരി എസ്.ബി ആന്‍ഡ് അസംപ്ഷന്‍ പൂര്‍വ്വ വിദ്യാര്‍ത്ഥി സംഘടനയുടെ ഷിക്കാഗോ ചാപ്റ്റര്‍ അവാര്‍ഡ് നൈറ്റും, നവ നേതൃത്വ തെരഞ്ഞെടുപ്പും ഏപ്രില്‍ 21-ന് ശനിയാഴ്ച വൈകിട്ട് 5.30-നു നടത്തും.

ഇമ്പീരിയല്‍ ട്രാവല്‍ ആന്‍ഡ് ടൂര്‍ ഹാള്‍, 1595 ഈസ്റ്റ് ഓക്ടണ്‍ സ്ട്രീറ്റ്, ഡെസ്‌പ്ലെയിന്‍സ് ഐ.എല്‍ 60018 ആണ് സമ്മേളന വേദി.

പ്രസ്തുത സമ്മേളനത്തില്‍ സംഘടനാംഗങ്ങളുടെ മക്കള്‍ക്കായി സ്ഥാപിച്ചിട്ടുള്ള ഹൈസ്കൂള്‍ വിദ്യാഭ്യാസ പ്രതിഭാ പുരസ്കാരത്തിന്റെ 2017-ലെ വിജയികളെ പ്രഖ്യാപിക്കുന്നതും സമ്മാനങ്ങള്‍ നല്‍കുന്നതുമാണ്.

പുരസ്കാര വിജയികളെ തെരഞ്ഞെടുത്തിരിക്കുന്ന ത്രിതല മാനദണ്ഡങ്ങള്‍ ജി.പി.എ, എ.സി.റ്റി (എസ്.എ.റ്റി), സ്‌കോറുകള്‍, അപേക്ഷാര്‍ത്ഥിയുടേയോ, മാതാപിതാക്കളുടേയോ സംഘടനാ പ്രവര്‍ത്തനങ്ങളിലുള്ള പങ്കാളിത്തം എന്നിവയെ അടിസ്ഥാനമാക്കിയാണ്.

തദവസരത്തില്‍ 2018 -19 വര്‍ഷത്തേക്കുള്ള സംഘടനയുടെ പുതിയ ഭാരവാഹികളെ പ്രഖ്യാപിക്കുന്നതുമായിരിക്കും.

സമ്മേളനത്തിലേക്ക് എല്ലാ എസ്.ബി അംഗങ്ങളേയും കുടുംബ സമേതവും, കൂടാതെ എല്ലാ അനുഭാവികളേയും അഭ്യുദയകാംക്ഷികളേയും സ്‌നേഹപൂര്‍വ്വം ഭാരവാഹികള്‍ ക്ഷണിക്കുന്നു. ഇതൊരു അറിയിപ്പായി സ്വീകരിച്ച് താങ്കളുടെ സാന്നിധ്യ സഹകരണം ഉറപ്പുവരുത്തി സമ്മേളനത്തെ വന്‍ വിജയമാക്കണമെന്നു ഭാരവാഹികള്‍ അഭ്യര്‍ത്ഥിക്കുന്നു.

വിവരങ്ങള്‍ക്ക്: ഷിബു അഗസ്റ്റിന്‍ (847 858 0473), റെറ്റി കൊല്ലാപുരം (847 708 3061), ജോണ്‍ നടയ്ക്കപ്പാടം (847 347 6447), ആന്റണി ഫ്രാന്‍സീസ് (847 219 4897).

ആന്റണി ഫ്രാന്‍സീസ് വടക്കേവീട് അറിയിച്ചതാണിത്.

ജോയിച്ചന്‍ പുതുക്കുളം

കേരളത്തിലെ മികച്ച ബാൻഡ് സെറ്റ് ടീമുകൾ മാറ്റുരക്കുന്ന മത്സരം

*ബോവൂസോ*
ക്രിസ്തിയ പാരമ്പര്യത്തിൽ നിന്നും അടർന്നുപോയികൊണ്ടിരിക്കുന്ന
ബാൻഡ് സെറ്റ് കലാരൂപം
പഴയ തനിമ ഒട്ടും ചോരാതെ ബാൻഡ് സെറ്റ് മത്സരം കടമ്പനാട് പള്ളയിൽ ഏപ്രിൽ 17ന്
6. 30 ആരംഭിക്കുന്നു
കേരളത്തിലെ മികച്ച ബാൻഡ് സെറ്റ് ടീമുകൾ മാറ്റുരക്കുന്ന മത്സരം

ഫാ. ജോസഫ് വറുഗീസിനെ സമാധാനത്തിനായുള്ള മതങ്ങളുടെ എക്സിക്യൂട്ടീവ് കൗണ്‍സിലിലേക്ക് നോമിനേറ്റ് ചെയ്തു

ന്യൂയോര്‍ക്ക്: ഐക്യരാഷ്ട്രസഭ കേന്ദ്രമായി പ്രവര്‍ത്തിക്കുന്ന സമാധാനത്തിനായുള്ള മതങ്ങളുടെ സമിതിയുടെ എക്സിക്യൂട്ടീവ് കൗണ്‍സിലിലേക്ക് ഫാ. ജോസഫ് വറുഗീസ് നോമിനേറ്റ് ചെയ്യപ്പെട്ടു. സമിതിയുടെ ബോര്‍ഡ് ഓഫ് ഡയറക്ടേഴ്സിന്‍റെ നേതൃത്വത്തില്‍ മെയ് മാസത്തില്‍ വാഷിംഗ്ടണില്‍ വച്ചു നടക്കുന്ന എക്സിക്യൂട്ടീവ് കൗണ്‍സിലിലേക്കാണ് ഫാ.വരുഗീസ് നോമിനേറ്റ് ചെയ്യപ്പെട്ടത്. വിവിധ മതങ്ങള്‍ക്ക് അംഗത്വമുള്ളതും ലോകത്തെ തന്നെ ഏറ്റവും വിപുലമായതുമായ, സമാധാനത്തിനുവേണ്ടിയുള്ള മതങ്ങളുടെ കൂട്ടായ്മയാണ് റിലിജിയന്‍സ് ഫോര്‍ പീസ്.

ലോകത്തെ മതപരമായ സമൂഹങ്ങളുടെ മുന്നില്‍ അക്രമത്തിന്‍റെ മാര്‍ഗങ്ങളെ വെടിഞ്ഞ് മനുഷ്യന്‍റെ വളര്‍ച്ചയെ മുന്‍നിര്‍ത്തി, നീതിപൂര്‍ണവും ഒരുമയാര്‍ന്നതുമായ സമൂഹങ്ങളെ രൂപപ്പെടുത്താന്‍ നേതൃത്വം നല്‍കുന്നതിനൊപ്പം ഭൂമിയെ സംരക്ഷിക്കുകയും സംഘടന ലക്ഷ്യമിടുന്നു. സമാധാനത്തിനായുള്ള ഈ ആഗോള മതസമിതിയില്‍ ലോകത്തെ എല്ലാ മതങ്ങളില്‍ നിന്നുമുള്ള മുതിര്‍ന്ന നേതാക്കളുള്‍പ്പെട്ട ലോക കൗണ്‍സിലിന് പുറമേ ആറ് റീജിയണല്‍, ഇന്‍റര്‍ റിലിജിയസ് ഘടകങ്ങളും ദേശീയാടിസ്ഥാനത്തിലുള്ള 90 എണ്ണവും ഗ്ലോബല്‍ വിമന്‍ ഓഫ് ഫെയ്ത്ത് നെറ്റ്വര്‍ക്കും ഗ്ലോബല്‍ ഇന്‍റര്‍ഫെയ്ത്ത് യൂത്ത് നെറ്റ്വര്‍ക്കും ഉള്‍പ്പെടുന്നു.

അന്തര്‍ദേശീയതലത്തില്‍ മതപരമായ സ്വാതന്ത്ര്യത്തിനു വേണ്ടി ആത്മാര്‍പ്പണത്തോടെ ദീര്‍ഘകാലമായുള്ള പ്രവര്‍ത്തനങ്ങളാണ്, പ്രത്യേകമായി ന്യൂയോര്‍ക്കിലെ ഇന്‍സ്റ്റിറ്റ്യുട്ട് ഫോര്‍ റിലിജിയസ് ഫ്രീഡം ആന്‍ഡ് ടോളറന്‍സസിന്‍റെ എക്സിക്യൂട്ടീവ് ഡയറക്ടറെന്ന നിലയിലുള്ള പ്രവര്‍ത്തനങ്ങളാണ് ഫാ. വറുഗീസിനെ ഈ നോമിനേഷന് അര്‍ഹനാക്കിയത്.

2016 ജനുവരിയില്‍ ഫാ. ജോസഫും അമേരിക്കയിലെ പൊതുധാരയിലുള്ള സഭാ നേതാക്കളും ചേര്‍ന്ന് ഈജിപ്ത് അപ്പര്‍ സീനായിയിലേക്ക് ഒരു ടൂര്‍ നടത്തിയിരുന്നു. പ്രദേശത്ത് മത തീവ്രവാദികളുടെ നേതൃത്വത്തില്‍ ക്രിസ്ത്യാനികള്‍ക്കെതിരെയും ക്രിസ്ത്യന്‍ സ്ഥാപനങ്ങള്‍ക്കെതിരെയും നടക്കുന്ന പീഡനങ്ങളെകുറിച്ച് പഠിച്ച് റിപ്പോര്‍ട്ട് ചെയ്യാനായിരുന്നു ഇത്. ലിബിയയില്‍ ഐ എസിനാല്‍ കൊല്ലപ്പെട്ട കോപ്റ്റിക് ക്രിസ്ത്യാനികളുടെ ഭവനങ്ങള്‍ സംഘം സന്ദര്‍ശിച്ചു. മനുഷ്യാവകാശപ്രതിനിധിസംഘത്തെ പ്രതിനിധീകരിച്ച് മനുഷ്യാവകാശനിഷേധങ്ങള്‍ റിപ്പോര്‍ട്ട് ചെയ്യാനും പഠിക്കാനും അഭയാര്‍ഥി പ്രശ്നവും മതപീഡനവും റിപ്പോര്‍ട്ട് ചെയ്യാനുമായി വറുഗീസ് അച്ചനും ടീമും ജോര്‍ദാന്‍, ലബനന്‍, സിറിയ തുടങ്ങിയ സ്ഥലങ്ങള്‍ സന്ദര്‍ശിച്ചു. പാക് ഗവണ്‍മെന്‍റിനെതിരെ പ്രസംഗിക്കുന്ന, ദൈവനിന്ദാപരമായ പരാമര്‍ശങ്ങളുടേതെന്ന പേരില്‍ പാക് ജയിലിലടയ്ക്കപ്പെട്ട ഏഷ്യാ ബിബിയുടെ മോചനത്തിനായി വാദിക്കുന്ന ഫാ. വര്‍ഗീസിന്‍റെ പ്രവര്‍ത്തനങ്ങള്‍ എന്തുകൊണ്ടും ശ്ലാഘനീയമാണ്. ഏഷ്യാ ബിബിയുടെ ഭര്‍ത്താവിനെയും മകളെയും സന്ദര്‍ശിച്ച ഫാ. വറുഗീസ് മനുഷ്യാവകാശങ്ങള്‍ക്കായുള്ള യു എന്‍ കമ്മിഷനുമായി ചേര്‍ന്ന് അവരുടെ മോചനത്തിനായി ശബ്ദമുയര്‍ത്തുന്നു.
നാഷണല്‍ കൗണ്‍സില്‍ ഓഫ് ചര്‍ച്ചസിന്‍റെ അന്തര്‍ദേശീയ മതകമ്മിഷന്‍ അംഗവുമായ ഫാ. വറുഗീസ് ഹിന്ദു, ബുദ്ധ, സിഖ് മതങ്ങളുമായും യു എസിലെ യഹൂദ, മുസ്ലിം സംഘടനകളുമായും ചര്‍ച്ചകള്‍ക്ക് നേതൃത്വമെടുക്കുന്നു.

ഓറിയന്‍റല്‍ ഓര്‍ത്തഡോക്സ് സഭകളും കാത്തലിക് സഭയുമായുള്ള ചര്‍ച്ചകളിലും ഫാ. വരുഗീസ് പ്രധാനപങ്ക് വഹിക്കുന്നു. ഇന്ത്യയിലെ നിലവിലുള്ള ബി ജെ പി ഗവണ്‍മെന്‍റിന്‍റെ മതപരമായ നിലപാടുകളെയും ഇദ്ദേഹം എതിര്‍ക്കുന്നു. ഐക്യരാഷ്ട്രസഭയിലെ നോണ്‍ ഗവണ്‍മെന്‍റല്‍ സംഘടനകളില്‍ അംഗമായ ഫാ. വറുഗീസ് സിറിയന്‍ ഓര്‍ത്തഡോക്സ് ചര്‍ച്ചിനെയാണ് പ്രതിനിധീകരിക്കുന്നത്. പത്തനംതിട്ട സ്വദേശിയായ അച്ചന്‍റെ സഹധര്‍മിണി ജസി വര്‍ഗീസ്, രണ്ടു മക്കള്‍: യൂജിന്‍ വറുഗീസ്, ഈവാ വറുഗീസ്.

ജോര്‍ജ് തുമ്പയില്‍

ഫ്‌ളവേഴ്‌സ് ടിവി യു.എസ്.എ ആനിവേഴ്‌സറി സ്റ്റാര്‍ഷോ കിക്കോഫ് ചിക്കാഗോയില്‍ നടന്നു

ചിക്കാഗോ: അമേരിക്കന്‍ മലയാളികളുടെ വിശ്രമവേളകള്‍ വര്‍ണ്ണാഭമാക്കി, ഫ്‌ളവേഴ്‌സ് ടിവി യു.എസ്.എയുടെ ഒന്നാം വാര്‍ഷികാഘോഷങ്ങളുടെ ഭാഗമായി നടത്തുന്ന മെഗാ സ്റ്റാര്‍ഷോയുടെ കിക്കോഫ് ചിക്കാഗോയില്‍ നടന്നു.

ചലച്ചിത്ര സംവിധായകന്‍ ഷാഫിയുടെ നേതൃത്വത്തില്‍ ബിജു മേനോന്‍, മിയ ജോര്‍ജ്, കലാഭവന്‍ ഷാജോണ്‍, ശ്വേതാ മേനോന്‍, സാജു നവോദയ, ഗായത്രി സുരേഷ്, നജീം അര്‍ഷാദ് എന്നിവര്‍ക്കൊപ്പം ഇരുപത്തഞ്ചോളം പ്രമുഖ താരങ്ങള്‍ അണിനിരക്കുന്ന സ്റ്റാര്‍ഷോയുടെ മെഗാ സ്‌പോണ്‍സറായി പ്രൊഫഷണല്‍ മോര്‍ട്ട്‌ഗേജ് സൊലൂഷന്‍ സി.ഇ.ഒ അശോക് ലക്ഷ്മണ്‍, ഗ്രാന്റ് സ്‌പോണ്‍സറായി റിലയബിള്‍ ടാക്‌സ് ആന്‍ഡ് അക്കൗണ്ടിംഗ് സിഇഒ ഔസേഫ് തോമസ് സിപിഎ, ഇവന്റ് സ്‌പോണ്‍സറായി മറിയാമ്മ പിള്ള എന്നിവര്‍ ടിക്കറ്റുകള്‍ ഏറ്റുവാങ്ങി.

ചടങ്ങില്‍ ചിക്കാഗോയില്‍ നിന്നും സമീപ പ്രദേശങ്ങളില്‍ നിന്നുമായി നിരവധി സാമൂഹിക, സാംസ്കാരിക പ്രതിനിധികള്‍ പങ്കെടുത്തു. ഷോയെക്കുറിച്ചുള്ള കൂടുതല്‍ വിവരങ്ങള്‍ക്ക് ബന്ധപ്പെടുക: ബിജു സഖറിയ (847 630 6462).

ജോയിച്ചന്‍ പുതുക്കുളം