പ്രവര്‍ത്തന മികവിന്റെ പാരമ്പര്യവുമായി അന്നമ്മ മാപ്പിളശേരി ഫോമാ വൈസ് പ്രസിഡന്റായി മത്സരിക്കുന്നു

ന്യുജെഴ്‌സി: മൂന്നു പതിറ്റാണ്ടിലേറെ സംഘടനാ പ്രവര്‍ത്തനത്തിന്റെ ചരിത്രമുള്ള അന്നമ്മ മാപ്പിളശേരി ഫോമാ വൈസ് പ്രസിഡന്റായി മത്സരിക്കുന്നു. പലരും സ്ഥാനാര്‍ഥിത്വം പ്രഖ്യാപിക്കുകയും പിന്മാറുകയും ചെയ്യുന്നുണ്ടെങ്കിലും താന്‍ മത്സരരംഗത്ത് ഉറച്ചു തന്നെ നില്‍ക്കുമെന്ന് അന്നമ്മ ആദ്യമെ തന്നെ വ്യക്തമാക്കി.

ഇപ്പോല്‍ തനിക്കു സംഘടനാ പ്രവര്‍ത്തനത്തിനു കൂടുതല്‍ സമയമൂണ്ട്. ഫൊക്കാനയിലും ഫോമായിലും മറ്റു സംഘടനകളിലും പ്രവര്‍ത്തിച്ച പരിചയത്തില്‍ നിന്നു ഒട്ടേറെ കാര്യങ്ങള്‍ ചെയ്യാന്‍ കഴിയുമെന്ന് വിശ്വാസവുമുണ്ട്.

ഒരു പാനലിലും താനില്ല. ആരുമായും ഒത്തു പോകുന്നതിനു ഒരു പ്രശ്‌നവുമില്ല. സംഘടനയുടെയും സമൂഹത്തിന്റെയും നന്മ മാത്രമെ താന്‍ ലക്ഷ്യമാക്കുന്നുള്ളൂ.

കലാ രംഗത്തും സാംസ്കാരിക രംഗത്തും പ്രവര്‍ത്തിച്ചു ശ്രദ്ധേയയായ അന്നമ്മ എണ്‍പതുകളില്‍ഫൊക്കാനയുടെ തുടക്കം മുതല്‍ സംഘടനയുമായി ബന്ധപ്പെട്ടു പ്രവര്‍ത്തിച്ചു. അവിഭക്ത ഫൊക്കാനയുടെ 2004ലെ കണ്‍ വന്‍ഷന്റെ കോചെയര്‍. 20042006 കാലത്ത് ദേശീയ ജോ. സെക്രട്ടറി. തുടര്‍ന്ന്‌ഫോമാ രൂപം കൊണ്ടപ്പോള്‍ ഫോമയില്‍ സജീവമായി. ഫോമയുടെ 2010ലെ ലാസ് വേഗസ് കണ്‍ വന്‍ഷന്‍ കോചെയര്‍ ആയിരുന്നു.

ന്യു ജെഴ്‌സിയിലെ ആദ്യകാല സംഘടന കേരള കള്‍ച്ചറല്‍ ഫോറത്തിന്റെ ഡാന്‍സ് സ്കൂള്‍ പ്രിന്‍സിപ്പലായി 1989 മുത 1996 വരെ സേവനമനുഷ്ടിച്ചു. ദേശീയ തലത്തില്‍ വിവിധ കലാമത്സരങ്ങളില്‍ വിധികര്‍ത്താവായിരുന്നു.

രണ്ടു വട്ടം കേരള കള്‍ചറല്‍ ഫോറത്തിന്റെ പ്രസിഡന്റായി. 20032004 കാലത്തും 20072009 കാലത്തും. കലാരംഗത്ത് ശ്രദ്ധേയമായ സംഭാവനകളര്‍പ്പിക്കുന്നഫൈന്‍ ആര്‍ട്ട്‌സ് ക്ലബില്‍ 2001 മുതല്‍പ്രവര്‍ത്തിക്കുന്നു.

ആത്മീയ രംഗത്തും മികച്ച സംഭാവനകള്‍ നല്‍കിയിട്ടുണ്ട്. സീറോ മലബാര്‍ നാഷണല്‍കണ്‍ വന്‍ഷന്റെ (2003) കോചെയര്‍ ആയിരുന്നു.സെന്റ് തോമസ് കാത്തലിക്ക് അസോസിയേഷന്‍ ഓഫ് ന്യു ജെഴ്‌സി സെക്രട്ടറി, ഫിലഡല്‍ഫിയയില്‍ 2009ല്‍ നടന്ന എസ്.എം.സി.സി. കോണ്‍ഫറന്‍സ് കണ്‍ വന്‍ഷന്‍ കമ്മിറ്റി അംഗം എന്നീ നിലകളില്‍ പ്രവര്‍ത്തിച്ച അന്നമ്മ2007 മുതല്‍സീറോ മലബാര്‍ കാത്തലിക്ക് കോണ്‍ഗ്രസ്ഗാര്‍ഫീല്‍ഡ് മിഷന്‍ സെക്രട്ടറിയാണു.

ചങ്ങനാശേരി സ്വന്ദേശിയായ അന്നമ്മ കര്‍ണാടക് യൂണിവേഴ്‌സിറ്റിയില്‍ നിന്ന് ഗോള്‍ഡ് മെഡലോടെയാണു ആന്ത്രപ്പോളജിയില്‍ മാസ്‌റ്റേഴ്‌സ് ബിരുദം നേടിയത്. ഇവിടെ വന്ന് ഉപരി ശേഷം പഠനത്തിനു ശേഷം ഇ.എഫ്. ഹട്ടന്‍ എന്ന ബ്രോക്കറെജ് സ്ഥപനത്തില്‍ പ്രവര്‍ത്തിക്കുന്നു. ചമ്പക്കൂളം സ്വദേശി ഉമ്മച്ചന്‍ മാപിളശേരിയാനു ഭ്രത്താവ്. രണ്ടു മക്കള്‍. ക്രിസ്റ്റിന, ക്രിസ്റ്റഫര്‍.

ഇതേസമയം ഫോമായുടെ ഇലക്ഷനില്‍വൈസ് പ്രസിഡന്റ് സ്ഥാനമാണു ഏറ്റവും വലിയ മാറ്റം മറിച്ചിലുകള്‍ കണ്ടത്. ആദ്യമെ രംഗത്തു വന്ന പന്തളം ബിജു തോമസ് (ലാസ് വേഗസ്) കാലിഫോര്‍ണിയയില്‍ നിന്നുള്ള വിന്‍സന്റ് ബോസ് മാത്യുവിനു വേണ്ടി പിന്മാറി. വെസ്‌റ്റേണ്‍ റീജിയന്റെ അഭര്‍ഥന പ്രകാരമായിരുന്നു അത്.ഫ്‌ളോറിഡയില്‍ നിന്നു സജി കരിമ്പന്നൂര്‍, ന്യു യോര്‍ക്കില്‍ നിന്നു ഫിലിപ്പ് മഠത്തില്‍ എന്നിവരും രംഗത്തുണ്ട്. നേരത്തെ ബീന വള്ളിക്കളം, ജെയിംസ് പുളിക്കല്‍ എന്നിവര്‍ സ്ഥാനര്‍ഥിത്വത്തില്‍ നിന്നു പിന്മാറിയിരുന്നു.

നാഷനല്‍ കമ്മിറ്റിയിലേക്കു മത്സരിക്കുന്നതില്‍ നിന്നു ദീപ്തി നായരും പിന്‍ വാങ്ങി.

Share This Post