മികച്ച ട്രാക്ക് റിക്കോര്‍ഡുമായി ഷാജു സാം ഫൊക്കാന ട്രഷറര്‍ സ്ഥാനാര്‍ഥി

ന്യുയോര്‍ക്ക്: പത്തനംതിട്ട കാതോലിക്കേറ്റ് കോളജില്‍ വിദ്യാര്‍ഥിയായിരിക്കുമ്പോള്‍ 1984ല്‍ അമേരിക്കയിലെത്തിയ ഷാജു സാം ഇവിടെ എത്തിയ ഉടന്‍ ചെയ്തത് രണ്ടു കാര്യങ്ങളാണു. സിറ്റി യൂണിവേഴ്‌സിറ്റി ഓഫ് ന്യു യോര്‍ക്കിന്റെ ക്വീന്‍സ് കോളജില്‍ അക്കൗണ്ടിംഗ് ബിരുദത്തിനു ചേര്‍ന്നു. രണ്ടാമതായി അമേരിക്കയിലെ ഏറ്റവും വലുതും ആദ്യകാല സംഘടനകളിലൊന്നുമായ കേരള സമാജം ഓഫ് ഗ്രേറ്റര്‍ ന്യു യോക്കിന്റെ അംഗത്വമെടുത്തു.

മൂന്നു വര്‍ഷം കഴിഞ്ഞപ്പോള്‍ സംഘടനയുടെ സെക്രട്ടറിയായി തെരെഞ്ഞെടുക്കപ്പെട്ടു. അത്രയും ചെറുപ്പക്കാരനായ സെക്രട്ടറി ആദ്യമായിരുന്നു.

അന്നു സംഘടനയുടേ ഓഡിറ്റര്‍ ലീല മാരേട്ട് ആയിരുന്നു. ഇപ്പോള്‍ ലീല മാരേട്ട് ഫൊക്കാന പസിഡന്റായി മത്സരിക്കുമ്പോള്‍ ഷാജു സാം ട്രഷററായി രംഗത്തുണ്ട്. 30 വര്‍ഷം ഒരുമിച്ചുള്ള സംഘടനാ പ്രവര്‍ത്തനം ഇനിയും തുടരാന്‍ കഴിയുമെന്നത് ഒരു അനുഗ്രഹമായി ഇരുവരും കരുതുന്നു.
ഇതിനിടയില്‍ ടാക്‌സേഷനില്‍ മാസ്‌റ്റേഴ്‌സ് ബിരുദവും നേടിയ ഷാജു വാള്‍ സ്റ്റ്രീറ്റ് ലോ സ്ഥാപനത്തില്‍ അസി. കണ്ട്രോളര്‍ ആയി ജോലി ചെയ്യുന്നു. ബെല്‍റോസില്‍ സ്വന്തമായി അക്കൗണ്ടിംഗ്, ടാക്‌സ് പ്രാക്ടീസുമുണ്ട്.

ഒരു സംഘടനയുടെ ട്രഷര്‍ ആകാന്‍ ആവശ്യത്തിലേറെ യോഗ്യത ഉണ്ടെന്നു വ്യക്തം.
1994ല്‍ കേരള സമാജം പ്രസിഡന്റായി. അപ്പോഴും ആ സ്ഥാനത്തെത്തുന്ന ഏറ്റവും ചെറുപ്പക്കാരനായിരുന്നു. 2001 വീണ്ടും സെക്രട്ടറി. 2012ല്‍ബോര്‍ഡ് ഓഫ് ട്രസ്റ്റി ചെയര്‍. കഴിഞ്ഞ വര്‍ഷം വീണ്ടും പ്രസിഡന്റായി. ഇപ്പോള്‍ ട്രസ്റ്റി ബോര്‍ഡ് അംഗം.

ഇതിനു പുറമെ സാമുഹിക ആത്മീയ മേഖലകളിലും ഷാജു വ്യക്തിമുദ്ര പതിപ്പിച്ചു.വൈസ് മെന്‍സ് ഇന്റര്‍നാഷണലിന്റെ യു.എന്‍. പ്രോജക്ട് അംഗമായി നേത്രുതലത്തില്‍ പ്രവര്‍ത്തിക്കുന്നു. വൈസ് മെന്‍സ് നോര്‍ത്ത് അറ്റ്‌ലാന്റിക് റീജിയന്റ് റീജ്യണല്‍ ഡയറക്ടറായിരുന്നു 20152017 കാലത്ത്. മുഖ്യധാരയിലുള്ള ഒട്ടേറെ ചാപ്റ്ററുകളെ നയിക്കുന്നതിനു അത് അവസരമൊരുക്കി
മര്‍ത്തോമ്മാ സഭാ അസംബ്ലി അംഗവും മര്‍ത്തോമ്മാ നോര്‍ത്ത് അമേരിക്കന്‍യൂറോപ്പ് ഡയോസിസിന്റെ ധനകാര്യ ഉപദേശക സമിതി അംഗവുമായും സേവനമനുഷ്ടിച്ചു.

എക്യുമെനിക്കല്‍ രംഗത്തും ശ്രദ്ധേയമായ സംഭാവനകളര്‍പ്പിച്ചു. സെന്റ് തോമസ് എക്യുമെനിക്കല്‍ ഫെഡറെഷന്‍ ഓഫ് നോര്‍ത്ത് അമേരിക്കയുടെ ട്രഷറര്‍ ആയിരുന്നു.

കേരളത്തിലായിരുന്നപ്പോള്‍ ബാലജനസഖ്യം, കെ.എസ്.യു, യൂത്ത് കോണ്‍ഗ്രസ് എന്നിവയില്‍ സജീവമായി പ്രവര്‍ത്തിച്ചു. കൊടുമണ്‍ വികസന കമ്മിറ്റിയുടെയും കൊടുമണ്‍ മര്‍ച്ചന്റ്‌സ് അസോസിയേഷന്റെയുംസ്ഥാപക സെക്രട്ടറിയാണ്.

കോടുമണ്‍ ഓവില്‍ കുടുംബാംഗം. ഭാര്യ വിനി ഷാജു. മൂന്നു പുത്രന്മാര്‍, ഷെല്‍ വിന്‍, ഷോണ്‍, ഷെയ്ന്‍.

പതിറ്റാണ്ടുകളായി സംഘടനാ രംഗത്തു ലീല മാരേട്ടു നകുന്ന സംഭവനകള്‍ നേരിട്ടറിയാവുന്ന വ്യക്തി എന്ന നിലയില്‍ ഫൊക്കാനപ്രസിഡന്റ് സ്ഥാനത്തേക്ക് ഏറ്റവും അര്‍ഹയാണു അവര്‍ എന്നതില്‍ തനിക്കു സംശയമൊന്നുമില്ലെന്നു ഷാജുപറഞ്ഞു. ട്രാക്ക് റിക്കോര്‍ഡും പ്രവത്തന മികവുമുള്ള ലീല മാരേട്ട് നേത്ത്വത്തില്‍ വരുമ്പോള്‍ സംഘടന കൂടുതല്‍ കരുത്തു നേടും. പരിചയസമ്പത്തും സേവനതാല്പര്യവുമുള്ള ഷാജുവിനെട്രഷറര്‍ സ്ഥാനത്തേക്കു അവതരിപ്പിക്കുന്നതില്‍ സന്തോഷമുണെന്നു ലീല മാരേട്ട് പറഞ്ഞു.

Share This Post