ഫാമിലി / യൂത്ത് കോണ്‍ഫറന്‍സ്:വാഷിങ്ടന്‍ ഡിസിയിലെ ആറു പള്ളികള്‍ ടീം അംഗങ്ങള്‍ സന്ദര്‍ശിച്ചു

വാഷിങ്ടന്‍ ഡിസി : മലങ്കര ഓര്‍ത്തഡോക്‌സ് സഭ നോര്‍ത്ത് ഈസ്റ്റ് അമേരിക്കന്‍ ഭദ്രാസന ഫാമിലി / യൂത്ത് കോണ്‍ഫറന്‍സ് ടീം അംഗങ്ങള്‍ മേരിലാന്റ്, ബാള്‍ട്ടിമോര്‍, വിര്‍ജീനിയ ഇടവകകള്‍ മാര്‍ച്ച് 11 ന് സന്ദര്‍ശിച്ചു.

ഫിനാന്‍സ് / സുവനീര്‍ കമ്മിറ്റി ചെയര്‍ എബി കുര്യാക്കോസിന്റെ നേതൃത്വത്തില്‍ അജിത് വട്ടശ്ശേരില്‍, ഷിബിന്‍ കുര്യന്‍ എന്നിവര്‍ ബാള്‍ട്ടിമോര്‍ സെന്റ് തോമസ് ഇടവകയില്‍ വിശുദ്ധ കുര്‍ബാനയ്ക്ക് സംബന്ധിക്കുകയും അതിനുശേഷം നടന്ന ചടങ്ങില്‍ വികാരി ഫാ. കെ. പി. വര്‍ഗീസ് ഏവരേയും സ്വാഗതം ചെയ്തു വിവരണങ്ങള്‍ നല്‍കുകയും ചെയ്തു. ഫാ. കെ. പി. വര്‍ഗീസ് ടീം അംഗങ്ങള്‍ക്ക് എല്ലാവിധ സഹായ സഹകരണങ്ങള്‍ നല്‍കണമെന്ന് ഇടവക ജനങ്ങളോട് അഭ്യര്‍ത്ഥിച്ചു.

എബി കുര്യാക്കോസ് കോണ്‍ഫറന്‍സിന്റെ ചിട്ടയായ പ്രവര്‍ത്തനത്തെപ്പറ്റിയും ഇടവക ജനങ്ങള്‍ക്ക് ലഭിക്കാവുന്ന ആത്മീയ ഉന്നമനത്തെപ്പറ്റിയും കോണ്‍ഫറന്‍സ് വിനോദ ഉപാധികള്‍ക്ക് മുന്‍ തൂക്കം നല്‍കുന്നതിനെക്കുറിച്ചും സംസാരിച്ചു.

ഇടവക സെക്രട്ടറി ബിജോയ് ജോഷ്വാ, കൊച്ചു രാജു എന്നിവര്‍ യോഗത്തില്‍ സന്നിഹിതരാകുകയും റാഫിളിന്റേയും റജിസ്‌ട്രേഷന്റേയും ഉദ്ഘാടനം നിര്‍വ്വഹിക്കുകയും ചെയ്തു. വികാരി ഫാ. കെ. പി. വര്‍ഗീസ് കോണ്‍ഫറന്‍സിലേക്ക് റജിസ്റ്റര്‍ ചെയ്തു. ഇടവകാംഗം തോമസ് ജോര്‍ജ് (അജി) ചടങ്ങില്‍ സന്നിഹിതനായിരുന്നു.

ഫാ. ജോര്‍ജ് മാത്യു (ബെന്നി അച്ചന്‍) ആയിരം ഡോളറിന്റെ ഗ്രാന്റ് സ്‌പോണ്‍സര്‍ ആകാമെന്നു സമ്മതിക്കുകയും ചെയ്തു. ഫിനാന്‍സ് കമ്മിറ്റി അംഗം എറിക് മാത്യു ടീം അംഗങ്ങള്‍ക്കുവേണ്ട സഹായങ്ങള്‍ നല്‍കി. 30 റാഫിള്‍ ടിക്കറ്റുകള്‍ അംഗങ്ങള്‍ക്കിടയില്‍ വിതരണം ചെയ്യുവാന്‍ സാധിച്ചു. സില്‍വര്‍ സ്ട്രിംഗ് സെന്റ് ഗ്രീഗോറിയോസ് ഇടവകയില്‍ നടന്ന ചടങ്ങില്‍ ഫാ. ലാബി ജോര്‍ജ് പനയ്ക്കാമറ്റം ഏവരേയും സ്വാഗതം ചെയ്തു വിവരണങ്ങള്‍ നല്‍കി.

വിശുദ്ധ കുര്‍ബാനയ്ക്കുശേഷം നടന്ന ചടങ്ങില്‍ സുവനീര്‍ ചീഫ് എഡിറ്റര്‍ ഡോ. റോബിന്‍ മാത്യു, ഭദ്രാസന കൗണ്‍സില്‍ അംഗ സജി പോത്തന്‍, ഇടവക സെക്രട്ടറിയും ഫിനാന്‍സ് കമ്മിറ്റി അംഗവുമായ ഡോ. സാബു പോള്‍ എന്നിവര്‍ സന്നിഹിതരായിരുന്നു. ഡോ. റോബിന്‍, സജി എന്നിവര്‍ റജിസ്‌ട്രേഷനെക്കുറിച്ചും സുവനീറിനെക്കുറിച്ചും റാഫിളിനെക്കുറിച്ചും സംസാരിച്ചു. ഇടവകയില്‍ നിന്നും കെ. ജി. തോമസ്കുട്ടി, ഷീബാ മാത്യു എന്നിവര്‍ ആയിരം ഡോളറിന്റെ ഗ്രാന്റ് സ്‌പോണ്‍സര്‍മാരാകുകയും ചെയ്തു. ഇടവക ജനങ്ങളില്‍ നിന്നും സഹായങ്ങള്‍ ലഭിക്കുകയും ചെയ്തു.

ബഥസ്ഥാ ഗ്രീന്‍ ട്രീ റോഡിലുള്ള സെന്റ് ബര്‍ണബാസ് കോണ്‍ഗ്രിഗേഷനില്‍ വിശുദ്ധ കുര്‍ബാനയ്ക്കുശേഷം നടന്ന ചടങ്ങില്‍ വികാരി ഫാ. അനൂപ് തോമസ് ജോര്‍ജ് അധ്യക്ഷനായിരുന്നു. അച്ചന്‍ ടീം അംഗങ്ങളായ സണ്ണി വര്‍ഗീസ്, നിതിന്‍ ഏബ്രഹാം എന്നിവരെ സ്വാഗതം ചെയ്തു വിവരണങ്ങള്‍ നല്‍കി. അച്ചന്‍ കോണ്‍ഫറന്‍സിലേക്ക് റജിസ്റ്റര്‍ ചെയ്തതായി അറിയിക്കുകയും രണ്ട് കോണ്‍ഗ്രിഗേഷന്‍ അംഗങ്ങള്‍ റജിസ്റ്റര്‍ ചെയ്യാമെന്ന് ഉറപ്പു നല്‍കുകയും ചെയ്തു. കോണ്‍ഗ്രിഗേഷന്‍ അംഗങ്ങളുടെ നല്ല സഹകരണത്തിനു കമ്മിറ്റി അംഗങ്ങള്‍ നന്ദി അറിയിച്ചു.

വിര്‍ജീനിയ സെന്റ് മേരീസ് ഓര്‍ത്തഡോക്‌സ് ഇടവകയില്‍ നടന്ന ചടങ്ങില്‍ വികാരി ഫാ. സജി തറയില്‍ ടീം അംഗങ്ങളായ രാജന്‍ പടിയറ, ജോബി ജോണ്‍ എന്നിവരെ സ്വാഗതം ചെയ്തു വിവരണം നല്‍കി.

ഇടവക ട്രസ്റ്റി ബിജു ലൂക്കോസ്, ഇടവക സെക്രട്ടറി ഫെബിന്‍ സൂസന്‍ ജോണ്‍ എന്നിവരും യോഗത്തില്‍ സംബന്ധിച്ചു.

ജോബി ജോണ്‍ റജിസ്‌ട്രേഷനെക്കുറിച്ചും കോണ്‍ഫറന്‍സില്‍ പങ്കെടുത്താല്‍ ലഭിക്കാവുന്ന പ്രയോജനത്തെക്കുറിച്ചും സംസാരിച്ചു. രാജന്‍ പടിയറ റാഫിളിനെക്കുറിച്ചും സുവനീറിനെക്കുറിച്ചും സംസാരിച്ചു. ട്രസ്റ്റി ബിജു ലൂക്കോസ് സുവനീറിലേക്കുള്ള ആശംസകള്‍ ഫാ. സജി തറയിലിനു നല്‍കിക്കൊണ്ട് സുവനീറിന്റെ ഉദ്ഘാടനം നിര്‍വ്വഹിച്ചു.

രാജന്‍ വാഴപ്പള്ളില്‍

Share This Post