ജേർണലിസം വർക്ക് ഷോപ്പും പുസ്തക പ്രദര്ശനവും നടന്നു

ഹൂസ്റ്റൺ: സത്യസന്ധതയോടും സാമൂഹ്യ പ്രതിബദ്ധതയോടും മാധ്യമ പ്രവർത്തനം നടത്തുവാനുള്ള ആഹ്വാനത്തോടെ ഹൂസ്റ്റണിലെ ജേർണലിസം വർക്ക് ഷോപ് സമാപിച്ചു. ഹൂസ്റ്റൺ പ്രസ് ക്ലബും ഇൻഡോഅമേരിക്കൻ പ്രസ് ക്ലബും സഹകരിച്ചു നടത്തിയ പഠന ക്ലാസ്സിൽ അനേക വർഷത്തെ അനുഭവപരിചയമുള്ള മീഡിയ പ്രൊഫൊഷ്‌ണൽസ് മാധ്യമ രംഗത്തെ പുതിയ ട്രെൻഡുകൾ, അവസരങ്ങൾ, പ്രതിസന്ധികൾ എന്നിവ സംബന്ധിച്ച ചർച്ചകൾ നയിച്ചു.

ഹൂസ്റ്റൺ പ്രസ് ക്ലബ് പ്രസിഡന്റ് മൈക്ക് ഒനീൽ സമ്മേളനം ഉദ്‌ഘാടനം ചെയ്തു. ശ്രദ്ധിച്ചു കണ്ടും കേട്ടും അനുഭവിച്ചും അന്വേഷിച്ചും കണ്ടെത്തുന്ന അറിവുകളും ആശയങ്ങളും അനുവാചകർക്കും ജനനേതാക്കൾക്കും മനസ്സിലാകുന്ന ഭാഷയിൽ അവതരിപ്പിക്കാനുള്ള കഴിവാണ് ജേര്ണലിസ്റ്റുകൾ നേടേണ്ടതെന്നു മൈക്ക് തന്റെ ഉദ്‌ഘാടന പ്രസംഗത്തിൽ ചൂണ്ടിക്കാട്ടി.

പ്രസ് ക്ലബ് ഹൂസ്റ്റൺ ചാപ്റ്റർ പ്രസിഡന്റ് സി ജി ഡാനിയേൽ അധ്യക്ഷ പ്രസംഗം നടത്തി. ആശയാവിഷ്കരണ ശേഷി വളർത്തുവാൻ അദ്ദേഹം ആഹ്വാനം ചെയ്തു.

മാർച്ച് 24-നു ഹൂസ്റ്റണിൽ നടന്ന ജേർണലിസം വർക്ക് ഷോപ്പിനോടനുബന്ധിച്ചു ഇൻഡോഅമേരിക്കൻ ഗ്രന്ഥകർത്താക്കൾക്കും പ്രസാധകർക്കും അവരുടെ കൃതികളും പ്രസിദ്ധീകരങ്ങളും പ്രദര്ശിപ്പിക്കുന്നതിനും അന്യോന്യം പരിചയപെടുന്നതിനും അവസരമുണ്ടായി. ഇരുന്നൂറോളം ഇനങ്ങൾ പ്രദര്ശനത്തിനുണ്ടായിരുന്നു.

സാം ഹൂസ്റ്റൺ ടോൾ വെയും റിച്ച്മണ്ട് സ്ട്രീറ്റും ചേരുന്നിടത്തു 3700 വെസ്റ്റ് ചൈസിലുള്ള ABB ബിൽഡിംഗ് നാലാം നിലയിലായിരുന്നു സമ്മേളനം.

ശേഷാദ്രികുമാർ (ഇന്ത്യ ഹെറാൾഡ്), ജവാഹർ മൽഹോത്ര (ഇൻഡോഅമേരിക്കൻ ന്യൂസ്), ഡോക്ടർ ചന്ദ്രാ മിത്തൽ (വോയിസ് ഓഫ് ഏഷ്യ), ഡോക്ടർ നിക് നികം (നാനോ ന്യൂസ് നെറ്റ്‌വർക്ക്), സംഗീത ദുവ (ടി വി ഹൂസ്റ്റൺ), എന്നിവർ വിവിധ വിഷയങ്ങൾ അവതരിപ്പിച്ച്‌ ക്ലാസുകൾ നയിച്ചു. ആദർശ ധീരരായ മാധ്യമപ്രവർത്തകരുടെ അഭാവം മാധ്യമങ്ങളിലുള്ള വിശ്വാസം നഷ്ടപെടുത്തുന്നുവെന്നു പലരും എടുത്തു പറഞ്ഞു.

തികഞ്ഞ സത്യസന്ധതയോടും സാമൂഹ്യ പ്രതിബദ്ധതയോടും മാധ്യമ പ്രവർത്തനം നടത്തുവാൻ സമ്മേളനം ആഹ്വാനം ചെയ്തു.

പ്രിന്റ്, വിഷ്വൽ, ഡിജിറ്റൽ, ഓഡിയോ, റേഡിയോ, വിഡിയോ, ഫോട്ടോഗ്രാഫി എന്നിവയിൽ താല്പര്യമുള്ള മുപ്പതിലധികം പേർ വർക്ഷോപ്പിൽ പങ്കെടുത്തു.

യുവജനങ്ങളും സാഹിത്യകാരന്മാരും പത്രപ്രവർത്തകരും പങ്കെടുത്ത പരിപാടിയിൽ എഴുത്തുകാരുടെ സംഘടനകളായ കേരള റൈറ്റേർസ് ഫോറം, ലാന, അമേരിക്കൻ മലയാളം സൊസൈറ്റി എന്നിവയെ പ്രതിനിധീകരിച്ചു ജോൺ മാത്യു, ബോബി മാത്യു, മാത്യു കുറവക്കൽ, നൈനാൻ മാത്തുള്ള, ജോസഫ് തച്ചാറ, ജീമോൻ റാന്നി തുടങ്ങിയവർ വർക്ഷോപ്പിൽ പങ്കടുക്കുകയും ആശംസകൾ നേർന്നു സംസാരിക്കുകയും ചെയ്തു.

ഒരിക്കലും മറക്കരുതാത്ത മാധ്യമ ദൗത്യങ്ങൾ എന്തൊക്കെയെന്ന് ഈശോ ജേക്കബ് ഓർമിപ്പിച്ചു.

യൂണിവേഴ്സിറ്റി ഓഫ് ഹൂസ്റ്റൺ പ്രൊഫസർ സരിത മേത്ത, ഡോക്ടർ ഈപ്പൻ ഡാനിയേൽ എന്നിവരും ആശംസകൾ നേർന്നു. ജേക്കബ് കുടശ്ശനാടും കുടുംബവും ലഞ്ച് നൽകി.

ഐഎപിസി ഹൂസ്റ്റൺ ചാപ്റ്റർ ട്രീസറെർ സംഗീത ഡുവ സ്വാഗതവും, സെക്രട്ടറി റോയ് തോമസ് നന്ദിയും പറഞ്ഞു.

കൂടുതൽ വിവരങ്ങൾക്ക്: സി.ജി ഡാനിയേൽ (പ്രസിഡണ്ട്) 832-641-7119, റോയ് തോമസ് (സെക്രട്ടറി) 832-768-2860, സംഗീത ദുവാ (ട്രഷറർ ) 832-252-7272. email contact: cgdaniel1956@yahoo.com

ജീമോൻ റാന്നി

ക്രൈസ്തവര്‍ സുവിശേഷം പങ്കുവെയ്ക്കാന്‍ വിളിക്കപ്പെട്ടവര്‍: മാര്‍ ജേക്കബ് അങ്ങാടിയത്ത്

ഷിക്കാഗോ: ക്രിസ്തുവിന്റെ സുവിശേഷം തങ്ങളുടെ ജീവിതത്തില്‍ പ്രാവര്‍ത്തികമാക്കി, അതിന്റെ സന്തോഷം മറ്റുള്ളവരുമായി പങ്കുവെച്ച്, വിശുദ്ധരെ അനുകരിച്ച് സുവിശേഷം പ്രായോഗികതയില്‍ എത്തിക്കാന്‍ ക്രൈസ്തവര്‍ക്ക് കടമയുണ്ടെന്ന് മാര്‍ ജേക്കബ് അങ്ങാടിയത്ത് പ്രസ്താവിച്ചു. മാര്‍ച്ച് 24-നു ശനിയാഴ്ച ഷിക്കാഗോ സീറോ മലബാര്‍ കത്തീഡ്രല്‍ ഹാളില്‍ നടന്ന രൂപതാ പാസ്റ്ററല്‍ കൗണ്‍സിലിന്റെ രണ്ടാമത് സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു ബിഷപ്പ്.

രൂപതയുടേയും ഇടവകയുടേയും ആത്മീയവും ഭൗതീകവുമായ വളര്‍ച്ചയില്‍ നിര്‍ണ്ണായകമായ പങ്കുവഹിക്കാന്‍ പാസ്റ്ററല്‍ കൗണ്‍സില്‍ അംഗങ്ങള്‍ക്ക് ചുമതലയുണ്ടെന്നു സഹായ മെത്രാന്‍ മാര്‍ ജോയി ആലപ്പാട്ട് തന്റെ സ്വാഗത പ്രസംഗത്തില്‍ ഓര്‍മ്മപ്പെടുത്തി.

ഡോ. ജെയ്‌സി ജോസഫ് ക്ലാസ് നയിച്ചു. ഗ്രൂപ്പ് ചര്‍ച്ചയ്ക്ക് വികാരി ജനറാള്‍ റവ.ഫാ. അഗസ്റ്റിന്‍ പാലയ്ക്കാപ്പറമ്പില്‍ നേതൃത്വം നല്‍കി. റവ.സി. നിര്‍മ്മല ഡി.എസ്.ടി ആമുഖ പ്രാര്‍ത്ഥന നയിച്ചു.

രൂപതാ യൂത്ത് അപ്പസ്‌തോലേറ്റിന്റെ പ്രവര്‍ത്തനങ്ങളെ സംബന്ധിച്ച് നാഷണല്‍ ടീം അംഗങ്ങളും, എസ്.എം.സി.സിയുടെ പ്രവര്‍ത്തനങ്ങളെ സംബന്ധിച്ച് മേഴ്‌സി കുര്യാക്കോസും വിശദീകരിച്ചു.

രൂപതയുടെ വരവു ചെലവു കണക്കുകള്‍ രൂപതാ പ്രൊക്യുറേറ്റര്‍ യോഗത്തെ അറിയിച്ചു. ഫാമിലി അപ്പസ്‌തൊലേറ്റിന്റെ പ്രവര്‍ത്തനങ്ങളെ സംബന്ധിച്ച് ഫാ. പോള്‍ ചാലിശേരിയും തോമസ് പുളിക്കലും സംസാരിച്ചു.

സമാപന സമ്മേളനത്തിനു മുമ്പായി ഡോ. പോള്‍ ചെറിയാന്‍, വികാരി ജനറാള്‍ റവ.ഫാ. തോമസ് മുളവനാല്‍ എന്നിവര്‍ പ്രസംഗിച്ചു.

മാര്‍ ജേക്കബ് അങ്ങാടിയത്തിന്റേയും, മാര്‍ ജോയി ആലപ്പാട്ടിന്റേയും ആശീര്‍വാദ പ്രാര്‍ത്ഥനയോടെ യോഗം സമാപിച്ചു. പാസ്റ്ററല്‍ കൗണ്‍സില്‍ സെക്രട്ടറി എബിന്‍ കുര്യാക്കോസ്, രൂപതാ ചാന്‍സിലര്‍ റവ.ഫാ. ജോണിക്കുട്ടി പുലിശേരി എന്നിവര്‍ പരിപാടികള്‍ക്കു നേതൃത്വം നല്‍കി.

ജോയിച്ചന്‍ പുതുക്കുളം

“മാന്ത്രികച്ചെപ്പ്’ മനോജ് കരാത്ത പ്ലാറ്റിനം സ്‌പോണ്‍സര്‍

ടൊറന്റോ: സെന്റ് മേരീസ് ക്‌നാനായ ഇടവകയുടെ ആഭിമുഖ്യത്തില്‍ ന്യൂയോര്‍ക്ക് താളലയം അവതരിപ്പിക്കുന്ന മ്യൂസിക്കല്‍ ഡ്രാമ “മാന്ത്രികച്ചെപ്പ്’ 2018 മെയ് 12-നു മൈക്കിള്‍ പവര്‍ ആന്‍ഡ് സെന്റ് ജോസഫ് സെക്കന്‍ഡറി സ്കൂളില്‍ (105 Eringate Drive, Etobicoke, Ontario, M9C327) വച്ചു നടത്തുന്നു.

കാനഡയിലെ പ്രമുഖ റിയല്‍ട്ടറായ മനോജ് കരാത്ത ആണ് ഈ സംരംഭത്തിന്റെ പ്ലാറ്റിനം സ്‌പോണ്‍സര്‍. സെന്റ് മേരീസ് ക്‌നാനായ ഇടവക വികാരി ഫാ. പത്രോസ് ചമ്പക്കര മനോജ് കരാത്തയെ യോഗത്തില്‍ പ്രത്യേകം അഭിനന്ദിക്കുകയും, തുടര്‍ന്ന് മനോജ് സെന്റ് മേരീസ് ക്‌നാനായ പാരീഷിനു എല്ലാവിധ സഹായ സഹകരണങ്ങളും വാഗ്ദാനം ചെയ്യുകയും ചെയ്തു.

2018 മെയ് 12-ന് നടത്തപ്പെടുന്ന ഈ പരമ്പരാഗത കലാരൂപത്തെ ഏറെ പ്രതീക്ഷയോടെയാണ് കാനഡയിലെ ജനങ്ങള്‍ കാത്തിരിക്കുന്നത്. അമേരിക്കയില്‍ നിരവധി വേദികളില്‍ മനോഹരമായി അവതരിപ്പിക്കപ്പെട്ട ഈ മ്യൂസിക്കല്‍ ഡ്രാമ കാനഡയില്‍ ആദ്യമായി കൊണ്ടുവരുവാന്‍ സാധിച്ചത് സെന്റ് മേരീസ് ക്‌നാനായ ചര്‍ച്ചിനെ സംബന്ധിച്ച് വളരെ അഭിമാനകരമാണ്.

പരിപാടിയുടെ പ്ലാറ്റിനം സ്‌പോണ്‍സറായ മനോജ് കരാത്തയും അതുപോലെ ഇതിന്റെ വിജയത്തിനായി സഹകരിച്ച എല്ലാ സ്‌പോണ്‍സര്‍മാരേയും സെന്റ് മേരീസ് ക്‌നാനായ ഇടവക വികാരി ഫാ പത്രോസ് ചമ്പക്കര ഹൃദയത്തിന്റെ ഭാഷയില്‍ നന്ദി പറഞ്ഞു. ഈ സംരംഭത്തിന്റെ ടിക്കറ്റ് ഇടവകയിലെ എല്ലാ പാരീഷ് കൗണ്‍സില്‍ അംഗങ്ങളുടെ പക്കല്‍ നിന്നും ലഭ്യമാണ്.

കൂടുതല്‍ വിവരങ്ങള്‍ക്ക്: ഫാ. പത്രോസ് ചമ്പക്കര (647 711 8918), ജോസ്‌മോന്‍ മാണി പൂഴിക്കുന്നേല്‍ (647 770 8149), സന്തോഷ് മേക്കര (647 762 8533), ലിന്‍ഡാ മരങ്ങോട്ടില്‍ (647 823 7197).

ജോയിച്ചന്‍ പുതുക്കുളം

എന്‍ എസ് എസ് ഓഫ് നോര്‍ത്ത് അമേരിക്ക ഹൃസ്വചിത്ര മത്സരം നടത്തുന്നു

ചിക്കാഗോയില്‍ ആഗസ്ത് 10 മുതല്‍ 12 വരെ നടക്കുന്ന 2018 നായര്‍ സംഗമത്തിന് മുന്നോടിയായി ഷോര്‍ട് ഫിലിം കോംപറ്റീഷന്‍ നടത്തുന്നു .നോര്‍ത്ത് അമേരിക്കയില്‍ അടുത്ത കാലത്തു സിനിമാ രംഗത്ത് കടന്നു വരുന്ന പ്രതിഭകളെ പ്രോത്സാഹിപ്പിക്കുക എന്ന ഉദ്ദേശത്തോടു കൂടിയാണ് ഇത് സംഘടിപ്പിക്കുന്നതെന്നു പ്രസിഡന്റ് എം എന്‍ സി നായര്‍ അറിയിച്ചു.

മികച്ച ചിത്രം ,മികച്ച സംവിധായകന്‍ എന്നിവര്‍ക്ക് കണ്‍വന്‍ഷന്‍ വേദിയില്‍ അവാര്‍ഡ് നല്‍കി ആദരിക്കും .ചിത്രങ്ങള്‍ 2018 ജൂണ്‍ 15 നു മുന്‍പ് സമര്‍പ്പിക്കണമെന്നു ശ്രീ ജയന്‍ മുളങ്ങാട് അറിയിച്ചു .ഇംഗ്ലീഷ് ,മലയാളം ഭാഷകളിലുള്ള ചിത്രങ്ങള്‍ പരിഗണിക്കും .മികച്ച ചിത്രം കണ്‍വെന്‍ഷനില്‍ പ്രദര്‍ശിപ്പിക്കും. രഞ്ജിത് നായര്‍ അറിയിച്ചതാണിത്.

ജോയിച്ചന്‍ പുതുക്കുളം

കൊച്ചി ബ്ലസിംഗ് സെന്ററില്‍ അനുഗ്രഹീത ദുഖവെള്ളി ആചരണം

ലോക രക്ഷകനായ ക്രിസ്തുവിന്റെ പീഢാനുഭവങ്ങളേയും കുരിശു മരണത്തേയും രക്ഷാസമൃദ്ധമായ ഉയിര്‍പ്പ് പെരുന്നാളും ലോകമെമ്പാടും ആചരിക്കുന്ന ഈ വിശുദ്ധവാരത്തില്‍ കേരളത്തിന്റെ സാമ്പത്തിക തലസ്ഥാനമായ കൊച്ചി നഗരത്തിലെ ബ്ലെസിംഗ് സെന്ററില്‍ മാര്‍ച്ച് 30-ന് അനുഗ്രഹീത ദുഖവെള്ളിയാചരണം നടത്തുന്നു. ബ്ലെസിംഗ് സെന്ററില്‍ നടക്കുന്ന ഏറ്റവും വലിയ പ്രാര്‍ത്ഥനാ ശുശ്രൂഷയാണ് ദുഖവെള്ളിയാചരണം. കേരളത്തിലെ വിവിധ ഭാഗങ്ങളില്‍ നിന്നും ആയിരക്കണക്കിനു വിശ്വാസികളാണ് ഈ ആരാധനയില്‍ പങ്കെടുക്കുന്നത്.

ബ്ലെസിംഗ് ടുഡേ ടിവി പ്രോഗ്രാം, ബ്ലെസിംഗ് ഫെസ്റ്റിവല്‍ എന്നിവയിലൂടെ ലോകമെമ്പാടുമുള്ള മലയാളികള്‍ക്ക് സുപരിചിതരാണ് ബ്രദര്‍ ഡാമിയനും, സിസ്റ്റര്‍ ക്ഷമാ ഡാമിയനും.

പ്രമുഖ ക്രൈസ്തവ ടെലിവിഷന്‍ ചാനലായ പവര്‍ വിഷന്‍, ഹാര്‍വെസ്റ്റ് ടിവി, സെക്കുലര്‍ ടിവി ചാനലായ സൂര്യ എന്നിവയിലൂടെ എല്ലാ ദിവസവും ബ്രദര്‍ ഡാമിയനും, സിസ്റ്റര്‍ ക്ഷമാ ഡാമിയനും ലക്ഷക്കണക്കിനു ജനങ്ങളോട് ദൈവവചനം ശുശ്രൂഷിക്കുന്നു.

അമേരിക്കയില്‍ ന്യൂയോര്‍ക്ക്, ലോസ്ആഞ്ചലസ്, സാന്‍ഫ്രാന്‍സിസ്‌കോ, സൗത്ത് കരോളിന, ചിക്കാഗോ, ഡാലസ്, ഹൂസ്റ്റണ്‍, ഫിലാഡല്‍ഫിയ എന്നീ പ്രധാന നഗരങ്ങളില്‍ ഇരുവരും ശുശ്രൂഷിച്ചിട്ടുണ്ട്.

ജാതി മത സഭാ വ്യത്യാസമില്ലാതെ ഏവര്‍ക്കും ദുഖവെള്ളിയാചരണത്തിലേക്ക് സ്വാഗതം. ഹാര്‍വെസ്റ്റ് ടിവി ഗുഡ് ഫ്രൈഡേ സര്‍വീസ് ലൈവ് ടെലികാസ്റ്റ് ചെയ്യുന്നതാണ്. കൂടാതെ www.blessingtoday.tv-യിലൂടെയും കാണുവാന്‍ സാധിക്കും.

ജോയിച്ചന്‍ പുതുക്കുളം

റോക്ക് ലാന്‍ഡ് സീറോ മലബാര്‍ സെന്റ് മേരീസ് പള്ളിയില്‍ യേശുവിന്റെ തിരുസ്വരൂപം പ്രദക്ഷണത്തിന്

ന്യുയോര്‍ക്ക്: റോക്ക് ലാന്‍ഡ് വെസ്ലി ഹിത്സിലുള്ള സെന്റ് മേരീസ് സീറോ മലബാര്‍ ദേവാലയത്തില്‍ ദുഖവെള്ളിയാഴ്ച ഏതാനും ഇടവകക്കാരുടെ സംഭാവനയായ യേശുവിന്റെ തിരുസ്വരൂപം ആദ്യമായി പ്രദക്ഷണത്തില്‍ ആനയിക്കും.

ജെയിംസ് കാനാച്ചേരിയുടെ നേത്രുത്വത്തിലാണു ആറടിയുള്ളതിരുസ്വരൂപം കേരളത്തില്‍ നിന്നു കൊണ്ടു വന്നത്. ഒറ്റ തടിയില്‍ കൊത്തിയെടുത്തതാണു എതാണു പ്രത്യേകത. ചമ്പക്കുളത്തായിരുന്നു തിരുസ്വരൂപം നിര്‍മ്മിച്ചത്.

ദുഖവെള്ളിയാഴ്ച വൈകിട്ട് ആറു മണിക്കുള്ള തിരുക്കര്‍മ്മങ്ങളോടനുബന്ധിച്ച് രൂപത്തിന്റെ വെഞ്ചരിപ്പും നടക്കും. പ്രക്ഷണത്തിനു ശേഷം തിരുസ്വരൂപ ചുംബനം.തുടര്‍ന്ന് രൂപം പള്ളിയില്‍ സ്ഥാപിക്കും.

വിശുദ്ധ വാരത്തിലെ പ്രധാന ദിനങ്ങളില്‍ പള്ളിയില്‍ ഒരേ സമയം ഇംഗ്ലീഷിലും മലയാളത്തിലുമുള്ള വി. കുര്‍ബാന ഉണ്ടായിരിക്കുമെന്ന് വികാരി ഫാ. തദ്ദേവുസ് അരവിന്ദത്ത് അറിയിച്ചു. പള്ളി ഹാളില്‍ നടക്കുന്ന മലയാളത്തിലുള്ള വി. കുര്‍ബാനക്കുഫാ. ഫ്രാന്‍സിസ് നമ്പ്യാപറമ്പില്‍ കാര്‍മ്മികത്വം വഹിക്കും. സോഷ്യല്‍ ഹാളില്‍ സീറോ മലബാര്‍ ക്രമത്തിലുള്ള ഇംഗ്ലീഷ് കുര്‍ബാനക്കു വികാരി ഫാ. തദ്ദേവുസ് കാര്‍മ്മികത്വം വഹിക്കും.

പെസഹ വ്യാഴാഴ്ച തിരുക്കര്‍മങ്ങള്‍ വൈകിട്ട് 8 മണിക്കു ആരംഭിക്കും. ദുഖവെള്ളിയാഴ്ച വൈകിട്ട് 6 മണി.

ദുഖശനി രാവിലെ 10:30നു പള്ളിയില്‍ മലയാളം കുര്‍ബാന. വൈകിട്ട് 7:30നു ഈസ്റ്റര്‍ വിജില്‍
ഈസ്റ്റര്‍ ഞായറാഴ്ച രാവിലെ 11 മണിക്ക് പള്ളിയില്‍ മലയാളം കുര്‍ബാന.

സൗഹൃദ ബന്ധങ്ങള്‍ കൈമുതലായി ഫിലിപ്പ് ചെറിയാന്‍ ഫോമാ വൈസ് പ്രസിഡന്റ് സ്ഥാനത്തേക്ക്

ന്യൂയോര്‍ക്ക്: ഫോമാ വൈസ് പ്രസിഡന്റായി മത്സരിക്കുന്ന ഫിലിപ്പ് ചെറിയാന്‍ (സാം) ഫോമയുടെ തുടക്കം മുതല്‍ സജീവമായി സംഘടനയില്‍ പ്രവര്‍ത്തിക്കുന്നു.

അധികാര മോഹമോ അംഗീകാരത്തിനുള്ള താല്പര്യമോ ഇല്ലാതെ സംഘടനാ പ്രവര്‍ത്തനം മാത്രം എന്നും ലക്ഷ്യമിട്ട ഫിലിപ്പ് ചെറിയാന്‍ മുതിര്‍ന്ന നേതാക്കളുടെ അഭ്യര്‍ഥനയെത്തുടര്‍ന്നാണു ഇലക്ഷന്‍ രംഗത്തേക്കു വന്നത്. മറ്റുള്ളവര്‍ക്കെതിരെ ആക്ഷേപങ്ങള്‍ ചൊരിഞ്ഞുള്ള പ്രചാരണത്തിലൊന്നും താല്പര്യമില്ലെന്നു പറയുന്ന ഫിലിപ്പ് ചെറിയാന്‍ വിജയ പരാജയങ്ങളെ ഒരേ മനസൊടെ സ്വീകരിക്കുന്ന വ്യക്തിയാണു താനെന്നും പറഞ്ഞു. എന്നു കരുതി മത്സര രംഗത്തു നിന്നു പിന്മാറാനൊന്നും ഒരുക്കമല്ല.

മുന്നു പതിറ്റാണ്ടായിന്യൂയോര്‍ക്കില്‍ റോക്ക് ലാന്‍ഡില്‍ താമസിക്കുന്ന സാം ബിസിനസ് അടക്കം വിവിധ കര്‍മ്മരംഗങ്ങളില്‍ പ്രവര്‍ത്തിച്ചു.

പാലാ സെന്റ് തോമസില്‍ നിന്നു ബോട്ടണി ബിരുദവും പിന്നീട് ഇംഗ്ലീഷ് ലിറ്ററേച്ചറില്‍ മാസ്‌റ്റേഴ്‌സും നേടിയ സാം അമേരിക്കയില്‍ വന്ന ശേഷവും ബിരുദങ്ങള്‍ നേടി. അതിനു പുറമെ ആള്‍ട്രാ സൗണ്ട് ടെക്‌നോളജി (ടെക്‌നോളജിസ്റ്റ്) അസോസിയേറ്റ് ഡിഗ്രിയും. മരണം വരെ വിദ്യാര്‍ത്ഥി ആയിരിക്കുമെന്ന് പറയാറുള്ള സാം ഇപ്പോഴും പുതിയ വിഷയങ്ങള്‍ പഠിക്കാനും ഡിഗ്രി എടുക്കാനും തല്പരനാണ്.

അവിഭക്ത ഫൊക്കാനയില്‍ പ്രവര്‍ത്തനം ആരംഭിച്ച സാം വലിയ സുഹ്രുദ്ബന്ധത്തിനുടമയാണ്. ഏതു സമയത്തും സുഹൃത്തുക്കളോടൊപ്പം ചെലവിടാനും അവരുടെ സന്തോഷത്തിലും ദുഃഖത്തിലും പങ്കുചേരാനും സമയം കണ്ടെത്തുന്ന ചുരുക്കം ചില മലയാളികളിലൊരാള്‍. വോളിബോള്‍ താരമായിരുന്ന പരേതനായ ജിമ്മി ജോര്‍ജ് സഹപാഠിയായിരുന്നു. അക്കാലത്ത് അവിടെ പഠിച്ച അദ്ദേഹത്തിന്റെ ജേഷ്ഠന്‍ ജോസ് ജോര്‍ജ് (ഐ. ജി), ഗോപിനാഥ് (ഐ. ജി) എന്നിവര്‍ അടുത്ത സുഹൃത്തുക്കളായി ഇപ്പോഴും തുടരുന്നതിനും മറ്റൊരു കാരണമില്ല. സെന്റ് തോമസിന്റെ സുവര്‍ണ കാലമെന്നാണു ആ കാലം അറിയപ്പെടുന്നത്. (19701975)

മൂന്നു വര്‍ഷം സെന്റ് തോമസിലെ ഫുട്‌ബോള്‍ ക്യാപ്റ്റനായിരുന്നു. ഗായകന്‍ കൂടിയായ ഫിലിപ്പ് ചെറിയാന്‍ കലാകാരനും സഹൃദയനും ആണ്. നാട്ടില്‍ നിന്ന് വരുന്ന കലാകാരന്മാരും ഗായകരും മിക്കപ്പോഴും അദ്ദേഹത്തിന്റെ വീട്ടില്‍ വന്നുപാടുന്നു. പാടാനായി ഒരു സൗണ്ട് സിസ്റ്റം തന്നെ വീട്ടില്‍ ഒരുക്കിയിട്ടുണ്ട്. പാല സെന്റ് തോമസ് കോളേജില്‍ പഠിക്കുന്ന കാലത്തു സ്‌റ്റേജുകളില്‍ നിറ സാന്നിധ്യമായിരുന്നു.

ഹഡ്‌സണ്‍ വാലി മലയാളി അസോസിയേഷന്‍, മലയാളി അസോസിയേഷന്‍ ഓഫ് റോക്ക് ലാന്‍ഡ് കൗണ്ടി (മാര്‍ക്) റോക്ക് ലാന്‍ഡ് മലയാളി അസോസിയേഷന്‍ (റോമ) എന്നീ സംഘടനകളുടെ സ്ഥാപക അംഗവും റോമ അസോസിയേഷന്റെ ട്രസ്റ്റി ബോര്‍ഡ് ചെയര്‍മാനുമാണ്.

നല്ല ക്രുഷിക്കാരന്‍ കൂടിയാണു ഫിലിപ്പ് ചെറിയാന്‍. വീടിനു ചുറ്റുമുള്ള കൃഷിത്തോട്ടം, പൂന്തോട്ടം എന്നിവ ഏറെ ശ്രദ്ധ പിടിച്ചു പറ്റിയിട്ടുണ്ട്.

വൈസ് പ്രസിഡന്റായാല്‍ സംഘടനക്കു വേണ്ടി മുഴുവന്‍ സമയവും ചെലവഴിക്കുമെന്നു സാം ഉറപ്പു പറയുന്നു. ആരുമൊത്തും പ്രവര്‍ത്തിക്കുന്നതിനു ബുദ്ധിമുട്ടില്ല. അതിനാല്‍ തന്നെ ഒരു പാനലുമായും ബന്ധമില്ല.

ഭാര്യ ആനി ഫിലിപ്പ് വെസ്റ്റ്‌ചെസ്റ്റര്‍ മെഡിക്കല്‍ സെന്ററില്‍ 28 വര്‍ഷമായി മെഡിക്കല്‍ ടെക്‌നോളജിസ്‌ററായി ജോലി ചെയ്യുന്നു. മൂത്തമകന്‍ ഷെറിന്‍ ഫിലിപ്പ് സി.പി.എ, െ്രെപസ് വാട്ടര്‍ കൂപ്പേഴ്‌സില്‍ സീനിയര്‍ അകൗണ്ടെന്റാണ്. ഇളയ മകന്‍ ഷിനു ഫിലിപ്പ് വിദ്യാര്‍ഥി.

സുഹൃത്ബന്ധങ്ങള്‍ വോട്ടായി മാറുമ്പോള്‍ ഫിലിപ്പ് ചെറിയാന്‍ വൈസ് പ്രസിഡന്റ് ആകാന്‍ മറ്റു പ്രതിബന്ധങ്ങള്‍ ഇല്ല. എല്ലാവരുടെയും സഹകരണവും വോട്ടും നല്‍കണമെന്നു ഫിലിപ്പ് ചെറിയാന്‍ അഭ്യര്‍ഥിക്കുന്നു.

ജോയിച്ചന്‍ പുതുക്കുളം

കനേഡിയന്‍ മലയാളി നഴ്‌സസ് അസോസിയേഷന്‍ ആനുവല്‍ ഡിന്നര്‍ & റെക്കഗ്‌നേഷന്‍ നൈറ്റ് ഏപ്രില്‍ 21-ന്

കാനഡയിലെ മലയാളി നേഴ്‌സുമാരുടെയും കുടുംബാംഗങ്ങളുടെയും സുഹൃത്തുക്കളുടെയും കൂട്ടായ്മയായ കനേഡിയന്‍ മലയാളി നഴ്‌സസ് അസോസിയേഷന്‍ (സി.എം.എന്‍.എ)യുടെ ഈ വര്‍ഷത്തെ ഡിന്നര്‍ & റെക്കഗ്‌നേഷന്‍ നൈറ്റ് ഏപ്രില്‍ 21-ാം തീയതി ശനിയാഴ്ച വൈകിട്ട് 6:00 ന് മിസിസ്സാഗായിലെ നാഷണല്‍ ബാങ്ക്വറ്റ് ഹാളില്‍ (7355 TORBRAM RD) വച്ച് നടക്കും. ഈ വര്‍ഷത്തെ ഡിന്നര്‍ നൈറ്റിലെ മുഖ്യാതിഥി എം. പി. Iqva Khalid ആണ്.

കഴിഞ്ഞ അഞ്ച് വര്‍ഷമായി കനേഡിയന്‍ മലയാളി സമൂഹത്തിലെ നിറസാന്നിദ്ധ്യമായി മാറിക്കഴിഞ്ഞ ഇങചഅ നടത്തുന്ന സാമൂഹിക, സാംസ്ക്കാരിക, സാമ്പത്തിക, ആരോഗ്യ മേഖലകളിലെ പ്രവര്‍ത്തനം മലയാളി സമൂഹത്തിനാകമാനം പ്രയോജനം ചെയ്യുന്ന Health Information Session, Canadian Blodd Donation Drives പുതുതായി എത്തുന്ന നേഴ്‌സുമാര്‍ക്കായി നടത്തുന്ന മാര്‍ഗ്ഗനിര്‍ദ്ദേശ ക്ലാസ്സുകള്‍, Tips for success in interviews എന്ന ഉദ്യോഗാര്‍ത്ഥികള്‍ക്കായുള്ള പ്രോഗ്രാമും ഇതില്‍ ചിലതു മാത്രമാണ്.

International Nursing Studentsനു വേണ്ടി “The right way to choose your future studies” എന്നതിനെപ്പറ്റി Conestoga College of Nursing Faculty Lecuturer ആയ ജ്യോതിസ് സജീവ് നയിക്കുന്ന സെഷനും CMNA മുന്‍ ജോയിന്റ് സെക്രട്ടറിയും Regional Nursing Director ആയ SebastianThottiyal Johny നയിക്കുന്ന “Possibilities of findings Jobs in the out skirts of ostario for new arrivals” എന്ന സെഷനും ഈ വര്‍ഷത്തെ ഡിന്നര്‍ നൈറ്റിന്റെ പ്രത്യേകതകള്‍ ആണ്.

Canadian Malayalee Nurses Association International Nursing Students-നായി ഏര്‍പ്പെടത്തുന്ന V. Rev. P. C. Stephen Cor Episcopa Memmorial Scholarship–കള്‍ ഡിന്നര്‍ നൈറ്റില്‍ പങ്കെടുക്കുന്ന ഇന്റര്‍നാഷണല്‍ സ്റ്റുഡന്റ്‌സിനെ മാത്രം പങ്കെടുപ്പിച്ചു നടത്തുന്ന റാഫിളില്‍ നിന്നും തിരഞ്ഞെടുക്കുന്നരണ്ട് വിദ്യാര്‍ത്ഥികള്‍ക്ക് വിതരണം ചെയ്യുന്നതുമാണ്. രണ്ട് വിദ്യാര്‍ത്ഥികളെ ഇതിലേക്ക് തിരഞ്ഞെടുത്തതാണ്.

കാനഡയില്‍ ദീര്‍ഘകാലം സേവനം ചെയ്തു വിരമിച്ച നഴ്‌സുമാരെ ചടങ്ങില്‍ വച്ച് ആദരിക്കും. കനേഡിയന്‍ ഗവണ്‍മെന്റിന്റെ ആ ഭരണപത്രം ആദരിക്കപ്പെടുന്നവര്‍ക്ക് കൈമാറും.

ഇതിനോടകം കേരളത്തിലേയും കാനഡയിലേയും നിരവധി സാമൂഹിക സംഘടനകള്‍ക്ക് സഹായങ്ങള്‍ നല്‍കുവാന്‍ കഴിഞ്ഞു എന്നതില്‍ ഇങചഅ ഭാരവാഹികള്‍ സന്തുഷ്ടരാണ്. മെമ്പര്‍ഷിപ്പ് ഫീ ഇല്ലാത് കാനഡയിലെ ബിസിനസ് സമൂഹത്തിന്റെ പിന്‍തുണയോട് CMNA പുരോഗതിയുടെ പാതയില്‍ മുന്നേറുന്നു.

Air route travel and tours INC-മായി സഹകരിച്ച് പ്രത്യേക കിഴിവില്‍ ടൂര്‍ പാക്കേജുകളും, ചorth wood mortgage മായി സഹകരിച്ച് First home byuersþനായി കുറഞ്ഞ പലിശനിരക്കില്‍ mortgage-തരപ്പെടുത്തുക, Home Life Miracle Realty Ltd-മായി സഹകരിച്ച് എന്ന പരിപാടിയും നടന്നുവരുന്നു. പ്രത്യേക പാക്കേജുമായി Delight shade systems-ന്റെ Solution foryour windowsþഉം നഴ്‌സുമാര്‍ക്കും പൊതുസമൂഹത്തിനും സേവനം നല്‍കാന്‍ മുന്നോട്ടു വന്നിട്ടുണ്ട്.

നഴ്‌സുമാരും കുടുംബാംഗങ്ങളും അവതരിപ്പിക്കുന്ന കലാ പരിപാടികള്‍ ഡിന്നര്‍ നൈറ്റിന്റെ മാറ്റു കൂട്ടും. കഴിഞ്ഞ അഞ്ചു വര്‍ഷമായി CMNA-യുടെ Mega Sporsors- Faith Physiotherapy & Wellness center-1965 Cottcelle (cottrelle) Blvd, Brampton ആണ്. ഈ വര്‍ഷത്തെ sponsorship Envelope- Proprieter Jojan Thomas ല്‍ നിന്നും CMNA-യ്ക്കു വേണ്ടി സോജിന്‍ മേരി വര്‍ഗീസ് ഏറ്റുവാങ്ങി.

ജോയിച്ചന്‍ പുതുക്കുളം

ഫ്‌ളവേഴ്‌സ് ടിവി യു.എസ്.എ ആനിവേഴ്‌സറി മെഗാഷോ ചിക്കാഗോയില്‍

ചിക്കാഗോ: അമേരിക്കന്‍ മലയാളികളുടെ വിശ്രമവേളകള്‍ വര്‍ണ്ണാഭമാക്കി ഫ്‌ളവേഴ്‌സ് യു എസ് എയുടെ ജൈത്രയാത്ര ഒരു വര്‍ഷം പിന്നിടുന്നു. ഒന്നാം വാര്‍ഷികാഘോഷങ്ങളുടെ ഭാഗമായി മെഗാ സ്റ്റാര്‍ ഷോയാണ് ഫ്‌ളവേഴ്‌സ് യുഎസ്എ ഒരുക്കുന്നത്. ഏപ്രില്‍ 27 വെള്ളിയാഴ്ച വൈകുന്നേരം 7.30 മുതല്‍ ചിക്കാഗോയിലെ ജെയിന്‍ സെന്റര്‍ ഓഡിറ്റോറിയത്തില്‍ (Bartlett, IL) വച്ചുനടക്കുന്ന ആനിവേഴ്‌സറി ഷോയില്‍ ചലച്ചിത്ര സംവിധായകന്‍ ഷാഫിയുടെ നേതൃത്വത്തില്‍ ബിജു മേനോന്‍, മിയ ജോര്‍ജ്, കലാഭവന്‍ ഷാജോണ്‍, ഗായത്രി സുരേഷ്, ശ്വേത മേനോന്, സാജു നവോദയ, നജിം ഹര്‍ഷാദ് എന്നിവര്‍ക്കൊപ്പം 25 ഓളം പ്രമുഖ താരങ്ങള്‍ പരിപാടിയില്‍ അണിനിരക്കും.

ഒരു വര്‍ഷത്തിനുള്ളില്‍ പ്രേക്ഷക മനസ്സുകളില്‍ പകരം വയ്ക്കാനാവാത്ത വിനോദ ചാനലായി മാറിയ ഫ്‌ളവേസ്സിന്റെ വിജയമധുരം പങ്കുവയ്ക്കുവാന് ചലച്ചിത്ര രംഗത്തെ പ്രമുഖരോടൊപ്പം അമേരിക്കയിലെ വിവിധ സംസ്ഥാനങ്ങളില് നിന്നുള്ള നിരവധി വിശിഷ്ടാതിഥികളും എത്തിച്ചേരും. ഈ ആഘോഷ രാവിലേക്ക് ഏവരെയും സ്വാഗതം ചെയ്യുന്നു.

കൂടുതല്‍ വിവരങ്ങള്‍ക്ക്: ബിജു സഖറിയ 847 630 6462, ഡോ. ജോ ജോര്‍ജ് 224 381 2174, സിജോ വടക്കന്‍ 512 740 2262, ടി.സി ചാക്കോ 214 682 7672, അജികുമാര്‍ ഭാസ്കരന്‍ 630 917 3499, സിമി ജെസ്റ്റോ 773 677 3225, ഷിജി അലക്‌സ് 224 436 9371, റീനു പിള്ള 630 345 0328, വന്ദന മാളിയേക്കല്‍ 847 977 4840, റീബി ഷാജി 630 696 1458, ലിഷാ വര്‍ഗീസ് 630 217 5474, സരള വര്‍മ്മ 847 660 4632, പ്രവീണ റാം 952 456 1329, ടോണി മാത്യു 630 863 5683, നിമ മോണിഷ് 404 908 7165.

ജോയിച്ചന്‍ പുതുക്കുളം

ഡിട്രോയിറ്റ് സെന്റ് .മേരീസ് ക്‌നാനായ കത്തോലിക്കാ ഇടവകയില്‍ വാര്‍ഷിക കുടുംബ ധ്യാനം നടത്തപ്പെട്ടു

ഡിട്രോയിറ്റ്: 25 വര്‍ഷമായി സാര്‍വത്രിക സഭക്ക് വളരെ സ്തുത്യര്‍ഹമായ സേവനം ചെയ്യുന്ന ക്രിസ്റ്റീന്‍ ടീമിന്റെ നേതൃത്വത്തില്‍ മാര്‍ച്ച് 22,25 വരെ വാര്‍ഷിക ധ്യാനം ഡിട്രോയിറ്റ് സെന്റ് മേരീസ് ക്‌നാനായ കത്തോലിക്കാ ഇടവകയില്‍ നടത്തപ്പെട്ടു .

റെവ ഫാ പീറ്റര്‍ റയാന്‍ S.J (SH Major seminary Dteroit ),മേരിക്കുട്ടി പി .വി ,ജാനിസ് ക്‌ളാര്‍ക് (റോസറി മിഷന്‍ ),സന്തോഷ് .ടി ,ജോസഫ് മേലൂക്കാരന്‍ ,ബിബി തെക്കനാട്ട് ,മാര്‍ട്ടിന്‍ മഞ്ഞപ്ര എന്നിവര്‍ കുട്ടികള്‍ക്കും മാതാപിതാക്കന്മാര്‍ക്കും ഒരു പോലെ ആത്മീയ വളര്‍ച്ചയില്‍ സഹായിക്കുന്ന ധ്യാനം നടത്തുവാന്‍ നേത്രത്വം നല്‍കി . ഇടവക വികാരി റെവ .ഫാ ബോബന്‍ വട്ടംപുറത്ത്, കൈക്കാരന്മാരായ ജോയി വെട്ടിക്കാട്ട് ,ജെയിസ് കണ്ണച്ചാന്‍പറമ്പില്‍ എന്നിവര്‍ പാരീഷ് കൗന്‍സില്‍ അംഗങ്ങളോടൊപ്പം ധ്യാനത്തിനായുള്ള ക്രമീകരണങ്ങള്‍ ചെയ്തു .
ജെയിസ് കണ്ണച്ചാന്‍പറമ്പില്‍ അറിയിച്ചതാണിത്.

ജോയിച്ചന്‍ പുതുക്കുളം