ദൈവാനുഭവത്തിന്റെ നിമിഷങ്ങള്‍

ഷിക്കാഗോ: വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പയ്ക്കുശേഷം “ജീവിക്കുന്ന വിശുദ്ധന്‍’ എന്നു ലോകമെമ്പാടും വിശേഷിപ്പിക്കപ്പെടുന്ന ഫ്രാന്‍സീസ് പാപ്പയെ കഴിഞ്ഞ മാസം റോമില്‍ വച്ചു നേരില്‍ കണ്ട് ആശീര്‍വാദം സ്വീകരിക്കുവാന്‍ ഭാഗ്യം ലഭിച്ചതിന്റെ ചാരിതാര്‍ത്ഥ്യത്തിലാണ് ഷിക്കാഗോയില്‍ സ്ഥിരതാമസക്കാരനായ ഡോ. സാല്‍ബി പോള്‍ ചേന്നോത്തും കുടുംബവും.

പരിശുദ്ധ പിതാവുമായുള്ള ഹൃസ്വ സംഭാഷണത്തില്‍, സഭയില്‍ യുവാക്കള്‍ക്കും, കുടുംബജീവിതം നയിക്കുന്നവര്‍ക്കുമുള്ള പ്രാധാന്യത്തെക്കുറിച്ച് പ്രത്യേകം എടുത്തുപറഞ്ഞു. ഞങ്ങള്‍ക്കുവേണ്ടി പ്രാര്‍ത്ഥിക്കണമെന്ന് പിതാവിനോട് അപേക്ഷിച്ചപ്പോള്‍ നിങ്ങള്‍ എനിക്കുവേണ്ടിക്കൂടിയും പ്രാര്‍ത്ഥിക്കണമെന്ന മറപടി ഞങ്ങളേവരേയും അത്ഭുതപ്പെടുത്തി.

പരിശുദ്ധ പിതാവിന്റെ തേജസ്സുറ്റ മുഖവും കണ്ണുകളിലെ തീക്ഷണതയും മായാത്ത മുദ്രയായി എന്നും ഞങ്ങളില്‍ നിലകൊള്ളുമെന്നു ഡോ. സാല്‍ബി സാക്ഷ്യപ്പെടുത്തുന്നു. ജപ്പാനിലെ വത്തിക്കാന്‍ ന്യൂണ്‍ഷ്യോ ആര്‍ച്ച് ബിഷപ്പ് മാര്‍ ജോസഫ് ചേന്നോത്തിന്റെ ജ്യേഷ്ഠ സഹോദരപുത്രനാണ് ഡോ. സാല്‍ബി പോള്‍.

ജോയിച്ചന്‍ പുതുക്കുളം

Share This Post