ജോയിച്ചന്‍ പുതുക്കുളം
ഫ്‌ളോറിഡ: ഫോമാ 2018 -2020 കാലയളവിലേക്ക് വൈസ് പ്രസിഡന്റ് സ്ഥാനത്തേക്ക് ഫ്‌ലോറിഡയില്‍ നിന്നും ജയിംസ് പുളിക്കല്‍ സ്ഥാനാര്‍ത്ഥിയായി മത്സരരംഗത്തേക്ക് . നവകേരള മലയാളി അസോസിയേഷന്‍ ഓഫ് ഫ്‌ളോറിഡയുടെ മുന്‍ പ്രസിഡന്റാണ് ജയിംസ് പുളിക്കല്‍. 2014- 2015 കാലയളവില്‍ ഇന്ത്യന്‍ കാത്തലിക് അസ്സോസിയേഷന്‍ പ്രസിഡന്റായിരുന്നു . സൗത്ത് ഫ്‌ളോറിഡയില്‍ സാമൂഹികസാംസ്കാരിക രംഗത്ത് സജീവ സാന്നിധ്യമാണ് .
അമേരിക്കയിലുടനീളം വലിയൊരു സുഹൃദ് വലയമുള്ള ജയിംസ് ഫോമയിലെ തന്റെ സുഹൃത്തുക്കളുടെ ശക്തമായ പിന്തുണയാണ് മത്സരംഗത്തേക്ക് കടന്നുവരാന്‍ പ്രേരിപ്പിച്ച ഘടകമെന്ന് പറയുന്നു. ഒരു പതിറ്റാണ്ടിലേറെയായി നവകേരള മലയാളി അസോസിയേഷനിലെ സജീവ പ്രവര്‍ത്തനങ്ങള്‍ ഫോമയിലും പ്രാവര്‍ത്തികമാക്കാന്‍ സാധിക്കുമെന്ന് വിശ്വാസമുണ്ട്.
