യോങ്കേഴ്‌സ് സെന്റ് തോമസ് ഓര്‍ത്തഡോക്‌സ് ഇടവകയില്‍ കാതോലിക്കാദിനം കൊണ്ടാടി

ന്യൂയോര്‍ക്ക്: വലിയ നോമ്പിലെ മുപ്പത്താറാം ഞായറാഴ്ച ആചരിക്കുന്ന കാതോലിക്കാദിനം യോങ്കേഴ്‌സ് സെന്റ് തോമസ് ഇടവക മാര്‍ച്ച് 18-നു ഭംഗിയായി ആചരിച്ചു. വി. കുര്‍ബാനയ്ക്കുശേഷം നടന്ന മീറ്റിംഗില്‍ ഇടവക വികാരി വെരി റവ. ചെറിയാന്‍ നീലാങ്കല്‍ കോര്‍എപ്പിസ്‌കോപ്പ അധ്യക്ഷ പ്രസംഗം നടത്തി.

റവ.ഫാ. ജോബ്‌സണ്‍ കോട്ടപ്പുറം, സോണി ജോര്‍ജ് വര്‍ഗീസ് എന്നിവര്‍ കാതോലിക്കാ സിംഹാസനത്തെ പ്രതിനിധീകരിച്ച് സംസാരിച്ചു. ഇടവക സെക്രട്ടറി ജോണ്‍ ഐസക് അവതരിപ്പിച്ച ഭക്തിപ്രമേയം ഇടവകാംഗങ്ങള്‍ എഴുന്നേറ്റ് നിന്ന് അംഗീകരിച്ചു. കാതോലിക്കാ മംഗള ഗാനത്തോടെ പരിപാടികള്‍ സമാപിച്ചു.

മാത്യു ജോര്‍ജ് (പി.ആര്‍.ഒ).

Share This Post